CIWUTISO 6
Zvini lezvi a Bhibhiliya gi phrofetileko xungetano hi Mesiya?
CIPHROFETO
“Wena Bhetlehema Efrata, . . . hi ka wena ku ta huma loyi a to ndzi mahela hosi ya Izrayeli.”
KUTATISEKA
“Andzhako ka loku Jesu a pswalilwe le Bhetlehema wa Judhiya masikwini ya hosi Herodhi, a vahlahluvi va tirisako tinyeleti va le Mutsuwuka-gambo va nota Jerusalema.”
CIPHROFETO
“Va avelene a tinguwo ta mina, vaba tihlolo va bela a nguwo ya mina.”
KUTATISEKA
“Andzhako ka loku a masochwa ma belele Jesu laha mhandzeni, ma no teka tinguwo takwe ma ti avanyisa hi mune wa zvipandze . . . Kanilezvi a nghanju leyo yi wa nga rungiwangi, yi wa lukilwe kusukela hehla kala hasi. Ma no byelana, maku: ‘Hi nga handzuleni, a hi beni tihlolo kasi hi tiva ku yi tava ya mani.’”
CIPHROFETO
“Wa hlayisa a marambu yakwe wontlhe; a ku na rambu ni gin’we gi tshovilweko.”
KUTATISEKA
“A cikhati leci ma nga chikela ka Jesu, ma no wona lezvaku i wa sina a file, hikwalaho a ma mu tshovangi minenge.”
CIPHROFETO
“I no tlhaviwa hi kota ya zvihambunyeto zva hina”.
KUTATISEKA
“A gin’we ga masochwa gi no mu tlhava laha reveni hi tlhari, ku tekela ku huma nkhata ni mati.”
CIPHROFETO
“Va no ndzi hakhela muholo wa mina wa 30 wa zvingerengere zva prata.”
KUTATISEKA
“Makunu a mun’we wa lava va 12, a vitaniwako ku hi Judhasi Iskariyoti, i noya ka vapristi lava va tihosana, a yaku: ‘Mu ta ndzi nyika yini loku ndzi mu nyikela ka n’wina ke?’ Va no mu tsumbisa a 30 wa zvingerengere zva prata.”