TIPISALEMA

1 Wa tsaka munhu lweyi a kalaka a nga fambi hi switsundzuxu swa lava ku biha

Lweyi a kalaka a nga nyimi ka ndlela ya vadjohi+

Lweyi a kalaka a nga tshami ni vanhu va ku poyilana.+

 2 Kambe a rhandza nawu wa Yehovha,+

Naswona a lerha nawu wa Yena hi rito la le hansi* wusiku ni nhlikanhi.+

 3 A ta fana ni nsinya lowu nga byaliwa tlhelweni ka nambu* wa mati,

Lowu psalaka mihandzu hi nkama wa kona,

Lowu matluka ya wona ma kalaka ma nga vuni.

 4 Lava va ku biha a va tshamisanga leswo;

Va fana ni muhungu lowu biwaka hi moya.

 5 Hi mhaka leyo, lava va ku biha a va nga ta nyima loko va yavanyisiwa;+

Hambi vadjohi a va nga ta nyima xikarhi ka lava ku lulama.+

 6 Hikusa Yehovha a tiva ndlela ya lava ku lulama,+

Kambe ndlela ya lava ku biha a yi nga ha ta va kona.+

2 Hi mhaka muni matiko ma kwatile

Naswona vanhu va ngurangurela* lexi va kalaka va nga xi tivi?+

 2 Tihosi ta misava ti lunghekile,

Ni varhangeli va hlengeletanile va nyima xikan’we+

Swaku va lwa na Yehovha ni lweyi a nga mu langa.*+

 3 Va li: “A hi tsemeni machini ya vona

Hi txukumeta magoda ya vona!”

 4 Lweyi a nga tshama tilweni a ta va hleka;

Yehovha a ta va poyila.

 5 Hi nkama wolowo, a ta vulavula na vona na a kwatile

A va chavisa hi ku kwata ka yena kakukulu,

 6 A ta ku: “Ni veke hosi leyi ni nga yi langa+

A Siyoni,+ ka ntshava ya mina ya ku kwetsima.”

 7 Ni ta mi byela leswi Yehovha a nga swi vula;

A ni byele a ku: “U n’wana wa mina;+

Namuntlha ni papayi wa wena.+

 8 Kombela, ni ta ku nyika matiko swaku ma va tshomba la wena,

Misava hinkwayu yi ta va ya wena.+

 9 U ta ma faya hi nhonga ya wuhosi ya nsimbi,+

Naswona u ta ma faya ku fana ni khuwani.”+

10 Swoswi n’wina tihosi, twisisani;

Pfumelani ku layiwa, n’wina vayavanyisi va misava.

11 Tirhelani Yehovha hi xihlonipho,*

Mu hlonipheni mi tsaka.

12 Hloniphani* n’wana+ swaku Xikwembu xi nga kwati

Mi gama mi helisiwa,*+

Hikusa ku kwata ka xona ku ta hi ku hantlisa.

 3 Kambe Yehovha Xikwembu xa mina, u xivhikelo matlhelweni ka mina,+

U ku phatima ka mina+ naswona U ni nyika matimba.*+

 4 Ni ta huwelela ka Yehovha,

A ta ni hlamula na a li ka ntshava ya yena ya ku kwetsima.+ (Sela)

 5 Ni ta b’arama ni yetlela;

Ni ta pfuka na ni hlayisekile,

Hikusa Yehovha a tama a ni pfuna.+

 6 A ni va chavi vanhu va vanyingi va mamiliyoni,

Lava nga ni rhendzela matlhelo hinkwawu.+

Hikusa u ta ba valala va mina hinkwavu ka tinhlaya;*

U ta tshova matinyu ya lava ku biha.+

 3 Swi tiveni swaku Yehovha a ta mu khoma hi ndlela ya ku hlawuleka lweyi a tshembekaka ka yena;

Phela Yehovha a ta ni yingisa loko ni mu vitana.

 5 Yendlani magandzelo ya swa ku lulama,

Naswona tshembani Yehovha.+

 7 U yendla swaku mbilu ya mina yi tsaka swinene

Ku tlula lava nga ni trigu la linyingi ni vhinyu la nyuwani.

 8 Ni ta b’arama ni yetlela hi ku rhula,+

Hikusa hi wena ntsena Yehovha u yendlaka swaku ni tshama na ni hlayisekile.+

5 Yehovha, yingisa marito ya mina;+

Yingisa ku konya ka mina.

 2 Ni yingisi loko ni kombela ku pfuniwa,

Wena Hosi ya mina ni Xikwembu xa mina, hikusa ni khongela ka wena.

 3 Yehovha Xikwembu xanga, u ta twa rito la mina nimixo;+

Nimixo, ni ta ku byela leswi ni karhataka+ ni gama ni rindza.

 4 Hikusa u Xikwembu lexi nyenyaka swa ku biha;+

Lweyi a yendlaka swa ku biha a nge tshami na wena.+

U nyenya hinkwavu lava yendlaka swa ku biha;+

 6 U ta helisa lava hembaka.+

 7 Kambe ni ta ta ka yindlo+ ya wena hikusa u ni rhandza swinene;+

Ni ta khizama ka tempele ya wena ya ku kwetsima hi mhaka ya leswi ni ku chavaka swinene.+

 8 Yehovha ni kombi ndlela ya wena ya ku lulama hi mhaka ya valala va mina;

Ni basiseli ndlela ya wena.+

 9 Hikusa va tshamela ku vulavula mavunhwa ntsena;

Va tshamela ku hlupha van’wani;

Nkolo wa vona i sirha la ku pfuleka;

Va tirhisa lirimi la vona swaku va kanganyisa van’wani.+

10 Kambe Xikwembu xi ta va nyika nandzu;

Va ta wisiwa hi maplanu* ya vona.+

A va hlongoliwe hi mhaka ya swidjoho swa vona swa swinyingi,

Hikusa va ku djikelile.

11 Kambe hinkwavu lava tumbelaka ka wena va ta tsaka;+

Va ta tshamela ku ba minkulungwani.

U ta va vhikela,

Naswona lava rhandzaka vito la wena va ta tsaka.

12 Wena Yehovha u ta katekisa mun’wani ni mun’wani wa ku lulama,

U ta va vhikela ku fana ni xivhikelo xaxikulu.+

6 Yehovha Xikwembu xa mina, u nga ni layi na u kwatile,

U nga ni lulamisi na u kwatile.+

 3 Ni karhatekile hintamu,+

Se na ku vutisa wena Yehovha, kasi ni ta hlupheka anze siku muni ke?+

 4 Vuya Yehovha Xikwembu xanga, u ta ni ponisa;+

Ni ponisi hikusa wa ni rhandza.+

 5 Hikusa lava nga fa a va vulavuli hi wena;*

I mani lweyi a nga ku dzunisaka na a li Sirheni?*+

 6 Ni konye anze ni hela ntamu;+

Ni tsakamise mubedu wa mina hi mihloti wusiku hinkwalu;

Xitufada xa mina xi tsakamile hi mhaka ya ku rila.+

 7 Matihlo ya mina ma hele ntamu hi mhaka ya ku xukuvala;+

A ma ha voni kahle hi mhaka ya hinkwavu lava ni hluphaka.

 8 Sukani la ka mina n’wina hinkwenu lava hanyaka hi swa ku biha,

Hikusa Yehovha a ta twa ku rila ka mina.+

 9 Nkama ni nga ta kombela ku tweliwa wusiwana Yehovha a ta ni twa;+

Yehovha a ta yingisa xikhongelo xa mina.

10 Valala va mina hinkwavu va ta dana hintamu va tlhela va chava;

Va ta tlhelela ndzhaku hi ku kahlula na va dana.+

 2 Hikusa loko u nga yendli leswo va ta ni phatlulela ku fana ni nghonyama,+

Va ni rhwala, ku pfumaleka ni munhu wa ku ni ponisa.

 3 Yehovha Xikwembu xanga, loko ku li leswaku ni hoxile,

Loko ni yendle swa ku kala swi nga lulamanga,

 4 Loko ni wonhele lweyi a ni yendlelaka swaswinene,+

Kumbe loko ni tekele nala wa mina minchumu na ku nga na xivangelo,

 5 Nala a a ni txatxi anze a ni kuma;

A a psanyetele wutomi la mina ka misava

A yendla swaku xindzhuti xa mina xi nyamalala ka wuthulu. (Sela)

 6 Yehovha Xikwembu xa mina, humelela na wu kwatile;

Ni vhikeli ka ku kwata ka valala va mina;+

Pfuka u ni ponisa, u yendla swaku ku va ni ku lulama.+

 7 Matiko a ma ku rhendzele;

Kutani u ta lwa na wona na wu li henhla.

Ni yavanyisi Yehovha hi ku ya hi ku lulama ka mina

Ni hi ku tshembeka ka mina.+

Kambe u tiyisa va ku lulama,+

Hikusa u Xikwembu xa ku lulama,+ lexi kambelaka timbilu+ ni mimpimiso.*+

11 Xikwembu i Muyavanyisi wa ku lulama,+

Naswona siku ni siku Xikwembu xi tivisa leswi xi nga swi yavanyisa.

12 Loko a nga li kona lweyi a tisolaka,+ xi lota xipada xa xona;+

Xi gwimba ligubu la xona li lungheka.+

13 Xi lulamisa matlharhi ya xona ya ku dlaya;

Xi lulamisa mimpaxwa* ya xona leyi pfurhaka.+

14 Vonani lweyi a vangaka wubihi;

Mahlomulu ma ndzeni ka khwirhi la yena a gama a psala mavunhwa.+

15 A txela xikhele xa ku yenta,

Kambe a tlhela a wa ka xikhele xolexo a nga xi txela.+

16 Wubihi leli a li yendlaka li ta djika hi yena;+

Minchumu ya ku chavisa leyi a yi yendlaka yi ta djika hi yena.

17 Ni ta dzunisa Yehovha hi mhaka ya ku lulama ka yena;+

Ni ta yimbelela ni dzunisa vito la Yehovha+ Lweyi A Nga Tlakuka.+

8 Yehovha Hosi ya hina, vito la wena i likulu hintamu amisaveni hinkwayu;

Ku phatima ka wena ku tlula ni matilo!+

 2 U tiyise matimba ya wena hi minomo ya vana ni swibebetani,+

Hi mhaka ya valala va wena,

Leswaku u miyeta nala ni lweyi a hakelisaka.

 3 Loko ni vona matilo ya wena, mintirho ya tintiho ta wena,

N’weti ni tinyeleti leswi u nga swi yendla,+

 4 O va yini munhu swaku u pimisa hi yena,

Ni n’wana wa munhu swaku u mu hlayisa?+

 5 U mu yendle a va hansinyana ka tintsumi,*

U mu nyike ku dzuneka ni ku hlonipheka.

 6 U mu nyike matimba ya ku fuma leswi nga yendliwa hi mavoko ya wena;+

U veke swilo hinkwaswu hansi ka minenge ya yena:

 7 Tinyempfu hinkwatu, timbuti ni tihomu,

Ni swiharhi swa khwati,+

 8 Swinyanyani ni tihlampfi ta lwandle,

Ni hinkwaswu leswi hanyaka lwandle.

9 Yehovha, ni ta ku dzunisa hi mbilu ya mina hinkwayu;

Ni ta byela van’wani hi mintirho ya wena hinkwayu ya ku hlamalisa.+

 2 Ni ta tsaka ni tlhela ni tsaka hintamu hi mhaka ya wena;

Ni ta yimbelela ni dzunisa vito la wena, Wena U Nga Tlakuka.+

 3 Loko valala va mina va baleka,+

Va ta tigumula va fa phambheni ka wena.

 4 Hikusa wa ni lwela atribunali;

U yavanyisa hi ndlela yayinene na u li ka xitshamu xa wena.*+

 5 U laya matiko,+ u helisa lava ku biha,

U tima vito la vona hi masiku ni masiku.

 6 Valala va helisiwe va ku jii;

U tsuvule ni madoropa ya vona,

A va nge he tshuki va khumbukiwile.+

 7 Kambe Yehovha a ta fuma hi masiku ni masiku;+

A li ka xitshamu xa yena* swaku a ta yavanyisa hi ku lulama.+

 8 A ta yavanyisa misava hi ndlela yayinene;+

A ta yavanyisa matiko hi ndlela yayinene.+

 9 Yehovha a ta vhikela lava karhatiwaka,+

Va ta tumbela ka yena hi nkama wa mahlomulu.+

10 Lava tivaka vito la wena va ta ku tshemba;+

A wu nge tshuki u va tshikile lava ku lavetelaka, wena Yehovha Xikwembu xanga.+

11 Dzunisani Yehovha hi tinsimu, lweyi a tshamaka Siyoni;

Byelani vanhu mintirho ya yena.+

12 Hikusa Lweyi a hakelisaka ngati ya vona, wa va khumbuka;+

A nge xi khohlwi xirilo xa lava hluphekaka.+

13 Ni kombi timpsalu, Yehovha; vona mahlomulu lawa ma vangiwaka hi valala va mina,

Wena lweyi a ni humesaka ka tinyanghwa ta lifu,+

14 Leswaku ni ta vulavula hi mintirho ya wena yayinene ka tinyanghwa ta ntombhi* ya Siyoni,+

Ni tsaka hi mhaka ya leswi u nga ni ponisa.+

15 Matiko ma pele ka xikhele lexi ma nga xi txela;

Nenge wa wona wu phasiwe hi redi leli ma nga rhiya hi lona.+

17 Lava ku biha va ta ya Sirheni,*

Ni matiko hinkwawu lawa ma khohlwaka Xikwembu.

18 Kambe swisiwana a swi nge khohlwiwi hi ku helela;+

Naswona ntshembo wa lava ku rhula a wu nge heli.+

20 Yehovha Xikwembu xanga, ma yendli ma chava,+

Matiko a ma swi tivi swaku mo va vanhu ntsena. (Sela)

 2 Hi ku tibyela, lweyi wa ku biha a xanisa lweyi a kalaka a nga na mupfuni,+

Kambe a ta phasiwa hi maplanu* ya yena.+

 3 Hikusa lweyi wa ku biha a tibyela hi swaku a nga tiyendlela ku rhandza+

A katekisa lweyi a lavaka swa yena ntsena;*

נ [Nuni]

A delela Yehovha.

 4 Hi mhaka ya ku tibyela lweyi wa ku biha a nga kambisisi nchumu;

A tibyela leswi: “A ku na Xikwembu.”+

 5 Leswi a swi yendlaka swi tshamela ku famba kahle,+

Kambe a nga yi twisisi minawu ya wena;+

A nyenya valala va yena hinkwavu.

 6 A tibyela leswi: “A ni nge tshuki ni tsekatsekisiwile;

A ni nge tshuki ni humeleliwa hi khombo

Hi masiku ni masiku.”+

 7 Nomo wa yena wu tale hi nhlambha, mavunhwa ni ku chavisela van’wani;+

Lirimi la yena li vanga mahlomulu.+

 8 A tshama na a tumbelile kusuhi ni swidoropani;

A tumbelela munhu wa ku kala a nga na nandzu a mu dlaya.+

10 Lweyi a khomiwaka wa hluliwa a wa hansi;

Lweyi a kumiwaka hi khombo wa hahluleliwa.

