CIGONDZO 1

Sangula mabhulo hi ndlela yi kokako kupima

Mitiro 17:22

LEZVI U FANELEKO KU MAHA: A magezu ya wena yo sangula ma fanele ku koka kupima, ma dlunyatisa a mhaka leyi u lavako ku wulawula hi yona, ma tlhela ma komba lava u bhulako navo a ku hikuyini va faneleko ku chela kota ka wona.

U TA ZVI MAHISA KUYINI?

Koka kupima ka lava va ku zwako. Hlawula ciwutiso, mhaka, tshango ga zvilo zvi mahekileko, kutani mahungu ya tiko lawa ma to koka kupima ka lava va ku zwako.

Ranga u alakanyela khwatsi lezvi zvi tsakisako lava va ku zwako ni lezvi zvi va karatako, u gumesa u zwananisa magezu ya wena yo sangula ni zvilo lezvo.
Dlunyatisa a mhaka leyi u lavako ku wulawula hi yona. Ti karatele ku a magezu ya wena yo sangula ma dlunyatisa a mhaka ni kungo ga mabhulo ya wena ka lava va ku zwako.
Komba a lisima la mhaka leyo. Zwananisa a magezu ya wena ni lezvi zvi karatako lava va ku zwako. Va fanele ku zvi zwisisa khwatsi lezvi a mhaka leyo yi to va vhunisa zvona vona wutsumbu.

A cikhati leci u longiselako a kanelo, ti wutise lezvi: ‘Zvikarato muni lezvi a vamakabye bandleni ga mina va kumanako nazvo?’ Andzhako ka lezvo, zwananisa a magezu ya wena yo sangula ni lezvi zvi va karatako.