YEREMIYA

1 Lawa i marito ya Yeremiya* n’wana wa Hilikiya, mun’we wa vaprista va le Anatoti+ doropa la tiko la Benjamini. 2 Yehovha a vulavule na mina hi lembe la wu 13 la ku fuma ka Yosiya+ hosi ya Yuda, lweyi a a li n’wana wa Amoni.+ 3 A tlhele a vulavula na mina nkama a ku fuma Yoyakimi+ hosi ya Yuda lweyi a a li n’wana wa Yosiya, anze ku heleni ka lembe la wu 11 la ku fuma ka Zedekiya+ hosi ya Yuda, lweyi a a li n’wana wa Yosiya, hi nkama lowu vanhu va Yerusalema va nga tekiwa va yisiwa wukaraweni hi wheti ya wu 5.+

4 Yehovha a vulavule na mina a ku:

Ni ku yendle muprofeta ka matiko.”

 6 Kambe ni te: “Yehovha Hosi Leyikulu!

A ni swi koti ku vulavula+ hikusa na ha li mufana.”+

 7 Yehovha a ni byela a ku:

“U nga hlayi swaku: ‘Na ha li mufana.’

9 Se Yehovha a ni khumba nomo hi voko.+ Yehovha a gama a ni byela a ku: “Ni veke marito ya mina ka nomo wa wena.+ 10 Ku sukela ka namuntlha ni ku nyika matimba ya ku khuluma ni vanhu va matiko ni mimfumu, ya ku tsuvula ni ya ku wisetela, ya ku helisa ni ya ku diliza, ya ku yaka ni ya ku byala.”+

11 Yehovha a tlhele a vulavula na mina a ku: “U vona yini Yeremiya?” Ni mu hlamule ni ku: “Ni vona ligadja la nsinya wa mendwa.”

12 Yehovha a ni byela a ku: “Hi swona leswi u nga swi vona hikusa ni tshama na ni nyimele ku yendla leswi ni nga swi hlaya.”

13 Yehovha a tlhela a khuluma na mina ka wumbirhi, a ku: “I mpsini u swi vonaka?” Ni gama ni mu hlamula ni ku: “Ni vona panela lalikulu li vilaka funtshi nomo wa lona wu txuvuke ka tlhelo la sul.”* 14 Yehovha a ni byela a ku:

2 Yehovha a vulavule na mina a ku: 2 “Famba u ya vulavula ka tindleve ta vanhu va Yerusalema u ku: ‘Yehovha a li:

 3 Wena Israyele a wu kwetsima ka mina Yehovha,+ a wu li ntshovelo wa mina wa ku sungula.”’

‘Lava a va ta lava ku ku helisa a va ta va ni nandzu.

A va ta kumana ni makhombo,’ ku hlaya mina Yehovha.”+

 5 Yehovha a li:

 8 Vaprista a va vutisanga va ku: ‘A kwini Yehovha?’+

10 ‘Tsemakanyani mi ya ka tindhawu leti nga kusuhi ni lwandle aKitimi,+ mi ya vona swaku mi ta kuma yini.

11 Li kona tiko leli nga tshama li txintxa swikwembu swa lona hi swilo swa ku kala swi nga li swikwembu?

Kambe n’wina vanhu va mina mi tshike ku ni dzunisa, mi dzunisa swilo swa ku kala swi nga pfuni nchumu.+

14 ‘Kasi Israyele o va mutirhi kumbe xikarawa lexi nga psaliwa ka ndjangu wa n’winyi wa xona ke?

Se hi mhaka muni a tekeliwe swilo swa yena?

Swi yendla swaku tiko la yena li va nchumu xa ku chavisa.

Madoropa ya yena ma hisiwile swaku ku nga ha tshami munhu.

16 Vanhu va le Nofu*+ ni va le Tapanesi+ va ku tsemeta mpandlha va tlhela va dlela ka nhloko ya wena.

Kambe wena u te: “A ni nga ta ku tirhela,”

23 U nga hlayisa ku yini u ku: ‘A ni tichakisanga.

Funtshi a ni va landzelanga Vabali’?

Vona leswi u nga swi yendla ka nkova.

Pimisa hi swona.

I mani lweyi a nga yi pfalelaka ku famba masangu?

Timbongolo leti ti yi lavaka a ti nge hlupheki.

Ti ta yi kuma hi nkama wa yona.*

Kambe wena u te: ‘A swi sizi nchumu!+

27 Va byela nsinya va ku: ‘Wena u papayi wa hina,’+

Va tlhela va byela ni ribye va ku: ‘Hi wena u nga hi psala.’

Kambe mina va ni komba xikosi a va lavi ku ni txuvuka.+

28 Se swi kwini swikwembu swa wena leswi u nga tiyendlela swona?+

29 ‘Hi mhaka muni mi tshamela ku ni sola?

Hi mhaka muni hinkwenu mi ni djikelile?’+ ku hlaya Yehovha.

30 Vana va n’wina ni va bile kambe a swi sizanga nchumu.+

31 N’wina vanhu va mina, pimisani hi leswi mina Yehovha ni swi hlayaka.

Kumbe hi mhaka muni n’wina vanhu va mina mi te: ‘Hi ya lomu hi ku lavaka.

A hi nge tlheli hi ta ka wena’?+

Kambe se ku hundza masiku ya manyingi na n’wina vanhu va mina mi ni khohlwile.+

33 Wena wansati wa swi kota ku lava vavanuna lava va nga ta ku rhandza!

U tidjondzise ku yendla swa ku biha.+

35 Kambe u li: ‘A ni na nandzu.

Xikwembu a xi ni kwatelanga.’

36 Hi mhaka muni u vona ingaku swa ku biha leswi u swi yendlaka a hi swa nchumu?

3 Vanhu va vutisa va ku: “Loko munhu o hlongola nsati wa yena, a gama wansati lweyi a ya va wa nuna mun’wani, indjhe wanuna lweyi a nga mu hlongola a nga pfumela swaku a tlhela ka yena?”

Indjhe tiko leli a li chakisiwanga hi ku helela?+

 2 “Tlakusa matihlo ya wena u txuvuka maganga.

Hi kwini lomu u kalaka u nga pfinyiwanga kona?

6 Nkama a ku fuma Hosi Yosiya,+ Yehovha a vulavule na mina a ku: “‘U swi vonile leswi Israyele lweyi a kalaka a nga tshembekanga a nga swi yendla? A famba a yendla wunghwavani henhla ka tintshava hinkwatu ta ku leha ni hansi ka minsinya hinkwayu yayikulu.+ 7 Hambiloko a yendle minchumu hinkwayu leyi, a ni tshamela ku mu byela swaku a a tlhelele ka mina+ kambe a nga tlhelanga; funtshi Yuda a a tshamela ku vona leswi yendliwaka hi makwavu wa yena wa xisati lweyi a kanganyisaka.+ 8 Nkama ni nga vona leswo, ni hlongole Israyele lweyi wa ku kala a nga tshembeki, ni mu nyika papela la ku tima muchadu*+ hi mhaka ya leswi a nga mbuyeta.+ Kambe Yuda makwavu wa yena wa xisati, lweyi a kanganyisaka a nga chavanga; na yena a fambe a ya yendla wunghwavani.+ 9 A vone ingaku wunghwavani la yena a li nga li la nchumu, funtshi a chakise tiko a tlhela a tama a mbuyeta ni maribye ni minsinya.+ 10 Hambileswi ku nga yendleka swilo leswi hinkwaswu, Yuda makwavu wa yena wa xisati lweyi a kanganyisaka a nga tlhelanga ka mina hi mbilu hinkwayu kambe a yendle ingaku o tlhelela ka mina,’ ku vula mina Yehovha.”

11 Se Yehovha a ni byela a ku: “Israyele lweyi a kalaka a nga tshembeki a tikombe na a lulamile ku tlula Yuda lweyi a kanganyisaka.+ 12 Famba u ya hlaya leswi ni ku byelaka swona anorte,*+ u ku:

“‘“Vuya, wena Israyele wa ku kala u nga yingisi,” ku vula mina Yehovha.’+ ‘“A ni nga ta ku kwatela,+ hikusa na tshembeka,” ku vula mina Yehovha.’ ‘“A ni nga ta tshama na ni ku vekele xiviti nkama hinkwawu. 13 Pfumela xidjoho xa wena hikusa u ni djikelile mina Yehovha Xikwembu xa wena. A wu yingisanga leswi ni nga swi hlaya, funtshi u tame u yendla wunghwavani ni swikwembu swa matiko man’wani hansi ka minsinya hinkwayu yayikulu,” ku vula mina Yehovha.’”

14 “Vuyani, n’wina vana va ku kala va nga yingisi,” ku hlaya mina Yehovha. “Hikusa hi mina n’winyi* wa n’wina wa ntiyiso; ni ta langa mun’we ka doropa lin’wani ni lin’wani ni vambirhi ka ndjangu wun’wani ni wun’wani funtshi ni ta mi tisa aSiyoni.+ 15 Ni ta mi nyika varisi lava tsakisaka mbilu+ ya mina funtshi va ta mi wundla hi wutivi ni ku twisisa. 16 Ka masiku wolawo mi ta va ni vana naswona mi ta va vanyingi atikweni,” ku hlaya mina Yehovha.+ “A mi nga ha ta vula mi ku: ‘Areka ya ntwananu wa Yehovha!’ A mi nga ha ta pimisa hi yona kumbe ku yi khumbuka hambi ku yi xuva naswona a yi nga ha ta tlhela yi yendliwa. 17 Ka nkama wolowo vanhu va ta vitana Yerusalema va ku i xitshamu xa wuhosi xa Yehovha;+ matiko hinkwawu ma ta hlengeletiwa swaku ma dzunisa vito la mina Yehovha aYerusalema+ naswona a va nge he tlheli va va ni nkanu va yingisa timbilu ta vona leti lavaka ku yendla swa ku biha.”

18 “Ka masiku wolawo vanhu va Yuda ni va Israyele+ va ta famba xikan’we, hinkwavu va ta suka ka tiko la norte va ya ka tiko leli ni nga li nyika vavhovho va vona swaku li va tshomba la vona.+ 19 A ni ku: ‘Ni ku veke xikarhi ka vana va mina, ni ku nyika tiko la ku saseka, tshomba la ku saseka hintamu xikarhi ka matiko!’*+ Funtshi a ni pimisa swaku u ta ni vitana u ku: ‘Papayi!’ Ni swaku a wu nge tshiki ku ni landzela. 20 ‘Kambe ku fana ni wansati lweyi a kanganyisaka nuna* wa yena swaku a mu tshika, na n’wina Vayisrayele mi ni kanganyisile,’+ ku hlaya mina Yehovha.”

22 “Vuyani n’wina vana lava kalaka va nga yingisi.

Ni ta mi hanyisa naswona a mi nga ha ta va vanhu va ku kala va nga yingisi.”+

23 A ho tikanganyisa nkama a hi vanga guwa ka maganga ni ka tintshava.+

Hikusa ku ponisiwa ka hina Vayisrayele ku le ka wena Yehovha Xikwembu xa hina.+

3 Hikusa Yehovha a byela vanhu va Yuda ni va Yerusalema a ku:

 5 Swi vuleni aYuda, mi swi vula ni le Yerusalema.

Huwelelani mi chaya limhondzo ka tiko hinkwalu.+

 6 Nyimisani mhandzi swaku yi kombisa ndlela ya ku ya Siyoni.

Lavani ndhawu ya ku tumbela ka yona naswona mi nga nyimi mi ku whii,”

Hikusa ni ta tisa khombo lalikulu hi ka tlhelo la norte.*+

A humile ka ndhawu ya yena swaku a ta yendla tiko la n’wina li va nchumu xa ku chavisa.

Madoropa ya n’wina ma ta wonheteliwa,* a ku nge he tshami munhu.+

10 Se ni ku: “Wena Yehovha Hosi Leyikulu! Phela u va xengile hintamu vanhu lava+ ni vanhu va Yerusalema u ku: ‘Mi ta va ni ku rhula,’+ kasi xipada xi le ka minkolo ya hina.”

11 Hi nkama wolowo vanhu va Yuda ni va Yerusalema va ta byeliwa leswi:

12 Ni ta byela moya wa matimba swaku wu huma ka tindhawu leti.

Swoswi ni ta mi yavanyisa n’wina vanhu va mina.

Makavhalu ya yena ma tsutsuma hintamu ku tlula magama.*+

Khombo ka hina hikusa hi helisiwile!

14 Wena Yerusalema, hlampsa mbilu ya wena u susa swa ku biha leswi nga ka yona swaku u ta ponisiwa.+

Kasi u ta tshamela ku pimisa swa ku biha anze siku muni?

18 “U ta hakela hi mhaka ya mahanyelo ya wena ni leswi u swi yendlaka.+

19 Ni vavisekile, ni vavisekile!

Ni twa ku vava hintamu ka mbilu ya mina.

Mbilu ya mina yi bela henhla hintamu.

I vana va ku kala va nga tlharihanga, naswona a va twisisi.

23 Ni vone tiko la vona, a li nga na nchumu, funtshi a li hohlokile.*+

Ni txuvuke matilweni naswona ku vonakala ka wona a ku nga ha li kona.+

30 Leswi swoswi u nga hlaseliwa hi ndlela ya mona, u ta yendla yini?

Li pfula mavoko ya lona na li vula leswi:+

“Khombo ka mina, hikusa ni karhalile hi mhaka ya vanhu lava dlayaka!”

5 Rhendzelekani ka switaratu swa Yerusalema.

Mi txuvukisisa kahle ka matlhelo hinkwawu.

 2 Hambiloko vo funga va ku: “Leswi Yehovha a hanyaka!”

Leswi va swi hlayaka swa ha ta tama swi li mavunhwa.+

 3 Yehovha Xikwembu xa mina, kasi matihlo ya wena a ma laveteli vanhu va ku tshembeka?+

U va bile kambe a swi sizanga nchumu.

A ku sale katsongo swaku u va helisa kambe va yalile ku layiwa.+

 4 Kambe mina ni te: “Hikakunene vanhu lava i vanhu va xiyimu xa le hansi.

Hinkwavu lava humaka hi ka wona va phatluleliwa.

 7 Ni nga mi rivalelisa ku yini ka leswi?

 9 Yehovha a li: “A ni fanelanga ni lava swaku vona va tihlamulela ka mina hi mhaka ya swilo leswi?”

“A ni fanelanga ni hakelisa ka tiko leli yendlaka leswo?”+

Va ta helisiwa ku fana ni marito ya vona.”

14 Hi mhaka leyo Yehovha Xikwembu, murhangeli wa tintsumi a li:

15 “Swoswi ni ta mi tisela vanhu va ku ta hi ka tiko la kule, n’wina Vayisrayele,”+ ku hlaya Yehovha.

“I vanhu va khale hintamu,

17 Va ta dla leswi nga tshoveliwa ka masimu ya n’wina ni pawu la n’wina.+

Va ta dlaya vana va n’wina va madjaha ni va tintombhi.

Va ta dla tinyempfu ni tihomu ta n’wina.

Va dla mihandzu ya n’wina ya mawuvha ni ya makuwa.

Va ta helisa madoropa ya n’wina lawa ma nga ni mimuru ya ku tiya ni lawa mi ma tshembaka hi xipada.”

18 Yehovha a li: “Ka masiku wolawo a ni nga ta mi helisa hi ku helela.+ 19 Loko va vutisa va ku: ‘Hi mhaka muni Yehovha Xikwembu xa hina a hi yendle leswi?’ U fanele u hlamula u ku: ‘Leswi mi nga ni tshika mi ya tirhela xikwembu xin’wani ka tiko la n’wina, se mi ta tirhela vanhu van’wani ka tiko lin’wani.’”+

21 “Twanani leswi n’wina swiphunta:*+

24 A va hlayi ka timbilu ta vona va ku:

26 Hikusa ka vanhu va mina ku ni vanhu lava yendlaka swa ku biha.

Va tshamela ku txuvuka matlhelo hinkwawu, ku fana ni lava va phasaka swinyanyani loko va swi nyimela.

Va yendla ntlhamu lowu dlayaka.

Va phasa vanhu hi wona.

Hi leswo swi nga va yendla va va ni matimba va tlhela va ganya.

29 Yehovha a li: “A ni fanelanga ni lava swaku vona va tihlamulela ka mina hi mhaka ya swilo leswi?”

“A ni fanelanga ni hakelisa ka tiko leli yendlaka leswo?

30 Ka tiko leli ku yendleke nchumu xa ku chavisa ni lexi tsemaka nhlana:

Naswona vanhu va mina va rhandza swoleswo.+

Kambe mi ta ku yini loko magamu ma fika?”

6 N’wina vana va Benjamini, balekani aYerusalema mi ya tumbela.

Hikusa khombo lalikuku la ta, la ta hi ka tlhelo la norte.*+

 2 Vanhu lava tshamaka Siyoni* va fana ni wansati wa ku saseka lweyi a a nyikiwa hinkwaswu leswi a swi lavaka.+

 3 Valusi va ta ta ni mintlhambi ya vona.

 4 “Tilulamiseleni swaku mi ta lwa ni doropa la Yerusalema!

Pfukani, a hi li hlaseleni ninhlikanhi!”

 6 Yehovha murhangeli wa tintsumi a li:

“Tsemani minsinya mi yaka mimuru leyi nga ta mi pfuna ku hlasela doropa la Yerusalema.+

 9 Yehovha murhangeli wa tintsumi a li:

“Vanhu va Israyele lava nga sala va fana ni mawuvha ya wugamu lawa ma nga sala ka nsinya wa mawuvha.

U fanele u va hlengeleta ku fana ni leswi munhu a hlengeletisaka swona mawuvha ya wugamu ka ndzhava.”

10 “Ni fanele ni vulavula na vamani ni tlhela ni va basopisa?

I vamani lava va nga ta yingisa?

Phela tindleve ta vona ti pfalekile, naswona a va twi.+

Hikusa ni ta lwa ni lava tshamaka ka tiko leli,” ku vula Yehovha.

Kuve a ku na ku rhula.+

15 Indjhe va dana hi mhaka ya minchumu ya ku nyenyentsa leyi va nga yi yendla?

Ihim, ni ku dana a va dani!

A va swi tivi swaku ku dana i yini!+

Kutani va ta wa ku fana ni lava va nga wa.

Va ta vaviseka loko ni va khatisa,” ku vula Yehovha.

16 Yehovha a li:

“Nyimani lomu tindlela ti tlhanganaka kona mi vona.

Kambe va li: “A hi nge fambi hi yona.”+

Kambe vona va te: “A hi nge yingisi.”+

18 “Se yingisani n’wina matiko!

19 Yingisa wena misava!

21 Se Yehovha a li:

22 Yehovha a li:

23 Va ta khoma ligubu ni tlharhi.

Va ni mona naswona a va nga ta va ni ntwelawusiwana.

Va tilulamisele ku lwa ku fana ni wanuna wa nyimpi lweyi a lwaka na wena, Wena doropa la Siyoni.”

24 Hi swi twile leswi va nga swi hlaya hi vona.

29 Hambiloko munhu a zama ku va tengisa hi ndzilu ku nga za ku psha ni leswi a pfurhetelaka hi swona.

Hikusa ka ndzilu ko huma muthofu ntsena.

7 Yehovha a vulavula na Yeremiya a ku: 2 “Nyima ka swipfalu swa yindlo ya mina Yehovha u huwelela mahungu lawa, u ku: ‘Yingisani leswi Yehovha a swi hlayaka n’wina vanhu hinkwavu va Yuda, n’wina mi nghenaka hi swipfalu leswi swaku mi ya khizamela Yehovha. 3 Yehovha murhangeli wa tintsumi, Xikwembu xa Israyele, a li: “Txintxani mahanyelo ya n’wina ni leswi mi swi yendlaka, se ni ta mi tshika swaku mi tama mi tshama ka ndhawu leyi.+ 4 Mi nga tshembeni marito ya mavunhwa se mi ku: ‘Leyi i* tempele ya Yehovha, i tempele ya Yehovha, i tempele ya Yehovha!’+ 5 Hikusa loko mo txintxa mahanyelo ya n’wina hikakunene, mi txintxa leswi mi swi yendlaka, mi tlhela mi yavanyisa hi ndlela ya ku lulama loko munhu a ni timhaka ni munhu mun’wani;+ 6 loko mo kala mi nga hluphi vanhu lava taka hi ka matiko man’wani, vana lava kalaka va nga na vapsali ni vavasati lava va nga feliwa hi vavanuna;+ ni loko mo kala mi nga dlayi vanhu va ku kala va nga na nandzu ka ndhawu leyi; mi tlhela mi nga gandzeli swikwembu swin’wani swaku mi nga kumiwi hi khombo;+ 7 ni ta mi tshika mi tama mi tshama ka ndhawu leyi, ka tiko leli ni nga nyika vavhovho va n’wina swaku va tshama hi nkama wa ku kala wu nga heli.”’”

