31 “Ndhawu ya n’wina ni ta yi veka yi sukela ka Lwandle la Ku Pshuka anze yi ya fika ka lwandle la Vafilista ni ku sukela amananga anze yi ya fika ka Nambu wa Ewufrata;+ hikusa lava nga yaka ka tiko leli ni ta va nyiketa ka mavoko ya n’wina se n’wina mi ta va hlongola.+ 32 Mi nga tshuki mi yendla ntwananu na vona kumbe swikwembu swa vona.+ 33 A va fanelanga va tshama ka tiko la n’wina, swaku va nga mi yendli mi ni djohela. Loko mo tshuka mi tirhela swikwembu swa vona, swi ta va ntlhamu ka n’wina.”+

3 U nga tshuki u chada na vona. U nga pfumeleli swaku vana va wena va tintombhi va tekiwa hi vana va vona va madjaha, kumbe u teka vana va vona va tintombhi swaku va va vasati va vana va wena va madjaha.+ 4 Hikusa va ta hambukisa vana va wena va madjaha kuva va nga ha ni landzeli, se va ya tirhela swikwembu swin’wani;+ kutani Yehovha a ta ku kwatela naswona a ta ku helisa hi ku hantlisa.+

12 “Kambe loko mo txintxa mi namarhela matiko lawa ma nga sala xikarhi ka n’wina,+ kutani mi yendla ntwananu wa wukati na wona+ mi tlhela mi va vanghanu va wona, 13 swi tiveni swaku Yehovha Xikwembu xa n’wina a nge he tami a ma hlongola matiko lawa.+ Ma ta fana ni ntlhamu ni nhonga leyi mi kwapaka ka nhlana+ ni mimintwa ka matihlo ya n’wina, anze mi hela mi ku jii ka tiko leli lalinene, leli Yehovha Xikwembu xa n’wina a nga mi nyika lona.

2 Se n’wina a mi fanelanga mi yendla ntwananu ni vanhu lava tshamaka ka tiko leli,+ mi fanele mi dilizela maaltari ya vona.’+ Kambe a mi swi yingisanga leswi ni nga mi byela swona.+ Hi mhaka muni mi nga ni yingisanga? 3 Hi leswo swi nga ni yendla ni tlhela ni ku: ‘A ni nga ta va hlongola xikarhi ka n’wina,+ va ta fana ni ntlhamu ka n’wina,+ naswona va ta mi xenga swaku mi gandzela swikwembu swa vona.’”+