3. Hikuyini a kuva munhu wa moya zi nga za lisima, niku hi nga gi kumisa kuyini?

³ Wumoya: Ahandle ka lezo, za lisima nguvu a kuva a nanza laha bandleni giva ga moya ku hunza kuva ni wutivi go hlawuleka ga ku maha zilo kutani kuva ni wutlhari ga mabeleko. A wanuna wa moya i wona zilo kota lezi Jehova na Jesu va zi wonisako zona. (1 Kor. 2:15, 16) I kombisa a ‘mbhanzu wa moya.’ (Gal. 5:22, 23) Muxumayeli wo hiseka loyi a rangisako Mufumo wutomini gakwe. (Mat. 6:33) U nga kuma matshamela ya moya hi kuva ni xigonzo xa munhu wutsumbu xo khanzakanya. Lezo zi patsa ku gonza a Biblia siku ni siku, ku gonza Murinzeli munwe ni munwani zinwe ni Despertai! ga kona, ku ti longisela ni ku nyika mihlamulo mitlhanganwini ya bandla. (Tis. 1:1, 2; Maheb. 10:24, 25) Laha a nga kuca Timote lezaku a kula hi tlhelo ga moya, Paule i te ngalo: “Pangama . . . kugonziseni ka wena.” (1 Tim. 4:15, 16) Hikwalaho, ti karatele ku longisela khwatsi a tikanelo ta wena Xikoleni xa Wutireli ga Nungungulu. Na u nga seya wutirelini ranga hi ku ti longisela u tlhela u huma simu hi kukhanzakanya. Ti vekele mixuvo ya moya yo kota ntiro wa wuphayona ga xikhati xontlhe, ntiro wa Beteli, kutani ku gonza a Xikola xa Biblia xa Vamakabye va Magwenza. A kuva munhu wa moya zi ta ku vuna ku potsa “kumbilukela ka lava vaswa.” — 2 Tim. 2:22.

Timhaka-tshinya ta ntiro wa simu

Kusukela loku ku sangulile a ntiro wa ku hlola a tiSalawu ta Mufumo makhati mambiri hi lembe hi vanhu va gonzisilweko a ntiro lowu, hi Fevereiro, ku lungisilwe a 48 wa tiSalawu ta Mufumo. Hambu lezi a tihora leti va mbhetako ti nga bikiwiko kota ta ntiro wa simu, a ku lungisa tiSalawu ta Mufumo i ntiro wo basa lowu loku hi wu patsa ni mizamo leyi hi yi mahako ntirweni wa simu wu dumisako Jehova ni ku koka vanhu va timbilu ti nene va nghena wukhozelini ga lisine.