Wa mu txuvuka u gama u mu lamulela.+

U mupfuni wa n’wana lweyi a nga feliwa hi vapsali.*+

15 Tshova voko la munhu wa ku biha,+

Swaku loko u kambisisa wubihi la yena,

U nga ha li kumi.

18 U ta lwela vana lava nga feliwa hi vapsali* ni lava karhatiwaka,+

Leswaku va nga ha chavisiwi hi munhu.+

 2 Vona leswi vanhu va ku biha va li gwimbisaka swona ligubu la vona;

Va veka mpaxwa* ka ngoti ya ligubu,

Leswaku va txopa va ku lulama na va li ka munyama.

 3 Loko masungulo* ma diliziwa,

A nga yendla yini wa ku lulama?”

 5 Yehovha a kambela wa ku lulama ni wa ku biha;+

A nyenya mun’wani ni mun’wani lweyi a rhandzaka ku lwa.*+

 6 A ta nisela lava ku biha mintlhamu;*

Va ta boheka ku phuza ndzilu, swiribyani leswi swi pfurhaka*+ ni moya wa ku hisa.

12 Ni ponisi Yehovha Xikwembu xanga, hikusa munhu wa ku tshembeka a nga ha li kona;

Vanhu va ku tshembeka a va ha li kona.

 2 Va hembelana;

Va xenga vanhu hi minomo ya vona va tlhela va va kanganyisa.+

 3 Yehovha a ta tsema minomo hinkwayu leyi hembaka,

Ni lirimi leli li tibyelaka,+

 4 Lava nge: “Hi ta hlula hi lirimi la hina.

Hi tirhisa minomo ya hina leswi hi swi lavisaka xiswona;

I mani lweyi a nga hi mandaka?”+

 5 Yehovha a li: “Ni ta sekeleka,

Hikusa lava hluphekaka va karhatiwa,+

Ni swisiwana swa konya.

 6 Marito ya Yehovha ma tengile;+

Ma fana ni prata leli nga tengisiwa ka 7 ka xitiko.

 7 U ta va hlayisa, wena Yehovha;+

U ta va vhikela hinkwavu, ku sukela swoswi ni hi masiku ni masiku.

 8 Lava ku biha va tifambafambela lomu va ku lavaka

Hikusa va rhandza swa ku biha hintamu.+

 2 Kasi ni ta tshamela ku karhateka,

Ni ku xukuvala ka mbilu ya mina anze siku muni?

Ni nyiki matimba swaku ni nga fi,

 4 Swaku nala wa mina a nga hlayi leswi: “Ni mu hlulile!”

 5 Phela mina, ni tshemba lirhandzu la wena;+

Mbilu ya mina yi ta tsaka nkama u nga ta ni ponisa.+

Va kanganyisa, mintirho ya vona ya nyenyentsa;

A nga kona ni mun’we lweyi a yendlaka swaswinene.+

 2 Kambe Yehovha a txuvuka vanhu na a li tilweni

Leswaku a vona swaku ku ni lweyi a twisisaka, ni ku vona swaku ku ni lweyi a lavetelaka Yehovha ke.+

 3 Hinkwavu va hume ndleleni;+

Va fana, hinkwavu i vakanganyisi.

A nga kona lweyi a yendlaka swaswinene,

Ku kala ni mun’we!

 5 Kambe va ta chava hintamu swinene,+

Hikusa Yehovha a pfuna va ku lulama.

 6 N’wina lava yendlaka swa ku biha, mi zama ku wonhetela maplanu* ya xisiwana,

Kambe xi tumbela ka Yehovha.+

Nkama Yehovha a nga ta hlengeleta vanhu va yena lava nga swikarawa,

Yakobe a a tsaki, Israyele a a tsaki.

 2 Hi lweyi a tshembekaka,+

Lweyi a yendlaka swaswinene+

Lweyi a vulavulaka ntiyiso ka mbilu ya yena.+

 3 A nga va wonhi vito van’wani,+

A va khoma kahle van’wani,*+

A nga va danisi vanghanu va yena.+

 4 A fambela kule ni mun’wani ni mun’wani lweyi a yendlaka swa ku biha,+

Kambe a hlonipha lava chavaka Yehovha.

 5 A nga lombisi male ya yena hi majuru,*+

A nga pfumeli ku xaviwa swaku a lwa ni lweyi a kalaka a nga na nandzu.+

 3 Naswona vakwetsimi lava nga lani misaveni,

Lava swi va fanelaka ku hloniphiwa, va ni yendla ni tsaka swinene.”+

A ni nge tshuki ni yendle magandzelo ya vona ya ngati,

Hambi ku hlaya mavito ya swikwembu swa vona.+

Lani u nga kona ku tsakiwa hintamu;+

Ka voko la wena la xinene ka tsakiwa hi masiku ni masiku.

17 Yehovha Xikwembu xanga, yingisa xikombelo xa mina xa ku lava ku lulama;

Twana xirilo xa mina xa ku lava ku pfuniwa;

Yingisa xikhongelo xa mina xa ku kala wukanganyisi.+

 2 Ni yavanyisi hi ndlela yayinene;+

Matihlo ya wena a ma voni swaswinene.

 3 U kambele mbilu ya mina, u ni kambelile niwusiku;+

U ni basisile;+

U ta tsumbula swaku a ni na maplanu* ya ku biha,

Ni nomo wa mina a wu djohanga.

 4 A ku na mhaka swaku vanhu va yendla yini,

A ni nge fambi ka tindlela ta vayivi,* hi ku landza marito ya wena.+

 5 Minenge ya mina a yi fambe ka tindlela ta wena

Swaku yi nga tigumuli.+

 7 Kombisa timpsalu hi ndlela ya ku hlamalisa,+

Wena Muponisi wa lava lavaka ku tumbela ka voko la wena la xinene

Loko va baleka lava va ku djikelaka.

 8 Ni vhikeli ku fana ni tihlo* la wena;+

Ni fihle ka ndzhuti wa timpapa ta wena.+

 9 Ni vhikeli ka lava ku biha lava ni hlaselaka,

Ka valala va mina lava ni rhendzelaka na va lava ku ni dlaya.+

10 Lipfalu la vona li file;

Va tibyela hi minomo ya vona;

11 Swoswi se va hi rhendzelile;+

Va lava tindlela ta ku hi wisa.

12 Munhu wa ku biha a fana ni nghonyama leyi navelaka ku phatlulela xiharhi,

Ni xinghonyamani lexi nga tumbela swaku xi hlasela.

13 Humelela Yehovha, u tlhangana na yena+ u mu hlula;

Ni ponisi ka munhu wa ku biha hi xipada xa wena;

14 Yehovha Xikwembu xanga, ni ponisi hi voko la wena

Ka vanhu va misava leyi, lava tshomba la vona ku nga wutomi leli ntsena,+

Lava u va nyikaka minchumu yayinene+

Naswona va siyelaka vana va vona va vanyingi tshomba.

15 Kambe mina, leswi ni hanyaka hi ku lulama ni ta vona nghohe* ya wena;

Na tsaka loko ni pfuka na u li kona.*+

Xikwembu xa mina i ribye la mina+ leli ni tumbelaka ka lona,

I xivhikelo xa mina ni limhondzo* la mina la ku ponisa, i ndhawu ya mina ya ku tiya ya ku tumbela ka yona.+

 3 Ni kombela Yehovha lweyi a faneliwaka hi ku dzunisiwa swaku a ni pfuna,

Yena a ta ni ponisa ka valala va mina.+

 4 Magoda ya lifu ma le matlhelweni ka mina;+

Ni vanhu lava yendlaka swa ku biha a va ni chavisa ku fana ni mati ya ndhambi.+

 5 Magoda ya Sirha* a ma ni pfalelile ka matlhelo hinkwawu;

Lifu a li veke ntlhamu phambheni ka mina.+

 6 Ni kombele swaku Yehovha a ni pfuna ka swikarhatu swa mina,

A ni tshikanga ku kombela ku pfuniwa hi Xikwembu xa mina.

Se xi twe rito la mina na xi li tempeleni ya xona,+

Xi ni twile nkama ni nga kombela ku pfuniwa.+

 7 Se misava yi sungule ku tsekatseka;+

Leswi nga tiyisa tintshava swi sungule ku tsekatseka,

Swi tsekatsekile hi mhaka ya leswi Xikwembu xi nga kwatisiwa.+

 8 Ka tinhompfu ta xona a ku huma ximusi,

Ka nomo wa xona a ku huma ndzilu lowu helisaka;+

Ka xona a ku huma makhala lama pfurhaka.

 9 A nkama a xi xika matilo ma yendle ingaku mo wa,+

Marhefu ya ntima a ma li hansi ka minenge ya xona.+

11 Se xi tifunengeta hi munyama,+

Wu ve matlhelweni ka xona ku fana ni tende,

Ka mati ya ntima ni ka marhefu ya ntima.+

12 A ku hatima loku a ku li phambheni ka xona

A ku humesa marhalala* ni makhala lawa ma pfurhaka ka marhefu.

13 Se Yehovha a yendla swaku tilo li sungula ku duma;+

Lweyi Wa Ku Tlakuka a yendla swaku vanhu va twa rito la yena,+

Hi marhalala ni makhala lama pfurhaka.

14 A txope valala va yena hi mimpaxwa* a va hangalasa;+

A va be hi tilo va nga ha xi tivi xa ku xi yendla.+

15 Minambu yayitsongo yi sungula ku voneka;+

Leswi misava yi nga tiya hi swona swi gwavuka hi mhaka ya ku laya ka wena, Yehovha,

Ni hi mhaka ya moya lowu humaka ka tinhompfu ta wena.+

16 A tshandzavute voko la yena na a li henhla;

A ni khoma a ni humesa ka mati ya ku yenta.+

17 A ni ponisile ka nala wa mina lweyi a nga ni matimba,+

Ni ka lava va ni nyenyaka, lava va nga ni matimba ku ni tlula.+

18 Va ni dumelile nkama a ni li ka nghozi,+

Kambe Yehovha a a ni pfuna.

19 A ni ponisile a ni veka ka ndhawu ya ku hlayiseka;

A ni ponisile hikusa a a ni rhandza.+

20 Yehovha wa ni hakela hi mhaka ya mintirho ya mina ya ku lulama;+

Wa ni hakela hi mhaka ya leswi ni kalaka ni nga na nandzu.*+

21 Hikusa ni yingise minawu ya Yehovha,

Funtshi a ni xi tshikanga Xikwembu xa mina.

22 Hinkwaswu swiboho swa xona swa ku yavanyisa swi le phambheni ka mina;

A ni nge yi tshiki minawu ya xona.

23 Ni ta tshama ni nga na nandzu ka xona,+

Ni tlhela ni fambela kule ni xidjoho.+

24 Yehovha a a ni hakeli hi mhaka ya mintirho ya mina yayinene,+

Hikusa mavoko ya mina a ma na nandzu phambheni ka yena.+

25 Wena wa tshembeka ka lweyi a tshembekaka;+

U ni timpsalu ka lweyi a kalaka a nga na nandzu;+

26 U munene ka lweyi a nga munene,+

Kambe lweyi a kanganyisaka u mu komba swaku u tlharihile.+

27 Hikusa u ponisa lava xanisekaka*+

Kambe lava tibyelaka wa va veka hansi.+

28 Hikusa hi wena lweyi a tlhavikaka livoni la mina, Yehovha Xikwembu xa mina,

Xikwembu xa mina lexi ni voningelaka ka ku mphuma.+

29 Hi ku pfuniwa hi wena ni nga lwa ni masonchwa lama teketelaka minchumu;+

Hi matimba ya Xikwembu ni nga khwela ka muru wawukulu.+

30 Hinkwaswu leswi Xikwembu xi swi yendlaka swi hetisekile;*+

Marito ya Yehovha ma basile.*+

32 Xikwembu xa ntiyiso hi xona xi ni nyikaka matimba,+

Funtshi xi ta basisa ndlela ya mina.+

33 Xi yendla minenge ya mina yi fana ni ya mbavala;*

Xi ni yendla ni nyima ka tindhawu ta le henhla.+

34 Xi ni djondzisa ku lwa nyimpi;

Mavoko ya mina ma nga khotsa ligubu la ku yendliwa hi kobre.

35 U ni nyika xivhikelo xa wena xa ku ponisa,+

Voko la wena la xinene la ni seketela,

Ku tiveka hansi ka wena ka ni tlakusa.+

36 U ni basisela ndlela;

Minenge ya mina a yi nge rhetemuki.+

37 Ni ta hlongolisa valala va mina ni va hlula;

A ni nge tlheli na va nga se hela.

38 Ni ta va dlaya ni va heta swaku va nga ha pfuki;+

Ni ta va kandzihetela.

39 U ta ni nyika matimba ya ku lwa nyimpi;

U ta yendla swaku valala va mina va wa phambheni ka mina.+

40 U ta yendla swaku valala va mina va baleka loko va ni vona,

Naswona ni ta helisa* lava ni nyenyaka.+

41 Va kombela ku pfuniwa, kambe a ku na lweyi a va ponisaka;

Va huwelela ni le ka Yehovha, kambe a nga va hlamuli.

42 Ni ta va kandza va fana ni wuthulu;

Ni ta va txukumeta ku fana ni madaka aswitaratwini.

44 Va ta ni yingisa hi mhaka ya leswi va nga swi twa hi mina;

Vanhu va ku ta hi ka matiko man’wani va ta ta ka mina na va tikhondlile hi ku chava.+

45 Vanhu va matiko man’wani va ta hela ntamu;

Va ta huma lani va nga tumbela kona na va rhurhumela.

47 Xikwembu xa ntiyiso hi xona xi ni hakeliselaka ka valala va mina;+

Xi yendla swaku vanhu va va hansi ka mina.

48 Xa ni ponisa ka valala va mina lava nga kwata;

Xi ni veka henhla ka ndhawu ya ku hambi lava ni hlaselaka a va nga ta ni kuma;+

Xa ni ponisa ka munhu wa ku rhandza ku lwa.

49 Hi leswo swi nga ta yendla ni ku dzunisa xikarhi ka matiko, Wena Yehovha Xikwembu xa mina,+

Ni ta yimbelela swaku ni dzunisa vito la wena.+

50 A ponisa hosi leyi a nga yi veka hi ndlela ya ku hlamalisa;+

A rhandza lweyi a nga mu langa,+

Ka Davhida ni vana* va yena hi nkama wa ku kala wu nga heli.+

19 Matilo ma twalisa ku dzuneka ka Xikwembu;+

Ma huwelela ntirho wa mavoko ya xona.+

 2 Siku ni siku ma vulavula,

Naswona wusiku lin’wani ni lin’wani ma kombisa wutivi.

