NEHEMIYA

1 Lawa i marito ya Nehemiya*+ n’wana wa Akaliya: Hi wheti ya Kislevhi,* hi lembe la wu 20, a ni li ndlwini ya wuhosi aXuxani.*+ 2 Hi nkama wolowo, Hanane+ mun’wani wa vamakwerhu a fika ni vavanuna van’wani lava taka hi Yuda, kutani ni va vutisa swaku swo yini hi Vayuda lava va nga vuya hi wukaraweni+ ni hi doropa la Yerusalema. 3 Se va ku: “Lava nga ka provhinsiya lava va nga vuya hi le wukaraweni, va kumane ni mahlomulu yamakulu funtshi va twelisa ni wusiwana.+ Mimuru ya Yerusalema yi diliziwile+ naswona swipfalu swa kona swi hisiwile.”+

4 Nkama ni nga twa marito lawa, ni tshame hansi ni sungula ku rila. Ni hete masiku ya manyingi na na ha rila, ni nga dli nchumu+ ni khongela ka Xikwembu xa le tilweni, 5 ni ku: “Yehovha Xikwembu xa le tilweni, Xikwembu lexikulu ni xa ku hlonipheka, lexi hlayisaka ntwananu wa xona naswona xi rhandzaka lava xi rhandzaka va tlhela va yingisa minawu ya xona,+ 6 ni kombela u pfula tindleve ta wena naswona u pfula matihlo, u yingisa xikhongelo lexi mina mutirheli wa wena ni ku yendlelaka xona namuntlha. Ni khongela wusiku ni nhlikanhi,+ ni khongelela vanhu va wena ku nga Vayisrayele, ni vula swidjoho leswi Vayisrayele va nga swi yendla. Mina ni vanhu va mina* hi djohile.+ 7 Phela hi ku djohelile+ hi ku tshika hinkwaswu leswi u nga hi rhuma swona, minawu ni swiboho swa ku yavanyisa leswi u nga swi nyika Moxe mutirheli wa wena.+

8 “Ni kombela u khumbuka rito leli u nga li byela Moxe mutirheli wa wena, u ku: ‘Phela loko mi nga tshembeki, ni ta mi hangalasa axikarhi ka matiko.+ 9 Kambe loko mi vuya ka mina mi tlhela mi yingisa minawu ya mina, hambiloko vanhu va wena lava nga hangalaka va li magamu ka misava, ni ta va hlengeleta+ ni va veka ka ndhawu leyi ni nga yi langa swaku vito la mina li dzunisiwa kona.’+ 10 Phela vona i vatirheli va wena ni vanhu va wena lava u nga va ponisa hi ntamu wa wena wawukulu ni hi voko la wena la matimba.+ 11 Yehovha, ni kombela u yingisela kahle xikhongelo xa mutirheli wa wena ni swikhongelo swa vatirheli va wena lava hloniphaka vito la wena, ni kombela u yendla swaku swi ni fambela kahle namuntlha, u yendla leswaku wanuna lweyi a ni twela wusiwana.”+

Hi nkama wolowo a ni li mucheli wa vhinyu la hosi.+

2 Hi wheti ya Nisani,* hi lembe la wu 20+ la ku fuma ka Hosi Artaxexe,+ ku vekiwe vhinyu phambheni ka hosi, kutani ni teka vhinyu ni nyika hosi, ku nga leswi a ni tolovela ku swi yendla.+ Kambe a ni nge se tshama ni xukuvala phambheni ka yona. 2 Se hosi yi ni vutisa yi ku: “Hi mhaka muni u xukuvalile kuve a wu vabyi? Devhi ku ni lexi ku dlaka mbilwini ya wena.” Kutani ni sungula ku chava.

3 Se ni hlamula hosi ni ku: “Hosi a yi hanyi hi masiku! Ni xukuvalile hikusa doropa, ku nga ndhawu leyi vavhovho va mina va nga lahliwa ka yona, yi hohlotiwile naswona swipfalu swa lona swi hisiwile.”+ 4 Kutani hosi yi ku: “U lava ni ku yendlela yini?” Ni yo vhela ni khongela ka Xikwembu xa le tilweni.+ 5 Se ni gama ni hlamula hosi ni ku: “Loko hosi yi swi tsakela naswona loko mina mutirheli wa wena ni kume timpsalu ka wena, ni pfumeleli ni ya Yuda, ka doropa leli vavhovho va mina va nga lahliwa ka lona, swaku ni ya tlhela ni li yaka.”+ 6 Kutani hosi yi ni vutisa na yi tshame ni nsati* wa yona yi ku: “Loko u famba u ta heta nkama muni naswona u ta vuya siku muni ke?” Se ni yi byela leswaku ni ta vuya siku muni,+ kutani hosi yi ni chunsa ni famba.+

7 Se ni byela hosi ni ku: “Loko hosi yi swi tsakela, ni kombela makarta* lawa ni nga ta ma nyika vagovhernadori va ndhawu leyi nga Wuxeni ka Nambu wa Ewufrata,+ swaku va ni pfumelela ni hundza anze ni ya fika Yuda, 8 ni karta leli yaka ka Azafi muhlayisi wa Nsimu ya Hosi, leswaku a ni nyika timhandzi ni ta yaka tinyanghwa ta Tempele+ ni mimuru ya doropa+ ni yindlo leyi ni nga ta tshama ka yona.” Kutani hosi yi ni nyika wona,+ hikusa Xikwembu a xi li na mina.*+

9 Ni game ni fika ka vagovhernadori va ndhawu leyi nga aWuxeni ka Nambu wa Ewufrata, ni va nyika makarta lama taka hi ka hosi. Hosi yi tlhele yi ni nyika varhangeli va masonchwa ni vafambisi va makavhalu kuva va ni heleketa. 10 Nkama Sanibalati+ wa Muhoroni na Tobiya+ mutirhi lweyi a nga Muamoni+ va nga swi twa, a va tsakanga hi ku tiva swaku ku ni munhu mun’wani lweyi a nga tela ku ta pfuna Vayisrayele.

11 Se ni game ni fika aYerusalema, lomu ni nga tshama masiku manharhu. 12 Kutani ni pfuka niwusiku ni vavanuna vangali vangani, kambe a ni swi byelanga munhu leswi Xikwembu xa mina xi nga ni byela leswaku ni swi yendla aYerusalema naswona a ni nga na xifuyu xin’wani handle ka lexi a ni famba hi xona. 13 Se ni huma niwusiku hi Nyanghwa wa le Nkoveni+ phambheni ka Xihlovo xa Nyoka Yayikulu ni ya ka Nyanghwa wa Swidulu swa Nkuma.+ Ni kambela muru wa doropa la Yerusalema lowu nga diliziwa ni swipfalu swa lona leswi nga hisiwa.+ 14 Kutani ni hundza ni ya ka Nyanghwa wa Xihlovo+ ni lomu a ku Hlayisiwa Mati ya Hosi,* kambe a ku nga na ndhawu ya ku hundza xifuyu lexi a ni famba hi xona. 15 Kambe ni tame ni famba hi nkova+ wusiku lolelo, na ni kambela muru, se ni gama ni vuya ni nghena hi Nyanghwa wa le Nkoveni.

16 Vapfunisi va vagovhernadori+ a va nga ku tivi lomu ni nga ya kona ni swaku a ni ya yendla yini, hikusa a ni nga se va byela nchumu Vayuda, vaprista, varhangeli, vapfunisi va vagovhernadori ni vatirhi lavan’wani hinkwavu. 17 Hi wugamu ni va byele ni ku: “Ma xi vona xiyimu lexi xa ku biha lexi hi nga ka xona, Yerusalema a hohlotiwile ni swipfalu swa kona swi hisiwile. Tanani, a hi tlheleni hi yaka muru wa Yerusalema swaku hi ta humula ku poyiliwa.” 18 Se ni va byela leswi Xikwembu xa mina xi nga ni seketelisa swona,+ ni marito lawa hosi yi nga ni byela wona.+ Kutani va ku: “Hi nga ha dleni nkama, a hi sunguleni ku yaka.” Kutani va tiyisana swaku va yendla ntirho wawunene.+

19 Nkama Sanibalati wa Muhoroni, Tobiya+ mutirhi lweyi a nga Muamoni+ na Gexemi wa Muarabiya+ va nga twa mhaka leyi, va sungula ku hi hleka+ ni ku hi poyila va ku: “Mi yendla yini? Mo terekela hosi?”+ 20 Kambe ni va hlamula ni ku: “Xikwembu xa le tilweni hi xona lexi nga ta hi pfuna,+ hina vatirheli va xona hi ta yaka; kambe n’wina a mi na nchumu la, funtshi a mi na timfanelo aYerusalema.”+

3 Eliyaxibi+ muprista wamukulu ni vamakwavu lava nga vaprista, va sungula ku yaka Nyanghwa wa Tinyempfu.+ Va wu nyikela ka Xikwembu+ va tlhela va veka ni swipfalu swa wona; va wu nyikele ku ya fika ka Prediyu* la Meya+ ni ku ya fika ka Prediyu la Ananel.+ 2 Kusuhi na vona a ku ni vavanuna va le Yeriko+ na va yaka; naswona kusuhi na vona a ku yaka Zakuri n’wana wa Imri.

3 Vana va Asenaya va yake Nyanghwa wa Tihlampfi;+ va wu yake hi timhandzi+ se va veka swipfalu ni swa ku khiyela hi swona. 4 Kusuhi na vona, a ku li na Meremoti+ n’wana wa Yuriya n’wana wa Hakozi, lweyi a a lunghisa, kasi atlhelweni ka Meremoti a ku na Mexulami+ n’wana wa Berekiya n’wana wa Mexezabele, lweyi na yena a a lunghisa, atlhelweni ka Mexulami a ku na Zadoki n’wana wa Bana, lweyi na yena a a lunghisa. 5 Vanhu va le Tekowa+ na vona a va lunghisa kusuhi na Zadoki, kambe lava a va ganyile xikarhi ka vona va yale ku yendla ntirho lowu a va nyikiwe hi varhangeli va vona.

6 Yoyada n’wana wa Paseya na Mexulami n’wana wa Besodeya va lunghise Nyanghwa wa Doropa la Khale;+ va wu yaka hi timhandzi se va veka swipfalu ni swa ku khiyela hi swona. 7 Melatiya wa le Gibiyoni+ na Yadoni wa le Meronoti a va lunghisa kusuhi na vona, vavanuna lava, a va ta hi le Gibiyoni ni le Mizpa+ naswona a va li hansi ka govhenadori wa ndhawu leyi nga Wuxeni ka Nambu wa Ewufrata.+ 8 Kusuhi na Melatiya na Yadoni a ku na Uziyeli n’wana wa Haraya, lweyi a a kota ku yendla minchumu ya woru, a a yendla ntirho wa ku lunghisa, se kusuhi na yena a ku na Ananiya mun’wani wa lava kotaka ku yendla mafurha ya ku nun’hwela, na yena a a yendla ntirho wa ku lunghisa; kutani va veketela maribye ahansi andzeni ka Doropa la Yerusalema anze ka Muru wa ku Yanama.+ 9 Kusuhi na Ananiya a ku na Refaya n’wana wa Huri, murhangeli wa hafu ya dixtritu la Yerusalema, lweyi na yena a a yendla ntirho wa ku lunghisa. 10 Kusuhi na Refaya a ku na Yedaya n’wana wa Harumafi, lweyi a a yendla ntirho wa ku lunghisa phambheni ka yindlo ya yena, se kusuhi na yena a ku na Atuxi n’wana wa Axabiniya, lweyi na yena a a yendla ntirho wa ku lunghisa.

