-
I lo gonza hi zihoxo zakwePimanyisa a kukholwa kabye
-
-
12. a) Hikuyini hi nga faneliko ku tsutsumela ku lamula Jona hi lezi a nga etlela a xikhati lexi a mheho yi nga kari yi bhubhutsa? (Wona kambe a tlhamuselo wa lahasi.) b) Xana Jehova i tivisisile kuyini a xigelo xa bhubhutsa?
12 Na a alakanya lezaku a nge mahi nchumu kasi ku vuna a vamarinyero, Jona i lo relela le hasi ka xitimela a ya lava wutshamu ga ku etlela. I lo etlela wurongo ga tshongotshongo.b A murangeli wa xitimela i lo thumba Jona na a etlela, a mu vuxa, a mu khongotela lezaku a khongela ka nungungulu wakwe, a ku fana ni lezi a vanwani va nga kari va maha. Na va kholwa lezaku a bhubhutsa lego gi wa nga hi ga halahala, a vamarinyero va lo hlahluva kasi ku tiva loyi a nga va vangela a khombo lego. Handle ko kanakana, Jona i chavile nguvu laha a nga wona tihlolo na ti nga khomi ni munwe wa vavanuna lavo. Khalekhale a lisine li lo tiveka. Jehova i lo maha lezaku a tihlolo ti khoma Jona, a zi kombisa kubaseni lezaku hi Yena a nga kari a vanga bhubhutsa hi kota ya kungaingisi kakwe. — Gonza Jona 1:5-7.
-
-
I lo gonza hi zihoxo zakwePimanyisa a kukholwa kabye
-
-
b A Septuaginta gi engetele a magezu ya lezaku Jona i waba ni zingoro, kasi ku khanyisa lezaku i wa etlele wurongo ga tshongotshongo. Kanilezi, wutshanwini ga ku alakanya lezaku Jona i yile a ya etlela hi lezi a nga kala a nga khatali hi lezi zi nga wa ta humelela yena ni vanhu vanwani, hi fanele ku alakanya lezaku ka zikhati zo kari a vanhu lava va mbhelileko nguvu ntamu va tala kuzwa wurongo. Ka tihora ta kukarateka nguvu ka Jesu le sinwini ga Getsemane, Pedro, Jakobe, na Johani va “etlele hi kuxaniseka.” — Luka 22:45.
-