Tipisalema
147 Dzunisani Yehovha!*
I swinene ku yimbelela hi dzunisa Xikwembu xa hina;
Swa tsakisa funtshi swa fanela swaku hi xi dzunisa!+
3 A hanyisa lava nga tshoveka timbilu;
A bandicha swilondza swa vona.
4 A kontela tinyeleti;
Hinkwatu a ti tiva hi mavito.+
5 Hosi ya hina i yikulu funtshi yi ni matimba yamakulu;+
A swi koteki ku tlhamusela ku twisisa ka yona.+
6 Yehovha a pfuxa lava va ku rhula,+
Kambe lava va ku biha a va txukumeta hansi.
7 Yimbelelani mi khensa Yehovha;
Yimbelelani mi dzunisa Xikwembu xa hina na mi chaya haripa,
8 Lweyi a mbhonyaka matilo hi marhefu,
Lweyi a yendlaka swaku mpfula yi na amisaveni,+
Lweyi a yendlaka swaku byanyi li mila+ atintshaveni.
10 A nga tsakisiwi hi matimba ya kavhalu;+
Funtshi a nga hlamalisiwi hi munhu lweyi a kotaka ku tsutsuma hintamu.+
12 Dzunisa Yehovha, wena Yerusalema.
Dzunisa Xikwembu xa wena, wena Siyoni.
13 A tiyisa swa ku khiya swipfalu swa wena;
A katekisa vana va wena.
15 A rhumela rito la yena amisaveni;
Rito la yena li tsutsuma hintamu.
17 A wisa marhalala* ya yena ku fana ni matlhantlha ya pawu.+
I mani lweyi a nga tiyiselaka xirhami xa yena?+
18 A rhumela rito la yena se swi deretera.
A fufuta moya wa yena+ kutani mati ma famba.
19 A tivise Yakobe rito la yena,
A byele Israyele minawu ya yena ni swiboho swa yena.+
20 A nga swi yendlanga leswo ka matiko man’wani;+
A ma tivi nchumu hi minawu ya yena.