11 Malikiya n’wana wa Harimi+ na Axubi n’wana wa Pahati-Mowabu,+ va lunghise tlhelo lelin’wani la muru ku patsa ni Prediyu la Mafornu.*+ 12 Kusuhi na vona a ku na Xalumi n’wana wa Halohexi, murhangeli wa hafu ya dixtritu la Yerusalema, lweyi a a yendla ntirho wa ku lunghisa ni vana va yena va tintombhi.

13 Hanuni ni vanhu va le Zanowa+ va lunghise Nyanghwa wa le Nkoveni;+ va wu yaka va gama va veka swipfalu ni swa ku khiyela hi swona, va tlhela va lunghisa ni muru lowu a wu lehe kolomuyani ka 445 wa mametru* anze ka Nyanghwa wa Swidulu swa Nkuma.+ 14 Malikiya n’wana wa Rekabi, murhangeli wa dixtritu la Beti-Haxeremi+ a lunghise Nyanghwa wa Swidulu swa Nkuma; a wu yaka a tlhela a veka swipfalu ni swa ku khiyela hi swona.

15 Xaluni n’wana wa Kolohoze, murhangeli wa dixtritu la Mizpa,+ a lunghise Nyanghwa wa Xihlovo;+ a wu fulela, a veka swipfalu ni swa ku khiyela hi swona, a tlhela a lunghisa ni muru wa lomu ku hlayisiwaka kona mati ya Musele+ anze ka Jardim la Hosi+ ni ku ya fika ka Swikada+ leswi taka hi ka Doropa la Davhida.+

16 Kusuhi na yena a ku na Nehemiya n’wana wa Azibuki, murhangeli wa hafu ya dixtritu la Beti-Zuri,+ a lunghise ku sukela phambheni ka Simitela la Davhida+ anze ka ndhawu ya ku hlayisa mati+ ni ku ya fika ka Yindlo ya Tinhenha.

17 Kusuhi na yena a ku ni Valevhi lava na vona a va lunghisa na va voneleliwa hi Rehumi n’wana wa Bani; kusuhi na yena a ku na Axabiya murhangeli wa hafu ya dixtritu la Keyila,+ lweyi na yena a a yendla ntirho wa ku lunghisa a nyimela dixtritu la yena. 18 Kusuhi na yena, vamakwavu na vona a va li ku lunghiseni na va voneleliwa hi Bavayi n’wana wa Enadadi, murhangeli wa hafu ya dixtritu la Keyila.

19 Kusuhi na yena a ku na Ezere n’wana wa Yexuwa,+ murhangeli wa le Mizpa, lweyi a a lunghisa ndhawu leyi nga kusuhi ni Lomu ku Hlayisiwaka Matlharhi lani ku nga ni Xa Ku Seketela Muru wa Doropa.+

20 Kusuhi na yena a ku na Baruki n’wana wa Zabayi+ lweyi a a tirha hi ku hiseka, a lunghise ku sukela ka Xa Ku Seketa Muru wa Doropa anze ka nyanghwa wa yindlo ya Eliyaxibi+ muprista wamukulu.

21 Kusuhi na yena a ku na Meremoti+ n’wana wa Yuriya n’wana wa Hakozi, lweyi a a lunghisa ndhawu yin’wana ku sukela ka nyanghwa wa yindlo ya Eliyaxibi anze magamu ka yona.

22 Kusuhi na yena, a ku ni vaprista lava a va ta hi ka dixtritu la Yordani,*+ na vona a va yendla ntirho wa ku lunghisa. 23 Kusuhi na yena a ku na Benjamini na Axubi lava a va lunghisa phambheni ka yindlo ya vona. Se kusuhi na vona a ku na Azariya n’wana wa Mazeya n’wana wa Ananiya lweyi a a lunghisa kusuhi ni yindlo ya yena. 24 Kusuhi na yena a ku na Binuyi n’wana wa Enadadi, lweyi a a lunghisa ndhawu yin’wani ya ku sukela ka yindlo ya Azariya anze ka Xa Ku Seketela Muru wa Doropa.+

25 Kusuhi na yena a ku na Palali n’wana wa Uzayi, lweyi a a lunghisa phambheni ka Xa Ku Seketela Muru wa Doropa ni prediyu leli sukelaka ka Yindlo ya Hosi+ leyi nga henhla ka Ndhawu ya Vagwardu.+ Se kusuhi na yena a ku na Pedaya n’wana wa Paroxi.+

26 Vatirhi va le tempeleni*+ lava a va tshama Ofeli+ va lunghise va za va ya fika phambheni ka Nyanghwa wa Mati+ ka tlhelo la wuxeni, ni prediyu leli nga phondlha tlhelweni ka muru.

27 Kusuhi na vona a ku ni vanhu va le Tekowa+ lava va nga lunghisa ndhawu yin’wani ku sukela phambheni ka prediyu lalikulu leli nga phondlha tlhelweni ka muru anze ka muru wa Ofeli.

28 Vaprista a va lunghisa henhla ka Nyanghwa wa Makavhalu,+ mun’wani ni mun’wani a a lunghisa phambheni ka yindlo ya yena.

29 Kusuhi na vona a ku na Zadoki+ n’wana wa Imiri lweyi a nga lunghisa phambheni ka yindlo ya yena.

Kasi kusuhi na yena a ku na Xemaya n’wana wa Xekaniya, muhlayisi wa Nyanghwa wa le Wuxeni,+ na yena a lunghisile.

30 Kusuhi na yena a ku na Ananiya n’wana wa Xelemiya, na Hanuni n’wana wa wu 6 wa Zalafi, lava nga lunghisa ndhawu yin’wani.

Se kusuhi na yena a ku na Mexulami+ n’wana wa Berekiya lweyi a nga lunghisa phambheni ka yindlo* ya yena.

31 Kusuhi na yena a ku na Malikiya, mun’wani wa lava kotaka ku yendla minchumu ya woru, lweyi a nga lunghisa anze ka yindlo ya vatirhi va le tempeleni*+ ni vaxavisi, phambheni ka Nyanghwa wa Ku Kambela ni ku ya fika ka sala la le henhla leli nga ka kantu ya muru.

32 Vaxavisi ni lava kotaka ku yendla minchumu ya woru va lunghise ndhawu leyi nga xikarhi ka sala la le henhla leli nga ka kantu ya muru ni Nyanghwa wa Tinyempfu.+

4 Nkama Sanibalati+ a nga twa swaku hi pfuxa* muru, a kwate hintamu, se a sungula ku poyilela Vayuda. 2 Kutani a vulavula ni vamakwavu ni masonchwa ya Samariya, a ku: “Va zama ku yendla yini vambuyangwana lava va Vayuda ke? Indjhe va ta wu kota ntirho lowu? Indjhe va ta yendla magandzelo? Indjhe va ta swi kota ku heta hi siku lin’we? Indjhe va ta swi kota ku kuma maribye yamanene ka xidulu xa maribye lama nga psha?”+

3 Kutani Tobiya+ wa Muamoni+ lweyi a a nyime kusuhi na yena a ku: “Phela loko mbyana ya khwati* yo tshuka yi khwela ka muru lowu va wu yakaka hi maribye, wu nga wa.”

4 Xikwembu xa hina, hi yingisi hikusa ha poyiliwa,+ yendla swaku leswi va hi yendlaka swona swi djika hi vona,+ va nyikeli va khomiwa va ya wukaraweni. 5 Naswona u nga xi voneli hansi xidjoho xa vona kumbe ku va rivalela,+ hikusa va rhuke lava yakaka.

6 Se hi tame hi yaka muru, hi pfaletele mimbhovo hinkwayu kambe a wu nge se hela ku ya henhla, lava a va yaka, a va yaka hi ku hiseka.

7 Nkama Sanibalati, Tobiya,+ Vaarabiya, Vaamoni+ ni Vaaxidodi+ va nga twa swaku ntirho wa ku yaka muru wa Yerusalema wu ya phambheni naswona wu kusuhi ni ku hela, va kwata hintamu. 8 Kutani va yendla planu la ku ta va ta lwa ni Yerusalema va tlhela va kavanyeta ntirho. 9 Kambe hi khongele ka Xikwembu xa hina hi tlhela hi veka vagwardu wusiku ni nhlikanhi swaku va hi vhikela.

10 Kambe Vayuda a va ku: “Phela vatirhi va hele matimba naswona swidulu swa maribye ya muru wa khale i swinyingi; a hi nge zi hi wu hetile ku yaka muru lowu.”

11 Valala va hina a va ku: “Hi ta djuma hi nghena na va nga hi voni kutani hi va dlaya hi nyimisa ntirho.”

12 Nkama Vayuda lava tshamaka kusuhi ni valala va nga fika, va hi byele hi ku phindhaphindha va ku: “Va ta hi hlasela na va ta hi ka matlhelo hinkwawu.”

13 Kutani ni veka vavanuna ndzhaku ka muru lowu a wu li hansi lomu valala va nga nghenaka hi kona, ni va veka hi ku ya hi mindjangu ya vona na va khome swipada swa vona, matlharhi ya vona ni tigubu ta vona. 14 Nkama ni nga vona swaku va chava, ni yo vhela ni sekeleka ni khuluma ni varhangeli,+ vapfunisi va vagovhernadori ni vanhu hinkwavu ni ku: “Mi nga chavi.+ Khumbukani Yehovha hikusa i Xikwembu lexikulu lexi nga ni matimba swinene;+ lwelani vamakwenu, vana va n’wina, vasati va n’wina ni makaya ya n’wina.”

15 Nkama valala va hina va nga swi twa swaku hi ma tsumbulile maplanu ya vona ni swaku Xikwembu xa ntiyiso xi wonhe maplanu ya vona, hinkwerhu hi tlhelele ka ntirho wa ku yaka muru. 16 Ku sukela hi siku lolelo, hafu ya vatirhi va mina a yi yaka+ kasi hafu leyin’wani a yi khoma matlharhi, swivhikelo, tigubu, na va yambale mpahla leyi nga yendliwa hi swinsimbani. Varhangeli+ a va seketela* Vayuda hinkwavu 17 lava a va yaka muru. Lava a va rhwala mindzhwalu a va tirha hi voko lin’we kuve lelin’wani a li khome tlharhi. 18 Naswona muyaki mun’wani ni mun’wani a a yaka na a tlhome xipada ka nyonga naswona muchayi wa limhondzo+ a a nyime tlhelweni ka mina.