8 “Kambe mi tshemba marito ya mavunhwa,+ phela a ma nga ta mi pfuna hi nchumu nikatsongo. 9 Indjhe mi nga yiva,+ mi dlaya, mi mbuyeta, mi funga mavunhwa,+ mi yendlela Bali+ magandzelo mi tlhela mi gandzela swikwembu leswi mi kalaka mi nga swi tivi, 10 mi gama mi fika mi nyima phambheni ka mina ka yindlo leyi, leyi vitaniwaka hi vito la mina mi ku: ‘Hi ta ponisiwa,’ hambileswi mi yendlaka minchumu hinkwayu leyi ya ku nyenyentsa? 11 Kasi a yindlo leyi, leyi vitaniwaka hi vito la mina mi yi yendle yindlo ya vayivi?+ Ni swi vonile leswi mi swi yendlaka,” ku vula Yehovha.

12 “‘Se swoswi fambani ka ndhawu ya mina aXilo,+ lani ni nga sungula ni yendla swaku vito la mina li dzunisiwa kona,+ mi ta vona leswi ni nga swi yendla hi mhaka ya swilo swa ku biha leswi nga yendliwa hi Vayisrayele ku nga vanhu va mina.+ 13 Kambe mi tame mi yendla swilo leswi hinkwaswu,’ ku vula Yehovha, ‘hambileswi ni nga vulavula na n’wina hi ku phindhaphindha,* a mi yingisanga.+ Ni tame ni mi vitana kambe a mi hlamulanga.+ 14 Leswi ni nga swi yendla aXilo+ ni ta swi yendla ka yindlo leyi vitaniwaka hi vito la mina,+ leyi mi yi tshembaka+ ni tlhela ni swi yendla ni ka ndhawu leyi ni nga yi nyika n’wina ni vavhovho va n’wina. 15 Ni ta mi txukumeta mi suka phambheni ka mina, ku fana ni leswi ni nga txukumeta vamakwenu va n’wina hinkwavu ku nga vatukulu hinkwavu va Efrayimi.’+

16 “Kambe wena, u nga va khongeleli vanhu lava. U nga huweleli u khongela kumbe u va kombelela ka mina,+ hikusa a ni nge ku yingisi.+ 17 Wo kala u nga swi voni leswi va swi yendlaka ka madoropa ya Yuda ni ka switaratu swa Yerusalema? 18 Vana va madjaha va hlengeletela tihunyi, vapapayi va tshivela ndzilu, vavasati va pfuva mbila swaku va hamba mabolu ya gandzelo va yendlela Hosi ya Xisati ya Tilo,*+ naswona va yendla magandzelo ya vhinyu va yendlela swikwembu swin’wani swaku va ni kwatisa.+ 19 ‘Indjhe hi mina va ni twisaka ku vava?’ ku hlaya Yehovha. ‘A hi vona va titwisaka ku vava va tlhela va dana?’+ 20 Yehovha Hosi Leyikulu a li: ‘Ku kwata ka mina ni ta ku chululela ka ndhawu leyi,+ ahenhla ka munhu ni henhla ka xiharhi, ahenhla ka minsinya ya tiko ni henhla ka mihandzu; ku ta pfurha naswona a ku nga ta timiwa.’+

21 “Yehovha murhangeli wa tintsumi, Xikwembu xa Israyele a li: ‘Tamani mi yengesela magandzelo ya n’wina ya ku hisiwa ka magandzelo man’wani ya n’wina mi gama mi ma dla.+ 22 Hikusa hi siku leli ni nga humesa vavhovho va n’wina ka tiko la Gibita, a ni vulavulanga na vona kumbe ni va byela swaku va yendla magandzelo ya ku hisiwa ni magandzelo man’wani.+ 23 Kambe ni va nyike nawu lowu nge: “Yingisani leswi ni mi byelaka swona se mina ni ta va Xikwembu xa n’wina, n’wina mi ta va vanhu va mina.+ Mi fanele mi yendla hinkwaswu leswi ni mi byelaka swona swaku swi ta mi fambela kahle.”’+ 24 Kambe a va pfulanga tindleve ta vona va yingisa;+ kambe va yendle leswi vona va swi pimisaka, va ve ni nkanu va yendla swa ku biha leswi nga ka timbilu ta vona+ naswona va tlhelele ndzhaku, a va yanga phambheni, 25 va yendle leswo ku sukela siku leli vavhovho va n’wina va nga huma hi lona ka tiko la Gibita anze namuntlha.+ Se a ni tshamela ku rhuma vatirheli va mina hinkwavu ku nga vaprofeta, ni va rhuma siku ni siku, hi ku phindhaphindha.*+ 26 Kambe va yale ku pfula tindleve ta vona swaku va ni yingisa.+ Kambe va ve ni nkanu* naswona va yendle swa ku biha ku tlula vavhovho va vona!

27 “U ta va byela marito lawa hinkwawu,+ kambe a va nga ta ku yingisa; u ta va vitana kambe a va nga ta ku hlamula. 28 Se u ta va byela u ku: ‘Leli i tiko leli nga yala ku yingisa Yehovha Xikwembu xa lona naswona li yalile ku yingisa loko li layiwa. Ku tshembeka a ku kona hambi ku vulavula hi kona a va vulavuli hi kona.’+

29 “Tsemeta misisi ya wena ya ku leha u yi txukumeta, u yimbelela lisimu la xirilo henhla ka maganga hikusa Yehovha a va tshikile vanhu lava, lava va nga mu kwatisa. 30 ‘Hikusa vanhu va Yuda va ni djohelile,’ ku vula Yehovha. ‘Va veke swifaniso swa vona swa ku nyenyentsa leswi va swi gandzelaka ka yindlo leyi vitaniwaka hi vito la mina swaku va yi chakisa.+ 31 Va yake tindhawu ta ku tlakuka ta ku gandzela ka tona ta Tofeti, ka Nkova wa N’wana wa Hinomi,*+ swaku va hisa vana va vona va madjaha ni va tintombhi hi ndzilu,+ ku nga nchumu lowu ni kalaka ni nga va byelanga swaku va wu yendla, naswona ni kalaka ni nge se tshama ni wu pimisa ka mbilu ya mina.’+

32 “‘Kambe masiku ma ta,’ ku vula Yehovha, ‘lawa ndhawu leyi yi nga ta kala yi nga ha vitaniwi Tofeti kumbe Nkova wa N’wana wa Hinomi* kambe yi ta vitaniwa Nkova wa Ku Dlaya. Va ta lahla vanhu aTofeti ku za ku nga ha sali ndhawu ya ku lahla.+ 33 Se mintsumbu ya vanhu lava yi ta va swakudla swa swinyanyani ni swiharhi naswona a ku na munhu ni mun’we lweyi a nga ta swi hlongola.+ 34 Ni ta helisa guwa la ku tsaka ni rito la wanuna lweyi a tekaka ni la wansati lweyi a tekiwaka+ ka madoropa ya Yuda ni ka switaratu swa Yerusalema, hikusa tiko leli li ta wonheteliwa.’”*+

8 Yehovha a li: “Hi nkama wolowo, marhambu ya tihosi ta Yuda, marhambu ya varhangeli va kona, marhambu ya vaprista, marhambu ya vaprofeta ni marhambu ya lava va tshamaka Yerusalema ma ta humesiwa masirheni. 2 Ma ta hangalasiwa hansi ka dlambu ni hansi ka n’weti ni hansi ka tinyeleti hinkwatu ta le matilweni ku nga minchumu leyi a va yi rhandza, va yi tirhela, va yi landzelela, va yi lavetela va tlhela va yi khizamela.+ A ma nge hlengeletiwi kumbe ku lahliwa. Ma ta fana ni xitrumi ahenhla ka misava.”+

3 “Vanhu lava nga ta pona vandjangu lowu wu yendlaka swa ku biha va ta langa ku fa ku nga li wutomi ka tindhawu hinkwatu leti ni nga ta va hangalasa va ya ka tona,” ku vula Yehovha murhangeli wa tintsumi.

4 “U fanele u va byela u ku: ‘Yehovha a li:

“Indjhe va ta wa va nga ha pfuki?

Loko mun’we a txintxa, indjhe lweyi mun’wanyani na yena a ta txintxa?

 5 Hi mhaka muni vanhu va mina, ku nga vanhu va Yerusalema, va tshamela ku kala va nga tshembeki ka mina?

 6 Ni pfule ndleve ya mina, ni tama ni va yingisela kambe mavulavulelo ya vona a hi manene.

A ku na munhu lweyi a nga tshika swa ku biha leswi a swi yendlaka kumbe lweyi a nga tivutisa a ku: ‘Ni yendle yini?’+

Hinkwavu va tshamela ku tlhelela ka swilo leswi yendliwaka hi vanhu va vanyingi, ku fana ni kavhalu leli tsutsumaka li ya nyimpini.

Kambe vanhu va mina a va ku twisisi ku yavanyisa ka mina Yehovha.”’+

 8 ‘Mi nga vulisa ku yini mi ku: “Hi tlharihile naswona hi ni nawu wa Yehovha”?

Hikusa vasekretariyu* va tirhise lisiva*+ swaku va tsala mavunhwa.

 9 Lava ku tlhariha va danisiwile.+

Va chavile naswona va ta phasiwa.

Kuve a ku na ku rhula.+

12 Indjhe va dana hi mhaka ya minchumu ya ku nyenyentsa leyi va nga yi yendla?

Ihim, ni ku dana a va dani!

A va swi tivi swaku ku dana i yini!+

Kutani va ta wa ku fana ni lava va nga wa.+

Va ta vaviseka loko ni va khatisa,’ ku vula Yehovha.

13 ‘Nkama ni nga ta va hlengeleta, ni ta va helisa,’ ku vula Yehovha.

‘A ku nga ta sala mawuvha ka nsinya wa mawuvha, a ku nga ta sala makuwa ka nsinya wa nkuwa funtshi matluka ma ta vuna.

Leswi ni nga va nyika swona va ta swi luza.’”

14 “Se hi tshamela yini lani?

A hi hlengeletananeni hi nghena ka madoropa lama nga ni mimuru ya ku tiya+ hi ta ya fela kona.

16 Ku twakale guwa la ku hefemuteka ka makavhalu ya yena aDani.

“Kasi Yehovha a nga le Siyoni?

Kumbe a hosi ya hina a yi le Siyoni?”

Naswona na chava.

22 A ku na mafurha ya balsamu aJiliyadi?+

Kumbe a ku na munhu lweyi a tivaka ku daha koseniya?+

Se hi mhaka muni vanhu va mina va nga dahiwanga?+

 2 Loko a ni ni yindlo ya vapfhumba amananga!

Va djondzise lirimi la vona ku hemba.+

Va karhala va ku pfotlo hi ku yendla swa ku biha.

 6 U tshama xikarhi ka mavunhwa.

Va vulavula mavunhwa funtshi a va swi lavi ku ni tiva,” ku vula Yehovha.

 7 Kutani Yehovha murhangeli wa tintsumi a li:

 8 Lirimi la vona leli vulavulaka mavunhwa i mpaxwa* lowu dlayaka.

 9 Yehovha a li: “A ni fanelanga ni lava swaku vona va tihlamulela ka mina hi mhaka ya swilo leswi?”

“A ni fanelanga ni hakelisa ka tiko leli yendlaka leswo?+

Swinyanyani ni swiharhi swi balekile; a swa ha li kona.+

12 I mani lweyi a nga tlhariha swinene swaku a kota ku twisisa leswi?

I mani lweyi Yehovha a nga vulavula na yena, swaku a swi vula?

Hi mhaka muni tiko li helisiwile?

13 Yehovha a hlamula a ku: “Hi mhaka ya leswi va nga tshika nawu wa mina lowu ni nga va nyika wona, va nga wu yingisi va tlhela va nga swi yingisi leswi ni nga va byela swona. 14 Funtshi va tiwomise tinhloko va landzelela timbilu ta vona+ naswona va gandzela swifaniso swa Bali va landzela leswi vapapayi va vona va nga va djondzisa swona.+ 15 Kutani Yehovha murhangeli wa tintsumi, Xikwembu xa Israyele a li: ‘Vanhu lava ni ta va dlisa swinsinyani swa ku bava naswona ni ta yendla swaku va phuza mati lama nga ni vhenenu.+ 16 Ni ta va hangalasa ka matiko lawa vona ni vapapayi va vona va kalaka va nga ma tivanga+ naswona ni ta va rhumela xipada anze ni va helisa.’+

19 Hikusa ku twakala guwa la xirilo aSiyoni:+

“Vonani ndlela leyi hi nga helisiwa hi yona!

Vonani ndlela leyi hi nga danisiwa hi yona!

Hikusa hi siye tiko la hina naswona va wonhe makaya ya hina.”+

20 N’wina vavasati, twanani rito la Yehovha.

Ndleve ya n’wina a yi twe rito leli vuliwaka hi yena.

22 Hlaya u ku: ‘Yehovha a li:

23 Yehovha a li:

24 “Kambe lweyi a tibumaka a a tibume hi leswi:

25 Yehovha a li: “Masiku ma ta, lawa hinkwavu lava nga tsema minsuvu* kambe na ku nga li swa ntiyiso va nga ta tihlamulela ka mina,+ 26 ku nga Gibita,+ Yuda,+ Edomu,+ Vaamoni,+ Mowabu+ ni hinkwavu lava nga tsemeta misisi leyi nga matlhelweni ka ximombo lava tshamaka mananga;+ hikusa matiko hinkwawu a ma tsemanga minsuvu ni tiko hinkwalu la Israyele hambileswi li nga tsema minsuvu a hi swa ntiyiso.”*+

10 Twanani rito leli Yehovha a nga li vula swaku a lwa na n’wina, n’wina Vayisrayele. 2 Yehovha a li:

 3 Hikusa leswi vanhu va nga tolovela ku swi yendla a swi pfuni nchumu.

 6 Yehovha Xikwembu xa mina, a nga kona lweyi a fanaka na wena.+

Phela u mukulu, vito la wena i likulu naswona li ni matimba.

 8 Hinkwavu ka vona i swiphunta, a va pimisi.+

Phela ku djondzisiwa hi nsinya a swi pfuni nchumu.+

Mpahla ya vona yi yendliwe hi linya la azuli ni mavoya ya kori ya ku pshuka.

Hinkwaswu swi yendliwe hi vanhu lava swi kotaka kahle ku tirha.

10 Kambe Yehovha i Xikwembu xa ntiyiso.

I Xikwembu lexi hanyaka+ ni Hosi leyi nga kona hi nkama wa ku kala wu nga heli.+

11* Mi ta va byela mi ku:

14 Vanhu hinkwavu va yendle swilo na va nga zanga va pimisa funtshi na va nga na wutivi.

15 A swi pfuni nchumu, i ntirho lowu faneleke wu poyiliwa.+

Loko siku la ku yavanyisiwa ka swona li fika, swi ta helisiwa.

Vito la yena i Yehovha murhangeli wa tintsumi.+

18 Hikusa Yehovha a li:

19 Khombo ka mina hi mhaka ya leswi ni nga tshoveka!+

Xilondza xa mina a xi daheki.

Kutani ni te: “Phela lawa i mavabyi ya mina naswona ni fanele ni ma tiyisela.

20 Tende la mina li wonhiwile funtshi magoda ya tende la mina ma tsemiwile.+

Vana va mina va madjaha va ni siyile a va ha li kona.+

A ka ha na munhu lweyi a nga ta gwimba tende la mina kumbe ku li nyimisa.

22 Yingisa! Rungula li le ku teni!

23 Yehovha Xikwembu xa mina, ni swi tiva kahle swaku munhu a nge swi koti ku tikongomisa.

Munhu lweyi a fambaka a nge yi kongomisi minkondzo ya yena.+

11 Yehovha a vulavule na mina Yeremiya a ku: 2 “Twanani marito ya ntwananu lowu, n’wina vanhu!

“Ma byeli* vanhu va le Yuda ni lava tshamaka Yerusalema 3 u ku: ‘Yehovha Xikwembu xa Israyele a li: “A a rhukiwi munhu lweyi a kalaka a nga ma yingisi marito ya ntwananu lowu,+ 4 lawa ni nga ma byela vavhovho va n’wina hi siku leli ni nga va humesa hi lona ka tiko la Gibita,+ lani a va hluphiwa*+ ni ku: ‘Yingisani rito la mina mi yendla hinkwaswu leswi ni mi rhumaka swona; kutani mi ta va vanhu va mina naswona mina ni ta va Xikwembu xa n’wina,+ 5 leswaku ni yendla leswi ni nga fungela vavhovho va n’wina, ku nga ku va nyika tiko leli nga tala hi leiti ni wulombe,+ ku nga leswi yendlekaka namuntlha.’”’”

Se ni ku: “Amen,* Yehovha.”

6 Kutani Yehovha a ni byela leswi: “Vula marito lawa hinkwawu ka madoropa ya Yuda ni switaratu swa Yerusalema u ku: ‘Twanani marito ya ntwananu lowu, mi ma yendla. 7 Hikusa ni laye vavhovho va n’wina ku sukela hi siku leli ni nga va humesa hi lona ka tiko la Gibita anze namuntlha, ni va laye hi ku phindhaphindha* ni ku: “Yingisani rito la mina.”+ 8 Kambe a va zanga va yingisa; mun’wani ni mun’wani a yo tama a tiwomisa nhloko a landzela mbilu ya yena ya ku biha.+ Kutani ni va khatisile hi ku ya hi leswi ntwananu wu vulaka swona. Ni va rhume swaku va wu yingisa kambe va yalile ku wu yingisa.’”

9 Se Yehovha a ni byela a ku: “Vanhu va le Yuda ni va le Yerusalema va yendle maplanu* ya ku biha. 10 Va tlhelele ka swihoxo swa vavhovho va vona, lava nga yala ku yingisa marito ya mina.+ Na vona va landzelele swikwembu swin’wani va tlhela va swi tirhela.+ Vanhu va tiko la Israyele ni la Yuda va tshike ntwananu wa mina lowu ni nga wu yendla ni vavhovho va vona.+ 11 Kutani Yehovha a li: ‘Ni va tisela khombo+ leli va nga ta kala va nga swi koti ku li baleka. Loko va ni kombela swaku ni va pfuna, a ni nga ta va yingisa.+ 12 Kutani vanhu lava nga ka madoropa ya Yuda ni lava tshamaka Yerusalema va ta ya ka swikwembu leswi va swi yendlelaka magandzelo swaku va ya kombela ku pfuniwa,+ kambe a swi nga ta swi kota ku va ponisa loko va kumana ni khombo. 13 Hikusa swikwembu swa wena Yuda i swinyingi ku fana ni madoropa ya wena, naswona u yendle maaltari ya manyingi, u yendlela nchumu xa ku danisa.* Maaltari lawa i manyingi ku fana ni switaratu swa Yerusalema, maaltari ya ku yendlela Bali magandzelo.’+

14 “Se wena,* u nga va khongeleli vanhu lava. U nga huweleli mhaka ya vona kumbe u va khongelela+ hikusa a ni nga ta va yingisa loko va huwelela ka mina hi mhaka ya khombo la vona.

Indjhe va nga sivela khombo hi nyama ya ku kwetsima* loko li va tela?

Indjhe u ta tsaka hi nkama wolowo?

17 “Yehovha murhangeli wa tintsumi, Mubyali wa wena,+ a vule swaku u ta kumana ni khombo hi mhaka ya swilo swa ku biha leswi nga yendliwa hi tiko la Israyele ni la Yuda, lava nga ni kwatisa hi ku yendlela Bali magandzelo.”+

19 A ni fana ni xinyempfani xa ku rhula lexi yisiwaka ku dlayiweni.

A ni nga ma tivi maplanu lawa va nga ni yendlela wona, va ku:+

21 Se Yehovha a vula leswi ka vavanuna va le Anatoti+ lava lavaka ku ku dlaya ni lava nge: “U nga tshuki u profeta hi vito la Yehovha,+ hikusa hi ta ku dlaya”; 22 kutani Yehovha murhangeli wa tintsumi a li: “Ni ta lava swaku va tihlamulela. Madjaha ma ta dlayiwa hi xipada+ naswona vana va vona va ta dlayiwa hi ndlala.+ 23 A ku nga ta pona munhu hikusa ni ta tisa khombo ka vavanuna va le Anatoti,+ hi lembe leli va nga ta tihlamulela hi lona.”

 2 U va byalile naswona va dzime timintsu.

Va kulile va psala mihandzu.

Va tshamela ku vulavula hi wena kambe ka timbilu* ta vona a va na mhaka na wena.+

Hikusa va te: “A nga swi voni leswi nga ta hi yendlekela.”

Va huwelelile hi wena.

