Tlhamuselo wa lahasi

b A Biblia gi komba lezaku a kuva ni livalo li basileko a hi zona zoce zi lavekako. Hi xikombiso, Paule i te ngalo: ‘A nzi ti woni na nzi hi ni nanzu wa nchumu; ahembalezoke a nzi hlayelwi loyi a lulamileko hi kota ya lezo; kanilezi loyi a nzi lamulako hi Jehova.’ (1 Va Le Korinte 4:4) Hambu lava va xanisako maKristu, a ku fana ni lezi Paule a nga wa zi mahile kale, va nga ha maha lezo hi livalo li basileko na va alakanya lezaku Nungungulu wa tsaka hi mitiro yabye. Za lisima nguvu lezaku a livalo la hina li hi leli li basileko kuwoneni ka hina ni ka Nungungulu. — Mitiro 23:1; 2 Timote 1:3.