ESAYA
1 Leswi Esaya*+ n’wana wa Amozi a nga swi vona hi ndlela ya singita* leswi a swi ta yendleka aYuda ni Yerusalema hi nkama wa ku fuma ka Uziya,+ Yothamu,+ Akazi+ na Hezekiya,+ lava a va li tihosi ta Yuda:+
2 Twana, wena matilo, yingisa wena misava,+
Hikusa Yehovha a li:
3 Homu yi mu tiva kahle n’winyi wa yona,
Ni mbongolo yi ku tiva kahle lomu n’winyi wa yona a yi phamelaka kona;
Kambe Vayisrayele a va ni tivi,+
Vanhu va mina a va twisisi.”
4 Khombo ka tiko leli djohaka,+
Vanhu lava hanyaka hi xidjoho,
Vanhu lava yendlaka swa ku biha, vana lava nga wonheka!
5 Hi kwini kun’wani lomu se mi nga ta biwa kona hileswi mi tamaka mi ni terekela ke?+
Nhloko hinkwayu ya tlhanya,
Ni mbilu hinkwayu ya vava.+
6 Ku sukela ka minkondzo ku ya ka nhloko, hinkwaku ka vava.
Ku ni swilondza, swifutha ni lomu u nga tsemeleliwa kona
A swi kamiwanga kumbe ku bandichiwa funtshi a swi totiwanga mafurha.+
7 Ka tiko la n’wina a ka ha tshami munhu.
Madoropa ya n’wina ma hisiwile.
Vanhu va tiko lin’wani va teke tiko la n’wina na mu swi vona.+
Se li fana ni tiko leli nga wonheteliwa hi vanhu va ku ta.+
8 Ntombhi ya Siyoni yi sale na yi fana ni nchacha ka masimu ya mawuvha,
Ku fana ni nchacha ka masimu ya mapepinu,
Ku fana ni doropa leli nga pfaliwa hi valala ka matlhelo hinkwawu.+
9 Loko Yehovha murhangeli wa tintsumi a a nga ponisanga van’wani va hina,
A hi ta fana na Sodoma,
Naswona a hi ta va hi fane na Gomora.+
10 Twanani rito la Yehovha, n’wina tihosi ta Sodoma.+
Yingisani nawu wa Xikwembu xa hina, n’wina vanhu va le Gomora.+
11 Yehovha a li: “Swi ni pfuna hi yini loko mi ni yendlela magandzelo ya manyingi?+
Ni karhalile hi magandzelo ya n’wina ya ku hisiwa ya tinyempfu+ ni mafurha ya swifuyu swa ku nona,+
Funtshi a ni yi tsakeli ngati+ ya swihon’wani,+ ya swinyempfani ni ya timbuti.+
12 Loko mi ta phambheni ka mina,+
I mani lweyi a nga mi byela
13 Tshikani ku tisa magandzelo ya swakudla lama kalaka ma nga pfuni nchumu.
Swinun’hwelisu* swa n’wina swa ni nyenyentsa.+
Mi hamba mafexta ya ku huma ka n’weti,+ tisavata+ ni ku yendla makongresu+
Kambe a ni nge mi pfumeleli swaku mi tirhisa masalamusi+ ka makongresu ya n’wina.
14 Ni nyenya mafexta ya n’wina ya ku huma ka n’weti ni mafexta man’wani ya n’wina.
Swi fana ni ndzhwalu ka mina;
A na ha swi gwenti.
15 Funtshi loko mi tlakusa mavoko ya n’wina,
A ni mi txuvuki.+
17 Djondzani ku yendla swaswinene, yavanyisani hi ndlela yayinene,+
Layani lweyi a xanisaka van’wani,
Lwelani timfanelo ta n’wana lweyi a nga feliwa hi vapsali,*
Mi tlhela mi pfuna wansati lweyi a nga feliwa hi nuna.”+
18 Yehovha a li: “Tanani hi ta lunghisa timhaka.+
Hambiloko swidjoho swa n’wina swi pshukile,
Hambiloko swi pshuke ku fana ni panu ya ku pshuka,
Swi ta fana ni mavoya ya ku basa.
19 Loko mi tinyimisela ku yingisa,
Mi ta tikhorisa hi swakudla swaswinene swa tiko leli.+
20 Kambe loko mi nga ni yingisi mi tlhela mi ni tshika,
Mi ta dlayiwa hi xipada,+
Hikusa mina Yehovha ni swi vulile.”
21 Phela doropa leli a li tshembeka+ se i nghwavani!+
22 Prata la wena a la ha pfuni nchumu,+
Ni byala la wena li patsiwe ni mati.
23 Varhangeli va wena va wome tinhloko funtshi va tirhisana ni vayivi.+
Va rhandza ku xaviwa ni ku nyikiwa swilo.+
A va va yavanyisi kahle vana lava nga feliwa hi vapsali,*
Ni mhaka ya wansati lweyi a nga feliwa hi nuna a va yi thethi.+
24 Hi mhaka leyo Hosi ya ntiyiso, Yehovha murhangeli wa tintsumi,
Xikwembu xa Matimba xa Israyele a li:
“Yingisa! Ni ta helisa valala va mina,
Ni ta hakelisa ka valala va mina.+
25 Ni ta ku khatisa,
Ni ta ku susa nsila,
Ku fana ni loko vanhu va dereterisa prata swaku va li basisa.+
26 Ni ta tlhela ni veka vayavanyisi va wena ku fana ni ku sunguleni
Ni vatsundzuxi va wena ku fana ni ku sunguleni.+
Se u ta gama u vitaniwa Doropa la Ku Lulama, Doropa la Ku Tshembeka.+
27 Doropa la Siyoni li ta ponisiwa hi ku lulama,+
Funtshi vanhu va lona lava tlhelelaka, va ta ponisiwa hi ndlela yayinene.
29 Hikusa vanhu va ta danisiwa hi mhaka ya minsinya yayikulu leyi a mi yi navela,+
Funtshi mi ta dana hi mhaka ya majardim* lawa mi nga ma langa.+
30 Hikusa mi ta fana ni nsinya wawukulu lowu matluka ya wona ma nga vuna,+
Ni jardim leli kalaka li nga na mati.
31 Wanuna wa matimba a ta fana ni mabyanyi ya ku woma,
Leswi a swi yendlaka swi ta fana ni nhlanhle ya ndzilu;*
Haswimbirhi swi ta psha,
A nga kona lweyi a nga ta swi tima.”
2 Hi leyi mhaka leyi Esaya n’wana wa Amozi a nga yi vona leyi a yi ta yendleka aYuda ni Yerusalema:+
2 Ka masiku ya wugamu,
Ntshava ya yindlo ya Yehovha
Yi ta vekiwa yi tiya henhla ka tintshava,+
Naswona yi ta tlakusiwa yi tlula ni maganga,
Funtshi matiko hinkwawu ma ta ya ka yona.+
3 Vanhu va vanyingi va ta ya ka yona se va ku:
“Tanani, a hi khupukeni hi ya ka ntshava ya Yehovha,
Ka yindlo ya Xikwembu xa Yakobe.+
A ta hi djondzisa tindlela ta yena,
Kutani hi ta famba ka tindlela ta yena.”+
Hikusa nawu wu ta ta hi Siyoni,
Ni rito la Yehovha li ta ta hi Yerusalema.+
4 A ta yavanyisa matiko
A lunghisa timhaka ta vanhu va vanyingi.
Va ta txintxa swipada swa vona swi va swikomu
Ni matlharhi ya vona ma va masikelo.+
Tiko a li nge he lwi ni tiko lin’wani,
Naswona a va nge he djondzeli ku lwa nyimpi.+
5 Tanani n’wina ndjangu wa Yakobe,
A hi fambeni ka ku vonakala ka Yehovha.+
6 Wena Xikwembu u tshike vanhu va wena, ku nga ndjangu wa Yakobe,+
Hi mhaka ya leswi tiko li nga tala hi swilo swa le Wuxeni;
Va yendla masalamusi+ ku fana ni Vafilista,
Funtshi ka tiko la vona ku tale hi vana va matiko man’wani.
7 Tiko la vona li tale hi prata ni woru,
Funtshi va ni minchumu ya yinyingi ya lisima.
8 Tiko la vona li tale hi swikwembu leswi kalaka swi nga pfuni nchumu.+
Va khizamela mintirho ya mavoko ya vona,
Swilo leswi va nga swi yendla hi voxe.
9 Lweyi a khizamaka u ta mu danisa,
Naswona a wu nge tshuki u va rivalela.
10 Nghena ka ribye, u tumbela ka misava
Hi mhaka ya ku kwata ka Yehovha loku chavisaka
Ni wukulu la yena ni ku phatima ka yena.+
11 Lweyi a titlakusaka a ta danisiwa,
Ni lava va tibyelaka va ta danisiwa.
I Yehovha ntsena lweyi a nga ta dzunisiwa hi siku lolelo.
12 Hikusa i siku la Yehovha murhangeli wa tintsumi.+
Li ta fikela hinkwavu lava va titlakusaka ni lava va tibyelaka,
Li ta fikela hinkwavu, hambi va ku ganya kumbe swisiwana,+
13 Li ta fikela minsinya hinkwayu ya ku leha ya mikedari ya Lebanoni
Ni minsinya hinkwayu ya oku ya le Baxani,
14 Ni henhla ka tintshava hinkwatu ta ku leha
Ni maganga hinkwawu ya ku leha,
15 Henhla ka maprediyu* hinkwawu ya ku leha ni mimuru hinkwayu ya ku tiya,
16 Henhla ka maboti hinkwawu ya le Tarxixi+
Ni henhla ka maboti hinkwawu ya ku saseka.
17 Lweyi a titlakusaka a ta danisiwa,
Ni lava va tibyelaka va ta danisiwa.
I Yehovha ntsena lweyi a nga ta dzunisiwa hi siku lolelo.
18 Swikwembu leswi kalaka swi nga pfuni nchumu swi ta nyamalala swa wugamu.+
19 Vanhu va ta nghena ka mimhakwa* ya maribye
Ni ka swikhele+
Hi mhaka ya ku chava ku kwata ka Yehovha
Ni wukulu la yena ni ku phatima ka yena,+
Loko a tela ku ta yendla swaku misava yi rhurhumela hi mhaka ya ku chava.
20 Hi siku lolelo vanhu va ta teka swikwembu swa vona swa prata ni swa woru leswi kalaka swi nga pfuni nchumu
Leswi va nga tiyendlela swona leswaku va swi gandzela
Va swi txukumetela ka makondlo ni vamangadjani,*+
21 Swaku va ta nghena ka mimbhovo leyi nga ka maribye
Ni ka mimhakwa,
Hi mhaka ya ku chava ku kwata ka Yehovha
Ni wukulu la yena ni ku phatima ka yena,
Loko a tela ku ta yendla swaku misava yi rhurhumela hi mhaka ya ku chava.
22 Tshikani ku tshemba munhu,
Lweyi a fanaka ni moya lowu a wu hefemulaka.
Hi mhaka muni mi fanele mi mu nyika lisima?
3 Phela, Hosi ya ntiyiso, Yehovha murhangeli wa tintsumi,
A susa pawu ni mati+ ni hinkwaswu
Leswi pfunaka Yerusalema na Yuda,
2 A susa wanuna wa matimba ni musonchwa,
Muyavanyisi ni muprofeta,+ mungoma ni doda,
3 Murhangeli wa 50 wa vanhu,+ lweyi a fumaka, ni mutsundzuxi,
Lweyi a tivaka masalamusi* ni lweyi a kotaka ku chayela tinyoka muzika.+
4 Ni ta yendla swaku vafana va va tihosi ta vona,
Va ta fumiwa hi vanhu lava tshamelaka ku txintxa mimpimiso ya vona.
5 Vanhu va ta khomana hi voko la nsimbi,
Va ta xanisana.+
Mufana a ta rhuketela nkulu wa munhu,
Ni xiphunta xi ta delela munhu lweyi a hloniphiwaka.+
6 Mun’wani ni mun’wani a ta khoma makwavu kaya ka papayi wa yena a ku:
“U ni nguvu, vana murhangeli wa hina.
Fuma ka ndhawu leyi nga wonhekela.”
7 Kambe hi nkama wolowo a ta ku:
“A ni nge swi koti ku mi daha swilondza swa n’wina;
A ni na swakudla kumbe mpahla akaya ka mina.
Mi nga ni yendli murhangeli wa vanhu.”
8 Hikusa vanhu va doropa la Yerusalema va tigumulile
Ni vanhu va Yuda va wile,
Hikusa va lwa na Yehovha hi leswi va swi yendlaka ni hi marito ya vona;
Va djikele lweyi a kwetsimaka.+
9 Tinghohe* ta vona ta va yavanyisa,
Va vulavula hi swidjoho swa vona, ku fana ni vanhu va le Sodoma;+
A va swi fihli.
Khombo ka vona, hikusa va tivangela swikarhatu!
10 Byelani lava ku lulama swaku swi ta va fambela kahle;
Va ta hakeliwa hi mhaka ya leswi va swi yendlaka.+
11 Khombo ka lava va ku biha!
A swi nga ta va fambela kahle,
Hikusa leswi va nga swi yendla ka van’wani, swi ta yendliwa ni ka vona!
12 Varhangeli va vanhu va mina va ni mona,
Funtshi va fumiwa hi vavasati.
N’wina vanhu va mina, varhangeli va n’wina va mi lahlekisa,
Funtshi va mi djikisa.+
13 Yehovha a tilunghiselela ku yavanyisa;
A sekelekile swaku a ta yavanyisa vanhu.
14 Yehovha a ta yavanyisa madoda ni lava rhangelaka vanhu va yena.
“Mi hise masimu ya mawuvha,
Funtshi leswi mi nga yivela swisiwana swi le makaya ka n’wina.+
15 Hi mhaka muni mi xanisa vanhu va mina
Mi tlhela mi swi hlupha hintamu swisiwana?”+ ku hlaya Hosi Leyikulu, Yehovha murhangeli wa tintsumi.
16 Yehovha a li: “Leswi tintombhi ta Siyoni ti tibyelaka,
Ti tikhuzaka loko ti famba,
Ti tlhela ti va vonela hansi van’wani,
Funtshi loko ti famba, ku twala guwa la leswi ti nga tisasekisela hi swona ka minenge,
17 Yehovha a ta yendla swaku tinhloko ta tintombhi ta Siyoni ti va ni swilondza,
Funtshi Yehovha a ta yendla swaku tinhloko ta vona ti va ni timpandlha.+
18 Hi siku lolelo Yehovha a ta teka leswi va tisasekisaka hi swona ka mavoko leswi va gwiraka hi swona,
Leswi va bohaka hi swona misisi ni swiphatiphati swa ku tisasekisa leswi swi fanaka ni n’weti,+
19 Switlan’wani swa tindleve, mapulsera ni tinguvu,
20 Mafaduku, swa ku tisasekisa hi swona ka minenge, swa ku boha ka xifuva,
Swibolhelani swa mafurha ya ku nun’hwela ni swa ku tisasekisa hi swona leswi vangaka guwa loko munhu a famba,
21 Ma aneli ni switlan’wani swa tinhompfu,
22 Mpahla ya ku leha leyi yambaliwaka hi nkama wa mafexta, mikhantxu ni swipachi,
23 Swipelhu swa ku khoma hi voko+ ni mpahla ya linyu,*
Swilembe ni tinguvu.
24 Ka ndhawu ya mafurha ya balsamu,+ ku ta nun’hwa minchumu ya ku bola;
Ka ndhawu ya bandhi, ku ta va ni ngoti;
Ka ndhawu ya misisi leyi nga lukiwa kahle, ku ta va ni mpandlha;+
Ka ndhawu ya mpahla ya ku durha, ku ta va ni mpahla ya masaka;+
Ka ndhawu ya ku saseka ku ta va ni marka wa wukarawa.
25 Vanhu va wena va ta dlayiwa hi xipada,
Masonchwa ya wena ya ntamu ma ta fela nyimpini.+
4 Hi siku lolelo 7 wa vavasati va ta khoma wanuna mun’we+ va ku:
“Hi ta dla swakudla swa hina
Hi tlhela hi yambala mpahla ya hina;
Kambe hi kombela ku chada na wena
2 Ka siku lolelo leswi Yehovha a nga ta yendla swaku swi mila swi ta saseka hintamu. Vayisrayele lava nga pona va ta tibuma va tlhela va tsaka hi ku tala ka swakudla swa tiko.+ 3 Lava nga sala Siyoni ni lava nga siyiwa Yerusalema ku ta hlayiwa swaku va kwetsima, hinkwavu lava nga Yerusalema lava nga tsaliwa leswaku va ta kuma wutomi.+
4 Nkama Yehovha a nga ta hlampsa chaka* la tintombhi ta le Siyoni,+ a tlhela a basisa ngati leyi nga halatiwa aYerusalema hi moya wa yena lowu hisaka wu tlhela wu yavanyisa.+ 5 Yehovha a ta tlhela a yendla rhefu ni ximusi ninhlikanhi ni ndzilu lowu pfurhaka niwusiku+ ka Ntshava hinkwayu ya Siyoni ni lani ku nga ni makongresu; hikusa ku ta tshama na ku ni xivhikelo henhla ka minchumu hinkwayu ya ku kwetsima. 6 Ku ta va ni nchacha lowu nga ni ndzhuti lani vanhu va nga ta tshama kona ninhlikanhi loko ku hisa+ wu tlhela wu va xivhikelo loko ku ni xidzedze ni mpfula.+
5 Ni kombela ku yimbelelela murhandziwa wa mina
Lisimu leli vulavulaka hi yena ni nsimu ya yena ya mawuvha.+
Murhandziwa wanga a a ni nsimu ya mawuvha ya ku nona atlhelweni ka ganga.
2 A yi rimile a susa ni maribye.
A gama a byala mawuvha ya ku pshuka yamanene,
A yaka ni prediyu* xikarhi ka yona,
A yendla ndhawu ya ku kamela ka yona mawuvha.+
Se a nyimela swaku nsimu yi psala mawuvha,
Kambe yi psale mawuvha ya ku kala ma nga nandziki.+
3 “Kutani swoswi, n’wina lava tshamaka Yerusalema na n’wina vanhu va Yuda,
Ni kombela mi yavanyisa xikarhi ka mina ni nsimu ya mina ya mawuvha.+
4 I ntxini xin’wani lexi a ni fanele ni xi yendlile ka nsimu ya mina ya mawuvha
Lexi ni kalaka ni nga xi yendlanga ke?+
Hi mhaka muni yi humese mawuvha ya ku kala ma nga nandziki,
Kuve mina a ni nyimele swaku yi psala mawuvha yamanene?
5 Swoswi, nyimani ni mi byela
Leswi ni nga ta swi yendla ka nsimu ya mina ya mawuvha:
Ni ta susa leswi yi nga pfaliwa hi swona matlhelweni,
Kutani swi hisiwa.+
Ni ta diliza muru wa yona,
Wu gama wu kandziheteliwa.
6 Ni ta yi yendla ndhawu ya ku kala yi nga ha pfuni nchumu;+
A yi nge he kapariwi* kumbe ku hlakuliwa.
Ku ta mila minsinya ya mimintwa ni nhova,+
Funtshi ni ta byela marhefu swaku ma nga ha nisi mpfula henhla ka yona.+
7 Hikusa nsimu ya mawuvha ya Yehovha murhangeli wa tintsumi i ndjangu wa Israyele;+
Vanhu va le Yuda i swilo leswi nga byaliwa leswi a a swi rhandza.
A a nyimele swaku ku va ni wululami,+
Kambe a va yavanyisa hi ndlela ya ku biha;
A a nyimele swaku ku va ni ku lulama,
Kambe a ku ni swirilo.”+
8 Khombo ka lava tekaka tiyindlo ta tinyingi+
Va tlhela va teka ni masimu ya manyingi+
Ku za ku nga ha sali ndhawu
Va gama va tshama voxe atikweni!
9 Yehovha murhangeli wa tintsumi a fungile ka mina
Swaku hambileswi ku nga ni tiyindlo ta tinyingi tatikulu ti tlhela ti saseka,
Ti ta sala na ti wonhekile ti tlhela ti nyenyentsa,
A ku nge he tshami munhu.+
10 Hikusa nsimu yayikulu* ya mawuvha yi ta humesa 22 wa malitru* ya vhinyu ntsena,
Ni mbewu ya kolomuyani ka 160 wa makilu* yi ta humesa kolomuyani ka 16 wa makilu* ntsena.+
11 Khombo ka lava baka mpundzu swinene leswaku va nwa byala,+
Lava tshamaka anze li pela va za va dakwa hi vhinyu!
12 Ka mafexta ya vona ku ni tiharipa ni switende,*
Swingomana, maflawuta* ni vhinyu;
Kambe a va na mhaka ni mintirho ya Yehovha,
Naswona a va yi voni mintirho ya yena.
13 Se vanhu va mina va ta ya wukaraweni
Hi mhaka ya ku pfumala wutivi;+
Vanhu va vona lava nga ni ndhuma va ta fa hi ndlala,+
Kuve lavan’wani hinkwavu va ta fa hi torha.
14 Hi mhaka ya leswo, Sirha* li yanamile
Funtshi li pfulekile hintamu;+
Se vanhu va ku hlonipheka va doropa la Yerusalema ni vanhu va lona lava nga ni mpfilumpfilu, ni lava hambaka mafexta ya maguwa
Va ta gamela kona.
15 Naswona vanhu va ta xixiwa,
Va ta danisiwa,
Lava tikhuzaka va ta danisiwa.
16 Yehovha murhangeli wa tintsumi a ta tlakusiwa hi mhaka ya wuyavanyisi la yena;
Xikwembu xa ntiyiso, Mukwetsimi,+ a ta tikwetsimisa hi wululami la yena.+
17 Swinyempfani swi ta dla na swi chunsekile ingi hi loko swi li ka ndhawu ya swona ya ku dlela ka yona;
Vanhu va tiko lin’wani va ta dla ka tindhawu leti nga tshikiwa lomu swifuyu swa ku nona a swi dlela kona.
18 Khombo ka lava kokakokaka nandzu wa vona hi magoda ya wukanganyisi
Ni xidjoho xa vona hi magoda ya nyolo;*
19 Lava va nge: “A swi yendleke hi ku hantlisa leswi a swi hlayaka;
A swi yendleke hi ku hantlisa leswaku hi ta swi vona.
20 Khombo ka lava hlayaka swaku swaswinene swi bihile ni swa ku biha i swinene,+
Lava nge munyama i ku vonakala se ku vonakala va ku i munyama,
Lava nge swa ku bava swa tsokotsa kambe swa ku tsokotsa va ku swa bava!
21 Khombo ka lava tivonaka na va tlharihile
Ni ku titshemba hintamu!+
22 Khombo ka lava rhandzaka ku nwa vhinyu,
Ni lava va swi kotaka kahle ku patsela mabyala,+
23 Lava kalaka va nga nyiki nandzu munhu wa ku biha hileswi va nga xaviwa+
Va yavanyisa munhu wamunene hi ndlela ya ku biha!+
24 Hi mhaka ya leswo, ku fana ni leswi ndzilu wu hisaka tinhlanga
Ni byanyi la ku woma li hisiwaka hi ndzilu,
Timintsu ta vona ti ta bola
Funtshi swiluva swa vona swi ta hangalaka ku fana ni wuthulu,
Hikusa va tshike nawu wa Yehovha murhangeli wa tintsumi,
Naswona a va li hloniphanga rito la Mukwetsimi wa Israyele.+
25 Hi leswo swi yendlaka Yehovha a kwatela vanhu va yena,
A ta va heta va ku jii hi voko la yena.+
Tintshava ti ta tsekatseka,
Ni mintsumbu ya vona yi ta fana ni chaka aswitaratwini.+
Wa ha va kwatelile, hi mhaka ya hinkwaswu leswo,
Funtshi wa ha tinyimisele ku va khatisa.
26 A tirhise marka swaku a vitana tiko la le kule;+
A va bele noti na va li kule hintamu;+
Txuvukani! Va ta hi ku kahlula.+
27 A nga kona lweyi a nga karhala kumbe a nga pharhiyeteka xikarhi ka vona.
A nga kona lweyi a khudzihelaka kumbe ku yetlela.
Mabandhi ya vona ma bohiwe ma tiya,
Funtshi tingoti ta masandaliya ya vona a ti tsemekanga.
28 Mimpaxwa* ya vona hinkwayu yi lotiwile,
Tigubu ta vona hinkwatu ti lunghekile.
Maxondzo ya makavhalu ya vona ma tiye ku fana ni ribye,
Maroda ya vona ma fana ni xidzedze.+
29 Va bonga ku fana ni nghonyama;
Va bonga ku fana ni swinghonyamani.+
Va ta mpfhumpfha mpfhumpfha va khoma xiharhi
Va ta famba na xona funtshi a ku na munhu ni mun’we lweyi a nga ta xi lamulela.
30 Hi siku lolelo va ta xi bongela
Ku fana ni lwandle loko li bonga.+
Lweyi a nga ta txuvuka tiko a ta vona munyama ni ku karhateka;
Hambi ku vonakala na ku txintxe ku va munyama hi mhaka ya marhefu.+
6 Ka lembe leli Hosi Uziya a nga fa hi lona,+ ni vone Yehovha na a tshame ka xitshamu xa wuhosi xa ku tlakuka ni lexi nga henhla+ funtshi tiponta ta mpahla ya yena a ti xika hansi ti tata tempele. 2 Henhla ka yena a ku nyime tiserafi; serafi ha yin’we a yi ni 6 wa timpapa. A yi tifunengeta nghohe* hi timpapa timbirhi, se timbirhi a yi tifunengeta minenge funtshi timbirhi a yi haha hi tona.
3 Se ti huwelela ti ku:
“Wa kwetsima, wa kwetsima, wa kwetsima Yehovha murhangeli wa tintsumi.+
Misava hinkwayu yi tale hi ku phatima ka yena.”
4 Kutani swinsimbani* swa swipfalu swi tsekatseka hi mhaka ya guwa la ku huwelela, se yindlo yi tala hi ximusi.+
5 Kutani ni ku: “Khombo ka mina!
Ni file minoo,
Hikusa leswi humaka ka nomo wa mina a swi basanga;
Funtshi ni tshama ni vanhu lava vulavulaka leswi kalaka swi nga basanga;+
Hikusa ni vone Hosi, Yehovha murhangeli wa tintsumi!”
6 Se serafi yin’wani yi haha yi ta ka mina funtshi a yi khome khala la ndzilu+ yi nga li teka ka altari hi xa ku woka ndzilu.+ 7 Kutani serafi yi khumba nomo wa mina yi gama yi ku:
“Waswivo! Lexi xi khumbe nomo wa wena.
A wa ha na nandzu,
Xidjoho xa wena xi rivaleliwile.”
8 Se ni twa rito la Yehovha na li ku: “Ni ta rhuma mani, i mani lweyi a nga ta hi yela?”+ Ni gama ni ku: “Hi mina lweyi! Ni rhume!”+
9 Kutani a ku: “Famba u ya byela vanhu lava u ku:
10 Yendla swaku timbilu ta vanhu lava ti tlanyala,+
Yendla swaku tindleve ta vona ti nga twi,
Pfala ni matihlo ya vona,+
Leswaku va nga ha voni hi matihlo ya vona,
Naswona va nga ha twi hi tindleve ta vona,
Leswaku va nga twisisi,
Ni swaku va nga tisoli akuva va ta hanyisiwa.”
11 Se ni ku: “Anze siku muni Yehovha?” A gama a ku:
“Anze nkama lowu madoropa ma nga ta helisiwa ma hahluliwa funtshi ku nga ha tshami munhu
Ni tiyindlo ti nga ha na vanhu
Ni tiko li wonheteliwa li va mananga;+
12 Anze Yehovha a hlongola vanhu va ya kule,+
Ni tiko li sala na li li mananga.
13 “Kambe ka ha ta va ni vanhu vavatsongo lava va nga ta sala ka tiko naswona li ta tlhela li hisiwa ku fana ni nsinya wawukulu ni ku fana ni nsinya wa oku, leyi loko se yi tsemiwile ku nga ta sala xigodo; xigodo xolexo xi ta va lixaka* la ku kwetsima.”
7 Ka nkama wa ku fuma ka Akazi+ hosi ya le Yuda lweyi a a li n’wana wa Yothamu n’wana wa Uziya, Rezini hosi ya Siriya na Peka+ n’wana wa Remaliya hosi ya Israyele, va te va ta lwa ni doropa la Yerusalema kambe a va zanga va swi kota ku li teka.+ 2 Se ndjangu wa Davhida wu twa mahungu lawa: “Masonchwa ya le Siriya ma tlhangane ni masonchwa ya le Efrayimi.”
Kutani Akazi ni vanhu va yena va sungula ku rhurhumela ku fana ni minsinya ya le khwatini loko yi biwa hi moya.
3 Se Yehovha a byela Esaya a ku: “Ni kombela swaku wena ni n’wana wa wena Xeyari-Yaxubi*+ mi huma mi ya tlhangana na Akazi, amagamu ka ndhawu ya ku hlayisa mati leyi kumekaka henhla,+ ndhawu leyi yi nga ka ndlela leyi yaka ka masimu ya lweyi a hlampsaka mpahla. 4 U fanele u mu byela u ku: ‘Rhulisa mbilu. U nga chavi, u nga rhurhumeli hi mhaka ya swigodo swimbirhi leswi humaka ximusi funtshi swi nga kusuhi ni ku timeka ni hi mhaka ya ku kwata ka Rezini na Siriya ni n’wana wa Remaliya.+ 5 Hikusa doropa la Siriya ni la Efrayimi ni n’wana wa Remaliya va ku yendlele maplanu,* va ku: 6 “A hi fambeni hi ya lwa ni doropa la Yuda se hi li hlula, hi gama hi veka n’wana wa Tabele swaku a va hosi ya lona.”+
7 “‘Yehovha Hosi Leyikulu a li:
“A swi nge yendleki leswo,
Funtshi a swi nga ta tshuka swi humelela.
8 Hikusa doropankulu la tiko la Siriya i Damaxka,
Kasi hosi ya Damaxka i Rezini.
Na ku nge se hela 65 wa malembe
Tiko la Efrayimi li ta helisiwa ku sala na ku nga ha na munhu.+
Loko mi nga na lipfumelo la ku tiya,
Mfumu wa n’wina a wu nga ta tiya.”’”
10 Yehovha a tlhela a vulavula na Akazi a ku: 11 “Kombela ka mina Yehovha Xikwembu+ xa wena swaku ni ku komba xikombiso; hambi xi yo yenta ku fana ni Sirha* kumbe xi tlakukile ku fana ni tilo.” 12 Kambe Akazi a ku: “A ni nge kombeli nchumu funtshi a ni nge mu ringi Yehovha.”
13 Se Esaya a tlhela a ku: “Ni kombela mi yingisa, n’wina ndjangu wa Davhida. Indjhe a swi xegi leswi mi nga ringa vanhu? Indjhe mi lava ku tlhela mi ringa ni Xikwembu ke?+ 14 Se Yehovha a ta mi nyika xikombiso: Phela ntombhi yi ta kuma nyimba kutani yi psala* n’wana wa djaha+ kutani yi ta mu chula vito la Emanuwele.*+ 15 Nkama a nga ta kota ku langa swaswinene ka swa ku biha a ta dla mantega ni wulombe. 16 Hikusa na mufana a nge se swi kota ku langa swaswinene ka swa ku biha, matiko ya tihosi timbirhi leti mi ti chavaka ma ta va ma nga ha na munhu.+ 17 Yehovha a ta ku tisela khombo lalikulu leli wena, vanhu va wena ni vandjangu wa papayi wa wena mi kalaka mi nge se tshama mi li vona ku sukela nkama lowu Efrayimi a nga hambana ni Yuda,+ hikusa A ta tisa hosi ya Asiriya.+
18 “Hi siku lolelo Yehovha a ta ba noti a vitana tinhongana leti nga ka tindlela ta mati ya Nilu aGibita ni tinyoxi leti nga ka tiko la Asiriya, 19 se hinkwaswu swi ta fika swi tshama ka minkova, ka mimhakwa* leyi nga ka maribye, ka makhwati hinkwawu ya mimintwa ni hinkwaku lomu ku nga ni mati.
20 “Hi siku lolelo, hi ku tirhisa xisingwani* lexi nga lombiwa ka tiko leli nga atlhelweni ka Nambu* hi ku tirhisa hosi ya Asiriya,+ Yehovha a ta va tsemeta misisi hinkwayu ka tinhloko, ka minenge ni malepfu.
21 “Hi siku lolelo munhu a ta siya xihon’wani xin’we ka ntlhambi wa yena ni tinyempfu timbirhi. 22 Hi mhaka ya leswi ku nga ni leiti la linyingi, a ta dla mantega hikusa vanhu hinkwavu lava nga ta va na va salile ka tiko va ta dla mantega ni wulombe.
23 “Hi siku lolelo lomu a ku ni 1.000 wa minsinya ya mawuvha, leyi ringanaka 1.000 wa swikhemu swa prata, ku ta va ni khwati la mimintwa ni nhova ntsena. 24 Vanhu va ta ya kona na va khome mimpaxwa* ni ligubu hikusa tiko hinkwalu li ta va na li tale hi makhwati ya mimintwa ni nhova. 25 A wu nge he tshineli ka tintshava hinkwatu leti a ti hlakuliwa hi xikomu, hi mhaka ya ku chava mimintwa ni nhova; ti ta va tindhawu leti tihomu ni tinyempfu ti dlelaka kona.”
8 Se Yehovha a ni byela leswi: “Teka xikhemu xaxikulu xa pulangu,+ u tsala henhla ka xona u ku: ‘Maherixalali-Haxibazi.’* 2 Kutani ni ta swi tiyisekisa hi timboni ta ku tshembeka, ku nga muprista Uriya+ na Zakariya n’wana wa Yeberekiya.”
3 Se ni famba masangu ni nsati wa mina, lweyi a nga muprofeta a gama a kuma nyimba, hi ku famba ka nkama a psala n’wana wa mufana.+ Se Yehovha a ni byela a ku: “Mu chule vito la Maherixalali-Haxibazi, 4 hikusa na mufana a nge se swi tiva ku vulavula a ku: ‘Papayi’, na ‘Mamani’, xuma xa Damaxka ni minchumu hinkwayu leyi nga teketeliwa aSamariya swi ta tekiwa swi yisiwa ka hosi ya Asiriya.”+
5 Yehovha a tlhele a vulavula na mina a ku:
6 “Hi mhaka ya leswi vanhu va nga tshika mati ya Xilowa* lawa ma fambaka kahle,+
Va gama va tsakela Rezini ni n’wana wa Remaliya,+
7 Mina Yehovha ni ta va tisela mati ya manyingi
Ya Nambu,* lawa ma tsutsumaka hi matimba,
Hosi ya Asiriya+ ni ku phatima ka yona hinkwaku.
Yona yi ta famba henhla ka minambu hinkwayu ya yona
Yi huma hi ka matlhelo hinkwawu ya nambu
8 Yi ta hlasela tiko la Yuda.
Yi li peta ka mati ma gama hi ka nkolo;+
Yi ta pfula timpapa ta yona ti funengeta tiko la wena,
9 Lunghekani swaku mi ta va hlasela, kambe mi ta fayeteliwa.
Yingisani, n’wina hinkwenu lava va taka hi kule!
Lunghekelani ku lwa nyimpi, kambe mi ta fayeteliwa!+
Lunghekelani ku lwa nyimpi, kambe mi ta fayeteliwa!
10 Hambiloko mo yendla maplanu a ma nge mi pfuni hi nchumu!
11 Yehovha a ni be ndleve hi voko la yena la matimba swaku ni nga landzeli vanhu a ku:
12 “Leswi vanhu va nge i ku xenga, wena u nga hlayi swaku i ku xenga!
U nga chavi leswi va swi chavaka;
Swi nga ku rhurhumelisi.
13 Yehovha murhangeli wa tintsumi hi yena Lweyi mi faneleke mi mu hlonipha hikusa wa kwetsima,+
Mi fanele mi chava yena,
Hi yena Lweyi a faneleke a mi yendla mi rhurhumela.”+
14 Yena a ta va ndhawu ya n’wina ya ku tumbela ka yona,
Kambe a ta tlhela a fana ni ribye leli munhu a tigumulaka ka lona
Ni ribye leli a tigumulaka ka lona+
Ka mindjangu hayimbirhi ya Israyele,
A ta fana ni xikhele ni ntlhamu
Ka vanhu va le Yerusalema.
15 Vanhu va vanyingi va ta tigumula va wa va gama va tshoveka;
Va ta xengiwa va tlhela va phasiwa.
16 Bohelelani wumboni la mina;
Nyikani ntsena vadjondzisiwa va mina nawu!
17 Ni ta tshama na ni nyimele Yehovha,+ lweyi a fihlelaka ndjangu wa Yakobe+ nghohe* ya yena funtshi ni ta tshemba yena.
18 Yingisani! Mina ni vana lava Yehovha a nga ni nyika vona,+ hi fana ni swikombiso+ ni masingita aIsrayele, leswi taka hi ka Yehovha murhangeli wa tintsumi, lweyi a tshamaka ka Ntshava ya Siyoni.
19 Loko vo tshuka va mi byela va ku: “Vutisani tinyanga ni lava vhumbataka na va ringisela swinyanyani loko va vulavula,” indjhe vanhu a va fanelanga va vutisa Xikwembu xa vona ke? Indjhe swa twala ku vutisa lava nga fa timhaka leti ti khumbaka vanhu lava hanyaka ke?+ 20 Ihim, va fanele va kambisisa nawu ni wumboni leli nga tsaliwa!
Loko va nga landzeli leswi nga tsaliwa a va nge voningeliwi.+ 21 Lweyi a nga ta hundza tikweni a ta va na a biwa hi ndlala funtshi na a kwatile;+ hi mhaka ya leswo a ta rhuka hosi ni Xikwembu xa yena na a langute henhla. 22 Se a ta txuvuka misava, a vona ku karhateka ni munyama, mahlomulu ni minkama ya ku tika, ku xukuvala ni munyama wa ku chavisa.
9 Hambileswo, munyama a wu nge fani ni ka minkama leyi tiko a li li ka mahlomulu, ku fana ni ka minkama leyi nga hundza nkama tiko la Zebuloni ni tiko la Naftali a ma nga hloniphiwi.+ Kambe hi ku famba ka nkama, Yena a ta yendla leswaku li hloniphiwa ndleleni leyi yaka lwandle, adixtritu la Yordani, ku nga Galileya wa matiko.
2 Vanhu lava a va famba ka munyama
Va vone ku vonakala kakukulu.
Se lava tshamaka ka tiko leli li nga ni munyama wawukulu,
Ku vonakala ku va voningelile.+
3 Wena u yendle leswaku tiko li tala;
U yendle leswaku li tsaka swinene.
Va tsaka phambheni ka wena,
Ku fana ni vanhu lava nga tsaka hi nkama wa ku tshovela,
Ku fana ni lava tsakaka hi ku yavelana minchumu leyi va nga yi teketela nyimpini.
4 Hikusa wena u tshovelele kange* leli a li va tika,
Nhonga leyi a va biwa makatla hi yona, nkhavi wa lweyi a a va sindzisa ku tirha,
Ku fana ni leswi u nga swi yendla ka nkama wa Vamidiyani.+
5 A mabota hinkwawu ya masonchwa lawa ma yendlaka misava yi tsekatseka nkama ma fambaka
Ni mpahla hinkwayu leyi nga ni ngati
Swi ta hisiwa.
A ta chuliwa swaku i Mutsundzuxi Wamunene,+ Xikwembu xa Matimba, Papayi Lweyi A Kalaka A Nga Na Magamu,+ Hosi Ya Ku Rhula.
7 A ta fuma misava hinkwayu,
Hi ku rhula hi masiku ni masiku,+
Ka xitshamu xa wuhosi xa Davhida+ ni ka mfumu wa yena,
Leswaku wu tiya+ ni ku wu seketela
Hi wululami+ ni hi ku tshembeka,+
Ku sukela swoswi ni hi masiku ni masiku.
Yehovha murhangeli wa tintsumi a ta swi yendla leswo hikusa a swi lava hintamu ku swi yendla.