19 Se ni byela varhangeli ni vapfunisi va vagovhernadori ni vanhu hinkwavu ni ku: “Phela ntirho i wukulu funtshi i wunyingi, naswona hi hangalakile ka muru hi tlhela hi va kule na kule. 20 Nkama mi nga ta twa ku chaya ka limhondzo, tanani lomu hi nga kona. Xikwembu xa hina xi ta hi lwela.”+

21 Kutani hi tama hi tirha kuve hafu leyin’wani yi khome matlharhi, ku sukela nimpundzu anze niwusiku ka nkama lowu ku humaka tinyeleti. 22 Hi nkama wolowo ni byele vanhu ni ku: “Vavanuna ni vapfunisi va vona va nga suki aYerusalema, va ta txintxana swaku va hi rindza niwusiku va tlhela va tirha ninhlikanhi.” 23 Hi mhaka leyo, mina ni vamakwerhu, vatirhi+ ni vagwardu lava a va li na mina, a hi nga hlivili mpahla ya hina naswona mun’wani ni mun’wani a a tshama na a khome tlharhi hi voko la yena la xinene.

5 Kambe a ku ni vavanuna ni vasati va vona lava va nga sungula ku rila hintamu va tlhela va khala hi mhaka ya vamakwavu va Vayuda.+ 2 Van’wani a va ku: “Hina ni vana va hina hi vanyingi, hi fanele hi kuma swakudla swaku hi ta dla hi hanya.” 3 Van’wanyani a va ku: “Hi lombise masimu ya hina ya trigu* ni ya mawuvha ku patsa ni tiyindlo ta hina hi nkama wa ndlala swaku hi ta kuma swakudla.” 4 Kasi van’wani a va ku: “Hina hi lombise masimu ya hina ya trigu ni ya mawuvha swaku hi ta kuma male ya ku hakela rhesa* ya hosi.+ 5 Hi vana va munhu mun’we, phela hi vamakwerhu, ni vana va hina va fana ni va vona; kambe hi boheke ku va yendla swikarawa vana va hina, funtshi vana va hina, vavasati se i swikarawa.+ Kambe a hi koti ku yendla nchumu hikusa masimu ya hina ya trigu ni ya mawuvha ma le ka mavoko ya van’wani.”

6 Nkama ni nga twa xirilo xa vona ni marito lawa ni kwate hintamu. 7 Se ni sungula ku pimisa kahle hi mhaka leyi, kutani ni swi vona swaku varhangeli ni vapfunisi va vagovhernadori va ni nandzu, ni gama ni va byela leswi: “Hinkwenu ka n’wina mi lava majuru ka vamakwenu.”+

Se ni markara ntlhanganu swaku ku lunghisiwa mhaka leyi. 8 Kutani ni va byela leswi: “Hi yendle hinkwaswu swaku hi ponisa vamakwerhu lava va nga Vayuda lava a va xavisiwile ka vamatiko; kambe mi lava ku tlhela mi xavisa vamakwenu+ swaku hi ta tlhela hi va ponisa?” Se va miyela va ku ntse! 9 Kutani ni ku: “A swi kahle leswi mi swi yendlaka. Hi mhaka muni mi nga chavi Xikwembu xa hina+ swaku vamatiko, lava nga valala va hina va ta tshika ku hi poyila? 10 Funtshi mina, vamakwerhu ni vapfunisi va mina hi va lomba male ni swakudla. Ni kombela hi tshika ku lombisa hi majuru.+ 11 Namuntlha ni kombela mi va tlhelisela masimu ya vona,+ masimu ya vona ya mawuvha, ya mawolivhera, tiyindlo ta vona, ku patsa ni male ya majuru,* trigu, vhinyu la nyuwani ni mafurha, leswi mi nga swi teka ka vona swaku swi va majuru.”

12 Kutani va ku: “Hi ta va tlhelisela naswona a hi nga ta lava nchumu ka vona. Hi ta yendla leswi u swi hlayaka.” Se ni vitana vaprista swaku vavanuna lava va funga phambheni ka vona swaku va ta yendla leswi va nga swi tshembisa. 13 Naswona ni tlhele ni dzudza mpahla ya mina ni gama ni ku: “Munhu mun’wani ni mun’wani lweyi a kalaka a nga xi hetisisi xitshembiso lexi, Xikwembu xa ntiyiso xi ta mu dzudzisa xileswi ka yindlo ya yena ni ka leswi a nga na swona naswona a a dzudziwi a sala a nga na nchumu.” Kutani vanhu hinkwavu va ku: “Amen!”* Se va sungula ku dzunisa Yehovha, ni ku yendla leswi va nga swi tshembisa.

14 Ku sukela hi siku leli hosi yi nga ni veka swaku ni va govhernadori+ ka tiko la Yuda, hi lembe la wu 20+ la ku fuma ka Hosi Artaxexe+ anze ka lembe la wu 32+ la ku fuma ka yona, ku nga 12 wa malembe, mina ni vamakwerhu a hi nga dli swakudla leswi nyikiwaka vagovhernadori.+ 15 Kambe vagovhernadori lava va nga va kona na ni nge se va govhernadori, a va tikisela vanhu; hi siku a va lava 456 wa magrama* ya prata, swaku va xava pawu ni vhinyu. Ni vapfunisi va vona a va tikisela vanhu. Kambe mina a ni zanga ni swi yendla leswo+ hi mhaka ya ku chava Xikwembu.+

16 Funtshi ni pfunetile ka ku yaka muru lowu naswona a hi tekanga nsimu ya munhu;+ vapfunisi va mina hinkwavu na vona a va li ku yakeni. 17 A ku ni 150 wa Vayuda ni vapfunisi va vagovhernadori lava a va dla na mina ku patsa ni vanhu lava va taka hi ka matiko man’wani. 18 Siku ni siku a hi swekeliwa homu, 6 wa tinyempfu ta ku nona ni tihuku* leswi a ni swi hakelela,* se loko ku hundze 10 wa masiku a hi kuma vhinyu la linyingi hi mixaka ya lona. Kambe a ni zanga ni londza swakudla leswi nyikiwaka vagovhernadori hikusa vanhu se a va tikeliwa hintamu. 19 Ni kombela u ni khumbuka Xikwembu xanga, u khumbuka mintirho ya mina hinkwayu yayinene leyi ni nga yi yendlela vanhu lava.+

6 Nkama Sanibalati, Tobiya,+ Gexemi wa Muarabiya+ ni valala va hina hinkwavu va nga byeliwa swaku ni hetile ku pfuxa muru+ ni swaku a ka ha salanga mbhovo wa ku kala wu nga pfaliwanga (hambileswi a ni nge se vekela swipfalu ka tinyanghwa),+ 2 Sanibalati na Gexemi va ni rhumele rito hi ku hantlisa va ku: “Tani hi ta tlhangana ka xidoropani xin’wani xa Nkova wa Onu+ hi nkama lowu hi nga ta twanana wona.” Kambe a va yendle planu la ku ni vavisa. 3 Se ni rhume vanhu swaku va ya va byela leswi: “Ni khomekile hi ntirho wawukulu, a ni nge swi koti ku ta. Hi mhaka muni ntirho wu fanele wu nyima hi mhaka ya n’wina?” 4 Va ni rhumele rito la ku fana ka 4, kambe ni va hlamule swa ku fana.

5 Sanibalati a tlhele a rhumela mutirhi wa yena ka mina hi khambi la wu 5, na a ni marito ya ku fana ni ya ku sungula ni karta la ku kala li nga lemiwanga. 6 Ka lona a ku tsaliwe leswi: “Se swa tiveka xikarhi ka matiko, na Gexemi+ a vula swoleswo, swaku wena ni Vayuda mi lava ku tereka.+ Hi leswo swi yendlaka mi yaka muru; naswona hi ku ya hi leswi swi hlayiwaka, wena u ta va hosi ya vona. 7 U tlhele u langa vaprofeta swaku va byela vanhu hi ta wena ka doropa hinkwalu la Yerusalema va ku: ‘Ku ni hosi aYuda!’ Se mhaka leyi yi ta byeliwa hosi. Tani hi ta bulisana hi mhaka leyi.”

8 Kambe ni te: “A swi kona ndhawu hinkwaswu leswi u swi vulaka; wo swi sukela ka nhloko ya wena.” 9 Hikusa hinkwavu a va zama ku hi chavisela va ku: “Va ta hela matimba, ntirho wu ta nyima.”+ Xikwembu xa mina, na ku kombela ni nyiki matimba.+

10 Kutani ni ya kaya ka Xemaya n’wana wa Delayi, n’wana wa Mehetabeli hi nkama lowu a a nga humi ka yindlo ya yena. A te: “A hi veki nkama lowu hi nga ta tlhangana hi wona ka yindlo ya Xikwembu xa ntiyiso atempeleni, hi fika hi khiya swipfalu swa tempele, hikusa va lava ku ku dlaya. Va ta ta va ta ku dlaya niwusiku.” 11 Kambe ni te: “Indjhe munhu wa ku fana na mina a fanele a baleka? Indjhe munhu wa ku fana na mina a nga nghena atempeleni kutani a tama a hanya?+ A ni nga ta ya ndhawu!” 12 Se ni vhela ni swi tsumbula swaku a a nga rhumiwanga hi Xikwembu, kambe a a xaviwe hi Tobiya na Sanibalati+ swaku a ta ni kanganyisa. 13 A a xaviwile swaku a ta ni chavisela swaku ni ta djoha, va ta gama va va ni xa ku ni wonha vito ni ku ni danisa hi xona.

14 Xikwembu xa mina, u nga mu khohlwi Tobiya+ na Sanibalati ni leswi a va swi yendla ku patsa na Nowadiya muprofeta wa xisati ni vaprofeta lavan’wani hinkwavu lava a va tshamela ku zama ku ni chavisa.

15 A muru wu hetiwe hi diya 25 ka wheti ya Elulu,* loko se ku hundze 52 wa masiku.

16 Nkama valala va hina hinkwavu va nga twa mhaka leyi ni nkama matiko hinkwawu lama nga matlhelweni ka hina ma nga swi vona, swi va danisile swinene,+ se va gama va swi vona swaku hi yendle ntirho lowu hi ku pfuniwa hi Xikwembu xa hina. 17 Ka masiku wolawo, varhangeli+ va le Yuda a va tsalela Tobiya makarta ya manyingi naswona a a ma hlamula. 18 Vanhu va vanyingi va le Yuda a va nyima na yena hikusa a a li mukon’wani wa Xekaniya n’wana wa Ara+ naswona Yehohanani n’wana wa yena a a teke n’wana wa Mexulami+ n’wana wa Berekiya. 19 Funtshi a va tshamela ku ni byela swaswinene hi Tobiya kutani va ya mu byela leswi mina ni nga swi vula. Se Tobiya a a ni tsalela makarta a zama ku ni chavisa.+

7 Nkama muru wu nga hela+ ni yo vhela ni veka swipfalu;+ se ni langa vagwardu va tinyanghwa,+ vayimbeleli+ ni Valevhi.+ 2 Kutani ni veka Hanane+ makwerhu, ku patsa na Ananiya murhangeli wa Yindlo ya Wuhosi+ swaku va va varhangeli aYerusalema, hikusa Ananiya a a li munhu wa ku tshembeka ni lweyi a chavaka Xikwembu xa ntiyiso+ ku tlula vanhu va vanyingi. 3 Se ni va byela leswi: “Swipfalu swa Yerusalema swi nga pfuliwi anze dlambu li sungula ku hisa naswona vagwardu va fanele va rindza na va pfale swipfalu va tlhela va swi khiyela. Naswona vekani lava va tshamaka Yerusalema swaku va va vagwardu, mun’wani ni mun’wani a ta rindza lomu a nga yaveliwa kona naswona mun’wani ni mun’wani a ta rindza phambheni ka yindlo ya yena.” 4 Doropa a li yanamile li tlhela li va likulu funtshi a ku ni vanhu vavatsongo ndzeni ka lona+ ni tiyindlo a ti nge se tlhela ti yakiwa.