 7 “Ni yi tshikile yindlo ya mina;+ ni li tshikile tshomba la mina.+

Ni nyikele murhandziwa wa mina ka valala va yena.+

 8 Tshomba la mina li fana ni nghonyama akhwatini.

Li ni pfhumpfhelile ku fana ni nghonyama.

Kutani na li nyenya.

Tiko la mina la ku saseka va li hohlotile li sala na li li mananga.

11 Va li txintxe li va mananga.

Vanhu hinkwavu a va na ku rhula.

13 Va byale trigu, kambe va tshovele mimintwa.+

Va tirhe hi matimba, kambe a swi pfuni nchumu.

14 Yehovha a byela vavhizinyu va mina hinkwavu va ku biha, lava khumbaka tshomba leli ni nga li nyika vanhu va mina, ku nga Israyele, a ku:+ “Na va tsuvula ka tiko la vona+ funtshi ni ta tsuvula tiko la Yuda xikarhi ka vona. 15 Kambe loko se ni va tsuvulile, ni ta tlhela ni va komba timpsalu ni vuyisa mun’wani ni mun’wani ka tshomba la yena ni ka tiko la yena.”

16 “Kutani loko hikakunene vo djondza tindlela ta vanhu va mina va tlhela va funga hi vito la mina, va ku: ‘Leswi Yehovha a hanyaka,’ ku fana ni leswi va nga djondzisa vanhu va mina swaku va funga hi Bali, va ta simekiwa xikarhi ka vanhu va mina. 17 Kambe loko va yala ku yingisa, ni ta li tsuvula tiko lolelo, ni tlhela ni li helisa,” ku vula Yehovha.+

13 Yehovha a ni byela a ku: “Famba u ya tixavela bandhi leli nga hambiwa hi panu u li boha ka masenge kambe u nga li nghenisi ka mati.” 2 Kutani ni xava bandhi hi ku landza leswi Yehovha a nga ni rhuma swona, ni li boha ka masenge. 3 Yehovha a tlhela a vulavula na mina a ku: 4 “Teka bandhi leli u nga li xava, leli u nga li boha u ya Ewufrata, kutani u fika u li fihla ka mhakwa* lowu nga ka ribye.” 5 Se ni famba ni ya li fihla aEwufrata, hi ku landza leswi Yehovha a nga ni rhuma swona.

6 Kambe loko se ku hundze masiku ya manyingi, Yehovha a vulavula na mina a ku: “Pfuka u ya aEwufrata u fika u teka bandhi leli ni nga ku rhuma swaku u ya li fihla.” 7 Se ni ya aEwufrata ni fika ni txela lomu ku nga ni bandhi ni gama ni li teka lomu a ni li fihle kona kambe se a li wonhekile; a li nga ha pfuni nchumu.

8 Yehovha a vulavula na mina a ku: 9 “Mina Yehovha, ‘Hi swoleswo ni nga ta swi yendla swaku ni helisa ku tibyela ka Yuda ni ku tibyela kakukulu ka Yerusalema.+ 10 Vanhu lava yendlaka swa ku biha lava yalaka ku yingisa marito ya mina,+ lava tiwomisaka tinhloko va yendla leswi timbilu ta vona+ ti va byelaka swona naswona va landzelelaka swikwembu swin’wani, va swi tirhela va tlhela va swi khizamela, va ta fana ni bandhi leli, leli kalaka li nga pfuni nchumu.’ 11 ‘Hikusa ku fana ni leswi bandhi li namarhelaka masenge ya munhu, ni yendle swaku vanhu hinkwavu vandjangu wa Israyele ni vanhu hinkwavu vandjangu wa Yuda va ni namarhela swaku va va vanhu va mina,+ ndhuma ya mina,+ ku dzuneka ka mina ni nchumu xa ku saseka. Kambe a va yingisanga,’+ ku vula Yehovha.

12 “U fanele u tlhela u va byela marito lawa: ‘Yehovha Xikwembu xa Israyele a li: “Khuwani lin’wani ni lin’wani li fanele li tatiwa hi vhinyu.”’ Kutani va ta ku hlamula va ku: ‘Ho kala hi nga swi tivi swaku khuwani lin’wani ni lin’wani li fanele li tatiwa hi vhinyu?’ 13 Kutani va byeli u ku: ‘Yehovha a li: “Ni va nyika vhinyu hinkwavu lava tshamaka ka tiko leli,+ tihosi leti nga tshama ka xitshamu xa wuhosi xa Davhida, vaprista ni vaprofeta ni hinkwavu lava tshamaka aYerusalema anze va dakwa. 14 Vapapayi ni vana ni ta va fayetela ni tlhela ni va bananisa,” ku vula Yehovha.+ “A ni nge va tsetseleli kumbe ni va twela wusiwana kumbe ni va ni timpsalu ka vona; a xi kona lexi nga ta ni sivela ku va helisa.”’+

15 Pfulani tindleve mi yingisa.

Mi nga titlakusi, hikusa Yehovha a vulile.

19 Madoropa ya le sul* ma pfaliwile,* a ku na munhu lweyi a ma pfulaka.

Vanhu hinkwavu va le Yuda va yisiwe wukaraweni, a ku salanga ni mun’we.+

20 Txuvuka lava taka hi norte.*+

Wu kwini ntlhambi lowu u nga nyikiwa wona, tinyempfu ta wena ta ku saseka?+

Indjhe a wu nga ta va ni switlhavi swa ku psala,* ku fana ni wansati lweyi a psalaka?+

22 Loko u vulavula hi mbilu u ku: ‘Hi mhaka muni ni kumana ni swilo leswi?’+

Swi yendleka hikusa u hliviliwe mpahla ya wena hi mhaka ya xihoxo xa wena xaxikulu+

Naswona swirhendze swa wena swi vavisiwile.

23 Indjhe Mukuxi* a nga xi txintxa xikhumba xa yena kumbe yingwe* yi txintxa mavalavala ya yona?+

24 Kutani ni ta va hangalasa ku fana ni mahlanga lama biwaka hi moya wa le mananga.+

Khombo ka wena Yerusalema!

Kasi u ta tshama na u chakile anze siku muni ke?”+

14 Yehovha a vule leswi ka Yeremiya hi mhaka ya djandza:+

 2 Yuda wa rila+ funtshi swipfalu swa yena swi wile.

 3 Varhangeli va vona va rhuma vatirhi swaku va ya kha mati.

Va ye ka swihlovo kambe a va ma kumanga.

Va tlhele ni swibya swa vona na swi nga na nchumu.

 6 Timbongolo ta khwati ti nyima henhla ka maganga.

U nga hi tshiki.

10 Yehovha a hlaya leswi hi vanhu lava: “Va rhandza ku tsendzeleka;+ a va yi sivelanga minenge ya vona.+ Kutani Yehovha a nga va tsakeli.+ A ta khumbuka xihoxo xa vona, kutani a ta lava swaku va tihlamulela hi mhaka ya swidjoho swa vona.”+

11 Se Yehovha a ni byela a ku: “U nga va khongeleli swaku va kuma swilo swaswinene vanhu lava.+ 12 Hambiloko va titsona swakudla, a ni swi yingisi swikombelo swa vona,+ ni loko va humesa magandzelo ya ku hisiwa ni magandzelo ya swakudla, a ni ma tsakeli,+ hikusa ni ta va helisa hi xipada, hi ndlala ni hi mavabyi.”+

13 Kutani ni hlamula ni ku: “Yehovha Hosi Leyikulu! Vaprofeta va va byela va ku: ‘A mi nga ta vona xipada funtshi a mi nga ta biwa hi ndlala kambe ni ta mi nyika ku rhula ka ntiyiso ka ndhawu leyi.’”+

14 Se Yehovha a ni byela a ku: “Vaprofeta va profeta mavunhwa hi vito la mina.+ A ni zanga ni va rhuma nchumu kumbe ku vulavula na vona.+ Va mi profetela swa mavunhwa na va vula swaku va kombiwe hi mina ni ku mi hlahluvela swa ku kala swi nga pfuni nchumu ni wukanganyisi leli nga ka timbilu ta vona.+ 15 Se Yehovha a hlaya leswi hi vaprofeta lava profetaka hi vito la mina hambileswi ni kalaka ni nga va rhumanga, lava vulaka swaku a ku nga ta va ni xipada kumbe ndlala ka tiko leli: ‘Vaprofeta volavo va ta helisiwa hi xipada ni hi ndlala.+ 16 Kutani vanhu lava ku profeteliwaka vona va ta txukumetiwa ka switaratu swa le Yerusalema hi mhaka ya ndlala ni xipada, a ku na munhu lweyi a nga ta va lahla,+ vona, vasati va vona, vana va vona va madjaha kumbe va tintombhi hikusa ni ta va chululela khombo leli va fanelaka.’+

Hikusa muprofeta ni muprista va rhendzeleke ka tiko leli va kalaka va nga li tivi.’”+

19 Kasi Yuda u yo mu tshika swa wugamu kumbe u tshika Siyoni?+

Hi mhaka muni u hi bile swi za swi nga koteki swaku hi dahiwa?+

Khumbuka ntwananu lowu u nga wu yendla na hina naswona u nga wu helisi.+

Kasi a hi wena ntsena Yehovha Xikwembu xa hina lweyi a kotaka ku yendla swilo leswi?+

15 Yehovha a ni byela a ku: “Hambiloko Moxe na Samuwele a va yo nyima phambheni ka mina,+ vanhu lava a ni nga ta va tsetselela. Va hlongole phambheni ka mina. A va suke. 2 Loko va ku vutisa va ku: ‘Hi fanele hi ya kwini?’ u fanele u va hlamula u ku: ‘Yehovha a li:

“Lweyi a faneliwaka hi mavabyi lama dlayaka, a ma mu dlaye!

Lweyi a faneliwaka hi xipada, a a dlayiwi hi xipada!+

Lweyi a faneliwaka hi ndlala, a a dlayiwi hi ndlala!

Kasi lweyi a faneliwaka hi wukarawa, a a ye wukaraweni!”’+

3 “‘Kutani ni ta rhumela 4* wa makhombo+ swaku ma va wela, xipada swaku xi va dlaya, timbyana swaku ti va kokakoka, swinyanyani ni swiharhi swaku swi va dla swi tlhela swi va helisa,’ ku vula Yehovha.+ 4 ‘Ni ta yendla swaku mimfumu hinkwayu ya misava yi chava+ hi mhaka ya leswi nga ta va humelela hi mhaka ya leswi Manasi n’wana wa Hezekiya, hosi ya Yuda, a nga swi yendla aYerusalema.+

 6 ‘U ni tshikile,’ ku vula Yehovha.+

‘U tshamela ku fambela kule* na mina.+

Kutani ni ta tlakusa voko la mina ni lwa na wena ni ku helisa.+

Ni karhele hi ku ku twela wusiwana.*

 7 Kutani ni ta va hambanisa hi garfu ka tinyanghwa ta tiko.

Ni ta yendla swaku va sala na va nga na vana.+

 8 Ni ta yendla swaku vavasati lava nga feliwa hi vavanuna va va vanyingi swinene ku tlula misava ya malwandle.

Ni ta tisa munhu swaku a ta va dlaya ninhlikanhi, a ta dlaya vamamani ni madjaha.

Ni ta va tisela ku karhateka ni ku chava kakukulu na va nga swi nyimelanga.

Ni hakeliseli ka lava ni xanisaka.+

U nga va lehiseli mbilu kutani u ni tshika ni helisiwa.

Swi tive swaku na rhuketeliwa hi mhaka ya wena.+

17 A ni tshami ni vanhu lava yendlaka mafenya* kutani ni tsaka na vona.+

18 Hi mhaka muni ku vava ka mina ku nga heli ni xilondza xa mina xi nga daheki?

Xa yala ku hola.

19 Kutani Yehovha a li:

20 “Ni ta yendla swaku u va muru wa ku tiya wa kobre ka vanhu lava.+

16 Yehovha a tlhela a khuluma na mina a ku: 2 “U nga tshuki u teka nsati naswona u nga tshuki u va ni vana va madjaha ni va tintombhi ka ndhawu leyi. 3 Mina Yehovha ni hlaya leswi hi vana va madjaha ni va tintombhi lava psaliwaka lani, ni vamamani va vona lava va va psalaka,* ni vapapayi va vona lava yendlaka swaku va psaliwa ka tiko leli: 4 ‘Va ta dlayiwa hi mavabyi lama dlayaka,+ kambe a va nga ta riliwa kumbe ku lahliwa; va ta fana ni xitrumi henhla ka misava.+ Va ta dlayiwa hi xipada ni hi ndlala+ naswona mintsumbu ya vona yi ta dliwa hi swinyanyani ni hi swiharhi.’

 6 Vavakulu ni vavatsongo va ta fela ka tiko leli.

9 “Hikusa Yehovha murhangeli wa tintsumi, Xikwembu xa Israyele a li: ‘Ni ta helisa guwa la ku tsaka, rito la lweyi a tekaka* ni la lweyi a tekiwaka* ka ndhawu leyi, leswo ni ta swi yendla ka nkama wa n’wina funtshi na mi swi vona hi matihlo ya n’wina.’+

10 “Nkama u nga ta byela vanhu lava marito lawa hinkwawu, va ta ku vutisa va ku: ‘Hi mhaka muni Yehovha a vule swaku a ta hi tisela khombo leli lalikulu? Hi mu djohele yini Yehovha Xikwembu xa hina?’+ 11 U fanele u va hlamula u ku: ‘“Hi mhaka ya leswi vavhovho va n’wina va nga ni tshika,+ ni leswi va nga tama va landzela swikwembu swin’wani, va swi tirhela ni ku swi khizamela.+ Kambe mina va ni tshikile ni nawu wa mina a va wu yingisanga,”+ ku vula Yehovha. 12 “N’wina mi djohe hintamu ku tlula vavhovho va n’wina,+ mun’wani ni mun’wani wa n’wina a yendla swilo hi ku landza mbilu ya yena ya ku biha leyi nga tiyela a tshika ku yingisa mina.+ 13 Kutani ni ta mi hlongola ka tiko leli mi ya ka tiko leli n’wina kumbe vavhovho va n’wina va kalaka va nga li tivanga,+ se koseniyani mi ta sindziseka ku tirhela swikwembu swin’wani wusiku ni nhlikanhi,+ hikusa a ni nga ta va ni timpsalu ka n’wina.”’

14 “‘Kambe masiku ma ta,’ ku vula Yehovha, ‘lawa va nga ta kala va nga ha vuli va ku: “Leswi Yehovha a hanyaka, lweyi a nga humesa Vayisrayele ka tiko la Gibita!”+ 15 Kambe va ta ku: “Leswi Yehovha a hanyaka, lweyi a nga humesa Vayisrayele ka tiko la le norte* ni ka matiko hinkwawu lawa a nga va hangalasela ka wona!” Kutani ni ta va tlhelisela ka tiko la vona leli ni nga li nyika vavhovho va vona.’+

17 Hikusa matihlo ya mina ma vona hinkwaswu leswi va swi yendlaka.*

17 “Xidjoho xa Yuda xi tsaliwe hansi hi xa ku tsala hi xona xa nsimbi.

 4 Tshomba leli ni nga ku nyika lona u ta li tshika hi ku swi rhandza.+

Ku ta pfurha ku nga timeki.”

 5 Yehovha a li:

 6 A ta fana ni nsinya lowu nga woxe amananga.

 9 Mbilu yi kanganyisa ngopfu ku tlula swilo hinkwaswu naswona yi ni khombo.*+

I mani lweyi a nga yi tivaka?

14 Yehovha Xikwembu xa mina, ni hanyise kutani ni ta hanya.

15 Ku ni lava ni byelaka va ku:

“Li kwini rito la Yehovha?+

Hi kombela li ta!”

17 U nga ni chavisi.

U ndhawu ya mina ya ku tumbela hi siku la khombo.

19 Yehovha a ni byele leswi: “Famba u ya nyima ka nyanghwa wa vana va vanhu lowu tihosi ta Yuda ti nghenaka ti tlhela ti huma hi wona, ni ka tinyanghwa hinkwatu ta Yerusalema.+ 20 U fanele u va byela u ku: ‘Twanani rito la Yehovha n’wina tihosi ta Yuda, vanhu hinkwavu va Yuda ni hinkwavu lava tshamaka Yerusalema, lava nghenaka hi tinyanghwa leti. 21 Yehovha a li: “Tivoneleni mi nga tshuki mi rhwala xidjumba hi siku la Savata kumbe mi xi nghenisa hi tinyanghwa ta Yerusalema.+ 22 A mi fanelanga mi humesa swidjumba makaya ka n’wina hi siku la Savata; naswona a mi fanelanga mi tirha.+ Hloniphani siku la Savata, hi ku landza leswi ni nga byela vavhovho va n’wina.+ 23 Kambe a va zanga va yingisa, va nonon’hwise timbilu ta vona* va yala ku yingisa ni ku layiwa.”’+

24 “‘“Kambe loko mo ni yingisa,” ku vula Yehovha, “kutani mi nga nghenisi swidjumba hi tinyanghwa ta doropa leli hi siku la Savata naswona mi hlonipha siku la Savata hi ku kala mi nga tirhi hi siku leli,+ 25 kutani tihosi ni tindota ta tona leti tshamaka ka xitshamu xa wuhosi xa Davhida+ na tona ti ta nghena hi tinyanghwa ta doropa leli na ti famba hi tinyolo* ni makavhalu, tona ni tindota ta tona, vanhu va Yuda ni lava tshamaka Yerusalema;+ ka doropa leli ku ta tshama vanhu hi nkama wa ku kala wu nga heli. 26 Vanhu va ta ta hi ka madoropa ya Yuda, ka tindhawu leti nga kusuhi ni Yerusalema, ka tiko la Benjamini,+ ka ndhawu leyi kalaka yi nga na maganga ni tintshava,+ ka ndhawu leyi nga ni tintshava ni le Negebi,* va tisa magandzelo ya ku hisiwa,+ magandzelo man’wani,+ magandzelo ya swakudla,+ swinun’hwelisu* ni magandzelo ya ku khensa ka yindlo ya Yehovha.+

27 “‘“Kambe loko mi nga ni yingisi hi ku kala mi nga li hloniphi siku la Savata ni ku rhwala swidjumba mi nghena na swona hi tinyanghwa ta doropa la Yerusalema hi siku la Savata, ni ta hisa tinyanghwa ta lona hi ndzilu, lowu nga ta tlhela wu hisa ni maprediyu* ya Yerusalema+ funtshi ndzilu wa kona a wu nge timiwi.”’”+

18 Yehovha a vulavula na Yeremiya a ku: 2 “Famba u ya ka yindlo ya lweyi a tirhaka hi vumba,+ loko u fika ni ta vulavula na wena.”

3 Se ni famba ni ya kaya ka yena, ni fika ni mu kuma na a yendla xibya henhla ka xibya xa maroda xa munhu lweyi a tirhaka hi vumba. 4 Kambe xibya lexi a a xi hamba hi vumba, xi wonhekile na xi li ka mavoko ya yena. Kutani a tlhela a sungula ku yendla xibya xin’wani hi ku tirhisa vumba la lexi nga wonheka, a xi yendlisa leswi a a swi lavisa swona.*

5 Se Yehovha a vulavula na mina a ku: 6 “‘N’wina Vayisrayele, indjhe ni nga tsandzeka ku mi yendla swa ku fana ni leswi lweyi a tirhaka hi vumba a swi yendlaka hi vumba leli nga ka mavoko ya yena?’ ku vula Yehovha. ‘Phela ka mavoko ya mina mi fana ni vumba leli nga ka mavoko ya lweyi a tirhaka hi vumba, n’wina Vayisrayele.+ 7 Nkama wun’wani ni wun’wani loko ni vulavula hi ku tsuvula, ku diliza ni ku helisa tiko kumbe mfumu,+ 8 se tiko lolelo li tshika swa ku biha leswi ni nga vulavula hi swona, ni ta txintxa mimpimiso* ya mina ka khombo leli a ni pimisa ku li tisa ka lona.+ 9 Kambe loko nkama wun’wani ni wun’wani ni vulavula hi ku yaka ni ku tiyisa tiko kumbe mfumu, 10 kutani tiko lolelo li gama li ni djohela funtshi li nga yingisi rito la mina, a ni nga ta swi yendla swilo swaswinene leswi a ni pimisa ku li yendlela swona.’

11 “Swoswi ni kombela u byela vanhu va le Yuda ni lava tshamaka Yerusalema u ku: ‘Yehovha a li: “Ni pimisa ku mi tisela khombo, ni mi rhiyela ntlhamu. Ni kombela mi tshika tindlela ta n’wina ta ku biha, mi yendla tindlela ta n’wina ni mintirho ya n’wina swi va swaswinene.”’”+

12 Kambe va te: “A swi pfuni nchumu!+ Hikusa hi ta yendla leswi pimisiwaka hi tinhloko ta hina funtshi mun’wani ni mun’wani a ta yendla swilo hi ku ya hi ku tiyela ka mbilu ya yena ya ku biha.”+

13 Kutani Yehovha a li:

“Ni kombela mi vutisa xikarhi ka matiko.

