MIHLAMULO YA BIBLIA

Kasi Diabolus i tile hi kwihi?

Nungungulu a hi yena a nga vanga Diabolus. Kanilezi, Nungungulu i vangile a ngelosi leyi yi nga guma yi ti maha Diabolus, yi tiviwako kambe kota Satani. Jesu i kombile lezaku hi xikhati xo kari Diabolus i’ve xivangwa xo tsumbeka xi nga hiko na nanzu. Hikwalaho, kusanguleni Diabolus i wa hi n’wana kutani ngelosi yo lulama ya Nungungulu. — Gonza Johani 8:44.

Zi mahisile kuyini ku a ngelosi yi maha Diabolus?

A ngelosi leyi yi hunzukileko yiva Diabolus yi lo hlawula ku ti maha nala wa Nungungulu yi tlhela yi xengetela a patswa wo sangula wa vanhu lezaku wu ti patsa nayo. Hi ndlela leyo i lo ti maha Satani, zi wulako ku “Mukaneti.” — Gonza Genesisi 3:1-5; Kuvululelwa 12:9.

A ku fana ni zivangwa lezi zinwani zi pimisako za Nungungulu, a ngelosi leyi yi mahileko Diabolus yi wa tlhatlhekile lezaku yi hlawula ku maha za zi nene kutani zo biha, kanilezi yi lo navela ku khozelwa. A kunavela ka yona ka ku lava wudzunzo ku wa hi ka hombe ku hunza a kunavela ka yona ka ku lava ku tsakisa Nungungulu. — Gonza Mateu 4:8, 9; Jakobe 1:13, 14.

Zini lezi Diabolus a simamako ku zi maha ka vanhu? Xana u fanele ku mu chava? A mihlamulo ya ziwutiso lezi u nga yi kuma lomu ka Biblia.