8 Yehovha a rhumele rito swaku a ba ndleve Yakobe
Funtshi li hetisekile ka Israyele.+
9 Vanhu hinkwavu va ta swi tiva,
Efrayimi ni vanhu va Samariya,
Lava hi mhaka ya ku titlakusa ni ku gwira va hlayaka leswi:
Minsinya ya minkuwa yi tsemiwile,
Kambe hi ta yi pfaleta hi mikedari.”
11 Yehovha a ta yendla leswaku valala va Rezini va lwa na Israyele
A ta yendla leswaku valala va yena va mu hlasela,
12 Vasiriya lava taka hi wuxeni ni Vafilista lava taka hi wupeladlambu,*+
Va ta pfula minomo va minta Israyele.+
Wa ha va kwatelile, hi mhaka ya hinkwaswu leswo,
Funtshi wa ha tinyimisele ku va khatisa.+
13 Hikusa vanhu a va tlhelelanga ka Lweyi a va baka;
A va kombelanga ku pfuniwa hi Yehovha murhangeli wa tintsumi.+
14 Yehovha a ta tsema nhloko ni ntxila, xigadjani xa nsinya
15 Munhu lweyi a nga guga ni lweyi a hloniphekaka i nhloko,
Se muprofeta lweyi a djondzisaka mavunhwa i ntxila.+
16 Lava rhangelaka vanhu lava va va hambukisa ndleleni,
Naswona lava rhangeliwaka va dungeke tinhloko.
17 Hi yona mhaka leyi Yehovha a kalaka a nga ma tsakeli madjaha ya vona,
A nge va kombi timpsalu vana va vona lava nga feliwa hi vapsali* ni vavasati lava nga feliwa hi vanuna va vona
Hikusa hinkwavu va djikele Xikwembu* funtshi i vanhu lava yendlaka swa ku biha+
Naswona va vulavula swa ku kala swi nga li swinene.
Wa ha va kwatelile, hi mhaka ya hinkwaswu leswo,
Funtshi wa ha tinyimisele ku va khatisa.+
18 Hikusa wubihi li hisa ku fana ni ndzilu,
Li hisa minsinya ya mimintwa ni nhova.
Li ta hisa ni khwati la ku tlhuma,
Swi ta psha swi hela swi ku jii.
19 Hi mhaka ya leswi Yehovha murhangeli wa tintsumi a nga kwata
Tiko leli li hisiwile,
Funtshi vanhu va ta psha.
A nga kona ni mun’we lweyi a nga ta tsetselela hambi ku li makwavu.
20 Mun’we a ta tsema nyama ka tlhelo la xinene
Kambe a nga ta xurha;
Kasi mun’wani a ta dla ka tlhelo la ximatsi,
Kambe a nga ta xurha.
Mun’wani ni mun’wani a ta dla nyama ya voko la yena,
21 Manasi a ta dla Efrayimi,
Efrayimi a ta dla Manasi.
Havambirhi va ta lwa na Yuda.+
Wa ha va kwatelile, hi mhaka ya hinkwaswu leswo,
Funtshi wa ha tinyimisele ku va khatisa.+
10 Khombo ka lava vekaka minawu ya ku tika,+
Lava tshamelaka ku tsala minawu leyi yendlaka swaku vanhu va hlupheka,
2 Leswaku va ti tekela hansi timfanelo ta swisiwana,
Leswaku va nga yavanyisi vanhu va mina lava nga swisiwana hi wululami+
Va xolola vavasati lava va nga feliwa hi vanuna va vona
Ni ku tekela vana lava va nga feliwa hi vapsali* swilo swa vona!+
3 Mi ta yendla yini hi siku leli mi nga ta khatisiwa hi lona,+
Nkama khombo leli taka hi kule li nga ta fika ke?+
Mi ta balekela ka mani leswaku a mi pfuna,+
Funtshi mi ta li yisa kwini tshomba la n’wina ke?
4 Ku to sala nchumu xin’we ntsena, ku nga ku khizama xikarhi ka lava nga khomiwa
Kumbe ku va xikarhi ka lava nga dlayiwa.
Wa ha va kwatelile, hi mhaka ya hinkwaswu leswo,
Funtshi wa ha tinyimisele ku va khatisa.+
5 “Yingisa! Muasiriya,+
I nhonga ya ku khatisa hi yona+
Ni nhonga* leyi ni yi tirhisaka swaku ni kombisa ku kwata ka mina!
6 Ni ta mu rhuma swaku a ya lwa ni tiko la vanhu lava va nga ni djikela,*+
Swaku a ya lwa ni vanhu lava va nga ni kwatisa;
Ni ta mu rhuma swaku a ya teketela minchumu ya yinyingi
A tlhela a va kandzihetela ku fana ni madaka axitaratwini.+
7 Hambileswi ku kalaka ku nga li planu* la yena la ku yendla leswi
A ta boheka ku swi yendla;
Hikusa a tinyimisele ku helisa,
Ku helisa matiko ya manyingi.
8 Hikusa a li:
‘Kasi varhangeli va mina hinkwavu a hi tihosi?+
9 Kasi doropa la Kalinu+ a li fani ni la Karkemixi?+
Kasi doropa la Amati+ a li fani ni la Arpadi?+
Kasi doropa la Samariya+ a li fani ni la Damaxka?+
10 Ni teke mimfumu ya swikwembu swa ku kala swi nga pfuni nchumu,
Leyi swifaniso swa yona a swi li swinyingi ku tlula swa le Yerusalema ni swa le Samariya!+
11 Indjhe ni nga tsandzeka ku yendla swa ku fana ka doropa la Yerusalema ni swikwembu swa lona
Ku fana ni leswi ni nga swi yendla ka doropa la Samariya ni swikwembu swa lona leswi kalaka swi nga pfuni nchumu?’+
12 “Nkama Yehovha a nga ta heta ntirho wa yena hinkwawu ka Ntshava ya Siyoni ni le Yerusalema, A ta khatisa hosi ya le Asiriya hi mhaka ya ku tikhuza ni ku tibyela ka yona.+ 13 Hikusa yona yi li:
‘Ni ta yendla leswi hi matimba ya mina
Ni hi wutlharhi la mina, hikusa ni tlharihile.
Ni ta helisa tindhawu leti matiko ma gamelaka kona+
Ni ta tlhela ni teketela xuma xa vona,+
Funtshi ni ta hlula lava tshamaka kona ku fana ni wanuna wa matimba.+
14 Ku fana ni munhu lweyi a nghenisaka voko ka xisaka,
Voko la mina li ta teka tshomba la vanhu;
Ku fana ni munhu lweyi a hlengeletelaka matandza lawa ma nga siyiwa,
Ni ta hlengeleta misava hinkwayu!
A nga kona lweyi a nga ta baka timpapa ta yena kumbe a pfula nomo wa yena kumbe a hlevetela.’”
15 Indjhe bewula li nga tikhuza ka lweyi a tsemaka hi lona?
Indjhe sahu li nga tikhuza ka lweyi a sahaka hi lona?
Indjhe nhonga+ yi nga ndzuluta lweyi a nga yi tlakula?
Kumbe yi tlakula lweyi a kalaka a nga yendliwanga hi mapulangu ke?
16 Hi mhaka ya leswo, Hosi ya ntiyiso, Yehovha murhangeli wa tintsumi,+
A ta yendla swaku vavanuna va matimba va hela ntamu,
Ni ku hlonipheka ka Vaasiriya ku ta hela ku fana ni loko ku hisiwa hi ndzilu.+
17 Ku Vonakala+ ka Israyele ku ta va ndzilu,+
Mukwetsimi wa yena a ta va ndzilu;
Wona wu ta hisa nhova ni swinsinyani swa yena swa mimintwa hi siku lin’we ntsena.
18 Xikwembu xi ta helisa ku saseka ka khwati ni ka jardim la mihandzu la Vaasiriya;
Swi ta fana ni loko munhu lweyi a vabyaka a wondza swa wugamu.+
19 Minsinya ya yena leyi nga ta sala
Yi ta va yitsongo hintamu lakakuva hambi ni mufana a nga swi kota ku yi konta.
20 Hi siku lolelo lava nga sala va Israyele
Ni lava nga pona ka ndjangu wa Yakobe
A va nge he tiseketeli hi lweyi a nga va hlasela;+
Kambe va ta tiseketela hi Yehovha,
Mukwetsimi wa Israyele, va mu tshemba.
21 Ku ta vuya ntsena lava nga ta sala,
Lava nga sala va ndjangu wa Yakobe, ka Xikwembu lexi nga ni Matimba.+
22 Hambileswi vanhu va wena Israyele,
Va nga tala ku fana ni misava ya lwandle,
Ku to vuya ntsena vanhu vatsongo.+
23 Leswi Yehovha murhangeli wa tintsumi, Hosi Leyikulu a nga boha ku va helisa,
A ta swi yendla ka tiko hinkwalu.+
24 Hi mhaka ya leswo, Yehovha murhangeli wa tintsumi, Hosi Leyikulu a li: “N’wina vanhu va mina lava tshamaka aSiyoni, mi nga mu chaveni Muasiriya lweyi a a tshamela ku mi ba hi nhonga a tlhela a mi tlakusela nhonga ku fana+ ni leswi Vagibita a va yendla swona.+ 25 Swoswinyana ku kwata ka mina ku ta hela; ni ta va helisa hikusa ni va kwatelile.+ 26 Yehovha murhangeli wa tintsumi a ta mi ba hi nhonga ya tingoti*+ ku fana ni nkama lowu a nga hlula Vamidiyani ka ribye la Orebi.+ Funtshi nhonga ya yena yi ta va henhla ka lwandle, a ta yi tlakusa ku fana ni leswi a nga swi yendla ka Vagibita.+
27 Hi siku lolelo wena u ta susiwa xidjumba ka makatla ya wena,+
Ni kange* la yena ka nhamu ya wena,+
Se kange li ta tshoveka+ hi mhaka ya mafurha.”
29 Va hundze hi ka nambu;
Va gama va yetlela aJeba;+
Se doropa la Rama li rhurhumelile, vanhu va le Jibiya+ wa Sawulo va balekile.+
30 Bana nkosi wena ntombhi ya le Galimi!
Yingisa, wena Layixa.
N’wambuyangwana Anatoti!+
31 Madimena a balekile.
Lava tshamaka aJebini va lava ndhawu ya ku tumbela ka yona.
32 Ka siku lolelo a ta nyima aNobi.+
A tlakusa xibakela xa yena a kombetela ntshava ya ntombhi ya le Siyoni,
Ganga la Yerusalema.
33 Hosi ya ntiyiso, Yehovha murhangeli wa tintsumi,
A tsema tigadja hi matimba yamakulu;+
Minsinya ya ku leha hintamu ya tsemiwa,
Kasi leyi nga tlakuka ya wiseteliwa.
34 A heta makhwati ya ku tlhuma hi bewula
Funtshi Lebanoni a ta dibiwa hi lweyi wa matimba.
11 Ka xigodo+ xa Yese ku ta mila xigadjani,+
Ka timintsu ta yena ku ta huma xinsinyani+ lexi nga ta psala mihandzu.
2 Moya wa ku kwetsima wa Yehovha wu ta va henhla ka yena,+
Hi mhaka leyo yena a ta va ni wutlharhi+ ni ku twisisa,
A ta nyikela switsundzuxu swaswinene funtshi a ta va ni matimba,+
A ta va ni wutivi la linyingi a tlhela a mu hlonipha hintamu Yehovha.
3 Ku chava Yehovha swi ta mu yendla a tsaka.+
A nge yavanyisi hi ku ya hi leswi a swi vonaka,
Kumbe a laya hi ku ya hi leswi a swi twaka.+
4 A ta yavanyisa swisiwana hi ndlela yayinene,
Funtshi a ta laya hi ku lulama swaku a pfuna lava ku rhula misaveni.
A ta ba misava hi nhonga ya nomo wa yena+
A ta dlaya lweyi wa ku biha hi moya lowu humaka ka nomo wa yena.+
5 Ku lulama ku ta fana ni bandhi ka masenge ya yena,
Ku tshembeka ku ta fana ni bandhi ka masenge ya yena.+
6 Hlolwa* li ta tshama nkamanyana ni xinyempfani,+
Yingwe* yi ta yetlela ka ndhawu yin’we ni ximbutani,
Xihon’wani ni xinghonyamani ni xifuyu xa ku kuluka swi ta tshama xikan’we;*+
Swi ta lusiwa hi mufana.
7 Homu ni ursu* swi ta dla xikan’we,
Vana va swona va ta yetlela xikan’we.
Nghonyama yi ta dla byanyi ku fana ni homu.+
8 N’wana lweyi a ha yan’waka a ta tlangela ka ntxele* wa nyoka leyi dlayaka,
Funtshi n’wana lweyi a nga lumuliwa a ta nghenisa voko la yena ka ntxele wa nyoka leyi nga ni vhenenu.
Kumbe ku wonhetela ka ntshava ya mina ya ku kwetsima,+
Hikusa misava hinkwayu yi ta tala hi ku tiva Yehovha
Ku fana ni mati lawa ma nga funengeta lwandle.+
10 Hi siku lolelo limintsu la Yese+ li ta nyima li va xikombiso ka vanhu.+
Matiko ma ta ya ka yena swaku a ma kongomisa,+
A ta tshama ka ndhawu leyi phatimaka.
11 Hi siku lolelo Yehovha a ta tlhela a pfuna vanhu va yena lava va nga sala aAsiriya,+ aGibita,+ aPatiru,+ aKuxi,+ aElamu,+ aXinara* ni le Amati ku patsa ni ka swihlala* leswi nga lwandle.+ 12 A ta vekela matiko xikombiso se a hlengeleta Vayisrayele lava nga hangalaka,+ a ta hlengeleta vanhu va le Yuda lava nga hangalaka ka 4 wa matlhelo ya misava.+
13 Wukwele la Efrayimi li ta hela,+
Ni lava nyenyaka Yuda va ta helisiwa.
Efrayimi a nge he mu kweleti Yuda,
Funtshi Yuda a nge he mu nyenyi Efrayimi.+
14 Vona va ta hlasela minkova ya Vafilista hi le wupeladlambu;
Va ta tekela vanhu va le Wuxeni minchumu ya vona.
A ta ba 7 wa minambu ya lona hi moya wa yena wa ku hisa,
Funtshi a ta yendla swaku vanhu va tsemakanya na va yambale masandaliya.
16 Ku ta va ni ndlela yayikulu+ leyi taka hi Asiriya ya vanhu va yena lava nga sala,+
Ku fana ni leyi a yi tirhisiwa hi Vayisrayele nkama va nga huma ka tiko la Gibita.
12 Ka siku lolelo wena u ta ku:
“Na ku khensa wena Yehovha,
Hikusa hambileswi a wu ni kwatelile,
Ku kwata ka wena ku pumbekile hi kutsongokutsongo, se u ni tiyisile.+
2 Xikwembu i muponisi wa mina.+
Ni ta xi tshemba funtshi a ni nge chavi nchumu;+
Hikusa Yehovha,* Yehovha i matimba ni ntamu wa mina,
Naswona i muponisi wa mina.”+
3 Mi ta kha mati na mi tsakile
Ka swihlovo swa ku ponisa.+
4 Kutani ka siku lolelo mi ta ku:
“Khensani Yehovha mi dzunisa vito la yena,
Byelani vanhu mintirho ya yena!+
Va byeleni swaku vito la yena la hlonipheka.+
5 Yimbelelani mi dzunisa Yehovha,+ hikusa a yendle minchumu ya ku hlamalisa.+
A yi tivisiwe amisaveni hinkwayu.
6 Banani minkulungwani, n’wina lava tshamaka Siyoni,
Hikusa Mukwetsimi wa Israyele lweyi a nga xikarhi ka n’wina i mukulu.”
13 Ku yavanyisiwa ka Babilona+ loku nga voniwa hi Esaya+ n’wana wa Amozi hi ndlela ya singita:*
2 “Dzimani mhandzi ya xikombiso+ ahenhla ka ntshava ya maribye.
Huwelelani mi va vitana na mi tlakusa mavoko,
Swaku va ta ta ka tinyanghwa ta varhangeli.
3 Ni nyike nawu vanhu lava ni nga va langa.+
Ni vitane ni masonchwa ya mina swaku ni ta kombisa ku kwata ka mina,
Masonchwa ya mina lawa ma tibumaka.
4 Yingisani! Xitshungu lexi nga ka tintshava;
Guwa la xona li fana ni la vanhu va vanyingi!
Yingisani! Mpfilumpfilu ya mimfumu,
Ya matiko lawa ma nga hlengeletana!+
Yehovha murhangeli wa tintsumi a hlengeleta masonchwa ya nyimpi.+
5 Va ta hi ka tiko la le kule hintamu,+
Amagamu ka matilo,
Yehovha ni matlharhi ya ku kwata ka yena,
Swaku a ta helisa misava hinkwayu.+
6 Banani nkosi, hikusa siku la Yehovha li kusuhi!
Hi siku lolelo Lweyi Wa Matimba Hinkwawu a ta helisa swilo hinkwaswu.+
7 Hi mhaka leyo mavoko hinkwawu ma ta hela ntamu,
Ni timbilu ta vanhu hinkwavu ti ta deretera hi mhaka ya ku chava.+
8 Vanhu va chava.+
Va rhurhumela funtshi va twa ku vava,
Ku fana ni wansati lweyi a lavaka ku psala.*
Va txuvukana na va chava hintamu,
Tinghohe* ta vona ti tale hi ku karhateka.
9 Phela siku la Yehovha la ta,
Siku la ku chavisa ni ku kwata kakukulu,
Li ta yendla vanhu va hlamala loko va vona tiko,+
Li ta helisa lava djohaka atikweni.
10 Hikusa tinyeleti ni mintlawa ya tona*+
A swi nge ku humesi ku vonakala ka swona;
Dlambu li ta huma na li mphumile,
Ni n’weti a wu nge voningi.
11 Ni ta khatisa tiko hi mhaka ya wubihi la lona,+
Ni vanhu va ku biha hi mhaka ya xidjoho xa vona.
Ni ta helisa ku tikhuza ka lava tibyelaka,
Funtshi ni ta danisa lava va titlakusaka.+
12 Ni ta yendla swaku munhu a kala hintamu ku tlula woru la lisima swinene,+
A kala hintamu ku tlula ni woru la le Ofiri.+
13 Hi mhaka leyo ni ta tsekatsekisa matilo,
Ni misava yi ta tsekatseka+
Hi mhaka ya ku kwata ka Yehovha hi siku leli a nga ta kwata hi lona.
14 Ku fana ni mhala* leyi hlotiwaka ni ntlhambi lowu kalaka wu nga na mulusi,
Mun’wani ni mun’wani a ta tlhelela ka vanhu va yena;
Mun’wani ni mun’wani a ta balekela ka tiko la yena.+
15 Lweyi a nga ta kumiwa a ta tlhaviwa hi tlharhi,
Ni lweyi a nga ta khomiwa a ta dlayiwa hi xipada.+
16 Vana va vona va ta tsemeleliwa na va va vona.+
Leswi nga ka tiyindlo ta vona swi ta teketeliwa,
Vasati va vona va ta pfinyiwa.
18 Tigubu ta vona ti ta dlaya madjaha;+
A va nge va tweli wusiwana vana
Funtshi a va nge vi na mhaka na vona.
19 Babilona, lweyi a nga saseka hintamu xikarhi ka mimfumu,+
Lweyi Vakalidiya+ va tibyelaka hi yena,
A ta fana ni doropa la Sodoma ni la Gomora nkama Xikwembu xi nga ma helisa.+
20 A ku nge he tshuki ku tshama munhu ka yena,
A ku nga ha ta va ni vanhu lava nga ta tshama kona hi masiku ni masiku.+
Muarabiya a nga ta gwimba tende la yena kolanu,
Ni valusi a va nge tshiki mintlhambi ya vona yi humula kona.
21 Ku ta tshama swiharhi swa mananga;
Tiyindlo ta vona ti ta tala hi swikhovha.
22 Swiharhi swi ta rila ka maprediyu* ya yena,
Ni timbyana ta khwati* ti ta tshama ka tiyindlo ta tihosi.
Nkama wa yena wu kusuhi funtshi masiku ya yena a ma nga ta lehisiwa.”+
14 Hikusa Yehovha a ta va ni timpsalu ka Yakobe,+ a ta tlhela a langa Israyele.+ A ta va humulisa ka tiko la vona+ funtshi vanhu va matiko man’wani va ta tipatsa ni ndjangu wa Yakobe va nyima na wona.+ 2 Se vanhu va ta va teka va va yisa ka ndhawu ya vona funtshi ndjangu wa Israyele wu ta va yendla swikarawa+ ka tiko la Yehovha; va ta yendla swikarawa vanhu lava va nga tshama va va yendla swikarawa, va tlhela va va tihosi ta lava a va va xanisa.
3 Hi siku leli Yehovha a nga ta mi humulisa hi lona ka mahlomulu ya n’wina ni ka wukarawa la n’wina,+ 4 mi ta poyila hosi ya Babilona mi ku:
“Vonani leswi lweyi a a xanisa van’wani a nga helisisiwa xiswona!
Vonani leswi ku xaniseka ku nga helisa swona!+
5 Yehovha a tshove nhonga ya lava va ku biha,
Nhonga ya lava va fumaka,+
6 Lweyi a tshamelaka ku fumbutela van’wani hi ku kwata kakukulu,+
Lweyi hi ku kwata a hluphaka matiko a tlhela a ma xanisa.+
7 Swoswi misava hinkwayu yi humulile, yi pepile.
Vanhu va ba minkulungwani.+
8 Hambi minsinya ya yunipa yi tsakile hi mhaka ya wena,
Ni minsinya ya mikedari ya le Lebanoni.
Yi li: ‘Ku sukela nkama u nga wa,
A ku na munhu lweyi a tsemaka minsinya lweyi a taka swaku a ta hi tsema.’
9 Hambi hi Sirha* li tilulamisele
Ku ku tlhangaveta loko u ta.
Hi mhaka ya wena, li pfuxa ni lava nga fa,
Varhangeli* hinkwavu va misava lava xanisaka van’wani.
Li yendla tihosi hinkwatu ta matiko ti sekeleka ka switshamu swa tona.
10 Hinkwavu va ta ku vutisa va ku:
‘Kasi na wena se u hele ntamu ku fana na hina?
Kasi se ho fana?
U yetlele henhla ka swivungwani,
U tlhela u swi funengela.’
12 Vona leswi u nga wisa xiswona hi tilweni,
Wena nyeleti leyi phatimaka, loko dlambu li huma!
Vona leswi u nga tsemisiwa xiswona u wa misaveni,
Wena lweyi a nga hlula matiko!+
13 A wu tibyela u ku: ‘Ni ta khupuka ni ya matilweni.+
Ni ta veka xitshamu xa mina xa wuhosi henhla ka tinyeleti ta Xikwembu,+
Ni ta tshama ka ntshava ya nhlengeletanu,
14 Ni ta ya ahenhla ka marhefu;
Ni ta tiyendla lweyi a fanaka ni Xikwembu Lexi Nga Tlakuka.’
15 Ku hambana ni leswo, u ta txukumetiwa aSirheni,*
A ndzenindzeni ka khele.
16 Lava ku vonaka va ta ku txuvuka;
Va ta ku xondzolota va ku:
‘Kasi lweyi a hi yena lweyi a nga tsekatsekisa misava,
Lweyi a a tsekatsekisa mimfumu,+
17 Lweyi a nga txintxa misava yi va mananga,
A hlasela a tlhela a hlula madoropa ya yona,+
Lweyi a nga yala ku chunsa swikarawa swa yena?’+
18 Tihosi letin’wani hinkwatu ta matiko,
Ina, hinkwatu ti lahliwe hi ndlela ya ku hlonipheka,
Yin’wani ni yin’wani ka sirha la yona.
19 Kambe wena u yo txukumetiwa, a wu na sirha,
Ku fana ni ligadja leli nyenyiwaka,
U mbhonyiwe hi mintsumbu ya lava nga tlhaviwa hi xipada,
Lava lahliwaka ka xikhele lexi nga ni maribye,
Ku fana ni ntsumbu lowu kandziheteliwaka.
20 A wu nge lahliwi na vona,
Hikusa u wonhe tiko la wena,
U dlaye vanhu va wena.
Vana va lava yendlaka swa ku biha a va nge he tshuki va khumbukiwile.
21 Lunghisani ndhawu hi ta dlaya vana va yena
Hi mhaka ya swidjoho swa vavhovho va vona,
Swaku va nga vi na matimba va gama va teka misava,
Kutani va tata tiko hi madoropa ya vona.”
22 Yehovha murhangeli wa tintsumi a li: “Ni ta lwa na vona.+
Ni ta helisa vito la Babilona, lava nga sala ni vatukulu,”+ ku vula Yehovha.
23 Yehovha murhangeli wa tintsumi a li: “Ni ta mu yendla a va ndhawu leyi ku tshamaka tinhungu* ni ndhawu leyi nga ni nhlanga, ni ta mu kukula hi nkukulu lowu dlayaka.”+
24 Yehovha murhangeli wa tintsumi a fungile a ku:
“Ku ta yendleka ku rhandza ka mina,
Ku ta yendleka leswi ni nga swi boha, swi ta hetiseka.
25 Ni ta helisa Muasiriya ka tiko la mina,
Ni ta mu kandzihetela ka tintshava ta mina.+
26 Xolexo i xiboho lexi nga yendliwa xa leswi nga ta yendleka amisaveni hinkwayu,
Funtshi lawa i matimba ya Xikwembu lawa xi nga ta ma tirhisa swaku xi lwa ni matiko hinkwawu.
27 Hikusa Yehovha murhangeli wa tintsumi a yendle xiboho,+
Se i mani lweyi a nga xi txintxaka?
A ta tirhisa matimba ya yena swaku a va khatisa,
Se i mani lweyi a nga mu pfalelaka ke?+
28 Hi lembe leli Hosi Akazi a nga fa+ hi lona ku yendliwe xitiviso lexi:
29 “U nga tsaki, wena Filista ni hinkwavu lava tshamaka ka wena,
Hi mhaka ya leswi nhonga ya lweyi a ku baka yi nga tshoveka.
Hikusa ka vana va nyoka+ ku ta huma nyoka ya vhenenu,+
Vana va yona va ta va nyoka leyi nga ni vhenenu leyi lumaka hi ku hantlisa.
30 Nkama matevula ya lava kalaka va nga na nchumu ma nga ta dla
Ni swisiwana swi nga ta yetlela na swi hlayisekile,
Ni ta heta vana va wena hi ndlala,
Ni ta dlaya ni lava nga ta sala.+
31 Rilani n’wina mi nga ka nyanghwa! Huwelelani n’wina mi nga ka doropa!
N’wina Vafilista hinkwenu mi ta hela matimba!
Hikusa ku ta ximusi hi norte,*
A ku na sonchwa leli hambukaka ka masonchwa ya valala.”
32 Indjhe va fanele va va hlamulisa ku yini lava nga rhumiwa ka tiko?
Va ta va hlamula swaku Yehovha se a veke masungulo* ya doropa la Siyoni,+
Ni swaku vanhu va yena lava va xanisekaka va ta tumbela ka lona.
15 Ku yavanyisiwa ka Mowabu:+
Leswi li nga hlaseliwa hi wusiku lin’we,
Doropa la Ara+ leli nga aMowabu li miyetiwile.
Leswi li nga hlaseliwa hi wusiku lin’we,
Doropa la Kiri+ leli nga Mowabu li miyetiwile.
Mowabu a rilela Nebo+ na Medeba.+
Tinhloko hinkwatu ti tsemetiwe mpandlha,+ malepfu hinkwawu ma tsemetiwile.+
3 Va yambale mpahla ya masaka ka switaratu swa vona.
Hinkwavu va rila na va li henhla ka tiyindlo ni xikarhi ka madoropa;
Va rila hi xiviti.+
Hi leswo swi yendlaka masonchwa ya le Mowabu ma tama ma huwelela.
Va karhatekile swinene.
5 Mbilu ya mina yi rilela Mowabu.
Vanhu va yena lava nga baleka va tsutsume va ya fika aSowari+ ni le Eglati-Xelixiya.+
A va rila na va khupuka ganga la Luhiti;
A va ba nkosi ka ndlela leyi yaka aOronayimi hi mhaka ya mahlomulu.+
6 Leswi mati ya Nimirimi ma nga psha;
Byanyi la vherdi li womile,
Byanyi li helile funtshi a ku salanga nchumu xa vherdi.
7 Hi leswo swi yendlaka va teka minchumu ya vona leyi nga sala ni tshomba la vona;
Va tsemakanya nkova wa minsinya ya maxopu.*
8 Hikusa xirilo xi twakala ka tiko hinkwalu la Mowabu.+
Nkosi wu fika ni le Eglayimi;
Nkosi wu fika ni le Beyere-Elima.
9 Hikusa mati ya Dimomi ma tale hi ngati,
Dimomi na ha ta mu yendla swin’wani swa ku tlula leswo:
Vamowabu lava balekaka va ta hlaseliwa hi tinghonyama
Ku patsa ni lava nga sala tikweni.+
16 Rhumelani nyempfu ka lweyi a fumaka tiko,
Ku suka aSela ka tlhelo la mananga
Anze ka ntshava ya ntombhi ya Siyoni
2 Tintombhi ta Mowabu leti nga ka tindhawu leti ku tsemakanyiwaka ka tona aArinoni,+
Ti ta fana ni xinyanyani lexi nga hlongoliwa ka xisaka xa xona.+
3 “Va nyikeni switsundzuxu, mi tlhela mi yendla xiboho.
Va vhikeleleni ku fana ni ndzhuti lowu vhikelelaka loko dlambu li hisa.
Tumbetani lava nga hangalaka funtshi mi nga va kanganyisi lava balekaka.
4 Vanhu va mina lava nga hangalaka a va tshame ka wena, wena Mowabu.
Va tumbete hi mhaka ya lweyi a va xanisaka.+
Lweyi a va xanisaka a ta helisiwa,
Ku wonhetela ka yena ku ta hela,
Lava psanyaka van’wani va ta helisiwa amisaveni.
5 Se xitshamu xa wuhosi xi ta vekiwa xi tiya hi lirhandzu.
Lweyi a nga ta fuma ka ndjangu wa Davhida a ta va a tshembekile;+
A ta yavanyisa hi ndlela yayinene funtshi a ta hantla a yendlela van’wani minchumu ya ku lulama.”+
6 Hi swi twile swaku Mowabu wa tibyela funtshi a gwira swinene+
Wa titlakusa, wa tikhuza funtshi a ni mona;+
Kambe leswi a swi vulaka a swi nge humeleli.
7 Mowabu a ta rila hi mhaka ya khombo leli nga ta mu humelela;
Hinkwavu lava nga Mowabu va ta rila.+
Lava nga biwa va ta rilela mabolu ya mawuvha lawa ma nga womisiwa ya le Kiri-Areseti.+
8 Hikusa masimu ya Exiboni+ ma vunile,
Ni minsinya ya mawuvha ya Xibima,+
Tihosi ta matiko ti psanye tigadja ta yona ta ku pshuka;*
Ti fike aYazeri;+
Ti fike ni le mananga.
Tigadja ta yona ti hangalakile ti fika ni le lwandle.
9 Hi mhaka leyo, ni ta rilela minsinya ya mawuvha ya Xibima ku fana ni leswi ni nga swi yendlisa xiswona ka Yazeri.
Ni ta tsakamisa Exiboni na Elele+ hi mihloti ya mina,
Hikusa ku tsaka loku a ku li kona hi mhaka ya mihandzu ya wena ya malanga* ni hi mhaka ya ntshovelo, ku helile.
10 Ku tsaka loku a ku li kona ka nsimu ya mihandzu, ku helile,
A ka ha yimbeleliwi funtshi a ka ha biwi minkulungwani ka masimu ya mawuvha.+
Lweyi a a yendla vhinyu, a nga ha yi yendli
Hikusa ni va hetele ku tsaka.+
11 Ni rhurhumela ku fana ni tingoti ta haripa,
Hi mhaka ya tiko la Mowabu,+
Mbilu ya mina ya vava hi mhaka ya doropa la Kiri-Areseti.+
12 Hambiloko Mowabu o zama ku ya ka tindhawu leti nga tlakuka ni ka tempele ya yena swaku a ya khongela, a swi nge mu pfuni hi nchumu.+
13 Leswo hi leswi Yehovha a nga swi hlaya hi Mowabu. 14 Swoswi Yehovha a li: “Ndzeni ka malembe manharhu, lawa ma fanaka ni malembe ya mutirhi, ku tibyela ka Mowabu ku ta hela hi mpfilumpfilu funtshi ku ta sala vanhu vavatsongo lava kalaka va nga na matimba.”+
17 Ku yavanyisiwa ka Damaxka:+
“Yingisani! Doropa la Damaxka li ta helisiwa,
Li ta va ndhawu leyi nga wonhekela.+
2 Lava va tshamaka ka madoropa ya Arowa+ va ta baleka va ma siya;
Ma ta va ndhawu leyi swifuyu swi yetlelaka ka yona,
Na swi nga chavisiwi hi munhu.
3 Madoropa lawa ma nga ni mimuru ya ku tiya, a ma nge he vi kona aEfrayimi,+
Ku patsa ni mfumu wa Damaxka;+
Kasi ku hlonipheka ka lava va nga sala aSiriya
Ku ta nyamalala ku fana ni ka Vayisrayele,” ku vula Yehovha murhangeli wa tintsumi.
4 “Hi siku lolelo, Yakobe a nge he hloniphiwi,
Funtshi a ta wondza.
5 Siku lolelo li ta fana ni loko munhu a tshovela trigu
A tlhela a li hlengeleta,
Ku fana ni loko munhu a tshovela trigu leli nga sala ka Nkova wa Refayimi.+
6 Ku to sala switsongo swa ku lava ku tshoveliwa,
Ku fana ni loko ku hlakahliwa nsinya wa mawolivhera:
Ku sala mihandzu yimbirhi kumbe yinharhu leyi nga wupfa ka ligadja leli nga henhla,
Ku ta sala 4 kumbe 5 ka tigadja ta wona leti psalaka mihandzu,”+ ku vula Yehovha Xikwembu xa Israyele.
7 Hi siku lolelo munhu a ta kombela ku pfuniwa hi Muyendli wa yena, a ta txuvuka Mukwetsimi wa Israyele. 8 A nga ta txuvuka maaltari,+ timhandzi ta Axera* ni swa ku tlhateka swinun’hwelisu* leswi a nga tiyendlela swona.+
9 Hi siku lolelo madoropa ya yena lawa ma nga ni mimuru ya ku tiya ma ta fana ni ndhawu leyi kalaka yi nga tshami munhu leyi nga khwatini,+
Ku fana ni ligadja leli nga siyiwa na Vayisrayele va nga se fika;
Yi ta va ndhawu leyi kalaka yi nga pfuni nchumu.
Hi leswo swi yendlaka u byala masimu yamanene,
U byala ni xinsinyani xa munhu lweyi u kalaka u nga mu tivi.*
11 Hambiloko wo ma pfala kahle masimu ya wena ka matlhelo hinkwawu ninhlikanhi,
Nimixo u milisa mbewu ya wena,
A wu nge tshoveli nchumu, u ta vabya, u twa ku vava loku kalaka ku nga daheki.+
12 Yingisani! Ku twala guwa la vanhu va vanyingi,
Lava va bongaka ku fana ni lwandle!
Vanhu va matiko va vanga guwa,
Guwa leli fanaka ni la magandlati ya mati!
13 Matiko ma vanga guwa la ku fana ni la magandlati ya mati.
A ta ma laya, se ma baleka ma ya kule,
Ma ta hangalaka ku fana ni muhungu lowu biwaka hi moya,
Ku fana ni matluka ya ku woma lawa ma biwaka hi moya.
14 Nimadlambu, ku ni khombo.
Na li nge se xa, valala va hina a va ha li kona.
Ku ta yendleka leswo ka lava va hi xanisaka
Ni ka lava va hi tekelaka swilo swa hina.
18 Khombo ka tiko leli nga tala hi swiharhi swaswitsongo leswi nga ni timpapa,
Tiko leli li nga ka ndhawu ya minambu ya Etiyopiya!+
2 Leli rhumaka vanhu swaku va famba hi lwandle,
Va tsemakanya minambu hi boti leli nga yendliwa hi xinsinyani xa papiru, li ku:
“Fambani, n’wina vanhu lava tsutsumaka hintamu,
Ka tiko la vanhu va ku leha ni va ku saseka,
Ka vanhu lava chaviwaka amisaveni hinkwayu,+
Tiko la matimba leli li swi kotaka ku hlula,
Lava tiko la vona li nga kokiwa hi minambu.”
3 N’wina lava tshamaka ka tiko na n’wina lava tshamaka misaveni,
Leswi mi swi vonaka swi ta fana ni marka lowu nga vekiwa ka tintshava,
Mi ta twa guwa la ku fana ni la ku chayiwa ka limhondzo.
4 Hikusa Yehovha a ni byele a ku:
“A ni nge phazamisiwi funtshi ni ta txuvuka ndhawu ya mina,
Ku fana ni ku hisa ka dlambu,
Ku fana ni mberha* leyi waka hi nkama wa ku tshovela.
5 Loko se swiluva swa mawuvha swi wile,
Ni mihandzu ya kona yi sungula ku wupfa, na ntshovelo wu nge se fika
Tigadja ti ta tsemiwa hi masikelo,
Swigadjana swi ta tsemiwa swi txukumetiwa.
6 Mintsumbu ya vona yi ta dliwa hi swiharhi ni swinyanyani swa le tintshaveni leswi dlaka nyama.
Swinyanyani leswi dlaka nyama swi ta yi dla hi nkama wa malanga,*
Funtshi swiharhi swi ta yi dla ni hi nkama wa ntshovelo.
7 Ka nkama wolowo va ta tisa minchumu va ta nyika Yehovha murhangeli wa tintsumi,
Leyi yi taka hi ka tiko la vanhu va ku leha va tlhela va saseka,
Vanhu lava chaviwaka amisaveni hinkwayu,
Tiko la matimba leli li swi kotaka ku hlula,
Lava tiko la vona li nga kokiwa hi minambu,
Yi ya ka ndhawu leyi dzunisaka vito la Yehovha murhangeli wa tintsumi, ku nga Ntshava ya Siyoni.”+
19 Ku yavanyisiwa ka Gibita:+
Yingisani! Yehovha a khwele ka rhefu leli tsutsumaka hintamu funtshi a ya Gibita.
Swikwembu swa le Gibita leswi kalaka swi nga pfuni nchumu swi ta rhurhumela hi mhaka ya ku mu chava,+
Naswona Vagibita va ta hela ntamu.
2 “Ni ta yendla swaku Vagibita va lwa hi xivona,
Va ta hlaselana,
Mugibita a ta lwa ni makwavu ni vhizinyu wa yena,
Doropa li ta lwa ni doropa lin’wani, mfumu wu ta lwa ni mfumu wun’wani.
3 Vagibita a va nga ta xi tiva xa ku xi yendla,
Ni ta wonhetela maplanu ya vona.+
Va ta tshemba swikwembu leswi kalaka swi nga pfuni nchumu,
Va ta tshemba vangoma, tinyanga ni lava va fembaka.+
4 Ni ta yendla swaku Vagibita va fumiwa hi hosi leyi nga ni mona,
Hosi leyi, yi ta va xanisa,”+ ku vula Yehovha murhangeli wa tintsumi, Hosi ya ntiyiso.
6 Kutani minambu yi ta nun’hwa;
Misele ya Nilu leyi nga Gibita yi ta b’ohla, yi gama yi woma.
Tinhlanga ni mabyanyi* swi ta bola.+
7 Swinsinyani leswi nga kusuhi ni lani ku gamelaka kona Nambu wa Nilu,
Swi ta biwa hi moya funtshi a swi nga ha ta va kona.
8 Vaphasi va tihlampfi va ta rila,
Lava phasaka hi tindzovo* ka Nambu wa Nilu va ta ba nkosi,
Ni lava phasaka hi maredi va ta pumbeka.
9 Lava yendlaka mpahla hi linyu+
Ni lava hambaka tipanu ta ku basa va ta danisiwa.
10 Vanhu va yena lava lukaka va ta twa ku vava;
Hinkwavu lava nga tholiwa va ta hela ntamu.