I mani lweyi a nga tshama a twa swilo swa ku fana ni leswi?

Vayisrayele* va yendle nchumu xa ku chavisa hintamu.+

14 Indjhe gamboko* ya le Lebanoni ya nyamalala ka maribye lama nga matlhelweni ka yona?

Kumbe mati ya ku titimela lama tsutsumaka na ma huma hi kule ma psha?*

15 Kambe vanhu va mina va ni khohlwile.+

Hinkwavu lava hundzaka hi kolanu va ta li txuvuka va gama va chava va tlhela va hlakahla nhloko.+

17 Ni ta va hangalasa phambheni ka nala ku fana ni moya wa le wuxeni.

Hi siku la khombo a ni nga ta va komba nghohe* ya mina, kambe ni ta va komba nhlana.”+

18 Kutani va te: “Tanani, a hi mu rhiyeleni ntlhamu Yeremiya+ hikusa nawu a wu nge heli ka vaprista va hina kumbe xitsundzuxu ka vavanuna va ku tlhariha kumbe rito ka vaprofeta. Tanani a hi mu hlaseleni hi marito* funtshi hi nga swi yingiseni leswi a swi hlayaka.”

20 Indjhe swilo swaswinene swi fanele swi tlheliseliwa hi swa ku biha?

Hikusa va txele xikhele leswaku va ni dlaya.+

Vasati va vona a va sale na va nga na vana va tlhela va nga vi ni vavanuna,+

19 Yehovha a te: “Famba u ya xava khuwani la vumba ka lweyi a tirhaka hi vumba.+ Teka madoda man’wani ya tiko ni madoda man’wani ya vaprista u famba na wona, 2 u ya ka Nkova wa N’wana wa Hinomi,+ ka ndhawu ya ku nghena hi yona ka Nyanghwa wa Swirhengele, u fika u vula leswi ni nga ta ku byela swona, 3 u ku: ‘Twanani rito la Yehovha, n’wina tihosi ta Yuda na n’wina lava tshamaka Yerusalema. Yehovha murhangeli wa tintsumi, Xikwembu xa Israyele a li:

“‘“Ni kusuhi ni ku tisa khombo ka ndhawu leyi funtshi mun’wani ni mun’wani lweyi a nga ta swi twa tindleve ta yena ti ta tingiwa. 4 Ni ta yendla leswo hi mhaka ya leswi va nga ni tshika+ ni hi mhaka ya leswi va nga yendla swaku ni nga ha swi koti ku yi tiva ndhawu leyi;+ ka yona va yendlela swikwembu swin’wani magandzelo, leswi vona ni vavhovho va vona ni tihosi ta Yuda va kalaka va nga swi tivanga funtshi va tate ndhawu leyi hi ngati ya vanhu lava kalaka va nga na nandzu.+ 5 Va yake tindhawu ta ku tlakuka ta ku gandzela Bali, swaku va hisa vana va vona ka ndzilu va va magandzelo ya ku hisiwa ka Bali,+ ku nga nchumu lowu ni kalaka ni nga va byelanga kumbe ku vulavula hi wona naswona ni kalaka ni nge se tshama ni wu pimisa ka mbilu ya mina.”’+

6 “‘“Kambe masiku ma ta, lawa ndhawu leyi yi nga ta kala yi nga ha vitaniwi Tofeti kumbe Nkova wa N’wana wa Hinomi kambe yi ta vitaniwa Nkova wa Ku Dlaya,”+ ku vula Yehovha. 7 “Ni ta helisa maplanu* ya vanhu va Yuda ni va le Yerusalema ka ndhawu leyi, ni ta va helisa hi xipada phambheni ka valala va vona ni hi voko la lava lavaka ku va dlaya. Mintsumbu ya vona ni ta yi nyika swinyanyani ni swiharhi swaku yi va swakudla swa swona.+ 8 Ni ta yendla swaku doropa leli li va nchumu xa ku chavisa ni nchumu lexi nga ta beliwa noti. Mun’wani ni mun’wani lweyi a nga ta hundza hi ka lona a ta li txuvuka a gama a chava kutani a ba noti hi mhaka ya makhombo ya lona hinkwawu.+ 9 Ni ta yendla swaku va dla nyama ya vana va vona va madjaha ni va tintombhi naswona mun’wani ni mun’wani a ta dla nyama ya munhu mun’wani, va ta yendla leswo hi mhaka ya leswi doropa li nga ta va na li rhendzeliwile ni hi mhaka ya ku xaniseka ka vona loko va rhendzeliwile hi valala va vona ni lava lavaka ku va dlaya.”’+

10 “Kutani pfotlosa khuwani phambheni ka vanhu lava fambaka na wena, 11 u gama u va byela u ku: ‘Yehovha murhangeli wa tintsumi a li: “Hi leswi ni nga ta va fayisa swona vanhu lava ni doropa leli, ku fana ni munhu lweyi a fayaka xibya lexi nga yendliwa hi vumba xi za xi nga ha lunghiseki; naswona va ta lahla vafi aTofeti anze ndhawu ya ku va lahla yi nga ha vi kona.”’+

12 “‘Hi leswo ni nga ta swi yendla ka ndhawu leyi, ni ka vanhu lava tshamaka ka yona, ni ta yendla swaku doropa leli li fana ni Tofeti,’ ku vula Yehovha. 13 ‘Tiyindlo ta Yerusalema ni tiyindlo ta tihosi ta Yuda ku nga tiyindlo hinkwatu leti ku nga yendliwa magandzelo ka tona henhla ka yindlo, ma yendleliwa hinkwaswu leswi nga matilweni+ ni lomu va nga chulula swa ku phuza va chululela swikwembu swin’wani magandzelo,+ ti ta va ti nga basanga ku fana ni ndhawu leyi ya Tofeti.’”+

14 Nkama Yeremiya a nga vuya hi Tofeti lomu Yehovha a nga mu rhuma kona swaku a ya profeta, a fike a nyima ka kintari* wa yindlo ya Yehovha a gama a byela vanhu hinkwavu a ku: 15 “Yehovha murhangeli wa tintsumi, Xikwembu xa Israyele a li: ‘Ka doropa leli ni ka swidoropani swa lona hinkwaswu ni tisa khombo leli ni nga vulavula hi lona, hikusa va tiwomise tinhloko va yala* ku yingisa marito ya mina.’”+

20 Kutani Paxahuri n’wana wa muprista Imiri, lweyi nakambe a a li muvoneleli wamukulu lweyi a a rhangela ka yindlo ya Yehovha, a mu yingiselile Yeremiya nkama a nga profeta swilo leswi. 2 Se Paxahuri a ba muprofeta Yeremiya a gama a mu manya ka swigodo*+ leswi a swi li ka Nyanghwa wa le Henhla wa Benjamini, lowu a wu li ka yindlo ya Yehovha. 3 Kambe hi mundzuku ka kona nkama Paxahuri a nga chunsa Yeremiya ka swigodo, Yeremiya a mu byele leswi:

“Yehovha a nga ku chulanga vito la Paxahuri, kambe a ku chule vito leli nge: Ku Chava Matlhelo Hinkwawu.+ 4 Hikusa Yehovha a li: ‘Ni ta yendla leswaku wena ni vanghanu va wena hinkwavu mi chava, va ta dlayiwa hi xipada xa valala va vona aphambheni ka wena;+ kutani tiko hinkwalu la Yuda ni ta li nyikela ka voko la hosi ya Babilona, yi ta va teka yi va yisa wukaraweni aBabilona yi fika yi va dlaya hi xipada.+ 5 Tshomba hinkwalu la doropa leli, xuma xa lona hinkwaxu, swilo swa lona hinkwaswu swa lisima ni xuma hinkwaxu xa tihosi ta Yuda ni ta swi nyika valala va tona.+ Va ta swi teka, va swi yisa aBabilona.+ 6 Kasi loko ku li wena Paxahuri ni vanhu hinkwavu lava tshamaka kaya ka wena, mi ta ya wukaraweni. U ta ya Babilona u ya fela kona naswona u ta lahliwa kona ni vanghanu va wena hinkwavu, hikusa u va profetele mavunhwa.’”+

 7 Yehovha, u ni kholwisile naswona ni kholwile.

U tikombise na u ni matimba ku ni tlula funtshi u ni hlulile.+

Hikusa rito la Yehovha li yendle swaku ni rhuketeliwa ni ku soliwa siku hinkwalu.+

“Mu soleni; a hi mu soleni!”

Munhu mun’wani ni mun’wani lweyi a a yendla ingaku wa ni rhandza a a lava ku ni yendla swa ku biha:+

11 Kambe Yehovha a a na mina ku fana ni nhenha leyi kalaka yi nga chavi nchumu.+

Hi leswo swi nga ta yendla swaku lava ni xanisaka va vaviseka naswona va nga ni hluli.+

Va ta danisiwa swinene, hikusa a va nga ta hlula.

Ku danisiwa ka vona ku ta tshama nkama hinkwawu a ku nga ta khohlwiwa.+

13 Yimbelelelani Yehovha! Dzunisani Yehovha!

Hikusa a ponise xisiwana ka voko la lava yendlaka swa ku biha.

14 A li rhukiwe siku leli ni nga psaliwa* hi lona!

Li nga katekisiwi siku leli mamani a nga ni psala hi lona!+

15 A ku rhukiwe lweyi a nga tisa mahungu ya ku tsakisa ka papayi, a ku:

“Va ku psalele n’wana wa djaha!”

A mu yendla a tsaka ngopfu.

16 Munhu yelweyo a a fani ni madoropa lawa Yehovha a nga ma helisa a tlhela a nga tisoli hi swona.

A a twi guwa la ku rila nimixo kasi ninhlikanhi a a twe guwa la nyimpi.

21 Yehovha a vulavule na Yeremiya, nkama Hosi Zedekiya+ a nga rhuma Paxahuri+ n’wana wa Malikiya swaku a ya ka yena na Sofaniya+ n’wana wa muprista Mazeya, va ya mu kombela va ku: 2 “Hi kombela u hi vutisela ka Yehovha hikusa Nebukadinazara* hosi ya Babilona a lava ku lwa na hina.+ Kumbexana Yehovha a ta yendla yin’wani ya mintirho ya yena ya ku hlamalisa swaku a hi tshika.”+

3 Yeremiya a va hlamula a ku: “Fambani mi ya byela Zedekiya mi ku: 4 ‘Yehovha Xikwembu xa Israyele a li: “Matlharhi lawa mi nga ma khoma lawa mi ma tirhisaka swaku mi lwa ni hosi ya Babilona+ ni Vakalidiya lava nga handle ka muru lava nga mi rhendzela, ni ta yendla leswaku ma mi hlasela. Ni ta ma hlengeleta xikarhi ka doropa leli. 5 Mina ni ta lwa na n’wina+ hi voko leli nga tshandzavutiwa leli nga ni matimba, hi ku kwata kakukulu swinene.+ 6 Ni ta ba lava tshamaka ka doropa leli, vanhu ni swiharhi. Va ta dlayiwa hi ntungu* wawukulu.”’+

7 “‘“Loko ku hundza leswo,” ku vula Yehovha, “ni ta nyiketa Zedekiya hosi ya le Yuda ni vatirhi va yena ni vanhu va doropa leli lava nga pona ku dlayiwa hi ntungu, xipada ni ndlala, ka Nebukadinazara* hosi ya Babilona, ka valala va vona ni ka lava va lavaka ku va dlaya.+ Yi ta va dlaya hi xipada. A yi nga ta va tsetselela kumbe ku va komba timpsalu.”’+

8 “Byela vanhu lava u ku: ‘Yehovha a li: “Ni veka ndlela ya wutomi ni ndlela ya lifu phambheni ka n’wina. 9 Lava nga ta sala ka doropa leli va ta dlayiwa hi xipada, hi ndlala ni hi ntungu. Kambe lweyi a nga ta tinyikela ka Vakalidiya lava nga mi rhendzela a ta tama a hanya funtshi a ta ponisa wutomi la yena.”’+

10 Yehovha a li: “‘“Doropa leli li ta weliwa hi khombo ku nga li swaswinene,+ hi mhaka ya leswi ni nga li tshika. Li ta nyiketiwa ka hosi ya le Babilona+ kutani yona yi ta li hisa hi ndzilu.”+

11 “‘Ka n’wina vandjangu wa hosi ya Yuda ni li: Yingisani leswi Yehovha a swi hlayaka. 12 N’wina vandjangu wa ka Davhida, Yehovha a li:

‘Loko ku li n’wina lava nge: “I mani lweyi a nga ta vuya a ta lwa na hina?

I mani lweyi a nga ta hlasela lomu hi tshamaka kona?”

22 Yehovha a li: “Famba ka yindlo ya hosi ya Yuda, u fika u yi byela mhaka leyi. 2 Yi byeli u ku: ‘Twana rito la Yehovha, wena hosi ya Yuda, wena u nga tshama ka xitshamu xa wuhosi xa Davhida, wena ni vatirhi va wena ni vanhu va wena lava nghenaka hi tinyanghwa leti. 3 Yehovha a li: “Kombisani wululami mi tlhela mi yendla swaswinene. Ponisani lweyi a kanganyisiwaka hi mukanganyisi. Mi nga mu khomi hi ndlela ya ku biha munhu wa tiko lin’wani funtshi mi nga vavisi n’wana lweyi a kalaka a nga na vapsali* kumbe wansati lweyi a nga feliwa hi nuna.+ Mi nga halati ngati leyi kalaka yi nga na nandzu ka ndhawu leyi.+ 4 Hikusa loko mi tikarhatela ku yendla swilo leswi, tihosi leti tshamaka ka xitshamu xa wuhosi xa Davhida+ ti ta nghena hi tinyanghwa ta yindlo leyi, na ti famba hi makavhalu ni tinyolo,* tona ni vatirhi va tona ni vanhu va tona.”’+

5 “‘Kambe loko mo kala mi nga ma yingisi marito lawa, na funga hi mina,’ ku vula Yehovha, ‘swaku yindlo leyi yi ta hahluleliwa yi sala yi nga na nchumu.’+

8 “‘Matiko ya manyingi ma ta hundza hi ka doropa leli ma gama ma vutisana ma ku: “Hi mhaka muni Yehovha a yendle swilo leswi ka doropa leli lalikulu?”+ 9 Se vanhu va ta hlamula va ku: “Hi mhaka ya leswi va nga tshika ntwananu wa Yehovha Xikwembu xa vona va khizamela swikwembu swin’wani va tlhela va swi tirhela.”’+

11 “Hikusa Yehovha a vula leswi hi Xalumi*+ n’wana wa Yosiya, hosi ya Yuda lweyi a nga pfaleta papayi wa yena Yosiya,+ lweyi a nga suka ka ndhawu leyi, a li: ‘A nga ha ta tlhela a vuya kolanu. 12 Hikusa a ta ya fela ka ndhawu leyi va nga mu yendla xikarawa ka yona naswona a nga ha ta li vona tiko leli.’+

15 Indjhe u ta tama u fuma hileswi u tlulaka van’wani hi ndlela leyi u yi tirhisaka hi yona minsinya ya mikedari?

‘Phela leswo hi swona swi vulaka ku ni tiva,’ ku vula Yehovha.

“Yowee, makwerhu! Yowee, makwerhu!”*

A va nga ta mu rilela va ku:

“Yowee, hosi ya mina! Yowee, ku hlonipheka ka yona ku helile!”

21 Ni khulume na wena na wa ha hlayisekile.

Kambe u te: ‘A ni nga ta yingisa.’+

Kutani u ta danisiwa hi mhaka ya khombo la wena.

24 Yehovha a li:“‘Leswi ni hanyaka, hambiloko Koniya*+ n’wana wa Yoyakimi+ hosi ya Yuda, a a li aneli la ku funga hi lona leli nga ka voko la mina la xinene, a ni ta ku susa kolanu! 25 Ni ta ku nyikela ka lava lavaka ku ku dlaya, ka lava u va chavaka, ka Hosi Nebukadinazara* wa le Babilona ni ka Vakalidiya.+ 26 Ni ta ku txukumeta ka tiko leli u kalaka u nga psaliwanga ka lona wena ni mamani wa wena lweyi a nga ku psala funtshi mi ta fela koseniya. 27 A va nga ta tshuka va tlhela ka tiko leli va li navelaka.+

29 Wena misava,* misava, misava, twana rito la Yehovha.

30 Yehovha a li:

23 “Khombo ka varisi lava dlayaka va tlhela va hangalasa tinyempfu leti lusiwaka hi mina,” ku vula Yehovha.+

2 Kutani mina Yehovha Xikwembu xa Israyele ni vula leswi hi varisi lava risaka vanhu va mina: “Mi hangalase tinyempfu ta mina; mi tame mi ti hangalasela funtshi a mi ti hlayisanga.”+

“Ni ta mi khatisa hi mhaka ya mintirho ya n’wina ya ku biha,” ku vula Yehovha.

3 “Ni ta hlengeleta tinyempfu ta mina leti nga sala ka matiko hinkwawu lawa ni nga ti hangalasela ka wona,+ ni ta ti tlhelisela lomu a ti dlela kona,+ ti ta psalana ti tala ti va tinyingi.+ 4 Ni ta ti vekela varisi lava nga ta ti risa.+ A ti nga ha ta chava kumbe ku chavisiwa naswona a ku nga ha ta lahleka ni yin’we,” ku vula Yehovha.

5 “Masiku ma ta, lawa ni nga ta nyika Davhida n’wana* wa ku lulama.+ A ta va hosi leyi nga ta fuma+ yi tlhela yi kombisa ku twisisa ni wululami naswona a ta yendla swaswinene atikweni,”+ ku vula Yehovha. 6 “Ka masiku ya hosi leyi, Yuda a ta ponisiwa+ naswona Israyele a ta tshama na a hlayisekile.+ Yona yi ta vitaniwa hi vito leli: Yehovha I Ku Lulama Ka Hina.”+

7 “Kambe masiku ma ta,” ku vula Yehovha, “lawa va nga ta kala va nga ha vuli va ku: ‘Leswi Yehovha a hanyaka, lweyi a nga humesa Vayisrayele ka tiko la Gibita!’+ 8 Kambe va ta ku: ‘Leswi Yehovha a hanyaka, lweyi a nga humesa a tlhela a tlhelisela vatukulu va Israyele ka tiko la le norte* ni ka matiko hinkwawu lawa a nga va hangalasela ka wona!’ Naswona va ta tshama ka tiko la vona.”+

9 Ka vaprofeta ni li:

Mbilu ya mina yi tshovekile ndzeni ka mina.

Marhambu ya mina hinkwawu ma rhurhumela.

Ndlela ya vona yi bihile naswona va tirhisa matimba ya vona hi ndlela ya ku biha.

11 “Muprofeta ni muprista a va basanga.+

Phela ni swa ku biha leswi va swi yendlaka swi kumeka ni ka yindlo ya mina,”+ ku vula Yehovha.

13 “Ni vone nchumu xa ku nyenyentsa ka vaprofeta va le Samariya.+

14 Ni vone swilo swa ku chavisa ka vaprofeta va le Yerusalema.

15 Kutani Yehovha murhangeli wa tintsumi a vula leswi hi vaprofeta:

Hikusa vaprofeta va le Yerusalema va yendle swaku vanhu va tiko hinkwalu va tshika ku tirhela Xikwembu.”

16 Yehovha murhangeli wa tintsumi a li:

“Mi nga ma yingisi marito ya vaprofeta lava va mi profetelaka.+

Va mi kanganyisa.*

I mani lweyi a nga li yingisela kahle rito la yena swaku a li twa?

Mi ta swi twisisa kahle leswi ka masiku ya wugamu.

21 A ni va rhumanga vaprofeta kambe va tsutsumile.

A ni khulumanga na vona kambe va profetile.+

23 “Kasi ni Xikwembu loko ni li kusuhi ntsena,” ku vula Yehovha, “a ni Xikwembu ni loko ni li kule?”

24 “Indjhe a kona munhu lweyi a nga tumbelaka ka ndhawu leyi ni nga kalaka ni nga swi koti ku mu vona?”+ ku vula Yehovha.

“Kasi a ni ma voni* matilo ni misava hinkwayu?”+ ku vula Yehovha.