 3 A ma khulumi naswona a ma na marito;

Rito la wona a li twakali.

 4 Kambe rito* la wona li twakale misaveni hinkwayu,

Ni rungula la wona li fike hinkwaku amisaveni.+

Xi gwimbe tende amatilweni xi gwimbela dlambu;

 5 Li fana ni muteki* lweyi a phatimaka loko a huma kwartu ka yena;

Li tsaka ku fana ni wanuna wa matimba lweyi a tsutsumaka ka mpalisanu.

 6 Li huma ka magamu ya matilo,

Li famba li za li ya fika ka magamu man’wani;+

A ku na nchumu lexi nga tumbelaka ku hisa ka lona.

 8 Minawu leyi taka hi ka Yehovha yi lulamile, yi tsakisa mbilu;+

Nawu wa Yehovha wu basile, wu pfula matihlo.+

10 I swa lisima ku tlula woru,

Ku tlula woru la lisima hintamu,+

Naswona swi tsokombela ku tlula wulombe,+ Swi tsokombela ku tlula ni wulombe la ku tenga.*

11 Swi mu ba ndleve mutirhi wa wena;+

Swa pfuna hintamu ku swi yingisa.+

13 U nga mu pfumeleli mutirhi wa wena swaku a yendla mintirho ya ku tibyela;+

U nga yi pfumeleli yi ni fuma.+

Kutani a ni nge tisoli,+

Naswona ni ta va ni basile ka swidjoho swaswikulu.

14 Marito ya mina ni leswi nga ka mbilu ya mina

A swi ku tsakise,+ wena Yehovha Xikwembu xa mina, Ribye la mina+ ni Muponisi wa mina.+

 2 A a ku pfuni na a li ka ndhawu ya yena ya ku kwetsima+

A a ku seketeli na a li Siyoni.+

 3 A a khumbuki magandzelo ya wena hinkwawu;

A a li yamukeli gandzelo la wena la ku hisiwa. (Sela)

 4 A a ku nyiki leswi u swi navelaka+

Ni ku yendla swaku maplanu* ya wena hinkwawu ma humelela.

 5 Hi ta ba minkulungwani hikusa a hi ponisile;+

Hi ta dzunisa vito la Xikwembu xa hina.+

A mu hlamula na a li ka matilo ya yena ya ku kwetsima

A ponisa* hi voko la yena la xinene la matimba.+

 7 Van’wani va tshemba tinyolo* ta nyimpi kasi van’wani va tshemba makavhalu,+

Kambe hina hi vitana vito la Yehovha Xikwembu xa hina.+

 8 Va tshovekile va tlhela va wa,

Kambe hina hi pfukile hi kuma matimba.+

21 Yehovha Xikwembu xa mina, hosi ya tsaka hi matimba ya wena;+

Yi tsaka hintamu hileswi u yi ponisisaka xiswona!+

 2 U yi nyike leswi yi swi navelaka,+

A wu yi tsonanga leswi nomo wa yona wu swi kombelaka. (Sela)

 3 Hikusa u yi katekisa hi swilo swaswinene hintamu;

U veka harhi ya woru ya lisima hintamu ka nhloko ya yona.+

 4 Yi ku kombele wutomi kutani u yi nyikile,+

Wutomi la ku leha, la hi masiku ni masiku.

 6 Wa yi katekisa hi masiku ni masiku;+

U yi yendla yi tsaka hikusa u kusuhi na yona.*+

 7 Hikusa hosi yi tshemba Yehovha;+

Leswi yi rhandziwaka hi Lweyi A Nga Tlakuka, a yi nge tshuki yi tsekatsekisiwa.+

 8 Voko la wena li ta kuma valala va wena hinkwavu;

Voko la wena la xinene li ta kuma lava ku nyenyaka.

10 U ta helisa vatukulu va vona amisaveni,

Ni vana va vona axikarhi ka vanhu.

11 Hikusa va pimise ku ku yendlela swa ku biha;+

Va yendle maplanu* ya ku a ma nga ta humelela.+

12 Hikusa u ta yendla swaku va baleka+

Hi ku va kombeta hi ligubu.

Hi mhaka muni u nga ti u ta ni ponisa,

U nga xi twi xirilo xa mina ke?+

 2 Xikwembu xa mina, ni tshamela ku ku vitana ninhlikanhi, kambe a wu ni hlamuli;+

Hambi niwusiku a ni miyeli.

 3 Kambe wa kwetsima,+

U tshame xikarhi ka swidzuniso swa Israyele.

 4 Vapapayi va hina a va tshembe wena;+

A va ku tshemba naswona a wu tshamela ku va ponisa.+

 5 A va huwelela ka wena kutani u va ponisa;

A va tshembe wena naswona a wu va danisanga+

 6 Kambe mina ni xipungwani, a ni munhu,

Ni rhuketeliwa hi vanhu naswona va ni vonela hansi.+

 7 Hinkwavu lava ni vonaka va tlanga hi mina;+

Va ni poyilela va tlhela va hlakahla ni tinhloko va ku:+

 9 Hi wena Lweyi u nga ni humesa khwirhini la mamani,+

Lweyi a nga yendla swaku ni titwa na ni hlayisekile maveleni ya mamani.

10 Ni hlayisiwe hi wena ku sukela loko ni psaliwile;

U ve Xikwembu xa mina ku sukela nkama a ni li khwirhini la mamani.

11 U nga tshami kule na mina, hikusa khombo li kola kusuhi,+

Naswona a ku na mun’wani wa ku ni pfuna.+

12 Ni rhendzeliwe hi swihon’wani swa swinyingi;+

Tihomu ta le Baxani leti nga ni matimba ti le matlhelweni ka mina.+

13 Va ni pfulele minomo,+

Ku fana ni nghonyama leyi bongaka leyi phatlulelaka xiharhi.+

14 Ni chululiwe ku fana ni mati;

Marhambu ya mina hinkwawu a ma ha tlhangananga.

Mbilu ya mina yi fana ni mafurha;*+

Yi dereterile ndzeni ka mina.+

15 A na ha na matimba ni fana ni xibya xa vumba;+

Lirimi la mina li namarhele ka nomo wa mina;+

U ni yisa ka xikhele swaku ni fa.+

16 Hikusa timbyana ti ni rhendzelile;+

Ti ni rhendzele ku fana ni lava yendlaka swa ku biha,+

Va le ka minenge ya mina ni ka mavoko ya mina ku fana ni nghonyama.+

18 Va yavelane tinguvu ta mina,

Naswona va hoxe swiribyani* swaku va yavelana mpahla ya mina.+

20 Ni ponise ka xipada,

Ponisa wutomi la mina ka tinwala* ta timbyana;+

21 Ni ponise ka nomo wa nghonyama+ ni ka timhondzo ta tihomu ta khwati;

Ni hlamule u ni ponisa.

22 Ni ta vula vito la wena ka vamakwerhu;+

Ni ta ku dzunisa xikarhi ka nhlengeletanu.+

24 Hikusa a nga mu vonelanga hansi kumbe a mu tshika lweyi a karhatiwaka;+

Naswona a nga mu fihlelanga nghohe* ya yena.+

25 Ni ta ku dzunisa ka nhlengeletanu yayikulu;+

Ni ta yendla leswi ni nga swi tshembisa phambheni ka lava mu chavaka.

26 Lava ku rhula va ta dla va xurha;+

Lava lavetelaka Yehovha va ta mu dzunisa.+

28 Hikusa wuhosi i la Yehovha;+

A fuma matiko.

29 Hinkwavu lava nga ganya va ta dla va tlhela va khizama;

Hinkwavu lava yaka ka wuthulu va ta khizama phambheni ka yena;

A nga kona ni mun’we wa vona lweyi a nga tiponisaka.

30 Vatukulu va vona va ta mu tirhela;

Vana va vona lava nga ta sala va psaliwa va ta twa hi ta Yehovha.

 2 A ni humulisa ka tindhawu* leti nga ni byanyi la linyingi;

A ni yisa ka tindhawu ta ku humula ka tona leti regariwaka* kahle.+

 4 Hambi no famba ka nkova lowu nga mphuma hintamu,+

A ni chavi nchumu xa ku biha,+

Hikusa wena u na mina;+

Nhonga ya wena ni nchongotelo wa wena swa ni vhikela.*

U tota nhloko ya mina hi mafurha;+

Kopo ya mina yi talile.+

 6 Phela ni ta tikhorisa hi wunene ni lirhandzu la wena wutomi la mina hinkwalu,+

Naswona ni ta tshama ka yindlo ya Yehovha wutomi la mina hinkwalu.+

24 Misava ni hinkwaswu leswi nga ka yona i swa Yehovha,+

Tiko la ku nona ni lava tshamaka ka lona.

 2 Hikusa a yi veke yi tiya henhla ka malwandle+

A yi simeke yi tiya henhla ka minambu.

 3 I mani lweyi a nga khwelaka ka ntshava ya Yehovha,+

I mani lweyi a nga nyimaka ka ndhawu ya yena ya ku kwetsima?

 4 Hi lweyi mavoko ya yena ma kalaka ma nga na nandzu lweyi a baseke mbilu,+

Lweyi a kalaka a nga tirhisi vito la mina swaku a funga swa mavunhwa,*

Kumbe ku yendla xitshembiso xa ku kala xi nga li ntiyiso.+

 5 A ta kuma minkateko ya Yehovha+

Ni ku lulama ka Xikwembu xa yena lexi mu ponisaka.+

 6 Lava i vanhu lava mu lavaka,

Lava lavaka nghohe* ya wena, wena Xikwembu xa Yakobe. (Sela)

 7 Tlakusani tinhloko, n’wina swipfalu;+

Pfulekani, n’wina tinyanghwa ta khale,

Swaku ku ta nghena Hosi leyi phatimaka!+

I Yehovha lweyi a nga ni ntamu ni matimba,+

I Yehovha lweyi a nga ni matimba nyimpini.+

 9 Tlakusani tinhloko, n’wina swipfalu;+

Pfulekani, n’wina tinyanghwa ta khale,

Swaku ku ta nghena Hosi leyi phatimaka!

 2 Xikwembu xa mina, ni tshemba wena;+

U nga pfumeli ni danisiwa.+

 3 Phela lava ku tshembaka a va nge danisiwi,+

Kambe lava xengaka van’wani na ku nga na xivangelo xa ku twala va ta danisiwa.+

 4 Yehovha Xikwembu xa mina, ni tivise tindlela ta wena;+

Ni djondzise tindlela ta wena.+

 5 Ni fambise ka ndlela ya wena ya ntiyiso, u ni djondzisa,+

Hikusa u Xikwembu xa mina lexi ni ponisaka.

 6 Yehovha Xikwembu xa mina, khumbuka timpsalu ni lirhandzu la wena,+

Leswi u nga swi kombisa minkama hinkwayu.*+

Ni khumbuke hi mhaka ya lirhandzu la wena,+

Hi mhaka ya wunene la wena, Yehovha Xikwembu xa mina.+

 9 A ta kongomisa lava va ku rhula swaku va yendla swaswinene,+

A ta djondzisa lava ku rhula ndlela ya yena.+

10 Tindlela hinkwatu ta Yehovha i lirhandzu ni ku tshembeka

Ka lava yingisaka ntwananu wa yena+ ni switsundzuxu swa yena.+

11 Hi mhaka ya vito la wena, Yehovha Xikwembu xa mina,+ ni rivalele xidjoho xa mina,

Hambileswi xi nga xikulu.

13 A ta tikhorisa hi minchumu yayinene,+

Funtshi vatukulu va yena va ta tshama misaveni.+

14 Yehovha i munghanu wamukulu wa lava mu chavaka,+

Naswona a va djondzisa ntwananu wa yena.+

15 Ni tshemba Yehovha minkama hinkwayu,+

Hikusa a ta chunsa minenge ya mina ka redi.+

16 Ni txuvuki u ni komba timpsalu,

Hikusa ni noxe naswona a ku na lweyi a ni pfunaka.

17 Mahlomulu ya mina i manyingi hintamu;+

Ni chunse ka ku xaniseka ka mina.

18 Vona ku hlupheka ka mina ni ku karhateka ka mina,+

Ni rivalele swidjoho swa mina hinkwaswu.+

19 Vona leswi valala va mina va nga talisa swona,

Va ni nyenya va za va lava ni ku ni vavisa.

21 Ku tshembeka ni ku lulama a swi ni vhikele,+

Hikusa ni tshembe wena.+

26 Ni yavanyise, Yehovha Xikwembu xa mina hikusa ni tshame na ni tshembekile;+

A ni tshikanga ku tshemba Yehovha.+

 2 Yehovha Xikwembu xa mina, ni kambisise u ni kambela;

Basisa mimpimiso* ya mina ni mbilu ya mina.+

 3 Hikusa ni tshamela ku pimisa hi lirhandzu la wena,

Naswona ni famba ka ndlela ya wena ya ku lulama.+

 4 A ni tshami ni vanhu va mavunhwa,+

Funtshi ni fambela kule ni vanhu lava fihlaka leswi va nga swona.*

 5 Na swi nyenya ku tshama ni vanhu va ku biha,+

A ni hungati ni vanhu lava yendlaka swa ku biha.+

 6 Ni ta hlamba mavoko ni kombisa swaku a ni na nandzu,

Ni ta rhendzeleka ka altari ya wena ni ku gandzela, Yehovha Xikwembu xa mina,

 7 Ni huwelela ni ku khensa,+

Ni tlhela ni vula mintirho ya wena hinkwayu ya ku hlamalisa.

 8 Yehovha, na yi rhandza yindlo leyi u tshamaka ka yona,+

Ndhawu leyi nga ni ku phatima ka wena.+

 9 U nga ni helisi ni vadjohi,+

Kumbe u helisa wutomi la mina ni vanhu lava dlayaka,*

10 Lava mavoko ya vona ma yendlaka swa tingana,

Lava voko la vona la xinene li rhandzaka ku xaviwa.

12 Nenge wa mina wu nyime ka ndhawu ya ku tshamiseka;+

Ni ta dzunisa Yehovha ka nhlengeletanu yayikulu.+

 2 Nkama vanhu va ku biha va nga ni hlasela swaku va dla nyama ya mina,+

Valala va mina hi vona va nga tigumula va wa.

 3 Hambiloko masonchwa mo gwimba matende swaku ma lwa na mina,

A ni nge chavi.*+

Hambiloko valala vo lwa na mina,

Ni ka nkama wolowo ni ta tama ni tshemba Xikwembu.

 4 Ni kombele Yehovha nchumu xin’we

Ku nga lexi ni nga ta xi nyimela,

Leswaku ni tshama ka yindlo ya Yehovha wutomi la mina hinkwalu,+

Ni vona wunene la Yehovha

Ni ku tlangela tempele ya yena.+

 5 Hikusa a ta ni tumbeta ka ndhawu ya yena ya ku hlayiseka hi siku la khombo;+

A ta ni fihla ka ndhawu leyi nga tumbela ya tende la yena;+

A ta ni veka ahenhla ka ribye.+

 6 Swoswi ni hlula valala va mina lava va ni rhendzelaka;

Ni ta yendla magandzelo ka tende la wena na ni ba minkulungwani;

Ni ta yimbelela ni dzunisa Yehovha.