11 Varhangeli va le Zowani+ i swiphunta.
Marito ya vatsundzuxi va ku tlhariha va Faru a ma pfuni nchumu.+
Mi nga vulisa ku yini ka Faru mi ku:
“Ni ntukulu wa vanhu va ku tlhariha,
Ni ntukulu wa tihosi ta khale”?
12 Se va kwini vanhu va wena va ku tlhariha?+
A va ku byele leswi Yehovha a lavaka ku swi yendla aGibita.
13 Varhangeli va Zowani va yendle swa wuphunta;
Varhangeli va Nofu*+ va kanganyisiwile;
Varhangeli va tinxaka ta yena va yendle swaku Gibita a lahleka.
14 Yehovha a yendle swaku a nga swi tivi swa ku swi yendla;+
Va lahlekise Gibita ka hinkwaswu leswi a swi yendlaka,
Ku fana ni xidakwa lexi dederekaka ka mahlanta ya xona.
15 Gibita a nge koti ku yendla nchumu,
Hambi nhloko ya yena kumbe ntxila, hambi xigadjani kumbe byanyi.*
16 Hi siku lolelo Gibita a ta fana ni vavasati, a ta rhurhumela a tlhela a chava hi mhaka ya leswi Yehovha murhangeli wa tintsumi a lavaka ku mu khatisa.+ 17 Tiko la Yuda li ta yendla swaku Vagibita va chava. Va ta hela ntamu loko va twa ku vulavuliwa hi lona hi mhaka ya leswi Yehovha murhangeli wa tintsumi a nga ta swi yendla ka vona.+
18 Hi siku lolelo ku ta va ni 5 wa madoropa ka tiko la Gibita lama vulavulaka lirimi la Kanana+ naswona va ta funga ka Yehovha murhangeli wa tintsumi swaku va ta tshembeka. Doropa lin’wani li ta vitaniwa Doropa la Ku Diliza.
19 Hi siku lolelo ku ta va ni altari ya Yehovha axikarhi ka tiko la Gibita ni pilari la Yehovha lani tiko li gamelaka kona. 20 Yi ta va xikombiso ni wumboni ka Yehovha murhangeli wa tintsumi ka tiko la Gibita; hikusa va ta rilela Yehovha hi mhaka ya lava va va hluphaka, se a ta rhumela muponisi wamukulu lweyi a nga ta va ponisa. 21 Yehovha a ta titivisa ka Vagibita kutani ku sukela hi siku lolelo Vagibita va ta tiva Yehovha, va ta yendla magandzelo va tlhela va humesa minyikelo, se va ta funga ka Yehovha va tlhela va yendla leswi va nga swi funga. 22 Yehovha a ta khatisa Vagibita,+ a ta va khatisa a tlhela a va daha; va ta tlhelela ka Yehovha funtshi a ta hlamula swikombelo swa vona, kutani a va daha.
23 Hi siku lolelo ku ta va ni ndlela yayikulu+ leyi taka hi Gibita yi ya aAsiriya. Vaasiriya va ta ya Gibita, ni Vagibita va ta ya aAsiriya kutani va ta gandzela Xikwembu xikan’we. 24 Hi siku lolelo Vayisrayele va ta tipatsa ni Vagibita ni Vaasiriya,+ va ta va nkateko amisaveni, 25 hikusa Yehovha murhangeli wa tintsumi a ta va katekisa a ku: “A ku katekisiwe vanhu va mina ku nga Gibita, ntirho wa mavoko ya mina ku nga Asiriya ni tshomba la mina, ku nga Israyele.”+
20 Hi lembe leli Sargoni hosi ya Asiriya a nga rhuma Tartani* swaku a ya aAxidodi,+ a lwe ni tiko la Axidodi se a li hlula a gama a li teka.+ 2 Hi nkama wolowo Yehovha a vulavula hi ku tirhisa Esaya+ n’wana wa Amozi a ku: “Famba, hlivila mpahla ya masaka, u tlhela u hlivila ni masandaliya.” Se a yendla swoleswo, a famba hi minkondzo, na a nga yambalanga nchumu.*
3 Kutani Yehovha a ku: “Ku fana ni leswi mutirheli wa mina Esaya a nga fambafamba hi minkondzo, malembe manharhu na a nga yambalanga nchumu, swaku swi va xikombiso+ ni ku basopisa Gibita+ na Etiyopiya,+ 4 hosi ya Asiriya yi ta khoma vanhu va Gibita+ ni va Etiyopiya yi va yendla swikarawa, vafana ni lava va nga guga, va ta famba hi minkondzo na va nga yambalanga nchumu, na swisuti swi sale handle, swi ta va tingana ka Gibita. 5 Va ta chava va tlhela va dana hi mhaka ya Etiyopiya lweyi a va mu tshembile ni hi mhaka ya Gibita lweyi a va tibyela hi yena. 6 Hi siku lolelo lava tshamaka kusuhi ni lwandle va ta ku: ‘Hi nga vonani swaku ku yendleke yini ka lweyi a hi tshembe yena, lweyi a hi baleka hi ya ka yena swaku a hi ponisa ka hosi ya Asiriya! Se swoswi hi ta baleka hi ya ka mani ke?’”
21 Ku yavanyisiwa ka mananga lama fanaka ni lwandle:*+
2 Ni kombiwe minchumu ya ku chavisa hi ndlela ya singita:*
Lava va xengaka va tama va xenga,
Kasi lava wonhaka na vona va tama va wonha.
Hlasela, wena Elamu! Rhendzela, wena Meda!+
Ni ta helisa swikarhatu hinkwaswu leswi a nga swi vanga.+
3 Hi leswo swi ni yendlaka ni hela ntamu.+
Ni twa ku vava,
Ku fana ni wansati lweyi a psalaka.*
Ni karhatekile lakuva a na ha swi koti ni ku twa;
Swa ni karhatela ku vona.
4 Ni hele matimba; na rhurhumela hi ku chava.
Ku pela ka dlambu loku a ni ku navela ka ni chavisa.
5 Lunghisani meza mi veka ni switshamu!
Dlanani mi tlhela mi nwa!+
Tilunghiseni n’wina varhangeli, chelani mafurha ka xivhikelo!
6 Hikusa Yehovha a ni byele leswi:
“Famba u ya veka gwardu u mu byela a hlaya leswi a swi vonaka.”
7 A vone nyolo* ya nyimpi na yi li ni makavhalu mambirhi,
Nyolo ya nyimpi na yi ni timbongolo,
Nyolo ya nyimpi na yi ni makamela.
Se a swi txuvukisisa kahle.
8 Kutani a huwelela ku fana ni nghonyama a ku:
“Yehovha Xikwembu xa mina, ni nyime henhla ka prediyu* la ku vonelela ka lona ninhlikanhi,
A ni sukanga lani ni nga vekiwa kona wusiku lin’wani ni lin’wani.+
9 Vona lexi taka:
Ku ta nyolo ya nyimpi leyi kokiwaka hi makhavalu na yi ni vavanuna!”+
Se a huwelela a ku:
“A wile! Babilona a wile!+
Swifaniso swa swikwembu swa yena leswi nga yendliwa hi nsimbi a swi pfotloselile!”+
10 N’wina vanhu va mina lava nga huliwa ku fana ni trigu,
N’wina mi taka hi ka ndhawu ya ku hulela ka yona,+
Ni mi byelile leswi ni nga swi twa ka Yehovha murhangeli wa tintsumi, Xikwembu xa Israyele.
11 Ku yavanyisiwa ka Duma:*
Ku ni lweyi a ni huwelelaka na a li Seyiri+ a vulavula na mina a ku:
“Gwardu, kasi li ta xa nkama muni?
Gwardu, kasi li ta xa nkama muni?”
12 Se gwardu a ku:
“Li ta xa kambe li ta tlhela li pela.
A ku vutisa a swi bihanga.
U nga tlhela u vutisa!”
13 Ku yavanyisiwa ka ndhawu leyi nga mananga:
N’wina vanhu va Dedani,+
Mi ta yetlela ka khwati ka ndhawu leyi nga mananga.
14 Tlhangavetani lweyi a twaka torha mi mu nyika mati
N’wina lava tshamaka aTema,+
Nyikani pawu lweyi a balekaka.
15 Hikusa va baleke swipada, swipada leswi nga tlomuliwa,
Va baleke ligubu leli lavaka ku txopa, ni nyimpi leyi kalaka yi nga tiyiseleki.
16 Yehovha a ni byele a ku: “Ndzeni ka lembe, ku fana ni malembe ya mutirhi lweyi a nga tholiwa, ndhuma ya Kedari+ yi ta va na yi helile. 17 Masonchwa ya ntamu lawa ma khomaka ligubu ma ta sala na ma li matsongo aKedari, hikusa Yehovha Xikwembu xa Israyele a hlayile.”
22 Ku yavanyisiwa ka Nkova lowu Xikwembu xi Kombisaka ka wona Minchumu ya Ku Hlamalisa hi Ndlela ya Singita:*+
Mo va na yini hinkwenu mi khwelaka henhla ka yindlo?
2 A wu li doropa la mpfilumpfilu,
A wu li doropa la guwa, leli li tikhuzaka.
Vanhu va wena lava nga dlayiwa a va dlayiwanga hi xipada,
Funtshi a va felanga nyimpini.+
3 Tihosi ta wena hinkwatu ti baleke xikan’we.+
Ti pfaleliwe djele na ku nga tirhisiwanga ligubu.
Hinkwavu lava nga kumiwa va pfaleliwe djele.+
Hambileswi a va balekile va ya kule.
4 Hi mhaka leyo ni nga te: “Mi nga ni txuvuki,
Ni ta rila hintamu.+
Mi nga tihluphi hi ku ni tiyisa
Hi mhaka ya leswi vanhu va mina va nga hela.+
5 Hikusa i siku la mpfilumpfilu, ku hluliwa ni ku chava,+
Leli taka hi ka Yehovha murhangeli wa tintsumi, Hosi Leyikulu
Ka Nkova lowu Xikwembu xi Kombisaka ka wona Minchumu ya Ku Hlamalisa hi Ndlela ya Singita.
Ku diliziwa khumbi+
Ku tlhela ku va ni xirilo aNtshaveni.
6 Elamu+ a teke nkwama wa mimpaxwa,*
A ta ni makavhalu* ni tinyolo* ta nyimpi leti nga khweliwa hi masonchwa,
Kiri+ a humese xivhikelo ka nkwama wa xona.
7 Tindhawu ta n’wina ta ku saseka
Ti ta tala hi tinyolo ta nyimpi,
Kasi makavhalu ma ta nyima anyanghweni,
8 Xivhikelo xa Yuda xi ta susiwa.
“Hi siku lolelo mi ta txuvuka lani ku vekiwaka kona matlharhi, ka Yindlo ya Khwati,+ 9 se mi ta vona mimbhovo ya yinyingi ka muru wa Doropa la Davhida.+ Mi ta hlengeleta mati ka xihlovo xa le hansi.+ 10 Mi ta konta tiyindlo ta Yerusalema mi tlhela mi diliza tin’wani swaku mi ta tiyisa muru. 11 Mi ta hamba baziya xikarhi ka mimuru yimbirhi, lani ku nga ni ndhawu ya khale ya ku hlayisa mati, kambe a mi nge mu languti Muyendli Wamukulu wa yona, funtshi a mi nge mu voni Lweyi a nga yi yendla khale hintamu.
12 Hi siku lelo Yehovha murhangeli wa tintsumi, Hosi Leyikulu,
A ta nyimela swaku mi rila mi tlhela mi hela ntamu,+
Mi tsemeta timpandlha mi tlhela mi yambala mpahla ya masaka.
13 Kambe ku ni ku tsaka ni mafexta,
Ku dlayiwa tihomu ni tinyempfu,
Ku dliwa nyama ku tlhela ku nwiwa vhinyu,+
‘A hi dleneni hi phuza hikusa mundzuku hi ta fa.’”+
14 Se Yehovha murhangeli wa tintsumi a ni byela a ku: “‘A mi nge rivaleliwi xidjoho xa n’wina anze mi fa,’+ ku hlaya Yehovha murhangeli wa tintsumi, Hosi Leyikulu.”
15 Yehovha murhangeli wa tintsumi, Hosi Leyikulu a li: “Famba ka Xebina+ lweyi a vonelelaka yindlo u fika u ku: 16 ‘U pimisa swaku hi wena mani funtshi i mani a nga ku pfumelela swaku u titxelela sirha lani?’ Xebina a titxelela sirha ka ndhawu ya ku tlakuka; a txela sirha henhla ka ribye swaku a ta lahliwa ka lona. 17 ‘Yingisa wena munhu, Yehovha a ta ku khoma swi tiya, a ku txukumetela hansi u ya ku tundzuu! 18 A ta ku tsondzehela, a ku txukumeta ku fana ni bola ka tiko la ku yanama. U ta fela kolanu na u li ni tinyolo ta wena ta nyimpi ta ku saseka, se leswi swi ta danisa hosi ya wena. 19 Ni ta ku hlongola ka ntirho wa wena, Ni tlhela ni ku susa ka xitshamu xa wena.
20 “‘Ka siku lolelo ni ta vitana mutirheli wa mina Eliyakimi,+ n’wana wa Hilikiya, 21 ni ta mu yambexa mpahla ya wena ya ku leha, ni mu boha ni bandhi la wena,+ ni tlhela ni mu nyika wuhosi la wena. A ta va papayi wa vanhu hinkwavu aYerusalema ni vandjangu wa Yuda. 22 Ni ta mu nyika makhiya ya ndjangu wa Davhida.+ Loko a pfula a nga kona lweyi a nga ta pfala; ni loko a pfala a nga kona lweyi a nga ta pfula. 23 Ni ta mu gongondzela a tiya ku fana ni mhandzi leyi nga dzimiwa hansi, a ta tiya funtshi a ta fana ni xitshamu xa wuhosi lexi phatimaka ka ndjangu wa ka vona. 24 Ku phatima ka ndjangu wa papayi wa yena ku ta va henhla ka yena ni le ka vana ni vatukulu va yena, ka swibya swaswitsongo, switijelani ni ka makhuwani yamakulu.
25 “Yehovha murhangeli wa tintsumi a li: ‘Hi siku lolelo, mhandzi leyi nga gongondzeliwa yi tiya yi ta susiwa+ funtshi yi ta tsemiwa yi tlhela yi wa, ndzhwalu lowu a yi wu seketela wu ta wa, hikusa Yehovha hi yexe a hlayile.’”
23 Ku yavanyisiwa ka doropa la Tiru:+
Banani nkosi n’wina maboti ya Tarxixi!+
Hikusa lani maboti a ma fikela kona ku wonhiwile; a ka ha ngheneki.
Va swi twile ku sukela ka tiko la Kitimi.+
2 Miyelani, n’wina lava tshamaka kusuhi ni lwandle.
Vaxavisi lava taka hi Sidoni,+ lava nga tsemakanya lwandle swaku va ta yendla negosiyu na n’wina va mi ganyisile.
3 Trigu* la Xihori*+ li ya ka tindhawu ta tinyingi,
Leswi swi tshoveliwaka a Nilu, i tshomba la wena,
Funtshi swi pfuna matiko.+
4 U ta dana, wena Sidoni doropa la ku tiya leli nga lwandle,
Hikusa lwandle li te:
“A ni se tshama ni lun’wa* funtshi a ni se tshama ni psala,
5 Vanhu va ta twa ku vava hintamu nkama va nga ta twa leswi nga yendleka aTiru,+
Ku fana ni leswi va nga twa ku vava nkama va nga twa leswi nga yendleka aGibita.+
6 Tlulelani mi ya aTarxixi!
Banani nkosi, n’wina lava tshamaka kusuhi ni lwandle.
7 Indjhe leli a hi lona doropa la n’wina leli ku sukela khale hintamu a li tikhuza, nkama na la ha ku yakiwa?
Lava a va tshama ka lona a va ya ka tindhawu ta le kule, va ta ya tshama ka tona.
8 I mani lweyi a nga yendla xiboho lexi hi doropa la Tiru,
Leli a li veka tihosi,
Leli vaxavisi va lona a va li varhangeli,
Leli vaxavisi va lona a va hloniphiwa misaveni hinkwayu?+
9 Xiboho lexi xi yendliwe hi Yehovha murhangeli wa tintsumi,
Swaku a ta helisa ku tibyela ni ku saseka ka Tiru,
A tlhela a danisa hinkwavu lava a va hloniphiwa misaveni hinkwayu.+
10 Tlulela tiko la wena ku fana ni Nambu wa Nilu, wena ntombhi ya le Tarxixi.
Hikusa ndhawu ya maboti a ya ha li kona.+
11 A tlakuse voko la yena henhla ka lwandle;
A tsekatsekise mimfumu.
Yehovha a hlaye swaku ku helisiwa madoropa ya ku tiya ya Vafenisiya.+
Baleka u ya Kitimi.+
Kambe ni kohala a wu nge kumi ku humula.”
13 Vonani tiko la Vakalidiya.+
A hi Vaasiriya+ i Vakalidiya
Lava va nga txintxa tiko leli li va tiko la swiharhi.
Va yake maprediyu* swaku va ta kota ku li hlasela;
Va dilizele maprediyu ya lona,+
Se Doropa li sala na li wonhekelile.
14 Banani nkosi n’wina maboti ya le Tarxixi,
Hikusa doropa la n’wina leli nga ni mimuru ya ku tiya li helisiwile.+
15 Hi siku lolelo doropa la Tiru li ta heta 70 wa malembe na li khohlwiwile,+ ku nga nkama lowu hosi yin’we yi hanyaka wona. Loko ku hela 70 wa malembe, doropa la Tiru li ta fana ni nghwavani leyi nga tlhamuseliwa ka lisimu leli nge:
16 “Wena nghwavani leyi nga khohlwiwa, teka haripa u rhendzelekela ka doropa.
Yi chayi kahle haripa ya wena;
Yimbelela tinsimu ta tinyingi,
Swaku va ta ku khumbuka.”
17 Nkama ku nga ta hela 70 wa malembe, Yehovha a ta khumbuka doropa la Tiru, se li ta tlhelela ka ntirho wa lona, li ya yendla wunghwavani ni mimfumu hinkwayu leyi nga kona misaveni. 18 Kambe male leyi li nga ta yi kuma ka ntirho wa lona yi ta nyikeliwa ka Yehovha. A yi nge hlayisiwi, kumbe ku hlengeletiwa, hikusa yi ta nyikiwa vanhu va Yehovha, swaku va dla va xurha va tlhela va yambala mpahla ya ku saseka.+
24 Yehovha a hlongole vanhu hinkwavu atikweni* se a li yendla ndhawu ya ku wonhekela ya ku kala ku nga tshami munhu.+
A li helisile+ a hangalasa ni lava a va tshama ka lona.+
2 Ku ta yendleka leswo ka vanhu hinkwavu:
Ka vanhu ni vaprista,
Mutirhi ni n’winyi wa yena,
Mutirhi wa xisati ni n’winyi wa yena wa xisati,
Lweyi a xavaka ni lweyi a xavisaka,
Lweyi a lombisaka ni lweyi a lombaka,
Lweyi a txenekisaka ni lweyi a devhaka.+
4 Tiko la rila;*+ li hele ntamu.
Tiko la ku nona li womile; li hele matimba.
Lava va nga ganya atikweni va hele ntamu.
6 Hi leswo swi nga yendla swaku tiko li rhukiwa,+
Lava tshamaka ka lona va ni nandzu.
Hi leswo swi nga yendla swaku lava tshamaka ka lona va pumbeka,
Ku yo sala vanhu vavatsongo.+
8 Xingomana a xa ha chayiwi;
Guwa la lava va nga tsaka a la ha twali;
Guwa la haripa a la ha li kona.+
9 Va nwa vhinyu na ku nga na lisimu,
Lava nwaka byala va li a li nandziki.
10 Doropa leli vanhu va nga famba va li siya li diliziwile;+
Tiyindlo hinkwatu ti pfaliwile swaku ku nga ngheni munhu.
11 Va rilela vhinyu aswitaratwini.
Ku tsaka ku helile;
Ku tsaka loku tiko a li li na kona ku nyamalalile.+
12 Doropa li sale na li wonhekelile;
Nyanghwa wu diliziwile wu va xidulu.+
13 Hi leswo swi nga ta yendleka atikweni, axikarhi ka vanhu:
Ku fana ni ku hlakahliwa ka nsinya wa mawolivhera,+
Ku fana ni ku rholeliwa ka leswi nga sala loko va hetile ku tshovela mawuvha.+
14 Va ta huwelela,
Va ta ba minkulungwani.
Va ta twalisa ku phatima ka Yehovha na va li lwandle.*+
15 Va ta dzunisa Yehovha na va li ka tlhelo la le wuxeni;*+
Va ta dzunisa vito la Yehovha Xikwembu xa Israyele na va li ka swihlala* swa le lwandle.+
16 Ni twe tinsimu amagamu ka misava:
“A ku dzunisiwe Lweyi a Nga Lulama!”+
Kambe ni li: “Ni karhalile, a na ha na ntamu!
Khombo ka mina! Vakanganyisi va tama va kanganyisa;
Wukanganyisi li tama li tala.”+
17 N’wina lava tshamaka ka tiko mi ta humeleliwa hi khombo, swikhele ni mintlhamu swi mi nyimelile.+
18 Lweyi a balekaka guwa la khombo a ta wela ka xikhele,
Lweyi a humaka ka xikhele a ta phasiwa hi ntlhamu.+
Hikusa tinyanghwa ta ndhambi leti nga matilweni ti ta pfuliwa,
Misava yi ta tsekatseka.
20 Tiko la dederekela ku fana ni xidakwa,
Li tsekatseka ku fana ni yindlo leyi biwaka hi moya.
Li tikiwa hi swidjoho swa lona,+
Li ta wa funtshi a li nga ha ta pfuka.
21 Hi siku lolelo Yehovha a ta khatisa masonchwa lama nga henhla
Ni tihosi leti nga misaveni.
22 Va ta hlengeletiwa
Ku fana ni swib’ochwa leswi petiwaka djele,*
Va ta pfaleliwa ka djele la munyama;
Loko se ku hundze masiku ya manyingi va ta yavanyisiwa.
23 N’weti wu ta voneka na wu phumile,
Naswona dlambu li ta dana,+
Hikusa Yehovha murhangeli wa tintsumi i Hosi+ ka Ntshava ya Siyoni+ ni le Yerusalema,
Yena a ta tidzunisa phambheni ka madoda ya tiko.+
25 Yehovha, u Xikwembu xanga.
Na ku dzunisa, ni dzunisa vito la wena,
Hikusa u yendle minchumu ya ku hlamalisa,+
Minchumu leyi u nga hamba maplanu* ya ku yi yendla ku sukela khale,+
Hi ku tshembeka+ ni hi ku lulama.
2 Hikusa u txintxe doropa li va xidulu xa maribye,
Doropa leli a li ni mimuru ya ku tiya li txintxe li va ndhawu ya ku wonhekela.
A ka ha tshami munhu ka prediyu* la vanhu va tiko lin’wani;
Doropa leli a li nge he tlheli li yakiwa.
3 Hi mhaka ya leswo vanhu lava nga ni matimba va ta ku dzunisa;
Doropa leli nga ni vanhu lava nga ni mona li ta ku chava.+
4 Hikusa u ve ndhawu leyi xisiwana xi tumbelaka ka yona,
Ndhawu leyi xisiwana xi tumbelaka ka yona loko xi ni swikarhatu,+
Ndhawu ya ku tumbela ka yona loko ku ni xidzedze,
Ni ndzhuti loko ku hisa.+
Ku kwata ka lava va tibyelaka ku fana ni mpfula ya matimba leyi baka muru,
5 Ku fana ni mumu ka tiko la ku woma,
U miyeta vanhu va matiko lava vangaka guwa.
Ku fana ni leswi ku hisa ku pumbekaka hi ndzhuti wa rhefu,
U ta helisa lisimu la lava va tibyelaka.
6 Yehovha murhangeli wa tintsumi a ta va hambela fexta vanhu hinkwavu ka ntshava leyi,+
Fexta la swakudla swa kahle,+
Fexta la vhinyu lalinene,
Fexta la swakudla swa ku nona leswi nga ni nyama yayinene,*
Ni la vhinyu lalinene leli nga hlutiwa.
7 Ka ntshava leyi a ta susa panu leyi nga mbhonya vanhu hinkwavu
Ni panu leyi nga funengeta matiko hinkwawu.
Vanhu va yena a va nge he poyiliwi amisaveni hinkwayu,
Hikusa Yehovha a hlayile.
9 Hi siku lolelo va ta ku:
“Vonani! Lexi i Xikwembu xa hina.+
Lweyi i Yehovha!
Hi tshembe yena.
A hi tsakeni hi kulungela hikusa a hi ponisile.”+
10 Hikusa Yehovha a ta vhikela ntshava leyi,+
Mowabu a ta psanyeteliwa ka tiko la yena+
Ku fana ni mabyanyi lama psanyeteliwaka ma za ma va xitrumi.
11 A ta ba Mowabu hi mavoko ya yena
Ku fana ni munhu loko a hlambheta,
A ta mu danisa hi mhaka ya leswi a tibyelaka+
Hi ku tirhisa mavoko ya yena.
12 A ta diliza doropa leli li nga ni mimuru ya ku leha, ya ku tiya,
A ta li diliza li sala na li li wuthulu.
26 Hi siku lolelo, ka tiko la Yuda+ ku ta yimbeleliwa lisimu+ leli nge:
“Hi ni doropa la ku tiya.+
Yena a ta hi ponisa hi mimuru ni swidulu leswi swi yi tiyisaka.+
2 Pfulani swipfalu,+ swaku ku ta nghena tiko la ku lulama,
Tiko leli li nga tikhoma kahle.
3 Wena u ta vhikela lava ku tshembaka hi mbilu hinkwayu;
U ta va nyika ku rhula nkama ni nkama,+
Hikusa va tshemba wena.+
5 Hikusa a danisa lava tshamaka henhla, lava tshamaka ka doropa la ku tlakuka.
Yena wa li wisa,
A li txukumetela hansi ka misava;
Li tala hi wuthulu.
6 Lona li ta psanyiwa hi minenge,
Minenge ya lava xanisekaka, minkondzo ya swisiwana.”
7 Ndlela ya lava vavanene yi lulamile.
Wena u ta lulamisa ndlela ya lava va ku lulama,
Hikusa u lulamile.
8 Hi tshembe wena Yehovha.
Hikusa tindlela ta wena ti lulamile.
Hi hlonipha vito la wena funtshi hi lava swaku li tshama na li khumbukiwa.
9 Ni ku khumbukile niwusiku,
Phela ni ku lavetela hi mbilu ya mina hinkwayu;+
Hikusa loko u yavanyisa misava,
Vanhu lava tshamaka tikweni va djondza wululami.+
10 Hambiloko lweyi wa ku biha o kombiwa timpsalu,
A nge djondzi ku yendla swa ku lulama.+
11 Yehovha Xikwembu xanga, voko la wena li tlakukile, kambe a va li voni.+
Va ta vona leswi u va pfunisaka swona vanhu va wena va gama va dana.
Ndzilu wa wena wu ta helisa valala va wena.
12 Yehovha, u ta hi nyika ku rhula,+
Hikusa hinkwaswu leswi hi nga swi yendla
Hi wena u nga hi yendlela.
13 Yehovha Xikwembu xa hina, hi fumiwe hi vanhu van’wani ku nga li wena,+
Kambe hina hi dzunisa vito la wena ntsena.+
14 Va file; a va nge he hanyi.
Va hluliwe hi lifu, funtshi a va nge he pfuki.+
Hikusa u va khatisile
Swaku u va helisa va tlhela va nga ha khumbukiwi.
U yendle swaku tindhawu hinkwatu leti tiko li gamelaka ka tona ti yengeseleka.+
16 Yehovha, va ta ka wena loko va li ka mahlomulu;
Va khongele ka wena nkama u nga va laya.+
17 Ku fana ni leswi wansati lweyi a nga ni nyimba lweyi a nga kusuhi ni ku psala,*
Lweyi a lun’waka, a tlhela a rila hi mhaka ya ku twa ku vava
Na hina hi titwise leswo hi mhaka ya wena, wena Yehovha.
18 A hi ni nyimba, hi tlhela hi lun’wa,
Kambe swi fana ni loko hi yo psala moya.
A hi li ponisanga tiko,
A nga kona lweyi a nga psala vana lava nga ta tshama tikweni.
19 “Vanhu va n’wina lava va nga fa va ta tlhela va hanya.
Mintsumbu ya mina yi ta pfuka.+
Pfukani, mi ba nkulungwani,
N’wina lava tshamaka ka wuthulu!+
Hikusa mberha* ya n’wina yi fana ni mberha ya nimixo,*
Misava yi ta humesa lava va nga fa kutani va ta hanya.
Tumbelani swa nkamanyana
Anze ku kwata ka Xikwembu ku hundza.+
21 Hikusa Yehovha wa ta hi ka ndhawu ya yena
A ta yavanyisa vanhu va matiko hi mhaka ya swidjoho swa vona,
Tiko li ta kombisa ngati leyi nga halatiwa
A li nge he va fihli lava va nga dlayiwa ka lona.”
27 Hi siku lolelo, Yehovha a ta tirhisa xipada xa yena xaxikulu xa ku tsema hintamu xi tlhela xi chavisa,+
Leswaku a dlaya Levhiyatani,* nyoka leyi mbyimbyaka,
Levhiyatani, nyoka leyi titsondzehelaka
A ta dlaya xiharhi xaxikulu xa le lwandle.
2 Hi siku lolelo, mi ta mu* yimbelelela mi ku:
“Nsimu ya mawuvha leyi humesaka vhinyu!*+
3 Mina Yehovha na mu hlayisa.+
Na mu regara nkama ni nkama.+
Na mu vhikela wusiku ni nhlikanhi,
Leswaku ku nga vi na lweyi a mu vavisaka.+
4 A na ha mu kwatelanga.+
I mani lweyi a nga lwaka na mina hi ku veka swinsinyani swa mintwa ni nhova phambheni ka mina?
Ni ta swi psanyetela ni swi hisa.
5 Kutani, a a ti a ta tumbela ka mina.
A a yendle ku rhula na mina;
A a yendle ku rhula na mina.”
6 Ka nkama lowu taka Yakobe a ta kula a va ni matimba ku fana ni nsinya,
Israyele a ta fana ni nsinya wawukulu lowu nga ni swiluva,+
Funtshi ku fana ni nsinya wa mawuvha va ta psala mihandzu ya yinyingi amisaveni.+
7 Indjhe va fanele va biwa hi nkhavi lowu fanaka ni wa lweyi a va baka?
Kumbexana a fanele a dlayiwa ku fana ni lava a nga va dlaya?
8 A ta phikizana na yena hi guwa lalikulu loko a mu hlongola.
Yena a ta mu hlongola na a kwatile hi siku leli ku baka moya wa le wuxeni.+
9 Hi ndlela leyo Yakobe a ta va na a rivaleliwe xidjoho,+
Kutani loko a rivaleliwile:
A ta yendla swaku maribye hinkwawu ya altari
Ma siliwa ku fana ni loko ku siliwa swikhemu swa jiji,
Timhandzi ta Axera* ni swa ku tlhateka swinun’hwelisu* a swi nga ha ta va kona.+
10 Hikusa doropa leli nga ni mimuru ya ku tiya li ta sala na li nga ha na vanhu;
Ndhawu ya ku lusela ka yona yi ta khohlwiwa yi tlhela yi txintxa yi va mananga.+
Xihon’wani xi ta dla kolanu xi tlhela xi humula kolanu
Xi ta dla tigadja ta doropa lolelo.+
11 Nkama tigadja ta lona ti nga ta woma,
Vavasati va ta fika va ti tshova,
Va tshivela ndzilu hi tona.
Hikusa vanhu va kona va wome tinhloko.+
Muyendli wa vona a nge va tsetseleli hi mhaka ya leswo,
Lweyi a nga va yendla a nge va tweli wusiwana.+
12 N’wina Vayisrayele,+ mi ta fana ni munhu lweyi a hlakahlaka mihandzu a gama a yi hlengeleta, Yehovha a ta mi hlengeleta n’wina hinkwenu lava mi nga hangalaka ka tindhawu leti, ku sukela ka Nambu* wawukulu lowu ngirimelaka anze ka nkova wa Gibita.+ 13 Hi siku lolelo ku ta chayiwa limhondzo li twala ni le kule,+ lava nga ka mahlomulu ka tiko la Asiriya+ ni lava nga hangalaka ka tiko la Gibita,+ va ta ta, va ta khizamela Yehovha ka ntshava ya ku kwetsima aYerusalema.+
28 Khombo ka harhi* ya swidakwa swa le Efrayimi leyi swi tikhuzaka hi yona+
Swiluva swa yona swa ku saseka swi ta vuna,
Leswi swi nga ka ndhawu ya ku nona ya lava nga dakwa hi vhinyu!
2 Vonani! Yehovha a ta rhumela sonchwa la matimba.
Ku fana ni xidzedze xa ku dzindza ni marhalala,* xidzedze lexi helisaka,
Ku fana ni ku dzindza ka mpfula ya matimba,
Se sonchwa li ta txukumeta harhi yoleyo hi matimba yi ya wa amisaveni.
3 Tiharhi leti swidakwa swa Efrayimi swi tikhuzaka hi tona
Ti ta psanyeteliwa.+
4 Ni swiluva swa ku saseka leswi nga vuna,
Leswi swi nga ka ndhawu ya ku nona,
Swi ta fana ni kuwa leli wupfaka hi ku hantlisa na ku nga se fika nkama wa mumu.
Leli loko munhu a li vona, a li dlaka hi ku hantlisa.
5 Hi siku lolelo Yehovha murhangeli wa tintsumi a ta va harhi ya ku phatima ni nchumu xa ku sasekisa tinhloko lexi vanhu va yena lava nga sala va nga ta tikhuza hi xona.+ 6 Yena a ta yendla leswaku vayavanyisi va yavanyisa hi ndlela ya ku lulama, se a ta nyika matimba lava va lwaka ni valala anyanghweni.+
7 Lava na vona va hume ndleleni hi mhaka ya vhinyu;
Byala li va yendla va dederekela.
Muprista ni muprofeta va huma ndleleni hi mhaka ya byala;
Vhinyu la va djamukisa,
Va dederekela hi mhaka ya byala;
Leswi va swi vonaka hi ndlela ya singita swi va yendla va huma ndleleni,
A va yavanyisi kahle.+
8 Hikusa mimeza ya vona yi yo psetlee, hi mahlanta
Ma tale hinkwaku.
9 I mani lweyi a nga ta djondzisiwa,
I mani lweyi a nga ta tlhamuseliwa mhaka?
Indjhe hi lava va ha ku tshikisiwaka ku yan’wa?
Lava va ha ku lumuliwaka ke?
10 Hikusa a “tshamela ku hi byela hi minawu,
A tshamela ku hi byela nchumu xin’we,*+
Leswi a swi hlayaka a swi txintxi.”
11 Kutani a ta vulavula ni vanhu lava hi ku tirhisa vanhu lava va nga ni manghanghamela ni lava va vulavulaka lirimi lin’wani.+ 12 A tshame a va byela leswi: “Leyi i ndhawu ya ku humula ka yona. Lweyi a nga karhala a a humule kona; leyi i ndhawu ya ku humula,” kambe a va zanga va mu yingisa.+ 13 Ka vona rito la Yehovha li ta ku:
“A tshamela ku hi byela minawu,
A tshamela ku hi byela nchumu xin’we,*+
Leswi a swi hlayaka a swi txintxi,”
14 Hi mhaka leyo twanani rito la Yehovha, n’wina lava tikhuzaka
N’wina lava fumaka vanhu lava tshamaka aYerusalema,
15 Hikusa mi te:
16 Hi mhaka leyo, Yehovha Hosi Leyikulu a li:
“Ni veka ribye leli nga kambeliwa swaku li va masungulo* aSiyoni,+
Ribye la lisima la le ka ponta+ swaku li va masungulo ya ku tiya.+
Lweyi a pfumelaka ka lona a nge chavi nchumu.+
Marhalala ma ta fayetela mavunhwa lawa mi tumbelaka ka wona,
Mati ma ta kukula lomu mi tumbelaka kona.
18 Ntwananu lowu mi nga wu yendla ni Lifu wu ta helisiwa,
Ni ntwananu lowu mi nga wu yendla ni Sirha* a wu nge he tirhi.+
Nkama mati ya ndhambi ma nga ta hundza
Ma ta mi helisa.
19 Nkama ni nkama loko ma hundza,
Ma ta mi kukula;+
Hikusa ma ta hundza mixo wun’wani ni wun’wani,
Wusiku ni nhlikanhi.
Ku chava hi kona ntsena ku nga ta va yendla va twisisa leswi nga hlayiwa.”
20 Hikusa sangu li gomile lakakuva a swi koteki ku yetlela ka lona,
Ni nguvu i yitsongo lakakuva a wu nge yi funengeli.
21 Hikusa Yehovha a ta nyima ku fana ni ka Ntshava ya Perazimi;
A ta kwata ku fana ni ka nkova lowu nga kusuhi ni le Gibiyoni,+
Leswaku a yendla ku rhandza ka yena, loku ku kalaka ku nga tolovelekanga
Ni leswaku a tirha ntirho wa yena, lowu kalaka wu nga tolovelekanga.+
22 Se mi nga vi vanhu va ku poyila,+
Leswaku mi nga tami mi tiboha,
Hikusa Yehovha murhangeli wa tintsumi, Hosi Leyikulu a ni byele
23 Pfulani tindleve mi yingisa rito la mina;
Yingisani leswi ni mi byelaka swona.
24 Indjhe murimi a rima siku hinkwalu na a nga byali nchumu?
Indjhe a tshamela ku fayetela mabuvu* ni ku lunghisela misava ke?+
25 Loko a lulamise misava
Indjhe a nga byali kominyo* ya ntima ni ku byala kominyo ya ku toloveleka,
Indjhe a nga byali trigu, mbewu ya mapira ni maxalani* lani swi byaliwaka kona?
A tlhela a byala+ trigu la ku pshuka awugamu ka masimu?
27 Kominyo ya ntima a yi huliwi hi mapulangu ya ku hula hi wona minchumu*+
Funtshi kominyo ya ku toloveleka a yi huliwi hi roda la nyolo.*
Kominyo ya ntima ni leyi nga toloveleka swi huliwa hi nhonga.
28 Indjhe munhu a hula trigu swaku a tekela ku hamba mapawu?
Ihim, a nga li huli li va mapa.+
Lweyi a li hulaka a nga li sili nkama a hulaka hi maroda ya nyolo leyi kokiwaka hi makavhalu.+
29 Leswi na swona swi ta hi ka Yehovha murhangeli wa tintsumi,
Lweyi xitsundzuxu* xa yena xi nga xinene
29 “Khombo ka Ariyeli,* Ariyeli doropa leli Davhida a nga tshama a gwimba matende ka lona!+
A ku hambiwe mafexta hinkwawu;+
Lembe ni lembe.
2 Kambe ni ta tisa khombo ka Ariyeli,+
Ku ta va ni xirilo ni nkosi,+
Ka mina lona li ta fana ni xitiko xa altari ya Xikwembu.+
3 Ni ta gwimba matende amatlhelweni ka wena,
Ni ta lwa na wena hi timhandzi leti nga ni tiponta ta ku tlhavana,
Ni ta yaka mimuru swaku ni lwa na wena.+
4 Wena u ta danisiwa;
U ta vulavula na u li hansi,
Marito ya wena ma ta tala hi wuthulu.
Rito la wena li ta huma misaveni+
Ku fana ni rito la mungoma,
Marito ya wena ma ta fana ni ku hlevetela loku humaka hi ka wuthulu.
5 Xitshungu xa valala va wena xi ta fana ni mpupu wa ku siliwa kahle,+
Xitshungu xa lava va ku xanisaka xi ta fana ni muhungu lowu hahaka.+
Swi ta yendleka hi ku tsopeta ka tihlo, hi ku hantlisa.+
6 Yehovha murhangeli wa tintsumi a ta ku ponisa
Hi ku dzindza, ku tsekatseka ka misava ni hi guwa lalikulu,
Hi moya wa matimba, xidzedze ni ndzilu lowu helisaka.”+
7 Matiko hinkwawu lawa ma hlaselaka Ariyeli,+
Hinkwavu lava lwaka na yena,
Maprediyu* lawa ma nga yakiwa swaku va lwa na yena,
Ni lava mu yendlaka a hela ntamu,
Va ta fana ni leswi munhu a swi lorhaka, niwusiku.
