23 “U ta hamba meza+ hi mapulangu ya nsinya wa akasiya wu leha kolomuyani ka 89 wa masentimetru,* wu yanama 44,5 wa masentimetru* naswona wu tlhela wu tlakuka 67 wa masentimetru.*+ 24 U ta wu namarheta hi woru la ku tenga naswona u ta veka bandhi la woru lomu matlhelweni ka wona. 25 U ta veka bandhi leli nga ni kolomuyani ka 7,4 wa masentimetru* lomu matlhelweni ka meza u gama u veka nchumu xa woru xa ku sasekisela hi xona lomu matlhelweni ka bandhi. 26 U ta yendla 4 wa switlan’wani swa woru u gama u swi veka ka 4 wa matlhelo ya meza lowu, lomu 4 wa minenge ya wona yi tlhomiwaka kona. 27 Switlan’wani leswi swi fanele swi va kusuhi ni nchumu lexi nga vekiwa matlhelweni ka meza swi ta tirhela ku tlhoma timhandzi ta ku rhwala hi tona meza. 28 U ta yendla timhandzi hi mapulangu ya nsinya wa akasiya kutani u ti namarheta woru, swaku va rhwala hi tona meza.