25 “Ni twe vaprofeta lava profetaka mavunhwa hi vito la mina, va ku: ‘Ni lorhile! Ni lorhile!’+ 26 Kasi vaprofeta va ta tama va profeta swa mavunhwa anze siku muni ke? Phela i vaprofeta lava vulavulaka wukanganyisi leli humaka hi ka timbilu ta vona.+ 27 Va tinyimisele ku yendla swaku vanhu va mina va khohlwa vito la mina hi ku tirhisa milorho leyi va va byelaka yona, ku fana ni leswi vapapayi va vona va nga khohlwa vito la mina hi mhaka ya Bali.+ 28 Muprofeta lweyi a nga lorha xanchumu a a xi vule kambe lweyi a nga ni rito la mina a fanele a vula rito la mina hi ntiyiso.”

“Indjhe byanyi la fana ni timbewu ta trigu?” ku vula Yehovha.

29 “Phela rito la mina li fana ni ndzilu,+ naswona li fana ni hamela leyi fayaka ribye,”+ ku vula Yehovha

30 “Kutani ni lwa ni vaprofeta, lava tekaka marito ya mina ka vaprofeta van’wani va gama va ma djikisa,”+ ku vula Yehovha.

31 “Ni lwa ni vaprofeta,” ku vula Yehovha, “lava tirhisaka lirimi la vona va ku: ‘Yena a vule leswi!’”+

32 “Ni lwa ni vaprofeta va milorho ya mavunhwa,” ku vula Yehovha, “lava va yi byelaka vanhu va mina ni ku va djikisa hi mhaka ya mavunhwa ya vona ni ku tibyela ka vona.”+

“Kambe a ni va rhumanga nchumu. A va nge va pfuni nchumu vanhu lava,”+ ku vula Yehovha.

33 “Loko vanhu lava kumbe muprofeta kumbe muprista, va ku vutisa va ku: ‘I yini ndzhwalu* wa Yehovha?’ U fanele u va hlamula u ku: ‘“Hi n’wina ndzhwalu wa kona! Ni ta mi txukumeta,”+ ku vula Yehovha.’ 34 Kasi muprofeta kumbe muprista kumbe vanhu lava nge: ‘Lowu i ndzhwalu* wa Yehovha!’ Ni ta mu khatisa munhu yelweyo ni ndjangu wa yena. 35 Mun’wani ni mun’wani wa n’wina a vutisa munghanu wa yena ni makwavu a ku: ‘Yehovha a hlamule swa ku yini? Yehovha a te yini?’ 36 Kambe mi nga ha khulumi hi ndzhwalu* wa Yehovha, hikusa ndzhwalu i rito la mun’wani ni mun’wani, funtshi mi txintxe marito ya Xikwembu lexi hanyaka, Yehovha murhangeli wa tintsumi, Xikwembu xa hina.

37 “U ta vutisa muprofeta u ku: ‘Yehovha a ku hlamule swa ku yini? Yehovha a te yini? 38 Loko mi tama mi ku: “Ndzhwalu* wa Yehovha!” Yehovha a li: “Leswi mi nge: ‘Rito leli i ndzhwalu wa Yehovha,’ kuve se ni mi byelile ni ku: ‘A mi fanelanga mi ku: “Ndzhwalu wa Yehovha!”’ 39 Ni ta mi tlakula ni mi txukumeta kule ni lomu ni nga kona, n’wina ni doropa leli ni nga nyika n’wina ni vavhovho va n’wina. 40 Ni ta yendla swaku mi xixiwa hi nkama wa ku kala wu nga heli naswona ku danisiwa ka n’wina a ku nga ta khohlwiwa.”’”+

24 Kutani Yehovha a ni komba mindzhava yimbirhi ya makuwa na yi vekiwe phambheni ka tempele ya Yehovha, nkama Hosi Nebukadinazara wa le Babilona a nga teka Yekoniya*+ hosi ya le Yuda n’wana wa Yoyakimi,+ a mu yisa wukaraweni ku patsa ni varhangeli va le Yuda, lava tivaka ku yendla ntirho wa mavoko ni lava kotaka ku yendla minchumu hi nsimbi; a va teke Yerusalema a va yisa Babilona.+ 2 Ndzhava wun’wani a wu ni makuwa yamanene ngopfu, ku fana ni makuwa lama rhangaka ma wupfa, kambe ndzhava lowun’wani a wu ni makuwa ya ku bola, ya ku ni ku dleka a ma nga dleki hi mhaka ya ku bola.

3 Yehovha a ni vutisa a ku: “U vona yini Yeremiya?” Se ni hlamula ni ku: “Ni vona makuwa; a yamanene i manene ngopfu, kambe laman’wani ma bolile ni ku dleka a ma dleki.”+

4 Yehovha a vulavula na mina a ku: 5 “Mina Yehovha Xikwembu xa Israyele ni li: ‘Ku fana ni makuwa lawa yamanene, ni ta va vona va li vanene vanhu va le Yuda lava nga ya wukaraweni, lava ni nga va susa ka ndhawu leyi ni va yisa ka tiko la Vakalidiya. 6 Ni ta tshama na ni va txuvukile swaku ni va yendlela swaswinene funtshi ni ta yendla swaku va tlhelela ka tiko leli.+ Ni ta va yaka, a ni nge va dilizi; ni ta va byala, a ni nge va tsuvuli.+ 7 Ni ta va nyika mbilu leyi nga ta kota ku ni tiva, swaku hi mina Yehovha.+ Va ta va vanhu va mina kutani mina ni ta va Xikwembu xa vona,+ hikusa va ta tlhelela ka mina hi mbilu ya vona hinkwayu.+

8 “‘Kambe loko swi ta ka makuwa ya ku bola lama kalaka ma nga dleki+ hileswi ma nga bola, Yehovha a li: “Ni ta khatisa Hosi Zedekiya+ wa le Yuda, varhangeli lava a nga va veka, vanhu va le Yerusalema lava nga sala ka tiko leli ni lava tshamaka ka tiko la Gibita.+ 9 Ni ta yendla swaku mimfumu hinkwayu ya misava+ yi chava hi mhaka ya leswi nga ta va humelela. Vanhu va ta va vonela hansi; va ta va tirhisa swaku va va xikombiso xa vanhu lava nga weliwa hi khombo; vanhu va ta va poyilela va tlhela va va rhuka+ ka tindhawu hinkwatu leti ni nga ta va hangalasela ka tona.+ 10 Ni ta va dlayisa hi xipada,+ ndlala ni ntungu,*+ anze va hela ka tiko leli ni nga va nyika lona ku patsa ni vavhovho va vona.”’”

25 Hi lembe la wu 4 la ku fuma ka Yoyakimi+ n’wana wa Yosiya hosi ya le Yuda, ku nga lembe la ku sungula la Nebukadinazara* hosi ya le Babilona, Yeremiya a yamukele rito hi ta vanhu hinkwavu va le Yuda. 2 Muprofeta Yeremiya a vule leswi hi ta* vanhu hinkwavu va le Yuda ni hinkwavu lava tshamaka Yerusalema:

3 “Ku sukela hi lembe la wu 13 la ku fuma ka Yosiya+ n’wana wa Amoni, hosi ya Yuda, ku ta fikela namuntlha, ka 23 wa malembe hinkwawu lawa, Yehovha a vulavule na mina naswona a ni tshamela ku vulavula na n’wina hi ku phindhaphindha* kambe a mi ni yingisanga.+ 4 Kutani Yehovha a rhumele vatirheli va yena hinkwavu lava nga vaprofeta ka n’wina, a va rhume hi ku phindhaphindha,* kambe a mi yingisanga kumbe ku pfula tindleve ta n’wina swaku mi yingisa.+ 5 Vona a va ku: ‘Ha mi kombela, mun’wani ni mun’wani wa n’wina a a tisoli ka tindlela ta yena ta ku biha ni ka mintirho ya yena ya ku biha;+ kutani mi ta tama mi tshama nkama wa ku leha ka tiko leli Yehovha a nga li nyika n’wina ni vavhovho va n’wina khale swinene. 6 Mi nga landzeli swikwembu swin’wani mi swi tirhela ni ku swi khizamela, mi ni kwatisa hi swifaniso leswi mi nga swi yendla; loko mo yendla leswo ni ta mi tisela khombo.’

7 “‘Kambe a mi ni yingisanga,’ ku vula Yehovha. ‘Mi ni kwatisile hi swifaniso leswi mi nga swi yendla, mi tivangela khombo.’+

8 “Kutani Yehovha murhangeli wa tintsumi a li: ‘“Leswi mi kalaka mi nga ma yingisanga marito ya mina, 9 ni ta vitana matiko hinkwawu ya le norte,”*+ ku vula Yehovha, “ni ta vitana na Nebukadinazara* hosi ya Babilona mutirheli wa mina,+ naswona ni ta va tisa swaku va lwa ni tiko leli+ ni lava tshamaka ka tiko leli ni matiko hinkwawu lama nga kusuhi na lona.+ Ni ta mi helisa n’wina ni matiko lawa naswona ni ta yendla swaku mi va nchumu xa ku chavisa ni lexi beliwaka noti naswona mi ta tshama na mi hahlukile.* 10 Ni ta helisa ku huwelela ka vona ka ku tsaka,+ rito la lweyi a tekaka* ni la lweyi a tekiwaka,*+ guwa la ribye la ku sila ni ku vonakala ka xa ku voninga hi xona. 11 Tiko leli hinkwalu li ta va ndhawu ya ku hahlukela ni nchumu xa ku chavisa funtshi matiko lawa ma ta tirhela hosi ya Babilona 70 wa malembe.”’+

12 “‘Kambe loko ku hela 70 wa malembe+ ni ta khatisa hosi ya le Babilona ni tiko lolelo hi mhaka ya xihoxo xa vona,’+ ku vula Yehovha, ‘ni ta yendla swaku tiko la Vakalidiya li tshama na li li ndhawu ya ku hahlukela.+ 13 Ka tiko lolelo ni ta hetisisa marito ya mina hinkwawu lawa ni nga ma vula swaku ni lwisana na lona, hinkwaswu leswi nga tsaliwa ka buku leyi leswi Yeremiya a nga swi profeta ku lwisana ni matiko hinkwawu. 14 Hikusa matiko ya manyingi ni tihosi tatikulu+ ti ta va yendla swikarawa,+ funtshi ni ta va hakela hi ku ya hi leswi va nga swi yendla ni mintirho ya mavoko ya vona.’”+

15 Yehovha Xikwembu xa Israyele a ni byele a ku: “Teka kopo leyi ya vhinyu ya ku kwata leyi nga ka voko la mina, u ya phuzisa matiko hinkwawu lawa ni ku rhumaka ka wona. 16 Ma ta phuza ma gama ma dederekela, ma yendla swilo ku fana ni vanhu va ku hlanya hi mhaka ya xipada lexi ni xi rhumelaka ka wona.”+

17 Se ni teka kopo leyi a yi li ka voko la Yehovha ni gama ni phuzisa matiko hinkwawu lawa Yehovha a nga ni rhuma ka wona:+ 18 Ku sungule hi Yerusalema ni madoropa ya Yuda,+ tihosi ta yena ni lava a nga va veka swaku va va varhangeli, swi yendliwa ndhawu ya ku hahlukela, nchumu xa ku chavisa, nchumu lexi beliwaka noti ni xirhuku,+ ku nga leswi ku nga tshamisa swona namuntlha; 19 ku landzela Faru hosi ya Gibita ni vatirhi va yena, varhangeli lava a nga va veka ni vanhu va yena hinkwavu,+ 20 ni lava taka hi ka matiko man’wani lava tshamaka xikarhi ka vona; tihosi hinkwatu ta tiko la Uza; tihosi hinkwatu ta tiko la Vafilista,+ ku nga Axikeloni,+ Gaza, Ekroni ni lava nga sala va le Axidodi; 21 Edomu,+ Mowabu+ ni Vaamoni;+ 22 tihosi hinkwatu ta Tiru, tihosi hinkwatu ta Sidoni+ ni tihosi ta xihlala* xa le lwandle; 23 Dedani,+ Tema, Buza ni vanhu hinkwavu lava nga tsemeta misisi ya le matlhelweni ka ximombo;+ 24 tihosi hinkwatu ta Vaarabiya+ ni tihosi hinkwatu ta vanhu lava taka hi ka matiko man’wani lava tshamaka mananga; 25 tihosi hinkwatu ta Zimiri, tihosi hinkwatu ta Elamu+ ni tihosi hinkwatu ta Vameda;+ 26 ni tihosi hinkwatu ta le norte leti nga kusuhi ni leti nga kule, hi ku landzelelana ka tona, ni mimfumu leyin’wani hinkwayu ya misava; ni hosi ya Xexaka*+ na yona yi ta phuza loko lavan’wani se va gamile.

27 “U fanele u va byela u ku: ‘Yehovha murhangeli wa tintsumi, Xikwembu xa Israyele, a li: “Phuzani mi za mi dakwa mi tlhela mi hlanta, mi wa mi tsandzeka ni ku pfuka+ hi mhaka ya xipada lexi ni xi rhumelaka xikarhi ka n’wina.”’ 28 Loko va yala ku teka kopo ka voko la wena swaku va phuza, va byele u ku: ‘Yehovha murhangeli wa tintsumi a li: “Mi fanele mi phuza! 29 Hikusa leswi ni tisaka khombo ku sungula ka doropa leli vitaniwaka hi vito la mina,+ indjhe mi ta tshikiwa mi nga khatisiwi?”’+

“‘A mi nga ta tshikiwa mi nga khatisiwi, hikusa hinkwavu lava tshamaka misaveni ni ta va vitanela xipada,’ ku vula Yehovha murhangeli wa tintsumi.

A ta bonga swinene a bongela ndhawu ya yena ya ku tshama ka yona.

A ta yavanyisa vanhu hinkwavu hi yexe.+

A ta nyikela lava ku biha swaku va dlayiwa hi xipada,’ ku vula Yehovha.

32 Yehovha murhangeli wa tintsumi a li:

33 “‘Lava nga dlayiwa hi Yehovha hi siku lolelo va ta sukela ka magamu man’wani ya misava anze ka magamu man’wani ya misava. A va nga ta riliwa hambi ku hlengeletiwa kumbe ku lahliwa. Va ta fana ni xitrumi ahenhla ka misava.’

34 Rilani n’wina varisi, mi huwelela!

26 Nkama Yoyakimi+ n’wana wa Yosiya, hosi ya Yuda a nga sungula ku fuma, Yehovha a khulume na Yeremiya, a ku: 2 “Mina Yehovha ni li: ‘Nyima ka kintari* wa yindlo ya Yehovha u gama u vulavula ni vanhu hinkwavu lava nga ka madoropa ya Yuda lava taka va ta gandzela* ka yindlo ya Yehovha. Va byeli hinkwaswu leswi ni ku rhumaka swona; u nga siyi nchumu. 3 Kumbexana va ta yingisa kutani mun’wani ni mun’wani wa vona a tshika ndlela ya yena ya ku biha, se ni txintxa leswi a ni swi pimisa* hi khombo leli a ni lava ku va tisela lona hi mhaka ya mintirho ya vona ya ku biha.+ 4 Va byeli u ku: “Yehovha a li: ‘Loko mi nga ni yingisi hi ku kala mi nga landzeli nawu wa mina lowu ni nga mi vekela wona, 5 hi ku kala mi nga yingisi marito ya vatirheli va mina lava nga vaprofeta, lawa ni va rhumaka swaku va tshamela ku mi byela hi ku phindhaphindha,* marito lawa mi kalaka mi nga ma yingisanga,+ 6 kutani ni ta yendla swaku yindlo leyi yi fana na Xilo+ funtshi ni ta yendla swaku doropa leli li rhukiwa matikweni hinkwawu ya misava.’”’”+

7 Vaprista ni vaprofeta ni vanhu hinkwavu va mu twile Yeremiya nkama a nga vulavula marito lawa ka yindlo ya Yehovha.+ 8 Nkama Yeremiya a nga heta ku khuluma hinkwaswu leswi Yehovha a nga mu rhuma swaku a swi byela vanhu hinkwavu, vaprista, vaprofeta ni vanhu hinkwavu va vhele va mu khoma, va ku: “Wena u ta fa hikakunene. 9 Hi mhaka muni u profete hi vito la Yehovha, u ku: ‘Yindlo leyi yi ta fana na Xilo, naswona doropa leli li ta hohlotiwa* li sala li nga na munhu?” Se vanhu hinkwavu va ta ka Yeremiya va mu rhendzela ka yindlo ya Yehovha.

10 Nkama varhangeli va le Yuda va nga twa marito lawa, va hume ka yindlo ya hosi va ya ka yindlo ya Yehovha va fika va tshama ka nyanghwa wa nyuwani wa yindlo ya Yehovha.+ 11 Vaprista ni vaprofeta va byela varhangeli ni vanhu hinkwavu va ku: “Munhu lweyi a faneliwa hi ku fa,+ hikusa a profete swa ku lwisana ni doropa leli ku nga leswi mi nga swi twa hi tindleve ta n’wina.”+

12 Se Yeremiya a byela varhangeli hinkwavu ni vanhu hinkwavu a ku: “Ni rhumiwe hi Yehovha swaku ni profeta marito hinkwawu lawa mi nga ma twa, lawa ma lwisanaka ni yindlo leyi ni doropa leli.+ 13 Swoswi, txintxani tindlela ta n’wina ni mintirho ya n’wina mi yingisa rito la Yehovha Xikwembu xa n’wina, kutani Yehovha a ta txintxa leswi a swi pimisaka* hi khombo leli a nga vula swaku a ta mi tisela lona.+ 14 Kambe loko ku li mina, ni le mavokweni ya n’wina. Ni yendleni hinkwaswu leswi mi swi vonaka na swi li swinene funtshi na swi lulamile ka n’wina. 15 Kambe swi tiveni swaku loko mi ni dlaya, n’wina ni doropa leli ni hinkwavu lava tshamaka ka lona mi ta va ni nandzu wa ku halata ngati leyi kalaka yi nga na nandzu, hikusa i Yehovha a nga ni rhuma ka n’wina swaku ni ta mi byela marito hinkwawu lawa mi ma twaka.”

16 Se varhangeli ni vanhu hinkwavu va byela vaprista ni vaprofeta va ku: “Phela munhu lweyi a nga faneliwi hi ku fa, hikusa a vulavule na hina hi vito la Yehovha Xikwembu xa hina.”

17 Kutani madoda man’wani ya tiko ma suka ma nyima ma sungula ku byela vanhu hinkwavu lava nga hlengeletana ma ku: 18 “Mikiya+ wa le Morexeti a a profeta hi nkama a ku fuma Hezekiya+ hosi ya le Yuda, kutani a byela vanhu hinkwavu va le Yuda a ku: ‘Yehovha murhangeli wa tintsumi a li:

19 “Indjhe Hezekiya hosi ya le Yuda ni vanhu hinkwavu va le Yuda va mu dlayile? Hosi a yi mu chavanga Yehovha yi gama yi kombela Yehovha hi ku tiveka hansi swaku a yi komba timpsalu, Yehovha a za a txintxa leswi a a swi pimisa a nga ha tisi khombo leli a nga hlaya swaku a ta va tisela lona?+ Se hi le kusuhi ni ku tivangela khombo lalikulu.

20 “A ku ni wanuna mun’wani lweyi a vitaniwaka Yuriya n’wana wa Xemaya wa le Kiriyati-Yerimi,+ lweyi a a profeta hi vito la Yehovha, a profete swa ku lwisana ni doropa leli ni tiko leli na a tirhisa marito ya ku fana ni ya Yeremiya. 21 Hosi Yoyakimi+ ni masonchwa ya yena hinkwawu ya matimba ni varhangeli hinkwavu va ma twile marito ya yena, se hosi yi lava ku mu dlaya.+ Nkama Yuriya a nga swi twa, a vhele a sungula ku chava a gama a baleka a ya Gibita. 22 Kutani Hosi Yoyakimi a rhuma Elinatani+ n’wana wa Akibori ni vavanuna van’wani swaku va ya Gibita. 23 Va fike va khoma Yuriya aGibita va mu yisa ka Hosi Yoyakimi, lweyi a nga fika a mu dlaya hi xipada+ a gama a lahla ntsumbu wa yena ka masirha lawa ku lahliwaka mani na mani.”