8 Swi ta fana ni loko munhu lweyi a twaka ndlala a lorha na a li ku dleni,
Kambe a pfuka na a twa ndlala,
Ku fana ni loko munhu lweyi a twaka torha a lorha na a li ku nweni ka mati,
Kambe a pfuka na a karhalile a tlhela a twa torha.
Swi ta tshamisa swoleswo ka matiko hinkwawu
Lawa ma lwaka ni Ntshava ya Siyoni.+
Va dakwile kambe a va dakwisiwanga hi vhinyu;
Va dederekela, kambe a hi mhaka ya ku nwa byala.
10 Hikusa Yehovha a mi yendle mi fana ni lava va nga ka wurhongo lalikulu;+
A pfale matihlo ya n’wina, ku nga vaprofeta va n’wina,+
A mi funengete ni tinhloko ta n’wina, ku nga lava vonaka minchumu ya ku hlamalisa hi ndlela ya singita.*+
11 Ka n’wina, leswi swi voniwaka hi ndlela ya singita swi ta fana ni buku leyi nga pfaliwa.+ Leyi loko yi nyikiwa munhu lweyi a kotaka ku lerha va mu byela va ku: “Hi kombela u hi lerhela swi twala”, se yena a ku: “A ni swi koti, hikusa yi pfaliwile.” 12 Se loko buku yi nyikiwa lweyi a kalaka a nga swi koti ku lerha va ku: “Hi kombela u yi lerha”, se yena a ku: “A ni swi koti ku lerha.”
13 Yehovha a li: “Vanhu lava vo vula ntsena swaku va ni rhandza,
Va ni hlonipha hi nomo ntsena,+
Kambe a swi humi mbilwini;
Va ni chava ntsena hi ku landza minawu ya vanhu leyi va nga djondzisiwa yona.+
14 Hi mhaka leyo, ni ta tlhela ni yendla minchumu ya ku hlamalisa hi vanhu lava,+
Ni ta yendla minchumu ya yinyingi ya ku hlamalisa;
Wutlharhi la lava ku tlhariha li ta hela,
Ku twisisa ka lava ku tlhariha ku ta hela.”+
15 Khombo ka lava yendlaka hinkwaswu swaku va tumbetela Yehovha maplanu* ya vona.+
Va yendla mintirho ya vona amunyameni,
Na va ku: “Hi voniwa hi mani?
I mani lweyi a tivaka leswi hi swi yendlaka?”+
16 Mi wonheke ndjhani!
Indjhe lweyi a tirhaka hi vumba a nga fanisiwa ni vumba?+
Indjhe nchumu lexi nga yendliwa xi nga byela lweyi a nga xi yendla xi ku:
“A ni yendliwanga hi wena”?+
Indjhe nchumu lexi xi nga yendliwa xi nga vulavula hi muyendli wa xona xi ku:
“A nga tivi nchumu”?+
17 Lebanoni a ta txintxiwa a va jardim la mihandzu funtshi a swi nga ta hlwela,+
Jardim leli li ta fana ni khwati.+
18 Hi siku lelo lava nga fa tindleve va ta twa leswi nga tsaliwa ka buku,
Lava nga fa matihlo va ta vona, hikusa va ta chunsiwa ka munyama.+
19 Lava va ku rhula va ta tsaka hintamu hi mhaka ya Yehovha,
Swisiwana swi ta tsaka hi mhaka ya Mukwetsimi wa Israyele.+
20 Hikusa lweyi a va xanisaka a nga ha ta va kona,
Lweyi a tikhuzaka a ta helisiwa,
Ni hinkwavu lava va tshamelaka ku yendla swa ku biha va ta helisiwa,+
21 Lava va djohisaka van’wani hi mavulavulelo ya vona,
Lava rhiyaka lweyi a tinyimelelaka* ka xipfalu xa doropa,+
Ni lava va djikisaka timhaka swaku munhu wamunene a za a kuma nandzu.+
22 Hi mhaka ya leswo, Yehovha lweyi a nga ponisa Abrahamu+ a byele lixaka la Yakobe a ku:
23 Hikusa loko a vona vana va yena,
Lava ni nga va yendla xikarhi ka yena,+
Lava va nga ta dzunisa vito la mina;
Impela va ta dzunisa Mukwetsimi wa Yakobe,
Va ta hlonipha Xikwembu xa Israyele.+
24 Lava va nga woma tinhloko va ta kuma wutivi,
Se lava va khalaka va ta pfumela ku djondzisiwa.”
30 Yehovha a li: “Khombo ka vana lava nga woma tinhloko+
Lava va yendlaka leswi va swi lavaka, ku nga li swa mina,+
Lava va yendlaka ntwananu na ni nga va pfumelelanga,
Va yengetela swidjoho swa vona hi ku yendla leswo.
2 Va ya Gibita+ na va nga ni vutisanga,+
Va ya lava ku vhikeliwa hi Faru,
Va ya lava ndhawu ya ku tumbela ka yona ka tiko la Gibita!
3 Kambe mi ta danisiwa hi mhaka ya ku vhikeleliwa hi Faru,
Mi ta dana hi mhaka ya ku tumbela ka tiko la Gibita.+
4 Hikusa varhangeli va yena va le Zowani,+
Kasi lava a nga va rhuma va fike aAnesi.
5 Hinkwavu va ta danisiwa
Hi vanhu lava kalaka va nga va pfuni hi nchumu,
Vanhu lava kalaka va nga na nchumu xa ku va pfuna hi xona,
Phela va to va danisa va tlhela va va xixa.”+
6 Ku yavanyisiwa ka swiharhi swa le sul:*
Ka tiko la mindzingo ni swikarhatu swa ku tika,
Tiko la nghonyama leyi bongaka,
Tiko la nyoka leyi nga ni vhenenu ni nyoka leyi tsutsumaka hintamu loko yi famba,
Va rhwala tshomba la vona hi timbongolo,
Funtshi swakudla swa vona va swi rhwala hi makamela.
Kambe swilo leswi, a swi nge va pfuni hi nchumu.
7 A swi sizi nchumu ku pfuniwa hi Gibita.+
Hi mhaka leyo ni mu vitana: “Rahabi,+ lweyi a kalaka a nga koti ku yendla nchumu!”
8 “Famba u ya tsala ka xikhemu xa pulangu phambheni ka vona,
U tsala mhaka leyi ka buku,+
Leswaku yi ta tirha ka minkama leyi taka,
Yi ta va wumboni hi masiku ni masiku.+
9 Hikusa i vanhu lava va terekaka,+ vana lava kalaka va nga tshembeki,+
Vana lava kalaka va nga swi lavi ku yingisa nawu wa Yehovha.+
10 Va byela lava vonaka minchumu hi ndlela ya singita* va ku: ‘Mi nga voneni nchumu,’
Ni vaprofeta va ku: ‘Mi nga hi byeli ntiyiso loko mi profeta.+
Hi byeleni swilo swa ku tsakisa; swilo leswi kalaka swi nga li ntiyiso.+
11 Tshikani ntirho lowu, sukani ka ndlela leyi.
Tshikani ku hi byela hi ta Mukwetsimi wa Israyele.’”+
12 Hi mhaka leyo Mukwetsimi wa Israyele a li:
“Leswi mi tshikaka rito la mina,+
Mi rhandza wukanganyisi ni mavunhwa
Mi tlhela mi hanya hi swona,+
13 Ka n’wina, xidjoho lexi xi ta fana ni muru lowu nga pandzeka,
Ku fana ni muru wawukulu lowu nga kusuhi ni ku wa.
Wu ta wa hi ku hantlisa, hi ku tsopeta ka tihlo.
14 Wu ta pfotlosiwa ku fana ni khuwani lalikulu la vumba,
Wu ta pfotlosiwa hi ku helela, ku za ku nga sali ni xikhemu
A ku nga ta va ni xikhemu lexi munhu a nga xi tirhisaka leswaku a woka ndzilu hi xona
Kumbe ku kha mati ka ndhawu leyi nga ni mati.”*
15 Yehovha Hosi Leyikulu, Mukwetsimi wa Israyele a li:
“Loko mo tlhelela ka mina, mi humula, mi ta ponisiwa;
Mi ta va ni matimba loko mi rhula mi tlhela mi ni tshemba.”+
Kambe a mi swi lavanga leswo.+
16 Mi te: “Hi ta baleka hi makavhalu!”
“Hi ta khwela makavhalu lama tsutsumaka hintamu!”+
I ntiyiso, mi ta baleka.
Kambe lava mi hlongolisaka va ta tsutsuma hintamu ku mi tlula.+
17 A 1.000 wa vanhu va ta rhurhumela hi mhaka ya ku chava munhu mun’we;+
Mi ta chavisiwa hi 5 wa vanhu, mi baleka
Lakakuva mi ta sala na mi li vatsongo ku fana ni bandera leli nga ka ntshava,
Ku fana ni marka lowu nga ka ganga.+
Hikusa Yehovha i Xikwembu xa ku lulama.+
Va tsaka lava tshamaka na va mu nyimelile.+
19 Loko n’wina mi tshama aSiyoni, aYerusalema+ a mi nge he rili.+ A ta mi twela wusiwana loko a twa xirilo xa n’wina xa ku kombela ku pfuniwa; a ta mi hlamula hi ku hantlisa.+ 20 Hambileswi Yehovha a nga ta mi nyika swikarhatu swaku swi va pawu ni ku xanisiwa swaku ku va mati ka n’wina,+ Mudjondzisi wa n’wina Lwenkulu a nge he tifihli funtshi mi ta vona Mudjondzisi wa n’wina Lwenkulu+ hi matihlo ya n’wina. 21 Loko mo tshuka mi djika mi ya ka xinene kumbe ka ximatsi,+ mi ta twa rito ndzhaku ka n’wina li ku: “Ndlela hi leyi.+ Fambani hi yona.”
22 Mi ta nyenya swifaniso swa n’wina leswi mi nga tiyendlela swona mi tlhela mi swi nameka prata ni woru.+ Mi ta swi txukumeta ku fana ni xipanwani lexi tirhisiwaka hi wansati loko a vona masiku ya yena mi ku: “I chaka!”+ 23 A ta nisa mpfula leyi nga ta milisa mbewu leyi u nga yi byala,+ swakudla leswi nga ta tshoveliwa swi ta va swi li swinyingi swi tlhela swi nona.+ Hi siku lolelo, swifuyu swa wena swi ta dla ka ndhawu ya ku lusela ka yona yayikulu.+ 24 Tihomu ni timbongolo leti mi rimaka hi tona ti ta dla mabyanyi lawa ma nga patsiwa ni swinsinyani swa ku tsatsavela, leswi nga lunghiseleliwa hi foxolo ni garfu yayikulu. 25 Ka tintshava hinkwatu ta ku leha ni ka maganga hinkwawu ya ku leha, ku ta va ni misele ni swindlelana swa mati,+ hi siku lalikulu la ku helisiwa loko maprediyu* ma wa. 26 Ku vonakala ka n’weti ku ta fana ni ku vonakala ka dlambu; ku vonakala ka dlambu ku ta va ku phindhiwe ka 7,+ ku fana ni ku vonakala ka 7 wa masiku, hi siku leli Yehovha a nga ta bandicha vanhu va yena lava nga vavisiwa,+ a va daha swilondza leswi a nga va vangela swona.+
27 Phela Yehovha wa ta,*
A kwatile funtshi a rhendzeliwe hi marhefu ya ku mphuma.
Nomo wa yena wu tale hi ku kwata,
Lirimi la yena li fana ni ndzilu lowu hisaka.+
28 Moya wa yena wa ku kwetsima wu fana ni nambu lowu nga tala,
A sefa vanhu hi xisefo lexi helisaka;
A ta veka magoda ka minomo+ ya vanhu lawa ma nga ta yendla leswaku va lahleka.
29 Kambe lisimu la n’wina li ta fana ni leli yimbeleliwaka niwusiku
Mbilu ya wena yi ta tsaka
Ku fana ni munhu lweyi a fambaka* ni flawuta*
A nghena ka ntshava ya Yehovha, Ribye la Israyele.+
30 Yehovha a ta yendla swaku guwa la rito la yena la ku hlamalisa+ li twiwa
A ta va komba voko la yena+ loko li xika hi mhaka ya ku kwata ka yena,+
Hi ndzilu lowu hisaka,+
32 Nkama ni nkama loko Yehovha a ba Vaasiriya hi nhonga
Ku ta chayiwa swingomana ni tiharipa+
Nkama a lwaka na vona nyimpini.+
A tate xikhele xaxikulu hi tinyandza ta tihunyi,
Ndzilu ni tihunyi i swinyingi.
Yehovha a ta yi hisa hi moya wa ku hefemula ka yena
Lowu fanaka ni nambu wa swiribyani leswi swi pfurhaka.*
31 Khombo ka lava yaka Gibita va ya lava ku pfuniwa,+
Lava tshembaka makavhalu,+
Lava tshembaka tinyolo* ta nyimpi hi mhaka ya leswi ti nga tinyingi,
Ni makavhalu ya nyimpi* hi mhaka ya leswi ma nga ni matimba.
Kambe a va mu tshembi Mukwetsimi wa Israyele,
Funtshi a va kombeli ku pfuniwa hi Yehovha.
2 Na yena a tlharihile naswona a ta va helisa,
Leswi a nga swi vula swi ta yendleka.
A ta lwa ni lava va yendlaka swa ku biha
Ni lava pfunaka lava yendlaka swa ku biha.+
3 Vagibita vo va vanhu ntsena, a hi Xikwembu;
Makavhalu ya vona i nyama, a hi moya ku fana ni Xikwembu.+
Loko Yehovha a tlakusa voko la yena,
Lweyi a nga ta zama ku va pfuna a ta va nghozini,
Kasi lweyi a nga ta pfuniwa a ta wa;
Va ta helisiwa hi nkama wun’we.
4 Yehovha a ni byele a ku:
“Ku fana ni nghonyama leyi bongaka, ni xinghonyamani xa matimba lexi vhikelelaka nyama leyi xi nga yi khoma,
Hambiloko xo vitaneliwa valusi va vanyingi,
Marito ya vona a ma xi chavisi
A xi chavi hambiloko va zama ku xi chavisa,
Yehovha murhangeli wa tintsumi na yena a ta yendla swoleswo loko a tela ku ta lwa nyimpi
A lwela Ntshava ya Siyoni ni ganga la yona.
5 Yehovha murhangeli wa tintsumi a ta lwela doropa la Yerusalema, ku fana ni swinyanyani leswi vhikelelaka vana va swona.+
A ta li lwela, a tlhela a li ponisa.
A ta li vhikelela, a li lamulela.”
6 “N’wina Vayisrayele, tlhelelani ka Lweyi mi nga mu djikela ni ku mu delela.+ 7 Hikusa hi siku lolelo, hinkwenu mi ta txukumeta swikwembu swa n’wina swa prata ni swa woru leswi kalaka swi nga pfuni nchumu, leswi mi nga djoha hi ku swi yendla.
8 Muasiriya a ta dlayiwa hi xipada, kambe ku nga li xipada xa munhu;
A ta helisiwa hi xipada, kambe ku nga li xipada xa munhu.+
A ta baleka hi ku chava xipada,
Madjaha ya yena ma ta yendliwa swikarawa.
9 Lweyi a mu tshembaka a ta baleka hi mhaka ya ku chava,
Varhangeli va yena va ta chava nkama va nga ta vona marka,” ku vula Yehovha,
Lweyi ku vonakala* ka yena ku nga Siyoni, lweyi xitiko xa yena xi nga Yerusalema.
2 Mun’wani ni mun’wani a ta fana ni ndhawu ya ku tumbela ka yona loko ku ni moya,
Ndhawu ya ku tumbela ka yona loko ku ni xidzedze,
Ku fana ni minambu ka tiko leli kalaka li nga na mati,+
Ku fana ni ndzhuti wa ribye lalikulu ka tiko leli nga woma.
3 Matihlo ya lava vonaka a ma nge he pfaleki,
Ni tindleve ta lava twaka ti ta yingisa kahle.
4 Lava va nga ni magugu va ta pimisa hi wutivi,
Lava va nghanghamelaka va ta vulavula kahle swi twala.+
5 A ku nge he hlayiwi swaku xiphunta xa nyikana,
Naswona lweyi a kalaka a nga tshembeki a ku nge he hlayiwi swaku wa hlonipheka;
6 Hikusa xiphunta xi ta vulavula swilo leswi nga huma ndleleni,
Mbilu ya xona yi ta yendla maplanu ya ku biha,+
Swaku xi xenga vanhu swaku va djikela Yehovha ni ku vulavula mavunhwa hi yena,
Swaku lweyi a nga ni ndlala xi mu dlaya hi ndlala,
Ni ku tsona mati lweyi a nga ni torha.
7 Mahanyelo ya munhu wa ku biha a hi manene;+
A xenga van’wani swaku va va ni mahanyelo ya ku biha,
A dlayisa lweyi a nga nghozini hi ku vulavula mavunhwa,+
Hambiloko xisiwana xi vulavula ntiyiso.
8 Kambe munhu wa ku lulama a ni maplanu yamanene,
A tama a yendla minchumu yayinene.
9 “N’wina vavasati lava kalaka va nga na mhaka ni nchumu, pfukani mi ni yingisa!
N’wina tintombhi leti kalaka ti nga na mhaka ni nchumu,+ yingisani leswi ni swi vulaka!
10 Ndzeni ka lembe lin’we, n’wina lava kalaka va nga na mhaka ni nchumu mi ta rhurhumela,
Hikusa ku ta va na ku nga tshoveliwanga nchumu loko nkama wa ku tshovela mawuvha wu hela.+
11 Rhurhumelani, n’wina vavasati lava mi tsakisiwaka hi leswi mi nga na swona!
Rhurhumelani, n’wina lava kalaka va nga na mhaka ni nchumu!
Hlivilani mpahla ya n’wina hinkwayu,
Mi yambala mpahla ya masaka ka masenge.+
12 Rilani, mi tiba xifuva
Mi rilela masimu ya n’wina yamanene ni minsinya ya mawuvha leyi psalaka kahle.
13 Hikusa masimu ya vanhu va mina ma ta tala hi swihlehlwani ni mimintwa;
Swi ta mbhonya tiyindlo leti a va tsaka ka tona,
Ku ta yendleka leswo ka doropa la ku tsaka.+
Ofeli+ ni prediyu la vagwardu swi txintxe swi va mananga,
Timbongolo ta nhova ti tshama kona,
I ndhawu ya ku lusela kona swifuyu,+
15 Anze hi chululeliwa moya wa ku kwetsima lowu taka hi tilweni,+
Mananga ma ta txintxa ma va nsimu ya mihandzu,
Nsimu leyi yi ta fana ni khwati.+
16 Kutani wululami li ta tshama amananga
Ni ku lulama ku ta tshama ka nsimu ya mihandzu.+
17 Ku ta va ni ku rhula hi mhaka ya ku lulama loku ku nga ta va kona,+
Naswona mihandzu ya ku lulama ku ta va ku rhula ni ku tshamiseka.+
18 Vanhu va mina va ta tshama ka ndhawu ya ku rhula,
Ka tiyindlo ta ku hlayiseka lani ku kalaka ku nga na guwa.+
19 Marhalala* ma ta helisa khwati,
Doropa li ta sala na li nga na nchumu.
20 Ma tsaka n’wina lava byalaka mbewu akusuhi ni mati,
Lava chunsaka homu ni mbongolo.”+
33 Khombo ka wena muhelisi lweyi a kalaka a nge se helisiwa;+
Wena muxengi lweyi a kalaka a nge se xengiwa!
Loko u gama ku helisa, na wena u ta helisiwa.+
Loko u heta ku xenga, na wena u ta xengiwa.
2 Yehovha Xikwembu xa hina, hi twele wusiwana.+
Hi tshembe wena.
3 Vanhu va baleka loko va twa guwa la mpfilumpfilu.
Matiko ma hangalaka loko u humelela.+
4 Mi ta tekeliwa leswi mi nga swi teketela anyimpini, ku fana ni mintete leyi dlaka ku sala ku nga ha na nchumu!
Vanhu va ta tsutsuma va swi tela ku fana ni mintete ya yinyingi.
5 Yehovha a ta dzunisiwa,
Hikusa a tshama matilweni.
A ta tata Siyoni hi wululami ni ku lulama.
6 Hi yena lweyi a nga ta ku tiyisa hi masiku;
A ni matimba ya ku ponisa,+ wutlharhi, wutivi a tlhela a ku yendla u chava Yehovha,+
Leli i tshomba la yena.
7 Phela vanhu va vona va matimba va huwelela axitaratwini;
Lava nga rhumiwa swaku va ya kombela ku rhula va rila hi xiviti.
8 A ka ha na munhu ka switaratu;
A ku na munhu ka tindlela.
9 Tiko la rila,* la hlakala.
Lebanoni a danisiwile;+ a bolile.
Saroni a txintxe a va mananga,
Kasi matluka ya Baxani ni ya Karmeli ma hohloka.+
11 Mi ta kuma nyimba ya mabyanyi ya ku woma mi gama mi psala mahlanga.
Mimpimiso ya n’wina yi ta mi hisa, ku fana ni ndzilu.+
12 Vanhu va ta hela ku sala nkuma.
Va ta hisiwa ku fana ni mimintwa leyi nga tsemiwa.+
13 N’wina lava nga kule, yingisani leswi ni nga ta swi yendla!
N’wina lava nga kusuhi, pfumelani swaku ni ni matimba.
‘I mani lweyi a nga tshamaka lani ku nga ni ndzilu lowu hisaka?+
I mani lweyi a nga tshamaka ni ndzilu lowu kalaka wu nga timeki ke?’
15 Lweyi a tamaka a famba hi ku lulama,+
Lweyi a vulavulaka swaswinene,+
Lweyi a kalaka a nga rhandzi ku kanganyisa,
Lweyi mavoko ya yena ma yalaka ku xaviwa funtshi a kalaka a nga pfumeli loko va mu xava,+
Lweyi a tipfalaka tindleve loko ku vulavuliwa hi ku dlaya,
Lweyi a pfalaka matihlo swaku a nga voni swa ku biha
16 Yena a ta tshama henhla ka tintshava;
A ta tumbela ka ndhawu leyi nga ni maribye,
A ta nyikiwa pawu,
A ta tshama na a ni mati.”+
17 Matihlo ya wena ma ta vona hosi ka mfumu wa yona wa ku saseka;
U ta vona tiko leli nga kule.
18 Wena u ta khumbuka* mahlomulu lawa u nga ma vona:
“A kwini sekretariyu?*
A kwini lweyi a a peza rhesa?*+
A kwini lweyi a a konta maprediyu?”*
19 A wu nge he va voni vanhu lava delelaka,
Vanhu lava lirimi la vona li karhataka ku li twisisa,
Lava lirimi la vona leli nghanghamelaka u nga ta kala u nga li twisisi.+
20 Vonani Siyoni, doropa leli hi hambelaka ka lona mafexta!+
Mi ta vona Yerusalema na a li ndhawu ya ku rhula,
Tende leli nga ta kala li nga susiwi.+
Timhandzi ta lona a ti nge susiwi,
Ni magoda ya lona a ma nge tsemiwi.
21 Kambe Yehovha, Xikwembu Lexikulu,
A ta hi vhikelela ku fana ni minambu ni misele yayikulu leyi vhikelelaka tiko,
Lani maboti ya nyimpi ma kalaka ma nga fiki,
Ni maboti yamakulu a ma nge swi koti ku hundza.
22 Hikusa Yehovha i Muyavanyisi wa hina,+
Yehovha hi Yena a hi nyikaka Nawu,+
Yehovha i Hosi ya hina;+
Hi yena Lweyi a nga ta hi ponisa.+
23 Magoda ya nala* ma ta tlhantlheka;
A ma nge swi koti ku nyimisa timhandzi ta boti kumbe ku gwimba seyila.*
Ka nkama wolowo va ta yavelana minchumu ya yinyingi leyi va nga yi teketela;
Hambi lava nga limala va ta teketela minchumu yayinyingi.+
24 A ku na munhu lweyi a tshamaka kona lweyi a nga ta ku: “Na vabya.”+
Lava tshamaka ka tiko lolelo va ta va na va rivaleliwe xidjoho xa vona.+
34 Tshinelani n’wina matiko mi ta twa,
Yingiselani kahle, n’wina vanhu.
Misava ni leswi swi nga ka yona a swi yingise,
Misava ni hinkwaswu leswi nga ka yona.
A ta ma helisa;
A ta ma dlaya.+
3 Lava va nga dlayiwa va ta txukumetiwa,
Ku nun’hwa ka mintsumbu ya vona ku ta twala hinkwaku;+
Tintshava ti ta xiririka ngati ya vona.+
4 Minchumu hinkwayu leyi nga matilweni yi ta bola,
Matilo ma ta songiwa, ku fana ni buku leli songiwaka.
Minchumu hinkwayu leyi nga ka wona yi ta vuna,
Ku fana ni tluka la ku vuna leli waka ka nsinya wa mawuvha
Ku fana ni kuwa la ku vuna.
5 “Hikusa xipada xa mina xi ta tsakamisiwa amatilweni.+
Ni ta khatisa Edomu hi xona,+
Ku nga vanhu lava ni nga tinyimisela ku va helisa.
6 Yehovha a ni xipada; xi ta tala hi ngati.
Hikusa Yehovha a ta yendla gandzelo aBozra,
A ta dlaya vanhu va vanyingi ka tiko la Edomu.+
7 Va ta dlayiwa ni tihomu ta nhova,*
Swihon’wani ni lava nga ni matimba.
Tiko la vona li ta tala hi ngati,
Wuthulu la tiko la vona li ta tala hi mafurha.”
8 Yehovha a lange siku leli a nga ta hakelisa hi lona,+
Lembe leli a nga ta hakelisa ka valala va Siyoni.+
9 Minambu ya yena* yi ta txintxa yi va alkatrawu,
Wuthulu la yena li ta txintxa li va swiribyani leswi swi pfurhaka,*
Tiko la yena li ta fana ni alkatrawu leli pfurhaka.
10 Li ta pfurha wusiku ni nhlikanhi;
Ximusi xa lona xi ta tuvika hi masiku ni masiku.
Li ta tshama na li wonhekile masiku hinkwawu;
A ku na munhu lweyi a nga ta tsemakanya ka lona hi masiku ni masiku.+
11 Gumbula* ni nhungu* swi ta tshama kolanu,
Swikhovha swa tindleve tatikulu ni matlhugwani* swi ta tshama kolanu.
Xikwembu xi ta tirhisa goda swaku xi pima tiko leli, akuva xi kombisa swaku
Li ta sala na li wonhekelile li tlhela li nga ha pfuni nchumu.
12 A ku na munhu ni mun’we ka vanhu va yena va ku hlonipheka lweyi a nga ta va hosi,
Varhangeli va yena a va nga ha ta va kona.
13 Ku ta mila mimintwa, nhova ni swinsinyani swa swihlehlwani ka maprediyu* ni ka madoropa ya yena lawa ma nga ni mimuru ya ku tiya,
14 Swiharhi swa mananga swi ta tlhangana ni swiharhi leswi vukulaka,
Mbuti ya nhova yi ta vitana vanghanu va yona.
Swinyanyani leswi fambaka niwusiku swi ta tshama kolanu, swi tlhela swi humula kolanu.
15 Nyoka yi ta yendla xisaka kolanu yi gama yi veka matandza,
Yi ta ma tlhorha yi ma hlengeleta ka ndzhuti.
Vamangatlu* va ta hlengeletana kolanu, mun’wani ni mun’wani ni munghanu wa yena.
16 Lavetelani ka buku la Yehovha, mi li lerha swi twala:
A ku na ni xa xin’we lexi kalaka xi nga li kona;
A xi kona ni xin’we xi kalaka xi nga na munghanu,
Hikusa i nawu lowu taka hi ka Yehovha,
Swi hlengeletiwile hi moya wa yena wa ku kwetsima.
17 Hi Yena lweyi a nga langa ndhawu ya swona,
Voko la yena li swi yavele ndhawu hi ku tirhisa ngoti ya ku pima.
Swi ta tshama ka yona masiku hinkwawu;
Swi ta tshama kona hi masiku ni masiku.
35 Mananga ni ndhawu leyi kalaka yi nga na mati swi ta tsaka,+
Ni ndhawu leyi nga mananga yi ta tsaka, yi psala swiluva ku fana ni safroni.*+
2 Yi ta va ni swiluva;+
Yi ta tsaka yi ba minkulungwani.
Vanhu va ta vona ku phatima ka Yehovha, ku hlonipheka ka Xikwembu xa hina.
3 Tiyisani mavoko lawa ma nga hela matimba,
Ni matsolo lawa ma rhurhumelaka.+
4 Byelani lava karhatekaka mi ku:
“Tiyani. Mi nga chaveni.
Phela Xikwembu xa n’wina xi ta ta xi ta hakelisa,
Xikwembu xi ta khatisa.+
Xi ta ta xi ta mi ponisa.”+
6 Ka nkama wolowo, lweyi a nga limala a ta tlula ku fana ni mhunti,+
Ni mbeveve yi ta huwelela hi ku tsaka.+
Hikusa ku ta pfela mati amananga,
Ni minambu ka tindhawu leti nga mananga.
7 Misava leyi nga woma yi ta va ndhawu ya mati leyi nga ni tinhlanga,
Ku ta va ni swihlovo lomu a ku womile.+
Ka tindhawu leti timbyana ta khwati* a ti humula ka tona+
Ku ta va ni byanyi la vherdi, tinhlanga ni swinsinyani swa papiru.
Lweyi a kalaka a nga basanga a nge fambi ka yona.+
Yi ta tirhisiwa ntsena hi lava nga ni mfanelo ya ku famba ka yona;
Swiphunta a swi nge fambi ka yona.
9 Kolanu a ku nga ta va ni nghonyama,
Ni swiharhi swa ku chavisa hintamu a swi nga ta va kona.+
A swi nga ta voniwa ka ndhawu yoleyo;
Ku ta famba lava nga ponisiwa ntsena.+
10 Lava nga ponisiwa hi Yehovha va ta vuya+ kutani va ya aSiyoni na va ba minkulungwani.+
Va ta tsaka hi masiku ni masiku.+
Va ta tsaka swinene,
Ku vaviseka ni nhlomulu swi ta hela.+
36 Hi lembe la wu 14 la ku fuma ka Hosi Hezekiya, Senakeribi hosi ya Asiriya+ a tile a ta hlasela madoropa hinkwawu ya Yuda lawa ma nga ni mimuru ya ku tiya, a gama a ma hlula.+ 2 Hosi ya Asiriya yi gama yi rhuma Rabuxaki*+ swaku a suka aLakixi+ a ya Yerusalema ka Hosi Hezekiya, na a ni masonchwa ya manyingi. Se va fika va nyima amagamu ka ndhawu ya ku hlayisa mati leyi kumekaka henhla,+ ndhawu leyi a yi li ka ndlela leyi yaka ka masimu ya lweyi a hlampsaka mpahla.+ 3 Kutani Eliyakimi+ n’wana wa Hilikiya lweyi a a hlayisa ndjangu wa hosi, na Xebina+ lweyi a a li sekretariyu,* na Yowa n’wana wa Azafi lweyi a a tsala leswi a swi yendleka va humile va ya tlhangana na yena.
4 Rabuxaki a va byela a ku: “Ni kombela mi ya byela Hezekiya mi ku: ‘Hosi leyikulu, hosi ya Asiriya yi li: “Kasi wo tshemba yini?+ 5 U li: ‘Na swi tiva ku lwa nyimpi,’ kambe a wu tivi nchumu. Kasi i ntxini u xi tshembaka u zaka u tiyela ku ni djikela?+ 6 U tshemba ku tiya hi lihlanga, la ku tshoveka, ku nga tiko la Gibita, la ku loko munhu a tiya hi lona la mu tlhava li gama li nghena ka voko la yena? Faru hosi ya Gibita a fana ni lihlanga lolelo ka hinkwavu lava va mu tshembaka.+ 7 Loko mi ku: ‘Hi tshemba Yehovha Xikwembu xa hina,’ mo tihembela a nga ta mi pfuna, kasi a hi Hezekiya lweyi a nga susa tindhawu ta ku tlakuka leti a ku gandzeliwa ka tona ni maaltari,+ a tlhela a byela vanhu va Yuda ni va Yerusalema a ku: ‘Mi fanele mi gandzela ka altari leyi’?”’+ 8 Se a hi vone swaku ku ta ganya mani ka wena ni hosi ya mina, ku nga hosi ya Asiriya:+ Ni ta ku nyika 2.000 wa makavhalu ni ta vona swaku kumbe u ta va kuma kwini vanhu lava va nga ta ma fambisa. 9 U nga swi kota ku hlula hambi ko va murhangeli mun’we wa masonchwa lweyi a nga mutirhi wamutsongo wa hosi ya mina, kuve wa ha tshemba tiko la Gibita swaku li ku nyika tinyolo* ta nyimpi ni lava va fambisaka makavhalu ke? 10 Kasi a hi Yehovha lweyi a nga ni pfumelela swaku ni hlasela tiko leli ni li helisa? Yehovha a ni byelile a ku: ‘Famba u ya hlasela tiko leli u li helisa.’”
11 Se Eliyakimi na Xebina+ na Yowa va byela Rabuxaki+ va ku: “Hi kombela u vulavula na hina hi lirimi la Xiaramu,*+ hikusa ha swi twa; u nga vulavuli na hina hi lirimi la Vayuda hikusa lava va nga henhla ka muru va swi twa.”+ 12 Kambe Rabuxaki a hlamula a ku: “Kasi a hosi ya mina yi yo ni rhuma ku ta vulavula ni hosi ya n’wina na n’wina ntsena? Phela yi ni rhume swaku ni ta vulavula ni vanhu lava va nga henhla ka muru, lava vona na n’wina mi nga ta dla chaka* la n’wina mi tlhela mi phuza ni mixixito ya n’wina.”
13 Se Rabuxaki a sekeleka, a huwelela hi lirimi la Vayuda+ a ku: “Twanani leswi hosi leyikulu, ku nga hosi ya Asiriya yi swi hlayaka.+ 14 Yona yi li: ‘Mi nga xengiwi hi Hezekiya, hikusa a nga ta swi kota ku mi ponisa.+ 15 Funtshi mi nga pfumeli loko Hezekiya a mi byela swaku mi tshemba Yehovha,+ hi ku hlaya swaku: “Yehovha a ta hi ponisa, hosi ya Asiriya a yi nge li hluli doropa leli.” 16 Mi nga mu yingisi Hezekiya, hikusa hosi ya Asiriya yi li: “Yendlani ku rhula na mina mi tinyikela ka mina, se hinkwenu mi ta dla mihandzu ya minsinya ya n’wina ya mawuvha ni mihandzu ya minsinya ya n’wina ya makuwa, mi tlhela mi phuza ni mati ka swihlovo swa n’wina, 17 anze ni ta, ni mi yisa ka tiko leli fanaka ni tiko la n’wina,+ ni ta mi yisa ka tiko leli nga ni trigu ni vhinyu la nyuwani, tiko leli nga ni pawu ni masimu ya mawuvha. 18 Mi nga pfumeleni ku xengiwa hi Hezekiya loko a ku: ‘Yehovha a ta hi ponisa.’ Indjhe swikwembu swa matiko man’wani swi swi kotile ku ponisa matiko ya swona ka hosi ya Asiriya?+ 19 Swi kwini swikwembu swa Amati na Arpadi?+ Swi kwini swikwembu swa Sefaravhayimi?+ Swi swi kotile ku ponisa doropa la Samariya ka mina?+ 20 Xi kona xikwembu ka swikwembu hinkwaswu swa matiko lawa lexi nga kota ku ponisa vanhu va xona ka mina? Se n’wina mi pimisa swaku Yehovha a ta ponisa Yerusalema ka voko la mina ke?”’”+
21 Kambe va miyela va ku whii, hikusa hosi a yi va byelile yi ku: “Mi nga mu hlamuli.”+ 22 Se Eliyakimi n’wana wa Hilikiya lweyi a a hlayisa ndjangu wa hosi, na Xebina+ lweyi a a li sekretariyu, na Yowa n’wana wa Azafi lweyi a a tsala hinkwaswu leswi a swi yendleka, va ya ka Hezekiya na va handzule mpahla ya vona, va fika va mu byela hinkwaswu leswi Rabuxaki a nga swi hlaya.
37 Nkama Hosi Hezekiya a nga twa leswo, a handzula mpahla ya yena, a yambala mpahla ya masaka a gama a nghena ka yindlo ya Yehovha.+ 2 Se a rhuma Eliyakimi lweyi a a hlayisa ndjangu wa hosi, Xebina lweyi a a li sekretariyu* ni vaprista lava a va rhangela swaku va ya ka muprofeta Esaya+ n’wana wa Amozi; va fambe na va yambale mpahla ya masaka. 3 Va fika va mu byela va ku: “Hezekiya a li: ‘Leli i siku la swikarhatu, siku la ku layiwa* ni la tingana; hikusa hina hi fana ni wansati lweyi a nga kusuhi ni ku psala* kambe a kalaka a nga na ntamu wa ku humesa n’wana.+ 4 Kumbe Yehovha Xikwembu xa wena a ta twa leswi nga hlayiwa hi Rabuxaki, lweyi a nga rhumiwa hi hosi ya yena, ku nga hosi ya Asiriya, swaku a ta poyila Xikwembu lexi hanyaka+ kutani Yehovha Xikwembu xa wena a mu khatisa hi mhaka ya hinkwaswu leswi yena a nga swi twa. Se wena khongelela+ lava va nga sala.’”+
5 Kutani vatirhi va Hosi Hezekiya va ya ka Esaya,+ 6 Esaya a va byela a ku: “Fambani mi ya byela hosi ya n’wina mi ku: ‘Yehovha a li: “U nga chavisiwi+ hi leswi u nga swi twa, leswi vatirhi va hosi ya Asiriya+ va nga ni rhuka hi swona. 7 Ni ta mu yendla a pimisa minchumu yin’wani se a ta twa minchumu a gama a tlhela a ya ka tiko la yena;+ funtshi ni ta mu helisa ka tiko la yena hi xipada.”’”+
8 Nkama Rabuxaki a nga twa swaku hosi ya Asiriya yi sukile aLakixi, a tlhelile a ya ka yona a ya kuma swaku yi lwa ni doropa la Libina.+ 9 Hosi ya Asiriya yi twe ku hlayiwa leswi hi Tiraka hosi ya Etiyopiya: “A fikile swaku a ta lwa na wena.” Nkama hosi yi nga twa leswo yi gama yi byela vatirhi va yona swaku va ya ka Hezekiya,+ yi ku: 10 “Byelani Hezekiya hosi ya Yuda mi ku: ‘U nga pfumeli ku xengiwa hi Xikwembu xa wena lexi u xi tshembaka, loko xi ku: “Doropa la Yerusalema a li nga ta hluliwa hi hosi ya Asiriya.”+ 11 U swi twile leswi tihosi ta Asiriya ti nga swi yendla ka matiko hinkwawu hi ku ma helisa.+ U pimisa swaku hi wena wexe u nga ta pona? 12 Swikwembu swa matiko lawa vavhovho va mina va nga ma helisa swi swi kotile ku ma ponisa?+ Swi kwini swikwembu swa Gozani, swikwembu swa Harani,+ swikwembu swa Rezefi ni swa vanhu va le Edeni lava a va li aTeli-Asari? 13 Yi kwini hosi ya Amati, hosi ya Arpadi, hosi ya Sefaravhayimi,+ hosi ya Ena ni hosi ya Ivha?’”
