A cikhati leci Jesu, na Pedro, na Jakobe, na Johani va nga relela hi le citsungeni, va no ya kuma vanhu vo tala. A cikatawu ci wa tlimbile! Ku wa hi ni vaTsali va nga randzele vapizani va Jesu va va holovisa. Laha a vanhu va nga wona Jesu va no hlamala, va tsutsuma va ya mu losa. Jesu i no va wutisa aku: “Mu kanetisana navo hi yini ke?” — Marku 9:16.

Ko khwatsi a vatsali va wo poyilela a vapizani va Jesu va tlhela va va hleka hi lezvi va nga tsandzekile ku hlongola a dhimoni legi gi nga hi ka mufana loye. Jesu a nga tekelangi ku hlamula a papayi wa kona a nga bayisekile, kanilezvi i no wutisa vanhu aku: “Cizukulwana ci nga kholwiko, co biha, ku ta kala rini ndzi hi na n’wina, ni ku timisela ha n’wina ke?” Handle ko kanakana a magezu lawo ya ntamu, ma wa wula vatsali hi lezvi va nga tseketsela vapizani vakwe na a nga hi kona. Makunu i no guma a byela a papayi wa kona, loyi a nga bayisekile aku: “Neha a n’wana wa wena laha.” — Luka 9:41.