Vhuneka hi mitsalo yo yelana

A mitsalo yo yelana yi nga ka Wuhundzuluseli ga misava yiswa ga Bhibhiliya go Basa yi komba kuyelana ku nga kona lomu ka Bhibhiliya hi ku komba man’wani mavhesi ma nyikako mitlhamuselo yo engeteleka. Kasi ku kuma mitsalo yo yelana wona laha ka letra ga gi tsongwani gi kumekako laha tlhelweni ga gezu. Loku u tirisa Bhibhiliya go gandliwa, cuwuka a letra legi gi nga laha tlhelweni ga gezu ka koluna ya laha cikari kasi u kuma mavhesi ma yelanako ni vhesi lego. Lomu ka jw.org kutani ka aplikativho JW Library thitha laha ka letra ga gitsongwani kasi u wona mavhesi ma yelanako ni vhesi lego.

A mavhesi lawo ma nga yelana ni vhesi go kari hi zviyimo zvo kota lezvi zvi landzelako:

Matimu yo fana: A mavhesi lawo ma nga hi komba kun’wani lomu a matimu lawo ma kumekako kona. Hi cikombiso, wona 2 Samuweli 24:1 ni 1 Kronekele 21:1.

Kutshaha: A mavhesi lawo ma komba lomu a fraze kutani magezu yo kari ma sukelako kona. Hi cikombiso, wona Matewu 4:4 ni Dhewuteronome 8:3.

Kutatiseka ka zviphrofeto: A mavhesi lawo ma komba zviphrofeto ni kutatiseka ka zvona. Hi cikombiso, wona Matewu 21:5 na Zakariya 9:9.