Jeremiya
50 Leyi i mhaka yi nga wuliwa hi Jehovha xungetano hi Bhabhuloni,+ xungetano hi tiko ga vaKaldheya, hi nomu wa muphrofeti Jeremiya, aku:
2 “Huwelelani a mhaka leyi cikari ka matiko, mu yi kanela.
Tlakusani a sinya ya cikombiso, mu kanela mhaka leyo.
Mu nga fihli nchumu!
Wulani muku: ‘Bhabhuloni i khomilwe.+
Bheli i wisilwe tingana.+
Merodhake i chavisilwe.
A zvifananiso zvakwe zvi wisilwe tingana.
A zvifananiso zvakwe zvo nyenyeza* zvi chavisilwe.’
3 Hakuva ku tile tiko hi le n’walungu* gi ta mu vhukela.+
A tiko gakwe i gi mahile giva nchumu wo tshisa;
A ku na munhu a tshamako ka gona.
A vanhu ni zvihari va tsutsumile,
A va ha hi kona.”
4 “Masikwini lawo ni cikhatini leco”, ku wula Jehovha, “a vanhu va ka Izrayeli ni vanhu va ka Judha va ta famba zvin’we.”+ Va ta famba na va rila+ va tlhela va mu hlota zvin’we Jehovha, a Nungungulu wabye.+ 5 Va ta wutisela a ndlela ya kuya Ziyoni a tinghohe tabye na ti cuwukile seyo,+ vaku: ‘Ngonani hi ta bohana na Jehovha ka civhumelwano ca pindzukelwa leci ci to kala ci nga rivaliwi.’+ 6 A vanhu va mina va mahile a ntlhambi wa tiyivhu ti lahlekileko.+ A varisi vabye va va pengisile.+ Va va tekile va va yisa zvitsungeni va ya va pepetsekisa lomu zvitsungeni ni lomu ka zvitsungana. Va rivele a wutshamu gabye ga ku humula kona. 7 Vontlhe lava va nga kumana navo va wo va khadamula.+ A valala vabye va te ngalo: ‘A hi na nandzu hakuva va wonhele Jehovha, va wonhele a wutshamu ga kululama ni kutsumba ka vakokwani vabye, Jehovha.’”
8 “Humani Bhabhuloni mu tsutsuma,
Humani tikweni ga vaKaldheya,+
Mu ku khwatsi mu timhongo ti rangelako ntlhambi.
9 Hakuva ndzi ta vhuxa a hlengeletano ya matiko ya hombe ya le tikweni ga n’walungu
Yi ta vhukela Bhabhuloni.+
Va tata na va folile kasi kulwa naye;
I ta hlulilwa hi kwaseyo.
A mipaxa yabye yi fana ni leyi ya musochwa,
Yi siyako a vapswali na va nga hi na vana;+
A yi tlheli mahala.
10 Kaldheya i ta phangiwa.+
Vontlhe lava va to mu phanga va ta xura”,+ ku wula Jehovha.
Mu wa khana a ku khwatsi i role lomu byanyini go nyuka,
Mu yimba a ku khwatsi mahaxi ya vamatsune.
12 A mamani wa n’wina i wisilwe tingana.+
Loyi a nga mu pswala i khunguvanyekile.
Hi yena wamutsongwani cikari ka matiko,
Ciwula ca tora ni cisapa.+
Ni wihi a to hundza hi Bhabhuloni i ta hlamala,
Aba noti hi kota ya wontlhe makhombo yakwe.+
14 Hlomani mu ta vhukela Bhabhuloni hi matlhelo wontlhe,
N’wentlhe n’wina mu kondlako* a wura.
15 Kanyulukani mu maha guwa ga yimpi mu mu vhukela matlhelweni wontlhe.
I ti nyikele.*
Ti photeleni kakwe.
