“Mawonela ya ku nyikela marevista hi . . . ”

Hweti ni hweti hi na ni xipanze Mutlhanganweni wa Ntiro xi wulawulako hi ku nyikela marevista. A kungo ga xona a hi ku kambisisa timhaka ta marevista lawo. Kanilezi xi mahelwe kuva hi nyikana mawonela xungetano hi ndlela ya ku nyikela marevista lawo. Hikwalaho, kota lezi a zileletelo zi wulako, a makabye loyi a avelweko a xipanze lexi, i maha xingheniso xo koma nguvu kasi ku vuxa manyawunyawu hi marevista lawo. Anzhako ka lezo, i kombela mawonela ya vahuweleli ka nzima yinwe (kutani xaxamelo wa tinzima), ku hi kona a hunzako aya ka yinwani, kasi vontlhe va zi kota ku lanzela va tlhela va tsala a mawonela lawa va lavako ku ma tirisa. Wutshanwini ga ku kombela ku a vaingiseli va hlawutela a xingheniso xontlhe, i kombela mawonela yo hambanahambana xungetano hi xiwutiso xi vuxako kutsakela a tlhela a kombela mawonela xungetano hi mutsalo lowu wu nga gonziwako. Hi kugumesa, i mahisa mukombiso wa revista ginwe ni ginwani. Hi kuciwa ku kambisisa a marevista lawo na ka ha hi mahlweni hi tlhela hi longa ku ya nyika mawonela ya hina. Loku hontlheni hi ti longisela khwatsi, a xipanze lexi xi ta hi vuna ku lotana tinghohe. — Mav. 27:17, Tradução do Novo Mundo.