Tlhamuselo wa lahasi

e Xerxes wo Sangula i wa tiveka nguvu hi tshamela gakwe ga ku cica maalakanyo ni kutizwa kwalaha ni kwalaha, niku i wa hi ni tihanyi kambe. A mutsali wa matimu wa muGreki, Heródoto, i tsalile zikombiso zo kari za yimpi ya Xerxes ni vaGreki. A hosi yi lo akisa a bhulaho go deluka ga zitimela le Helesponto. Loku a bhulaho lego gi gohekile hi kota ya bhubhutsa, Xerxes i lo laya lezaku ku tsemiwa tihloko ta lava va nga gi aka a tlhela a ruma a vavanuna vakwe lezaku va “tsayisa” a mati ya Helesponto hi ku ma bungutela na ku leriwa magezu yo rukatela hi gezu go tlakuka. Ka tsima galego, a xikhati lexi a wanuna wo kari wo ganya a nga ya kombela lezaku a n’wana wakwe a ngayi wusochweni, Xerxes i lo laya lezaku a n’wana loye a tsemiwa hi laha xikari, va tlhela va kombisa xirumbi xakwe lezaku xiva xitlharihiso.