14 Hezekiya a teka makarta* ka lava va nga rhumiwa a ma lerha. A gama a ya ka yindlo ya Yehovha a fika a ma pfula a ma veka phambheni ka Yehovha.+ 15 Se Hezekiya a sungula ku khongela ka Yehovha+ a ku: 16 “Wena Yehovha murhangeli wa tintsumi,+ Xikwembu xa Israyele, wena u nga tshama henhla* ka makerubu, hi wena ntsena Xikwembu xa ntiyiso ka mimfumu hinkwayu ya misava. Hi wena u nga yendla matilo ni misava. 17 Se na ku kombela Yehovha Xikwembu xa mina, swaku u ni yingisela kahle,+ u tlhela u pfula matihlo ya wena swaku u vona,+ wena Yehovha Xikwembu xa mina! Twana hinkwaswu leswi Senakeribi a nga rhuma vanhu swaku va ta swi hlaya, va poyila wena Xikwembu lexi hanyaka.+ 18 Yehovha, i ntiyiso swaku tihosi ta Asiriya ti helise matiko hinkwawu+ ku patsa ni tiko la tona. 19 Funtshi ti hise swikwembu swa wona hi ndzilu,+ hikusa a swi nga li swikwembu swa nchumu a swo va swikwembu swa ku yendliwa hi vanhu ntsena,+ leswi nga hambiwa hi mapulangu ni maribye. Hi leswo swi nga yendla swaku va swi kota ku swi helisa. 20 Kambe swoswi, Yehovha Xikwembu xa hina, hi ponisi ka mavoko ya yena, swaku mimfumu hinkwayu ya misava yi ta swi tiva swaku wena Yehovha, hi wena ntsena u nga Xikwembu.”+
21 Se Esaya n’wana wa Amozi a rhuma vanhu va ya byela Hezekiya va ku: “Yehovha Xikwembu xa Israyele a li: ‘Leswi u nga khongela ka mina hi mhaka ya Senakeribi hosi ya Asiriya,+ 22 mina Yehovha ni hlaya leswi hi yena:
“Ntombhi* ya Siyoni yi ku vonela hansi, funtshi ya ku hleka.
N’wana wa ntombhi wa Yerusalema a ku hlakahlela nhloko.
23 Kasi yena a delele mani+ a tlhela a poyila mani?
I mani lweyi a nga mu bongela?+
I mani lweyi a nga mu xondzolota hi matihlo?
Phela hinkwaswu leswi a swi yendlele ku lwa na mina Mukwetsimi wa Israyele!+
24 A tlhontlhe* mina Yehovha+ hi ku tirhisa vatirhi va yena a ku:
‘Ni ta khwela tintshava ta ku leha+
Hi tinyolo* ta mina ta tinyingi ta nyimpi,
Ni ta fika ka tindhawu ta le kule hintamu ta Lebanoni.
Ni fika ni tsema minsinya ya mikedari yayikulu ni minsinya ya yunipa yayinene.
Ni ta tlhela ni nghena ka tindhawu leti nga tlakuka ni ka makhwati yamanene.
25 Ni ta txela swihlovo ni tlhela ni nwa mati;
Ni ta womisa minambu* ya Gibita hi minenge ya mina.’
26 A wu swi twanga? Ni swi bohe khale hintamu.
Funtshi ni swi bohe na ka ha sale masiku.+
Swoswi ni ta swi yendla.+
Wena u ta helisa madoropa lawa ma nga ni mimuru ya ku tiya ma sala na ma hohlokile.*+
27 Lava va tshamaka ka wona va ta hela ntamu;
Va ta chava va tlhela va dana.
Va ta fana ni swinsinyani swa nhova ni mabyanyi ya vherdi,
Va ta fana ni mabyanyi lama nga fulela yindlo loko ma biwa hi moya wa tlhelo la le wuxeni.
28 Kambe ni swi tiva kahle loko u tshama, loko u huma, loko u nghena,+
Ni loko u ni kwatelile,+
29 Hikusa ni ku twile ku kwata ka wena+ ni ku bonga ka wena.+
Se ni ta veka xiyove xa mina ka nhompfu ya wena ni goda* la mina+ ni ta li peta ka nomo wa wena,
Ni ta ku teka ni ku tlhelisa hi ndlela leyi u nga ta hi yona.”
30 “‘Lexi xi ta va xikombiso ka wena:* Lembe leli, mi ta dla leswi swi nga ta mila hi swoxe; kasi ka lembe la wumbirhi, mi ta dla leswi swi nga ta hluka ka leswi swi nga timilela hi swoxe; kambe hi lembe la wunharhu, mi ta byala mi tlhela mi tshovela, mi ta tlhela mi rima masimu ya mawuvha mi dla ni mihandzu ya kona.+ 31 Vanhu va Yuda lava nga ta baleka, lava va nga ta sala va hanya,+ va ta fana ni minsinya leyi psalaka mihandzu hileswi yi nga ni timintsu leti ti nga ya ahansi hintamu. 32 Hikusa lava va nga sala va ta huma aYerusalema ni lava nga ta pona va ta huma ka Ntshava ya Siyoni.+ Yehovha murhangeli wa tintsumi a ta swi yendla leswo hikusa a lava ku swi yendla.+
33 “‘Yehovha a hlaya leswi hi hosi ya Asiriya:+
“A nga ta nghena ka doropa leli+
Kumbe ku li txopa hi mpaxwa*
A nga ta lwa na lona na a ni xa ku tivhikela hi xona
Kumbe ku yaka mimuru leyi nga ta mu pfuna swaku a li hlasela.”’+
34 Mina Yehovha ni li: ‘A ta tlhela hi ndlela leyi a nga ta hi yona;
A nga ta nghena ka doropa leli’,
35 ‘Ni ta lwela doropa leli+ ni li ponisa hi mhaka ya vito la mina+
Ni hi mhaka ya Davhida mutirheli wa mina.’”+
36 Se ntsumi ya Yehovha yi humile yi dlaya 185.000 wa masonchwa ka matende ya Vaasiriya. Nkama vanhu va nga pfuka nimpundzu, va vone mintsumbu ntsena.+ 37 Se Senakeribi hosi ya Asiriya a tlhela a ya Ninivha+ a fika a tshama kona.+ 38 Nkama na a khizamile ka tempele ya xikwembu xa yena Nizikori, Adrameleki na Xarezeri vana va yena, va fika va mu dlaya hi xipada+ va gama va baleka va ya ka tiko la Ararati.+ Se Ezaradoni+ n’wana wa yena a va hosi.
38 Ka masiku wolawo, Hezekiya a vabya hintamu a za a va kusuhi ni ku fa.+ Se muprofeta Esaya+ n’wana wa Amozi a mu yela a fika a mu byela a ku: “Yehovha a li: ‘Byela vandjangu wa wena leswi va faneleke va sala va swi yendla loko se u file hikusa a wu nga ta hanya; u ta fa.’”+ 2 Nkama Hezekiya a nga twa leswo, a ndzuluka a txuvuka ka khumbi a gama a sungula ku khongela ka Yehovha a ku: 3 “Yehovha Xikwembu xa mina, ni kombela u khumbuka+ leswi ni nga ku tirhelisa xiswona hi ku tshembeka ni hi mbilu hinkwayu+ ni tlhela ni ku yendlela minchumu yayinene.” Se Hezekiya a sungula ku rila hintamu.
4 Se Yehovha a byela Esaya a ku: 5 “Tlhela u ya byela Hezekiya+ u ku: ‘Yehovha Xikwembu xa Davhida vhovho wa wena a li: “Ni xi twile xikhongelo xa wena.+ Funtshi ni yi vonile mihloti ya wena.+ Ni ta yengesela 15 wa malembe ka wutomi la wena,+ 6 funtshi ni ta ku ponisa wena ni doropa leli ka hosi ya Asiriya, ni ta vhikela doropa leli.+ 7 Hi lexi xikombiso lexi taka hi ka Yehovha lexi nga ta ku komba swaku Yehovha a ta swi yendla leswi a nga swi hlaya:+ 8 Ni ta yendla swaku ndzhuti wa dlambu lowu nga ka swikada swa Akazi wu tlhelela ndzhaku hi 10 wa magansu.”’”*+ Se ndzhuti wu tlhelela ndzhaku ka swikada hi 10 wa magansu hambileswi se a wu hundzile ka swikada swoleswo.
9 Hezekiya hosi ya Yuda a tsale marito lawa hi nkama lowu a nga vabya a gama a hanya.
10 Ni te: “Axikarhi ka malembe ya mina ya ku hanya
Ni boheka ku ya ka tinyanghwa ta Sirha.*
Ni ta tsoniwa malembe ya mina lawa ma nga sala.”
11 Ni te: “A ni nge he mu voni Yehovha,* yena Yehovha, ka tiko la lava va hanyaka.+
A ni nge he va voni vanhu
Hikusa ni ta va na ni li ni lava nga fa.
12 Ni tekeliwe kaya la mina+
Ku fana ni tende la mulusi.
Ni petse wutomi la mina ku fana ni loko murhungi a petsa panu;
Yena a ni tsema ku fana ni malinya lawa ma nga ka magamu ya panu.
Ku sukela nimpundzu ku ya fika niwusiku wa ni heta.+
13 Ni zame ku rhulisa mbilu ya mina anze nimixo.
A tshamela ku pfotlosa marhambu ya mina hinkwawu ku fana ni nghonyama;
Ku sukela nimpundzu anze niwusiku wa ni heta.+
Matihlo ya mina ma karhala hi ku txuvuka henhla:+
‘Yehovha Xikwembu xanga, ni karhatekile;
Ni pfuni!’+
15 Ni ta ku yini?
Yena a vulavule na mina a tlhela a yendla xanchumu.
Ni ta tiveka hansi wutomi la mina hinkwalu
Hi mhaka ya mindzingo leyi ni nga na yona.
16 ‘Yehovha, vanhu hinkwavu va hanya hi minchumu leyi,*
Na hanya hi mhaka ya mintirho ya wena.
U ta yendla leswaku ni hanya u tlhela u ni hlayisa.+
17 Phela handle ka ku va ni ku rhula, ni ve ni swikarhatu swaswikulu;
Kambe hi mhaka ya lirhandzu la wena,
U ni ponisile ka xikhele xa lifu.+
U swi txukumete kule swidjoho swa mina.+
Lava va yaka ka xikhele a va nge he ku voni ku tshembeka ka wena.+
19 Lava va hanyaka, lava hanyaka va nga ku dzunisa,
Ku fana ni leswi ni yendlaka swona namuntlha.
Papayi a nga djondzisa vana va yena hi ta ku tshembeka ka wena.+
20 Yehovha Xikwembu xa mina, ni ponisi,
Se hi ta chaya tinsimu ta mina hi switende*+
Masiku hinkwawu ya wutomi la mina ka yindlo ya Yehovha.’”+
21 Se Esaya a ku: “Tisani bolu leli nga hambiwa hi makuwa ya ku woma, mi gama mi li bohelela henhla ka rhumba swaku a ta hola.”+ 22 Hezekiya a a vutisile a ku: “Ni ta swi tivisa ku yini swaku ni ta ya andlwini ya Yehovha?”+
39 Hi nkama wolowo Merodaki-Baladani hosi ya Babilona, n’wana wa Baladani, a rhumela makarta ni minchumu swaku va ya nyika Hezekiya,+ hikusa a a swi twile swaku a a vabya kambe se a a hanyile.+ 2 Hezekiya a va yamukela na a tsakile se a va komba lani a vekaka kona xuma,+ ku nga prata, woru, mafurha ya balsamu, mafurha man’wani ya lisima, matlharhi ya yena hinkwawu ni minchumu hinkwayu leyi a yi li kona ka ndhawu leyi a a veka kona xuma. A va kombe hinkwaswu leswi a swi li ka yindlo ya yena ya wuhosi ni ka mfumu wa yena hinkwawu.
3 Muprofeta Esaya a gama a ya ka Hosi Hezekiya a fika a mu vutisa a ku: “Vavanuna lava va hlaye swa ku yini funtshi va ta hi kwini?” Se Hezekiya a mu hlamula a ku: “Va ta hi ka tiko la kule, aBabilona.”+ 4 A tlhela a vutisa a ku: “I mpsini leswi va nga swi vona ka yindlo ya wena?” Hezekiya a mu hlamula a ku: “Va vone minchumu hinkwayu leyi nga ka yindlo ya mina ya wuhosi. A ku na nchumu ni kalaka ni nga va kombanga ka ndhawu leyi ni vekaka xuma.”
5 Esaya a byela Hezekiya a ku: “Twana leswi Yehovha murhangeli wa tintsumi a swi hlayaka: 6 ‘Yingisa! Ku ta fika nkama lowu hinkwaswu leswi nga ka yindlo ya wena ya wuhosi ni hinkwaswu leswi vavhovho va wena va nga swi siya anze namuntlha, swi nga ta tekiwa swi yisiwa aBabilona. A ku nga ta sala nchumu,’+ ku vula Yehovha.+ 7 ‘Funtshi van’wani va vana va wena, va ta tekiwa swaku va ya tirha ka yindlo ya wuhosi aBabilona.’”+
8 Se Hezekiya a byela Esaya a ku: “Leswi Yehovha a nga swi hlaya i swinene.” A tlhela a ku: “Hikusa ku ta va ni ku rhula ni ku tshamiseka na na ha hanya.”+
40 Xikwembu xa n’wina xi li: “Tiyisani, tiyisani vanhu va mina.+
2 Tiyisani Yerusalema,
Mi mu byela swaku wukarawa la yena li helile,
Ni swaku a rivaleliwe swihoxo swa yena.+
Yehovha a mu khatisile hintamu hi mhaka ya swidjoho swa yena hinkwaswu.”+
3 Ku ni lweyi a huwelelaka amananga a ku:
“Basisani* ndlela ya Yehovha!+
Khulelani Xikwembu xa hina ndlela yayikulu+ leyi hundzaka hi mananga.+
4 Minkova hinkwayu a yi seleteliwe,
Tintshava hinkwatu ni maganga a swi diliziwe.
Lomu ku nga ni maganga a ku lunghisiwe,
Ni misava leyi nga ni maribye a yi ve nkova.+
6 Yingisani! Ku ni lweyi a nge: “Huwelela!”
Mun’wani a vutisa a ku: “Ni huwelela ni ku yini?”
“Vanhu hinkwavu va fana ni byanyi la vherdi.
Lirhandzu la vona la ntiyiso li fana ni swiluva swa nhova.+
Phela vanhu va fana ni byanyi la vherdi.
8 Byanyi la vherdi la woma,
Swiluva swa vuna,
Kambe rito la Xikwembu xa hina li tshama hi masiku ni masiku.”+
9 Khwela ka ntshava ya ku leha,
Wena wansati lweyi a tisaka mahungu ya ku tsakisa aSiyoni.+
Huwelela hintamu,
Wena wansati lweyi a tisaka mahungu ya ku tsakisa aYerusalema.
U nga chavi, huwelela.
Byela madoropa ya le Yuda u ku: “Hi lexi Xikwembu xa n’wina.”+
Phela a ta ni muholo,
A khome muholo.+
11 A ta lusa ntlhambi wa yena ku fana ni mulusi.+
A ta hlengeleta swinyempfani hi voko la yena,
A ta swi veka ka xifuva xa yena.
A ta hlayisa tinyempfu leti yan’wisaka.+
I mani lweyi a nga hlengeleta wuthulu la misava+
Kumbe a pezaka tintshava
Ni maganga hi xa ku peza hi xona ke?*
13 I mani lweyi a nga pima* matimba ya Yehovha,
Indjhe a kona munhu lweyi a nga mu layaka a tlhela a mu djondzisa xanchumu ke?+
14 Kasi a vutise mani swaku a ta va ni ku twisisa,
Kumbe i mani lweyi a nga mu djondzisa ndlela ya wululami,
Kumbe a mu djondzisaka wutivi,
Kumbe a mu komba ndlela ya ku twisisa ka ntiyiso ke?+
15 Phela matiko ma fana ni donakati la mati ka bakidi,
Ma fana ni wuthulunyana ka xa ku peza hi xona.+
Phela Yena a tlakula swihlala* ku fana ni wuthulu.
16 Hambi minsinya ya Lebanoni a yi xegi swaku yi yendla ndzilu wu tshama na wu pfurha,
Ni swiharhi swa kona a swi xegi swaku swi yendla gandzelo lin’we la ku hisiwa.
17 Ka yena matiko hinkwawu a hi yanchumu;+
A ma vona na ma nga li nchumu, i nchumu xa ku a xi na lisima.+
18 Mi nga xi fanisa na mani Xikwembu?+
Mi nga ku xi fana ni yini ke?+
19 Munhu a yendla xifaniso,
Lweyi a tirhaka hi nsimbi a xi namaketa woru,+
A yendla ni machini ya prata.
20 A langa nsinya swaku a ta yendla xifaniso,+
Nsinya lowu nga ta kala wu nga boli.
A lava munhu lweyi a wu tivaka kahle ntirho,
Swaku a yendla xifaniso lexi nga ta kala xi nga wi.+
21 Indjhe a mi swi tivi?
Indjhe a mi swi twanga?
Indjhe a mi byeliwanga ku sukela a ku sunguleni?
Indjhe a mi twisisanga ku sukela ka masungulo ya misava ke?+
22 Ku ni Lweyi a tshamaka henhla ka misava leyi nga redondu,+
Lava tshamaka ka yona va fana ni mintete.
A yandlala matilo ku fana ni nguvu ya ku vonekela,
A gwimba matilo ku fana ni tende la ku tshama ka lona.+
23 Ka yena matimba ya tihosi a hi yanchumu,
Ka yena vayavanyisi va misava a hi va nchumu.
24 A va se byaliwa,
A va se byaliwa,
Xinsinyani xa vona a xi se dzima timintsu amisaveni,
Funtshi va biwa hi moya va woma,
Se moya wu va rhwala ku fana ni mabyanyi ya ku woma.+
25 Mukwetsimi a li: “Indjhe mi nga ni fanisa na mani? Funtshi i mani lweyi a ringanaka na mina ke?
26 Txuvukani matilweni mi vona.
I mani lweyi a nga yendla minchumu leyi?+
Hi lweyi a swi humesaka ku fana ni ntlawa wa masonchwa hi numeru ya swona;
Hinkwaswu a swi vitana hi mavito.+
Hi mhaka ya ntamu wa yena wawukulu ni hi mhaka ya matimba ya yena ya ku hlamalisa,+
A xi kona ni xin’we lexi xi pfumalekaka.
27 Wena Yakobe, ni hlaya wena Israyele, hi mhaka muni u ku:
‘Yehovha a nga ti voni tindlela ta mina,
Xikwembu a xi ni yavanyisi hi ndlela yayinene ke’?+
28 Wo kala u nga swi tivi? Wo kala u nga swi twanga ke?
Yehovha, Lweyi a nga yendla hinkwaswu leswi nga misaveni, i Xikwembu hi masiku ni masiku.+
A nga karhali kumbe ku hela matimba.+
Ku twisisa ka yena ku yente ndjhani!+
29 A nyika matimba lweyi a nga karhala
Lava kalaka va nga na matimba a va yengetelela ntamu.+
30 Vafana va ta karhala, va hela ntamu,
Madjaha ma ta tigumula ma wa,
31 Kambe lava tshembaka Yehovha va ta tlhela va va ni matimba.
Va ta haha hi timpapa ku fana ni magama.*+
Va ta tsutsuma va nga heli ntamu;
Va ta famba va nga karhali.”+
41 “Miyelani mi ni yingisa, n’wina swihlala;*
Matiko a ma tlhele ma kuma matimba.
A ma tshinele kutani ma vulavula.+
A hi tlhanganeni swaku hi ta yavanyisiwa.
2 I mani lweyi a nga langa munhu lweyi a taka hi wuxeni,+
A mu tisa ka minenge ya Yena* lomu ku nga ni ku lulama,
Swaku a ta mu nyika matiko,
Ni ku mu yendla a hlula tihosi ke?+
I mani lweyi a nga ta hangalasa tihosi ku fana ni wuthulu hi xipada xa yena,
Ku fana ni mabyanyi ya ku woma lawa ma biwaka hi moya phambheni ka ligubu la yena ke?
3 A hlongolisa matiko funtshi a nga phazamisiwi hi nchumu
A famba hi tindlela leti a kalaka a nge se tshama a famba hi tona.
4 I mani lweyi a nga yendla leswi,
A vitana vanhu ku sukela a ku sunguleni?
5 Vanhu lava tshamaka ka swihlala va swi vonile se va sungula ku chava.
Vanhu lava tshamaka ka magamu ya misava va sungule ku rhurhumela.
Vanhu va tshinelile, va ta.
6 Mun’wani ni mun’wani a pfuna munghanu wa yena
A tlhela a byela makwavu a ku: “Tiya nhlana.”
7 Se lweyi a yendlaka swifaniso a tiyisa lweyi a tirhaka hi nsimbi;+
Lweyi a baka nsimbi hi hamela
A tiyisa lweyi a gongondzelaka henhla ka nsimbi.
Loko a vona lomu tinsimbi ti nga tlhanganisiwa kona a li: “Ti tlhanganisiwe kahle.”
Se xifaniso xi tiyisiwa hi swipikirhi swaku xi nga wi.
8 “Kambe wena Israyele, u mutirheli wa mina,+
Ni ku langile wena Yakobe,+
Ntukulu* wa munghanu wa mina Abrahamu,+
9 Wena lweyi ni nga ku teka amagamu ka misava,+
Wena lweyi ni nga ku vitana kule hintamu.
10 U nga chavi, hikusa ni na wena.+
U nga karhateki, hikusa ni Xikwembu xa wena.+
Ni ta ku tiyisa, ina, ni ta ku pfuna.+
Ni ta ku khoma swi tiya hi voko la mina la xinene la ku lulama.’
11 Yingisa! Hinkwavu lava va ku kwatelaka va ta danisiwa va tlhela va xixiwa.+
Lava lwaka na wena va ta helisiwa.+
12 U ta lavetela lava lwaka na wena kambe a wu nga ta va kuma;
Vanhu lava lwaka na wena va ta fana ni nchumu lexi kalaka xi nge se tshama xi va kona, phela a va nga ta va nchumu.+
13 Hikusa mina, Yehovha Xikwembu xa wena, ni khoma voko la wena la xinene,
Lweyi a ku byelaka a ku: ‘U nga chavi. Ni ta ku pfuna.’+
14 U nga chavi wena Yakobe lweyi a nga xipungwani,+
Ni ta mi pfuna n’wina vanhu va Israyele”, ku vula Yehovha, Muponisi* wa wena,+ Mukwetsimi wa Israyele.
15 “Phela ni ku yendle mapulangu ya ku hula hi wona,*+
Mapulangu ya nyuwani lawa ma nga ni matinyu lama tsemaka matlhelo mambirhi.
Wena u ta khwela ka tintshava u ti pfotlosa
U ta yendla swaku maganga ma fana ni muhungu.
16 Wena u ta swi phephera,
Se moya wu ta swi teka;
Xidzedze xi ta swi hangalasa.
17 “Lava va kalaka va nga na nchumu ni swisiwana va lava mati, kambe a ma kona.
Lirimi la vona li womile hi torha.+
Mina Yehovha ni ta va hlamula.+
Mina Xikwembu xa Israyele, a ni nge va tshiki.+
18 Ni ta yendla swaku ku va ni minambu henhla ka maganga+
Ku ta va ni swihlovo ka nkova wa ku yanama.+
Ni ta txintxa mananga ma va ndhawu ya mati leyi nga ni tinhlanga
Tiko leli kalaka li nga na mati li ta va ni swihlovo swa mati.+
19 Amananga ni ta byala nsinya wa mukedari,
Nsinya wa akasiya, wa murta ni nsinya wa nzululwani.+
Amananga ni ta byala nsinya wa yunipa,
Ku patsa ni nsinya wa nyamarhi ni kipresi,+
20 Leswaku vanhu hinkwavu va swi vona ni ku swi tiva
Va yingisa va tlhela va twisisa
Swaku swilo leswi swi yendliwe hi Yehovha,
Swi yendliwe hi Mukwetsimi wa Israyele.”+
21 “Tlhamuselani mhaka ya n’wina”, ku vula Yehovha.
“Tanani ni wufakazi la n’wina”, ku vula Hosi ya Yakobe.
22 “Tanani ni wumboni mi hi byela swilo leswi swi nga ta yendleka.
Hi byeleni swilo swa le ku sunguleni,
Swaku hi ta pimisa kahle hi swona ni ku tiva leswi swi nga ta yendleka.
Kumbe mi hi tlhamusela leswi nga ta yendleka.+
23 Hi byeleni leswi nga ta yendleka ka nkama lowu taka,
Swaku hi ta swi tiva swaku mi swikwembu.+
Yendlani swaswinene kumbe swa ku biha,
Swaku hi ta hlamala loko hi swi vona.+
24 Phela a mi va nchumu,
Ni leswi mi swi yendlaka a ko va nchumu.+
Mun’wani ni mun’wani lweyi a mi langaka wa nyenyentsa.+
25 Ni lange munhu wa le wuxeni funtshi a ta ta,+
Lweyi a taka hi wuxeni+ lweyi a nga ta vitana vito la mina.
A ta kandzihetela tihosi, ingaku hiloko ti li vumba,+
Ku fana ni lweyi a tirhaka hi vumba lweyi a kandzihetelaka vumba la ku tsakama.
26 I mani lweyi a nga hlaya leswi ku sukela a ku sunguleni swaku hi swi tiva,
Kumbe ku sukela khale hintamu, swaku hi ta ku: ‘A vulavula ntiyiso’?+
Phela, a nga kona lweyi a nga swi hlaya!
A nga kona lweyi a nga swi twalisa!
A nga kona lweyi a nga twa nchumu ka n’wina!”+
27 Hi mina wa ku sungula ku byela Siyoni ni ku: “Vonani leswi swi nga ta yendleka!”+
Ni ta rhumela munhu aYerusalema lweyi a nga ta tisa mahungu ya ku tsakisa.+
28 Kambe ni tame ni txuvuka, a ku nga na munhu;
A ku nga na munhu xikarhi ka vona lweyi a a ta va laya.
Ni tame ni va kombela swaku va hlamula.
29 Phela hinkwavu a hi va nchumu.
Mintirho ya vona a hi yanchumu.
Swifaniso swa vona leswi nga yendliwa hi nsimbi a swi pfuni nchumu funtshi a swi na lisima.+
42 Phela lweyi i mutirheli wa mina,+ lweyi ni mu pfunaka!
Lweyi ni nga mu langa+ naswona lweyi ni mu tsakelaka swinene!+
A ta tshembeka, a yavanyisa hi ndlela yayinene.+
4 A nge heli ntamu kumbe a pfotlosiwa anze a yendla leswaku ku va ni wululami amisaveni;+
Swihlala* swi ta tshama na swi rindzele nawu wa yena.
5 Leswi hi leswi Yehovha Xikwembu xa ntiyiso a swi hlayaka,
Lweyi a nga tumbuluxa matilo, Lweyi a nga ma yandlala,+
Lweyi a nga yendla misava ni ntshovelo wa yona,+
Lweyi a nyikaka vanhu lava nga ka yona ku hefemula,+
Lweyi a nyikaka wutomi lava fambaka ka yona,+ a li:
6 “Mina Yehovha ni ku vitanile hi ku lulama;
Ni khome voko la wena.
Ni ta ku vhikela, u ta fana ni ntwananu xikarhi ka mina ni vanhu+
Naswona u ta fana ni ku vonakala ka matiko,+
7 Leswaku u ta pfula matihlo ya lava kalaka va nga voni,+
U humesa xib’ochwa ka djele la munyama
Ni ku va humesa adjele lava nga tshama ka munyama.+
8 Hi mina Yehovha. Lelo i vito la mina;
Ku phatima ka mina a ni ku nyiki mun’wani,*
Ni ku dzuneka ka mina a ni nge ku nyiki swifaniso swa ku vatliwa.+
9 Vonani, swilo swa ku sungula swi hundzile;
Swoswi ni mi byela swilo swa nyuwani.
Ni mi byela swona na swi nge se humelela.”+
10 Yimbelelelani Yehovha lisimu la nyuwani,+
Mu dzuniseni anze magamu ya misava,+
N’wina lava yaka alwandle ni hinkwaswu leswi nga ka lona,
N’wina swihlala na n’wina lava tshamaka ka swona.+
11 Mananga ni madoropa ya wona a ma huwelele,+
Ni swidoropani leswi vanhu va le Kedari+ va tshamaka ka swona.
Lava tshamaka ka ribye a va be nkulungwani;
A va huwelele na va li henhla ka tintshava.
12 A va dzunise Yehovha
A va mu dzunise na va li ka swihlala.+
13 Yehovha a ta huma ku fana ni sonchwa la matimba.+
A ta kwata hintamu ku fana ni sonchwa.+
A ta huwelela, ina, a ta vanga guwa la nyimpi;
A ta tikombisa leswaku a ni matimba ku tlula valala va yena.+
14 “Ni miyelile nkama wa ku leha.
Ni miyelile funtshi ni tikhomile.
Ni ta konya ku fana ni wansati lweyi a psalaka*
Ni hefemulela henhla, ni tlhela ni hefemuteka hi nkama wun’we.
15 Ni ta wonha tintshava ni maganga
Ni womisa ni swinsinyani swa swona hinkwaswu.
Ni ta txintxa minambu yi va swihlala,
Ni ta womisa ni mati lawa ma nga ni tinhlanga.+
16 Ni ta fambisa lava nga fa matihlo ka ndlela leyi va kalaka va nga yi tivi+
Ni ta va fambisa ka tindlela leti va kalaka va nga ti tivi.+
Ni ta yendla leswaku munyama lowu nga phambheni ka vona wu va ku vonakala+
Ni ta diliza maganga ma va ndhawu ya ku ringana hinkwaku.+
Leswi hi leswi ni nga ta va yendlela swona, a ni nge va tshiki.”
17 Lava va tshembaka swikwembu swa ku vatliwa,
Va ta hluliwa, va ta danisiwa,
Lava va byelaka swifaniso swa ku yendliwa hi nsimbi va ku: “Mi swikwembu swa hina.”+
18 Yingisani, n’wina lava nga fa tindleve;
Txuvukani mi vona n’wina lava nga fa matihlo.+
19 I mani lweyi a nga fa matihlo loko ku nga li mutirheli wa mina,
Lweyi a nga fa tindleve ku fana ni mutirheli wa mina lweyi ni mu rhumaka ke?
I mani lweyi a nga fa matihlo ku fana ni lweyi a nga hakeliwa,
Lweyi a nga fa matihlo ku fana ni mutirheli wa Yehovha?+
20 Wena u vona minchumu ya yinyingi, kambe a wu yi tekeli nhlokweni.
Wa twa, kambe a wu yingisi.+
21 Hi mhaka ya ku lulama ka yena,
Yehovha a tsakele ku kombisa leswaku nawu i wa lisima hintamu a tlhela a wu dzunisa.
22 Kambe lava i vanhu lava va nga tekiwa hi nkanu va tlhela va tekeliwa swa vona;+
Hinkwavu va pfaleliwe ka mimhakwa* funtshi va fihliwe amadjele.+
Va tekiwe hi nkanu naswona a ku nga na lweyi a a ta va ponisa,+
Va tekeliwe minchumu ya vona naswona a ku nga na lweyi a nge: “Swi tlheliseni!”
23 I mani lweyi a nga ta yingisa leswi xikarhi ka n’wina?
I mani lweyi a nga ta yingisa a gama a djondza leswi a nga ta swi tirhisa ka nkama lowu taka ke?
24 I mani lweyi a nga nyikela Yakobe swaku a tekiwa hi nkanu
Na Israyele ka vanhu lava teketelaka minchumu?
Indjhe a hi Yehovha Lweyi hi nga mu djohela?
Va yale ku landzela tindlela ta Yena
Funtshi a va wu yingisanga nawu wa Yena.+
25 Yena a a tshamela ku chululela ku kwata ka yena henhla ka Israyele,
Ku kwata ka yena ni nyimpi ya ku chavisa.+
A nyimpi yi helise hinkwaswu leswi a swi li matlhelweni ka yona, kambe yena a nga swi tekelanga nhlokweni.+
Yi tame yi mu pfurhela,* kambe a nga yingisanga.+
43 Yehovha Mutumbuluxi wa wena a hlaya leswi,
Ka wena Yakobe, Mutumbuluxi wa wena Israyele+ a li:
“U nga chavi, hikusa ni ku ponisile.+
Ni ku vitane hi vito la wena.
U wa mina.
2 Loko u hundza xikarhi ka mati, ni ta va na wena,+
Ni loko u tlulela minambu, mati a ma nge ku koki.+
Loko u famba ka ndzilu, a wu nge pshi,
Ni ndzilu a wu nge ku hisi.
3 Hikusa hi mina Yehovha Xikwembu xa wena,
Mukwetsimi wa Israyele, Muponisi wa wena.
Ni ta ku ponisa hi ku nyikela Gibita,
Etiyopiya na Seba ka valala va wena.
Se ni ta nyikela vanhu ni matiko
Leswaku ni ponisa wutomi la wena.
5 U nga chavi, hikusa ni na wena.+
6 Ni ta byela norte* ni ku: ‘Va tlhelise!’+
Ni byela ni sul* ni ku: ‘U nga va khomeleli.
Tlhelisa vana va mina va madjaha lava taka hi kule ni vana va mina va tintombhi lava taka hi kule hintamu,+
7 Mun’wani ni mun’wani lweyi a vitaniwaka hi vito la mina+
Lweyi ni nga mu tumbuluxa swaku ni ta dzunisiwa,
Lweyi ni nga mu tumbuluxa ni tlhela ni mu yendla.’+
8 Humesa vanhu lava kalaka va nga voni hambileswi va nga ni matihlo,
Ni lava kalaka va nga twi hambileswi va nga ni tindleve.+
9 Matiko hinkwawu a ma hlengeletane ka ndhawu yin’we,
Ni vanhu va matiko a va hlengeletiwe.+
I mani xikarhi ka swikwembu swa vona a nga hlayaka leswi?
Kumbe swi nga hi byela swilo swa ku sungula?*+
A swi tinyimelele, a swi humese vafakazi va swona,
Leswaku van’wani va ta swi twa va gama va ku: ‘I ntiyiso!’”+
10 “N’wina mi timboni ta mina”,+ ku hlaya Yehovha,
“Vatirheli va mina lava ni nga tilangela vona,+
Leswaku mi ta tiva mi gama mi va ni lipfumelo ka mina,
Mi tlhela mi twisisa leswaku A ni txintxanga.+
A ku zanga ku tumbuluxiwa Xikwembu na mina ni nge se va kona,
Funtshi a ku zanga ku ve ni xin’wani na mina ni li kona.+
11 Hi mina Yehovha,+ handle ka mina a ku na muponisi.”+
12 “Hi mina Lweyi a nga huwelela ni ku ponisa ni ku tivisa,
Hi nkama lowu a ku nga na xikwembu xa matiko xikarhi ka n’wina.+
Hi mhaka leyo mi timboni ta mina”, ku vula Yehovha, “mina ni Xikwembu.+
Loko ni yendla nchumu, i mani lweyi a nga ni tsimbisaka?”+
14 Yehovha Muponisi wa n’wina,+ Mukwetsimi wa Israyele+ a li:
“Ni ta rhumela vanhu aBabilona hi mhaka ya n’wina swaku va ya wisa swipfalu hinkwaswu,+
Se Vakalidiya va ta rila hintamu ka maboti ya vona.+
15 Hi mina Yehovha, Mukwetsimi wa n’wina,+ Mutumbuluxi wa Israyele,+ Hosi ya n’wina.”+
16 Leswi hi leswi hlayiwaka hi Yehovha,
Lweyi a pfulaka ndlela xikarhi ka lwandle
Ni ndlela xikarhi ka mati lawa ma nga kwata,+
17 Lweyi a humesaka nyolo* ya nyimpi ni kavhalu,+
Masonchwa ya nyimpi ni vavanuna va matimba a li:
“Va ta yetlela, a va nge he pfuki.+
Va ta timiwa ku fana ni ngoti ya motso.”*
18 “Mi nga khumbuki minchumu ya khale,
Funtshi mi nga tshameli ku pimisa timhaka ta khale.
19 Phela ni ta yendla minchumu ya nyuwani;+
Ni swoswi swa yendleka.
A mi swi voni ke?
20 Swiharhi swa nhova swi ta ni hlonipha,
Timbyana ta khwati* ni tiyintxa,*
Hikusa ni yendla leswaku ku va ni mati amananga,
Minambu ka tiko leli nga woma,+
Leswaku vanhu va mina, lava ni nga va langa+ va ta nwa,
21 Vanhu lava ni nga va tumbuluxa
Swaku va ta ni dzunisa.+
23 A wu ni tiselanga tinyempfu ta ku yendla magandzelo ya ku hisiwa,
Kumbe u ni dzunisa hi magandzelo ya wena.
A ni ku sindzisanga swaku u ni nyika minchumu,
24 A wu ni xavelanga lihlanga la ku nun’hwela hi male ya wena,
Funtshi a wu ni xurhisanga hi mafurha ya swifuyu leswi a wu yendla magandzelo hi swona.+
Kambe u ni rhwexe swidjoho swa wena
U ni karhalisa hi swidjoho swa wena.+
25 Hi mina ni timaka swidjoho swa wena,+ hi mhaka ya vito la mina,+
Funtshi a ni nge he swi khumbuki swidjoho swa wena.+
26 Ni khumbukisi; a hi vulavule timhaka ta hina;
Tlhamusela mhaka ya wena hi ta vona swaku u tiyisile.
28 Hi mhaka ya leswo, ni ta chakisa varhangeli lava va tirhaka ka ndhawu ya ku kwetsima,
Ni ta helisa Yakobe,
Ni ta tshika Israyele a rhukiwa.+
44 “Yingisa, wena Yakobe mutirheli wa mina,
Na wena Israyele, lweyi ni nga mu langa.+
2 Yehovha Muyendli wa wena,
Ni Mutumbuluxi wa wena,+
Lweyi a nga ku pfuna ku sukela nkama u nga psaliwa, a hlaya leswi:
3 Hikusa ni ta chela mati ka lweyi a nga ni torha*+
Ni minambu leyi ngirimelaka ka misava ya ku woma.
Ni ta chululela moya wa mina wa ku kwetsima ka vana* va wena+
Ni nkateko wa mina ka vatukulu va wena.
4 Naswona va ta kula ingi hiloko va li xikarhi ka byanyi la vherdi,+
Ku fana ni minsinya ya maxopu* leyi nga ka minambu.
5 Mun’wani a ta ku: “Mina ni wa Yehovha.”+
Mun’wani a ta tivitana hi vito la Yakobe,
Kasi mun’wani a ta tsala ka voko la yena a ku: “Ni wa Yehovha.”
A ta tivitana hi vito la Israyele.’
‘Hi mina wa ku sungula ni wa wugamu.+
A ku na Xikwembu xin’wani handle ka mina.+
7 I mani a fanaka na mina?+
A a vulavule a humesa wufakazi phambheni ka mina!+
Ku sukela nkama ni nga yendla vanhu va khale swinene,
A va hlaye swilo leswi swa ha taka
Ni leswi nga ta yendleka ka nkama lowu taka.
Kasi a ni mi byelanga hinkwenu na swi nge se yendleka ni tlhela ni mi tivisa?
Mi timboni ta mina.+
Indjhe xi kona Xikwembu xin’wani handle ka mina?
Ihim, a ku na Ribye lin’wani;+ a ni tivi lin’wani.’”
9 Hinkwavu lava va yendlaka swifaniso swa ku vatliwa a va pfuni nchumu,
Swifaniso swa vona leswi va swi rhandzaka a swi nge va pfuni nchumu.+
Swona* i vafakazi va vona kambe a swi voni nchumu kumbe ku twa nchumu,+
Kutani lava va swi yendlaka va ta danisiwa.+
10 I mani lweyi a nga xiphunta a za a yendla xikwembu kumbe xifaniso xa nsimbi
Lexi kalaka xi nga pfuni nchumu ke?+
11 Phela vanghanu va yena hinkwavu va ta danisiwa!+
Lava va swi yendlaka ko va vanhu ntsena.
Hinkwavu a va hlengeletane kutani va nyima.
Va ta chava va tlhela va danisiwa xikan’we.
12 Lweyi a tirhaka hi nsimbi a hisa nsimbi ya yena ka makhala.
A yi lulamisela hi tihamela,
A tirha hi voko la yena la matimba.+
Se a twa ndlala, a gama a hela ntamu;
Wa karhala hi ku kala a nga nwi mati.