 7 Yehovha Xikwembu xa mina, ni yingisi loko ni huwelela;+

Ni kombe timpsalu, u ni hlamula.+

Phela hi wena u ni pfunaka;+

U nga ni khohlwi kumbe u ni tshika, wena Xikwembu xa mina lexi ni ponisaka.

10 Hambiloko papayi na mamani vo ni tshika,+

Yehovha a ta ni teka.+

11 Ni djondzisi ndlela ya wena, Yehovha Xikwembu xa mina,+

Ni fambisi ka ndlela ya ku lulama hi mhaka ya valala va mina.

12 U nga ni nyikeli ka valala va mina,+

Hikusa vafakazi va mavunhwa va lwa na mina,+

Naswona va ni chavisela hi swa ku biha.

13 A ni ta va na ni li kwini loko a ni nga na lipfumelo

La leswaku ni ta vona wunene la Yehovha na na ha hanya?*+

14 Tshemba Yehovha;+

Tiya nhlana, u nga chavi nchumu.+

28 Yehovha Ribye la mina, ni tshamela ku ku vitana;+

U nga tshiki ku ni twa.

Loko u nga ni hlamuli,

Ni ta fana ni lava yaka sirheni.+

 2 Yingisa xirilo xa mina loko ni kombela ku pfuniwa,

Nkama ni tlakusaka mavoko ya mina ka Ndhawu Ya Ku Kwetsima Hintamu ya tempele ya wena.+

 3 U nga ni yavanyisi ni vanhu va ku biha ni lava hanyaka hi swa ku biha,+

Lava vulavulaka marito ya ku rhula ni vanhu van’wani, kambe va bihe timbilu.+

 4 Va hakeli hi ku ya hi mintirho ya vona,+

Hi ku ya hi mintirho ya vona ya ku biha.

Va hakeli hi ku ya hi mintirho ya mavoko ya vona,

Hi ku ya hi leswi va nga swi yendla.+

 5 Hikusa a va na mhaka ni mintirho ya Yehovha,+

Hambi ntirho wa mavoko ya yena.+

 6 Yehovha a a dzunisiwi,

Hikusa a twe xirilo xa mina xa ku kombela ku pfuniwa.

 7 Yehovha i matimba ya mina+ ni xivhikelo xa mina;+

Mbilu ya mina yi tshembe yena.+

A ni pfunile naswona mbilu ya mina ya tsaka,

Se ni ta mu dzunisa hi lisimu la mina.

 8 Yehovha i matimba ya vanhu va yena;

I ndhawu ya ku tiya* leyi ponisaka lweyi a nga mu langa.+

29 Hloniphani Yehovha n’wina vana va tinhenha,

Hloniphani Yehovha hi mhaka ya ku phatima ni matimba ya yena.+

 3 Rito la Yehovha li twala henhla ka mati;

Xikwembu lexi phatimaka xa dzindza.+

 4 Rito la Yehovha li ni matimba;+

Rito la Yehovha la phatima.

 5 Rito la Yehovha li tshova minsinya ya mikedari;

Ina, Yehovha a tshovelela mikedari ya Lebanoni.+

 6 A yendla tintshava ta Lebanoni ti tlula ku fana ni xihon’wani,

Ni Siriyoni+ ku fana ni xihon’wani xa khwati.

 7 Rito la Yehovha li humesa ndzilu;*+

 8 Rito la Yehovha li tsekatsekisa mananga;+

Yehovha a yendla mananga ya Kadexi+ ma tsekatseka.

 9 Rito la Yehovha li yendla swaku mhunti yi rhurhumela yi gama yi sungula ku psala,

Li yendla swaku minsinya ya le nhoveni yi sala yi nga ha na matluka.+

10 Xitshamu xa wuhosi xa Yehovha xi le henhla ka mati ya manyingi;*+

Yehovha i Hosi hi masiku ni masiku.+

30 Ni ta ku dzunisa Yehovha, hikusa u ni tlakusile;

A wu pfumelanga swaku valala va mina va ni hleka.+

 4 Yimbelelani mi dzunisa Yehovha, n’wina lava tshembekaka ka yena,+

Khensani vito la yena la ku kwetsima;+

 5 Hikusa a mi kwatela swa nkamanyana,+

Kambe a ta mi rhandza wutomi hinkwalu.+

 8 Yehovha, a ni tshikanga ku ku vitana;+

Ni kombele Yehovha swaku a ni komba timpsalu.

11 U yendle swaku ni nga ha rili kambe ni txina;

U ni hlivile mpahla* ya masaka, u gama u ni yambexa ku tsaka,

12 Leswaku ni nga miyeli, ni ku dzunisa hi tinsimu.

Vana ntshava leyi ni nga ta tumbela ka yona,

Ndhawu ya ku hlayiseka leyi nga ta ni ponisa.+

 3 Hikusa u ribye la mina ni ndhawu ya mina ya ku tiya;+

U ta ni rhangela u ni kongomisa+ hi mhaka ya vito la wena.+

 4 U ta ni ponisa ka redi leli va nga li fihla swaku va ni phasa,+

Hikusa u ndhawu ya mina ya ku tumbela ka yona.+

 6 Ni nyenya lava gandzelaka swifaniso swa ku kala swi nga pfuni nchumu,

Kambe mina, ni tshemba Yehovha.

 7 Ni ta tsaka hintamu hi mhaka ya lirhandzu la wena,

Hikusa u vone ku karhateka ka mina;+

Wa ma tiva mahlomulu ya mina.

 8 A wu ni nyikelanga ka mavoko ya nala.

Kambe u yendle swaku ni nyima ka ndhawu ya ku hlayiseka.*

10 Wutomi la mina li hetiwa hi ku vaviseka,+

Ni malembe ya mina ma hetiwa hi mahlomulu.+

Xidjoho xa mina xi ni heta matimba;

Marhambu ya mina a ma ha na ntamu.+

11 Valala va mina hinkwavu va ni hleka,+

Ngopfungopfu vavhizinyu va mina.

Vanghanu va mina va ni chava;

Loko va ni vona vo ni baleka.+

12 Va ni humesile ka timbilu* ta vona, va ni khohlwa ingi ni yo fa;

Ni fana ni khuwani la ku fayeka.

13 Ni twe swivulavula swa swinyingi swa ku biha;

Na chaviseliwa ka matlhelo hinkwawu.+

Loko va tlhangana

Va yendla maplanu* ya ku ni dlaya.+

A ku danisiwe vanhu va ku biha;+

A va miyetiwe aSirheni.*+

18 Minomo leyi hembaka yi nga ha vulavuli,+

Minomo leyi titlakusaka ni ku delela, leyi yi lwaka ni wa ku lulama.

U li vekele lava ku chavaka,+

Funtshi u li kombe vanhu hinkwavu swaku ku pfuneka lava tumbelaka ka wena.+

20 U ta va fihla ka ndhawu ya wena leyi nga tumbela,+

Ka maplanu ya vanhu;

U ta va tumbeta ka ndhawu ya wena ya ku hlayiseka,

Ka vanhu lava lumbetanaka hi swa ku biha.+

21 Yehovha a a dzunisiwi,

Hikusa a ni rhandzile hi ndlela ya ku hlamalisa+ nkama a ni li ka doropa leli nga rhendzeliwa.+

Yehovha a vhikela lava ku tshembeka,+

Kambe a va khatisa hi ndlela ya ku vava lava tibyelaka.+

24 Tiyani nhlana, mi nga chavi nchumu,+

N’wina hinkwenu lava nyimelaka Yehovha.+

 2 Wa tsaka munhu lweyi Yehovha a kalaka a nga mu nyiki nandzu,+

Lweyi a kalaka a nga kanganyisi.

 5 Hi wugamu ni ku byele xidjoho xa mina;

A ni xi fihlanga.+

 6 Hi mhaka leyo mun’wani ni mun’wani wa ku tshembeka a ta khongela ka wena+

Loko wa ha kumeka.+

 7 U ndhawu ya mina ya ku tumbela ka yona;

U ta ni vhikela ka mahlomulu.+

 9 U nga fani ni kavhalu kumbe mbongolo leswi kalaka swi nga twisisi,+

Leswi faneleke swi kongomisiwa hi nsimbi* kumbe goda

Leswaku swi ta tshinela ka wena.”

10 Lweyi wa ku biha a ni switlhavi swa swinyingi;

Kambe lweyi a tshembaka Yehovha, Yena wa mu vhikela hikusa Wa mu rhandza.+

11 N’wina lava ku lulama tsakani mi tsaka swinene hi mhaka ya leswi Yehovha a nga swi yendla;

Banani minkulungwani n’wina lava nga ni timbilu tatinene.

 2 Khensani Yehovha hi haripa;

Yimbelelani mi mu dzunisa hi xitende* xa 10 wa tingoti.

 3 Yimbelelani lisimu la nyuwani;+

Chayani switende hi mbilu ya n’wina hinkwayu na mi ba minkulungwani.

 4 Hikusa rito la Yehovha li lulamile,+

Naswona hinkwaswu leswi a swi yendlaka a swi yendla hi ku tshembeka.

 6 Yehovha a yendle tilo hi rito la yena,+

Naswona hinkwaswu leswi nga tilweni a swi yendle hi moya wa yena.*

 7 A hlengeleta mati ya lwandle ingi mo va ka makhumbi;*+

A hlengeleta mati lama nga kwata swaku a ma hlayisa.

 9 Hikusa a vulile, swi gama swi va kona;+

A rhumisile se swi yendleka.+

10 Yehovha a wonhetele maplanu* ya matiko;+

A wonhe maplanu* ya vanhu.+

11 Kambe switsundzuxu swa Yehovha swi ta va kona hi masiku ni masiku;+

Mimpimiso ya yena yi ta va kona hi masiku.

12 La tsaka tiko leli Xikwembu xa lona ku nga Yehovha,+

Vanhu lava a nga va langa swaku va va tshomba la yena.+

13 Yehovha a txuvuka misaveni na a li tilweni;

A vona vanhu hinkwavu.+

14 A txuvuka lava tshamaka misaveni

Na a li lomu a tshamaka kona.

15 Hi yena a nga yendla timbilu ta vanhu hinkwavu;

A kambisisa mintirho ya vona hinkwayu.+

16 A ku na hosi yi ponaka hi mhaka ya masonchwa ya yona ya manyingi;+

Nhenha a yi ponisiwi hi matimba ya yona yamakulu.+

17 Kavhalu a li nge mu ponisi munhu;+

Hambileswi li nga ni matimba, a swi vuli swaku a ta baleka.

18 Vonani! Yehovha a txuvuka lava mu chavaka,+

Lava nyimelaka swaku a va komba lirhandzu la yena,

19 Leswaku a ta va ponisa ka lifu,

A va hlayisa swaku va hanya hi nkama wa ndlala.+

21 Ha tsaka hi mhaka ya yena,

Hikusa hi tshemba vito la yena la ku kwetsima.+

22 Yehovha, hi kombe lirhandzu la wena,+

Loko ha ha ku rindzile.+

34 Ni ta dzunisa Yehovha minkama hinkwayu;

A ni nge tshiki ku mu dzunisa.

 2 Ni ta tibuma hi Yehovha;+

Lava ku rhula va ta swi twa, se va tsaka.

 3 A hi byeleni van’wani hi Yehovha;+

A hi dzuniseni vito la yena.

 5 Lava a va mu tshemba va tsakile;

A va danisiwanga.

 7 Ntsumi ya Yehovha yi gwimba tende hinkwaku lomu ku nga ni lava Mu chavaka,+

Naswona ya va ponisa.+

 8 Nampsani mi vona swaku Yehovha i munene;+

Wa tsaka munhu lweyi a tumbelaka ka yena.

 9 Chavani Yehovha, n’wina hinkwenu vakwetsimi va yena,

Hikusa lava mu chavaka a va pfumali nchumu.+

10 Hambi swinghonyamani leswi nga ni matimba swa fa hi ndlala,

Kambe lava lavaka Yehovha a va nge pfumali nchumu wawunene.+

11 Tanani vana va mina, ni yingiseni;

Ni ta mi djondzisa ku chava Yehovha.+

12 I mani xikarhi ka n’wina lweyi a tsakelaka wutomi,

Naswona a swi lavaka ku hanya masiku ya manyingi ya ku tsakisa?+

13 Kutani fuma lirimi la wena swaku li nga vulavuli swa ku biha,+

Ni nomo wa wena swaku wu nga vulavuli mavunhwa.+

14 Fambelani kule ni swa ku biha mi yendla swaswinene;+

Lavani ku rhula mi tlhela mi ku hlayisa.+

15 Matihlo ya Yehovha ma txuvuke va ku lulama,+

Ni tindleve ta yena ti yingisa xirilo xa vona xa ku kombela ku pfuniwa.+

16 Kambe Yehovha a va komba nhlana lava yendlaka swa ku biha,

A ta yendla swaku va nga ha khumbukiwi amisaveni.+

17 Va huwelelile naswona Yehovha a swi twile;+

A va ponisile ka mahlomulu ya vona hinkwawu.+

18 Yehovha a kusuhi ni lava nga tshoveka timbilu;+

A ponisa lava nga hetiwa matimba.+

19 I manyingi makhombo ya lweyi wa ku lulama,+

Kambe Yehovha wa mu ponisa ka wona hinkwawu.+

20 A hlayisa marhambu ya yena hinkwawu;

Ni lin’we la wona a li tshovekanga.+

21 Lweyi wa ku biha a ta dlayiwa hi khombo;

Lava nyenyaka lweyi wa ku lulama va ta nyikiwa nandzu.

22 Yehovha a ponisa wutomi la vatirheli va yena;

Lava tumbelaka ka yena a va nge nyikiwi nandzu.+

35 Yehovha Xikwembu xa mina, ni lwele ka lava ni lumbetaka;+

Lwana ni lava lwaka na mina.+

 2 Teka xivhikelo xa wena xaxitsongo ni xaxikulu,+

U ta ni lwela.+

 5 A va fane ni muhungu lowu biwaka hi moya;

Ntsumi ya Yehovha a yi va hlongole va ya kule.+

 6 Ndlela ya vona a yi ve ni munyama yi tlhela yi rhetemuka

Nkama ntsumi ya Yehovha yi va txatxaka.

 7 Hikusa va ni rhiye hi redi na ni nga va wonhelanga nchumu;

Va ni txelele xikhele na ni nga va wonhelanga nchumu.

 8 A va humeleliwe hi khombo na va nga swi nyimelanga;

A va phasiwe hi redi leli va nga ni rhiya hi lona;

A va wele ka lona va fa.+

 9 Kambe ni ta tsaka hi mhaka ya Yehovha;

Ni ta tsaka hikusa a ni ponisile.