24 Kambe Ayikami+ n’wana wa Xafani+ a seketele Yeremiya, a za a nga nyiketiwi ka vanhu swaku va mu dlaya.+

27 Nkama Yoyakimi n’wana wa Yosiya hosi ya le Yuda a nga sungula ku fuma, Yehovha a vulavule na mina Yeremiya: 2 “Yehovha a ni byele a ku: ‘Tiyendleli magoda ni makange,* u swi veka ka nhamu ya wena. 3 U swi rhumela ka hosi ya le Edomu,+ hosi ya le Mowabu,+ hosi ya Vaamoni,+ hosi ya le Tiru+ ni hosi ya le Sidoni+ hi ku tirhisa varhumiwa lava nga ta Yerusalema swaku va ta kumana na Zedekiya hosi ya le Yuda. 4 Va byele leswi ni nga ku byela swona, leswi yaka ka tihosi ta vona, u ku:

“‘“Yehovha murhangeli wa tintsumi, Xikwembu xa Israyele, a li: Mi fanele mi byela tihosi ta n’wina mi ku: 5 ‘Hi mina ni nga yendla misava, vanhu ni swiharhi leswi nga henhla ka misava hi matimba ya mina yamakulu ni hi voko la mina la matimba;* naswona ni swi nyike mun’wani ni mun’wani lweyi ni mu tsakelaka.*+ 6 Kutani swoswi matiko lawa hinkwawu ni ma nyikela ka Nebukadinazara+ hosi ya le Babilona, mutirheli wa mina; ni mu nyika ni swiharhi swaku swi mu tirhela. 7 Matiko hinkwawu ma ta tirhela yena, n’wana wa yena ni ntukulu wa yena anze loko mfumu wa yena wu helisiwa,+ nkama matiko ya manyingi ni tihosi tatikulu ti nga ta mu yendla xikarawa xa tona.’+

8 “‘“‘Loko ko tshuka ku va ni mfumu kumbe tiko leli nga ta yala ku tirhela Nebukadinazara hosi ya Babilona naswona li yala ku tlhateka kange la hosi ya le Babilona ka nhamu ya lona, ni ta li khatisa hi xipada,+ hi ndlala ni hi ntungu,’* ku vula Yehovha, ‘anze ni va heta hi voko la yena.’

9 “‘“‘Kutani mi nga va yingisi vaprofeta va n’wina, vanhu lava hlahluvaka, vanhu lava mi byelaka milorho ya vona, vanhu lava yendlaka masalamusi ni valoyi, lava mi byelaka va ku: “A mi nge yi tirheli hosi ya le Babilona.” 10 Hikusa va mi profetela mavunhwa, swaku mi ta susiwa tikweni la n’wina mi yisiwa kule naswona ni ta mi hangalasa kutani mi ta hela mi ku jii.

11 “‘“‘Kambe vanhu va tiko leli nga ta tlhateka kange la hosi ya Babilona ka nhamu ya lona va tlhela va yi tirhela, a ni nga ta va susa ka tiko la vona,’ ku vula Yehovha, ‘swaku va li rima va tlhela va tshama ka lona.’”’”

12 Hambi Zedekiya+ hosi ya le Yuda ni mu byele swa ku fana, ni ku: “Tlhatekani kange la hosi ya Babilona ka tinhamu ta n’wina, mi yi tirhela yona ni vanhu va yona kutani mi ta tama mi hanya.+ 13 Hi mhaka muni wena ni vanhu va wena mi fanele mi dlayiwa hi xipada,+ hi ndlala+ ni hi ntungu+ ku nga leswi Yehovha a nga hlaya swaku swi ta yendleka hi tiko leli nga ta yala ku tirhela hosi ya Babilona? 14 Mi nga ma yingisi marito ya vaprofeta lava mi byelaka va ku: ‘A mi nge yi tirheli hosi ya le Babilona,’+ hikusa va mi profetela mavunhwa.+

15 “‘A va rhumiwanga hi mina,’ ku vula Yehovha, ‘kambe va profeta mavunhwa hi vito la mina, kutani ni ta mi hangalasa naswona mi ta hela mi ku jii, n’wina ni vaprofeta lava mi profetelaka.’”+

16 Ka vaprista ni vanhu lava hinkwavu ni te: “Yehovha a li: ‘Mi nga ma yingisi marito ya vaprofeta va n’wina lava mi profetelaka va ku: “Phela swibya swa yindlo ya Yehovha swi ta vuyisiwa hi Babilona ku nga li khale,”+ hikusa va mi profetela mavunhwa.+ 17 Mi nga va yingisi. Tirhelani hosi ya Babilona kutani mi ta tama mi hanya.+ Hi mhaka muni doropa leli li fanele li va ndhawu ya ku hohlokela?* 18 Kambe loko va li vaprofeta hikakunene naswona Yehovha a vulavule na vona, ni kombela swaku va kombela Yehovha murhangeli wa tintsumi swaku swibya leswi nga sala ka yindlo ya Yehovha, ka yindlo ya hosi ya le Yuda ni le Yerusalema swi nga tekiwi swi yisiwa Babilona.’

19 “Hikusa Yehovha murhangeli wa tintsumi a hlaya leswi hi mapilari,+ tanki la mati,*+ swikarinyani+ ni swibya leswi nga sala ka doropa leli, 20 leswi Nebukadinazara hosi ya Babilona a kalaka a nga swi tekanga nkama a nga teka Yekoniya n’wana wa Yoyakimi, hosi ya le Yuda aYerusalema, a mu yisa awukaraweni aBabilona ku patsa ni varhangeli hinkwavu va le Yuda ni va le Yerusalema;+ 21 Yehovha murhangeli wa tintsumi, Xikwembu xa Israyele, a vula leswi hi swibya leswi nga sala ka yindlo ya Yehovha, ka yindlo ya hosi ya le Yuda ni le Yerusalema: 22 ‘“Swi ta yisiwa aBabilona+ naswona swi ta tshama koseniyani ku fikela siku leli ni nga ta swi khumbuka hi lona,” ku vula Yehovha. “Kutani ni ta gama ni swi tlhelisela ka ndhawu leyi.”’”+

28 Hi lembe lolelo, nkama Zedekiya+ hosi ya Yuda a nga sungula ku fuma, hi lembe la wu 4, hi wheti ya wu 5, muprofeta Ananiya n’wana wa Azuri lweyi a taka hi Gibiyoni,+ a vulavule na mina ka yindlo ya Yehovha phambheni ka vaprista ni vanhu hinkwavu a ku: 2 “Yehovha murhangeli wa tintsumi, Xikwembu xa Israyele a li: ‘Ni ta tshova kange* la hosi ya Babilona.+ 3 Na ku nge se hela malembe mambirhi ni ta tlhelisela swibya hinkwaswu swa yindlo ya Yehovha ka ndhawu leyi, leswi Nebukadinazara hosi ya le Babilona a nga swi teka ka ndhawu leyi a swi yisa aBabilona.’”+ 4 “‘Ni ta tlhelisela Yekoniya+ n’wana wa Yoyakimi+ hosi ya le Yuda ka ndhawu leyi ni swikarawa hinkwaswu swa le Yuda leswi nga ya Babilona,’+ ku vula Yehovha, ‘hikusa ni ta tshova kange la hosi ya le Babilona.’”

5 Se muprofeta Yeremiya a vulavula na muprofeta Ananiya phambheni ka vaprista ni vanhu hinkwavu lava a va nyime ka yindlo ya Yehovha. 6 Muprofeta Yeremiya a ku: “Amen!* Yehovha a a yendli swoleswo! Yehovha a a yendli leswi u nga swi profeta hi ku va a tlhelisela swibya swa yindlo ya yena Yehovha ka ndhawu leyi, ni vanhu hinkwavu lava nga swikarawa aBabilona! 7 Kambe ni kombela u yingisa rungula leli ni ku byelaka lona wena ni vanhu hinkwavu. 8 Vaprofeta lava va nga va kona khale swinene, mina na wena hi nge se va kona, a va profeta swaku matiko ya manyingi ni mimfumu yayikulu, a swi ta kumana ni nyimpi, khombo ni ntungu.* 9 Loko muprofeta a vula swaku ku ta va ni ku rhula se rito la muprofeta yelweyo li gama li hetiseka, swi ta tiviwa swaku Yehovha hi yena lweyi a nga mu rhuma muprofeta yelweyo hikakunene.”

10 Kutani muprofeta Ananiya a susa kange ka nhamu ya muprofeta Yeremiya a li tshova.+ 11 Se Ananiya a vula leswi phambheni ka vanhu hinkwavu: “Yehovha a li: ‘Ni ta li tshovisa xileswi kange la Nebukadinazara hosi ya le Babilona ka tinhamu ta vanhu va matiko hinkwawu na ku nge se hela malembe mambirhi.’”+ Kutani muprofeta Yeremiya a famba.

12 Loko muprofeta Ananiya se a tshovile kange ka nhamu ya muprofeta Yeremiya, Yehovha a gama a vulavula na Yeremiya a ku: 13 “Famba u ya byela Ananiya u ku: ‘Yehovha a li: “U tshove makange ya timhandzi+ kambe u ta ma pfaleta hi ku yendla makange ya nsimbi.” 14 Hikusa Yehovha murhangeli wa tintsumi, Xikwembu xa Israyele a li: “Ni ta veka kange la nsimbi ka nhamu ya vanhu va matiko hinkwawu lawa, swaku va tirhela Nebukadinazara hosi ya le Babilona, va fanele va mu tirhela.+ Ni ta mu nyika hambi ni swiharhi swa khwati.”’”+

15 Se muprofeta Yeremiya a byela muprofeta Ananiya+ a ku: “Ni kombela u yingisa, wena Ananiya! Yehovha a nga ku rhumanga kambe wena u yendle swaku vanhu lava va tshemba mavunhwa.+ 16 Kutani Yehovha a li: ‘Waswivo! Na ku susa misaveni. Lembe leli u ta fa hikusa u xengetele vanhu swaku va lwa na Yehovha.’”+

17 Se muprofeta Ananiya a fa hi lembe lolelo hi wheti ya wu 7.

29 Lawa i marito ya karta* leli muprofeta Yeremiya a nga li rhumela na a li Yerusalema swaku li ya ka madoda hinkwawu lama nga xikarhi ka vanhu lava nga wukaraweni, vaprista, vaprofeta ni vanhu hinkwavu lava Nebukadinazara a nga va teka Yerusalema a va yisa awukaraweni aBabilona, 2 Yeremiya a rhumele karta lelo loko Hosi Yekoniya,+ mamani wa hosi,+ vatirhi va le ka yindlo ya wuhosi, varhangeli va le Yuda ni va le Yerusalema, lava tivaka ku yendla ntirho wa mavoko ni lava kotaka ku yendla swilo hi nsimbi na se va humile aYerusalema.+ 3 Karta leli li fambe na Elaza n’wana wa Xafani+ na Gemariya n’wana wa Hilikiya, lweyi Zedekiya+ hosi ya le Yuda a nga mu rhuma Babilona ka Nebukadinazara hosi ya le Babilona. Karta la kona a li ku:

4 “Yehovha murhangeli wa tintsumi, Xikwembu xa Israyele, a byela vanhu hinkwavu lava nga wukaraweni, lava a nga va susa aYerusalema a va yisa awukaraweni aBabilona a ku: 5 ‘Yakani tiyindlo mi tshama ka tona. Byalani minsinya leyi psalaka mihandzu mi dla mihandzu ya yona. 6 Tekani vavasati mi psala* vana va madjaha ni va tintombhi; tekelani vana va n’wina va madjaha vavasati mi chadisa vana va n’wina va tintombhi, swaku na vona va ta va ni vana va madjaha ni va tintombhi. Mi tala kolanu mi nga pumbeki. 7 Li laveleni ku rhula doropa leli ni nga mi yisa wukaraweni ka lona, mi li khongelela ka Yehovha, hikusa loko li va ni ku rhula na n’wina mi ta va ni ku rhula.+ 8 Hikusa Yehovha murhangeli wa tintsumi, Xikwembu xa Israyele a li: “Mi nga pfumeli ku kanganyisiwa hi vaprofeta va n’wina ni vanhu va n’wina lava hlahluvaka lava nga xikarhi ka n’wina+ funtshi mi nga yingiseli milorho ya vona leyi va yi lorhaka. 9 Hikusa ‘va mi profetela mavunhwa hi vito la mina. A va rhumiwanga hi mina,’+ ku vula Yehovha.”’”

10 “Hikusa Yehovha a li: ‘Loko ku ta hela 70 wa malembe na mi li Babilona ni ta ta ni ta mi pfuna+ naswona ni ta yendla leswi ni nga mi tshembisa swona hi ku mi tlhelisela ka ndhawu leyi.’+

11 “‘Hikusa ni swi tiva kahle leswi ni swi pimisaka hi n’wina,’ ku vula Yehovha, ‘ni lava swaku mi va ni ku rhula ku nga li khombo,+ swaku swi mi fambela kahle ka nkama lowu taka ni tlhela ni mi nyika ni ntshembo.+ 12 Mi ta ni vitana, mi ta mi tlhela mi khongela ka mina naswona ni ta mi yingisa.’+

13 “‘Mi ta ni lava mi ni kuma,+ hikusa mi ta ni lavetela hi mbilu ya n’wina hinkwayu.+ 14 Kutani ni ta yendla swaku mi ni kuma,’+ ku vula Yehovha. ‘Ni ta mi vuyisa hi wukaraweni, ni mi hlengeleta mi huma ka matiko hinkwawu ni ka tindhawu hinkwatu leti ni nga mi hangalasela ka tona,’+ ku vula Yehovha. ‘Ni ta mi tlhelisela ka ndhawu leyi a mi li ka yona nkama ni nga mi yisa awukaraweni.’+

15 “Kambe mi te: ‘Yehovha a hi vekele vaprofeta aBabilona.’

16 “Se Yehovha a byele hosi leyi nga tshama ka xitshamu xa wuhosi xa Davhida+ ni vanhu hinkwavu lava tshamaka ka doropa leli, vamakwenu va n’wina lava kalaka va nga fambanga na n’wina awukaraweni, a ku: 17 ‘Mina Yehovha murhangeli wa tintsumi ni li: “Ni va rhumela xipada, ndlala ni ntungu,*+ funtshi ni ta va yendla va fana ni makuwa ya ku bola* lama kalaka ma nga dleki hi mhaka ya ku kala ma nga nandzihi.”’+

18 “‘Ni ta va txatxa hi xipada,+ hi ndlala ni hi ntungu, ni ta yendla swaku mimfumu hinkwayu ya misava yi chava hi mhaka ya leswi nga ta va humelela,+ va ta rhukiwa, va hlamaliwa, va va nchumu lexi beliwaka noti+ ni ku poyiliwa xikarhi ka matiko hinkwawu lawa ni nga ta va hangalasela ka wona,+ 19 hikusa a va ma yingisanga marito ya mina lawa ni nga va rhumela wona hi ku tirhisa vatirheli va mina ku nga vaprofeta,’ ku vula Yehovha, ‘ni va rhume hi ku phindhaphindha.’*+

“‘Kambe a mi yingisanga,’+ ku vula Yehovha.

20 “Kutani yingisani rito la Yehovha n’wina hinkwenu lava nga wukaraweni, n’wina ni nga mi susa Yerusalema ni mi yisa Babilona. 21 Yehovha murhangeli wa tintsumi, Xikwembu xa Israyele a vula leswi hi Akabu n’wana wa Kolaya na Zedekiya n’wana wa Mazeya, lava mi profetelaka mavunhwa hi vito la mina,+ a li: ‘Ni ta va nyiketa ka voko la Nebukadinazara* hosi ya le Babilona, a ta va dlaya na mi swi vona. 22 Leswi nga ta yendleka ka vona, swi ta tirhisiwa hi swikarawa hinkwaswu swa le Yuda leswi nga le Babilona loko swi rhuka van’wani, swi ku: “Yehovha a a mi yendle swa ku fana ni leswi a nga swi yendla Zedekiya na Akabu, lava hosi ya le Babilona yi nga va hisa hi ndzilu!” 23 Hikusa va yendle swa ku danisa aIsrayele,+ va mbuyetile ni vasati va vavanuna van’wani funtshi va vulavula mavunhwa hi vito la mina, ku nga nchumu xa ku kala va nga rhumiwanga hi mina.+

“‘“Hi mina Lweyi a swi tivaka naswona ni mboni ya swona,”+ ku vula Yehovha.’”

24 “Se u ta byela Xemaya+ wa le Nehelami u ku: 25 ‘Yehovha murhangeli wa tintsumi, Xikwembu xa Israyele a li: “Leswi u nga rhumela makarta hi vito la wena ma ya ka vanhu hinkwavu lava nga Yerusalema, ka Sofaniya+ n’wana wa muprista Mazeya ni ka vaprista hinkwavu u ku: 26 ‘Yehovha a ku yendle muprista u pfaleta muprista Yoyada swaku u vonelela yindlo ya Yehovha, u vonelela munhu mun’wani ni mun’wani wa ku hlanya lweyi a tiyendlaka muprofeta u mu manya mavoko, nhamu ni nhloko hi swigodo* u tlhela u mu boha hi machini;+ 27 se hi mhaka muni u nga mu layanga Yeremiya wa le Anatoti,+ lweyi a tiyendlaka muprofeta ka n’wina?+ 28 Hikusa a hi rhumele karta na hi li Babilona, a ku: “Ma ha ta tshama nkama wa ku leha! Yakani tiyindlo mi tshama ka tona. Byalani minsinya leyi psalaka mihandzu mi dla mihandzu ya yona,+ . . . ”’”’”

29 Nkama muprista Sofaniya+ a nga lerha karta leli phambheni ka muprofeta Yeremiya, 30 Yehovha a vulavule na Yeremiya, a ku: 31 “Rhumela rungula ka vanhu hinkwavu lava nga wukaraweni u ku: ‘Yehovha a hlaya leswi hi Xemaya wa le Nehelami: “Leswi Xemaya a nga mi profetela, hambileswi a kalaka a nga rhumiwanga hi mina naswona a nga zama ku yendla swaku mi tshemba mavunhwa,+ 32 Yehovha a li: ‘Ni ta mu khatisa Xemaya wa le Nehelami ni vana va yena. A ku nga ta pona munhu ni mun’we wa ndjangu wa yena xikarhi ka vanhu lava naswona a nga ta swi vona swilo swaswinene leswi ni nga ta swi yendlela vanhu va mina,’ ku vula Yehovha, ‘hikusa a xengetele vanhu swaku va lwa na Yehovha.’”’”

30 Lawa i marito lawa Yeremiya a nga byeliwa wona hi Yehovha: 2 “Yehovha Xikwembu xa Israyele a li: ‘Ma tsale ka buku marito hinkwawu lawa ni ku byelaka wona. 3 Hikusa “masiku ma ta,” ku vula Yehovha, “lawa ni nga ta hlengeleta vanhu va mina lava nga le wukaraweni, ku nga Vayisrayele ni Vayuda”+ ku vula Yehovha, “ni ta va tlhelisela ka tiko leli ni nga li nyika vavhovho va vona kutani li ta tlhela li va la vona.”’”+

4 Lawa i marito lawa Yehovha a nga ma byela Israyele na Yuda.

 5 Yehovha a li:

 6 Ni kombela mi vutisa, loko swi ku wanuna a nga swi kota ku psala.

Hi mhaka muni tinghohe* ta vona hinkwatu ti nkwalalile?

 7 Yoo! Hikusa siku lolelo la chavisa.*+

Kambe a ta ponisiwa ka wona.”

8 “Se hi siku lolelo,” ku vula Yehovha murhangeli wa tintsumi, “ni ta tshova kange* ka nhamu ya wena ni magoda ya wena ni ta ma tsemelela hi le xikarhi; funtshi vanhu va matiko man’wani a va nge he mu* yendli xikarawa xa vona. 9 Va ta tirhela Yehovha Xikwembu xa vona na Davhida hosi ya vona, lweyi ni nga ta va vekela yena.”+

11 “Hikusa ni na wena,” ku vula Yehovha, “leswaku ni ku ponisa.

12 Hikusa Yehovha a li:

“Ku tshoveka ka wena a ku daheki.+

Ni xilondza xa wena a xi daheki.

A ku na murhi wa ku ku hanyisa.

14 Hinkwavu lava a wu rhandzana na vona va ku khohlwile.+

A va ha ku lavi.

15 Hi mhaka muni u rila hileswi u nga tshoveka?

Ku vava ka wena a ku heli!

‘Lweyi i Siyoni lweyi a kalaka a nga laviwi hi munhu.’”+

18 Yehovha a li:

19 Va ta yimbelela tinsimu ta ku khensa naswona ku ta twala guwa la ku hleka.+

Ni ta khatisa hinkwavu lava mu hluphaka.+

Ni ta mu tshineta kusuhi na mina funtshi a ta tshinela.”

“Hikusa loko ku nga li leswo, i mani lweyi a nga kanyaka mbilu a tshinela ka mina?” ku vula Yehovha.

22 “Mi ta va vanhu va mina+ kutani mina ni ta va Xikwembu xa n’wina.”+

Leswi mi ta swi twisisa ka masiku ya wugamu.+

31 “Hi nkama wolowo,” ku vula Yehovha, “ni ta va Xikwembu ka mindjangu hinkwayu ya Israyele, kutani yona yi ta va vanhu va mina.”+

 2 Yehovha a li:

 3 Yehovha a humelele ka mina na a li kule a ku:

“Ni ku rhandze hi lirhandzu la ku kala li nga heli.