5 Kambe Xikwembu xa mina xi ni nyike mimpimiso ya leswaku ni hlengeleta varhangeli ni vapfunisi va vona ni vanhu swaku va tsalisiwa hi ku ya hi mavito ni swib’ongo swa vona.+ Se ni kuma buku leyi a yi ni mavito ni swib’ongo swa vanhu lava nga rhanga va fika; ka yona a ku tsaliwe leswi:

6 Hi lava, Vayuda va le provhinsiya* lava nga huma awukaraweni, lava Hosi Nebukadinazara+ wa le Babilona a nga va yisa awukaraweni,+ lava nga gama va vuya aYerusalema ni le Yuda, mun’wani ni mun’wani ka doropa la yena;+ 7 lava nga ta na Zerubabele,+ Yexuwa,+ Nehemiya, Azariya, Ramiya, Nahamani, Mordekayi, Bilixani, Mizipereti, Bigivhayi, Nehumi na Bahana.

Numeru ya vavanuna va Israyele a yi patsa:+ 8 2.172 wa vana va Paroxi; 9 372 wa vana va Xefatiya; 10 652 wa vana va Ara;+ 11 2.818 wa vana va Pahati-Mowabu,+ vandjangu wa Yexuwa na Yowabu;+ 12 1.254 wa vana va Elamu;+ 13 845 wa vana va Zatu; 14 760 wa vana va Zakayi; 15 648 wa vana va Binuyi; 16 628 wa vana va Bebayi; 17 2.322 wa vana va Azigadi; 18 667 wa vana va Adonikami; 19 2.067 wa vana va Bigivhayi; 20 655 wa vana va Adini; 21 98 wa vana va Ateri lava va nga vatukulu va Hezekiya; 22 328 wa vana va Axumi; 23 324 wa vana va Bezayi; 24 112 wa vana va Arifi; 25 95 wa vana va Gibiyoni;+ 26 188 wa vavanuna va le Betlehema ni le Netofa; 27 128 wa vavanuna va le Anatoti;+ 28 42 wa vavanuna va le Beti-Azimavheti; 29 743 wa vavanuna va le Kiriyati-Yerimi,+ Kefira ni le Beroti;+ 30 621 wa vavanuna va le Rama ni le Jeba;+ 31 122 wa vavanuna va le Mikimasi;+ 32 123 wa vavanuna va le Betele+ ni le Ayi;+ 33 52 wa vavanuna va le Nebo lweyi mun’wani; 34 1.254 wa vana va Elamu lweyi mun’wani; 35 320 wa vana va Harimi; 36 345 wa vana va le Yeriko; 37 721 wa vana va Lodi, Adidi na Onu;+ 38 3.930 wa vana va le Sena.

39 Vaprista:+ 973 wa vana va Yedaya va ndjangu wa Yexuwa; 40 1.052 wa vana va Imiri; 41 1.247 wa vana va Paxahuri;+ 42 1.017 wa vana va Harimi.+

43 Valevhi:+ 74 wa vana va Yexuwa, vandjangu wa Kadimiyeli,+ vana va Odevha. 44 Vayimbeleli:+ 148 wa vana va Azafi.+ 45 Vagwardu va tinyanghwa:+ Vana va Xalumi, vana va Ateri, vana va Talmoni, vana va Akubi,+ vana va Atita, vana va Xobayi, a va li 138.

46 Vatirhi va le tempeleni:*+ Vana va Ziha, vana va Asufa, vana va Tabawoti, 47 vana va Kerosi, vana va Siya, vana va Padoni, 48 vana va Lebana, vana va Agabayi, vana va Salmayi, 49 vana va Hanani, vana va Gideli, vana va Gahari, 50 vana va Reyaya, vana va Rezini, vana va Nekoda, 51 vana va Gazami, vana va Uza, vana va Paseya, 52 vana va Besayi, vana va Meyunimi, vana va Nefuxesimi, 53 vana va Bakibuki, vana va Hakufa, vana va Haruri, 54 vana va Baziliti, vana va Mehida, vana va Arxa, 55 vana va Barikosi, vana va Sisera, vana va Tema, 56 vana va Neziya, vana va Atifa.

57 Vana va vatirhi va Solomoni:+ Vana va Sotayi, vana va Sofereti, vana va Perida, 58 vana va Yala, vana va Darikoni, vana va Gideli, 59 vana va Xefatiya, vana va Atili, vana va Pokereti-Hazebayimi, vana va Amoni. 60 Vatirhi hinkwavu va le tempeleni*+ ni vana va vatirhi va Solomoni a va li 392.

61 Hi lava, vanhu lava va taka hi Teli-Mela, aTeli-Arixa, aKerubi, aAdoni ni le Imiri, lava va kalaka va nga swi kotanga ku tsumbula mindjangu ya vapapayi va vona hambi ku tiva swaku i va lixaka la Vayisrayele kumbe a hi va lona:+ 62 642 wa vana va Delayi, vana va Tobiya, vana va Nekoda. 63 Vana va vaprista: Vana va Abayaya, vana va Hakozi,+ vana va Barzilayi, lweyi a nga teka nsati ka vana va Barzilayi+ wa le Jiliyadi, a gama a chuliwa vito la papayi wa nsati wa yena. 64 Lava hi lava va nga ya lavetela lomu va nga tsaliwa kona ka lixta la swib’ongo swaku va kuma xib’ongo xa vona, kambe a va ku kumanga lomu va nga tsaliwa kona, kutani va tshikisiwa ntirho wa wuprista.*+ 65 Govhernadori*+ a va byele swaku a va fanelanga va dla swakudla swa ku kwetsima ngopfu+ anze ku va ni muprista lweyi a nga ta vutisa hi ku tirhisa Urimi ni Tumimi.+

66 Vanhu hinkwavu a va li 42.360,+ 67 na ku nga kontiwi 7.337 wa swikarawa swa vona swa xinuna ni swa xisati;+ funtshi a ku ni 245 wa vayimbeleli va xinuna ni va xisati.+ 68 Makavhalu ya vona a ma li 736, timbongolo ta vona tatikulu a ti li 245, 69 makamela ya vona a ma li 435, timbongolo ta vona a ti li 6.720.

70 Varhangeli van’wani va mindjangu va humese munyikelo ka ntirho lowu a wu yendliwa.+ Govhernadori* a nyikele 1.000 wa tidrakma* ta woru, 50 wa matijela ni 530 wa minkhantxu ya vaprista.+ 71 Kasi varhangeli van’wani va mindjangu va nyikele 20.000 wa tidrakma ta woru, 2.200 wa timina* ta prata lomu ku hlayisiwaka kona xuma xa ku pfuxeta tempele. 72 Vanhu lavan’wani hinkwavu va nyikele 20.000 wa tidrakma ta woru, 2.000 wa timina ta prata ni 67 wa minkhantxu ya vaprista.

73 Se vaprista, Valevhi, vagwardu va tinyanghwa, vayimbeleli,+ vanhu van’wani, vatirhi va le tempeleni* ni Vayisrayele lavan’wani hinkwavu, va tshamiseka ka madoropa ya vona.+ Nkama ku nga fika wheti ya wu 7,+ Vayisrayele se a va tshamisekile ka madoropa ya vona.+

8 Se vanhu hinkwavu va hlengeletana hi xikongomelo xin’we ka ndhawu ya ku pfuleka ya doropa phambheni ka Nyanghwa wa Mati,+ kutani va byela Ezra+ lweyi a a li mutsali swaku a tisa buku ya Nawu wa Moxe,+ lowu Yehovha a nga wu nyika Vayisrayele.+ 2 Se hi siku la ku sungula la wheti ya wu 7,+ muprista Ezra a tisa buku ya Nawu phambheni ka vavanuna, vavasati ni hinkwavu+ lava nga ta yingisela va tlhela va twisisa. 3 Kutani a yi lerha hi rito la ku twala+ ka ndhawu ya ku pfuleka leyi nga xikarhi ka doropa phambheni ka Nyanghwa wa Mati, ku sukela nimixo anze ninhlikanhi, a yi lerhela vavanuna, vavasati ni hinkwavu lava kotaka ku twisisa; naswona vanhu a va yingisela kahle+ nkama buku ya Nawu a yi lerhiwa. 4 Ezra lweyi a a li mutsali a a nyime henhla ka palku la mapulangu, leli a li yendleliwe ntlhanganu wolowo; ka tlhelo la yena la xinene a ku nyime Matitiya, Xema, Anaya, Uriya, Hilikiya na Mazeya; ka tlhelo la yena la ximatsi a ku na Pedaya, Mixayele, Malikiya,+ Axumi, Haxibadani, Zakariya na Mexulami.