U ponisa lweyi a kalaka a nga swi koti ku tilwela ka lava nga ni matimba,+

U ponisa xisiwana ni lweyi a kalaka a nga swi koti ku tilwela ka vayivi.”+

11 Ku ta timboni ta mavunhwa,+

Ti ni vutisa swa ku kala ni nga swi tivi.

12 Va ni tlhelisela hi swa ku biha loko ni va yendlela swaswinene,+

Va ni vangela nhlomulu.*

13 Kambe nkama va nga vabya ni yambale mpahla* ya masaka;

Ni tixanisile ni titsona swakudla,

Naswona loko xikhongelo xa mina xi nga hlamuliwi,

14 Ni fambafambe na ni rila ingi hiloko ni rila munghanu kumbe makwerhu;

Ni khizamile hi mhaka ya ku vaviseka, ku fana ni munhu lweyi a rilaka mamani wa yena.

15 Kambe loko swi nga ni fambeli kahle, va tsakile kutani va tlhangana;

Va tlhanganile swaku va ta ni hlasela na ni nga swi nyimelanga;

Va ni phatlulelile hi marito, funtshi a va miyelanga.

16 Vanhu lava va kalaka va nga chavi Xikwembu va ni poyilela,

Va phora ni matinyu loko va ni vona.+

Ni ponise ka ku hlaseliwa hi vona,+

Ponisa wutomi la mina la lisima ka swinghonyamani leswi.+

18 Kutani ni ta ku khensa ka nhlengeletanu yayikulu;+

Ni ta ku dzunisa axikarhi ka vanhu va vanyingi.

19 U nga pfumeleli lava tiyendlaka valala va mina va tsaka loko ni wa;

U nga pfumeleli lava ni nyenyaka na ku nga na xivangelo+ va ni poyilela.+

20 Hikusa leswi va swi vulaka a swi tisi ku rhula,

Kambe va yendla maplanu ya ku lwa ni lava ku rhula atikweni.+

21 Va pfula minomo swaku va ni lumbeta,

Va ku: “Aham! Aham! Hi swi vonile hi matihlo ya hina.”

23 Pfuka u ta ni lwela,

Yehovha Xikwembu xa mina, lwela mhaka ya mina.

24 Ni yavanyise hi ku ya hi ku lulama ka wena,+ Yehovha Xikwembu xa mina;

U nga va tshiki va tsaka loko ni wa.

26 Hinkwavu a va danisiwe va tlhela va xixiwa

Lava tsakaka loko ni humeleliwa hi khombo.

27 Kambe lava tsakisiwaka hi ku lulama ka mina a va be minkulungwani;

A va tshameli ku vula va ku:

28 Se ni ta gayela hi mintirho ya wena ya ku lulama+

Ni ku dzunisa siku hinkwalu.+

36 Mbilu ya munhu wa ku biha yi kongomisiwa hi swa ku biha;

A nga xi chavi Xikwembu.+

 2 A tivona na a li wa lisima,

A za a nga xi voni ni xidjoho xa yena a tlhela a nga xi nyenyi.+

 3 Marito ya yena ma tlhava naswona a ma na ntiyiso;

A nga na wutlharhi la ku yendla swaswinene.

A bedjele ku famba ka ndlela ya ku biha;

A nga fambeli kule ni swa ku biha.

 5 Yehovha, lirhandzu la wena li fika ni le tilweni,+

Ku tshembeka ka wena ku fika ni le ka marhefu.

 6 Ku lulama ka wena ku fana ni tintshava tatikulu;*+

Wuyavanyisi la wena li fana ni mati ya manyingi ya ku yenta.+

 8 Va nwa va kolwa ka swa swinyingi leswi nga ka yindlo ya wena,+

U va nwisa leswi nga ka nambu wa wena wa minchumu yayinene.+

 9 Hi wena xihlovo xa wutomi;+

Hi za hi kota ku vona ku voninga hi mhaka ya ku vonakala ka wena.+

10 U nga tshiki ku rhandza lava ku tivaka,+

Lava nga ni timbilu tatinene va kombi ku lulama ka wena.+

11 U nga tshiki nenge wa vanhu va ku tibyela wu ni kandzihela,

Kumbe voko la lava ku biha li ni hlongola.

12 Vonani lomu va nga wela kona lava yendlaka swa ku biha;

Va biwe va wa naswona a va ha swi koti ku pfuka.+

37 U nga kwati hi mhaka ya lava yendlaka swa ku biha

Kumbe u navela lava yendlaka swa ku biha.+

 2 Va ta hantla va vuna ku fana ni byanyi+

Va tlhela va woma ku fana ni byanyi la vherdi le la ha ku milaka.

 3 Tshemba Yehovha u yendla swaswinene;+

Tshama amisaveni, u tshembeka.+

 4 Kuma ku tsaka kakukulu ka Yehovha,

Naswona a ta ku nyika leswi mbilu ya wena yi swi navelaka.

 5 Yandlala ndlela ya wena ka Yehovha;+

Mu tshembi, a ta ku pfuna.+

 6 A ta yendla ku lulama ka wena ku voninga ku fana ni dlambu loko li tlhava,

Kasi wululami la wena li ta fana ni dlambu la ninhlikanhi.

 7 Miyela u ku whii, phambheni ka Yehovha+

Mu rindzele na u nga heli mbilu.

U nga kwatisiwi hi munhu

Lweyi maplanu* ya yena ya ku biha ma humelelaka.+

 8 U nga kwati, tshika ku kwata;+

U nga kwati u za u yendla swa ku biha.*

 9 Hikusa lava yendlaka swa ku biha va ta helisiwa,+

Kambe lava tshembaka Yehovha va ta tshama misaveni.+

10 Ku yo sala nkamanyana swaku lava ku biha va helisiwa;+

U ta txuvuka lomu a va li kona,

Kambe va ta va va nga ha li kona.+

11 Kambe lava ku rhula va ta tshama misaveni,+

Va ta tsaka hintamu hikusa ku ta va ni ku rhula kakukulu.+

12 Lweyi wa ku biha a yendla maplanu ya ku lwa ni lweyi wa ku lulama;+

A mu lumela ni matinyu loko a mu vona.

13 Kambe Yehovha a ta mu hleka,

Hikusa Wa swi tiva swaku siku la yena li ta ta.+

14 Lava ku biha va hlomule swipada swa vona va tlhela va khoma ni tigubu ta vona,

Swaku va helisa lava xanisiwaka ni swisiwana,

Swaku va dlaya lava nga lulama.

15 Kambe matlharhi ya vona ma ta tlhava timbilu ta vona;+

Tigubu ta vona ti ta tshoviwa.

16 Ku yampsa swaswitsongo swa lweyi wa ku lulama

Ku tlula swa swinyingi swa lava ku biha.+

17 Hikusa mavoko ya lava ku biha ma ta tshoviwa,

Kambe Yehovha a ta seketela lava ku lulama.

18 Yehovha wa ma vona mahlomulu ya lava ku lulama,

Naswona tshomba la vona li ta va kona hi masiku ni masiku.+

19 A va nge danisiwi hi nkama wa khombo;

Va ta xurha hi nkama wa ndlala.

20 Kambe lava ku biha va ta helisiwa;+

Valala va Yehovha va ta nyamalala ku fana ni byanyi la ku nona;*

Va ta nyamalala ku fana ni ximusi.

21 Lweyi wa ku biha wa lomba kambe a nga tlhelisi,

Kambe lweyi wa ku lulama a ni timpsalu funtshi a nga tsonani.+

22 Misava yi ta va ya lava A va katekisaka,

Kambe lava A va rhukaka va ta helisiwa.+

23 Yehovha a kongomisa wutomi la munhu+

Lweyi mintirho ya yena yi Mu tsakisaka.+

24 Hambiloko o wa, a nge tshikiwi hansi,+

Hikusa Yehovha a ta mu pfuxa hi voko la yena.+

25 A ni li djaha naswona swoswi se ni gugile,

Kambe a ni se tshama ni vona munhu wa ku lulama a tshikiwa,+

Kumbe vana va yena va kombela pawu.*+

26 Nkama hinkwawu a lombisa na a nga lavi majuru,*+

Funtshi vana va yena va ta katekisiwa.

27 Tshika swa ku biha u yendla swaswinene,+

Se u ta tshama hi masiku ni masiku.

28 Hikusa Yehovha a rhandza wululami,

A nge va tshiki vanhu va yena va ku tshembeka.+

Va ta tshama na va hlayisekile;+

Kambe vatukulu va lava ku biha va ta helisiwa.+

29 Lava ku lulama va ta tshama misaveni,+

Va ta hanya ka yona hi masiku ni masiku.+

30 Nomo wa lweyi wa ku lulama wu vulavula marito ya wutlharhi,

Ni lirimi la yena li vulavula swa ku lulama.+

31 Nawu wa Xikwembu xa yena wu le mbilwini ya yena;+

Minenge ya yena a yi nge dedereki.+

32 Munhu wa ku biha a langute lweyi wa ku lulama,

A lava ku mu dlaya.

33 Kambe Yehovha a nge mu tshiki wa ku lulama a hluliwa hi wa ku biha,+

Kumbe ku mu nyika nandzu loko a yavanyisiwa.+

34 Tshemba Yehovha u landzela ndlela ya yena,

A ta ku tlakusa swaku u tshama misaveni.

35 Ni vone wanuna wa ku biha lweyi a hluphaka van’wani

Swi mu fambela kahle ku fana ni timintsu ta nsinya wawukulu ka misava ya wona.+

36 Kambe a hantle a fa a nga ha li kona;+

Ni tame ni mu lavetela kambe a nga ha kumekanga.+

37 Txuvukisisa lweyi wa ku tshembeka,*

Tshama na u txuvuke wa ku lulama,+

Hikusa munhu wa kona a ta va ni ku rhula mundzuku ka siku.+

38 Kambe hinkwavu lava tlulaka nawu va ta helisiwa;

Lava ku biha a wugamu la vona i ku dlayiwa.+

39 Yehovha a ponisa lava ku lulama;+

I xivhikelo xa vona hi nkama wa mahlomulu.+

A ta va ponisa ka lava ku biha a va ponisa,

Hikusa va tumbela ka yena.+

38 Yehovha Xikwembu xa mina, u nga ni layi na u kwatile,

Hambi ku ni lulamisa na u kwatile.+

 2 Hikusa mimpaxwa* ya wena yi ni tlhave yi za yi ya fika ndzenindzeni ka mina,

Ni voko la wena la ni peza.+

 4 Hikusa minandzu ya mina i yinyingi hintamu;+

Yi ni tika ku fana ni xidjumba xa ku tika lexi ni tsandzekaka ku xi rhwala.

 5 Swilondza swa mina swa nun’hwa naswona swi ni wubofu

Hi mhaka ya wuphunta la mina.

 6 Ni karhatekile naswona ni hele ntamu;

Ni fambafamba siku hinkwalu na ni rila.

 7 Na psha ndzeni ka mina;

Muzimbha wa mina hinkwawu wu ni switlhavi.+

 8 Ni hele ntamu naswona a na ha koti nchumu;

Na konya, funtshi mbilu ya mina yi karhatekile swinene.

 9 Yehovha Xikwembu xa mina, wa swi tiva hinkwaswu leswi ni swi navelaka,

Naswona wa ni twa loko ni konya.

10 Mbilu ya mina yi bela henhla, ni hele ntamu,

A na ha voni kahle.+

11 Vanghanu va mina a va ha na mhaka na mina hi mhaka ya mavabyi ya mina,

Lava ni tivaka va fambela kule na mina.

12 Lava lavaka ku ni dlaya va ni rhiyile;

Lava lavaka ku ni vavisa va vulavula ku biha hi mina;+

Va tshamela ku yendla maplanu* ya ku biha siku hinkwalu.

13 Kambe a ni nga ta va yingisa ku fana ni munhu wa ku fa tindleve;+

A ni nga ta wu pfula nomo wa mina ku fana ni mbeveve.+

14 Ni fana ni munhu lweyi a nga fa tindleve,

Lweyi a kalaka a nga swi koti ku tivulavulela.

15 Hikusa ni rindzele wena Yehovha,+

U ni hlamulile Yehovha Xikwembu xa mina.+

16 Hikusa ni te: “Va nga tibumi hi mina

Kumbe va tsaka loko nenge wa mina wu rhetemuka.”

17 Hikusa a ni li kusuhi ni ku wa,

Naswona a ni tshamela ku twa ku vava.+

18 Ni vule nandzu wa mina;+

Xidjoho xa mina a xi ni karhata.+

19 Kambe valala va mina va ni matimba,*

I vanyingi lava ni nyenyaka na ku nga na xivangelo.

20 Loko ni va yendlela swaswinene va ni tlhelisele hi swa ku biha;

A va ni pfalela ku yendla swaswinene.

22 Kahlula u ta ni pfuna,

Yehovha muponisi wa mina.+

39 Ni te: “Ni ta tivonela

Swaku ni nga djohi hi lirimi la mina.+

Ni ta pfala* nomo wa mina+

Loko lweyi wa ku biha a ha li kusuhi na mina.”

 2 Ni miyelile ni ku ntsee;+

Ni miyelile hambiloko ku ni swaswinene,

Kambe switlhavi swa mina swi yengeselekile.

 4 “Yehovha Xikwembu xa mina, ni pfuni ni tiva swaku ni ta gamisa ku yini,

Ni tiva ni masiku ya mina,+

Swaku ni ta tiva ku leha ka wutomi la mina.

 5 Phela u ni nyike masiku yamatsongo;+

Masiku ya wutomi la mina a hi ya nchumu ka wena.+

 9 Ni miyelile;

A ni swi kotanga ku pfula nomo,+

Hikusa hi wena u nga yendla leswi.+

11 U laya lweyi a nga yendla xihoxo hi ku mu khatisa;+

U helisa swilo leswi a swi rhandzaka ingi hiloko swi yo dliwa hi swipungwani.

12 Yehovha Xikwembu xa mina, yingisa xikhongelo xa mina,

Ni yingisi loko ni kombela ku pfuniwa.+

Hikusa ni fana ni munhu wa tiko lin’wani ka wena,+

Ni fana ni munhu lweyi a hundzaka hi ndlela, ku fana ni leswi vavhovho va mina hinkwavu a va tshamise swona.+

13 U nga ni txuvuki na u kwatile swaku ni ta tsaka

Na ni nga se fa ni gama ni nga ha vi kona.”

40 Ni tshemba* Yehovha hi mbilu hinkwayu,

A yingisela kahle swaku a twa xirilo xa mina xa ku kombela ku pfuniwa.+

 2 A ni humese ka xikhele lexi nga ni mati lama nga kwata,

A ni humese ka madaka.

A ni nyimisa henhla ka ribye;

Swaku ni nga wi.

 3 Se a ni djondzisa lisimu la nyuwani,+

A ku dzunisiwe Xikwembu xa hina.

Va ku tala va ta txuvuka va gama va hlamala

Va ta tshemba Yehovha.

