Tipisalema
Ka mayextru; hi mayimbelelelo ya lisimu leli nge: “U Nga Helisi.” Mikitami* ya Davhida.
58 Indjhe mi nga vulavula swa ku lulama na mi miyelile?+
Indjhe mi nga yavanyisa hi ku lulama, n’wina vanhu?+
2 Nada, mi yendla maplanu* ya ku biha ka timbilu ta n’wina,+
Mavoko ya n’wina ma vavisa vanhu atikweni.+
3 Lava ku biha va hambuke ku sukela va psaliwa;
I swipandza nhloko, funtshi i vahembi ku sukela va psaliwa.
4 Vhenenu la vona li fana ni vhenenu la tinyoka;+
A va twi ku fana ni nyoka leyi nga pfala tindleve.
5 A yi nge li yingisi rito la vangoma,
Hambiloko va li yendla kahle wungoma la vona.
6 Xikwembu xa mina, va tshovi matinyu!
Tshova tinhlaya* ta tinghonyama leti, Yehovha Xikwembu xa mina!
7 A va nyamalale ku fana ni mati lama pshaka.*
A a va txope hi mimpaxwa* va wa.
8 A va fane ni hovha* leyi nga kusuhi ni ku fa;*
Ku fana ni n’wana lweyi a nga psaliwa na a file, lweyi a kalaka a nga ta tshuka a vona dlambu.
9 Loko tipanela ta wena ti nga se twa ku hisa ka nsinya wa mimintwa* loko wu psha,
A ta kukula ligadja la ku tsakama ni leli pfurhaka, ku fana ni loko li tekiwa hi xidzedze.+
10 Lweyi wa ku lulama a ta tsaka hi mhaka ya leswi a nga vona ku tlhelisela;+
Minenge ya yena yi ta hlambisiwa hi ngati ya lweyi wa ku biha.+
11 Se vanhu va ta ku: “Swa tikomba swaku lava ku lulama va ta katekisiwa.+
Impela ku ni Xikwembu lexi yavanyisaka misava.”+