5 Ezra a pfula buku phambheni ka vanhu hinkwavu naswona a va mu vona hikusa a a li ka palku. Nkama a nga yi pfula, hinkwavu va sekeleka. 6 Kutani Ezra a dzunisa Yehovha Xikwembu xa ntiyiso, Hosi leyi nga ni matimba, se vanhu hinkwavu va hlamula va ku: “Amen!* Amen!”+ va tlakusa mavoko. Kutani va khizama phambheni ka Yehovha va txuvuka hansi. 7 Yexuwa, Bani, Xerebiya,+ Yamini, Akubi, Xabetayi, Odiya, Mazeya, Kelita, Azariya, Yozabadi,+ Hanani na Pelaya lava a va li Valevhi, a va tlhamusela Nawu na vanhu+ va nyimile. 8 Kutani va tama va lerha Nawu wa Xikwembu xa ntiyiso, va wu tlhamusela kahle, va wu yendla wu twisiseka. Hi ku yendla leswo, va pfune vanhu swaku va twisisa leswi a swi lerhiwa.+

9 Se Nehemiya lweyi a a li govhernadori,* muprista Ezra+ lweyi a a li mutsali ni Valevhi lava a va djondzisa vanhu, va byela vanhu hinkwavu va ku: “Siku leli la kwetsima ka Yehovha Xikwembu xa n’wina.+ Mi nga tshuki mi xukuvala kumbe mi rila.” Hikusa vanhu hinkwavu a vo rila nkama a va twa leswi a swi lerhiwa ka buku ya Nawu. 10 Nehemiya a ku: “Fambani mi ya dla swakudla swa ku nona mi phuza swa ku lombela, mi tlhela mi nyika+ lava va kalaka va nga li na swona hikusa siku leli la kwetsima ka Hosi ya hina, mi nga karhateki hikusa ku tsaka loku taka hi ka Yehovha i xivhikelo* xa n’wina.” 11 Valevhi a va miyetela vanhu hinkwavu va ku: “Mi nga rili, hikusa siku leli la kwetsima, mi nga xukuvaleni.” 12 Kutani vanhu hinkwavu va famba va ya dla, va phuza va tlhela va nyika van’wani swakudla, funtshi a va tsakile hintamu+ hikusa va ma twisisile marito lawa va nga byeliwa wona.+

13 Hi siku la wumbirhi, varhangeli hinkwavu va mindjangu, vaprista ni Valevhi, va hlengeletana ka Ezra lweyi a a li mutsali swaku a ta va pfuna ku wu twisisa kahle Nawu. 14 Se ka buku ya Nawu va kume swaku Yehovha hi ku tirhisa Moxe a rhume Vayisrayele swaku va tshama ka minchacha* hi nkama wa fexta hi wheti ya wu 7,+ 15 ni swaku va fanele va byela vanhu+ hinkwavu ka madoropa ni le Yerusalema, va ku: “Fambani tintshaveni, mi ya lava tigadja ta minsinya ya mawolivhera, ta minsinya ya nzululwani,* ta minsinya ya murta, ta minsinya ya mintxindzu ni ta minsinya leyi nga ni matluka ya manyingi leswaku hi ta yaka minchacha, hi ku ya hi leswi nga tsaliwa.”

16 Se vanhu va famba va ya vuya na tona swaku va tiyakela minchacha, mun’wani ni mun’wani a yaka henhla ka yindlo* ya yena kasi van’wani ka mikintari ya vona, ka kintari* wa yindlo ya Xikwembu xa ntiyiso,+ phambheni ka Nyanghwa wa Mati+ ni le phambheni ka Nyanghwa wa Efrayimi.+ 17 Kutani hinkwavu lava va nga vuya hi le wukaraweni va yaka minchacha va tshama ka yona. Phela Vayisrayele a va nge se tshama va swi yendla leswo ku sukela ka nkama wa Yoxuwa+ n’wana wa Nuni, se va tsaka hintamu.+ 18 Naswona siku ni siku a ku lerhiwa buku ya Nawu wa Xikwembu xa ntiyiso,+ ku sukela ka siku la ku sungula anze ka siku la wugamu. Va hete 7 wa masiku na va hamba fexta lolelo, kutani hi siku la wu 8 ku ve ni ntlhanganu* wa ku hlawuleka, hi ku ya hi leswi nga tsaliwa.+

9 Hi diya 24 ka wheti ya wu 7, Vayisrayele va hlengeletanile; a va nga dli nchumu naswona a va yambale mpahla ya masaka, funtshi a va ticheletela misava ka tinhloko.+ 2 Se Vayisrayele va tihambanisa ni vanhu hinkwavu va matiko man’wani+ kutani va nyima va vula swidjoho swa vona ni swa vapapayi va vona.+ 3 Se va sekeleka ka ndhawu leyi a va li ka yona va lerha buku ya Nawu+ wa Yehovha Xikwembu xa vona hi rito la ku tlakuka, anze ku hela mawora manharhu; kasi mawora laman’wani ya manharhu, a va vula leswi va nga swi yendla va tlhela va tisola ka swona ni ku khizamela Yehovha Xikwembu xa vona.

4 Kutani Yexuwa, Bani, Kadimiyeli, Xebaniya, Bunini, Xerebiya,+ Bani na Kenani va nyima henhla ka palku+ la Valevhi, va khongela ka Yehovha Xikwembu xa vona hi rito la ku tlakuka. 5 Se Yexuwa, Kadimiyeli, Bani, Axabiniya, Xerebiya, Odiya, Xebaniya na Petahiya lava va nga Valevhi va ku: “Sukani mi nyima, dzunisani Yehovha Xikwembu xa n’wina masiku hinkwawu.+ A va dzunise vito la wena leli phatimaka, leli nga tlakuka ku tlula ku dzunisiwa hinkwaku.

6 “Hi wena Yehovha ntsena;+ u yendle matilo, tilo la matilo ni hinkwaswu leswi nga ka wona, misava ni hinkwaswu leswi nga ka yona, lwandle ni hinkwaswu leswi nga ka lona. Hinkwaswu ka swona swi hlayisiwa hi wena, hinkwaswu leswi nga tilweni swa ku khizamela. 7 Hi wena Yehovha Xikwembu xa ntiyiso, lweyi a nga langa Abramu+ u gama u mu humesa aUra+ le Kalidiya, u mu chula swaku i Abrahamu.+ 8 U swi vonile swaku i munhu wa ku tshembeka,+ kutani u yendle ntwananu na yena wa ku mu nyika tiko la Vakanana, Vaheti, Vaamori, Vaperezi, Vayebusi ni Vagirgaxa swaku a ta li siyela vana* va yena+ naswona u hetisisile switshembiso swa wena hikusa wena u lulamile.

9 “U ku vonile ku hlupheka ka vavhovho va hina le Gibita,+ u tlhela u twa xirilo xa vona ka Lwandle la Ku Pshuka. 10 U yendle swikombiso ni masingita swaku u khatisa Faru ni vatirhi va yena hinkwavu ni vanhu hinkwavu va tiko la yena,+ hikusa u swi vonile swaku a va hlupha+ vanhu va wena. U tiyendlele vito ku sukela ka siku lolelo anze namuntlha.+ 11 U yendle swaku lwandle li yavana hi xikarhi, swaku va tlulela lwandle ka ndhawu ya ku woma,+ lava a va va txatxa u va txukumete ndzeni ka lona ku fana ni ribye leli txukumetiwaka ka lwandle leli nga kwata.+ 12 Ninhlikanhi a wu va rhangela hi rhefu lalikulu, kasi niwusiku hi ndzilu wawukulu swaku u va komba ndlela leyi va faneleke va famba hi yona.+ 13 U vulavule na vona ka Ntshava ya Sinayi+ na u li tilweni+ u va nyika switsundzuxu swaswinene, minawu ya ku tshembeka, ni hinkwaswu leswi u swi lavaka.+ 14 U va djondzise ku hlonipha siku la wena la ku kwetsima la Savata,+ naswona hi ku tirhisa mutirheli wa wena Moxe u va nyike minawu u tlhela u va byela hinkwaswu leswi u swi lavaka. 15 Nkama va nga biwa hi ndlala u va nyike pawu leli taka hi le tilweni,+ naswona u va nyike mati lama humaka hi le ka ribye swaku va tima torha,+ u tlhele u va byela leswaku va nghena va teka tiko leli u nga funga swaku u ta va nyika lona.

16 “Kambe vavhovho va hina va tiwomise tinhloko.+ Va ve swipandza nhloko,+ a va yi yingisanga minawu ya wena. 17 Va yale ku yingisa+ naswona a va yi khumbukanga mintirho ya wena ya ku hlamalisa leyi u nga va yendlela yona, kambe va ve swipandza nhloko va gama va tilangela murhangeli swaku va tlhelela awukaraweni le Gibita.+ Kambe wena u Xikwembu lexi nga lunghekela ku rivalela, u ni ntwelawusiwana ni timpsalu, u hlwela ku kwata naswona u ni lirhandzu lalikulu,+ funtshi a wu va tshikanga.+ 18 Hambi nkama va nga tiyendlela xifaniso xa xihon’wani,* va tlhela va ku: ‘Lexi i Xikwembu xa wena lexi nga ku humesa aGibita,’+ va yendla minchumu ya yinyingi leyi kombisaka xidelelo, 19 a wu va tshikanga mananga hi mhaka ya timpsalu ta wena tatikulu.+ Rhefu lalikulu a li sukanga henhla ka vona ninhlikanhi swaku u va rhangela ndleleni, hambi ndzilu wawukulu a wu sukanga niwusiku swaku u va voningela ka ndlela leyi va faneleke va famba hi yona.+ 20 U va nyike moya wa wena wa ku kwetsima* swaku va va ni wutlharhi,+ a wu va tsonanga mana ya wena+ naswona u va nyike mati nkama va nga twa torha.+ 21 U va nyike swakudla mananga ku ringana 40 wa malembe.+ A va pfumalanga nchumu. Mpahla ya vona a yi hlakalanga+ funtshi minenge ya vona a yi zanga yi pfimba.

22 “U va nyike mimfumu ni vanhu, va yi teka yi va ya vona,+ kutani va teka ni tiko la Sihoni,+ ku nga tiko la hosi ya Exiboni+ ni tiko la Ogi+ hosi ya Baxani. 23 U yendle swaku va va ni vana va vanyingi ku fana ni tinyeleti ta le tilweni.+ U gama u va nyika tiko leli u nga tshembisa vavhovho va vona swaku va tshama ka lona.+ 24 Kutani vana va vona va nghena va teka tiko;+ u hlule lava a va tshama ka tiko lolelo ku nga Vakanana,+ hi ku va nyiketa ka voko la vona, u nyiketa tihosi ni vanhu va tiko lolelo, swaku va va yendla leswi va swi lavaka. 25 Se va teka madoropa lama nga ni mimuru,+ masimu ya ku nona,+ tiyindlo leti nga tala hi minchumu hinkwayu yayinene, swihlovo leswi va nga swi kuma na swi txeliwile, masimu ya mawuvha, masimu ya mawolivhera+ ni minsinya ya mihandzu ya mixakaxaka. Kutani va dla va xurha, va tlhela va kuluka va tikhorisa swinene hi wunene la wena lalikulu.

