Yoxuwa

6 Doropa la Yeriko a li khiyiwile hi mhaka ya Vayisrayele; a ku nga na lweyi a a huma naswona a ku nga na lweyi a a nghena.+

2 Kutani Yehovha a byela Yoxuwa a ku: “Doropa la Yeriko, hosi ya lona, ku patsa ni tinhenha ta lona ni swi nyikela ka mavoko ya wena.+ 3 N’wina vavanuna hinkwenu va nyimpi mi fanele mi rhendzeleka kan’we hi siku ka doropa, mi fanele mi yendla leswo ku ringana 6 wa masiku. 4 Langa 7 wa vaprista lava nga ta khoma 7 wa timhondzo ta tinyempfu swaku va rhanga phambheni ka Areka. Se hi siku la wu 7 mi fanele mi rhendzeleka ka doropa ka 7, naswona vaprista va fanele va chaya timhondzo.+ 5 Kutani loko ku chayiwa limhondzo la nyempfu, hi ku hantlisa loko mi twa guwa la limhondzo, vanhu hinkwavu va fanele va vanga guwa lalikulu la nyimpi. A muru wa doropa wu ta wa hansi+ naswona vanhu hinkwavu va fanele va tsutsuma va nghena ka doropa.”

6 Yoxuwa n’wana wa Nuni, a vhela a vitana vaprista a va byela leswi: “Tlakulani areka ya ntwananu naswona 7 wa vaprista a va khome 7 wa timhondzo ta tinyempfu phambheni ka Areka ya Yehovha.”+ 7 Se a byela vanhu a ku: “Fambani mi ya rhendzela doropa naswona masonchwa lawa ma nga tilulamisela ku lwa nyimpi+ a ma rhange phambheni ka Areka ya Yehovha.” 8 Hinkwavu va yingise leswi Yoxuwa a nga va byela swona. A 7 wa vaprista lava a va khome 7 wa timhondzo ta tinyempfu phambheni ka Yehovha a va rhangile na va chaya timhondzo naswona areka ya ntwananu wa Yehovha a yi va landzela. 9 Kutani masonchwa lawa a ma tilulamisele ku lwa nyimpi ma rhanga phambheni ka vaprista lava a va chaya timhondzo, kasi varindzi a va landzela Areka hi le ndzhaku na ku chayiwa timhondzo.

10 Yoxuwa a a byele vanhu a ku: “Mi nga tshuki mi huwelela kambe miyelani mi ku ntsee. Mi nga tshuki mi vula nchumu anze ku fika siku ni nga ta mi byela ni ku: ‘Huwelelani!’ Kutani mi ta huwelela.” 11 A yendla swaku Areka ya Yehovha yi rhendzeleka kan’we doropeni, loko va gamile va tlhelele lomu a va gwimbe kona matende, se va yetlela kolanu.

12 Hi mundzuku ka kona, Yoxuwa a be mpundzu kutani vaprista va rhwala Areka+ ya Yehovha, 13 se a 7 wa vaprista lava a va khome 7 wa timhondzo ta tinyempfu, a va rhange phambheni ka Areka ya Yehovha na va chaya timhondzo. Kutani masonchwa lawa a ma tilulamisele ku lwa nyimpi a ma li phambheni ka vona, kasi varindzi a va landzela Areka ya Yehovha hi le ndzhaku na ku chayiwa timhondzo. 14 Hi siku la wumbirhi va rhendzeleke kan’we ka doropa, se loko va gamile va tlhelele lomu a va gwimbe kona matende, va hete 6 wa masiku na va yendla leswo.+

15 Hi siku la wu 7 va be mpundzu, hi ku hantlisa loko se li ya kuxeni, va rhendzeleka ka doropa ka 7, phela ko va siku lolelo ntsena va nga rhendzeleka ka doropa ka 7.+ 16 Nkama va nga rhendzeleka ka wu 7, vaprista va chaye timhondzo, se Yoxuwa a byela vanhu a ku: “Huwelelani,+ hikusa Yehovha a mi nyike doropa! 17 Doropa ni hinkwaswu leswi nga ka lona swi fanele swi helisiwa;+ hinkwaswu i swa Yehovha. Ku to pona ntsena Rahabi+ lweyi wa nghwavani ni hinkwavu lava va nga ndlwini ka yena, hikusa a fihle vavanuna lava hi nga va rhuma.+ 18 Kambe mi nga tshineli ka swilo leswi faneleke swi helisiwa,+ leswaku mi nga tshuki mi navela swilo leswi faneleke swi helisiwa kutani mi swi teka.+ Leswo a swi ta yendla swaku tende la Israyele li weliwa hi khombo leli a li ta yendla swaku Israyele a faneliwa hi ku helisiwa.+ 19 Kambe prata hinkwalu, ni woru ni swilo swa kobre ni nsimbi swa kwetsima ka Yehovha.+ Swi fanele swi yisiwa lomu ku hlayisiwaka xuma xa Yehovha.”+

20 Vanhu va sungule ku huwelela nkama ku nga chayiwa timhondzo.+ Hi ku hantlisa loko vanhu va twe guwa la timhondzo na ti chayiwa va vange guwa lalikulu la nyimpi, se muru wa doropa wu wa hansi.+ Se vanhu va nghena ka doropa va fika va li teka. 21 Va tirhise xipada swaku va helisa hinkwaswu leswi a swi li ka doropa, vavanuna ni vavasati, vavatsongo ni vavakulu, tihomu, tinyempfu ni timbongolo.+

22 Yoxuwa a byela vavanuna vambirhi lava va nga ya kambela tiko a ku: “Fambani ka yindlo ya wansati lwiyani wa nghwavani, mi ya mu teka ni hinkwavu lava nga na yena, hi ku ya hi leswi mi nga mu fungela swona.”+ 23 Kutani madjaha lawa ma nga ya kambela tiko ma nghena ma humesa Rahabi, papayi wa yena, mamani wa yena, vamakwavu va yena ni hinkwavu lava a va li na yena; phela va humese ndjangu hinkwawu wa yena,+ va va yisa kulenyana ni matende ya Vayisrayele.

24 Se va hisa doropa hi ndzilu ni hinkwaswu leswi a swi li ka lona. Kambe prata, woru ni minchumu ya ku yendliwa hi kobre ni nsimbi swi yisiwa ka yindlo ya Yehovha lomu a ku hlayisiwa xuma xa yena.+ 25 I Rahabi ntsena lweyi wa nghwavani, ndjangu wa papayi wa yena ni hinkwavu lava a va li na yena, lava Yoxuwa a nga va siya;+ naswona va ha tshama aIsrayele anze namuntlha,+ hikusa a fihle vavanuna lava nga rhumiwa hi Yoxuwa swaku va ya kambela doropa la Yeriko.+

26 Kutani Yoxuwa a funga* a ku: “A a rhukiwe phambheni ka Yehovha lweyi a nga ta tlhela a yaka doropa la Yeriko. A ta feliwa hi n’wana wa yena wa matevula nkama a nga ta sungula ku li yaka a tlhela a feliwa hi n’wana wa yena wa xigumandzeni nkama a nga ta veka swipfalu swa lona.”+

27 Phela Yehovha a a li na Yoxuwa+ naswona ndhuma ya yena yi hangalake misaveni hinkwayu.+