Lisimu
Ka muchuli wa “U nga lovisi”. Miktamu* ya Dhavhidha.
58 Mu nga wulawula hi kululama na mu miyele ke?+
N’wina vana va vanhu, mu nga lamula hi nongameto ke?+
2 Wutshan’wini ga lezvo, mu xuxa a kungalulami timbilwini ta n’wina,+
Ni mandla ya n’wina ma hangalasa a tihanyi lomu tikweni.+
3 A vakubiha va hambuka* na va ha hi khwirini;
Vona zvitlula-milayo ni vahembi kusukela kupswaliweni kabye.
4 A wuxungu gabye gi fana ni wuxungu ga tinyoka;+
Zviwiri a ku fana ni vhuwumati yi ti vhalako madema.
5 Yi nga tazwa a gezu ga vasalamusi,
Hambu loku vo ma mahisa kuyini a masalamuso yabye.
6 O Nungungulu, va kunule matino minon’wini yabye!
U tshova ni tihlaya ta tinghala leti,* O Jehovha!
7 Va wa nyamalale a ku fana ni mati ma khulungako.
I wa kondle a wura gakwe a va wisa hi mipaxa yakwe.
8 Ngha va fana ni halavhumba yi nyekako loku yi famba;
Va fana ni n’wanana a pswaliwako na a file, a nga tshukiko a wona a gambo.
9 A timbita na ti nga sezwa a ndzilo wa mavivi ya mimizwa,
I ta swiyela a zvidhavana zvo tsakama ni lezvi zvi vhurako, a ku khwatsi hi loku zvi kukuletwa hi moya wa hombe.+
10 Loyi a lulamileko i ta tsaka hakuva i wonile kuphotelwa;+
A minenge yakwe yi ta cabwatana lomu nkhateni wa vakubiha.+
11 Makunu a vanhu va taku: “Hakunene a valulamileko va kuma nchachazelo.+
Hakunene ku na ni Nungungulu loyi a lamulako laha misaveni.”+