Hi leswo swi nga yendla swaku ni ku koka ka mina hi lirhandzu.*+

 4 Ni ta tlhela ni ku yaka naswona u ta tlhela u yakiwa.+

 6 Hikusa siku la ta leli vagwardu lava nga tintshaveni ta Efrayimi va nga ta huwelela va ku:

‘Pfukani, a hi khupukeni hi ya Siyoni ka Yehovha Xikwembu xa hina.’”+

 7 Hikusa Yehovha a li:

“Yimbelelelani Yakobe hi ku tsaka.

Huwelelani hi ku tsaka hi mhaka ya leswi mi fumaka matiko.+

 8 Na va vuyisa va suka ka tiko la le norte.*+

Ni ta va hlengeleta ku sukela ka tindhawu ta le kule swinene ta misava.+

Va ta vuya na va li ntlawa wawukulu.+

 9 Va ta ta na va rila.+

Ni ta va rhangela loko va kombela ku kombiwa timpsalu.

Hikusa ni Papayi ka Israyele kasi Efrayimi i matevula ya mina.”+

“Lweyi a nga hangalasa Israyele a ta tlhela a mu hlengeleta.

A ta mu vonelela ku fana ni mulusi lweyi a vonelelaka ntlhambi wa yena.+

Ni ta txintxa ku rila ka vona ku va ku tsaka.+

Ni ta va tiyisa ni va yendla va tsaka va nga ha xukuvali.+

15 “Yehovha a li:

‘Ku twakala rito la nkosi ni xirilo xaxikulu aRama:+

Rakel a rilela vana va yena.+

16 Yehovha a li:

‘Va ta vuya va huma ka tiko la nala.’+

17 ‘Ku ni ntshembo wa leswaku swi ta ku fambela kahle ka nkama lowu taka,’+ ku vula Yehovha.

‘Vana va wena va ta tlhelela ka ndhawu ya vona.’”+

20 “Kasi Efrayimi a hi n’wana wa lisima lweyi a rhandzekaka ka mina?+

Hikusa hambiloko ni tshamela ku mu laya a ni mu khohlwi.

Hi leswo swi yendlaka ni twa ku vava hi mhaka ya yena.+

Phela ni ta mu twela wusiwana,” ku vula Yehovha.+

Yi txuvuki kahle ndlela yayikulu, ndlela leyi u faneleke u famba hi yona.+

Tlhela wena Israyele,* tlhelela ka madoropa ya wena.

22 Kasi u ta kanakana anze siku muni, wena ntombhi leyi kalaka yi nga tshembeki?

Hikusa Yehovha a tumbuluxe nchumu xa nyuwani amisaveni:

Wansati a ta mu lavetela hintamu wanuna.”

23 Yehovha murhangeli wa tintsumi, Xikwembu xa Israyele a li: “Va ta tlhela va vula marito lawa ka tiko la Yuda ni ka madoropa ya kona, nkama ni nga ta hlengeleta swikarawa swa vona, va ku: ‘Yehovha a a ku katekisi, wena ndhawu ya ku tshama ka yona ya ku lulama,+ wena ntshava ya ku kwetsima.’+ 24 Le Yuda ni ka madoropa ya kona hinkwawu ku ta tshama vanhu, varimi ni valusi va mintlhambi.+ 25 Hikusa lweyi a nga karhala ni ta mu tiyisa ni lweyi a twaka ndlala ni ta mu xurhisa.”+

26 Kutani ni pfuka ni pfula matihlo naswona a ni yetlele wurhongo la ku nandziha.

27 “Phela masiku ma ta,” ku vula Yehovha, “lawa ni nga ta yendla swaku vanhu va tiko la Israyele ni va tiko la Yuda va va vanyingi swinene. Ni ta tlhela ni yendla swaku ni swifuyu swa vona swi va swinyingi hintamu.”+

28 “Ku fana ni leswi ni nga va vonelela swaku ni va tsuvula, ni va hohlota, ni va diliza, ni va helisa ni ku va wonhetela,+ ni ta tlhela ni va vonelela swaku ni va yaka ni ku va byala,”+ ku vula Yehovha. 29 “Ka masiku wolawo a va nge he vuli va ku: ‘Vapapayi va hina va dle mawuvha ya ku dzunga, kambe ku rhurhumele matinyu ya vana.’+ 30 Kambe munhu mun’wani ni mun’wani a ta fela ka xihoxo xa yena. Munhu mun’wani ni mun’wani lweyi a dlaka mawuvha ya ku dzunga* ku ta rhurhumela matinyu ya yena.”

31 “Vonani! Masiku ma ta,” ku vula Yehovha, “lawa ni nga ta yendla ntwananu wa nyuwani ni vanhu va Israyele xikan’we ni vanhu va Yuda.+ 32 A wu nga ta fana ni ntwananu lowu ni nga wu yendla ni vavhovho va vona siku ni nga va khoma hi voko ni va humesa ka tiko la Gibita,+ ‘ntwananu wa mina lowu va nga wu tlula,+ hambileswi a ni li n’winyi wa vona wa ntiyiso,’* ku vula Yehovha.”

33 “Hikusa lowu i ntwananu lowu ni nga ta wu yendla ni vanhu va Israyele loko masiku wolawo ma hundzile,” ku vula Yehovha. “Ni ta nghenisa nawu wa mina ndzeni ka vona+ naswona ni ta wu tsala ka timbilu ta vona.+ Ni ta va Xikwembu xa vona naswona vona va ta va vanhu va mina.”+

34 “A ku na munhu xikarhi ka vona lweyi a nga ta djondzisa vhizinyu wa yena ni makwavu a ku: ‘Tiva Yehovha!’+ Hikusa hinkwavu va ta ni tiva, ku sukela ka wamutsongo ku ya ka wamukulu,”+ ku vula Yehovha. “Ni ta va rivalela xihoxo xa vona naswona a ni nge he xi khumbuki xidjoho xa vona.”+

37 Yehovha a li: “‘Loko a swo koteka swaku matilo ma pimiwa ni masungulo ya misava ma kambeliwa kahle, hi kona a ni ta tshika vana hinkwavu va Israyele hi mhaka ya swilo hinkwaswu leswi va nga swi yendla,’ ku vula Yehovha.”+

38 “Phela masiku ma ta,” ku vula Yehovha, “lani doropa li nga ta yakeliwa+ Yehovha ku sukela ka Prediyu* la Ananel+ ku ya fika ka Nyanghwa wa le ka Ponta.+ 39 Goda la ku pima+ li ta kokiwa li kongoma ka ganga la Garebi funtshi li ta djika li kongoma ka tlhelo la le Gowa. 40 Ndhawu hinkwayu ya nkova wa mintsumbu ni wa nkuma* ni masimu hinkwawu ku ya fika ka Nkova wa Kedroni,+ ni ku ya fika ka ponta ya Nyanghwa wa Makavhalu+ ka tlhelo la le wuxeni swi ta va nchumu xa ku kwetsima ka Yehovha.+ A swi nge he tlheli swi tsuvuliwa kumbe ku diliziwa.”

32 Hi lembe la wu 10 la ku fuma ka Zedekiya hosi ya Yuda, ku nga lembe la wu 18 la ku fuma ka Nebukadinazara*+ Yehovha a vulavule na Yeremiya. 2 Hi nkama wolowo masonchwa ya hosi ya le Babilona a ma rhendzela Yerusalema naswona muprofeta Yeremiya a a pfaleliwe ka Kintari* wa Murindzi+ ka yindlo ya hosi ya le Yuda. 3 Hikusa Zedekiya hosi ya Yuda a a mu pfalelile+ a ku: “Hi mhaka muni u profete leswi? U ku: ‘Yehovha a li: “Ni ta nyikela doropa leli ka hosi ya Babilona naswona yi ta li teka,+ 4 kutani Zedekiya hosi ya Yuda a nge va baleki Vakalidiya, hikusa a ta nyikeliwa ka hosi ya Babilona, a ta vulavula na yona na va txuvukanile funtshi a ta yi txuvuka matihlweni.”’+ 5 ‘Yi ta teka Zedekiya yi mu yisa aBabilona, a ta tshama kona anze ni boha leswi ni nga ta mu yendla swona,’ ku vula Yehovha. ‘Hambileswi mi tshamelaka ku lwa ni Vakalidiya, a mi nga ta hlula.’”+

6 Yeremiya a ku: “Yehovha a vulavule na mina a ku: 7 ‘Hanameli n’wana wa Xalumi makwavu wa papayi wa wena a ta ta ka wena, a fika a ku: “Xava nsimu ya mina leyi nga Anatoti,+ hikusa hi wena u nga ni mfanelo ya ku sungula ya ku yi xava.”’”+

8 Hanameli n’wana wa makwavu wa papayi wa mina a ni telile, na ni li ka Kintari wa Murindzi hi ku ya hi leswi Yehovha a nga swi hlaya, a fika a ku: “Ni kombela u xava nsimu ya mina leyi nga Anatoti, ka tiko la Benjamini hikusa u ni mfanelo ya ku yi teka ni ya ku yi xava, tixaveli yona.” Se ni vhela ni swi vona swaku i Yehovha lweyi a a lava swaku ni yendla swoleswo.

9 Se ni xava nsimu leyi a yi li Anatoti ka Hanameli n’wana wa makwavu wa papayi. Ni gama ni mu pimela male,+ ku nga prata leli pezaka 80 wa magrama* ni 10 wa swikhemu swa prata. 10 Se ni tsala papela leli tiyisekisaka swaku se ni yi xavile nsimu+ ni li karimbara, ni vitana timboni,+ kutani ni pima male ka mabalansa.* 11 Se ni teka papela leli nga karimbariwa leli tiyisekisaka swaku ni yi xavile nsimu hi ku ya hi nawu ni leswi nawu a wu lava swona, ku patsa ni papela la ku a li nga karimbariwanga, 12 kutani ni teka papela leli tiyisekisaka swaku se ni yi xavile nsimu ni li nyika Baruki+ n’wana wa Neriya+ n’wana wa Mahazeya phambheni ka Hanameli n’wana wa tiyu wa mina, ni phambheni ka timboni leti nga li sayina ni ka Vayuda hinkwavu lava a va tshame ka Kintari wa Murindzi.+

13 Se ni byela Baruki phambheni ka vona ni ku: 14 “Yehovha murhangeli wa tintsumi, Xikwembu xa Israyele a li: ‘Teka mapapela lawa ma tiyisekisaka swaku ni yi xavile nsimu, papela leli nga karimbariwa ni papela leli kalaka li nga karimbariwanga, u ma veka ndzeni ka xibya xa vumba swaku ma ta tshama nkama wa ku leha.’ 15 Hikusa Yehovha murhangeli wa tintsumi, Xikwembu xa Israyele a li: ‘Tiyindlo, masimu ni masimu ya mawuvha swi ta tlhela swi xaviwa ka tiko leli.’”+

16 Loko se ni nyike Baruki n’wana wa Neriya papela leli tiyisekisaka swaku ni xave nsimu ni khongele ka Yehovha ni ku: 17 “Yehovha Hosi Leyikulu! U yendle matilo ni misava hi matimba ya wena yamakulu+ ni hi voko la wena la matimba.* A xi kona lexi kalaka xi nga koteki ka wena. 18 U komba vanhu va vanyingi lirhandzu, kambe u khatisa vana hi mhaka ya xihoxo xa vapapayi va vona,+ wena Xikwembu xa ntiyiso, u mukulu funtshi U ni matimba hinkwawu, vito la wena hi wena Yehovha murhangeli wa tintsumi. 19 Leswi u lavaka ku swi yendla i swikulu naswona mintirho ya wena i ya matimba,+ matihlo ya wena ma vona tindlela hinkwatu ta vanhu+ swaku u ta hakela mun’wani ni mun’wani hi ku ya hi mintirho ya yena ni leswi a swi yendlaka.+ 20 U yendle swikombiso ni masingita atikweni la Gibita, leswi swa ha tiviwaka hambi namuntlha naswona u tiyendlele vito aIsrayele ni le xikarhi ka vanhu+ ku fana ni leswi li tivisiwaka xiswona namuntlha. 21 U humese vanhu va wena ku nga Vayisrayele ka tiko la Gibita, hi ku tirhisa swikombiso, masingita, hi voko la matimba, hi matimba ya wena yamakulu* ni hi mintirho ya wena ya ku chavisa.+

22 “Hi ku famba ka nkama u va nyike tiko leli, leli u nga funga swaku u ta li nyika vavhovho va vona,+ ku nga tiko leli nga tala hi leiti ni wulombe.+ 23 Va tile va fika va li teka kambe a va li yingisanga rito la wena kumbe nawu wa wena. A va swi yendlanga leswi u nga va byela swona u za u yendla swaku va kumana ni khombo leli hinkwalu.+ 24 Waswivo! Vanhu va fike va yaka mimuru swaku yi va pfuna ku hlasela doropa leli va li teka+ naswona doropa leli li ta tekiwa hi Vakalidiya lava lwaka na lona, vanhu va ta wela ka mavoko ya Vakalidiya hi mhaka ya xipada,+ ndlala ni ntungu;+ leswi u nga swi vula swi yendlekile ku nga leswi swoswi u swi vonaka. 25 Kambe wena Yehovha Hosi Leyikulu u ni byele a ku: ‘Xava nsimu hi male kutani u vitana timboni,’ hambileswi doropa leli li nga ta nyikeliwa ka Vakalidiya.”

26 Kutani Yehovha a vulavula na Yeremiya a ku: 27 “Hi mina Yehovha, Xikwembu xa vanhu hinkwavu. Indjhe xi kona lexi ni kalaka ni nga xi koti ku xi yendla? 28 Se Yehovha a te: ‘Ni nyikela doropa leli ka Vakalidiya ni le ka Nebukadinazara* hosi ya Babilona, a ta li teka.+ 29 Vakalidiya lava lwaka ni doropa leli va ta fika va li tlhavika hi ndzilu va li hisa+ ku patsa ni tiyindlo leti henhla ka tona vanhu a va yendlela Bali magandzelo va tlhela va chululela swikwembu swin’wani magandzelo ya vhinyu swaku va ni kwatisa.’+

30 “‘Hikusa vanhu va le Israyele ni vanhu va le Yuda va ni djohelile, ku sukela loko va ha li majovhem;+ vanhu va le Israyele va tame va ni kwatisa hi mintirho ya vona,’ ku vula Yehovha. 31 ‘Hikusa ku sukela siku leli li nga yakiwa hi lona anze namuntlha, doropa leli li ve nchumu lowu ni kwatisaka swinene,+ se li fanele li susiwa phambheni ka mina,+ 32 hi mhaka ya hinkwaswu swa ku biha leswi nga yendliwa hi vanhu va le Israyele ni va le Yuda swaku va ni kwatisa, vona, tihosi ta vona,+ varhangeli va vona,+ vaprista va vona, vaprofeta va vona+ ni vanhu va le Yuda ni lava tshamaka Yerusalema. 33 Va tame va ni komba minhlana ku nga li tinghohe* ta vona;+ hambileswi ni nga zama ku va djondzisa hi ku phindhaphindha,* a nga kona ni mun’we wa vona lweyi a nga ni yingisa, a pfumela ku layiwa.+ 34 Va veke swikwembu swa vona swa ku nyenyentsa ka yindlo leyi vitaniwaka hi vito la mina, va yi chakisa.+ 35 Va tlhele va yaka tindhawu ta ku tlakuka ta Bali ka Nkova wa N’wana wa Hinomi,*+ leswaku va hisa vana va vona va madjaha ni va tintombhi hi ndzilu va va magandzelo ya Moleki.+ A hi mina ni nga va rhuma swaku va yendla leswo+ funtshi a swi se tshama swi ta ka mbilu* ya mina swaku ni va kombela swaku va yendla nchumu wolowo wa ku nyenyentsa, lowu yendlaka Yuda a djoha.’

36 “Kutani Yehovha Xikwembu xa Israyele a vula leswi hi doropa leli, leli mi vulaka swaku li ta nyikeliwa ka hosi ya Babilona hi xipada, ndlala ni ntungu: 37 ‘Ni ta va hlengeleta ku sukela ka matiko hinkwawu lawa ni nga va hangalasela ka wona na ni kwatile hintamu swinene+ naswona ni ta va tlhelisela ka ndhawu leyi, ni va tshika va tshama ka yona na va hlayisekile.+ 38 Va ta va vanhu va mina se mina ni ta va Xikwembu xa vona.+ 39 Ni ta va nyika mbilu yin’we+ ni ndlela yin’we swaku va ni hlonipha minkama hinkwayu, swaku swilo swi va fambela kahle vona ni vana va vona lava nga ta gama va psaliwa.+ 40 Kutani ni ta yendla ntwananu wa ku kala wu nga heli na vona,+ wa leswaku a ni nga ta tshika ku va yendlela swaswinene;+ funtshi ni ta yendla swaku va ni chava ka timbilu ta vona swaku va nga ha ni tshiki.+ 41 Ni ta tsakela ku va yendlela swaswinene+ naswona ni ta yendla swaku va tshama ka tiko leli hi masiku ni masiku;+ ni ta va yendlela leswo hi mbilu ya mina hinkwayu ni hi matimba ya mina hinkwawu.’”

42 “Hikusa Yehovha a li: ‘Ku fana ni leswi ni nga tisela vanhu lava khombo leli lalikulu, ni ta va tisela swilo hinkwaswu swaswinene leswi ni va tshembisaka swona.+ 43 Ku ta tlhela ku xaviwa masimu atikweni leli,+ hambileswi mi nge: “Tiko leli li hohlokile,* a ku tshami munhu kumbe xiharhi funtshi li nyikeliwe ka Vakalidiya.”’

44 “‘Ku ta xaviwa masimu hi male, ku ta tsaliwa ku tlhela ku karimbariwa mapapela lama tiyisekisaka swaku masimu wolawo ma xaviwile, ku ta vitaniwa timboni leti taka hi ka tiko la Benjamini,+ ka tindhawu leti nga matlhelweni ya Yerusalema, ka madoropa ya Yuda,+ ka madoropa lama nga ka ndhawu ya tintshava, ka madoropa lama nga nkoveni+ ni le ka madoropa lama nga sul,* hikusa ni ta vuyisa swikarawa swa vona,’+ ku vula Yehovha.”

33 Yehovha a tlhela a vulavula na Yeremiya ka wumbirhi, na a ha pfaleliwe ka Kintari* wa Murindzi+ a ku: 2 “Mina Yehovha Muyendli wa misava, mina Yehovha lweyi a nga yi vumba a tlhela a yi tiyisa; Yehovha i vito la mina, ni li: 3 ‘Ni vitane ni ta ku hlamula, ni ta ku byela swilo swaswikulu ni swa ku kala swi nga twisiseki, leswi u kalaka u nga swi tivi.’”+

4 “Hikusa Yehovha Xikwembu xa Israyele a vula leswi hi tiyindlo ta doropa leli ni tiyindlo ta tihosi ta Yuda leti diliziwaka swaku va tivhikela ka mimuru leyi pfunisaka ku hlasela doropa ni ka xipada,+ 5 ni lava taka swaku va ta lwa ni Vakalidiya, va tata tindhawu leti hi mintsumbu ya vanhu lava ni nga va dlaya hi mhaka ya ku kwata ka mina, lava wubihi la vona li nga yendla swaku ni va tumbetela nghohe* ya mina vanhu va doropa leli: 6 ‘Ni yendla swaku a hola a tlhela a hanya kahle a nga vabyi,+ ni ta va daha ni ku va nyika ku rhula kakukulu ni ntiyiso.+ 7 Ni ta vuyisa swikarawa swa Yuda ni swikarawa swa Israyele,+ naswona ni ta va katekisa ku fana ni leswi ni nga swi yendla ku sunguleni.+ 8 Ni ta va basisa ka swidjoho swa vona hinkwaswu+ ni tlhela ni va rivalela swihoxo swa vona ni leswi va kalaka va nga yingisanga nawu wa mina.+ 9 Doropa leli li ta yendla swaku ni tsaka loko ni twa vito la lona, li ta yendla swaku matiko hinkwawu ya misava lama twaka hi swilo swaswinene leswi ni nga swi yendlela vanhu va mina ma ni dzunisa ma tlhela ma ni tlakusa.+ Ma ta chava naswona ma ta rhurhumela+ hi mhaka ya hinkwaswu swaswinene ni ku rhula loku ni nga ta ku nyika doropa leli.’”+

10 “Yehovha a li: ‘Ka ndhawu leyi, leyi mi nga ta vula swaku yi hohlokile* a yi na munhu kumbe xifuyu, ka switaratu swa Yerusalema leswi nga wonhekela ni ka madoropa ya Yuda, lani ku kalaka ku nga ha na munhu, ku kalaka ku nga ha tshami munhu kumbe xifuyu, ku ta tlhela ku twiwa 11 ku huwelela ka ku tsaka hintamu,+ rito la lweyi a chadaka ni la lweyi a chadiwaka, rito la lava nge: “Khensani Yehovha murhangeli wa tintsumi, hikusa Yehovha i munene;+ lirhandzu la yena lalikulu a li heli!”’+

“‘Va ta tisa magandzelo ya ku khensa ka yindlo ya Yehovha,+ hikusa ni ta vuyisa swikarawa swa tiko leli ku fana ni le ku sunguleni,’ ku vula Yehovha.”