13 Muvatli a teka mhandzi a yi pima hi ngoti, a gama a yi tsala hi jiji ya ku pshuka.
A vatla mhandzi ya yena hi xikhwa kutani a yi pima hi xa ku pima.*
14 Ku ni lweyi a tirhaka ku tsema mikedari.
A langa nsinya, nsinya wa oku,
A wu tshika wu kula hintamu xikarhi ka minsinya ya le khwatini.+
A byala nsinya wa loru, kutani mpfula yi wu kulisa.
15 Se munhu a tirhisa mapulangu ya wona swaku a tshivela ndzilu.
A tirhisa wona swaku a tikufumeta;
A tshivela ndzilu a hamba pawu.
Kambe a tlhela a yendla xikwembu a gama a xi gandzela.
A tirhisa wona swaku a yendla xifaniso lexi nga vatliwa a xi khizamela.+
16 A tirhisa hafu ya nsinya swaku a tshivela ndzilu;
A woxa nyama hi hafu yoleyo, a dla a xurha.
A tlhela a worha a ku:
“Ahh! Se na kufumela, ndzilu lowu wu nandzika ndjhani!”
17 Kambe leyi nga sala a yi yendla xikwembu, xifaniso xa yena xa ku vatliwa.
Wa xi khizamela a xi gandzela.
A khongela ka xona a ku:
“Ni ponisi, hikusa u xikwembu xa mina.”+
18 Vona a va tivi nchumu, a va twisisi nchumu,+
Hikusa matihlo ya vona ma pfaliwile, a ma voni,
A va twisisi.
19 A nga kona lweyi a pimisaka kahle
Kumbe lweyi a nga ni wutivi kumbe ku twisisa, a ku:
“Phela ni tshivele ndzilu hi hafu ya wona,
Ni hambe pawu hi makhala ya wona ni tlhela ni woxa nyama ni dla.
Se ni nga yi tekisa ku yini hafu leyi nga sala ni yendla nchumu lexi xa ku nyenyentsa?+
Hi mhaka muni ni fanele ni gandzela xigodo xa nsinya ke?”
20 A dla nkuma.
Mbilu ya yena leyi kanganyisaka yi mu lahlekisile.
A nge swi koti ku ponisa wutomi la yena, kumbe a hlaya a ku:
“Indjhe lexi nga ka voko la mina la xinene a hi mavunhwa ke?”
21 “Khumbuka minchumu leyi, wena Yakobe na wena Israyele,
Hikusa wena u mutirheli wa mina.
Hi mina ni nga ku hamba funtshi u mutirheli wa mina.+
A ni nge ku khohlwi, wena Israyele.+
22 Ni ta funengeta minandzu ya wena ku fana ni loko yi funengetiwa hi rhefu,+
Ni swidjoho swa wena ku fana ni loko swi pfaliwa hi rhefu lalikulu.
Tlhelela ka mina hikusa ni ta ku ponisa.+
23 Banani minkulungwani n’wina matilo,
Hikusa Yehovha a yendle xanchumu!
Banani minkulungwani n’wina tindhawu ta le hansi hintamu ta misava!
Tsakani n’wina tintshava,+
Wena khwati ni minsinya hinkwayu ya wena!
Hikusa Yehovha a ponise Yakobe,
A kombisa ku phatima ka yena ka Israyele.”+
24 Yehovha Muponisi wa wena,+
Lweyi a nga ku tumbuluxa ku sukela nkama a wa ha li khwirhini a li:
“Hi mina Yehovha, lweyi a nga yendla minchumu hinkwayu.
I mani lweyi a a li na mina?
25 Ni yendla leswaku leswi swi hlayiwaka hi vaprofeta va mavunhwa swi nga tirhi,
Hi mina Lweyi a yendlaka swaku lava va vhumbataka va va swiphunta;+
Lweyi a dungaka tinhloko ta vanhu va ku tlhariha,
A tlhela a txintxa wutivi la vona li va wuphunta;+
26 Lweyi a yendlaka swaku leswi swi nga hlayiwa hi vatirheli va yena swi va ntiyiso,
A tlhela a yendla leswi swi nga hlayiwa hi lava a nga va rhuma;+
Lweyi a vulaka leswi hi Yerusalema: ‘Ku ta tshamiwa ka yena,’+
Ni hi madoropa ya Yuda a ku: ‘Ma ta pfuxiwa,+
Ni ta pfuxa tindhawu ta yena leti nga hohlokela,’+
27 Lweyi a byelaka mati ya ku yenta a ku: ‘Woma,
Funtshi ni ta womisa minambu ya wena hinkwayu,’+
28 Lweyi a vulaka leswi hi Korexe:+ ‘I murisi wa mina,
A ta yendla hinkwaswu leswi ni lavaka leswaku swi yendliwa,’+
Lweyi a hlayaka leswi hi doropa la Yerusalema: ‘Li ta pfuxiwa,’
A tlhela a hlaya leswi hi tempele a ku: ‘Masungulo* ya wena ma ta vekiwa.’”+
45 Yehovha a vula leswi ka Korexe lweyi a nga mu langa,+
Lweyi a nga khoma voko la yena la xinene+
Swaku a hlula matiko lawa a lwaka na wona,+
A tekela tihosi matlharhi ya tona,
A mu pfulela tinyanghwa,
Leswaku swipfalu swa doropa swi nga pfaliwi, a li:
Ni ta fayetela tinyanghwa ta kobre,
Ni ta tsemelela tinsimbi ta ku khiya hi tona.+
3 Ni ta ku nyika xuma lexi nga fihliwa amunyameni
Ni lexi nga ka tindhawu leti nga tumbela,+
Leswaku u ta swi tiva swaku hi mina Yehovha,
Xikwembu xa Israyele, lweyi a ku vitanaka hi vito la wena.+
4 Ni ku vitana hi vito,
Hi mhaka ya mutirheli wa mina Yakobe na Israyele lweyi ni nga mu langa.
Ni ku nyika vito leli hloniphekaka, hambileswi a wu nga ni tivi.
5 Hi mina Yehovha, a ku na mun’wani.
A ku na Xikwembu xin’wani handle ka mina.+
Ni ta ku tiyisa hambileswi a wu nga ni tivi,
6 Leswaku vanhu va ta swi tiva
Ku sukela awuxeni ku ya awupeladlambu
Leswaku a ku na Xikwembu xin’wani handle ka mina.+
Hi mina Yehovha, a ku na mun’wani.+
7 Ni yendla ku vonakala,+ ni tumbuluxa munyama,+
Ni yendla ku rhula,+ ni tumbuluxa khombo;+
Mina Yehovha ni yendla swilo leswi hinkwaswu.
8 N’wina matilo nisani mpfula;+
Marhefu a ma nise ku lulama.
Misava a yi pfuleke yi humesa ku ponisiwa,
A yi humese ku lulama hi nkama wa wun’we.+
Swilo leswi swi yendliwe hi mina Yehovha.”
9 Khombo ka lweyi a phikizanaka* ni Lweyi a nga mu tumbuluxa,
Hikusa o fana ni xikhemu xa mbita
Xikarhi ka swikhemu swin’wani leswi nga hangalaka hansi!
Indjhe vumba li nga vutisa Lweyi a li pfuvaka li ku: “U yendla yini?”+
Kumbe lexi u nga xi yendla xi nga ku: “A wu na mavoko”?
10 Khombo ka lweyi a byelaka papayi a ku: “U papayi wa yini?”
Ka wansati a ku: “U psala* yini?”
11 Yehovha Mukwetsimi wa Israyele,+ Lweyi a nga mu tumbuluxa a li:
“Indjhe mi nga ni thethisa hi leswi nga ta yendleka
Ni ku ni byela leswi ni faneleke ni swi yendla hi vana va mina+ ni minchumu leyi ni nga yi yendla?
12 Ni yendle misava+ ni tlhela ni hamba munhu henhla ka yona.+
13 “Ni lange munhu hi mhaka ya ku lulama ka mina,+
Ni ta yendla tindlela ta yena hinkwatu ti va tatinene.
Hi yena a nga ta yaka doropa la mina+
Ni ku chunsa vanhu va mina lava nga awukaraweni,+ na a nga lavi ku xaviwa kumbe ku hakeliwa”,+ ku vula Yehovha murhangeli wa tintsumi.
14 Yehovha a li:
“Leswi swi nga ganyiwa* hi Gibita ni minchumu leyi xavisiwaka ya Etiyopiya, ku patsa ni Vasebiya, ku nga vanhu va ku leha,
Swi ta va swa wena.
Va ta ku landzelela na va bohiwe hi machini.
Va ta ta va ta ku khizamela.+
Va ta khongela va ku: ‘Impela Xikwembu xi na wena,+
Funtshi a ku na mun’wani; a ku na Xikwembu xin’wani.’”
15 Phela u Xikwembu lexi xi titumbetaka,
Xikwembu xa Israyele, Muponisi.+
16 Hinkwavu va ta danisiwa, va tlhela va xixiwa;
Hinkwavu lava yendlaka swikwembu swa mavunhwa va ta danisiwa.+
17 Kambe Israyele a ta ponisiwa hi Yehovha hi masiku ni masiku.+
A mi nge danisiwi kumbe mi xixiwa hi masiku ni masiku.+
18 Hikusa Yehovha a vula leswi,
Muyendli wa matilo,+ Xikwembu xa ntiyiso,
Lweyi a nga yendla misava a nga Mutumbuluxi wa yona, lweyi a nga yi veka yi tiya,+
Lweyi a kalaka a nga yi tumbuluxanga mahala, kambe a yi yendle swaku ku tshamiwa ka yona,+ a li:
“Hi mina Yehovha, a ku na mun’wani.
19 A ni vulavulanga na ni tumbelile,+ na ni li ka tiko la munyama;
A ni va byelanga vana* va Yakobe ni ku:
‘Ni laveteleni kambe a swi nga ta mi pfuna hi nchumu.’
Hi mina Yehovha, lweyi a vulavulaka swa ku lulama, lweyi a vulavulaka swaswinene.+
20 Tlhanganani mi ta.
Tshinelani, n’wina mi nga baleka ka matiko man’wani.+
Lava rhwalaka swifaniso leswi nga vatliwa a va tivi nchumu,
Va khongela ka xikwembu lexi kalaka xi nga swi koti ku va ponisa.+
21 Vulavulani, yandlalani mhaka ya n’wina.
Rhangani hi ku twana.
I mani lweyi a nga vula leswi khale swinene
Lweyi a nga swi hlaya ka nkama lowu nga hundza?
Indjhe a hi mina, Yehovha?
A ku na Xikwembu xin’wani handle ka mina;
Xikwembu xa ku lulama ni Muponisi,+ a ku na xin’wani handle ka mina.+
22 Tanani ka mina swaku mi ponisiwa,+ n’wina vanhu hinkwavu va misava,
Hikusa hi mina Xikwembu, a ku na xin’wani.+
Vanhu hinkwavu va ta ni khizamela
Hinkwavu va ta funga swaku va ta tshembeka+
24 Va ku: ‘Phela Yehovha a lulamile funtshi a ni matimba.
Hinkwavu lava mu kwatelaka va ta ta ka yena na va danisiwile.
25 Vana* hinkwavu va Israyele va ta swi vona swaku ku tirhela Yehovha i swinene+
Va ta tikhuza hi yena.’”
46 Bel* a khizamile,+ Nebo a korhamile.
Swikwembu swa vona swi pakeliwe ka swifuyu leswi rhwalaka swidjumba,+
Ku fana ni swidjumba leswi tikaka swiharhi leswi nga karhala.
2 Swi khizamile swi tlhela swi korhama xikan’we;
A swi swi koti ku ponisa swidjumba* swa swona,
Na swona swi ya awukaraweni.
3 “Ni yingiseni, n’wina vandjangu wa Yakobe na n’wina hinkwenu lava nga sala vandjangu wa Israyele,+
N’wina ni nga mi wundla na ma ha ku psaliwa ni tlhela ni mi tlakula na ma ha li khwirhini.+
4 Hambiloko mi gugile, a ni nge txintxi;+
Ni ta mi tlakula anze misisi ya n’wina yi va ya ku basa.
Ni ta tama ni mi tlakula ni tlhela ni mi ponisa.+
6 Ku ni lava tlangaka hi woru va li humesa ka swipachi swa vona;
Va peza prata hi xa ku peza hi xona.
Va thola lweyi a tirhaka hi nsimbi, swaku a va yendlela xikwembu.+
Va gama va khizama phambheni ka xona va xi gandzela.+
7 Va xi pakatsa;+
Va ya xi veka ka ndhawu ya xona, xi nyima xi ku whii!
A xi suki lani xi nga vekiwa kona.+
Va xi huwelela, kambe a xi hlamuli;
A xi swi koti ku ponisa munhu ka mahlomulu.+
8 Khumbukani mhaka leyi, mi tiya nhlana.
Swi khumbukeni, n’wina lava delelaka nawu.
9 Khumbukani swilo swa khale* hintamu,
Leswaku hi mina Xikwembu, a ku na xin’wani.
Hi mina Xikwembu, a ku na xin’wani lexi fanaka na mina.+
10 Ku sukela ku sunguleni ni vula leswi nga ta humelela na swi nge se humelela,
Ni leswi kalaka swi nge se yendleka ni swi hlaye khale.+
11 Ni vitana gama* ka tlhelo la wuxeni,+
Lweyi a taka hi ka tiko la le kule, swaku a yendla leswi ni swi lavaka.+
Ni swi vulile, ni ta swi yendla.
Ni tinyimiselile, ni ta swi hetisisa.+
12 Ni yingiseni, n’wina va timbilu ta ku tiyela,*
N’wina lava kalala va nga ku tivi ku lulama.
Ni ta ponisa Siyoni naswona Israyele a ta vona ku phatima ka mina.”+
Tshama ahansi lani ku kalaka ku nga na xitshamu xa wuhosi,+
Wena ntombhi ya Vakalidiya,
Hikusa vanhu a va nge he tshuki va hlaya swaku u hosi ya xisati.
2 Teka ribye u sila mpupu.
Gwavula nguvu ya wena.
U hlivila saya la wena, funungula ni minenge.
Tlulela minambu.
3 Va ta ku vona na u nga yambalanga nchumu.
U ta danisiwa.
Ni ta hakelisa+ naswona a ku na munhu lweyi a nga ta ni tsimbisa.
5 Tshama kolanu u miyela, u nghena ka munyama,
Wena ntombhi ya Vakalidiya;+
Vanhu a va nge he tshuki va hlaya swaku u Hosi ya Xisati ya Mimfumu.+
6 Ni kwatele vanhu va mina.+
Kambe a wu zanga u va komba timpsalu.+
U xanise ni vanhu va ku guga.+
7 Wena u te: “Ni ta va Hosi ya Xisati hi masiku ni masiku.”+
A wu pimisanga hi leswi a wu swi yendla;
A wu pimisanga kahle hi magamu ya mhaka leyi.
8 Yingisa, wena wansati lweyi a rhandzaka ku tsaka,+
Lweyi a tshamaka ka ndhawu ya ku hlayiseka, lweyi a tibyelaka a ku:
“Mina hi mina, a ku na mun’wani.+
A ni nge feliwi hi nuna.
A ni nge tshuki ni feliwile hi vana.”+
9 Kambe minchumu leyimbirhi yi ta ku yendlekela hi ku hantlisa, hi siku lin’we:+
U ta feliwa hi vana u tlhela u feliwa hi nuna.
Swilo leswi swi ta ku yendlekela+
Hi mhaka ya leswi u tshembaka wunyanga ni wuloyi la wena lalikulu.+
10 A wu tshemba swa ku biha leswi a wu swi yendla.
U te: “A ni voniwi hi munhu.”
Wutlharhi ni wutivi la wena hi swona leswi nga ku djikisa,
U tibyele u ku: “Mina hi mina, a ku na mun’wani.”
11 Kambe u ta kumiwa hi khombo,
A wu nge swi koti ku li pfalela hi wuloyi la wena.
U ta va ni swikarhatu; a wu nge swi baleki.
U ta humeleliwa hi minchumu ya ku chavisa hi xihantla leyi u kalaka u nge se tshama u yi vona.+
12 Se tama u yendla wuloyi la wena ni wunyanga la wena la linyingi,+
Leswi u nga swi tirhela hi matimba ku sukela na wa ha li jovhem.
Kumbexana swi ta ku pfuna;
Kumbexana u ta yendla swaku vanhu va chava.
13 U hele ntamu hi mhaka ya vatsundzuxi va wena va vanyingi.
A va humelele va ku ponisa,
Lava gandzelaka swilo leswi nga matilweni,* lava txuvukaka tinyeleti,+
Lava nga ni wutivi hi ku huma ka n’weti
Ni hi minchumu leyi nga ta ku yendlekela.
14 Phela va fana ni byanyi la ku woma.
Va ta hisiwa hi ndzilu.
A va nge poni ka matimba ya ndzilu.
Lawa a hi makhala ya ku tikufumeta hi wona,
Naswona a hi ndzilu lowu nga worhiwaka.
15 Ku ta yendleka leswo ka tinyanga ta wena,
Leti u nga tirha na tona hi matimba ku sukela na wa ha li jovhem.
Va ta kayakaya, mun’wani ni mun’wani a ta ya ka ndhawu ya yena.
A nga kona lweyi a nga ta ku ponisa.+
48 Yingisani n’wina vandjangu wa Yakobe,
N’wina mi tivitanaka hi vito la Israyele,+
N’wina vatukulu lava taka* hi ka Yuda,
N’wina lava fungaka hi vito la Yehovha,+
Lava khongelaka ka Xikwembu xa Israyele,
Hambileswi ku kalaka ku nga li hi ntiyiso ni ku lulama.+
2 Hikusa va vula leswaku va ta hi ka doropa la ku kwetsima,+
Naswona va lava ku pfuniwa hi Xikwembu xa Israyele,+
Lexi vito la xona ku nga Yehovha murhangeli wa tintsumi.
3 “I khale na ni mi byelile swilo swa ku sungula.
Swi huma ka nomo wa mina,
Ni yendle swaku swi tiviwa.+
Ni yendle nchumu kola na kola, se swi yendleka.+
4 Hikusa na swi tiva swaku wena u tiyele nhloko hintamu,
Nsiha wa nkolo wa wena wu fana ni nsimbi funtshi ximombo xa wena i kobre,+
5 Ni ku byele khale hintamu.
Na swi nge se yendleka, ni yendle leswaku u swi tiva,
Leswaku u nga tikhuzi u ku: ‘Swi yendliwe hi xikwembu xa mina;
Swi ta hi ka xifaniso xa mina lexi nga vatliwa ni xifaniso xa mina xa nsimbi.’
6 U swi twile u tlhela u vona swilo leswi hinkwaswu.
A wu nge swi huweleli ke?+
Ni ta ku byela swilo swa nyuwani ku sukela swoswi,+
Xihundla lexi u kalaka u nga xi tivi.
7 Swilo leswi swa ha ku yendliwa, a hi khale na swi li kona,
Swilo leswi a wu nge se tshama u swi twa,
Lakakuva a wu nge hlayi u ku: ‘Se a ni swi tiva.’
8 A wu zanga u swi twile,+ a wu nga swi tivi,
Tindleve ta wena a ti nge se pfuleka hi nkama wolowo.
9 Kambe ni ta tikhoma ni nga kwati hi mhaka ya vito la mina;+
Ni ta lehisa mbilu leswaku ni ta dzunisiwa,
A ni nga ta ku helisa.+
10 Phela ni ku basisile, kambe ku nga li ku fana ni prata.+
Ni ku tshike u xaniseka leswaku u ta basa, ku fana ni nsimbi leyi dereterisiwaka ka ndzilu.+
11 Phela ni ta yendla leswo hi mhaka ya vito la mina,+
Indjhe ni nga pfumelisa ku yini ku rhuketeliwa?+
Ku phatima ka mina a ni ku nyiki mun’wani.*
12 Ni yingise, wena Yakobe na wena Israyele, lweyi ni nga mu vitana.
A ni txintxanga.+ Hi mina wa ku sungula funtshi ni wa wugamu.+
13 Masungulo* ya misava ma vekiwe hi voko la mina,+
Matilo ni ma yandlale hi voko la mina la xinene.+
Loko ni ma vitana, ma sekeleka ma nyima.
14 Tlhanganani, hinkwenu mi yingisa.
I mani xikarhi ka vona lweyi a nga hlaya minchumu leyi?
Yehovha a mu rhandzile.+
15 Mina ni vulavulile, ni tlhela ni mu vitana.+
Ni mu landzile naswona leswi a nga ta swi yendla swi ta famba kahle.+
16 Tshinelani ka mina, mi twa leswi.
Ku sukela ku sunguleni a ni vulavulanga xihundleni.+
A ni li kona ku sukela loko swi yendleka.”
Swoswi Yehovha Hosi Leyikulu a ni rhumile ni moya wa yena wa ku kwetsima.
17 Yehovha, Muponisi* wa wena, Mukwetsimi wa Israyele+ a li:
“Mina Yehovha, ni Xikwembu xa wena,
Lweyi a ku djondziselaka ku ku pfuna,+
Lweyi a ku kongomisaka ka ndlela leyi u faneleke u famba hi yona.+
18 Loko wo yingisa minawu ya mina!+
19 Vana* va wena va ta va vanyingi ku fana ni misava,
Vatukulu va wena va ta fana ni swiribyani swa misava.+
Vito la vona li ta va kona hi masiku ni masiku.”
20 Humani aBabilona!+
Balekani Vakalidiya.
Va byeleni hi ku ba minkulungwani! Swi tiviseni!+
Byelani vanhu amisaveni hinkwayu.+
Vulani mi ku: “Yehovha a ponise Yakobe mutirheli wa yena.+
21 A va twanga torha nkama a nga famba na vona amananga.+
A va humesele mati ka ribye;
A pandza ribye se mati ma huma hi matimba.”+
22 Yehovha a li: “Vanhu va ku biha a va na ku rhula.”+
Yehovha a ni vitanile na ni nge se psaliwa.*+
A hlaye vito la mina na na ha li khwirhini la mamani.
2 A yendle nomo wa mina wu fana ni xipada xa ku lotiwa kahle;
A ni fihlile ka ndzhuti wa voko la yena.+
A ni yendle ni fana ni mpaxwa* lowu nga lotiwa;
A ni tumbetile lomu a vekaka kona mimpaxwa ya yena.
4 Kambe mina ni te: “Ni tirhe mahala.
Ni balhe mahala.
Kambe ni ta yavanyisiwa hi Yehovha,
Xikwembu xa mina xi ta ni hakela.”+
5 Yehovha Lweyi a nga ni tumbuluxa na na ha li khwirhini swaku ni va mutirheli wa yena,
A ni rhumile swaku ni landza Yakobe,
Leswaku Israyele a ta tlhelela ka yena.+
Ni ta dzunisiwa phambheni ka Yehovha,
Xikwembu xa mina xi ta va ntamu wa mina.
6 A tlhele a ku: “A wo va mutirheli wa mina ntsena
Wena u ta pfuxa tinxaka ta Yakobe
U vuyisa lava nga pona va Israyele.
7 Yehovha Muponisi wa Israyele, Mukwetsimi wa yena,+ a hlaya leswi ka lweyi a a nga nyikiwi lisima,+ lweyi a nyenyiwaka hi tiko, lweyi a tirhelaka tihosi, a li:
“Tihosi ti ta sekeleka hi mhaka ya leswi ti swi vonaka,
Tihosi ti ta khizama
Hi mhaka ya Yehovha lweyi a tshembekaka,+
Mukwetsimi wa Israyele, lweyi a nga ku langa.”+
8 Yehovha a li:
“Ni ku hlamulile hi nkama wa kona wawunene,+
Ni ku pfunile hi siku la ku ponisiwa;+
Ni ku hlayisile swaku ni ta ku yendla ntwananu wa vanhu,+
Leswaku tiko li ta pfuxetiwa,
Swaku va tlhela va kuma tshomba la vona leli nga wonhiwa,+
9 Leswaku u ta byela lava nga djele u ku: ‘Humani!’+
Ka lava va nga ka munyama,+ u ta ku: ‘Humelelani!’
Va ta kuma swakudla atindleleni,
Tindhawu ta vona ta ku lusela ka tona ti ta va ka tindlela hinkwatu ta ku pfuleka.
11 Ni ta yendla swaku tintshava ta mina hinkwatu ti va ndlela,
Switaratu swa mina swi ta tlakusiwa.+
12 Vonani! Lava va ta hi kule,+
Vonani, lava va ta hi norte* ni le wupeladlambu,
Kasi van’wani va ta hi ka tiko la Sinimi.”+
13 Banani minkulungwani n’wina matilo, tsaka na wena misava.+
Tintshava na tona a ti tsake ti ba nkulungwani.+
14 Kambe Siyoni a tame a ku:
“Yehovha a ni tshikile,+ Yehovha a ni khohlwile.”+
15 Indjhe wansati a nga mu khohlwa n’wana wa yena lweyi a mu yan’wisaka
Kumbe a nga mu tweli wusiwana n’wana lweyi a nga mu psala ke?
Hambiloko vavasati lava vo khohlwa, mina a ni nge tshuki ni ku khohlwile.+
16 Phela ni tsale vito la wena ka mavoko ya mina.
Ni tshama na ni txuvuke makhumbi ya wena.
17 Vana va wena va vuya hi ku kahlula.
Lava va nga ku diliza va tlhela va ku helisa va ta suka ka wena.
18 Txuvuka matlhelo hinkwawu.
Va tlhangana.+
Va ta ka wena.
Yehovha a li: “Na funga,
Wena u ta va yambala hinkwavu ku fana ni loko u yambala swiphatiphati,
U ta va yambala ku fana ni leswi swi yendliwaka hi wansati lweyi a lavaka ku chada.*
19 Hambileswi ndhawu ya wena a yi wonhekile yi tlhela yi nga na vanhu funtshi tiko la wena a li hohlokile,+
Swoswi li ta tala hi vanhu anze va manyana,+
20 Vana lava nga psaliwa hi nkama lowu a wu feliwile va ta hlaya leswi ka wena:
‘Ndhawu leyi i yitsongo.
Ni nyike ndhawu yin’wani swaku ni tshama ka yona.’+
21 Se wena u ta vulavula hi le mbilwini u ku:
‘I mani papayi wa vana lava,
Leswi ni nga wansati lweyi a kalaka a nga na vana, ni kalaka ni nga psali,
Naswona ni nga yisiwa awukaraweni ni ya pfaleliwa ke?
Vana lava va kulisiwile hi mani?+
22 Yehovha Hosi Leyikulu a li:
“Phela ni ta tlakusa voko la mina ahenhla swaku matiko ma li vona,
Ni ta veka marka swaku vanhu va wu vona.+
Va ta tlakula vana va wena va va tisa
Va ta pakatsa vana va wena va tintombhi.+
23 Wena u ta hlayisiwa hi tihosi,+
U ta hlayisiwa hi vana va tona.
Va ta ku khizamela na va txuvuke hansi,+
Va ta nampsela wuthulu ka minenge ya wena,+
Kutani u ta swi tiva swaku hi mina Yehovha;
Lava ni tshembaka a va nge danisiwi.”+
24 Indjhe u nga mu tekela musonchwa wa matimba vanhu lava a nga va teka hi nkanu,
Kumbe swikarawa swa munhu lweyi a fumaka hi voko la nsimbi swi nga chunsiwa ke?
25 Kambe Yehovha a li:
“Hambi vanhu lava va nga tekiwa hi nkanu hi musonchwa wa matimba va ta tekiwa,+
Ni swikarawa swa lweyi a fumaka hi voko la nsimbi swi ta chunsiwa.+
Ni ta lwa ni lava lwaka na wena,+
Ni ta ponisa vana va wena.
26 Ni ta yendla leswaku lava va ku hluphaka va dla nyama ya vona,
Va ta dakwa hi ngati ya vona ingaku hi loko va yo nwa vhinyu ya ku tsokotsa.
Vanhu hinkwavu va ta swi tiva swaku hi mina Yehovha,+
Muponisi+ ni Lweyi A Ku Chunsaka,+
Xikwembu xa Matimba xa Yakobe.”+
50 Yehovha a li:
“Li kwini papela la ku tima muchadu*+ la mamani wa n’wina, lweyi ni nga mu hlongola ke?
Kumbe ni yo mi xavisa ka lava ni va devhaka ke?
Yingisani! Mi xavisiwile hi mhaka ya swihoxo swa n’wina,+
Mamani wa n’wina a hlongoliwile hi mhaka ya swidjoho swa n’wina.+
2 Hi mhaka muni ni nga kumanga munhu nkama ni nga fika?
Hi mhaka muni ku nga hlamulanga munhu nkama ni nga vitana?+
Indjhe voko la mina li yo goma hintamu lakakuva a li nge swi koti ku mi ponisa,+
Kumbexana no kala ni nga li na wona matimba ya ku mi ponisa ke?
Tihlampfi ta yona ta bola hi mhaka ya leswi ku kalaka ku nga na mati,
Ta fa hi torha.
3 Ni funengeta matilo hi munyama,+
Ni ma yambexa mpahla ya masaka.”
4 Yehovha Hosi Leyikulu a ni nyike lirimi la lava va nga djondzisiwa+
Leswaku ni ta tiva ndlela ya ku hlamula* lweyi a nga karhala hi rito leli tiyisaka,*+
Mixo wun’wani ni wun’wani wa ni pfuxa;
A pfula ndleve ya mina swaku ni yingisa ku fana ni lava va nga djondzisiwa.+
5 Yehovha Hosi Leyikulu a pfule ndleve ya mina,
A ni delelanga.+
Funtshi a ni mu balekanga.+
6 Ni nyikele nhlana wa mina ka lava va ni baka
Ni marhama ya mina ka lava va nga ni tsuvula malepfu.
A ni tumbetanga nghohe* ya mina ka minchumu leyi danisaka ni ka ku pshiteliwa hi marhi.+
7 Kambe Yehovha Hosi Leyikulu a ta ni pfuna.+
Hi mhaka leyo a ni nga ta danisiwa.
Funtshi ni titiyisile ku fana ni ribye,+
Naswona na swi tiva swaku a ni nge danisiwi.
8 Lweyi a hlayaka swaku ni lulamile a kusuhi.
Se i mani lweyi a nga ni lumbetaka* ke?+
A a te hi ta tlhangana.
I mani lweyi a nga ni timhaka na mina ke?
A a te ka mina.
9 Phela Yehovha Hosi Leyikulu a ta ni pfuna.
Se i mani lweyi a nga ta ni nyika nandzu ke?
Phela hinkwavu va ta hlakala ku fana ni mpahla.
Va ta dliwa hi swipungwani.
10 I mani ka n’wina lweyi a chavaka Yehovha
Lweyi a yingisaka rito la mutirheli wa yena ke?+
I mani lweyi a nga famba ka munyama wawukulu, lomu ku kalaka ku nga na ku vonakala ke?
A a tshembe vito la Yehovha a tlhela a tshemba Xikwembu xa yena.
11 “N’wina hinkwenu lava tlhavikaka ndzilu,
Mi tlhela mi wu pfurhetela,
Fambani ku vonakaleni ka ndzilu wa n’wina,
Xikarhi ka ndzilu lowu pfurhaka.
Ni ta mi khatisisa swoleswo:
Mi ta puluvundza hansi hi mhaka ya ku twa ku vava.
51 “Ni yingiseni, n’wina lava va rhandzaka ku lulama,
N’wina lava va lavetelaka Yehovha.
Txuvukani ribye leli mi nga tsemiwa ka lona,
Ni xikhele lexi mi nga txeliwa ka xona.
Hikusa Abrahamu a a li yexe nkama ni nga mu vitana,+
Se ni mu katekisile a va ni vatukulu va vanyingi.+
3 Hikusa Yehovha a ta tiyisa Siyoni.+
A ta tiyisa ndhawu ya yena hinkwayu leyi nga hohloka,+
A ta txintxa mananga ya yena ma fana ni Edeni+
Ma ta fana ni jardim la Yehovha.+
Ku ta tsakiwa hintamu,
Ku va ni ku khensa ni tinsimu ta ku tsakisa.+
4 Ni yingiseni, n’wina vanhu va mina,
Ni yingisi, wena tiko la mina.+
5 Ku lulama ka mina ku le kusuhi.+
6 Txuvukani amatilweni,
Mi txuvuka lani misaveni.
Hikusa matilo ma ta hangalaka ku fana ni ximusi;
Misava yi ta hlakala ku fana ni mpahla,
Lava va tshamaka ka yona va ta fa ku fana ni tinsuna.
Kambe ku ponisa ka mina ku ta tshama hi masiku ni masiku,+
Ku lulama ka mina ku ta tshama hi masiku ni masiku.+
7 Ni yingiseni n’wina lava tivaka ku lulama,
Vanhu lava nga ni nawu wa mina ka timbilu ta vona.+
Mi nga chavi loko vanhu va mi hlupha,
Mi nga chavisiwi hi nhlambha ya vona.
8 Hikusa xipungwani xi ta va dla ku fana ni mpahla;
Xipungwani lexi dlaka mpahla xi ta va dla ku fana ni mavoya.+
Kambe ku lulama ka mina ku ta va kona hi masiku
Ni ta ponisa vatukulu hinkwavu.”+
9 Khindlimuka! Khindlimuka! Yambala matimba,
Wena voko la Yehovha!+
Khindlimuka ku fana ni khale, ku fana ni ka minkama ya vanhu va khale.
10 Kasi a hi wena lweyi a nga womisa lwandle, mati yamakulu ya ku yenta ke?+
Lweyi a nga yendla swaku mati ya ku yenta ya lwandle ma va ndlela ya ku tlulela ya lava nga ponisiwa ke?+
11 Lava va nga ponisiwa hi Yehovha va ta vuya.+
Va ta tsaka hintamu,
A va nga ta va ni mahlomulu ni ku hela ntamu.+
12 “Hi mina Lweyi a mi tiyisaka.+
Hi mhaka muni mi fanele mi chava munhu lweyi a nga ta fa+
Ni n’wana wa munhu lweyi a nga ta woma ku fana ni byanyi la vherdi ke?
13 Hi mhaka muni mi khohlwa Yehovha Mutumbuluxi wa n’wina,+
Lweyi a nga yandlala matilo+ ni ku veka masungulo ya misava ke?
Siku hinkwalu a mi chava ku kwata ka muxanisi wa n’wina
Ingi hi loko a ni matimba ya ku mi helisa.
Se swoswi ku kwini ku kwata ka lweyi a a mi hlupha?
14 Lweyi a nga bohiwa hi machini a ta chunsiwa swoswinyana;+
A nga ta fa a tlhela a lahliwa
Funtshi a nge fi hi ndlala.
15 Kambe hi mina Yehovha Xikwembu xa wena,
Lweyi a dungaka lwandle ni ku yendla swaku magandlati ya lona ma vanga guwa+
Vito la yena i Yehovha murhangeli wa tintsumi.+
16 Ni ta yendla swaku u vulavula marito ya mina,
Ni ta ku funengeta hi ndzhuti wa voko la mina,+
Leswaku ni veka matilo ni masungulo ya misava,+
Ni ta tlhela ni byela Siyoni ni ku: ‘Mi vanhu va mina.’+
17 Khindlimuka! Khindlimuka! Pfuka, wena Yerusalema,+
Wena lweyi a nga nwa ka voko la Yehovha, ka kopo ya ku kwata ka yena.
U nwe leswi nga ka kopo;
U nwe leswi yendlaka munhu a dederekela.+
18 A nga kona ni mun’we ka vana lava a nga va psala lweyi a mu pfunaka,
A nga kona ni mun’we ka vana lava a nga va wundla lweyi a mu khomaka hi voko.
19 U humeleliwe hi minchumu leyi ya yimbirhi.
I mani lweyi a nga ta rila na wena?
Ku helisiwa ni mindzingo, ndlala ni xipada!+
U ta tiyisiwa hi mani ke?+
20 Vana va wena va titivalile.+
Va yetlele ka magamu ya switaratu
Ku fana ni nyempfu ya nhova leyi nga phasiwa hi redi.
Va hetiwe ntamu hi ku kwata ka Yehovha, ku laya ka Xikwembu xa wena.”
21 Se yingisa leswi,
Wena wansati lweyi a nga khatisiwa funtshi a nga dakwa hambileswi a kalaka a nga nwanga vhinyu.
22 Hosi Yehovha, Xikwembu xa wena, lweyi a nyimelelaka vanhu va yena a li:
“Yingisa! Ni ta ku tekela kopo leyi yi ku dederekisaka,+
Kopo, ina, kopo ya ku kwata ka mina;
A wu nge he nwi hi yona.+
23 Ni ta yi nyika lava va ku xanisaka,+
Lava nga ku byela va ku: ‘Khizama hi ta famba hi le henhla ka wena!’
Se u yetlele hi khwirhi,*
U tiyendle xitaratu swaku va ta famba ka xona.”
52 Khindlimuka! Khindlimuka! U va ni matimba,+ wena Siyoni!+
Yambala mpahla ya wena ya ku saseka,+ wena Yerusalema, doropa la ku kwetsima!
Hikusa lweyi a kalaka a nga tsemanga nsuvu* ni lweyi a kalaka a nga basanga a va nge tshuki va nghena ka wena.+
2 Tiphumune wuthulu, u tshama ka xitshamu, wena Yerusalema.
Susa machini ka nhamu ya wena, wena ntombhi ya Siyoni leyi nga xikarawa.+
3 Hikusa Yehovha a li:
4 Hikusa Yehovha Hosi Leyikulu a li:
“Vanhu va mina va sungule ku ya Gibita va ya tshama kona;+
Vaasiriya va gama va va xanisa na ku nga na xivangelo.”
5 “Se ni fanele ni yendla yini lani ke?” ku vula Yehovha.
“Hikusa vanhu va mina va tekiwile mahala.
Lava va va fumaka va tshamela ku tikhuza,”+ ku vula Yehovha,
“Vito la mina li tshamela ku deleliwa siku hinkwalu.+
6 Hi mhaka ya leswo, vanhu va mina va ta tiva vito la mina;+
Hi mhaka ya leswo va ta swi tiva hi siku lolelo swaku hi mina Lweyi a vulavulaka.
Vonani, phela hi mina!”
7 Yi saseke ndjhani ahenhla ka tintshava, minenge ya lweyi a tisaka mahungu ya ku tsakisa,+
Lweyi a huwelelaka ku rhula,+
Lweyi a tisaka mahungu ya ku tsakisa ya minchumu ya ku yampsa,
Lweyi a twalisaka ku ponisiwa,
Lweyi a byelaka Siyoni a ku: “Xikwembu xa wena i Hosi!”+
8 Yingisa! Vagwardu va wena va huwelela.
Va ba minkulungwani,
Hikusa va ta swi vona hi voxe nkama Yehovha a nga ta hlengeleta lava a va li Siyoni.
9 Tsakani, banani minkulungwani n’wina tindhawu leti nga wonhekela ta Yerusalema,+
Hikusa Yehovha a tiyise vanhu va yena;+ a ponise Yerusalema.+
10 Yehovha a kombe matiko hinkwawu voko la yena la ku kwetsima;+
Misava hinkwayu yi ta vona leswi Xikwembu xa hina xi ponisisaka xiswona.+
11 Sukani, sukani, humani ka yena,+ mi nga khumbi nchumu lexi kalaka xi nga basanga!+
12 Hikusa a mi nge humi na mi chava,
Funtshi a mi nge boheki ku tsutsuma,
Hikusa Yehovha a ta mi rhangela,+
Xikwembu xa Israyele xi ta va ndzhaku ka n’wina xi mi vonelela.+
13 Phela mutirheli wa mina+ a ta yendla swilo hi wutlharhi.
A ta nyikiwa xitshamu xa le henhla,
A ta hloniphiwa swinene.+
14 Ku fana ni leswi vanhu va vanyingi va nga mu txuvuka na va hlamala
Hi mhaka ya leswi a a nga ha fani ni munhu
Matshamelo ya yena a ma nga ha fani ni ya vanhu
15 A ta hlamalisa matiko ya manyingi.+
Tihosi ti ta miyela ti ku whii, loko ti mu vona+
Hikusa ti ta vona leswi ti kalaka ti nge se tshama ti byeliwa swona,
Ti ta pimisa kahle hi leswi ti kalaka ti nge se tshama ti swi twa.+
53 I mani lweyi a nga va ni lipfumelo ka swilo leswi a nga swi twa ka hina?*+
I mani lweyi a tivaka matimba* ya Yehovha ke?+
2 A ta humelela ku fana ni xigadjani+ phambheni ka vanhu,* ku fana ni limintsu leli humaka amananga.
A nga ta tikomba na a hlonipheka, kumbe ku phatima;+
Loko hi mu vona, a hi swi naveli ku tshinela kusuhi na yena.
