7, 8. Xana hi ta ti hlamulela ka Jehova hi kota ya magezu ya matshamela muni?

⁷ A xigelo xa wunharu xa kuva hi ti khoma kuwulawuleni hi lezaku hi ta ti hlamulela ka Jehova hi kota ya magezu ya hina. Lezi hi li tirisisako zona a lirimi la hina a zi khumbi ntsena a kuzwanana ka hina ni vanhu-kulori kanilezi zi khumba a xiyimeko xa hina mahlweni ka Jehova kambe. Jakobe 1:26 i ngalo: “Loku a hi kona loyi a alakanyako ku ngalo mukholwa, na a nga khomi lirimi lakwe, kanilezi a khohlisa mbilu yakwe, a kukholwa ka munhu loye a ku vuni nchumu.”b Kota lezi hi zi wonileko ka xipimo lexi xa ha hi ku hunzako, a kuwulawula ka hina a ku hambani ni wukhozeli ga hina. Loku hi nga khomi a lirimi la hina — hi li tsika li humesa magezu yo tlhava, ni ya venene — a mitiro ya hina yontlhe ya wuKristu ya zi kota ku nga vuni nchumu mahlweni ka Nungungulu. Xana lexo a hi xigelo xo zwala xa kuva hi chela kota hi kuwulawula ka hina? — Jakobe 3:8-10.