Tipisalema
Ka mayextru. Pisalema ya Davhida.
140 Yehovha Xikwembu xanga, ni ponisi ka vanhu va ku biha;
Ni vhikeli ka vanhu lava rhandzaka ku lwa,+
2 Lava yendlaka maplanu* ya ku biha ka timbilu ta vona,+
Funtshi va tshamela ku lwa.
4 Yehovha Xikwembu xanga, ni vhikeli ka lava ku biha;+
Ni vhikeli ka vanhu lava va rhandzaka ku lwa,
Lava yendlaka maplanu ya ku ni wisa.
5 Lava va tibyelaka va ni rhiyile;
Hi magoda ni redi leswi va nga swi tumbeta andleleni.+
Va ni rhiyile hi mintlhamu.+ (Sela)
6 Ni byele Yehovha ni ku: “U Xikwembu xanga.
Yingisa, wena Yehovha loko ni kombela ku pfuniwa.”+
7 Yehovha Hosi Leyikulu, u Muponisi wa mina lweyi a nga ni matimba,
U vhikela nhloko ya mina hi siku la nyimpi.+
8 Yehovha Xikwembu xanga, u nga va nyiki leswi va swi lavaka lava ku biha.
U nga ma seketeli maplanu ya vona swaku va nga tibyeli. (Sela)+
9 Tinhloko ta lava nga matlhelweni ka mina
A ti weliwe hi khombo leli va vulavulaka hi lona.+
10 A va neliwe hi makhala lawa ma pfurhaka.+
11 Lweyi a wonhaka vito la van’wani a nga kumi ndhawu amisaveni.*+
Lava rhandzaka ku lwa a va hlongolisiwe hi wubihi li va helisa.
12 Na swi tiva swaku Yehovha a ta lwela lweyi a kalaka a nga swi koti ku tilwela
A tlhela a yavanyisa ni swisiwana hi ndlela yayinene.+
13 Phela lava va ku lulama va ta khensa vito la wena;
Lava yendlaka swaswinene va ta tshama phambheni ka wena.+