 4 Wa tsaka munhu lweyi a tshembaka Yehovha

Lweyi a kalaka a nga tshembi vanhu lava kalaka va nga na xihlonipho kumbe lava nga ni mavunhwa.

 5 Yehovha Xikwembu xa mina

U yendle swilo swa swinyingi hintamu,

Mintirho ya wena ya hlamalisa ni leswi u swi pimisaka hi hina.+

A nga kona lweyi a nga fanisiwaka na wena;+

Loko no lava ku vulavula hi mintirho ya wena,

I yinyingi hintamu lakakuva a ni nge swi koti ku yi heta!+

 6 A wu tsakisiwanga hi magandzelo ni minyikelo+

Kambe u pfule tindleve ta mina swaku ti yingisa.+

 8 Ni tsakisiwa hi ku yendla ku rhandza ka wena Xikwembu xa mina,+

Nawu wa wena wu le ndzeni ka mbilu ya mina.+

Phela a ni miyelanga,+

Yehovha Xikwembu xa mina, u swi tiva kahle.

Swidjoho swa mina swa swinyingi swi ni tata nhloko ni za ni nga ha yi voni ni ndlela;+

I swinyingi ku tlula ni misisi ya nhloko ya mina,

Naswona ni hele ntamu.

14 Hinkwavu lava lavaka ku ni dlaya

A va danisiwe va tlhela va xixiwa.

Lava tsakaka loko ni humeleliwa hi khombo

A va baleke na va korhamise tinhloko hi tingana.

16 Kambe lava va ku lavaka+

A va tsake, va tsaka hi wena.+

17 Kambe a ni na wa ku ni pfuna naswona ni xisiwana;

Yehovha a a ni yingise.

U mupfuni wa mina ni muponisi wa mina;+

U nga hlweli Xikwembu xa mina.+

41 Wa tsaka lweyi a pimiselaka xisiwana;+

Yehovha a ta mu ponisa hi siku la khombo.

Va ta vula swaku a tsakile amisaveni;+

A wu nge mu nyiketi ka valala va yena.+

 3 Yehovha a ta mu pfuna loko a vabya;+

A ta mu hlayisa loko a vabya.

A fika a lava swa ku biha swaku a ta swi vula hi mina;

A gama a famba a ya swi hangalasa.

 7 Hinkwavu lava ni nyenyaka va ni hleva;

Va ni yendlela maplanu* ya ku biha, va ku:

 8 “A humeleliwe hi nchumu xa ku chavisa;

Leswi a nga wa, a nge he pfuki.”+

 9 Hambi munhu lweyi a hi twanana, lweyi a ni mu tshemba,+

Lweyi a a dla pawu la mina a ni djikelile.*+

10 Kambe Yehovha Xikwembu xa mina, ni kombe timpsalu, u ni pfuxa,

Swaku ni ta tlhelisela.

12 Phela mina, wa ni seketela hikusa ni tshembekile;+

U ta ni veka phambheni ka wena hi masiku ni masiku.+

13 A ku dzunisiwe Yehovha Xikwembu xa Israyele

Masiku hinkwawu.+

42 Ku fana ni mhunti leyi navelaka mati ya minambu,

Na mina na ku navela wena Xikwembu.

 3 Mihloti ya mina i swakudla swa mina wusiku ni nhlikanhi;

Siku hinkwalu vanhu va ni poyilela va ku: “Kasi xi kwini Xikwembu xa wena?”+

 4 Swilo leswi na swi khumbuka naswona mbilu ya mina ya vava

Hikusa ni tshame ni famba ni xitshungu;

A ni tolovela ku famba hi kutsongokutsongo phambheni ka xona ni ya ka yindlo ya Xikwembu,

Na hi yimbelela tinsimu ta ku khensa,

Ta xitshungu lexi tlangelaka fexta.+

Ni ta rindzela Xikwembu,+

Hikusa na ha ta xi dzunisa hileswi xi nga Muponisi wa mina Wamukulu.+

Hi leswo swi yendlaka ni ku khumbuka,+

Na ni li ka tiko la Yordani ni le henhla ka tintshava ta Hermoni,

Na ni li ka Ntshava ya Mizara.

 7 Mati ya ku yenta ma vitana mati ya ku yenta

Hi guwa la mati ya wena ya le riweni.*

 8 Ninhlikanhi Yehovha a ta ni komba swaku wa ni rhandza,

Niwusiku lisimu la yena li ta va na mina, xikhongelo lexi yaka ka Xikwembu xa wutomi la mina.+

10 Valala va mina va ni rhuketela hi ndlela ya mona;*

Siku hinkwalu va ni poyilela va ku: “Kasi xi kwini Xikwembu xa wena?”+

Ni ta rindzela Xikwembu,+

Hikusa na ha ta xi dzunisa hileswi xi nga Muponisi wa mina Wamukulu ni Xikwembu xa mina.+

43 Ni yavanyisi, Xikwembu xa mina,+

Lwela mhaka ya mina atribunali+ ka tiko leli kalaka li nga tshembeki.

A swi ni kongomise;+

A swi ni yise ka ntshava ya wena ya ku kwetsima ni le ka tabernakela ya wena yayikulu.+

 4 Kutani ni ta ya ka altari ya Xikwembu,+

Ka Xikwembu, ku tsaka ka mina kakukulu.

Ni ta rindzela Xikwembu,+

Hikusa na ha ta xi dzunisa hileswi xi nga Muponisi wa mina Wamukulu ni Xikwembu xa mina.+

44 Hi swi twile hi tindleve ta hina wena Xikwembu,

Vavhovho va hina va hi bulelile,+

Mintirho leyi u nga yi yendla hi nkama wa vona,

Khale ka khaleni.

 2 U hlongole matiko hi voko la wena,+

U teke tiko u li nyika vavhovho va hina.+

 3 A va tekanga tiko hi mhaka ya xipada xa vona,+

A va hlulanga hi mhaka ya voko la vona.+

Kambe va kote ku hlula hi mhaka ya voko la wena la xinene ni xiyandla xa wena,+ ni hi mhaka ya timpsalu ta wena,*

Hikusa u va rhandzile.+

 4 U Hosi ya mina, wena Xikwembu;+

Pfuna Yakobe swaku a hlula.

 5 Hi ta hlongola valala va hina hi matimba ya wena;+

Hi vito la wena hi ta kandzihetela lava va hi hlaselaka.+

 6 Hikusa a ni li tshembi ligubu la mina,

Funtshi xipada xa mina a xi nge ni ponisi.+

 7 Hi wena u nga hi ponisa ka valala va hina,+

Hi wena u nga danisa lava va hi nyenyaka.

 8 Hi ta dzunisa Xikwembu siku hinkwalu,

Naswona hi ta khensa vito la wena hi masiku ni masiku. (Sela)

 9 Kambe swoswi u hi txukumetile u tlhela u hi danisa,

A wa ha fambi xikan’we ni masonchwa ya hina.

10 U tshamela ku yendla swaku hi baleka valala va hina;+

Lava va hi nyenyaka va hi tekela minchumu ya hina.

11 U hi nyikelile swaku hi dliwa ku fana ni tinyempfu;

U hi hangalasile xikarhi ka matiko.+

12 U xavise vanhu va wena hi male ya le hansi hintamu;+

A wu ganyanga nchumu nkama u nga va xavisa.

13 U yendle swaku vavhizinyu va hina va hi rhuka,

Lava tshamaka kusuhi na hina va hi poyilela va tlhela va hi vonela hansi.

14 U hi yendle xihlekiso xikarhi ka matiko,+

Leswi yendlaka vanhu va hlakahla tinhloko loko va hi vona.

15 Ni titwa ni susiwe xindzhuti siku hinkwalu,

Naswona ni tsakamile hi tingana,

16 Hi mhaka ya guwa la swipoyilo swa vona ni nhlambha ya vona,

Hi mhaka ya nala wa hina lweyi a tlheliselaka.

17 Hi humeleliwe hi swilo leswi hinkwaswu, kambe a hi ku khohlwanga,

Naswona a hi wu tlulanga ntwananu wa wena.+

18 Timbilu ta hina a ti hambukanga;

Minkondzo ya hina a yi humanga ka ndlela ya wena.

19 Kambe u hi pfotlosile ka ndhawu leyi ku tshamaka timbyana ta khwati;*

U hi funengete hi ndzhuti wawukulu.

20 Loko hi khohlwe vito la Xikwembu xa hina,

Kumbe hi tlakuse mavoko swaku hi khongela ka xikwembu xin’wani,

21 Indjhe Xikwembu a xi nge swi tsumbuli?

22 Minkama hinkwayu va lava ku hi dlaya hi mhaka ya wena;

Hi fana ni tinyempfu leti yaka ku dlayiweni.+

25 Hikusa hi wisiwe hansi;

Hi manyiwe hansi.+

 3 Tlhoma xipada xa wena,+ wena lweyi a nga ni matimba,+

Hi ku hlonipheka ka wena ni ku dzuneka ka wena.+

 4 Famba u ya hlula hi ku tlakuka ka wena;+

Famba hi kavhalu la wena u ya lwela ntiyiso ni lava tivekaka hansi ni ku lulama,+

Naswona voko la wena la xinene li ta yendla* minchumu ya ku hlamalisa.

 5 Mimpaxwa* ya wena yi lotekile kahle, yi wisetela vanhu phambheni ka wena;+

Yi tlhava timbilu ta valala va hosi.+

 6 Xikwembu i xitshamu xa wena xa wuhosi hi masiku ni masiku;+

Nhonga ya wuhosi ya mfumu wa wena i nhonga ya wuhosi ya wululami.+

 8 Mpahla ya wena hinkwayu yi nun’hwela mira, mhangani ni kasiya;*

U tsakisiwa hi switende* loko u li ka yindlo ya wuhosi leyi nga sasekisiwa hi matinyu ya tindlopfu.

10 Yingisa, wena ntombhi, yingisela kahle;

Khohlwa vanhu va tiko la wena ni ndjangu wa papayi wa wena.

11 Kutani hosi yi ta navela ku saseka ka wena,

Hikusa i hosi ya wena,

Se khizama phambheni ka yona.

12 Ntombhi ya le Tiru yi ta ta ni nyiko;

Vavanuna va ku ganya hintamu va ta lava swaku u va komba timpsalu.

13 Ndzeni ka yindlo ya hosi ku ni ntombhi ya ku saseka hintamu;

Mpahla ya yona yi sasekiseliwe hi woru.

15 Va ta tlhangavetiwa hi minkulungwani ni ku tsaka;

Va ta nghena ka yindlo ya hosi.

46 Xikwembu i ndhawu ya ku tumbela ni matimba ya hina,+

Ku pfuniwa loku kumekaka hi ku hantlisa hi nkama wa mahlomulu.+

 2 Hi mhaka leyo a hi nga ta chava hambiloko misava yi txintxa,

Hambiloko tintshava ti wela xikarhi ka lwandle,+

 3 Hambiloko mati ya kona ma vanga guwa, ma banana ma ya hala ni hala,*+

Hambiloko tintshava ti tsekatseka hi mhaka ya ku kwata ka lona. (Sela)

 4 Ku ni nambu lowu tindlela ta wona ti tsakisaka doropa la Xikwembu,+

Tabernakela yayikulu ya ku kwetsima ya Lweyi A Nga Tlakuka.

 6 Matiko a ma dungekile, mimfumu a yi hluliwile;

Xi huwelelile se misava yi gama yi deretera.+

 7 Yehovha murhangeli wa tintsumi a na hina;+

Xikwembu xa Yakobe i ndhawu ya hina ya ku tumbela leyi nga hlayiseka. (Sela)

 8 Tanani mi ta vona mintirho ya Yehovha,

Ndlela leyi a nga yendla hi yona minchumu ya ku hlamalisa amisaveni.

A tshova ligubu a tlhela a tshovelela ni tlharhi;

A hisa tinyolo* ta nyimpi hi ndzilu.

Ni ta tlakusiwa xikarhi ka matiko;+

Ni ta tlakusiwa amisaveni.”+

11 Yehovha murhangeli wa tintsumi a na hina;+

Xikwembu xa Yakobe i ndhawu ya hina ya ku tumbela leyi nga hlayiseka.+ (Sela)

 2 Hikusa Yehovha Lweyi A Nga Tlakuka, i Xikwembu xa ku hlamalisa;+

I Hosi leyikulu amisaveni hinkwayu.+

 3 A veka vanhu hansi ka hina;

A veka matiko hansi ka minenge ya hina.+

 4 A hi langele tshomba,+

Leli Yakobe, lweyi a rhandziwaka hi Xikwembu a tibumaka hi lona.+ (Sela)

 5 Xikwembu xi khwelile xi ya ka ndhawu ya xona na xi dzunisiwa;

Yehovha a khwelile na ku chayiwa limhondzo.

 7 Hikusa Xikwembu i Hosi ya misava hinkwayu;+

Yimbelelani mi xi dzunisa, swi yendleni hi wutlharhi.

 9 Varhangeli va vanhu va hlengeletanile

Ni vanhu va Xikwembu xa Abrahamu.

48 Yehovha i mukulu naswona a faneliwa swinene hi ku dzunisiwa

Ka doropa la Xikwembu xa hina, ka ntshava ya xona ya ku kwetsima.

 2 Ntshava ya Siyoni leyi nga norte,*+

Yi tlakukile yi tlhela yi saseka naswona yi tsakisa misava hinkwayu,

Doropa la Hosi Leyikulu.+

 3 Xikwembu xi yendle swi tiviwa swaku hi xona ndhawu ya ku tumbela leyi nga hlayiseka,

Ndzeni ka maprediyu* ya doropa lawa ma nga hlayiseka.+

 4 Wavo, tihosi ti hlengeletanile;

Ti hundze xikan’we.

 6 Ti sungule ku rhurhumela kolanu,

Ti sungule ku twa ku vava ku fana ni wansati loko a psala.*

 8 Leswi hi nga swi twa, se hi swi vonile hi matihlo ya hina

Ka doropa la Yehovha murhangeli wa tintsumi, ka doropa la Xikwembu xa hina.

 9 Hi gayela hi lirhandzu la wena, Xikwembu xa hina,+

Loko hi li ka tempele ya wena.

10 Ku fana ni vito la wena, Xikwembu xa mina, ku dzuneka ka wena

Ku fika ni ka magamu ya misava.+

11 Ntshava ya Siyoni+ a yi tsake,

Madoropa* ya Yuda a ma tsake hi mhaka ya ku yavanyisa ka wena.+

12 Rhendzelekani ka doropa la Siyoni;

Kontelani maprediyu ya lona.+

Kambelani maprediyu ya lona,

Leswaku mi ta byela vanhu lava nga ta psaliwa.

Yingisani kahle, n’wina hinkwenu lava tshamaka misaveni,

 2 N’wina vanhu va swiyimu swa ku hambanahambana,

Va ku ganya ni swisiwana.

 3 Nomo wa mina wu ta vulavula swilo swa wutlharhi,

Ni leswi ni nga ta pimisa* hi swona+ swi ta kombisa ku twisisa.

