MIHLAMULO YA BIBLIA

Xana za koteka ku zwisisa a Biblia?

A Biblia i Mhaka ya Nungungulu. Gi fanana ni papilo ga raru wa liranzo. (2 Timote 3:16) Lomu ka Biblia, Nungungulu i tlhamusela lezi hi nga mu tsakisisako zona, xigelo xa kuva a vumelela a kubiha, ni lezi a to mahela vanhu xikhatini xi tako. Kanilezi a varangeli va wukhongeli va soholotela a tigonzo ta Biblia; hikwalaho, a vanhu vo tala va alakanya lezaku va nga ta tshuka va zwisisile a Biblia. — Mitiro 20:29, 30.

Jehova Nungungulu i lava lezaku hi tiva a lisine xungetano hi yena. Hi xigelo lexo, i hi nyikile bhuku zi kotekako ku gi zwisisa. — Gonza 1 Timote 2:3, 4.

U nga zi kotisa kuyini ku zwisisa a Biblia?

Ahandle ka ku hi nyika a Biblia, Jehova i hi nyika xivuno kasi ku gi zwisisa. I rumele Jesu lezaku a ta hi gonzisa. (Luka 4:16-21) Jesu i vunile a vaingiseli vakwe lezaku va zwisisa a Mitsalo, hi ku wulawula hi vesi ginwe a hunza aya ka ginwani. — Gonza Luka 24:27, 32, 45.

Jesu i yimisile a bandla ga wuKristu kasi gi yisa mahlweni a ntiro lowu yena a wu sangulileko. (Mateu 28:19, 20) Nyamutlha, a valanzeli va lisine va Jesu va vuna vanhu a ku zwisisa lezi a Biblia gi gonzisako xungetano hi Nungungulu. Loku ku hi lezaku wa tsakela ku zwisisa a Biblia, a Timboni ta Jehova ti nga ku vuna hi matsenya. — Gonza Mitiro 8:30, 31.