Kuvuxeta Ka Xikola Xa Wutireli Ga Nungungulu

A ziwutiso lezi zi lanzelako zi ta kambisiswa ka Xikola xa Wutireli ga Nungungulu ka viki gi sangulako hi 28 ka Junho wa 2010. Hi 20 wa timeneti, a muwoneleli wa xikola i ta fambisa a kuvuxeta ku seketelwako ka timhaka ti gonzilweko ka ziavelo za maviki ya 3 ka Maio kala 28 ka Junho wa 2010.

1. Xana hi nga gonza yini ka kurilelwa ka Abneri hi Davida? (2 Sam. 3:31-34) [w05-T 15/5 p. 17 nzi. 5; w06-T 15/7 p. 21 tinz. 9-10]

2. Xihoxo muni lexi xi mahilweko hi Natani, niku hikuyini a nga kala ku aliwa hi Jehova kota muprofeti? (2 Sam. 7:3) [rs-T p. 160 nzi. 8]

3. Xana a bhuku ga 2 Samueli 7:14 gi tatisekisile kuyini? [it-2-T p. 19 nzi. 7; it-3-T p. 766 nzi. 3]

4. Xana lezi zi nga mahiwa hi Davida ka Mefiboxete zi wa hi xikombiso xa tipswalo hi ndlela muni, niku xana lezo zi fanele ku hi khumbisa kuyini? [w02-T 15/5 p. 19 nzi. 5]

5. Zigonzo muni hi nga zi kumako ka kuzwanana ka Itai a muGiti na Hosi Davida? (2 Sam. 15:19-22) [w09-T 15/5 pp. 27-28]

6. Xana a Mitsalo yi hi vunisa kuyini a ku chikelela magumo ya lezaku a kulumbetwa ka Mefiboxete hi Ziba ku wa hi mawunwa? (2 Sam. 16:1-4) [w02-T 15/2 pp. 14-15 nzi. 11, tlha. lahasi]

7. A xikhati lexi Davida a nga kombela Barzillai wa 80 wa malembe lezaku ava ginwe ga manghanakana yakwe, hikuyini Barzillai a mu nyikileko a mawonela ya kuva a teka Kimhame? (2 Sam. 19:33-37) [w07-T 1/6 p. 24 nzi. 13]

8. Xana a wunene [kutikoramisa, Tradução do Novo Mundo] ka Jehova ku mu kulisile kuyini Davida? (2 Sam. 22:36) [w07-T 1/11 p. 5 nzi. 2; w04-T 1/11 p. 29]

9. Hikuyini Adonija a nga zama ku wutla a xitshamu xa wuhosi na Davida a ha hanya? (1 Tih. 1:5) [w05-T 1/7 p. 28 nzi. 5]

10. Hikuyini Jehova a hlamulileko a mukhongelo wa Solomoni wa ku kombela wutlhari ni kupimisisa? (1 Tih. 3:9) [w05-T 1/7 p. 30 nzi. 2]