 4 Ni ta xi yingisela kahle xivuriso;

Ni ta tlhamusela xihlayahlaya xa mina na ni chaya haripa.

 5 Hi mhaka muni ni fanele ni chava hi nkama wa mahlomulu,+

Loko ni rhendzeliwe hi wubihi la lava lavaka ku ni diba?

 6 Lava tshembaka tshomba la vona+

Ni lava tibyelaka hileswi va nga ganya hintamu,+

 7 A nga kona ka vona lweyi a nga ponisaka makwavu

Kumbe ku nyika Xikwembu nkutsulu wa ku ponisa makwavu,+

 8 (Nkutsulu wa wutomi la vona wu durha ngopfu

Lakakuva a va nge zi va swi kotile ku wu hakela);

 9 Leswaku a hanya hi masiku ni masiku a nga li voni sirha.+

10 Munhu wa swi vona swaku hambi lava ku tlhariha va fa;

A xiphunta ni lweyi a kalaka a nga pimisi kahle na vona va fa,+

Ni leswaku va boheka ku siyela van’wani tshomba la vona.+

11 Va navela swaku tiyindlo ta vona ti tshama hi masiku,

Matende ya vona na wona ma tshama hi masiku.

12 Kambe hambiloko munhu a hloniphiwa, a nge hanyi a nga fi;+

A nga swi tluli swiharhi leswi faka.+

13 Leyi i ndlela ya swiphunta+

Ni ya lava swi landzelaka, lava tsakisiwaka hi marito ya swona ya ku kala ma nga pfuni nchumu. (Sela)

Lifu li ta va risa;

Lava ku lulama va ta va fuma+ nimixo.

Va ta nyamalala;+

Kaya ka vona ku ta va Sirha*+ ku nga ha vi yindlo ya wuhosi.+

15 Kambe Xikwembu xi ta ni ponisa ka matimba ya Sirha,*+

Hikusa xi ta ni koka xi ni humesa. (Sela)

16 U nga chavisiwi hi munhu loko a ganya,

Loko tshomba la kaya ka yena li ya li tala,

17 Hikusa loko a fa wa swi siya;+

A nge fambi ni tshomba la yena asirheni.+

20 Munhu lweyi a kalaka a nga swi twisisi leswi, hambiloko a hloniphiwa,+

A nga swi tluli swiharhi leswi faka.

50 Yehovha Xikwembu lexi nga tlakuka ku tlula swikwembu hinkwaswu,+ a vulavulile;

A vitana misava

Ku sukela awuxeni ku ya awupeladlambu.

Phambheni ka xona ku ni ndzilu lowu pfurhaka hintamu,+

Naswona matlhelweni ka xona ku ni xidzedze xaxikulu.+

 4 Xi vitana matilo ni misava,+

Swaku xi ta yavanyisa vanhu va xona:+

 5 “Hlengeletani vanhu va mina va ku tshembeka,

Lava yendlaka ntwananu na mina hi gandzelo.”+

 6 Matilo ma huwelela ku lulama ka xona,

Hikusa Xikwembu hi xoxe i Muyavanyisi.+ (Sela)

 7 “Yingisani nkama ni vulavulaka, n’wina vanhu va mina;

Wena Israyele, ni ta kombisa swihoxo swa wena.+

 8 A ni ku layi hi mhaka ya magandzelo ya wena,

Kumbe hi mhaka ya magandzelo ya wena ya ku hisiwa lawa u tshamelaka ku ni yendlela wona.+

 9 A ni nge teki homu kaya ka wena,

Kumbe timbuti* ka swib’ala swa wena.+

10 Hikusa swiharhi hinkwaswu leswi nga khwatini i swa mina,+

Ni swiharhi leswi nga henhla ka 1.000 wa tintshava.

11 Ni tiva swinyanyani hinkwaswu swa tintshava;+

Ni swiharhi swa ku a swi konteki hi ku tala ka swona leswi nga nhoveni i swa mina.

12 Loko a ni twa ndlala, a ni nga ta ku byela,

Hikusa tiko ni hinkwaswu leswi nga ka lona i swa mina.+

13 Indjhe ni nga dla nyama ya tihomu,

Ni ku phuza ngati ya timbuti?+

14 Yendlela Xikwembu gandzelo hi ku xi khensa,+

Yendla leswi u nga swi tshembisa Lweyi A Nga Tlakuka;+

15 Ni vitane loko u li ka mahlomulu.+

“Indjhe u ni mfanelo ya ku vulavula hi minawu ya mina,+

Kumbe ku vulavula hi ntwananu wa mina ke?+

17 Hikusa wa swi nyenya ku layiwa,

Naswona a wu swi yingisi leswi ni ku byelaka swona.+

18 Loko u vona muyivi, u tsaka na yena,*+

Naswona u munghanu wa lava mbuyetaka.

19 Nomo wa wena wu hangalasa swa ku biha,

Ni lirimi la wena li tale hi mavunhwa.+

20 U tshamela ku vulavula ku biha hi makwenu;+

U byela van’wani swihoxo swa makwenu.

21 Nkama u nga yendla minchumu leyi ni miyelile,

Se u pimise swaku hi ta fana.

Kambe swoswi ni ta ku laya,

Ni ta ku komba swihoxo swa wena.+

22 Ni kombela mi pimisa hi mhaka leyi, n’wina lava nga khohlwa Xikwembu,+

Swaku ni nga mi handzuleli ku nga na lweyi a nga ta mi lamulela.

23 Lweyi a ni yendlelaka gandzelo hi ku ni khensa wa ni dzunisa,+

Kasi lweyi a landzelaka ndlela yayinene,

Ni ta yendla swaku Xikwembu xi mu ponisa.”+

 2 Ni hlampse hi ku helela ka xihoxo xa mina,+

Naswona ni basise ka xidjoho xa mina.+

 3 Hikusa ni yi tiva kahle minandzu ya mina,

Naswona ni tshamela ku khumbuka xidjoho xa mina.+

 4 Ni ku djohelile, hi wena ni nga ku djohela ku tlula vanhu hinkwavu;+

Ni yendle swa ku biha amatihlweni ya wena.+

Kutani u lulamile loko u vulavula

Naswona u yavanyisa hi ndlela ya ku lulama.+

 5 Ni psaliwe na ni ni xihoxo,

Naswona ni ni xidjoho ku sukela nkama mamani a nga kuma nyimba ya ku psala* mina.+

 6 Na swi tiva swaku U tsakisiwa hi mbilu leyi nga ni ntiyiso;+

Ni djondzise ku va ni mbilu leyi nga ni wutlharhi.

 7 Hlampsa xidjoho xa mina hi xinsinyani xa hisopa* swaku ni ta basa;+

Ni hlampse swaku ni ta basa ku tlula ni gamboko.*+

 8 Ni yendle ni twa minkulungwani ni ku tsaka,

Swaku marhambu lawa u nga ma pfotlosa ma ta tsaka.+

 9 Txuvuka kule* swaku u nga swi voni swidjoho swa mina,+

Limpa swihoxo swa mina hinkwaswu.+

10 Xikwembu xa mina, ni yendli ni va ni mbilu ya ku tenga ndzeni ka mina,+

Naswona ni yendli ni navela ku yendla swaswinene+ minkama hinkwayu.*

11 U nga ni txukumeti kule na wena;

U nga susi moya wa wena wa ku kwetsima ka mina.

12 Ni tlheliseli ku tsaka loku a ni li na kona nkama u nga ni ponisa;+

Yendla swaku ni ku yingisa hi ku swi rhandza.

13 Lava tlulaka nawu ni ta va djondzisa tindlela ta wena,+

Leswaku vadjohi va ta tlhelela ka wena.

14 Ni ponise ka nandzu wa ngati,+ Xikwembu xa mina, Xikwembu lexi ni ponisaka,+

Swaku ni ta vulavula hi ku lulama ka wena hi ku tsaka.+

15 Yehovha Xikwembu xa mina, pfula nomo wa mina,

Swaku ni ta ku dzunisa.+

16 Hikusa a wu lavi gandzelo, loko a wu li lava, a ni ta va ni ku yendlele lona;+

A wu tsakisiwi hi gandzelo la ku hisiwa.+

17 Magandzelo lawa Xikwembu xi ma yamukelaka i mbilu leyi tisolaka;*

U nga yi tshiki* mbilu leyi nga tshoveka yi tlhela yi pfotloseka Xikwembu xa mina.+

18 Yendlela Siyoni swilo swaswinene;

Yakela Yerusalema makhumbi.

19 Kutani u ta tsakisiwa hi magandzelo ya ku lulama,

Magandzelo ya ku hisiwa ni magandzelo lama nyikeliwaka na ma helelile;

Hi kona tihomu ti nga ta nyikeliwa ka altari ya wena.+

 2 Lirimi la wena, li lotiwe ku fana ni xisingwani,*+

Li yendla maplanu* ya ku biha naswona la kanganyisa.+

 3 Wena u rhandza swa ku biha ku tlula swaswinene,

Mavunhwa ku tlula ku khuluma ntiyiso. (Sela)

 4 U rhandza marito lama wonhaka,

Wena lirimi la ku kanganyisa.

 5 Hi mhaka leyo Xikwembu xi ta ku wisa swa wugamu;+

Xi ta ku wutla xi ya ku txukumeta kule ni tende la wena;+

Xi ta ku tsuvula ka tiko la lava hanyaka.+ (Sela)

 6 Lava ku lulama va ta swi vona va gama va hlamala,+

Naswona va ta mu hleka.+

 7 “Hi lweyi munhu lweyi a kalaka a nga swi lavi ku tumbela ka Xikwembu,+

Kambe a tshemba tshomba la yena la linyingi,+

Naswona a tshemba maplanu ya yena ya ku biha.”

 8 Kambe mina ni ta fana ni nsinya wawukulu wa wolivhera lowu nga ka yindlo ya Xikwembu;

Ni tshemba lirhandzu la Xikwembu+ hi masiku ni masiku.

 9 Ni ta ku dzunisa hi masiku ni masiku hi mhaka ya leswi u nga swi yendla;+

Xikarhi ka vanhu va wena va ku tshembeka,

Ni ta tshemba vito la wena+ hikusa i linene.

Mintirho ya vona yi bihile naswona ya nyenyentsa;

A nga kona ni mun’we lweyi a yendlaka swaswinene.+

 2 Kambe Xikwembu xi txuvuka vanhu na xi li tilweni+

Kuva xi vona swaku ku ni lweyi a twisisaka, ni ku vona swaku ku ni lweyi a lavetelaka Yehovha ke.+

 3 Hinkwavu va hume ndleleni;

Va fana, hinkwavu i vakanganyisi.

A nga kona lweyi a yendlaka swaswinene,

Ku kala ni mun’we.+

 5 Kambe va ta chava hintamu swinene,

Ku chava loku va kalaka va nge se tshama va va na kona,*

Hikusa Xikwembu xi ta hangalasa marhambu ya lava va ku hlaselaka.

Nkama Yehovha a nga ta hlengeleta vanhu va yena lava nga swikarawa,

Yakobe a a tsaki, Israyele a a tsaki.

54 Xikwembu xa mina, ni ponise hi vito la wena,+

Ni lwele+ hi matimba ya wena.

 2 Xikwembu xa mina, yingisa xikhongelo xa mina;+

Yingisa leswi ni swi vulaka.

 3 Hikusa ni hlaseliwa hi vanhu lava ni kalaka ni nga va tivi,

Vanhu va mona va lava ku ni dlaya.+

 4 Phela Xikwembu i mupfuni wa mina;+

Yehovha a ni lava va ni seketelaka.

 5 A ta tlhelisela valala va mina+ hi ku ya hi wubihi la vona;

Va helise* hikusa u tshembekile.+

 7 Hikusa wa ni ponisa ka mahlomulu hinkwawu,+

Naswona ni ta tsaka nkama ni nga ta vona valala va mina na va hluliwile.+

55 Yingisa xikhongelo xa mina, Xikwembu xa mina,+

U nga ni tshiki loko ni kombela ku kombiwa timpsalu.*+

Swikarhatu swa mina swi ni tsona wurhongo,+

Ni karhatekile

 3 Hi mhaka ya leswi nala a swi vulaka

Ni ku karhatiwa hi lweyi wa ku biha.

Hikusa va ni vangela swikarhatu swa swinyingi,

Va ni nyenyisa ximona.+

 4 Mbilu ya mina ya vava,+

Ni chava lifu.+

 5 Ni teliwa hi ku chava ni ku rhurhumela,

Ni tshamela ku rhurhumela.

 8 A ni ta hantla ni ya ka ndhawu ya ku tumbela ka yona

Kule ni moya wa matimba ni le kule ni xidzedze.”

 9 Yehovha Xikwembu xa mina, va dungi tinhloko u wonha maplanu ya vona,+

Hikusa ni vone mpfilumpfilu ni vanhu na va lwisana adoropeni.

10 Wusiku ni nhlikanhi swi fambafamba henhla ka makhumbi ya lona;

Ndzeni ka doropa ku ni mahlomulu ni ku karhateka.+

11 Xikarhi ka lona ku ni khombo;

Ku xanisiwa ni wukanganyisi a swi suki lani vanhu va doropa va tlhanganaka kona.+

12 Hikusa a hi nala lweyi a ni poyilaka;+

Loko a a li yena a ni ta swi tiyiselela.

A hi nala lweyi a ni djikelaka;

Loko a a li yena a ni ta mu tumbelela.

13 Kambe hi wena, munhu wa ku fana na mina,+

Munghanu wa mina lweyi ni mu tivaka kahle.+

14 A hi hamba hi tikhorisa hi wunghanu la hina;

A hi longoloka ni xitshungu hi ya ka yindlo ya Xikwembu.

Va nghena Sirheni* na va ha hanya;

Hikusa wubihi li tshama xikarhi ka vona, li le ndzeni ka vona.

16 Kambe mina ni ta huwelela ka Xikwembu,

Naswona Yehovha a ta ni ponisa.+

17 Nimadlambu, nimixo ni nhlikanhi, na karhateka ni ku konya,+

Se yena a yingisa rito la mina.+

18 A ta ni ponisa a ni humuta ka lava lwaka na mina,

Hikusa i vanyingi lava taka va ta lwa na mina.+

19 Xikwembu xi ta swi twa xi va hlamula,+

Lweyi a nga tshama ka xitshamu xa wuhosi ku sukela khale.+ (Sela)

Va ta yala ku txintxa,

Lava kalaka va nga xi chavanga Xikwembu.+

20 A* hlasele lava a va nga lwi na yena;+

A tlule ntwananu wa yena.+

21 Marito ya yena ma rhetemuka ku tlula mantega,+

Kambe mbilwini ya yena ku tale ku holova.

Marito ya yena ma wolova ku tlula ni mafurha,

Kambe i swipada leswi nga lotiwa.+

22 Hoxa ndzhwalu wa wena ka Yehovha,+

A ta ku seketela.+

 2 Valala va mina va tshamela ku ni hlasela siku hinkwalu;

Vanhu va vanyingi va lwa na mina na va tibyela.

