27 U fanele u kwetsimisa xifuva xa gandzelo leli fambisiwaka ni nenge wa munyikelo wa ku kwetsima lowu fambisiwaka wu ya hala ni hala ni lowu nga tekiwa ka nyempfu leyi nga nyikeliwa nkama Aroni ni vana va yena va nga vekiwa swaku va va vaprista.+ 28 Swilo leswi swi ta va swa Aroni ni vana va yena hi ku landza nawu wa ku kala wu nga heli lowu Vayisrayele va faneleke va wu yingisa hikusa i xiyenge xa ku kwetsima naswona swi ta tlhela swi va xiyenge xa ku kwetsima lexi Vayisrayele va faneleke va xi nyikela.+ I xiyenge xa vona xa ku kwetsima lexi va xi nyikelaka ka Yehovha lexi va xi susaka ka magandzelo ya vona ya ku kombela ku rhula.+