26 “Kambe a va ku yingisanga, va ku djikelile,+ va wu be hi makatla Nawu wa wena. Va dlaye vaprofeta va wena lava a va va ba ndleve swaku va tlhelela ka wena, va yendle swilo swa swinyingi leswi kombisaka ku delela.+ 27 Hi mhaka ya leswi va nga swi yendla, u va nyikete ka valala va vona+ lava a va va tikisela wutomi.+ Nkama a va li ka mahlomulu a va khongela ka wena naswona a wu va twa na u li tilweni; leswi u nga ni timpsalu tatikulu a wu va rhumela lava nga ta va ponisa ka valala va vona.+

28 “Kambe hi ku hantlisa loko se u va pfunile, a va tlhela va djoha,+ kutani u va nyiketa ka voko la valala va vona, lava a va va tikisela wutomi.*+ Kambe a va gama va tlhelela ka wena va kombela swaku u va pfuna+ naswona a wu va twa na u li tilweni, u va ponisa hi ku phindhaphindha hi mhaka ya timpsalu ta wena tatikulu.+ 29 Hambiloko u va khumbukisa swaku va yingisa Nawu wa wena va tiwomise tinhloko, a va swi yingisanga leswi u swi lavaka; va djohile hi ku kala va nga yingisi minawu ya wena,+ leyi lweyi a yi yingisaka a nga ta kuma wutomi.+ Kambe va ve swipandza nhloko, funtshi va yale ku yingisa. 30 U va lehisele mbilu+ malembe ya manyingi ni ku va khumbukisa hi moya wa wena wa ku kwetsima hi ku tirhisa vaprofeta, kambe va yale ku yingisa. Hi wugamu u va nyikete ka vanhu va matiko.+ 31 Leswi u nga ni timpsalu tatikulu a wu va helisanga+ kumbe ku va tshika, hikusa u Xikwembu xa ntwelawusiwana ni timpsalu.+

32 “Wena Xikwembu xa hina, Xikwembu lexikulu xa matimba ni lexi hloniphekaka, lexi nga hlayisa ntwananu wa xona naswona xi nga ni lirhandzu lalikulu,+ hi pfune ka swikarhatu swa hina hinkwaswu leswi hi kumanaka na swona, ku patsa ni tihosi ta hina, varhangeli va hina,+ vaprista va hina,+ vaprofeta va hina,+ vavhovho va hina ni vanhu va wena hinkwavu ku sukela ka nkama wa tihosi ta Asiriya+ anze namuntlha. 33 U ve wamunene ka hinkwaswu leswi nga hi humelela hikusa u tshembekile; kambe lava nga yendla swa ku biha hi hina.+ 34 Tihosi ta hina, varhangeli va hina, vaprista va hina ni vavhovho va hina, a va wu yingisanga Nawu wa wena hambi ku yingisa hinkwaswu leswi u swi lavaka kumbe switsundzuxu swa wena leswi u nga va nyika swona. 35 A va ku tirhelanga+ naswona a va tshikanga mintirho ya vona ya ku biha, hambi hi nkama lowu a ku fuma tihosi ta vona ni hi nkama lowu a swi va fambela kahle hi mhaka ya swilo swaswinene leswi u nga va nyika swona ku patsa ni tiko lalikulu la ku nona. 36 Se namuntlha hi swikarawa,+ hi swikarawa ka tiko leli u nga li nyika vavhovho va hina swaku va dla mihandzu ya lona ni minchumu ya lona yayinene. 37 Swakudla swa swinyingi leswi tshoveliwaka ka tiko leli swi dliwa hi tihosi leti hi fumaka hi mhaka ya swidjoho swa hina.+ Ta hi* fuma ti tlhela ti swi tirhisa ku rhandza swifuyu swa hina, phela ha xaniseka swinene.

38 “Hi mhaka ya swilo leswi hinkwaswu, hi yendla ntwananu+ lowu nga tsaliwa hansi naswona varhangeli va hina, Valevhi va hina ni vaprista va hina va wu karimbarile ku komba swaku i wa ntiyiso.”+

10 Hi lawa mavito ya lava va nga karimbara+ swaku va tiyisekisa ntwananu:

9 Ni Valevhi: Yexuwa n’wana wa Azaniya, Binuyi mun’wani wa vana va Enadadi, Kadimiyeli+ 10 ni vamakwavu ku nga Xebaniya, Odiya, Kelita, Pelaya, Hanani, 11 Mika, Reyobo, Axabiya, 12 Zakuri, Xerebiya,+ Xebaniya, 13 Odiya, Bani na Beninu.

14 Varhangeli: Paroxi, Pahati-Mowabu,+ Elamu, Zatu, Bani, 15 Bunini, Azigadi, Bebayi, 16 Adoniya, Bigivhayi, Adini, 17 Ateri, Hezekiya, Azuri, 18 Odiya, Axumi, Bezayi, 19 Arifi, Anatoti, Nebayi, 20 Magipiyaxi, Mexulami, Eziri, 21 Mexezabele, Zadoki, Yaduwa, 22 Pelatiya, Hanani, Anaya, 23 Oxeya, Ananiya, Axubi, 24 Halohexi, Piliha, Xobeki, 25 Rehumi, Axabinayi, Mazeya, 26 Ahiya, Hanani, Anani, 27 Maluki, Harimi na Bahana.

28 Se vanhu lavan’wani hinkwavu, vaprista, Valevhi, vagwardu va tinyanghwa, vayimbeleli, vatirhi va le tempeleni* ni hinkwavu lava va nga tihambanisa ni vanhu va matiko swaku va yingisa Nawu wa Xikwembu xa ntiyiso,+ ku patsa ni vasati va vona ni vana va vona, hinkwavu lava nga ni wutivi ni ku twisisa, 29 va seketela vamakwavu ni varhangeli va vona, va tiboha hi ku funga swaku a va rhukiwi loko va nga yingisi Nawu wa Xikwembu xa ntiyiso lowu xi nga va nyika wona hi ku tirhisa Moxe mutirheli wa Xikwembu xa ntiyiso, ni ku yingisa hinkwaswu leswi Yehovha Hosi ya hina a swi lavaka, swiboho swa yena ni minawu ya yena. 30 A hi nge pfumeli swaku vana va hina va tintombhi va tekiwa hi vanhu va tiko leli, ni vana va vona va tintombhi a hi nge pfumeli swaku va tekiwa hi vana va hina.+

31 Loko vanhu va tiko leli va tisa leswi va swi xavisaka ni mixaka hinkwayu ya swakudla* swaku va ta xavisa hi siku la Savata, a hi nga ta xava nchumu ka vona hi siku la Savata+ kumbe hi siku lin’wani la ku kwetsima.+ Ka lembe lin’wani ni lin’wani la wu 7,+ hi ta tshika ku rima masimu ya hina hi tlhela hi tima swikweneti leswi hi devhiwaka swona.+

32 Funtshi hinkwerhu hi tibohe swaku lembe ni lembe hi ta nyikela 4 wa magrama ya prata swaku ma pfuneta ka ntirho wa yindlo* ya Xikwembu xa hina;+ 33 prata leli li ta tirhisiwa ka mapawu ya ku kwetsima,+ gandzelo la swakudla+ leli yendliwaka siku ni siku, gandzelo la ku hisiwa la Tisavata+ leli yendliwaka siku ni siku ni la ku huma ka n’weti,+ ni mafexta lawa a ma hambiwa hi masiku lawa a ma vekiwile,+ magandzelo ya ku kwetsima, magandzelo ya xidjoho+ swaku Israyele a ta rivaleliwa, ni mintirho yin’wani leyi yendliwaka ka yindlo ya Xikwembu xa hina.

34 Hi tlhele hi lava nkongomiso* swaku hi tiva mpimu wa tihunyi leti vaprista, Valevhi ni vanhu va faneleke va ti tisa ka yindlo ya Xikwembu xa hina, hi minkama leyi nga vekiwa lembe ni lembe; va ti tise hi ku ya hi mindjangu swaku ti tirha ka altari ya Yehovha Xikwembu xa hina, hi ku ya hi leswi nga tsaliwa ka Nawu.+ 35 Hi ta tlhela hi tisa mihandzu leyi nga rhanga yi wupfa ka masimu ya hina ni mihandzu hinkwayu leyi nga rhanga yi wupfa ya minsinya ya mixakaxaka, ka yindlo ya Yehovha lembe ni lembe,+ 36 ni matevula ya vana va hina ni ya swifuyu swa hina,+ hi ku ya hi leswi nga tsaliwa ka Nawu, ni matevula ya mintlhambi ya tihomu ta hina ni ya tinyempfu ta hina. Hi ta swi tisa ka yindlo ya Xikwembu xa hina, ka vaprista lava va tirhaka ka yindlo ya Xikwembu xa hina.+ 37 Hi ta tlhela hi nyikela ni mpupu wa leswi hi nga rhanga hi swi tshovela,+ minyikelo ya hina, mihandzu ya minsinya ya mixakaxaka,+ vhinyu la nyuwani ni mafurha,+ hi fanele hi swi tisa ka vaprista lomu ku hlayisiwaka kona swakudla* ka yindlo ya Xikwembu xa hina,+ ni swa wukhume* leswi nga susiwa ka masimu ya hina swaku swi nyikiwa Valevhi+ hikusa hi vona va yamukelaka swa wukhume swa masimu ya madoropa hinkwawu lawa hi rimaka ka wona.

38 Kutani muprista lweyi a nga n’wana wa Aroni, a fanele a va ni Valevhi nkama va nga ta yamukela swa wukhume; naswona Valevhi va fanele va nyikela swa wukhume la swilo leswi nyikeliwaka ka yindlo ya Xikwembu xa hina+ lomu ku hlayisiwaka kona swakudla.* 39 Hikusa Vayisrayele ni vana va Valevhi va fanele va tisa munyikelo+ wa trigu,* vhinyu la nyuwani ni mafurha+ ka ndhawu ya ku veka swakudla,* hi kolanu ku nga ni swibya swa le tempeleni ni vaprista lava tirhaka kolanu, vagwardu va tinyanghwa ni vayimbeleli. A hi nge yi tshiki yindlo ya Xikwembu xa hina.+

11 Varhangeli va vanhu a va tshama aYerusalema;+ kasi vanhu lavan’wani hinkwavu va lave nkongomiso*+ swaku va langa munhu mun’we ka 10 wa vona swaku a ya tshama aYerusalema, ku nga doropa la ku kwetsima, kasi lava 9 va tshame ka madoropa laman’wani. 2 Kutani vanhu va va navelela minkateko hinkwavu lava va nga tilangela ku ya tshama Yerusalema.

3 Lava i varhangeli va provhinsiya lava a va tshama aYerusalema. (Vayisrayele hinkwavu, vaprista, Valevhi, vatirhi va le tempeleni*+ ni vana va vatirhi va Solomoni+ a va tshama ka madoropa man’wani aYuda, mun’wani ni mun’wani ka ndhawu ya yena ka doropa la yena.+

4 Ni le Yerusalema a ku tshama vanhu van’wani va Yuda ni va Benjamini.) Ka vanhu va Yuda a ku na Atahiya n’wana wa Uziya, n’wana wa Zakariya, n’wana wa Amariya, n’wana wa Xefatiya, n’wana wa Mahaleli wa vana va Farezi+ 5 na Mazeya n’wana wa Baruki, n’wana wa Kolohoze, n’wana wa Azaya, n’wana wa Adaya, n’wana wa Yowaribi, n’wana wa Zakariya, lweyi papayi wa yena a a li wa Xela. 6 Vana hinkwavu va Farezi lava a va tshama Yerusalema a va li 468 wa vavanuna va matimba.

7 Lava a va li vanhu va Benjamini: Salilu+ n’wana wa Mexulami, n’wana wa Yowedi, n’wana wa Pedaya, n’wana wa Kolaya, n’wana wa Mazeya, n’wana wa Itiniyeli, n’wana wa Yexaya, 8 naswona a ku na Gabayi na Salayi, a va li 928; 9 murhangeli wa vona a ku li Yuwele n’wana wa Zikiri; lweyi a a mu pfuna ku vonelela doropa a ku li Yuda n’wana wa Asenuwa.

