A bhuku ga Kuvululelwa 11:3 gi wulawula hi vakustumunyu vambiri lava va wa nga ta profeta hi 1.260 wa masiku. Hi kulanzela, a matimu lawo ma wula lezaku a xihari xi wa ta “va hlula, xi va daya.” Kanilezi anzhako ka “masiku manharu ni khihlanya,” a vakustumunyu lavo va vambiri va wa ta vuxiwa, zi vanga kuchava ka hombe ka lava va nga wa ta zi wona. — Kuv. 11:7, 11.

Hi wihi a nchumu wu kotlanisako mabhuku lawa? A ginwe ni ginwani gi wulawula hi vatotilweko va Nungungulu lava va rangeleko xikhatini xa kuringwa ka hombe. Hikwalaho, kota kutatiseka ka xipimo 11 xa bhuku ga Kuvululelwa, a vatotilweko lava va nga sangula ku rangela xikhatini xa kuyimiswa ka Mufumo wa Nungungulu le tilweni hi 1914, va xumayele hi malembe manharu ni khihlanya “na va ambele tinguwo ta tisakwa.”