Mu maheni zvalezvi a nga maha.+
Hi kota ya cipadha ca xapi, a mun’we ni mun’wani i ta tlhelela ka vanhu vakwe,
A mun’we ni mun’wani i ta tsutsuma aya tikweni gakwe.+
17 “A vanhu va ka Izrayeli tiyivhu ti hangalakileko.+ A tinghala ti va hangalasile.+ A kusangula va khadamulilwe hi hosi ya Asiriya,+ ku landzela Nebhukadnezare,* a hosi ya Bhabhuloni, a kutsa a marambu yabye.+ 18 Hikwalaho, Jehovha wa mabutho, a Nungungulu wa Izrayeli, i ngalo: ‘A hosi ya Bhabhuloni ni tiko ga yona ndzi ta yi tsayisisa zvalezvi ndzi nga yi tsayisisa zvona a hosi ya Asiriya.+ 19 Ndzi ta wuyisa Izrayeli wuriselweni gakwe,+ niku i ta gela Karmeli ni Bhaxani.+ I ta* xura lomu zvitsungeni zva Efrayime+ ni Gileyadhe.’”+
20 “Masikwini lawo ni cikhatini leco”, ku wula Jehovha,
“A nandzu wa Izrayeli wu ta lavetelwa,
Kanilezvi wu tava hava,
Ni zviwonho zva Judha zvi nga ta kumiwa,
Hakuva ndzi ta tsetselela lava ndzi to va siya.”+
21 “Kandziha u ya dhumela a tiko ga Meratayime ni vahanyi va Pekodhe.+
Va wa hlaselwe va chindziwa va ku bhi”,* ku wula Jehovha.
“Maha zvontlhe lezvi ndzi ku layileko.
22 Ku zwala a guwa ga yimpi lomu tikweni,
A khombo ga hombe.
23 Zvi mahisile kuyini a ku a hamela leyi yi nga hlasela a misava yontlhe yi tsemiwa yi tlhela yi tshoveletelwa!+
Zvi mahisile kuyini a ku Bhabhuloni ava nchumu wo tshisa cikari ka matiko!+
24 Ndzi ku dembele ntlhamu wena Bhabhuloni,
U phasiwa na u nga zvi tivi.
U kumilwe, u khomiwa,+
Hakuva hi Jehovha u mu vhukeleko.
25 Jehovha i vhululile a matshala yakwe,
Niku i ta humesa matlhari ya zanga yakwe.+
Hakuva Jehovha wa mabutho, a Hosi ya Hombe, i na ni ntiro
Tikweni ga vaKaldheya.
26 Tanani hi matshan’wini ya le kule mu ta mu vhukela.+
Vhululani a zvihlangala zvakwe.+
Mu wungeleteleni a ku khwatsi tinhulu ta timbewu.
Ku nga sali wo sala.
27 Hihiritani a zvihon’wana zvakwe zvontlhe;+
Zvi wa relele zviya kudaweni.
Khombo ga zvona, hakuva a siku ga zvona gi chikele,
A cikhati ca kutsayisiwa ka zvona!
28 Ku zwala guwa ga lava va tsutsumako,
Lava va hulukako tikweni ga Bhabhuloni,
Kasi va huwelela le Ziyoni a kutiphotela ka Jehovha, a Nungungulu wa hina,
Loyi a photelako a tempeli yakwe.+
Govani matlhelweni yakwe; mu nga tsiki munhu a huluka.
Mu tlheliseleni hi kuya hi mitiro yakwe.+
Mu maheni zvalezvi a nga maha.+
Hakuva i ti kukumukisile a vhukela Jehovha,
A vhukela Loyi a Basileko wa Izrayeli.+
30 Hikwalaho, a majaha yakwe ma ta mbambamela lomu maprasa* yakwe,+
Ni masochwa yakwe wontlhe ma ta lova* ka siku lego”, ku wula Jehovha.
31 “Ndzi yimekelene na wena+ nyamatshandza ndziwena”,+ ku wula a Hosi ya Hombe, Jehovha wa mabutho,
“Hakuva a siku ga wena gata, a cikhati leci ndzi to ku tsayisa hi cona.
