CIGONDZO 41

Zvini lezvi a Bhibhiliya gi wulako xungetano hi kuhlengela masango?

Ka bhuku go gandliwa

A vanhu vo tala a va tlhatlheki ku wulawula xungetano hi masango. Kanilezvi loku a Bhibhiliya gi wulawula hi ta masango, gi maha lezvo na gi nga jikajiki, hambulezvo hi ndlela ya cichavo. Lezvi gi wulako zva hi vhuna. Lezvo zva zwala hakuva a Bhibhiliya gita hi ka Jehovha, a Muvangi wa hina. Yena wa zvi tiva lezvi zvi nga zvinene ka hina. I hi byela lezvi hi faneleko ku maha kasi hi mu tsakisa ni lezvi zvi to hi vhuna a ku ti buza hi wutomi kala kupindzuka.

1. Jehovha i ku wonisa kuyini a kuhlengelwa ka masango?

A kuhlengela masango cinyikiwo ci tako hi ka Jehovha. Jehovha i lava ku a kuhlengela masango zvi neha litsako ka wanuna ni wasati va chadhileko. A cinyikiwo leci a ci mahelwangi ku a vanhu va chadhileko va pswala vana basi, kanilezvi ci tlhela ci va vhuna a ku kombisana lirandzo hi ndlela ya ntumbuluko ni yo tsakisa. Hi caleco ci mahako a Mhaka ya Nungungulu yi wula lezvi: “Tsaka ni sati wa wujaha ga wena.” (Mavingu 5:18, 19) Jehovha i lava ku a maKristu ma chadhileko ma tsumbeka ka nuna kutani sati wabye kasi va nga tshuki va maha wubhayi. — Lera Mahebheru 13:4.

2. Cini a wubhayi?

A Bhibhiliya gi hi byela ku “a zvibhayi . . . [zvi] nga taga a tshomba ya Mufumo wa Nungungulu”. (1 Va Le Korinte 6:9, 10) A vatsali va Bhibhiliya, lava va nga tsala hi ciGreki va tirisile a gezu porneía kasi ku tlhamusela a wubhayi. A gezu lego gi patsa 1) kuhlengelwa ka masangoa hi vanhu va kalako va chadhangi, ni 2) kuhlengelwa ka masango hi vanhu va zviro zva wubeleki zvo fana, ni 3) kuhlengelwa ka masango ka munhu ni cihari. Hi tsakisa Jehovha hi tlhela hi vhuneka hina venyi loku hi “tsika wubhayi”. — 1 Va Le Tesalonika 4:3.

GONDZA ZVI ETA

Wona lezvi u nga potsisako zvona a wubhayi ni lezvi u nga vhunekisako zvona hi ku simama na u basile hi tlhelo ga mahanyela.

Hi Josefa a tsutsumako a sati wa Potifare. A wasati loye i sele na a khomile a nguwo ya Josefa lomu mandleni.

3. Tsutsuma wubhayi

A wanuna wo tsumbeka wa ku hi Josefa i no ala ku etlela ni wasati loyi a nga lava ku etlela naye. Lerani Genesisi 39:1-12, mu gumesa mu bhula hi zviwutiso lezvi:

Cini ci nga maha ku Josefa a tsutsuma? — Wona vhesi 9.
U alakanya ku Josefa i mahile a ciboho ca cinene? Hikuyini?

A vaswa va nga mu pimanyisisa kuyini Josefa va tsutsuma a wubhayi nyamutlha? Bisani VHIDHIO.

VHIDHIO: Chava wubhayi (5:06)

Jehovha i lava ku hontlheni hi ala a wubhayi. Lerani 1 Va Le Korinte 6:18, mu gumesa mu bhula hi zviwutiso lezvi:

Zviyimo muni zvi nga mahako munhu a wela wubhayini?
U nga tsutsumisa kuyini a wubhayi?

4. U nga zvi hlula zviringo

Zvini zvi nga mahako ku zvi karata a ku hlula a ciringo ca ku maha wubhayi? Bisani VHIDHIO, mu gumesa mu bhula hi ciwutiso ci landzelako.

VHIDHIO: A kugondza Bhibhiliya zva vhuna kulwa ni zviringo (3:02)

Zvini lezvi a makabye loyi hi nga mu wona a nga maha a cikhati leci a nga pola ku a zvilo zvo kari lezvi a nga zvi pimisa ni ku zvi maha zvi wa ta mu maha a nga tsumbeki ka sati wakwe?

Ka zvikhati zvo kari, hambu maKristu yo tsumbeka ma kulula ma n’watseka kasi ma simama kuva ni maalakanyo ma basileko. U nga zvi potsisa kuyini a ku tshama hi ku alakanyela a zvilo zvo kala ku hlazveka? Lerani Va Le Filipi 4:8, mu gumesa mu bhula hi zviwutiso lezvi:

Zvilo zvo tshamisa kuyini hi faneleko ku ehleketa hi zvona?
A ku lera Bhibhiliya ni ku tshama hi khomekile ntirweni wa Jehovha zvi hi vhunisa kuyini a ku hlula a zviringo?

