CIWUTISO 17
A Bhibhiliya gi nga wu vhunisa kuyini a ngango wa wena?
NUNA/PAPAYI
“Hi kufanana, a nuna i fanele ku randza sati wakwe a ku khwatsi hi lezvi a wu randzisako zvona a miri wakwe. A wanuna loyi a randzako a sati wakwe, wa ti randza wutsumbu, hakuva i hava a tshukileko a venga a miri wakwe, kanilezvi wa wu wundla ni ku wu tshotshota . . . A mun’we ni mun’wani wa n’wina i fanele ku randza a sati wakwe a ku fana ni lezvi a ti randzisako zvona”.
“Vapapayi, mu nga zangarisi vanana va n’wina, kanilezvi simamani ku va wundla hi kulaya ni gondziselelo ya Jehovha.”
SATI
“A sati i fanele kuva ni cichavo co eta hi nuna wakwe.”
“Wena sati, ti koramise ka nuna wa wena kota lezvi zvi faneleko Hosini.”
VANA
“Vanana, ingisani vapswali va n’wina Hosini, hakuva lezvo zvi lulamile. ‘Kombisa cichavo ka papayi wa wena ni ka mamani wa wena’ — lowu hi wona a nayo wo sangula wu nga ni citsumbiso: ‘Kasi zvi ku fambela khwatsi, u hanya cikhati co leha laha misaveni.’”
“N’wina vanana, ingisani vapswali va n’wina zvilweni zvontlhe, hakuva lezvo zva xalalisa Hosi.”