Yobo
16 Yobo a hlamula a ku:
2 “Se ni swi twe ka kunyingi swa ku fana ni leswi.
Hinkwenu ka n’wina a mi ni tiyisi mo ni twisa ku vava!+
3 Indjhe marito ya ku kala ma nga pfuni nchumu ma hela?
Wena Elifazi hi mhaka muni u hlamula hi ndlela leyi?
4 Na mina ni nga vulavula ku fana na n’wina.
Loko a mo va ka xiyimu xa ku fana ni xa mina,
A ni ta swi kota ku mi solasola,
Ni tlhela ni mi hlakahlela nhloko.+
5 Kambe a ni nga ta swi yendla leswo, a ni ta mi tiyisa hi marito ya mina,
A ni ta mi tiyisa hi nomo wa mina.+
6 Loko ni vulavula, ku vava loku ni ku twaka a ku yampsi,+
Ni loko ni miyela, swa ha fana.
7 Kambe swoswi Xikwembu xi ni hete matimba;+
Xi helise ndjangu wa mina hinkwawu.
8 Xi tlhela xi ni khoma naswona leswo vanhu va swi vona,
Ku wondza ka mina ku yendla vanhu va vona ingaku ni ni nandzu.
9 Ku kwata ka xona ku ni hahlulelile, naswona xa ni nyenya.+
Xi luma ni matinyu loko xi ni vona.
Nala wa mina wa ni xondzolota.+
10 Vanhu va pfule minomo ya vona swaku va ni minta,+
Naswona va ni be timpama na va ni hleka;
Va hlengeletane na va li vanyingi swaku va ta lwa na mina.+
11 Xikwembu xi ni nyikela ka vafana,
Xi ni nyikela ka lava yendlaka swa ku biha.+
12 A ni nga karhateki, kambe xi ni twise ku vava;+
Xi ni khome hi nhamu xi ni pfotlosa;
Kutani xi ni txopa hi mimpaxwa.*
13 Vanhu va xona lava txopaka mimpaxwa va le matlhelweni ka mina;+
Xi tlhava tiyinso ta mina,+ naswona a xi ni tweli wusiwana;
Xi chulula nyongwa ya mina hansi.
14 Xi ni boxetela ku fana ni khumbi;
Xi ni txatxa ku fana ni nhenha.
15 Ni rhunge mpahla ya ku yendliwa hi masaka swaku ni yambala,+
16 Nghohe* ya mina yi pshukile hi ku rila,+
Naswona ku yo mphum ahenhla ka tixiyi ta mina,
17 Hambileswi ni kalaka ni nga vavisanga munhu
Naswona ni khongelaka na swi sukela mbilwini.
18 U nga yi mbhonyi ngati ya mina, wena misava!+
Naswona ni tshike ni tama ni rila!
19 Ni swoswi mboni ya mina yi le tilweni;
Lweyi a nga ta ni nyimelela a le henhla.
21 A ku ve ni munhu lweyi a nga ta yavanyisa xikarhi ka munhu ni Xikwembu,
Ku fana ni leswi a a ta yendlisa swona xikarhi ka vanhu vambirhi.+
22 Hikusa malembe lama nga sala i matsongo,
Funtshi ni ta famba ni nga ha vuyi.+