10 Ka vaprista a ku na Yedaya n’wana wa Yowaribi, Yakini,+ 11 Seraya n’wana wa Hilikiya, n’wana wa Mexulami, n’wana wa Zadoki, n’wana wa Merayoti, n’wana wa Ayitubi,+ lweyi a a li murhangeli ka yindlo* ya Xikwembu xa ntiyiso 12 ni vamakwavu lava a va tirha tempeleni, hinkwavu a va li 822; na Adaya n’wana wa Yerohamu, n’wana wa Pelaliya, n’wana wa Amizi, n’wana wa Zakariya, n’wana wa Paxahuri,+ n’wana wa Malikiya, 13 ni vamakwavu lava a va li varhangeli va mindjangu, hinkwavu a va li 242; na Amaxayi n’wana wa Azareli, n’wana wa Azayi, n’wana wa Mexilemoti, n’wana wa Imiri, 14 ni vamakwavu lava a va li tinhenha ta matimba, hinkwavu a va li 128; murhangeli wa vona a ku li Zabidiyele lweyi a a ta hi ka ndjangu wa ku ganya.

15 Ka Valevhi: Xemaya+ n’wana wa Axubi, n’wana wa Azirikami, n’wana wa Axabiya, n’wana wa Bunini, 16 na Xebetayi+ na Yozabadi+ lava a va li varhangeli va Valevhi, lava a va yendla mintirho ya le handle ka yindlo ya Xikwembu xa ntiyiso; 17 na Mataniya+ n’wana wa Mikiya, n’wana wa Zabidi, n’wana wa Azafi,+ mayextru wa swa ku yimbelela lweyi a a rhangela ka ku dzunisa hi nkama wa xikhongelo+ na Bakibukiya mupfunisi wa yena ka vamakwavu na Abida n’wana wa Xamuwa, n’wana wa Galali, n’wana wa Yedutani.+ 18 Valevhi hinkwavu lava a va li ka doropa la ku kwetsima a va li 284.

19 Vagwardu va tinyanghwa a ku li Akubi, Talmoni+ ni vamakwavu lava a va rindza tinyanghwa, hinkwavu a va li 172.

20 Vayisrayele lavan’wani hinkwavu, vaprista ni Valevhi a va tshama ka madoropa laman’wani hinkwawu ya Yuda, mun’wani ni mun’wani akaya ka yena lani ku nga tshomba la yena. 21 Vatirhi va le tempeleni*+ a va tshama aOfeli,+ varhangeli va vona a ku li Ziha na Gixipa.

22 Murhangeli wa Valevhi aYerusalema a ku li Uzi n’wana wa Bani, n’wana wa Axabiya, n’wana wa Mataniya,+ n’wana wa Mika wa vana va Azafi lava a va li vayimbeleli; a a vonelela ntirho lowu a wu yendliwa ka yindlo ya Xikwembu xa ntiyiso. 23 Hikusa a ku ni nawu lowu taka hi ka hosi+ lowu a wu vula swaku hinkwaswu leswi vayimbeleli va swi lavaka siku ni siku a va fanele va nyikiwa swona. 24 Kutani Petahiya n’wana wa Mexezabele mun’wani wa vana va Zera n’wana wa Yuda, a a li mutsundzuxi wa hosi ka timhaka hinkwatu leti khumbaka vanhu.

25 Kasi ka tindhawu tin’wani ni masimu ya tona, Vayuda van’wani va fambe va ya tshama aKiriyati-Ariba+ ni le ka swidoropani leswi nga kusuhi, aDiboni ni ka swidoropani leswi nga kusuhi, aYekabizel+ ni ka swidoropani swa kona, 26 aYexuwa, aMolada,+ aBeti-Peleti,+ 27 Azari-Xuwali,+ aBerxeba ni le ka swidoropani leswi nga kusuhi, 28 aZikilagi,+ aMekona ni le ka swidoropani leswi nga kusuhi, 29 aEni-Rimoni,+ aZora+ ni le Yarmuti, 30 aZanowa,+ aAdulami ni le ka swidoropani swa kona, aLakixi+ ni masimu ya kona, aAzeka+ ni le ka swidoropani leswi nga kusuhi. A va tshama Berxeba anze ka Nkova wa Hinomi.+

31 Vanhu va Benjamini a va tshama aJeba,+ aMikimaxi, aAyiya, aBetele+ ni le ka swidoropani leswi nga kusuhi, 32 aAnatoti,+ aNobi,+ aAnaniya, 33 aAzora, aRama,+ aJitayimi, 34 aAdidi, aZeboyimi, aNebalati, 35 aLodi ni le Onu,+ lomu ku nga ni vanhu lava va tivaka mintirho ya mavoko. 36 Valevhi lavan’wani lava taka hi Yuda a va tshama aBenjamini.

12 Lava a ku li vaprista ni Valevhi lava nga vuya hi wukaraweni na Zerubabele+ n’wana wa Salatiyele+ na Yexuwa:+ Seraya, Yeremiya, Ezra, 2 Amariya, Maluki, Atuxi, 3 Xekaniya, Rehumi, Meremoti, 4 Ido, Ginetoyi, Abiya, 5 Mijamini, Madiya, Biligaya, 6 Xemaya, Yowaribi, Yedaya, 7 Salilu, Amoki, Hilikiya na Yedaya. Lava a va li varhangeli va vaprista ni vamakwavu ka nkama wa Yexuwa.

8 Valevhi a ku li Yexuwa, Binuyi, Kadimiyeli,+ Xerebiya, Yuda na Mataniya+ lweyi a a rhangela nkama ku yimbeleliwaka tinsimu ta ku khensa ku patsa ni vamakwavu. 9 Vamakwavu ku nga Bakibukiya na Uni a va nyima tlhelweni ka vona na va yendla ntirho wa vagwardu. 10 Yexuwa a ve papayi wa Yowakimi, Yowakimi a ve papayi wa Eliyaxibi,+ se yena Eliyaxibi a ve papayi wa Yoyada.+ 11 Yoyada a ve papayi wa Yonatani, se yena Yonatani a ve papayi wa Yaduwa.

12 Vaprista lava a va li varhangeli va mindjangu lava a va li kona ka masiku ya Yowakimi hi lava: Ka ndjangu wa Seraya,+ Meraya; wa Yeremiya, Ananiya; 13 wa Ezra,+ Mexulami; wa Amariya, Yehohanani; 14 wa Maliluki, Yonatani; wa Xebaniya, Yosefa; 15 wa Harimi,+ Adina; wa Merayoti, Elikayi; 16 wa Ido, Zakariya; wa Ginetoni, Mexulami; 17 wa Abiya,+ Zikiri; wa Miniyamini, . . . ;* wa Mowadiya, Pilitayi; 18 wa Biligaya,+ Xamuwa; wa Xemaya, Jonathani; 19 wa Yowaribi, Matenayi; wa Yedaya,+ Uzi; 20 wa Salayi, Kalayi; wa Amoki, Ebere; 21 wa Hilikiya, Axabiya; wa Yedaya, Nataneli.

22 Varhangeli va mindjangu ya Valevhi ni ya vaprista va tsaliwe ka masiku ya Eliyaxibi, Yoyada, Yohanani na Yaduwa,+ anze ka nkama wa ku fuma ka hosi Dariyosi wa Mupersiya.

23 Valevhi lava a va li varhangeli va mindjangu va tsaliwe ka buku ya matimu ya nkama wolowo, anze ka masiku ya Yohanani n’wana wa Eliyaxibi. 24 Varhangeli va mindjangu ya Valevhi a ku li Axabiya, Xerebiya na Yexuwa+ n’wana wa Kadimiyeli+ naswona vamakwavu lava a va li vagwardu, a va nyima tlhelweni ka vona hi mintlawa va dzunisa ni ku khensa hi ku landza leswi Davhida+ mutirheli wa Xikwembu xa ntiyiso a nga swi vula. 25 Mataniya,+ Bakibukiya, Obadiya, Mexulami, Talmoni na Akubi+ a va li vagwardu va tinyanghwa,+ a va rindza tindhawu ta ku vekisa swilo leti nga kusuhi ni tinyanghwa. 26 A va tirha ka masiku ya Yowakimi n’wana wa Yexuwa,+ n’wana wa Yozadaki ni ka masiku ya govhernadori Nehemiya na muprista Ezra+ lweyi a a li mutsali.

27 Nkama ku nga khanguliwa* muru wa Yerusalema va lave Valevhi va va tisa Yerusalema; a va ta hi ka tindhawu hinkwatu leti a va tshama ka tona swaku va ya kulungela ku khanguliwa ka muru na va tsakile, hi tinsimu ta ku khensa,+ hi swa ku chaya hi swona swa nsimbi swa ku fana ni maparatu,* switende ni tiharipa. 28 Vana va vayimbeleli* va hlengeletanile na va ta hi ka dixtritu* ni ka tindhawu hinkwatu leti nga kusuhi ni Yerusalema ni ka swidoropani swa Vanetofa,+ 29 aBeti-Jiligali,+ aJeba+ ni le Azimavheti,+ hikusa vayimbeleli a va tshama ka swidoropani leswi nga kusuhi ni Yerusalema. 30 Kutani vaprista ni Valevhi va tibasisa, va basisa vanhu,+ tinyanghwa+ ni muru.+

31 Se ni vitana varhangeli va Yuda va ta henhla ka muru. Ni tlhela ni langa mintlawa yimbirhi yayikulu ya vayimbeleli va longoloka na va yimbelela va dzunisa Xikwembu, ntlawa wa ku sungula wu kongoma ka tlhelo la xinene ahenhla ka muru wu ya ka Nyanghwa wa Swidulu swa Nkuma.+ 32 Oxaya ni hafu ya varhangeli va Yuda a va va landza hi ndzhaku, 33 ku patsa na Azariya, Ezra, Mexulami, 34 Yuda, Benjamini, Xemaya na Yeremiya. 35 A va ni vana van’wani va vaprista lava a va khome timhalamhala,*+ ku nga: Zakariya n’wana wa Yonatani, n’wana wa Xemaya, n’wana wa Mataniya, n’wana wa Mikaya, n’wana wa Zakuri, n’wana wa Azafi,+ 36 ku patsa ni vamakwavu ku nga Xemaya, Azareli, Milalayi, Gilalayi, Mayi, Nataneli, Yuda na Hanane na va khome swa ku chaya hi swona swa Davhida,+ mutirheli wa Xikwembu xa ntiyiso; a va rhangeliwa hi Ezra+ lweyi a a li mutsali. 37 Nkama va nga fika ka Nyanghwa wa Xihlovo,+ va fambe va ya fika ka Swikada+ swa Doropa la Davhida+ lomu muru wu nga tlakuka kona henhla ka Yindlo ya Davhida anze ka Nyanghwa wa Mati,+ ka tlhelo la le wuxeni.

38 Ntlawa lowun’wani wa ku khensa lowu yimbelelaka a wu ya ka tlhelo la ximatsi* naswona a ni wu landza hi ndzhaku na ni ni hafu ya vanhu lavan’wani, henhla ka muru anze ka Prediyu* la Mafornu+ ni ku ya fika ka Muru wa Ku Yanama,+ 39 wu hundza hi ka Nyanghwa wa Efrayimi,+ wu ya ka Nyanghwa wa Doropa la Khale+ ku ya fika ka Nyanghwa wa Tihlampfi,+ Prediyu la Ananel,+ Prediyu la Meya ku ya fika ka Nyanghwa wa Tinyempfu;+ kutani wu fika wu nyima ka Nyanghwa wa Vagwardu.