3 A a nga nyikiwi lisima funtshi vanhu a va fambela kule na yena,+
A twe ku vava naswona a a ma tiva kahle mavabyi.
A swi fana ni loko hi tumbeteliwe nghohe* ya yena.
A a tekeliwa hansi funtshi a hi mu vona na a nga pfuni nchumu.+
Kambe a hi mu vona na a fana ni munhu lweyi a nga khatisiwa a tlhela a biwa hi Xikwembu.
6 Hinkwerhu a hi lahlekile ku fana ni tinyempfu,+
Mun’wani ni mun’wani a a famba hi ndlela ya yena,
Yehovha a mu rhwexe swidjoho swa hina hinkwaswu.+
A a fana ni nyempfu leyi yisiwaka ku dlayiweni,+
Leyi kalaka yi nga rili loko yi tsemetiwa mavoya,
Naswona a nga pfulanga nomo.+
8 A hluphiwile, a yavanyisiwa a tlhela a dlayiwa;
Se i mani lweyi a nga ta tikarhata swaku a byela van’wani hi ta wutomi la yena?
9 A lahliwile ni lava a va yendla swa ku biha+
A lahliwe ni vanhu va ku ganya nkama a nga fa,+
Hambileswi a a nga djohanga
Funtshi a a nga kanganyisanga munhu.+
10 Kambe a ku li ku rhandza ka Yehovha swaku a xaniseka funtshi a mu tshike a vabya.
Loko wena Xikwembu wo nyikela wutomi la yena swaku li va gandzelo la nandzu,+
A ta vona vana* va yena, funtshi a ta hanya nkama wa ku leha,+
Ku rhandza ka Yehovha ku ta yendleka hi mhaka ya yena.+
11 Hi mhaka ya leswi a nga xaniseka, a ta vona leswi a nga swi yendla a gama a tsaka.
Hi mhaka ya wutivi la yena, mutirheli wa mina wa ku lulama,+
A ta pfuna vanhu va vanyingi swaku va va vanhu va ku lulama,+
A ta va rhwalela swidjoho swa vona.+
12 Hi mhaka ya leswo, ni ta mu nyika xitshamu xikarhi ka vanhu va vanyingi,
A ta phakelana ni masonchwa ya matimba leswi swi nga teketeliwa ka valala va vona,
Hi mhaka ya leswi a nga nyikela hi wutomi la yena,+
Ni leswi a nga kontiwa xikarhi ka vadjohi;+
A rhwale swidjoho swa vanhu va vanyingi,+
Naswona a lamulele vadjohi.+
54 “Bana nkulungwani wena wansati wa ku kala a nga psali, lweyi a kalaka a nga na vana!+
Huwelela hi ku tsaka,+ wena lweyi a kalaka a nge se tshama a lun’wa,+
Hikusa vana va lweyi a nga tshikiwa i vanyingi hintamu
Ku tlula vana va wansati lweyi a nga ni nuna,”+ ku vula Yehovha.
2 “Yengetela tende la wena.+
Yengetela tipanu ta tende la tabernakela la wena lalikulu.
U nga feleli, lehisa magoda ya tende la wena,
Gongondzela swimhandzani leswi nga khoma tende la wena swi tiya.+
3 Hikusa wena u ta hangalaka u ya ka tlhelo la xinene ni la ximatsi.
Vana va wena va ta fuma matiko,
Va ta tshama ka madoropa ya ku kala ku nga tshami munhu.+
U ta khohlwa leswi va nga ku danisisa swona nkama na wa ha li jovhem,
A wu nge he swi khumbuki swaku va tshama va ku hleka hi mhaka ya leswi a wu feliwe hi nuna.”
5 “Hikusa Mutumbuluxi wa wena Wamukulu+ a fana ni nuna ka wena,+
Vito la yena i Yehovha murhangeli wa tintsumi,
Muponisi wa wena i Mukwetsimi wa Israyele.+
A ta vitaniwa Xikwembu xa misava hinkwayu.+
6 Hikusa Yehovha a ku vitanile ku fana ni wansati lweyi a nga tshikiwa, lweyi a nga hela ntamu,+
Ku fana ni wansati lweyi a nga chadiwa na a ha li ntombhi a gama a tshikiwa,” ku vula Xikwembu xa wena.
7 “Ni ku tshikile swa nkamanyana,
Kambe ni ta ku twela wusiwana, ni ku landza.+
8 Ni ku fihlele nghohe* ya mina swa nkamanyana hi mhaka ya leswi a ni kwatile hintamu,+
Kambe ni ta ku twela wusiwana+ hi mhaka ya lirhandzu la mina leli kalaka li nga heli,” ku vula Yehovha Muponisi wa wena.+
9 “Leswi swi fana ni nkama wa Nowa ka mina.+
Ku fana ni leswi ni nga funga swaku mati a ma nge he tlheli ma mbhonya misava,+
Hi ku fana ni fungile swaku a ni nge he ku kwateli kumbe ku ku khatisa.+
10 Hikusa tintshava ti nga ha susiwa
Maganga ma nga ha tsekatsekisiwa,
Kambe mina a ni nge tshiki ku ku rhandza,+
Ntwananu wa mina wa ku rhula a wu nge tsekatsekisiwi,”+ ku vula Yehovha, Lweyi a mi twelaka wusiwana.+
11 “Wena wansati lweyi a hluphekaka,+ lweyi a biwaka hi moya, lweyi a kalaka a nga tiyisiwi,+
Ni ku yaka hi maribye ni semendhe,
12 Ni ta yaka maprediyu* ya wena hi maribye ya rubi,
Tinyanghwa ta wena hi maribye ya ku phatima,
Ni hinkwaku lomu ndhawu ya wena yi gamaka kona ni ta veka maribye ya lisima.
14 Wena u ta vekiwa u tiya hi ku lulama.+
A wu nga ta hluphiwa,+
A wu nga ta chava nchumu naswona a ku na lexi xi nga ta ku chavisa,
Hikusa a xi nge tshineli ka wena.+
15 Loko munhu a tshuka a ku dumela,
A ta va na a nga rhumiwanga hi mina.
Lweyi a nga ta zama ku ku dumela, u ta mu hlula.”+
16 “Phela ni yendle munhu,
Lweyi a pfurhetelaka makhala,
Se a hamba tlharhi hi wutivi la yena.
Ni tlhele ni yendla munhu lweyi a nga ta wonhetela.+
17 A ku na tlharhi leli nga ta ku hlasela leli nga ta ku hlula,+
U ta hlula hinkwavu lava nga ta ku lumbeta atribunali.
Leli i tshomba la lava tirhelaka mina Yehovha,
Funtshi va lulamile ka mina,” ku vula Yehovha.+
55 Tanani n’wina hinkwenu mi nga ni torha,+ tanani ka mati!+
N’wina mi kalaka mi nga na male, tanani, mi ta xava mi dla!
Tanani, xavani vhinyu ni leiti+ na mi nga humesanga male, funtshi na mi nga hakelanga nchumu.+
2 Hi mhaka muni mi tshamela ku xava minchumu ya ku kala yi nga li pawu,
Naswona hi mhaka muni mi tlanga hi male leyi mi nga yi balhela mi xava minchumu ya ku kala yi nga xurhisani?
3 Yingisani kahle mi ta ka mina.+
Yingisani, kutani mi ta hanya,
Ni ta yendla ntwananu lowu kalaka wu nga heli na n’wina,+
Hi ku landza lirhandzu la ntiyiso leli ni nga li kombisa ka Davhida, leswi i ntiyiso.+
5 Wena u ta vitana tiko leli u kalaka u nga li tivi,
Vanhu va tiko lava kalaka va nga ku tivi va ta tsutsuma va ta ka wena,
Hi mhaka ya Yehovha Xikwembu xa wena,+ Mukwetsimi wa Israyele,
Hikusa a ta yendla swaku u dzunisiwa.+
6 Lavetelani Yehovha na a ha kumeka.+
Mu vitaneni na a ha li kusuhi.+
7 Lweyi a yendlaka swa ku biha a a tshiki mahanyelo ya yena,+
Ni munhu wa ku biha a a tshiki mimpimiso ya yena;
A a tlhelele ka Yehovha, lweyi a nga ta mu twela wusiwana+
Ka Xikwembu xa hina, hikusa xi ta rivalela hi mbilu hinkwayu.+
8 “Hikusa mimpimiso ya mina a yi fani ni ya n’wina,+
Ni tindlela ta mina a hi tindlela ta n’wina,” ku hlaya Yehovha.
9 “Hikusa ku fana ni leswi matilo ma nga tlakuka ku tlula misava,
Ni tindlela ta mina ti tlakukile ku tlula tindlela ta n’wina
Ni mimpimiso ya mina yi tlakukile ku tlula ya n’wina.+
10 Hikusa ku fana ni leswi mpfula ni gamboko* swi naka na swi ta hi tilweni
Naswona swi kalaka swi nga tlheleli kohala na swi nga tsakamisanga misava, swi tlhela swi yi yendla yi milisa ni ku kulisa,
Swaku lweyi a byalaka a kuma mbewu ni lweyi a dlaka a kuma pawu,
11 Swi ta fana ni rito la mina leli humaka ka nomo wa mina.+
A li nge tlheleli ka mina na li nga yendlanga leswi ni nga li rhuma swona,+
Kambe li ta yendla leswi ni swi lavaka,+
Naswona li ta yendla leswi ni nga li rhuma swaku li swi yendla.
Tintshava ni maganga swi ta tsaka swi ba minkulungwani phambheni ka n’wina,+
Ni minsinya hinkwayu leyi nga nhoveni yi ta ba mavoko.+
13 Ka ndhawu ya swinsinyani swa mimintwa ku ta mila nsinya wa yunipa,+
Funtshi ka ndhawu ya swinsinyani swa ku tshotshonya ku ta mila nsinya wa murta.
Yehovha a ta tiviwa hi mhaka ya swona,+
Swi ta va marka lowu nga ta kala wu nga helisiwi.”
56 Yehovha a li:
“Rhandzani wululami,+ mi yendla minchumu ya ku lulama,
Hikusa ni ta mi ponisa swoswinyana
Funtshi mi ta vona ku lulama ka mina.+
2 Wa tsaka munhu lweyi a yendlaka leswi
Ni n’wana wa munhu lweyi a swi yingisaka,
Lweyi a hlayisaka Savata a tlhela a nga yi chakisi,+
Funtshi a kalaka a nga yendli mixaka hinkwayu ya swa ku biha.
3 Munhu wa tiko lin’wani lweyi a tirhelaka Yehovha+ a nga tshuki a ku:
‘Phela Yehovha a nge ni patsi ni vanhu va yena.’
Ni munhu lweyi a nga theniwa* a nga tshuki a ku: ‘Phela ni fana ni nsinya lowu nga woma.’”
4 Hikusa mina Yehovha ni byela lava va nga theniwa lava hlayisaka tisavata ta mina, lava langaka leswi ni swi rhandzaka ni lava hlayisaka ntwananu wa mina, ni ku:
5 “Ni ta va nyika ribye la xitsundzuxu ka yindlo ya mina ni ndzeni ka makhumbi ya mina ni tlhela ni va chula vito,
Ku nga nchumu xa ku yampsa ku tlula vana va madjaha ni va tintombhi.
Ni ta va chula vito leli li nga ta va kona hi masiku ni masiku,
Leli nga ta kala li nga helisiwi.
6 Vanhu va tiko lin’wani lava namarhelaka Yehovha swaku va mu tirhela,
Va rhandza vito la Yehovha+
Ni ku va vatirheli va yena,
Hinkwavu lava hlayisaka siku la Savata va nga li chimisi
Funtshi va hlayisaka ntwananu wa mina,
7 Phela na vona ni ta va tisa ka ntshava ya mina ya ku kwetsima+
Ni va yendla va tsaka ka yindlo ya mina ya xikhongelo.
Magandzelo ya vona hinkwawu ya ku hisiwa ni magandzelo laman’wani ma ta yamukeliwa ka altari ya mina.
Hikusa yindlo ya mina yi ta vitaniwa yindlo ya xikhongelo ya vanhu hinkwavu.”+
8 Yehovha Hosi Leyikulu, lweyi a hlengeletaka lava nga hangalaka va Israyele,+ a li:
“Ni ta mu hlengeletela vanhu van’wani handle ka lava se va nga hlengeletiwa.”+
9 N’wina hinkwenu swiharhi swa nhova, tanani mi ta dla,
N’wina hinkwenu swiharhi leswi nga khwatini.+
10 Vagwardu va yena va fe matihlo,+ a nga kona lweyi a nga vona leswi a swi ta yendleka.+
Hinkwavu i timbyana leti kalaka ti nga vulavuli, leti kalaka ti nga koti ku vukula.+
Va hefemuteka, va yetlela; va rhandza ku khudzehela.
11 Va fana ni timbyana leti nga ni magolo;*
A va xurhi.
I valusi lava kalaka va nga twisisi.+
Hinkwavu va tiyendlela leswi va swi lavaka;
Hinkwavu va rhandza leswi nga ta pfuna vona ntsena, va tlhela va ku:
12 “Tanani, na ha teka vhinyu,
A hi phuzeni anze hi dakwa.+
Siku la mundzuku li ta fana ni la namuntlha, hi ta tikhorisa hintamu.”
57 Munhu wa ku lulama a file,
Kambe a ku na munhu lweyi a nga ni mhaka na swona.
Vanhu va ku tshembeka va hela,*+
Kambe a nga kona lweyi a swi vonaka swaku munhu wa ku lulama wa hela
Hi mhaka ya khombo.
2 Yena a kuma ku rhula.
Hinkwavu lava yendlaka minchumu yayinene va humulile ka masirha ya vona.*
3 “Kambe n’wina, tshinelani,
N’wina vana va wansati lweyi a nga muloyi,
N’wina vana va nghwavani leyi mbuyetaka:
4 Kasi mi poyilela mani?
Loko mi pfula minomo mi humesa lirimi, mi yendlela mani?
Kasi a mi vana va vadjohi
Ni vana va vanhu lava hembaka,+
5 Lava va pshaka hi ku navela xikarhi ka minsinya yayikulu,+
Hansi ka minsinya hinkwayu yayikulu,+
Lava dlayetelaka vana ka minkova,+
Xikarhi ka maribye yamakulu?
6 Wena u rhandza maribye ya nkoveni.+
U lange wona.
U chulula ka wona gandzelo la vhinyu u tlhela u ma nyika minchumu.+
Indjhe ni fanele ni tsaka hi minchumu leyi ke?
8 U veka xifaniso xa xikwembu xa wena ndlwini ka wena.
U ni tshikile, u famba u ya hlivila mpahla;
U khwelile u ya yengetela ndhawu leyi u yetlelaka ka yona.
U yendle ntwananu na vona.
9 U fambe ka Meleki* na u ni mafurha,
U tamele mafurha ya manyingi ya ku nun’hwela.
U rhume vanhu va wena va ya kule,
U za u ya aSirheni.*
10 U tirhe hi matimba swaku u landzela tindlela ta wena ta tinyingi,
A wu zanga u hlaya u ku: ‘A swi ni pfuni hi nchumu!’
U tlhele u kuma matimba.
Hi leswo swi nga yendla u tiyisela.
11 A wu chava mani
U za u sungula ku hemba ke?+
A wu ni khumbukanga.+
A wu zanga u va ni mhaka ni nchumu.+
Indjhe a ni miyelanga ni fihla timhaka ke?+
Phela a wu ni chavanga.
13 Nkama u nga ta kombela ku pfuniwa,
Swikwembu swa wena a swi nga ta ku pfuna.+
Hinkwaswu swi ta biwa hi moya,
Loko munhu a swi fufuta swi ta ya wa kule swinene,
Kambe lweyi a tumbelaka ka mina a ta dla tshomba la tiko
Ntshava ya mina ya ku kwetsima yi ta va tshomba la yena.+
14 Ku ta vuliwa leswi: ‘Yendlani ndlela! Lunghisani ndlela.+
Susani minchumu hinkwayu leyi nga phazamisaka vanhu va mina ka ndlela ya vona.’”
15 Hikusa Hosi Leyikulu, Leyi nga Henhla,
Leyi hanyaka hi masiku ni masiku+ leyi vito la yona li kwetsimaka,+ yi li:
“Ni tshama ka ndhawu leyi nga tlakuka ni leyi kwetsimaka,+
Kambe ni xikarhi ka lava hluphiwaka ni lava va tivekaka hansi,
Swaku ni tiyisa lava tivekaka hansi
Ni ku tiyisa timbilu ta lava va hluphiwaka.+
16 Phela a ni nga ta va kwatela hi masiku ni masiku
Kumbe ku tshama na ni kwatile;+
Hikusa vanhu a va ta heleliwa hi matimba hi mhaka ya mina,+
Hambi swilo hinkwaswu leswi hanyaka leswi ni nga swi yendla.
17 A ni mu* kwatelile hi mhaka ya leswi a a lava ku ganya hi ku kanganyisa,+
Se ni mu ba; ni tumbete nghohe* ya mina funtshi a ni kwatile.
Kambe a tame a yendla leswi a a swi lava.+
18 Ni swi vonile leswi a a hanyisa swona,
Kambe ni ta mu daha,+ ni mu komba ndlela,+
Ni mu tiyisa,+ ni tlhela ni tiyisa ni vanhu va yena lava rilaka.”+
19 “Ni yendla marito ya ku dzunisa.*
Ku ta va ni ku rhula ka ku kala ku nga heli ka lweyi a nga kule ni lweyi a nga kusuhi,”+ ku vula Yehovha,
“Ni ta mu hanyisa.”
20 “Kambe vanhu lava va yendlaka swa ku biha va fana ni lwandle leli nga kwata,
Mati ya lona ma tshamela ku humesa swinsinyani swa lwandle ni madaka.
21 Vanhu va ku biha a va na ku rhula,”+ ku vula Xikwembu xa mina.
58 “Huwelela hintamu; u nga tifeleli!
Tlakusa rito la wena ku fana ni limhondzo.
Byela vanhu va mina swaku va djohile,+
Byela vandjangu wa Yakobe swidjoho swa vona.
2 Siku ni siku va ni lavetela,
Va tsakela ku tiva tindlela ta mina,
Ingaku hi loko va li tiko leli yendlaka minchumu yayinene
Leli kalaka li nga tshikanga minawu ya Xikwembu xa lona.+
Va kombela swaku ni va yavanyisa hi ndlela ya ku lulama,
Va rhandza ku tshinela ka Xikwembu va ku:+
3 ‘Hi mhaka muni u nga swi voni loko hi titsona swakudla ke?+
Hi mhaka muni u nga swi voni loko hi tixanisa?’+
Hi mhaka ya leswi mi yendlaka leswi mi swi lavaka hi siku leli mi titsonaka swakudla hi lona,
Funtshi mi hlupha vatirhi va n’wina.+
4 Ku titsona ka n’wina swakudla ku yendla swaku mi holova ni ku lwa,
Mi tlhela mi fumbutelana hi swibakela.
A mi nge titsoni swakudla na mi yendla leswi mi gama mi nyimela swaku mi twiwa atilweni.
5 Indjhe ku titsona swakudla loku ni ku lavaka ku fanele ku tshamisa leswi,
Ku va siku leli munhu a tixanisaka hi lona,
A korhamisa nhloko ya yena ku fana ni byanyi la ku leha,
A yetlela henhla ka mpahla* ya yena ya masaka ni ka nkuma ke?
Indjhe leswi hi leswi mi swi vulaka ku titsona swakudla ni siku leli tsakisaka Yehovha ke?
6 Ihim, ku titsona swakudla ni ku lavaka hi loku:
Ku susa tinsimbi ta ku hlupha van’wani,
Ku tlhantlha magoda ya makange,*+
Ku chunsa lava xanisiwaka,+
Ku tshova kange lin’wani ni lin’wani hi xikarhi;
7 I ku nyika lweyi a twaka ndlala pawu la wena,+
Ku tshama ni xisiwana ni lweyi a kalaka a nga na kaya ka makaya ya n’wina,
Ku yambexa lweyi a kalaka a nga na mpahla loko u mu vona,+
Ni ku kala mi nga tshiki maxaka ya n’wina.
8 Se ku vonakala ka n’wina ku ta voninga ku fana ni loko li xa,+
Mi ta hantla mi hanyisiwa.
Mintirho ya n’wina ya ku lulama yi ta voneka,
Ku phatima ka Yehovha ku ta mi vonelela hi le ndzhaku.+
9 Kutani mi ta vitana funtshi Yehovha a ta mi hlamula;
Mi ta kombela ku pfuniwa, yena a ta ku: ‘Hi mina lweyi!’
Loko mo susa kange xikarhi ka n’wina,
Mi tshika ku kombetelana hi tintiho ni ku vulavula swa ku biha,+
10 Loko mi nyika lava twaka ndlala leswi n’wina mi swi navelaka+
Mi hlayisa lava xanisekaka,
Kutani ku vonakala ka n’wina ku ta voninga hambiloko mi li ka munyama,
Ni ku mphuma ka n’wina ku ta phatima ku fana ni nhlikanhi.+
11 Yehovha a ta mi kongomisa minkama hinkwayu
A ta mi nyika leswi mi swi lavaka hambiloko mi li mananga;+
A ta tiyisa marhambu ya n’wina,
Mi ta fana ni jardim leli regariwaka kahle,+
Ku fana ni xihlovo lexi kalaka xi nga pshi.*
12 Hi mhaka ya n’wina va ta pfuxa tindhawu leti a ku nga tshami munhu,+
Mi ta tlhela mi yaka masungulo* lawa ma nga tshama nkama wa ku leha na ma wonhekile.+
Mi ta vitaniwa lweyi a lunghisaka mimuru leyi nga wonhekela,+
Lweyi a pfuxaka tindlela ta ku tshama ka tona.
13 Loko mo tshika ku yendla leswi mi swi lavaka hi siku la mina la ku kwetsima ku nga Savata+
Se mi vitana Savata swaku i siku la lisima ka n’wina, siku la Yehovha la ku kwetsima, siku leli faneleke li hloniphiwa,+
Mi li hlonipha mi tshika ku yendla leswi swi mi tsakisaka ni ku vulavula minchumu leyi kalaka yi nga pfuni nchumu,
14 Kutani mina Yehovha ni ta yendla leswaku mi tsaka,
Ni ta mi nyika tindhawu ta ku tlakuka ta misava swaku mi tifuma.+
Ni ta yendla swaku mi tikhorisa hi tshomba la Yakobe vhovho wa n’wina,+
Hikusa mina Yehovha ni swi vulile.”
59 Phela voko la Yehovha a li gomanga swaku li nga za li nga swi koti ku ponisa,+
Ni ndleve ya yena a yi pfalekanga swaku yi za yi nga swi koti ku twa.+
2 Swihoxo swa n’wina swi mi hambanisile ni Xikwembu xa n’wina.+
3 Mavoko ya n’wina ma tale hi ngati+
Ni tintiho ta n’wina ti tale hi swihoxo.
Minomo ya n’wina yi vulavula mavunhwa+ ni lirimi la n’wina li hlevetela minchumu leyi kalaka yi nga lulamanga.
4 A nga kona lweyi a huwelelaka, a lwela ku lulama,+
A nga kona lweyi a tshembekaka atribunali.
Va tshemba swa ku kala swi nga li swa ntiyiso,+ va vulavula swa ku kala swi nga pfuni nchumu.
Va yendla maplanu* ya swa ku biha va gama va psala mahlomulu.+
Mun’wani ni mun’wani lweyi a dlaka matandza ya vona a ta fa,
Se tandza leli nga fayeka li tlhorha nyoka.*
6 A va nge rhungi mpahla hi tipanu ta vona,
Funtshi a va nge tifunengeti hi leswi va swi yendlaka.+
Mintirho ya vona yi ni khombo,
Va yendla swa ku biha.+
7 Minenge ya vona yi tsutsumela ku yendla swa ku biha,
Va hantlisela ku halata ngati ya vanhu lava kalaka va nga na nandzu.+
Leswi va swi pimisaka swi ni khombo;
Minkama hinkwayu va yendlela van’wani swa ku biha ni ku va twisa ku vava.+
8 A va yi tivi ndlela ya ku va ni ku rhula ni van’wani,
A ku na wululami ka tindlela ta vona.+
Va yendla tindlela ta vona ti va ta ku biha;
Lweyi a fambaka ka tona a nge kumi ku rhula.+
9 Hi leswo swi yendlaka swaku wululami li va kule na hina,
Ni ku lulama a hi ku kumi.
Hi tshama na hi nyimela ku vonakala kambe ho kuma munyama;
Hi nyimela ku phatima kambe hi tama hi famba ka ndhawu ya ku mphuma.+
10 Hi khometela khumbi ku fana ni vanhu lava nga fa matihlo;
Hi tshamela ku lavetela ka ku khoma kona ku fana ni lava kalaka va nga na matihlo.+
Ha tigumula ninhlikanhi ingaku ho famba niwusiku;
Xikarhi ka vanhu va matimba hi fana ni lava nga fa.
11 Hinkwerhu hi tshamela ku konya ku fana ni mawursu*
Hi konya ku fana ni matuva.
Hi nyimela ku lulama, kambe a ku kona;
Hi nyimela ku ponisiwa, kambe ku le kule na hina.
12 Hikusa ku kala ku yingisa ka hina i kunyingi phambheni ka wena;+
Swidjoho swa mun’wani ni mun’wani wa hina swi tiyisekisa mhaka leyi.+
Hikusa ku kala ku yingisa ka hina ku phambheni ka hina;
Hi swi tiva kahle swihoxo swa hina.+
13 Hi djohile hi tlhela hi nga mu yingisi Yehovha;
Hi tshike Xikwembu xa hina.
Hi vulavule hi ku xanisa van’wani ni ku kala ku yingisa;+
Hi yendle maplanu ni ku vulavula mavunhwa ntsena.+
14 A ku yavanyisiwi hi ndlela yayinene,+
Ni ku lulama a ku kona;+
Hikusa a ku na ntiyiso adoropeni,
Funtshi minchumu yayinene a yi yendliwi.
15 A ku na ntiyiso,+
Lava tshikaka ku yendla swa ku biha va hluphiwa.
Yehovha a swi vonile funtshi a swi mu tsakisanga,
Hikusa a ku nga yavanyisiwi hi ndlela yayinene.+
16 A vone swaku a ku na munhu,
Naswona a hlamalile nkama a nga vona leswaku a ku na munhu wa ku mu lamulela,
Se a va ponisa;
A swi yendlile hi mhaka ya leswi a nga lulama.
17 Kutani a yambala ku lulama ku fana ni mpahla ya nyimpi leyi nga yendliwa hi swinsimbani,
Ni kapaseti la ku ponisa ka nhloko ya yena.+
A yambala mpahla ya ku hakelisa hi yona+
A tlhela a tibohelela hi ku hiseka ingi o tibohelela hi nguvu.
18 A ta va hakela hi ku landza leswi va nga swi yendla:+
A ta kwatela valala va yena a tlhela a va khatisa.+
Swihlala* a ta swi nyika leswi swi swi fanelaka.
19 Va ta chava vito la Yehovha ku sukela awupeladlambu,
Kasi awuxeni va ta mu dzunisa,
Hikusa a ta ta ku fana ni nambu lowu tsutsumaka hintamu,
Lowu fambisiwaka hi matimba ya Yehovha.
20 “Muponisi+ a ta ya aSiyoni,+
Ni ka lava va yingisaka nawu ka ndjangu wa Yakobe,”+ ku vula Yehovha.
21 “Ntwananu wa mina na vona hi lowu,”+ ku vula Yehovha. “Matimba ya mina lawa ma nga ka n’wina ni marito ya mina lawa ni nga ma veka ka minomo ya n’wina a swi nge susiwi ka minomo ya n’wina ni ka minomo ya vana va n’wina kumbe ka minomo ya vatukulu va n’wina, ku sukela swoswi ni hi masiku ni masiku,” ku vula Yehovha.
60 “Pfuka wena wansati,+ u voninga hikusa ku vonakala ka wena ku fikile.
Ku phatima ka Yehovha ka ku voningela.+
2 Phela munyama wu ta funengeta misava
Matiko ma ta va ka munyama;
Kambe Yehovha a ta ku voningela,
Ku phatima ka yena ku ta voneka ka wena.
4 Txuvuka matlhelo hinkwawu!
Hinkwavu va hlengeletiwile; va ta ka wena.
Vana va wena va madjaha lava taka hi kule va tama va ta,+
Kuve vana va wena va tintombhi va ta vuya na va tlakuliwile.+
5 Ka nkama wolowo, u ta swi vona u gama u tsaka,+
Mbilu ya wena yi ta tsaka hintamu,
Hikusa tshomba leli nga lwandle li ta ta ka wena;
Tshomba la matiko li ta ta ka wena.+
6 Ku ta va ni makamela ya manyingi hintamu ka tiko la wena,
Makamela yamatsongo lawa ma taka hi Midiyani ni le Efahi.+
Vanhu hinkwavu va Xeba va ta ta;
Va ta ta na va ni woru ni olibanu.*
Va ta dzunisa Yehovha.+
7 Mintlhambi hinkwayu ya le Kedari+ yi ta hlengeletiwa yi gama yi tisiwa ka wena.
Tinyempfu ta le Nebayoti+ ti ta ku tirhela.
Ti ta yamukeliwa swaku ti va magandzelo ka altari ya mina,+
8 I vamani lava, va hahaka ku fana ni marhefu,
Ku fana ni matuva lawa ma yaka ka swisaka swa wona ke?
9 Hikusa swihlala* swi ta ni tshemba;+
Maboti ya Tarxixi ma le ku teni,
Ma tisa vana va wena lava taka hi kule,+
Na va ni prata ni woru la vona,
Swaku va ta dzunisa vito la Yehovha Xikwembu xa wena, Mukwetsimi wa Israyele,
Hikusa a ta yendla swaku u dzunisiwa.+
10 Vanhu va tiko lin’wani va ta yaka mimuru ya wena,
Tihosi ta vona ti ta ku tirhela,+
Ni ku khatisile hi mhaka ya leswi a ni kwatile,
Kambe ni ta ku komba timpsalu hi mhaka ya wunene la mina.+
11 Swipfalu swa wena swi ta tshama na swi pfulekile;+
A swi nge pfaliwi wusiku ni nhlikanhi,
Swaku u ta tiseliwa tshomba la matiko,
Tihosi ta wona hi tona ti nga ta rhanga ti ta.+
12 Hikusa matiko ni mimfumu leyi nga ta kala yi nga ku tirheli swi ta helisiwa,
Matiko ma ta sala na ma nga ha na vanhu.+
13 Minchumu yayinene ya Lebanoni yi ta ta,+
Minsinya ya yunipa, ya nyamarhi ni ya kipresi,+
Swaku u ta sasekisela ndhawu ya mina leyi kwetsimaka;
Ndhawu leyi ni vekaka ka yona minenge ya mina ni ta yi yendla swaku yi dzunisiwa.+
14 Vana va lava a va ku xanisa va ta fika va ku khizamela;
Hinkwavu lava kalaka va nga ku hloniphi va ta boheka ku ku khizamela,
Funtshi va ta boheka ku ku vitana doropa la Yehovha,
Siyoni, doropa la Mukwetsimi wa Israyele.+
15 A wu nga ha ta tshikiwa u tlhela u nyenyiwa, u pfumala ni munhu lweyi a hundzaka hi ka wena,+
Ni ta ku yendla u va nchumu lexi vanhu va nga ta tikhuza hi xona,
Lexi nga ta va tsakisa hi masiku ni masiku.+
16 Phela u ta nwa leiti la matiko,+
U ta yan’wa mavele ya tihosi;+
Phela u ta swi tiva swaku mina Yehovha, ni Muponisi wa wena,
Xikwembu xa Matimba xa Yakobe i Muponisi wa wena.+
17 Ka ndhawu ya kobre ni ta tisa woru,
Ka ndhawu ya nsimbi ni ta tisa prata,
Ka ndhawu ya pulangu, ni ta tisa kobre,
Funtshi ka ndhawu ya maribye, ni ta tisa nsimbi;
Ni ta yendla leswaku ku rhula ku va muvoneleli wa wena
Ku lulama ku ta va murhangeli wa wena.+
18 A ku nga ha ta va ni vanhu va ku lwa ni va mpfilumpfilu ka tiko la wena,
Kumbe ku wonhetela ka ndhawu ya wena.+
U ta chula mimuru ya wena u ku i Ku Ponisiwa+ u tlhela u chula tinyanghwa ta wena u ku i Ku Dzunisa.
19 Ninhlikanhi a wu nge he voningeliwi hi dlambu,
Ni n’weti a wu nge he ku voningeli,
Hikusa Yehovha a ta ku voningela hi masiku ni masiku,+
U ta saseka hi mhaka ya Xikwembu xa wena.+
20 Dlambu a li nge he ku peleli,
Ni n’weti a wu nge he nyamalali,
Hikusa Yehovha a ta ku voningela hi masiku ni masiku,+
Swirilo swa wena swi ta va swi helile.+
21 Vanhu va wena hinkwavu va ta va va ku lulama;
Tiko li ta va la vona hi masiku ni masiku.
22 Lweyi wamutsongo a ta va 1.000,
Kasi lweyi wamutsongo hintamu a ta va tiko la matimba.
Mina Yehovha, ni ta swi hantlisisa hi nkama wa kona.”
61 Moya wa ku kwetsima wa Yehovha Hosi Leyikulu wu le henhla ka mina,+
Hikusa Yehovha a ni langile swaku ni chumayela mahungu ya ku tsakisa ka lava ku rhula.+
A ni rhume swaku ni daha lava va nga vaviseka timbilu,
Ku ya byela swib’ochwa swaku swi ta chunsiwa
Ni swaku matihlo ya swib’ochwa ma ta pfuliwa,+
2 Swaku ni huwelela lembe la Yehovha la ku twela wusiwana
Ni siku la ku hakelisa la Xikwembu xa hina,+
Ku tiyisa hinkwavu lava rilaka.+
3 A ni rhume swaku ni hlayisa lava va rilelaka Siyoni,
Ka ndhawu ya nkuma ni va nyika harhi,*
Ka ndhawu ya ku rila ni va nyika mafurha swaku va tsaka,
Ka ndhawu ya ku karhateka ni va nyika mpahla ya ku dzunisiwa.
Va ta vitaniwa minsinya yayikulu ya ku lulama,
Leyi nga byaliwa hi Yehovha swaku a dzunisiwa.+
4 Va ta tlhela va yaka tindhawu ta khale leti ti nga wonhekela;
Va ta pfuxa tindhawu ta khale leti a ku nga ha tshami munhu,+
Va ta tlhela va yaka madoropa lawa ma nga wonhiwa,+
Tindhawu leti se a ku hundze nkama wa ku leha na ku nga ha tshami munhu.+
5 “Vanhu va tiko lin’wani va ta ta swaku va ta lusa swifuyu swa n’wina,
Vanhu va tiko lin’wani+ va ta va varimi va n’wina ni varimi va masimu ya n’wina ya mawuvha.+
6 N’wina mi ta vitaniwa vaprista va Yehovha;+
Va ta mi vitana vatirheli va Xikwembu xa hina.
Mi ta dla tshomba la matiko,+
Mi ta tikhuza hi tshomba la wona.
7 Ka ndhawu ya tingana mi ta kuma minkateko leyi nga phindhiwa kambirhi,
Funtshi ka ndhawu ya ku danisiwa va ta ba minkulungwani hi mhaka ya minkateko ya vona.
Va ta kuma minkateko leyi nga phindhiwa kambirhi ka tiko la vona.+
Va ta tsaka hi masiku ni masiku.+
8 Hikusa mina Yehovha ni rhandza wululami;+
Ni nyenya wukanganyisi ni leswi kalaka swi nga lulamanga.+
Ni ta va hakela hi ku tshembeka,
Naswona ni ta yendla ntwananu na vona hi masiku ni masiku.+
10 Ni ta tsaka hintamu hi mhaka ya Yehovha.
Ni ta tsaka hi mhaka ya Xikwembu xa mina.+
Hikusa ka mina matimba ya xona ya ku ponisa ma fana ni mpahla;+
Xi ni bohelele hi mpahla ya ku leha ya ku lulama,
Ku fana ni wanuna lweyi a lavaka ku chada,* lweyi a yambalaka harhi leyi fanaka ni ya muprista,+
Ni ku fana ni wansati lweyi a lavaka ku chada* lweyi a tisasekiselaka hi swiphatiphati.
11 Ku fana ni leswi misava yi milisaka swinsinyani
Ni jardim leli li kulisaka leswi nga byaliwa ka lona,
Yehovha Hosi Leyikulu
A ta yendla swaku ku va ni ku lulama+ naswona vanhu ka matiko hinkwawu va ta mu dzunisa.+
62 A ni nge he miyeli hi mhaka ya Siyoni,+
Naswona a ni nge he tshami na ni miyelile hi mhaka ya Yerusalema
Anze ku lulama ka yena ku voninga ku fana ni livoni leli phatimaka+
Ni ku ponisiwa ka yena ku pfurha ku fana ni ndzilu.+
2 “Matiko ma ta vona ku lulama ka wena, wena wansati,+
Ni tihosi hinkwatu ti ta vona ku hlonipheka ka wena.+
U ta vitaniwa hi vito la nyuwani,+
Leli Yehovha a nga ta li langa.
3 Wena u ta fana ni harhi* ya ku saseka ka voko la Yehovha,
U ta fana ni harhi ya wuhosi ka xiyandla xa Xikwembu xa wena.
4 A wu nge he tshuki u vitaniwa wansati lweyi a nga tshikiwa,+
Ni tiko la wena a li nge he tshuki li vitaniwa ndhawu ya ku wonhekela.+
Kambe u ta vitaniwa hi vito leli nge, Na Tsaka Hi Yena,+
Ni tiko la wena li ta vitaniwa hi vito leli nge, Wansati Lweyi A Nga Chadiwa.
Hikusa Yehovha a ta tsaka hi wena,
Ni tiko la wena li ta fana ni wansati lweyi a nga chada.
5 Hikusa ku fana ni djaha leli chadaka ni ntombhi,*
Wena u ta chada ni vanhu va wena.
Xikwembu xi ta tsaka hi wena,+
Ku fana ni djaha leli lavaka ku chada leli tsakaka hi mhaka ya ntombhi ya lona.
6 Ni veke vagwardu henhla ka mimuru ya wena, wena Yerusalema.
A va fanelanga va miyela, wusiku ni nhlikanhi.
N’wina lava dzunisaka Yehovha,
Mi nga humuleni,
7 Mi nga mu humuliseni anze a yaka doropa la Yerusalema li tiya,
Anze li dzunisiwa misaveni hinkwayu.”+
8 Yehovha a fungile hi voko la yena la xinene leli nga ni matimba, a ku:
“A ni nge he va nyiki valala va wena trigu la wena,
Vamatiko a va nge he nwi vhinyu la wena la nyuwani, leli u nga li balhela hintamu.+
9 Kambe lava va tshovelaka trigu va ta li dla, va dzunisa Yehovha;
Kasi lava hambaka vhinyu va ta li nwa ka mikintari* ya mina ya ku kwetsima.”+
10 Humani, humani hi swipfalu.
Basiselani vanhu ndlela.+
Hambani, hambani xitaratu xaxikulu.
Susani maribye ka xona.+
Vekelani vanhu marka.+
11 Phela Yehovha a byele misava hinkwayu a ku:
Phela a ta ni muholo,
A khome muholo.’”+
12 Va ta vitaniwa vanhu va ku kwetsima, lava va nga ponisiwa hi Yehovha,+
Kutani wena u ta vitaniwa hi vito leli nge, Doropa Leli Laviwaka, Doropa Leli Kalaka Li Nga Tshikiwanga.+
63 I mani lweyi a taka hi Edomu,+
Lweyi a taka hi Bozra+ na a yambale mpahla ya tikorikori,
Mpahla ya yena ya hlonipheka,
Lweyi loko a famba swi tikombaka swaku a ni matimba?