32 Wena nyamatshandza ndziwena u ta ti gumula uwa,
U nga kumi wa ku ku vhuxa.+
Ndzi ta lumekela ndzilo madhoropeni ya wena,
Wu hisa zvontlhe zvi nga matlhelweni ya wena.”
33 Jehovha wa mabutho i ngalo:
“A vanhu va ka Izrayeli ni va ka Judha va xanisiwa,
Niku vontlhe lava va va khomileko a va va tsiki.+
Va ala ku va tlhatlha va famba.+
34 Kanilezvi a Mutlhatlhisi wabye i na ni ntamu.+
A vito gakwe hi Jehovha wa mabutho.+
Hakunene i ta yimela a mhaka yabye+
Kasi a gi nyika kurula a tiko,+
Ni ku neha gujeguje ka vahanyi va Bhabhuloni.”+
35 “Ku tata cipadha ci ta vhukela vaKaldheya,” ku wula Jehovha,
“Ci ta vhukela a vahanyi va Bhabhuloni, ni tihosana takwe, ni titlhari takwe.+
36 Ku tata cipadha ci ta vhukela a vaphrofeti va mawunwa* niku va ta maha zvilo zva wupumbu.
Ku na ni cipadha ci vhukelako a masochwa yakwe niku ma ta chava.+
37 Ku tata cipadha ci ta vhukela mahaxi yabye ni tikareta tabye ta yimpi,
Ni tontlhe a tixaka to hambanahambana ti nga cikari kakwe,
Niku va ta ku khwatsi vavasati.+
Ku na ni cipadha ci vhukelako a titshomba takwe, niku ti ta phangiwa.+
38 Ku tata kulovisa hehla ka mati yakwe niku ma tapswha.+
Hakuva i tiko ga zvifananiso zvi kehlilweko,+
Niku hi kota ya miwoniso yabye yo chavisa, va maha zvilo zva wupumbu.
39 Hikwalaho, a zvihari zva lomu ciwuleni zvi ta tshama ni zvihari zva ku wukula,
Ku nga ta ha tshuka ku hanya munhu lomo,
Ne a nga kona a to aka kona zvizukulwaneni zvontlhe.”+
40 “A ku khwatsi hi lezvi zvi nga maheka a cikhati leci Nungungulu a nga hahlula Sodhoma ni Gomora+ ni madhoropa ya laha kusuhani nawo”,+ ku wula Jehovha, “a ku na munhu a to tshama kona ne hambu ku aka kona.+
41 Kata vanhu hi le n’walungu;
Ku ta vhuxiwa a tiko ga hombe ni tihosi ta ntamu+
Hi le magemeta-musi ya misava.+
42 Va welele mawura ni matlhari.+
Va na ni xapi niku va nga ta zwela wusiwana.+
A guwa gabye gi fana ni bimbi gi bhongako,+
Laha va fambako hi mahaxi yabye.
Va bohene va fola kasi va talwa na wena, wena nhanyana wa Bhabhuloni.+
Ya karateka,
Yizwa kubayisa ko fana ni ka wasati a pswalako.
44 “Ku tata a munhu a ta vhukela a wuriselo go rula, a ku khwatsi i nghala yi humako khwatini go tlhuma ga Jordhani, kanilezvi hi cikhatanyana ndzi ta va maha va mu tsutsuma. Ndzi ta yimisa loyi a hlawulilweko lezvaku a mu fumela.+ Hakuva himani a fanako na mina? Niku himani a nga phikizanako na mina? Himani murisi a nga yimako mahlweni ka mina?+ 45 Hikwalaho, n’wina vanhu, zwanani a kungo* ga Jehovha hi Bhabhuloni+ ni lezvi a alakanyelako ku maha a tiko ga vaKaldheya.
Hakunene a tiyivhana ta ntlhambi ti ta roroviselwa tiya kule.
A wutshamu gabye i ta gi maha ciwula hi kota yabye.+
46 A misava yi ta tsekatseka hi guwa ga kutekiwa ka Bhabhuloni,
Ni cirilo ci ta zwala lomu matikweni.”+