Tipisalema
Ka mayextru. Lisimu. Pisalema.
66 Banani minkulungwani mi dzunisa Xikwembu, n’wina hinkwenu amisaveni.+
2 Yimbelelani mi dzunisa vito la xona leli nga tlakuka.
Xi tlakuseni hi ku xi dzunisa.+
3 Byelani Xikwembu mi ku: “Mintirho ya wena ya hlamalisa hikakunene!+
Valala va wena va ta rhurhumela phambheni ka wena,
Hi mhaka ya matimba ya wena yamakulu.+
4 Misava hinkwayu yi ta ku khizamela;+
Yi ta ku dzunisa hi tinsimu;
Yi ta yimbelela yi dzunisa vito la wena.”+ (Sela)
5 Tanani mi ta vona mintirho ya Xikwembu.
Minchumu leyi xi nga yi yendlela vanhu ya hlamalisa.+
Hi sungule ku tsaka hi leswi xi nga hi yendlela swona.+
7 Xi fuma hi masiku ni masiku+ hi matimba ya xona.
Matihlo ya xona ma tshama na ma txuvuke matiko.+
Lava ku woma tinhloko a va fanelanga va titlakusa.+ (Sela)
8 Dzunisani Xikwembu xa hina, n’wina vanhu,+
Xi dzuniseni swi twala.
10 Hikusa u hi kambelile, wena Xikwembu xa hina;+
U hi basisile ku fana ni leswi prata li basisiwaka xiswona.
11 U hi phase hi redi;
U hi rhwexe ndzhwalo wa ku tika.
12 U yendle swaku vanhu va hi kandzihela;*
Hi hundze hi ka ndzilu ni ka mati;
Se u hi yisa lomu hi nga fika hi humula kona.
13 Ni ta ta ka yindlo ya wena ni magandzelo ya ku hisiwa;+
Ni ta yendla leswi ni nga ku tshembisa swona,+
14 Leswi ni nga swi tshembisa hi nomo wa mina+
Ni leswi ni nga swi hlaya nkama a ni xaniseka.
15 Ni ta ku yendlela magandzelo ya ku hisiwa hi swifuyu swa ku nona
Hi tinyempfu leti nga ta hisiwa.
Ni ta nyikela hi tihomu ni swiphongo. (Sela)
16 Tanani mi ta twa, n’wina hinkwenu lava chavaka Xikwembu,
Ni ta mi byela leswi xi nga ni yendlela swona.+
17 Ni xi vitanile hi nomo wa mina,
Ni xi dzunisa hi lirimi la mina.
18 Loko a ni hlayise swa ku biha mbilwini ya mina,
Yehovha a a ta va a nga ni yingisanga.+
20 A ku dzunisiwe Xikwembu, lexi nga yamukela xikhongelo xa mina
Naswona xi kalaka xi nga ni tsonanga lirhandzu la xona.