A sinya yi tsemilweko yi nga hluka kambe ke?

A sinya ya maoliva yo bhendeka ni yo karala, leyi yi nga fananiswako ni sinya ya sedare ya le Lebanoni, yi nga tshuka yi nga woneki na yi hlamalisa. Kanilezi a tisinya ta maoliva ti na ni wuzikoti go hlamalisa ga ku hanya ka matshamela yo karata. Ku alakanyelwa lezaku a to kari ti na ni 1.000 wa malembe. A timitsu ti anzileko ta sinya ya maoliva ti maha lezaku yi zi kota ku tlhela yi hluka hambu loku a tshinya ga kona gi puvile. Loku a timitsu ta yona ti nga se woma, yi ta tlhela yi hluka.

Joba i wa tiyiseka lezaku hambu loku afa, i wa ta tlhela a hanya kambe. (Joba 14:13-15) I tirisile sinya — kuzilava ya maoliva — kasi ku komba a kutsumba kakwe ka wuzikoti ga Nungungulu ga ku mu vuxa. Joba i te ngalo: “Ku kona kutsumba ka sinya, lezaku yi ta hluka kambe loku yi tsemiwa.” Loku kuna vula anzhako ka xihala xa hombe, a xibho xi womileko xa sinya ya maoliva xi nga tlhela xi hluka hi lomu ka timitsu, xi phaka “maravi a ku khwatsi i sinya ya yiswa.” — Joba 14:7-9.

A ku fana ni lezi a murimi a xuvako ku wona a sinya ya maoliva yi tsemilweko na yi hluketa hi lomu ka timitsu, Jehova Nungungulu i xuva ku tlhelisela wutomi ga malanza yakwe ni vanhu vanwani vo tala va fileko. (Mat. 22:31, 32; Joh. 5:28, 29; Miti. 24:15) Li tava litsako la hombe a ku hoyozela vafileko ni ku va wona na va hanya kambe!