5. A milayo ya Jehovha yi mahelwe ku vhuna hina

Jehovha wa zvi tiva lezvi zvi nga zvinene ka hina. I hi byela lezvi hi nga mahako kasi hi simama hi basile hi tlhelo ga mahanyela ni lezvi hi vhunekisako zvona hi ku maha lezvo. Lerani Mavingu 7:7-27 kutani bisani VHIDHIO, mu gumesa mu bhula hi zviwutiso zvi landzelako.

VHIDHIO: Jaha gi nga kala gi nga hi na kupimisisa (9:31)

A jaha legi gi ti petisile kuyini ciringweni? — Wona Mavingu 7:8, 9.
Hi kuya hi Mavingu 7:23, 26, a wubhayi gi nga hi maha hi tshovela mihandzu yo bava. Zvikarato muni hi to zvi potsa loku hi simama hi basile hi tlhelo ga mahanyela?
A ku simama hi basile hi tlhelo ga mahanyela zvi nga hi vhunisa kuyini a ku ti buza hi wutomi kala kupindzuka?

A vanhu vo kari va alakanya ku lezvi a Bhibhiliya gi zvi wulako xungetano hi ku a vanhu va ciro ca wubeleki co fana va hlengela masango a zvi kombi lirandzo. Kanilezvi, Jehovha i Nungungulu wa lirandzo niku i lava lezvaku a vanhu vontlhe va ti buza hi wutomi kala kupindzuka. Kasi lezvo zvi koteka, hi fanele ku hanya na hi landzela a milayo yakwe. Lerani 1 Va Le Korinte 6:9-11, mu gumesa mu bhula hi ciwutiso leci:

Hi kuya hi mawonela ya Nungungulu, hi fanele ku potsa basi a kunavela ka ku hlengela masango ni munhu wa ciro ca wubeleki co fana?

Kasi hi tsakisa Nungungulu, hontlheni hi fanele ku cica zvokari wutomini. A ku zva vhuna a ku ti karata hi maha lezvo? Lerani Lisimu 19:8, 11, mu gumesa mu bhula hi zviwutiso lezvi:

U alakanya ku a milayo ya Jehovha ya mahanyela ya olova? Hikuyini?

Collage: 1. I nhanyana a nga kala ku tsaka a nga tshama kusuhani ni cigango cakwe. A nhanyana loye onwa ni ku dzaha ni vanghana vakwe lomu dhiskoteka. 2. I nhanyana yaloyi wa mun’we makunu a bhulako ni van’wani vamakabye va cisati na tsakile le Salawini ya Mufumo.. — Jehovha i vhunile votala a ku va zvi kota ku ingisa milayo yakwe ya mahanyela. A nga ku vhunawo

A VOKARI VE: “A zvi bihangi ku a munhu a hlengela masango ni wihi munhu a mu randzako.”

U wa ta hlamulisa kuyini?

LEZVI HI NGA GONDZA

A kuhlengela masango cinyikiwo ci tako hi ka Jehovha kasi a nuna ni sati va ti buza hi cona.

Zviwutiso zva kuvhuxeta

Cini wubhayi niku gi patsa yini?
Zvini zvi to hi vhuna ku potsa wubhayi?
Hi vhunekisa kuyini a cikhati leci hi landzelako a milayo ya Jehovha ya mahanyela?

Ndzi mbhetile a cigondzo leci hi dhiya:

Zama ku maha lezvi

Khoma a mutsalo wun’we kutani yimbiri ya cigondzo leci hi hloko yi to ku vhuna kulwa ni zviringo zva ku wela wubhayini.

Zvin’wani:

Your other goal

GONDZA ZVIN’WANI

Gondza u tiva ku hikuyini Nungungulu a wulako ku a wanuna ni wasati lava va lavako ku hanya zvin’we va fanele ku chadha.

“Zvini lezvi a Bhibhiliya gi wulako hi ku a wanuna ni wasati va hanya zvin’we na va nga chadhangi?” (Ndzima yi nga ka jw.org)

Gondza u tiva ku hikuyini lezvi a Bhibhiliya gi gondzisako ku a hanyela ga ku hlengela masango ni munhu wa ciro ca wubeleki co fana gi bihile a zvi wuli ku hi fanele ku va venga a vanhu lava va hanyisako lezvo.

“Zvi bihile a ku famba masango ni wanuna-kuloni kutani wasati-kuloni?” (Ndzima yi nga ka jw.org)

Gondza u tiva lezvi a milayo ya Nungungulu xungetano hi kuhlengela masango yi hi vhikelisako zvona.

“A ku hlengela masango hi nomu hakunene ku kuhlengela masango?” (Ndzima yi nga ka jw.org)

Ka ndzima yi nge: “Va ndzi khomile khwatsi,” wona lezvi zvi kucileko a munhu wo kari a nga kari hlengela masango ni munhu wa ciro ca wubeleki co fana a ku cica wutomi gakwe kasi a tsakisa Nungungulu.

“A Bhibhiliya ga cica wutomi ga vanhu” (A Murindzeli wa 1 ka Abril wa 2011)

a A tindlela ta kuhlengela masango leti ti betelwako hi Bhibhiliya ti patsa a kuhlengelwa ka masango hi vanhu va kalako va nga chadhangi, ku hlengela masango hi nomu, ku hlengela masango hi laha ko ti ruma hi kona ka le ndzhako ni ku khomakhoma zviro zva wubeleki zva mun’wani kasi ku mu vhuxela a manyawunyawu ya masango.