40 Hi ku famba ka nkama, mintlawa leyimbirhi ya ku khensa leyi yimbelelaka, yi fika yi nyima phambheni ka yindlo ya Xikwembu xa ntiyiso; na mina ni hafu ya vapfunisi va vagovhernadori hi fika hi nyima kolanu, 41 ni vaprista lava a va khome timhalamhala ku nga Eliyakimi, Mazeya, Miniyamini, Mikaya, Eliyowenayi, Zakariya na Ananiya, 42 na Mazeya, Xemaya, Eliyazari, Uzi, Yehohanani, Malikiya, Elamu na Ezere. Vayimbeleli lava va tama va yimbelela hi marito ya ku twala na va kongomisiwa hi Iziraya.

43 Hi siku lolelo va yendla magandzelo ya manyingi hintamu va tlhela va tsaka,+ hikusa Xikwembu xa ntiyiso xi yendle swaku va tikhorisa hintamu. Vavasati ni vana na vona va tikhorisile lakakuva ku tsaka+ loku a ku li aYerusalema a ku twala ni le kule.+

44 Hi siku lolelo, ku langiwe vavanuna swaku va hlayisa tindhawu+ ta ku veka ka tona minyikelo,+ mihandzu leyi nga rhanga yi wupfa+ ni swa wukhume.*+ Ka tona a ku ta vekiwa leswi nga susiwa masin’wini, leswi a swi laveka hi ku ya hi Nawu,+ leswaku swi nyikiwa vaprista ni Valevhi+ hikusa ku tsaka a ku li kukulu aYuda hi mhaka ya ntirho wa vaprista ni Valevhi. 45 Se va sungula ku yendla ntirho wa Xikwembu xa vona ni ntirho wa ku basisa, ku fana ni leswi a swi yendliwa hi vayimbeleli ni vagwardu va tinyanghwa ka mintirho ya vona, hi ku landza leswi Davhida ni n’wana wa yena Solomoni va nga swi vula. 46 Hikusa ka masiku ya khale hi nkama wa Davhida na Azafi, a ku ni vamayextru va vayimbeleli ni va tinsimu ta ku dzunisa ni ta ku khensa Xikwembu.+ 47 Naswona ka nkama wa Zerubabele+ ni ka nkama wa Nehemiya, Vayisrayele hinkwavu a va humesa leswi a swi fanele swi kumiwa hi vayimbeleli+ ni vagwardu va tinyanghwa,+ hi ku ya hi leswi a va swi lava siku ni siku. A va tlhela va humesa leswi a swi fanele swi kumiwa hi Valevhi,+ kasi Valevhi a va humesa leswi a swi fanele swi kumiwa hi vatukulu va Aroni.

13 Hi siku lolelo vanhu va lerheliwe buku ya Moxe+ naswona a ku tsaliwe swaku Vaamoni kumbe Vamowabu+ a va nga fanelanga va nghena lomu vanhu va Xikwembu xa ntiyiso va nga tlhangana kona,+ 2 hikusa a va zanga va nyika Vayisrayele pawu ni mati, kambe va thole Balamu swaku a va rhuka.+ Kambe Xikwembu xa hina xi txintxe xirhuku swaku xi va nkateko.+ 3 Nkama va nga twa Nawu lowu, hinkwavu lava taka hi ka matiko man’wani va suka xikarhi ka Vayisrayele.+

4 Na ku nga se yendleka mhaka leyi, muprista lweyi a a vonelela tindhawu ta ku veka swakudla ka yindlo* ya Xikwembu xa hina+ a ku li Eliyaxibi,+ xaka la Tobiya.+ 5 A a nyike Tobiya ndhawu yayikulu ya ku veka swakudla leyi khale a ku vekiwa gandzelo la swakudla, olibanu,* swibya, swa wukhume* swa trigu, vhinyu la nyuwani ni mafurha+ leswi Valevhi,+ vayimbeleli ni vagwardu va tinyanghwa a va ni mfanelo ya ku swi tirhisa ku patsa ni minyikelo ya vaprista.+

6 Nkama hinkwawu lowu, a ni nga li kona aYerusalema, hikusa a ni ye ka hosi hi lembe la wu 32+ la ku fuma ka Hosi Artaxexe+ wa le Babilona; kutani ni gama ni kombela hosi swaku ni famba. 7 Se ni fika Yerusalema ni vona swilo swa ku biha hintamu leswi Eliyaxibi+ a nga swi yendla, hi ku nyika Tobiya+ ndhawu ya ku vekisa swilo ka kintari* wa yindlo ya Xikwembu xa ntiyiso. 8 Mhaka leyi yi ni nyenyentse hintamu, se ni humesa swilo hinkwaswu swa Tobiya ni swi txukumeta handle. 9 Ni game ni rhumisa swaku ku basisiwa ndhawu ya ku veka swakudla; kutani ni tlhelisela swibya swa yindlo ya Xikwembu xa ntiyiso+ ka yona, ku patsa ni gandzelo la swakudla ni olibanu.+

10 Ni tlhele ni tsumbula swaku Valevhi+ a va nga ha nyikiwi leswi a va fanele va swi kuma,+ leswi nga yendla swaku Valevhi ni vayimbeleli va tlhelela ka masimu ya vona.+ 11 Ni laye vapfunisi va tihosi+ ni ku: “Hi mhaka muni mi tshike ku hlayisa yindlo ya Xikwembu xa ntiyiso ke?”+ Ni gama ni tlhelisela Valevhi ka ntirho wa vona. 12 Se hinkwavu lava tshamaka Yuda, va tisa swa wukhume+ swa trigu, swa vhinyu la nyuwani ni swa mafurha ka tindhawu ta ku veka minchumu.+ 13 Ni tlhela ni langa muprista Xelemiya, Zadoki lweyi a a li mutsali na Pedaya wa Mulevhi swaku va hlayisa leswi a swi vekiwa ka tindhawu ta ku veka minchumu naswona a va pfuniwa hi Hanani n’wana wa Zakuri, ntukulu wa Mataniya, hikusa a va li vavanuna va ku tshembeka. Ntirho wa vona a wu li wa ku phakela vamakwavu.

14 Ni khumbuki+ Xikwembu xa mina, naswona u nga yi khohlwi mintirho ya mina ya lirhandzu leyi ni nga yi yendlela yindlo ya wena ni lava tirhaka ka yona.+

15 Ka masiku wolawo, ni vone vanhu aYuda na va hamba vhinyu hi Savata,+ va tisa trigu la linyingi hi timbongolo, vhinyu,* mawuvha, makuwa ni minchumu ya ku hambanahambana aYerusalema hi siku la Savata.+ Se ni va ba ndleve swaku swi ni khombo ku xavisa hi siku lolelo.* 16 Vanhu va le Tiru lava a va tshama doropeni, a va ta ni tihlampfi ni minchumu yin’wani, va yi xavisela vanhu va Yuda ni le Yerusalema hi Savata.+ 17 Se ni laya varhangeli va Yuda ni ku: “Hi mhaka muni mi yendla swilo swa ku biha swa ku fana ni leswi, mo kala mi nga swi voni swaku mi chakisa siku la Savata ke? 18 A hi swona leswi nga yendliwa hi vavhovho va n’wina, lakakuva Xikwembu xi za xi tisa khombo ka hina ni ka doropa leli? Kambe swoswi mi yendla swaku Israyele a kwateliwa hintamu hi mhaka ya ku chakisa Savata.”+

19 Se ni rhumisa swaku ku pfaliwa swipfalu aYerusalema loko ku sungula ku mphuma na Savata yi nga se sungula. Ni tlhela ni rhumisa swaku swi nga pfuliwi anze ku hundza Savata; ni veka van’wani va vatirhi va mina swaku va rindza swipfalu va tiyiseka swaku vaxavisi va nga ngheni hi siku la Savata. 20 Kutani vaxavi ni vaxavisi va minchumu ya ku hambanahambana va yetlele handle ka doropa la Yerusalema kan’we kumbe kambirhi. 21 Se ni va holovisa ni ku: “Hi mhaka muni mi yetlela phambheni ka muru wa doropa? Loko mo tlhela mi yetlela lani ni ta mi susa hi nkanu.” Ku sukela ka siku lolelo, a va ha zanga va vuya hi Savata.

22 Se ni byela Valevhi swaku va fanele va tibasisa nkama ni nkama, va ta va ta rindza swipfalu leswaku siku la Savata li tshama na li kwetsima.+ Ni ka mhaka leyi, ni kombela u ni khumbuka Xikwembu xa mina, u ni twela wusiwana hi mhaka ya lirhandzu la wena.+

23 Ka masiku wolawo, ni tlhele ni vona Vayuda lava nga chada ni vavasati+ va le Axidodi,+ Amoni ni Mowabu.+ 24 Hafu ya vana va vona a va khuluma Xiaxidodi naswona hafu leyin’wani a yi vulavula lirimi la vanhu van’wani, kambe a nga kona ni mun’we lweyi a a tiva lirimi la Vayuda. 25 Kutani ni va laya, ni tlhela ni va rhuka, kasi van’wani+ ni va ba ni va tsuvula ni misisi, ni va yendla va funga hi Xikwembu ni ku: “Mi nga tshuki mi pfumela leswaku vana va n’wina va tintombhi va tekiwa hi vana va vona, ni vana va vona va tintombhi mi nga tshuki mi va teka kumbe va tekiwa hi vana va n’wina.+ 26 A hi swona leswi nga djohisa Hosi Solomoni wa Israyele ke? Phela xikarhi ka matiko ya manyingi a ku nga na hosi leyi fanaka na yena;+ naswona a a rhandziwa hi Xikwembu xa yena,+ lakakuva Xikwembu xi mu yendla hosi ya tiko hinkwalu la Israyele. Kambe vavasati va matiko va mu djohisile.+ 27 A swi kholwise swaku hi n’wina mi yendlaka nchumu lowu wa ku biha hintamu hi ku kala mi nga tshembeki ka Xikwembu xa hina, hi ku teka vavasati va matiko.”+

28 Mun’wani wa vana va Yoyada+ n’wana wa Eliyaxibi+ muprista wamukulu a a li mukon’wani wa Sanibalati+ wa Muhoroni. Se ni mu hlongolile.

29 Xikwembu xa mina, va khumbuke u va khatisa hi mhaka ya leswi va nga chakisa wuprista ni ntwananu wa wuprista+ ni Valevhi.+

30 Se ni va basisa hi ku va tshikisa mintirho hinkwayu ya ku biha ya vamatiko, kutani ni nyika vaprista ni Valevhi mintirho ya vona,+ 31 ni tlhela ni tiyiseka swaku tihunyi+ ni mihandzu leyi yi rhangaka yi wupfa swi tisiwa hi minkama leyi yi nga vekiwa.

Xikwembu xa mina, ni khumbuki, u ni katekisa.+