Kasi u vhuneka hi zvigondzo lezvi zva Bhibhiliya . .
Kombela munhu a ku gondzisa: Kombela loyi a nga ku nyika broxura legi lezvaku a ku gondzisa, kutani ku kombela cigondzo ca Bhibhiliya lomu ka saite ya hina ya jw.org.
CIPANDZE CO SANGULA
Lera paragrafo ni paragrafo, a ku patsa ni zviwutiso zvi timisilweko (A) ni mitsalo (B) lezvi zvi kombako timhaka-tshinya. Wona lezvaku a mitsalo yo kari yi tsalilwe ku “lera”.
CIPANDZE CA LAHA CIKARI
A magezu yo sangula (C) laha kaku Gondza zvi eta, ma tlhamusela lezvi zvi to landzela. A zvihlokwana zva mhaka (D) zvi komba timhaka-tshinya. Lera mitsalo, u hlamula zviwutiso, u tlhela u sixtira tivhidhio (E).
Cuwuka mifota ni magezu ya yona (F), u tlhela u ehleketa hi lezvi u nga hlamulisako zvona laha kaku A vokari ve (G).
CIPANDZE CO GUMESA
A Rezumo ni Zviwutiso zva kuvhuxeta (H) zvi songa cigondzo leco. Tsala siku legi u nga mbheta hi gona cigondzo leco. A T.P.C. (I) yi ku komba zvokari u fanelako ku tirela ka zvona. A cipandze Gondza zvin’wani (J) ci ku komba mahungu man’wani ya ku u nga lera kutani ku sixtira loku u zvi lava.
Lezvi u nga ma kumisako zvona a mavhesi ya Bhibhiliya
A mitsalo yi kombisiwa hi bhuku ga Bhibhiliya (A), ni cipimo (B), ni vhesi kutani mavhesi (C). Hi cikombiso, Johani 17:3 i bhuku ga Johani, cipimo 17, vhesi 3.