“Hi mina Lweyi ni vulavulaka swa ku lulama,
Ni nga ni matimba yamakulu ya ku ponisa.”
2 Hi mhaka muni mpahla ya wena yi li ya ku pshuka,
Funtshi hi mhaka muni mpahla ya wena yi fana ni ya lweyi a psanyetelaka mawuvha ke?+
3 “Ni psanyetele vhinyu na ni li noxe.
A ni nga pfuniwi hi munhu.
Ni tame ni va psanya hi mhaka ya ku kwata ka mina,
Ni va psanyetelile hi mhaka ya leswi a ni kwatile.+
Mpahla ya mina yi cheleteliwe hi ngati ya vona,
Ni chimise mpahla ya mina hinkwayu.
4 Hikusa na li tiva siku leli ni nga ta hakelisa hi lona,+
Ni lembe leli ni nga ta ponisa vanhu va mina hi lona se li fikile.
5 Ni txuvukile kambe a ku nga na wa ku ni pfuna;
Ni vavisekile hi mhaka ya leswi a ku nga na lweyi a a ta ni pfuna.
Se voko la mina li ni ponisile,+
Ni ku kwata ka mina ku ni pfunile.
6 Ni psanyetele vanhu hi mhaka ya ku kwata ka mina,
Ni va dakwisile hi ku kwata ka mina+
Ni halatele ngati ya vona hansi.”
7 Ni ta vulavula hi mintirho ya lirhandzu la Yehovha,
Mintirho leyi yendlaka swaku Yehovha a dzunisiwa,
Hi mhaka ya minchumu hinkwayu leyi Yehovha a nga hi yendlela yona,+
Minchumu ya yinyingi hintamu leyi a nga yi yendlela Vayisrayele,
Hi mhaka ya timpsalu ni lirhandzu la yena lalikulu.
8 Hikusa yena a te: “Impela i vanhu va mina, vana lava nga ta tshama na va tshembekile.”+
Se a va Muponisi wa vona.+
9 Nkama hinkwawu lowu a va twa ku vava, na yena a a twa ku vava.+
Funtshi lweyi a nga mu rhuma a va ponisile.+
A va ponisile hi mhaka ya lirhandzu ni ntwelawusiwana wa yena,+
Se a va tlakula a va na vona nkama hinkwawu.+
10 Kambe va mu djikelile,+ va djohela moya wa yena wa ku kwetsima.+
11 Se va khumbuka minkama ya khale,
Minkama ya Moxe mutirheli wa yena, va ku:
“A kwini Lweyi a nga va humesa alwandle+ ni varisi va ntlhambi wa yena?+
A kwini Lweyi a nga mu nyika moya wa Yena wa ku kwetsima,+
12 Lweyi voko la Yena la matimba li nga pfuna voko la xinene la Moxe,+
Lweyi a nga yava mati na va swi vona+
Swaku vito la yena li ta khumbukiwa hi masiku ni masiku,+
13 Lweyi a nga yendla swaku va famba axikarhi ka mati yamakulu,
Va famba na va nga gumuliwi hi nchumu,
Ku fana ni kavhalu leli fambaka ka ndhawu ya ku pfuleka* ke?
14 Ku fana ni swifuyu loko swi ya ka ndhawu leyi nga pfuleka,
Moya wa ku kwetsima wa Yehovha wu va humulisile.”+
Hi leswi u nga va rhangelisa swona vanhu va wena,
Swaku vito la wena li ta khumbukiwa.+
15 Txuvuka u vona na u li matilweni
Na u li ka ndhawu ya wena ya ku tlakuka ya ku phatima leyi kwetsimaka.
Indjhe ku hiseka ni matimba ya wena swi kwini,
Wena u ni tsonile.
16 Phela u Papayi wa hina;+
Hambileswi Abrahamu swi nga yendlekaka a nga hi tivi
Na Israyele swi nga yendleka a nga hi khumbuki,
Wena Yehovha u Papayi wa hina.
Vito la wena hi wena Muponisi wa hina wa khale.+
17 Yehovha Xikwembu xanga, hi mhaka muni u hi tshika* hi suka ka tindlela ta wena?
Hi mhaka muni u hi tshika hi tiwomisa tinhloko hi nga ku chavi ke?+
Vuya hi mhaka ya vatirheli va wena,
Ku nga tinxaka leti ku lumbaka.+
18 Vanhu va wena va ku kwetsima va tshame misaveni swa nkamanyana.
Valala va hina va wonhetele ndhawu ya wena leyi kwetsimaka.+
19 Se i khale na hi fana ni vanhu lava u kalaka u nge se tshama u va fuma,
Ku fana ni vanhu lava u kalaka u nge se tshama u va vitana hi vito la wena.
64 Loko a wo handzula matilo u xika,
Swaku tintshava ti ta tsekatseka hi mhaka ya wena,
2 Ku fana ni ndzilu loko wu hisa mabyanyi ya ku woma,
Ni ndzilu loko wu vilisa mati,
Se valala va wena a va ta tiva vito la wena,
Ni matiko a ma ta rhurhumela phambheni ka wena!
3 Nkama u nga yendla minchumu ya ku hlamalisa leyi a hi nga yi nyimelanga,+
Wena u xikile, tintshava ti tsekatseka hi mhaka ya wena.+
4 Ku sukela khale hintamu a ku se tshama ku va ni munhu lweyi a nga swi twa kumbe ku yingisa,
Kumbe ku vona Xikwembu xa ku fana na wena,
Lexi kotaka ku pfuna lava va xi nyimelaka.+
5 U tlhangane ni lava yendlaka swa ku lulama na va tsakile,+
Lava ku khumbukaka va tlhela va hanya hi minawu ya wena.
U hi kwatelile nkama na hi tshamela ku djoha,+
Hi djohe nkama wa ku leha.
Indjhe swoswi swa hi fanela kuva hi ponisiwa?
6 Hinkwerhu hi fana ni munhu lweyi a kalaka a nga basanga,
Mintirho ya hina hinkwayu ya ku lulama yi fana ni xitarapu lexi tirhisiwaka hi wansati loko a vona masiku ya yena.+
Hinkwerhu hi ta vuna ku fana ni tluka,
Naswona swihoxo swa hina swi ta hi teka hi ya kule ku fana ni moya.
7 A nga kona lweyi a vitanaka vito la wena,
A nga kona lweyi a pfukaka a ku khoma,
Hikusa u hi tumbetele nghohe* ya wena,+
Funtshi u hi tshika hi helisiwa hi mhaka ya swidjoho swa hina.
8 Kambe Yehovha Xikwembu xa hina, hi wena Papayi wa hina.+
Hina hi vumba, hi Wena u nga hi yendla;+
Hinkwerhu hi yendliwe hi mavoko ya wena.
9 Yehovha Xikwembu xa hina, u nga hi kwateli hintamu,+
Funtshi u nga ha swi khumbuki swihoxo swa hina.
Hi kombela u hi khumbuka hikusa hinkwerhu hi vanhu va wena.
10 Madoropa ya wena ya ku kwetsima ma txintxe ma va mananga.
Siyoni a txintxe a va mananga,
Yerusalema a txintxe a va ndhawu ya ku wonhekela.+
11 Tempele ya hina ya ku kwetsima ya ku saseka,
Leyi vavhovho va hina a va ku dzunisa ka yona,
Yi hisiwile hi ndzilu,+
Naswona hinkwaswu leswi a hi swi rhandza swi helisiwile.
12 Yehovha, indjhe u ta hi tshika hambiloko u twe timhaka leti ke?
Indjhe u ta miyela u hi tshika hi xanisiwa hi ndlela ya mona ke?+
65 “Ni pfumele ku laveteliwa hi vanhu lava va kalaka va nga kombelanga swaku ni va pfuna;
Ni pfumele ku kumiwa hi vanhu lava a va nga ni laveteli.+
Ni te: ‘Hi mina lweyi, hi mina lweyi,’ na ni byela tiko leli a li nga vitani vito la mina.+
2 Ni tlakuse mavoko siku hinkwalu na ni tlakusela vanhu lava nga woma tinhloko,+
Vanhu lava va fambaka ka tindlela ta ku kala ti nga li tinene,+
Lava va yendlaka leswi va swi lavaka;+
3 Vanhu lava tshamelaka ku ni djohela,+
Va yendla magandzelo ka majardim,+ va hisa magandzelo ya vona henhla ka switini.*
4 Va tshama xikarhi ka masirha,+
Niwusiku va tshama ka tindhawu ta ku tumbela,*
Va dla nyama ya tinguluve,+
Swibya swa vona swi ni ntxovelo* wa minchumu ya ku kala yi nga basanga.+
5 Va li: ‘Tshama kolanu; u nga tshineli ka mina,
Hikusa na kwetsima ku ku tlula.’
Va tama va ni kwatisa ku fana ni ndzilu lowu pfurhaka siku hinkwalu.
6 Phela swi tsaliwile;
A ni nge miyeli,
Ni ta va khatisa,+
Ni ta va khatisa hi mhaka ya swidjoho swa vona
7 Ni ta va khatisa hi mhaka ya swidjoho swa vona ni swa vavhovho va vona,”+ ku hlaya Yehovha.
“Hikusa va yendle magandzelo ka tintshava,
Va ni rhuketelile henhla ka maganga,+
Ni ta sungula hi ku va khatisa hi mhaka ya swidjoho swa vona.”
8 Yehovha a li:
“Ku fana ni leswi vhinyu la nyuwani li humaka ka xitxatxa xa mawuvha
Se mun’wani a ku: ‘Mi nga xi txukumeti, hikusa ku ni swaswinene* ka xona,’
Ni ta yendla swoleswo ka vatirheli va mina;
A ni nge va helisi hinkwavu.+
9 Yakobe a ta ni psalela n’wana*
Yuda a ta ni psalela lweyi a nga ta nyikiwa tintshava ta mina;+
Lava ni nga va langa va ta tshama kolanu,
Vatirheli va mina va ta tshama kona.+
10 Ka vanhu va mina lava ni lavetelaka
Saroni+ a ta va ndhawu ya ku lusela tinyempfu
Ni Nkova wa Akori+ wu ta va ndhawu leyi tihomu ti nga ta humula ka yona.
11 Kambe n’wina mi van’wani va lava nga tshika Yehovha,+
Lava nga khohlwa ntshava ya mina ya ku kwetsima,+
Lava lunghiselelaka meza, va lunghiselela xikwembu xa Nkateko,
Ni lava tataka tikopo hi vhinyu na va swi yendlela xikwembu xa Leswi Nga Ta Humelela.
12 Kutani mi ta dlayiwa hi xipada,+
Naswona hinkwenu mi ta khizama leswaku mi dlayiwa,+
Hikusa ni mi vitanile kambe a mi ni hlamulanga,
Ni vulavulile, kambe a mi yingisanga;+
A mi tshamela ku ni djohela,
Mi lange ku yendla minchumu leyi kalaka yi nga ni tsakisi.”+
13 Se Yehovha Hosi Leyikulu a li:
“Phela vatirheli va mina va ta dla, kambe n’wina mi ta va ni ndlala.+
Phela vatirheli va mina va ta nwa,+ kambe n’wina mi ta va ni torha.
Phela vatirheli va mina va ta tsaka,+ kambe n’wina mi ta dana.+
14 Phela vatirheli va mina va ta ba nkulungwani hi mhaka ya leswi timbilu ta vona ti nga tsaka,
Kambe n’wina mi ta rila hi mhaka ya leswi timbilu ta n’wina ti vavaka,
Funtshi mi ta rila hi mhaka ya ku hela ntamu.
15 Vito la n’wina li ta va xirhuku ka vanhu va mina,
Naswona Yehovha Hosi Leyikulu a ta mi dlaya hinkwenu,
Kambe a ta chula vatirheli va yena vito lin’wani;+
16 Kutani lweyi a kombelaka ku katekisiwa amisaveni
A ta katekisiwa hi Xikwembu xa ntiyiso,*
Kasi lweyi a fungaka misaveni,
Hikusa a va nge he swi khumbuki swikarhatu swa vona;
Funtshi a ni nge he swi voni.+
17 Phela ni yendla matilo ya nyuwani ni misava ya nyuwani;+
Minchumu ya khale yi ta khohlwiwa,
Funtshi a yi nge he ti ka mimpimiso.+
18 Se tsakani, tsakani hi masiku ni masiku hi leswi ni swi yendlaka.
Hikusa ni ta yendla swaku vanhu va tsaka hi mhaka ya Yerusalema
Vanhu va yena va ta tsaka.+
19 Ni ta tsaka hi mhaka ya Yerusalema, ni tsaka hi mhaka ya vanhu va mina;+
A ku nga ha ta twala swirilo kumbe nkosi ka doropa leli.”+
20 “A ku nga ha ta va ni xibebetani lexi nga ta hanya masiku ya matsongo,
Kumbe munhu wa ku guga lweyi a nga ta fa na a nga se hanya malembe lawa a faneleke a hanya wona.
Hikusa munhu lweyi a faka na a ni 100 wa malembe, swi ta fana ni loko a fe na a ha li mufana,
Se mudjohi a ta rhukiwa hambiloko a ni 100 wa malembe.*
22 A va nga ha ta yaka ku gama ku tshama mun’wani,
A va nga ha ta rima ku gama ku dla mun’wani.
Hikusa masiku ya vanhu va mina ma ta va manyingi ku fana ni masiku ya nsinya,+
Vanhu va mina lava ni nga va langa va ta tikhorisa swinene hi mintirho ya mavoko ya vona.
Kumbe va psala vana lava nga ta hlupheka,
Hikusa vona ni vana va vona i vanhu lava nga katekisiwa hi Yehovha.+
24 Ni ta va hlamula na va nga se kombela ku pfuniwa;
Ni ta va twa na va nga se heta ni ku vulavula.
25 Hlolwa* ni xinyempfani swi ta dla xikan’we,
Nghonyama yi ta dla byanyi ku fana ni homu,+
Nyoka yi ta dla wuthulu.
A swi nge he yendli swa ku biha kumbe ku wonha ka ntshava ya mina ya ku kwetsima,”+ ku hlaya Yehovha.
66 Yehovha a li:
“Matilo i xitshamu xa mina xa wuhosi, kasi misava hi lomu ni vekaka kona minenge ya mina.+
Se yi kwini yindlo leyi mi nga ni yakelaka yona,+
Funtshi yi kwini ndhawu leyi ni nga humulaka ka yona ke?”+
2 “Hi mina ni nga yendla minchumu leyi hinkwayu,
Hinkwayu yi ve kona hi ndlela yoleyo,” ku vula Yehovha.+
“Se lweyi ni ta mu txuvuka,
Lweyi a tivekaka hansi a tlhela a hela ntamu, lweyi a hloniphaka* rito la mina.+
3 Lweyi a dlayaka homu a fana ni lweyi a dlayaka munhu.+
Lweyi a yendlaka gandzelo hi nyempfu a fana ni lweyi a tshovaka nhamu ya mbyana.+
Lweyi a nyikelaka nchumu, a fana ni lweyi a nyikelaka hi ngati ya nguluve!+
Lweyi a nyikelaka olibanu*+ a fana ni lweyi a khensaka hi marito ya masalamusi.*+
Va yendla leswi va swi lavaka,
Va rhandza minchumu ya ku nyenyentsa.
4 Kutani ni ta lava tindlela ta ku va khatisa,+
Ni ta va tisela minchumu leyi va chavisaka.
Hikusa a ku hlamulanga munhu nkama ni nga va vitana;
A va ni yingisanga loko ni vulavula.+
A va tshamela ku ni djohela,
Funtshi va lange ku yendla minchumu ya ku kalaka yi nga ni tsakisi.”+
5 Twanani rito la Yehovha, n’wina lava hloniphaka* rito la yena:
“Vamakwenu lava mi nyenyaka va tlhela va nga mi lavi hi mhaka ya vito la mina va te: ‘A ku dzunisiwe Yehovha!’+
Kambe Xikwembu xi ta ta funtshi mi ta tsaka loko mi xi vona,
Kasi vona va ta danisiwa.”+
6 Ku twakala mpfilumpfilu adoropeni, yi ta hi ka tempele!
I mpfilumpfilu ya valala lava khatisiwaka hi Yehovha.
7 A psalile na a nga se lun’wa.+
A psale n’wana wa djaha na a nga se sungula ku lun’wa.
8 I mani lweyi a nga tshama a twa mhaka ya ku fana ni leyi?
I mani lweyi a nga tshama a vona mhaka ya ku fana ni leyi ke?
Indjhe tiko li nga psaliwa hi siku lin’we?
Kumbe lixaka, li nga psaliwa hi nkama wun’we ke?
Kambe nkama Siyoni a nga sungula ku lun’wa, a psale vana va yena.
9 “Indjhe ni nga yendla swaku munhu a va kusuhi ni ku psala, kambe a nga psali ke?” ku vula Yehovha.
“Kumbe ni nga yendla swaku wansati a sungula ku psala* ni gama ni mu pfala xivelekelo ke?” ku hlaya Xikwembu xa n’wina.
10 Tsakani na Yerusalema mi tsaka hintamu na yena,+ n’wina hinkwenu mi mu rhandzaka.+
Tsakani na yena, n’wina hinkwenu mi mu rilelaka,
11 Hikusa mi ta yan’wa ka mavele ya yena mi xurha mi tlhela mi tiyisiwa,
Funtshi mi ta xurha mi tsaka hi mhaka ya ku tala ka ku phatima ka yena.
12 Hikusa Yehovha a li:
“Ni ta mu nyika ku rhula ku fana ni nambu+
Ni ku phatima ka matiko ku fana ni nambu lowu ngirimelaka.+
Mi ta yan’wa mi tlhela mi tlakuliwa,
Funtshi mi ta chuwetiwa ka matsolo.
13 Ku fana ni mamani lweyi a tiyisaka n’wana wa yena,
Na mina ni ta tshama na ni mi tiyisa;+
Funtshi mi ta tiyisiwa hi mhaka ya Yerusalema.+
14 Mi ta swi vona leswi mi gama mi tsaka,
Marhambu ya n’wina ma ta mila ku fana ni byanyi la nyuwani.
Lava tirhelaka Yehovha va ta tiva matimba ya yena,
Kambe a ta kwatela valala va yena.”+
15 “Hikusa Yehovha a ta ta ku fana ni ndzilu,+
Tinyolo* ta yena ta nyimpi ti fana ni xidzedze,+
A ta khatisa hi ku kwata kakukulu
A ta laya hi ku tirhisa ndzilu.+
16 Hikusa Yehovha a ta yavanyisa hi ndzilu,
A ta yavanyisa vanhu hinkwavu hi xipada xa yena;
Yehovha a ta dlaya vanhu va vanyingi.
17 “Lava tibasisaka swaku va ta nghena ka majardim,*+ na va landzela lweyi a nga xikarhi, lava dlaka nyama ya tinguluve+ ni minchumu ya ku nyenyentsa ni makondlo,+ hinkwavu va ta helisiwa,” ku vula Yehovha. 18 “Leswi ni tivaka mintirho ya vona ni leswi va swi pimisaka, na ta ni ta hlengeleta vanhu va matiko ni tirimi hinkwatu, va ta ta va ta vona ku phatima ka mina.”
19 “Ni ta veka marka xikarhi ka vona funtshi van’wani va lava nga ta baleka ni ta va rhuma va ya ka matiko, aTarxixi,+ aPuli ni le Ludi;+ lava lwaka hi ligubu ni ta va rhuma va ya Tubali, aYavhani+ ni ka swihlala* leswi nga kule, lava kalaka va nge se tshama va twa nchumu hi mina kumbe ku vona ku phatima ka mina; va ta vulavula hi ku phatima ka mina xikarhi ka matiko.+ 20 Va ta humesa vamakwenu hinkwavu lava nga ka matiko hinkwawu+ va va nyikela ka Yehovha, va ta vuya ka ntshava ya mina ya ku kwetsima, ku nga Yerusalema na va famba hi makavhalu, tinyolo ta nyimpi, tinyolo leti nga mbhonyiwa, timbongolo* ni makamela lawa ma tsutsumaka,” ku vula Yehovha, “ku fana ni loko Vayisrayele va tisa tinyiko hi xibya xa ku basa ka yindlo ya Yehovha.”
21 “Ni ta tlhela ni teka van’wani ka vona swaku va va vaprista ni Valevhi,” ku hlaya Yehovha.
22 Yehovha a li: “Hikusa ku fana ni leswi matilo ya nyuwani ni misava ya nyuwani+ leswi ni swi yendlaka swi nga ta tshama swi li kona phambheni ka mina, vana* va n’wina ni vito la n’wina swi ta tshama na swi li kona.”+
23 “Vanhu hinkwavu va ta ni khizamela*
Va ta yendla leswo wheti ni wheti, vhiki ni vhiki,”*+ ku vula Yehovha.
24 “Va ta famba va ya vona mintsumbu ya lava va nga ni djikela;
Hikusa swipungwani leswi nga ka yona a swi nga ta fa,
Ndzilu wa vona a wu nga ta timeka,+
Va ta nyenyiwa hi vanhu hinkwavu.”
Leswi vulaka “Yehovha I Muponisi”.
Hi Xiheberu: “xivono”. Vona Ntlhamuselo.
Vona Ntlhamuselo.
Vona Ntlhamuselo.
Kumbe: “mavoko ya n’wina ma tale hi ngati.”
Hi Xiheberu: “papayi”.
Hi Xiheberu: “Swi ta basisiwa ku fana ni gamboko.”
Kumbe: “vapapayi”.
Swi tikomba na ku vulavuliwa hi minsinya ni majardim lani a ku gandzeliwa swifaniso.
Kumbe: “fayixka.”
Kumbe: “tin’qolo; makalichi”.
Kumbe: “swihondzo; switezi”.
Ku nga mimbhovo leyi kumekaka ka ntshava kumbe ka ribye.
Kumbe: “morcegos”.
Kumbe: “magia”.
Kumbe: “Makara ya”.
Kumbe: “mpahla ya le ndzeni”.
Ku nga ku danisiwa hi mhaka ya leswi va kalaka va nga chadanga funtshi va kalaka va nga na vana.
Ku nga chaka leli munhu a li humesaka loko a tirhuma.
Kumbe: “xihondzo; xitezi”.
Kumbe: “chachateliwi”.
Hi Xiheberu: “4 wa maektari”.
Hi Xiheberu: “bati lin’we”. Vona Xiyengetelo B14.
Hi Xiheberu: “homere lin’we”. Vona Xiyengetelo B14.
Hi Xiheberu: “efa lin’we”. Vona Xiyengetelo B14.
I minchumu ya ku chaya muzika leyi nga ni tingoti.
Kumbe: “switiringo”.
Kumbe: “Sheol”. Vona Ntlhamuselo.
Kumbe: “n’qolo; kalichi.”
Kumbe: “Xiboho xa”.
Kumbe: “Maflexa”.
Kumbe: “kara”.
Kumbe: “dobradiças”. Ku nga swinsimbani leswi tlhanganisaka xipfalu ni aru.
Hi Xiheberu: “mbewu”.
Leswi vulaka “Ku Ta Vuya Ntsena Lava Va Nga Ta Sala”.
Kumbe: “makungu”.
Kumbe: “Sheol”. Vona Ntlhamuselo.
Kumbe: “veleka”.
Leswi vulaka “Xikwembu Xi Na Hina.”
Ku nga mimbhovo leyi kumekaka ka ntshava kumbe ka ribye.
Kumbe: “navayi”.
Ku nga Ewufrata.
Kumbe: “maflexa”.
Swi nga yendleka swi vula “Ku Tsutsumela Ku Teketela Minchumu.”
Xilowa a ku li xihlovo xa mati.
Ku nga Ewufrata.
Vona Esaya 7:14.
Hi Xiheberu: “Xikwembu xi na hina” i Emanuwele. Vona Esaya 7:14; 8:8.
Kumbe: “kara la”.
Kumbe: “djoko; jugo”.
Kumbe: “mfumu.” Hi Xiheberu: “Wuhosi li ta va ka makatla ya yena.”
Kumbe: “Matijolu”.
Hi Xiheberu: “hi le ndzhaku”.
Kumbexana: “ligadja la ntxindzu ni lihlanga”.
Hi Xiheberu: “papayi”.
Ku nga vagwinehi kumbe vanhu lava nga duka.
Hi Xiheberu: “papayi”.
Kumbe: “nkhavi”.
Kumbe: “vagwinehi; lava nga duka”.
Kumbe: “kungu”.
Kumbe: “xisephu”.
Kumbe: “djoko; jugo”.
Ku nga muxaka wa mbyana ya nhova.
Kumbe: “Liyopardu”.
Kumbexana: “Xihon’wani ni xinghonyamani swi ta dla xikan’we.”
Kumbe: “bere”.
Kumbe: “mpala”.
Ku nga Babilona.
Ku nga ma ilhas.
Kumbexana: “womisa”.
Ku nga Ewufrata.
Kumbe: “Yah”. Yah i magomiselo ya vito leli nge Yehovha.
Hi Xiheberu: “xivono.”
Kumbe: “ku veleka.”
Kumbe: “Makara ya”.
Kumbexana ku vulavuliwa hi ntlawa wa tinyeleti lowu vitaniwaka órion ni mintlawa yin’wani leyi nga kusuhi na wona.
Kumbe: “gazela”.
Kumbe: “avestruzes”.
Kumbe: “swihondzo; switezi”.
Lani ku vulavuliwa hi timhungubye.
Kumbe: “Sheol”. Vona Ntlhamuselo.
Hi Xiheberu: “Swiphongo”.
Kumbe: “Sheol”. Vona Ntlhamuselo.
Kumbe: “n’walungwini.”
Kumbe: “Sheol”. Vona Ntlhamuselo.
Kumbe: “porcos-espinhos”.
Kumbe: “Djoko; Jugo”.
Kumbe: “n’walungwini”.
Kumbe: “fundação”.
Kumbe: “Yindlo”.
Hi Xiheberu rito leli li kombetela ka minsinya leyi a yi tolovela ku kula amatlhelweni ka minambu.
Kumbe: “tigadja leti nga ni mawuvha ya ku pshuka.”
Kumbe: “nkama wa mumu”.
Vona Ntlhamuselo.
Vona Ntlhamuselo.
Kumbe: “xikwembu lexi kalaka xi nga tiviwi.”
Kumbe: “mub’etho”.
Kumbe: “hi nkama wa mumu”.
Kumbe: “khwa”.
Kumbe: “swihuvani”.
Kumbe: “ma anzoli”.
Kumbe: “Memfisi”.
Kumbe: “swihuvani.” Kumbexana: “ligadja la txindzu kumbe nhlanga.”
Kumbe: “murhangeli wa masonchwa”.
Kumbe: “na a yambale xirhangiso ntsena.”
Swi nga yendleka ku vuliwa ndhawu leyi khale a ku li Babilona.
Kumbe: “adzongeni”.
Kumbe: “xivono.”
Kumbe: “velekaka.”
Kumbe: “n’qolo; kalichi”.
Kumbe: “xihondzo; xitezi”.
Leswi vulaka “Ku Miyela.”
Hi Xiheberu: “Nkova wa Xivono.” Swi tikomba na ku vulavuliwa hi Yerusalema.
Kumbe: “maflexa”.
Kumbe: “vafambisi va makavhalu”.
Kumbe: “tin’qolo; makalichi”.
Hi Xiheberu: “Mbewu”.
I nambu lowu taka hi ka Nambu wa Nilu.
Ku nga ku vava loku wansati a ku twaka loko a lava ku psala.
Ku nga tintombhi ta ku kala ti nga se famba masangu.
Ku nga ntombhi ya ku kala yi nga se famba masangu.
Kumbe: “swihondzo; switezi”.
Kumbe: “amisaveni”.
Kumbexana: “woma.”
Kumbe: “wa khale.”
Kumbe: “awupeladlambu.”
Kumbe: “ka ndhawu ya ku vonakala.”
Ku nga ma ilhas.
Kumbe: “ka xikhele”.
Kumbe: “makungu”.
Kumbe: “xihondzo; xitezi”.
Kumbe: “Fexta la swakudla swa kahle leswi nga ni ntsutsu”.
Kumbe: “Yah”. Yah i magomiselo ya vito leli nge Yehovha.
Kumbe: “veleka”.
Kumbe: “mub’etho wa”.
Kumbexana: “hunguva leyi milisaka leswi swi nga byaliwa”.
Vona Ntlhamuselo.
Swi nga ha yendleka na ku vulavuliwa hi Israyele, lani a fanisiwaka ni wansati ni masimu ya mawuvha.
Kumbe: “vhinyu leyi vilaka.”
Vona Ntlhamuselo.
Vona Ntlhamuselo.
Ku nga Ewufrata.
Swi nga yendleka na ku vuliwa doropankulu ku nga Samariya.
Kumbe: “marhalani”.
Kumbe: “ngoti ya ku pima henhla ka ngoti ya ku pima, ngoti ya ku pima henhla ka ngoti ya ku pima”.
Kumbe: “ngoti ya ku pima henhla ka ngoti ya ku pima, ngoti ya ku pima henhla ka ngoti ya ku pima”.
Kumbe: “Sheol.” Vona Ntlhamuselo.
Kumbe: “fundação”.
Kumbe: “nível.”
Kumbe: “Sheol”. Vona Ntlhamuselo.
Kumbe: “misava hinkwayu.”
Kumbe: “swibuvu”.
Ku nga xinsinyani lexi nandzikisaka swakudla; matemperu.
Kumbe: “sevhada”.
Kumbe: “laya”.
Kumbe: “xileyi”.
Kumbe: “n’qolo; kalichi.”
Kumbe: “xikongomelo”.
Kumbe: “Lweyi a nga ni wutlharhi la ku hlamalisa.”
Swi nga yendleka li vula “Xitiko xa Altari ya Xikwembu,” leswi devhi swi vulaka Yerusalema.
Kumbe: “Swihondzo; Switezi”.
Hi Xiheberu: “swivono.”
Kumbe: “makungu”.
Hi Xiheberu: “lweyi a tshinyaka”.
Kumbe: “Kara la”.
Kumbe: “dzongeni.”
Hi Xiheberu: “swivono”.
Kumbexana: “xihlovo.”
Kumbe: “swihondzo; switezi”.
Hi Xiheberu: “Vito la Yehovha la ta hi kule”.
Kumbe: “mi tibasisela”.
Kumbe: “chayaka”.
Kumbe: “xitiringo”.
Kumbe: “marhalani.”
Lani, “Tofeti” i ndhawu ya ku fanekisela leyi ku hisiwaka swilo ka yona leyi nyimelaka ku helisiwa.
Kumbe: “inxofre; xivavula.”
Kumbe: “tin’qolo; makalichi”.
Kumbe: “vafambisi va makavhalu”.
Kumbe: “ndzilu wa”.
Kumbe: “xihondzo; xitezi”.
Kumbe: “Marhalani”.
Kumbe: “matimba ya”.
Kumbexana: “woma”.
Kumbe: “Vagwinehi; Lava nga duka”.
Kumbe: “pimisa hi”.
Kumbe: “matsalana; mabalani.”
Kumbe: “impoxtu; tinemba.”
Kumbe: “swihondzo; switezi.”
Hi Xiheberu: “Magoda ya wena”.
I panu leyi gwimbiwaka ka boti swaku li ta kota ku famba loko ku ba moya.
Kumbe: “tinyarhi”.
Swi tikomba na ku vulavuliwa hi doropa la Bozra, doropankulu la Edomu.
Kumbe: “xivavula”.
Kumbe: “Pelicano”. I muxaka wa xinyanyani.
Kumbe: “porco-espinho”.
Kumbe: “magqugwani”. I muxaka wa xinyanyani.
Kumbe: “swihondzo; switezi”.
Lani ku vulavuliwa hi timhungubye.
Kumbe: “avestruzes.”
I muxaka wa xinyanyani xa ku fana ni gama.
Kumbe: “açafrão.”
Lani ku vulavuliwa hi timhungubye.
Kumbe: “murhangeli wa vacheli va vhinyu”.
Kumbe: “matsalana; mabalani”.
Kumbe: “tin’qolo; makalichi”.
Kumbe: “Xisiriya”.
Ku nga nsila leyi munhu a yi humesaka loko a tirhuma.
Kumbe: “matsalana; mabalani”.
Kumbe: “rhukiwa”.
Kumbe: “veleka”.
Kumbe: “mapapila”.
Kumbexana: “xikarhi”.
Ku nga ntombhi ya ku kala yi nga se famba masangu.
Kumbe: “pfuke”.
Kumbe: “tin’qolo; makalichi”.
Kumbe: “minkova ya Nambu wa Nilu”.
Kumbe: “na ma li marhumbi.”
Rito leli li nga tirhisiwa lani li kombetela ka goda leli tirhiseliwaka ku fambisa kavhalu hi lona. A goda leli li bohiwa xisimbani lexi va xi petaka ka nomo wa kavhalu.
Ku vuliwa Hezekiya.
Kumbe: “flexa”.
Kumbe: “mapasu.”
Kumbe: “Sheol.” Vona Ntlhamuselo.
Kumbe: “Yah”. Yah i magomiselo ya vito leli nge Yehovha.
Ku nga marito ni mintirho ya Xikwembu.
Kumbe: “Sheol”. Vona Ntlhamuselo.
I nchumu xa ku chaya muzika.
Kumbe: “Lunghiselelani”.
Vona Xiyengetelo B14.
Kumbe: “balansa.”
Kumbexana: “twisisaka”.
Ku nga ma ilhas.
Ku nga muxaka wa swinyanyani.
Ku nga ma ilhas.
Ku nga ku mu tirhela.
Hi Xiheberu: “Mbewu”.
Kumbe: “Mukutsuli”.
Kumbe: “xileyi”.
Kumbe: “lambhu”.
Ku nga ma ilhas.
Kumbe: “Ku phatima ka mina a ni ku yaveli mun’wani”.
Kumbe: “velekaka”.
Ku nga mimbhovo leyi kumekaka ka ntshava kumbe ka ribye.
Kumbe: “hisa”.
Hi Xiheberu: “mbewu”.
Kumbe: “n’walungu”.
Kumbe: “dzonga”.
Swi nga yendleka na ku vulavuliwa hi minchumu leyi nga ta rhanga yi yendleka ka nkama lowu taka.
Kumbe: “n’qolo; kalichi”.
Kumbe: “lambhu.”
Lani ku vulavuliwa hi timhungubye.
Kumbe: “avestruzes”.
Muxaka wa swinun’hwelisu swa ku loko swi hisiwa swi humesa ximusi xa ku nun’hwela.
Swi nga yendleka na ku vulavuliwa hi lava djondzisaka Nawu.
Leswi vulaka “Munhu Wa Ku Lulama”. Ku nga mavitanelo lawa a ma tirhisiwa ku hlonipha Israyele.
Kumbe: “ka tiko leli nga ni torha”.
Hi Xiheberu: “mbewu”.
Hi Xiheberu rito leli li kombetela ka minsinya leyi a yi tolovela ku kula amatlhelweni ka minambu.
Ku nga swifaniso.
Kumbe: “kompasu.”
Kumbe: “ka ndhawu ya ku gandzela ka yona.”
Kumbe: “Fundação”.
Kumbe: “holovaka”.
Kumbe: “veleka”.
Kumbe: “lukrariwa”.
Hi Xiheberu: “mbewu”.
Hi Xiheberu: “Mbewu”.
Ku nga xikwembu xa Babilona.
Ku nga swifaniso leswi nga pakeliwa ka swifuyu.
Hi Xiheberu: “swa ku sungula”.
Ku nga muxaka wa xinyanyani.
Hi Xiheberu: “ta matimba”.
Ku nga ntombhi leyi kalaka yi nga se famba masangu.
Kumbexana: “Lava yavaka matilo”.
Hi Xiheberu: “lava taka hi ka mati ya”.
Kumbe: “velekiwa.”
Kumbe: “Ku phatima ka mina a ni yavelani ni mun’wani.”
Kumbe: “Fundação”.
Kumbe: “Mukutsuli”.
Hi Xiheberu: “Mbewu”.
Ku nga ma ilhas.
Kumbe: “velekiwa.”
Kumbe: “flexa”.
Kumbe: “n’walungwini”.
Kumbe: “mutekiwa.”
Kumbe: “papela la divhorsiyu”.
Kumbe: “khwa.”
Kumbexana: “tiyisa”.
Kumbe: “rito leli faneleke”.
Kumbe: “kara la”.
Kumbe: “a nga lwaka na mina”.
Kumbe: “veleka.”
Ku nga ma ilhas.
Vona Ntlhamuselo.
Kumbe: “b’aramile”.
Kumbe: “hambanga circuncisão”.
Kumbexana: “leswi hi nga swi twa.”
Hi Xiheberu: “voko”.
Kumbe: “ka yena”. Swi nga ha yendleka ku vulavuliwa hi munhu mun’wani kumbe Xikwembu.
Kumbe: “kara la”.
Hi Xiheberu: “mbewu”.
Kumbe: “kara la”.
Kumbe: “fundação la”.
Kumbe: “swihondzo; switezi”.
Kumbe: “neve”. I minchumu ya ku basa yi ku baa ku fana ni jelu.
Ku nga wanuna lweyi a nga susiwa marhanga.
Kumbe: “makolo.”
Ku nga ku fa.
Hi Xiheberu: “ka masangu ya vona.”
Swi nga yendleka ku vulavuliwa hi ku gandzela swifaniso.
Kumbexana: “hosi”.
Kumbe: “Sheol.” Vona Ntlhamuselo.
Swi tikomba na ku vulavuliwa hi Vayisrayele.
Kumbe: “kara la”.
Hi Xiheberu: “mihandzu ya nomo.”
Kumbe: “nguvu”.
Kumbe: “madjoko; jugos”.
Kumbe: “khwi.”
Kumbe: “fundação”.
Kumbe: “kara la”.
Kumbe: “makungu”.
Kumbe: “teia; wulwembu”.
Kumbe: “aranha.”
Kumbe: “mhiri.”
Kumbe: “tibere”.
Ku nga ma ilhas.
Muxaka wa swinun’hwelisu swa ku loko swi hisiwa swi humesa ximusi xa ku nun’hwela.
Kumbe: “yindlo ya mina ya ku saseka.”
Ku nga ma ilhas.
Kumbe: “korowa”.
Hi Xiheberu: “Mbewu”.
Hi Xiheberu: “mbewu”.
Kumbe: “muteki”.
Kumbe: “mutekiwa”.
Kumbe: “korowa la”.
Ku nga wansati lweyi a kalaka a nga se famba masangu.
Vona Ntlhamuselo.
Hi Xiheberu: “ntombhi ya Siyoni”.
Kumbe: “deserto; mananga”.
Hi Xiheberu: “yendla”.
Kumbe: “kara la”.
Kumbe: “matijolu.”
Kumbexana: “ka swiyindlwana swa vagwardu”.
Kumbe: “sopa la”.
Hi Xiheberu: “nkateko”.
Hi Xiheberu: “mbewu”.
Kumbe: “xa ku tshembeka”. Hi Xiheberu: “Amen”.
Kumbe: “xa ku tshembeka.” Hi Xiheberu: “Amen.”
Kumbexana: “Lweyi a faka na a ni 100 wa malembe a ta voniwa na a rhukiwile.”
Ku nga muxaka wa mbyana ya nhova.
Kumbe: “a karhatekaka hi”.
Muxaka wa swinun’hwelisu swa ku loko swi hisiwa swi humesa ximusi xa ku nun’hwela.
Kumbe: “magia.” Kumbexana: “lweyi a dzunisaka xifaniso.”
Kumbe: “karhatekaka hi”.
Kumbe: “veleka”.
Kumbe: “Tin’qolo; Makalichi”.
Ku nga majardim ya lisima lawa a ku phahliwa swikwembu ka wona.
Ku nga ma ilhas.
Kumbe: “mamula”. Ku nga vana va mbongolo ni kavhalu.
Hi Xiheberu: “mbewu”.
Kumbe: “gandzela”.
Hi Xiheberu: “ku sukela a ku humeni ka n’weti anze ku humeni ka n’weti, ni ku sukela ka savata anze savata”.