Yobo
33 “Kambe swoswi, wena Yobo, ni kombela u yingisa leswi ni nga ta swi vula;
Yingisa hinkwaswu leswi ni nga ta swi hlaya.
2 Ni kombela ku pfula nomo wa mina;
Lirimi la mina li fanele li vulavula.
3 Leswi ni swi hlayaka swi huma ka mbilu ya mina ya ku lulama,+
Ni nomo wa mina wu vula leswi ni swi tivaka.
4 Moya wa ku kwetsima wa Xikwembu hi wona wu nga ni yendla,+
Lweyi Wa Matimba Hinkwawu a fufute moya wa yena swaku a ni nyika wutomi.+
5 Ni hlamule loko u swi kota;
Tilulamisele swaku u ni byela mhaka ya wena ni yi twa.
6 Phela mina na wena ha fana ka Xikwembu xa ntiyiso;
Na mina ni yendliwe hi vumba.+
7 Kutani u nga ni chavi,
A ni nga ta ku tikisela hi marito.
8 Kambe ni twe leswi u nga swi hlaya,
Ni ku twe ka kunyingi na u ku:
9 ‘Ni tengile, a ni na nandzu;+
Ni basile, a ni na xidjoho.+
10 Kambe Xikwembu xi lwa na mina;
Xi ni teka ni li nala wa xona.+
11 Xi boha minenge ya mina;
Xi kambela hinkwaswu leswi ni swi yendlaka.’+
12 Kambe u phazamile loko u hlaya leswo, kutani ni ta ku hlamula:
Xikwembu i xikulu hintamu ku tlula munhu.+
13 Hi mhaka muni u vulavula swa ku biha hi xona?+
Hileswi xi kalaka xi nga ku hlamulanga?+
14 Hikusa Xikwembu xi vulavula ka ku sungula xi tlhela xi phindha,
Kambe vanhu a va xi yingisi,
15 Xi tirhisa leswi munhu a swi lorhaka, kumbe leswi xi mu kombaka swona niwusiku+
Na vanhu va ha yetlele wurhongo lalikulu,
Na va ha yetlele ka mibedu ya vona.
16 Kutani xi pfula tindleve ta vona,+
Xi va djondzisa,
17 Swaku munhu a fambela kule ni swa ku biha+
Ni ku mu vhikela swaku a nga tibyeli.+
19 Munhu a tlhela a layiwa hi ku twa ku vava loko a yetlelile
Ni loko marhambu ya yena ma tshamela ku vava,
20 A za a nyenya ni pawu,
A yala ni ku dla swakudla swa ku nandziha.+
21 Wa wondza,
A sala hi marhambu.
22 A kusuhi ni ku nghena sirheni;
Wutomi la yena li le kusuhi ni lava tisaka lifu.
23 Loko a li ni ntsumi leyi nga ta mu vulavulela,
Munhu mun’we ka 1.000 wa vona lweyi a nga ta mu nyimelela,
Swaku a mu byela leswi nga swinene,
24 Se Xikwembu xi mu twela wusiwana xi ku:
‘Mi nga mu tshiki a nghena sirheni!+
Ni kume xa ku hakela hi xona swaku a ponisiwa!+
25 Xikhumba xa yena a xi ve xa nyuwani ku tlula nkama a wa ha li jovhem;+
A a tlhele a va ni matimba ku fana ni nkama lowu a wa ha li jovhem.’+
26 A ta kombela Xikwembu+ naswona xi ta mu yamukela,
A ta huwelela hi ku tsaka nkama a nga ta vona nghohe* ya xona,
Xi ta yendla swaku a va wa ku lulama.
27 Munhu yelweyo a ta byela* vanhu a ku:
‘Ni djohile+ naswona ni yendle swa ku biha,
Kambe a ni khatisiwanga hi ku ya hi leswi ni nga swi yendla.*
28 Xi ni ponisile swaku ni nga ngheni ka sirha,+
Ni ta tlhela ni vona ku vonakala.’
29 Vhela Xikwembu xi yendlela munhu swilo leswi hinkwaswu
Kambirhi, hambi ku li kanharhu,
30 Xi mu ponisa asirheni,
Swaku a ta voningeliwa hi ku vonakala ka wutomi.+
31 Yobo, pfula ndleve, u ni yingisela!
Miyela, na ha lava ku vulavula.
32 Ni hlamule loko u ni xa ku xi hlaya.
Vulavula, hikusa ni lava ku kombisa swaku a wu na nandzu.
33 Loko u nga na xa ku xi hlaya, ni yingiseli;
Miyela, ni ta ku djondzisa wutlharhi.”