 4 Ni tshemba Xikwembu, lexi ni dzunisaka rito la xona

Ni tshemba Xikwembu; a ni chavi nchumu.

 5 Siku hinkwalu va ni vangela mahlomulu;

Va tshamela ku lava tindlela ta ku ni vavisa.+

 6 Va ni tumbelela swaku va ni hlasela;

Va tshama na va langute leswi ni swi yendlaka,+

Swaku va ta kuma ndlela ya ku ni dlaya.+

10 Ni tshemba Xikwembu, lexi ni dzunisaka rito la xona,

Ni tshemba Yehovha, lweyi ni dzunisaka rito la yena.

11 Ni tshemba Xikwembu; a ni chavi nchumu.+

12 Ni ta yendla leswi ni nga ku tshembisa swona, Xikwembu xa mina;+

Ni ta ku yendlela magandzelo ya ku khensa.+

13 Hikusa u ni ponisile ka lifu+

U yendle swaku ni nga tigumuli,+

Swaku ni ta tama ni hanya ni tlhela ni famba phambheni ka Xikwembu.+

57 Ni twele wusiwana, Xikwembu xa mina, ni twele wusiwana,

Hikusa ni tumbela ka wena,+

Ni tumbela ka ndzhuti wa timpapa ta wena anze mahlomulu ma hundza.+

 2 Ni vitana Xikwembu Xa Mina Lexi Nga Tlakuka,

Xikwembu xa ntiyiso ni lexi helisaka mahlomulu ya mina.

 4 Ni rhendzeliwe hi tinghonyama;+

Ni yetlela xikarhi ka vanhu lava lavaka ku ni minta,

Lava matinyu ya vona ma fanaka ni matlharhi ni mimpaxwa*

Ni lava lirimi la vona li fanaka ni xipada xa ku lotiwa.+

 5 Kombisa wuhosi la wena atilweni, Xikwembu xa mina;

Ku dzuneka ka wena a ku ve henhla ka misava hinkwayu.+

 6 Va lava ku ni phasa minenge hi redi;+

Ni hele ntamu hi mhaka ya mahlomulu.+

Va txele xikhele phambheni ka mina,

Kambe va tlhele va wela ka xona.+ (Sela)

 7 Mbilu ya mina yi nyime yi tiya, Xikwembu xa mina,+

Mbilu ya mina yi nyime yi tiya.

 9 Ni ta ku dzunisa xikarhi ka vanhu, Yehovha Xikwembu xa mina;+

Ni ta ku yimbelelela tinsimu xikarhi ka vamatiko.+

10 Lirhandzu la wena i likulu li fika ni le tilweni,+

Ni ku tshembeka ka wena ku fika ni le ka marhefu.

11 Kombisa wuhosi la wena atilweni, Xikwembu xa mina;

Ku dzuneka ka wena a ku ve henhla ka misava hinkwayu.+

 2 Nada, mi yendla maplanu* ya ku biha ka timbilu ta n’wina,+

Mavoko ya n’wina ma vavisa vanhu atikweni.+

 3 Lava ku biha va hambuke ku sukela va psaliwa;

I swipandza nhloko, funtshi i vahembi ku sukela va psaliwa.

 4 Vhenenu la vona li fana ni vhenenu la tinyoka;+

A va twi ku fana ni nyoka leyi nga pfala tindleve.

 5 A yi nge li yingisi rito la vangoma,

Hambiloko va li yendla kahle wungoma la vona.

 8 A va fane ni hovha* leyi nga kusuhi ni ku fa;*

Ku fana ni n’wana lweyi a nga psaliwa na a file, lweyi a kalaka a nga ta tshuka a vona dlambu.

 9 Loko tipanela ta wena ti nga se twa ku hisa ka nsinya wa mimintwa* loko wu psha,

A ta kukula ligadja la ku tsakama ni leli pfurhaka, ku fana ni loko li tekiwa hi xidzedze.+

10 Lweyi wa ku lulama a ta tsaka hi mhaka ya leswi a nga vona ku tlhelisela;+

Minenge ya yena yi ta hlambisiwa hi ngati ya lweyi wa ku biha.+

59 Ni ponise ka valala va mina, Xikwembu xa mina;+

Ni vhikele ka lava va ni hlaselaka.+

 2 Ni ponise ka lava yendlaka swa ku biha,

Ni ponise ka vadlayi.

 3 Phela va ni tumbelela;+

Ni hlaseliwa hi vavanuna va matimba

Kambe a hi mhaka ya leswi ni nga tereka kumbe ni nga djoha,+ wena Yehovha.

 6 Va vuya nkama ni nkama nimadlambu;+

Va vukula* ku fana ni timbyana,+ va rhendzelekela ka doropa.+

 7 Vona leswi swi humaka ka minomo ya vona;

Minomo ya vona yi fana ni swipada,+

Hikusa va li: “I mani lweyi a yingiselaka?”+

 8 Kambe wena Yehovha u ta va hleka;+

U ta hleka matiko hinkwawu.+

 9 Wena Ntamu wa mina, ni ta tshama ni ku rindzile;+

Hikusa Xikwembu i ndhawu ya mina ya ku tumbela ka yona ya ku hlayiseka.+

10 Xikwembu lexi xi ni rhandzaka xi ta ni pfuna;+

Xikwembu xi ta yendla swaku ni vona valala va mina loko va hluliwa.+

Va yendle va pepetseka hi matimba ya wena;

Yendla swaku va wa, Yehovha xivhikelo xa hina.+

12 A va phasiwe hi ku tibyela ka vona,

Hi mhaka ya xidjoho xa nomo wa vona ni rito la minomo ya vona,+

Hi mhaka ya nhlambha ni mavunhwa ya vona.

13 Va helisi hi ku kwata ka wena;+

Va helisi swaku va nga ha vi kona;

Va yendli va swi tiva swaku Xikwembu xi fuma Yakobe ni misava hinkwayu.+ (Sela)

14 A va vuye nimadlambu;

A va vukule ku fana ni timbyana, va rhendzelekela ka doropa.+

15 A va pepetseka va lava swakudla;+

Va nga xurhi kumbe va kuma ndhawu ya ku tshama ka yona.

16 Kambe mina, ni ta yimbelela hi ta matimba ya wena;+

Nimixo ni ta vulavula na ni tsakile hi lirhandzu la wena.

Hikusa u ndhawu ya mina ya ku tumbela ka yona leyi nga hlayiseka+

Ni ndhawu leyi ni balekelaka ka yona hi nkama wa mahlomulu.+

17 Wena Ntamu wa mina, ni ta ku yimbelelela ni ku dzunisa,+

Hikusa Xikwembu i ndhawu ya mina ya ku tumbela ka yona leyi nga hlayiseka, Xikwembu lexi ni rhandzaka.+

 4 Va nyike* xikombiso lava ku chavaka

Swaku va baleka mimpaxwa.* (Sela)

 5 Leswaku lava u va rhandzaka va ta ponisiwa,

Hi ponise hi voko la wena la xinene u hi hlamula.+

“Ni ta tsaka, ni ta nyikela Xikemi swaku a va tshomba,+

Ni ta pima Nkova wa Sukoti.+

 7 Tiko la Jiliyadi i la mina ku fana na Manasi,+

Kasi Efrayimi i xivhikelo xa nhloko* ya mina;

Yuda i nhonga ya murhangeli wa mina.+

10 Kasi a hi wena Xikwembu u nga hi tshika,

Xikwembu xa hina, lexi nga tshika ku seketela masonchwa ya hina?+

11 Hi pfuni ka mahlomulu ya hina,

Hikusa ku ponisiwa hi vanhu a swi pfuni nchumu.+

12 Xikwembu xi ta hi nyika matimba,+

Naswona xi ta kandzihela valala va hina.+

 2 Ni ta huwelela ka wena na ni li magamu ka misava

Loko mbilu ya mina yi karhatekile.*+

 3 Hikusa u ndhawu ya mina ya ku tumbela,

Prediyu* la ku tiya leli li ni vhikelaka ka nala.+

 4 Ni ta va mupfhumba ka tende la wena hi masiku ni masiku;+

Ni ta tumbela hansi ka timpapa ta wena.+ (Sela)

 6 U ta yengetela hosi masiku ya ku hanya,+

Yi ta tama yi hanya malembe ya manyingi.

 7 Yi ta va hosi phambheni ka Xikwembu hi masiku ni masiku;+

Yi hlayise hi lirhandzu ni ku tshembeka ka wena.+

 8 Se ni ta yimbelela ni dzunisa vito la wena hi masiku ni masiku+

Nkama ni yendlaka leswi ni nga swi tshembisa siku ni siku.+

 2 Vhela i ribye la mina ni ku ponisiwa ka mina, ndhawu ya mina ya ku tumbela ka yona leyi nga hlayiseka;+

A ni nge tshuki ni tsekatsekisiwa.+

 4 Hikusa va yendla maplanu* ya ku mu susa ka xitshamu* xa yena;

Va tsakisiwa hi mavunhwa.

 5 Kunene ni rindzela Xikwembu na ni miyelile,+

Hikusa ntshembo wa mina wu ta hi ka xona.+

 6 Vhela i ribye la mina ni ku ponisiwa ka mina, ndhawu ya mina ya ku tumbela ka yona leyi nga hlayiseka;

A ni nge tshuki ni tsekatsekisiwa.+

 9 Vanhu vo fana ni moya* ntsena,

Vanhu a hi va nchumu.+

10 U nga tshembi ku xolola van’wani,

Kumbe ku tshemba ku yivela van’wani.

12 Ni wunene i la wena, Yehovha Xikwembu xa mina,+

Hikusa u hakela mun’wani ni mun’wani hi ku ya hi mintirho ya yena.+

Ni navela ku va na wena

Ka tiko leli nga woma leli kalaka li nga na mati.+

 2 Kutani ni ku vonile ka ndhawu ya ku kwetsima;

Ni vone matimba ya wena ni ku phatima ka wena.+

 3 Hikusa lirhandzu la wena la yampsa ku tlula wutomi,+

Nomo wa mina wu ta ku dzunisa.+

 4 Se ni ta ku dzunisa wutomi la mina hinkwalu;

Ni ta khongela ni vitana vito la wena na ni tlakuse mavoko.

 5 U ni yendla ni tsaka hi swakudla swa lisima hintamu leswi u ni nyikaka swona,

Se nomo wa mina wu ta ku dzunisa hi ku tsaka.+

 6 Na ku khumbuka na ni li ka mubedu wa mina;

Ni pimisa hi wena xikarhi ka wusiku.+

 7 Hikusa hi wena u ni pfunaka,+

Naswona ni ba nkulungwani na ni li hansi ka timpapa ta wena.+

 8 Ni ku khoma swi tiya;

Voko la wena la xinene li ni khoma swi tiya.+

 9 Kambe lava va lavaka ku ni dlaya

Va ta nghena sirheni.

10 Va ta dlayiwa hi xipada;

Va ta va swakudla swa timbyana ta khwati.*

Hinkwavu lava fungaka hi xona va ta tsaka,

Hikusa lava va vulavulaka mavunhwa va ta pfaliwa minomo.

 2 Ni vhikele ka maplanu* ya lava ku biha,+

Ka xitshungu xa vanhu va ku biha.

 3 Va lota lirimi la vona ku fana ni xipada;

Va rhiya hi marito ya vona ya mona ku fana ni mimpaxwa,*

 4 Leswaku va txopa lweyi a kalaka a nga na nandzu na va mu tumbelelile;

Va mu txopa hi ku tsopeta ka tihlo, na va nga chavi nchumu.

 5 Va xengetelana ku yendla swa ku biha;

Va yendla maplanu ya ku tumbeta mintlhamu ya vona.

 6 Va lavetela tindlela ta nyuwani ta ku yendla swa ku biha;

Va tumbeta maplanu ya vona ya ku biha;+

Leswi nga ka timbilu ta vona swa chavisa.

 7 Kambe Xikwembu xi ta va txopa;+

Va ta vavisiwa hi mpaxwa na va nga swi nyimelanga.

 8 Lirimi la vona li ta va wisa;+

Hinkwavu lava nga ta swi vona va ta hlakahla tinhloko.

 9 Se vanhu hinkwavu va ta chava,

Va ta vulavula hi leswi Xikwembu xi nga swi yendla,

Va ta twisisa mintirho ya xona.+

10 Lweyi wa ku lulama a ta tsaka hi Yehovha naswona a ta tumbela ka yena;+

Hinkwavu lava nga ni timbilu tatinene va ta tsaka.*

65 U ta dzunisiwa aSiyoni+ wena Xikwembu;

Hi ta yendla leswi hi nga funga ku ku yendlela swona.+

 3 Swihoxo swa mina swa ni tika,+

Kambe wena u funengeta minandzu ya mina.+

 4 Wa tsaka lweyi u mu langaka u tlhela u mu tshuneta ka wena,

Leswaku a ta tshama ka kintari* wa wena.+

Hi ta tsaka hi wunene la yindlo ya wena,+

Tempele ya wena ya ku kwetsima.+

 5 U ta hi hlamula hi mintirho ya wena ya ku hlamalisa+ ya ku lulama,

Xikwembu xa hina lexi hi ponisaka;

Misava hinkwayu yi tshembe wena+

Ni lava tshamaka kule, ka malwandle.

 6 U veke tintshava ti tiya hi matimba ya wena;

U ni matimba swinene.+

 7 U miyeta malwandle lama kwataka,+

Magandlati ya wona lama bananaka ni mpfilumpfilu ya matiko.+

 8 Swikombiso swa wena swi ta hlamalisa lava tshamaka ka tindhawu ta le kule;+

U ta yendla swaku lava tshamaka awuxeni ni lava tshamaka awupeladlambu va huwelela hi ku tsaka.

 9 U hlayisa misava,

U yendla swaku yi nona yi tlhela yi va ni swakudla swa swinyingi.+

Nambu wa Xikwembu wu tale hi mati;

U nyika vanhu swakudla,+

Hikusa u yi yendlise swoleswo misava.

10 U regara masimu ya yona u tlhela u lulamisela ni misava ya kona;

U wolovisa masimu hi mpfula leyi netetelaka; u katekisa leswi milaka ka yona.+

11 U sasekisa lembe hi wunene la wena;

Tindlela ta wena ti yo tala hi wunene.+

12 Tindhawu ta ku lusela* ka tona leti nga mananga ti ni byanyi la linyingi la vherdi,+

Ni maganga ma tsakile swinene.+

13 Tindhawu ta ku lusela ka tona ti yo tala hi mintlhambi,

Minkova yi yo tala hi trigu.+

Valala va wena va ta rhurhumela phambheni ka wena,

Hi mhaka ya matimba ya wena yamakulu.+

 4 Misava hinkwayu yi ta ku khizamela;+

Yi ta ku dzunisa hi tinsimu;

Yi ta yimbelela yi dzunisa vito la wena.”+ (Sela)