12 “Yehovha murhangeli wa tintsumi a li: ‘Ka tiko leli, leli nga hohlokela, leli kalaka li nga na munhu kumbe xifuyu ni ka madoropa hinkwawu ya lona, ku ta tlhela ku va ni tindhawu ta ku lusela ka tona leti valusi va nga ta humulisa mintlhambi ya vona.’+

13 “‘Ka madoropa lama nga ka ndhawu ya tintshava, madoropa lama nga ka tindhawu ta ku kala ti nga na maganga, ka madoropa lama nga sul,* ka tiko la Benjamini, ka tindhawu leti nga kusuhi ni Yerusalema+ ni ka madoropa ya Yuda,+ mintlhambi yi ta tlhela yi hundza hi hansi ka mavoko ya lweyi a yi kontelaka,’ ku vula Yehovha.”

14 “‘Phela masiku ma ta,’ ku vula Yehovha, ‘lawa ni nga ta yendla swaswinene leswi ni nga swi tshembisa hi tiko la Israyele ni tiko la Yuda.+ 15 Ka masiku wolawo ni ka nkama wolowo ni ta hlukisela Davhida xihluke* xa ku lulama,+ xi ta kombisa wululami ni ku tshembeka tikweni.+ 16 Ka masiku wolawo Yuda a ta ponisiwa+ naswona Yerusalema a ta tshama na a hlayisekile.+ A ta vitaniwa hi ndlela leyi: Yehovha I Ku Lulama Ka Hina.’”+

17 “Hikusa Yehovha a li: ‘Minkama hinkwayu ku ta va ni munhu lweyi a humaka ka ndjangu wa Davhida lweyi a nga ta tshama ka xitshamu xa wuhosi xa Israyele,+ 18 naswona ka vaprista lava nga Valevhi ku ta tshama na ku ni munhu lweyi a nga ta nyima phambheni ka mina a ni humesela magandzelo ya ku hisiwa, a hisa magandzelo ya swakudla ni ku humesa magandzelo man’wani.’”

19 Yehovha a tlhela a khuluma na Yeremiya a ku: 20 “Mina Yehovha ni li: ‘Loko mo tlula ntwananu wa mina wa nhlikanhi ni ntwananu wa mina wa wusiku, leswaku ku nga ha vi ni nhlikanhi ni wusiku hi nkama wa kona,+ 21 hi kona ntwananu wa mina lowu ni nga wu yendla ni mutirheli wa mina Davhida wu nga ta tshoviwa,+ swaku a nga ha vi na n’wana lweyi a nga hosi ka xitshamu xa yena xa wuhosi,+ ni ntwananu lowu ni nga wu yendla ni vaprista lava nga Valevhi, vatirheli va mina wu ta tshoviwa.+ 22 Ku fana ni leswi tinyeleti ta le tilweni* ti kalaka ti nga konteki ni misava ya lwandle yi kalaka yi nga pimeki, ni ta yendla swaku vana* va Davhida mutirheli wa mina ni Valevhi lava ni tirhelaka va va vanyingi.’”

23 Yehovha a tlhela a khuluma na Yeremiya a ku: 24 “A wu swi twanga leswi nga vuliwa hi vanhu lava a va ku: ‘Yehovha a ta tshika mindjangu leyimbirhi leyi a nga yi langa’? Va delela vanhu va mina funtshi a va ha va voni na va li tiko.

25 “Yehovha a li: ‘Ku fana ni leswi ni nga tiyisa ntwananu wa mina wa nhlikanhi ni wa wusiku,+ minawu ya tilo ni misava,+ 26 a ni nge va tshiki vana* va Yakobe ni va mutirheli wa mina Davhida naswona ka vana va yena ni ta teka vanhu lava nga ta fuma vana va Abrahamu, Izaki na Yakobe. Hikusa ni ta hlengeleta swikarawa swa vona+ ni swi twela wusiwana.’”+

34 Nkama Nebukadinazara* hosi ya le Babilona ni masonchwa ya yena hinkwawu ni mimfumu hinkwayu ya misava leyi fumiwaka hi yena ni vanhu hinkwavu a va lwa ni Yerusalema ni madoropa ya kona hinkwawu,+ Yehovha a vulavula na Yeremiya, a ku:

2 “Mina Yehovha Xikwembu xa Israyele ni li: ‘Famba u ya vulavula na Zedekiya+ hosi ya le Yuda u ku: “Yehovha a li: ‘Ni nyikela doropa leli ka hosi ya le Babilona naswona yi ta li hisa hi ndzilu.+ 3 Wena a wu nga ta baleka ka mavoko ya yona hikusa u ta khomiwa u tlhela u nyikeliwa ka yona.+ U ta yi vona hambi hosi ya le Babilona naswona yi ta vulavula na wena na mi txuvukanile kutani u ta ya aBabilona.’+ 4 Kambe twana leswi Yehovha a swi vulaka wena Zedekiya hosi ya le Yuda, ‘Yehovha a vula leswi hi wena: “A wu nga ta dlayiwa hi xipada. 5 U ta fa hi ku rhula+ naswona va ta ku hisela swinun’hwelisu* ku fana ni leswi va nga swi yendla ka vapapayi va wena, ku nga tihosi ta ku sungula leti nga va kona na wena u nge se va kona, va ta ku rila va ku: ‘Yowee, hosi ya hina,’ hikusa ‘ni swi vulile,’ ku vula Yehovha.”’”’”

6 Se muprofeta Yeremiya a gama a byela Zedekiya hosi ya le Yuda marito lawa hinkwawu aYerusalema, 7 nkama masonchwa ya hosi ya le Babilona a ma lwa ni Yerusalema ni madoropa hinkwawu ya le Yuda lawa a ma salile,+ ku nga Lakixi+ na Azeka;+ hikusa madoropa wolawo a ku li wona ntsena lawa a ma ni mimuru ya ku tiya lawa a ma salile ka madoropa ya Yuda.

8 Yeremiya a yamukele marito ya Yehovha loko Hosi Zedekiya se a yendle ntwananu ni vanhu hinkwavu lava a va li Yerusalema swaku a huwelela nchunseko ka vona,+ 9 leswaku mun’wani ni mun’wani a fanele a chunsa xikarawa xa yena xa Muheberu, xa xinuna ni xa xisati swaku ku nga tshuki ku va ni munhu lweyi a tshamaka ni Muyuda mun’wani na a li xikarawa xa yena. 10 Kutani varhangeli hinkwavu ni vanhu hinkwavu va yingisa. A va yendle ntwananu wa leswaku mun’wani ni mun’wani a fanele a chunsa swikarawa swa yena swa xinuna ni swa xisati a nga ha swi yendli swikarawa. Va yingisile kutani va swi tshika swi famba. 11 Kambe hi ku famba ka nkama va tlhele va landza swikarawa swa xinuna ni swa xisati leswi a va swi chunsile se va tlhela va swi sindzisa ku va swikarawa. 12 Kutani rito la Yehovha li fika ka Yeremiya na li ta hi ka yena Yehovha li ku:

13 “Yehovha Xikwembu xa Israyele a li: ‘Ni yendle ntwananu ni vavhovho va n’wina+ hi siku leli ni nga va humesa hi lona ka tiko la Gibita, ka yindlo ya wukarawa,+ ni ku: 14 “Loko ku hela 7 wa malembe, mun’wani ni mun’wani wa n’wina a fanele a chunsa makwavu wa Muheberu lweyi a nga xaviseliwa yena, lweyi a nga tirha 6 wa malembe; u fanele u mu tshika a famba.”+ Kambe vavhovho va n’wina va yalile ku pfula ndleve va ni yingisa. 15 Se n’wina ma ha ku txintxa tindlela ta n’wina mi yendla swaswinene matihlweni ya mina hi ku chunsa vamakwenu va n’wina naswona mi yendle ntwananu phambheni ka mina ka yindlo leyi vitaniwaka hi vito la mina. 16 Kambe mi tlhele mi txintxa tindlela ta n’wina mi chakisa vito la mina+ hi ku landza swikarawa swa n’wina swa xinuna ni swa xisati leswi a mi swi chunsile swaku swi ya lomu swi lavaka ku ya kona naswona mi tlhele mi swi sindzisa ku va swikarawa.’

17 “Kutani Yehovha a li: ‘N’wina a mi ni yingisanga hikusa a mi va chunsanga vamakwenu va n’wina ni vanhu van’wani.+ Se ni ta mi chunsa,’ ku vula Yehovha, ‘swaku mi dlayiwa hi xipada, ntungu* ni ndlala+ funtshi ni ta yendla swaku mimfumu hinkwayu ya misava yi chava hi mhaka ya leswi nga ta mi humelela.+ 18 Leswi hi leswi swi nga ta yendleka ka vanhu lava nga tshika ntwananu wa mina hi ku kala va nga ma yingisi marito ya ntwananu lowu va nga wu yendla phambheni ka mina, nkama va nga tsema xihon’wani xi va swikhemu swimbirhi va gama va hundza hi xikarhi ka swikhemu swa xona,*+ 19 ku nga varhangeli va le Yuda, varhangeli va le Yerusalema, vatirhi va le ka yindlo ya wuhosi, vaprista ni vanhu hinkwavu va tiko lava nga hundza xikarhi ka swikhemu swa xihon’wani: 20 Ni ta va nyikela ka valala va vona ni ka lava va lavaka ku va dlaya funtshi mintsumbu ya vona yi ta va swakudla swa swinyanyani ni swa swiharhi.+ 21 Zedekiya hosi ya le Yuda ni varhangeli lava a nga va veka ni ta va nyikela ka valala va vona ni ka lava lavaka ku va dlaya ni ka masonchwa ya hosi ya le Babilona,+ lawa ma tshikaka ku mi hlasela.’+

22 “‘Ni humesa nawu,’ ku vula Yehovha, ‘ni ta va tlhelisela ka doropa leli, va ta lwa na lona, va ta li teka va gama va li hisa hi ndzilu;+ madoropa ya Yuda ni ta ma hohlota, ku nga ha tshami munhu ka wona.’”+

35 Ka masiku ya Yoyakimi+ n’wana wa Yosiya, hosi ya le Yuda Yehovha a vulavule na Yeremiya a ku: 2 “Famba ka ndjangu wa Varekabi,+ u ya vulavula na vona u gama u va tisa ka yindlo ya Yehovha ka sala lin’wani la ku dlela ka lona, u fika u va nyika vhinyu va phuza.”

3 Se ni teka Yazaniya n’wana wa Yeremiya n’wana wa Abaziniya, vamakwavu, vana va yena hinkwavu va madjaha ni ndjangu hinkwawu wa Varekabi, 4 ni va tisa ka yindlo ya Yehovha, ni fika ni va nghenisa ka sala la ku dlela ka lona la vana va Hanani n’wana wa Igidaliya, mutirheli wa Xikwembu xa ntiyiso; sala leli ni nga va tisa ka lona a li li tlhelweni ka sala la ku dlela ka lona la varhangeli, leli a li li henhla ka sala la ku dlela ka lona la Mazeya n’wana wa Xalumi murindzi wa nyanghwa. 5 Se ni veka tikopo ta ku tala hi vhinyu phambheni ka vavanuna vandjangu wa Varekabi ni gama ni va byela ni ku: “Phuzani vhinyu.”

6 Kambe va ku: “A hi nge yi phuzi vhinyu hikusa Yonadabi*+ n’wana wa Rekabi, vhovho wa hina a hi byele a ku: ‘Mi nga tshuki mi phuza vhinyu, n’wina kumbe vana va n’wina. 7 A mi fanelanga mi yaka tiyindlo, mi byala timbewu kumbe mi rima kumbe mi va ni masimu ya mawuvha. Kambe mi fanele mi tshama ka matende minkama hinkwayu swaku mi ta hanya nkama wa ku leha ka tiko leli mi tshamaka ka lona ingi mo va vanhu va tiko lin’wani.’ 8 Kutani hi tama hi yingisa rito la Yonadabi n’wana wa Rekabi vhovho wa hina ka hinkwaswu leswi a nga hi byela swona, hi ku ka hi nga phuzi vhinyu, hina, vasati va hina, vana va hina va madjaha ni va tintombhi. 9 A hi yaki tiyindlo swaku hi tshama ka tona funtshi a hi na masimu ya mawuvha kumbe masimu kumbe timbewu. 10 Hi tama hi tshama ka matende naswona hi yingisa hinkwaswu leswi Yonadabi* vhovho wa hina a nga hi byela swona. 11 Kambe nkama Nebukadinazara* hosi ya Babilona a nga ta swaku a ta lwa ni tiko,+ hi te: ‘Tanani, a hi ngheneni Yerusalema swaku hi baleka masonchwa ya Vakalidiya ni ya Vasiriya,’ kutani swoswi hi tshama aYerusalema.”

12 Yehovha a vulavula na Yeremiya a ku: 13 “Mina Yehovha murhangeli wa tintsumi, Xikwembu xa Israyele ni li: ‘Famba u ya byela vanhu va le Yuda ni lava tshamaka Yerusalema u ku: “Kasi nkama ni nkama a mi nga byeliwi ku yingisa marito ya mina?”+ ku vula Yehovha. 14 “Yonadabi n’wana wa Rekabi a byele vatukulu va yena swaku va nga phuzi vhinyu, se va ma yingisile marito ya yena hi ku kala va nga phuzi vhinyu ku ta fikela namuntlha, va landzela nawu wa vhovho wa vona.+ Kambe mina, ni vulavule na n’wina hi ku phindhaphindha* kambe a mi ni yingisanga.+ 15 A ni tshamela ku rhuma vatirheli va mina ka n’wina ku nga vaprofeta, ni va rhuma hi ku phindhaphindha,*+ ni ku: ‘Ni kombela mi tshika tindlela ta n’wina ta ku biha+ mi yendla swaswinene! Mi nga landzeli swikwembu swin’wani mi ya swi tirhela. Kutani mi ta tama mi tshama ka tiko leli ni nga li nyika n’wina ni vavhovho va n’wina.’+ Kambe a mi ni yingisanga. 16 Vatukulu va Yonadabi n’wana wa Rekabi va yingise nawu lowu va nga nyikiwa wona hi vhovho wa vona,+ kambe vanhu lava a va ni yingisanga.”’”

17 “Se Yehovha murhangeli wa tintsumi, Xikwembu xa Israyele a li: ‘Vanhu va tiko la Yuda ni hinkwavu lava tshamaka Yerusalema ni va tisela khombo leli ni nga va byela hi lona,+ hikusa ni vulavule na vona kambe a va ni yingisanga, a ni tshamela ku va vitana kambe a va hlamulanga.’”+

18 Yeremiya a byela ndjangu wa Varekabi a ku: “Yehovha murhangeli wa tintsumi, Xikwembu xa Israyele a li: ‘Leswi mi nga yingisa nawu wa Yonadabi vhovho wa n’wina naswona mi tamaka mi yingisa minawu ya yena hinkwayu, mi yendla leswi a nga mi byela swona, 19 Yehovha murhangeli wa tintsumi, Xikwembu xa Israyele a li: “Ku ta tshama na ku ni ntukulu wa Yonadabi* n’wana wa Rekabi lweyi a ni tirhelaka.”’”

36 Hi lembe la wu 4 la ku fuma ka Yoyakimi+ n’wana wa Yosiya hosi ya le Yuda, Yehovha a vulavule na Yeremiya a ku: 2 “Teka buku* u tsala ka yona marito hinkwawu lawa ni nga ku byela wona hi ku yavanyisiwa ka Israyele na Yuda+ ni matiko hinkwawu,+ ku sukela hi siku la ku sungula leli ni nga vulavula na wena ka masiku ya Yosiya anze namuntlha.+ 3 Kumbexana loko vanhu va yindlo ya Yuda va twa hi khombo leli ni lavaka ku va tisela lona, va nga ha tshika tindlela ta vona ta ku biha swaku ni ta va rivalela xihoxo xa vona ni xidjoho xa vona.”+

4 Se Yeremiya a vitana Baruki+ n’wana wa Neriya, a mu byela marito hinkwawu lawa Yehovha a nga mu byela wona, kutani Baruki a ma tsala ka buku leyi songiwaka.+ 5 Se Yeremiya a byela Baruki a ku: “Ni pfaleliwile, a ni nge swi koti ku nghena ka yindlo ya Yehovha. 6 Kutani hi wena u faneleke u nghena u ma lerhela henhla marito ya Yehovha lawa ni nga ku byela wona lawa ma nga ka buku leyi u nga yi tsala. Ma lerhi na ma twiwa hi vanhu lava nga ka yindlo ya Yehovha hi siku la ku titsona swakudla; u ta ma lerhela vanhu hinkwavu va Yuda lava taka hi ka madoropa ya vona. 7 Kumbexana Yehovha a ta twa xikombelo xa vona xa ku kombela ku kombiwa timpsalu kutani mun’wani ni mun’wani a tshika tindlela ta yena ta ku biha, hikusa Yehovha a hlaye swaku a va kwatele hintamu vanhu lava.”

8 Se Baruki n’wana wa Neriya a yendla hinkwaswu leswi muprofeta Yeremiya a nga mu rhuma swona; a ma lerhele henhla marito ya Yehovha lawa a ma li ka buku na a li ka yindlo ya Yehovha.+

9 Hi lembe la wu 5 la ku fuma ka Yoyakimi+ n’wana wa Yosiya hosi ya le Yuda, hi wheti ya wu 9, vanhu hinkwavu aYerusalema ni vanhu hinkwavu lava nga ta Yerusalema na va ta hi ka madoropa ya le Yuda va sungule ku titsona swakudla phambheni ka Yehovha.+ 10 Se Baruki a ma lerhela henhla marito ya Yeremiya lawa a ma li ka buku na a li ka yindlo ya Yehovha; a ma lerhe na a twiwa hi vanhu hinkwavu, lava a va li ka sala la ku dlela ka lona la Gemariya+ n’wana wa Xafani+ lweyi a a li sekretariyu,* lava a va li ka ndhawu* ya le henhla, ka nyanghwa wa xipfalu xa nyuwani xa yindlo ya Yehovha.+

11 Nkama Mikaya n’wana wa Gemariya n’wana wa Xafani a nga twa marito hinkwawu ya Yehovha lawa a ma li ka buku, 12 a ye ka yindlo ya wuhosi ka kwartu la sekretariyu. Varhangeli hinkwavu lava a va tshame kolanu a ku li: Elixama+ lweyi a a li sekretariyu, Delayi n’wana wa Xemaya, Elinatani+ n’wana wa Akibori,+ Gemariya n’wana wa Xafani, Zedekiya n’wana wa Ananiya ni varhangeli* lavan’wani hinkwavu. 13 Mikaya a va byele marito hinkwawu lawa a nga ma twa nkama Baruki a a lerha buku, na a twiwa hi vanhu.

14 Kutani varhangeli hinkwavu va rhuma Yehudi n’wana wa Netaniya n’wana wa Xelemiya n’wana wa Khuxi swaku a ya byela Baruki, a ku: “Tani ni buku leyi u nga yi lerha na u twiwa hi vanhu.” Se Baruki n’wana wa Neriya a teka buku a famba na yona. 15 Va mu byela va ku: “Hi kombela u tshama hansi, u hi lerhela hi rito la le henhla hi swi twa.” Se Baruki a yi lerhela henhla na va swi twa.

16 Nkama va nga heta ku twa marito wolawo hinkwawu, va txuvukana hi ku chava va gama va byela Baruki va ku: “Hi fanele hi byela hosi marito lawa hinkwawu.” 17 Se va vutisa Baruki va ku: “Hi kombela u hi byela leswi u nga ma tsalisa swona marito lawa hinkwawu. I Yeremiya a nga ku byela wona?” 18 Baruki a va hlamula a ku: “Hi yena a nga ni byela marito lawa hinkwawu se mina ni ma tsala hi tinta ka buku leyi.”* 19 Se varhangeli va byela Baruki va ku: “Famba u ya tumbela wena na Yeremiya funtshi mi nga byeli munhu swaku mi tumbele kwini.”+

20 Kutani va fika va nghena ka kintari wa hosi, va veka buku ka kwartu la Elixama lweyi a a li sekretariyu, se va byela hosi swilo hinkwaswu leswi va nga swi twa.

21 Kutani hosi yi rhuma Yehudi+ swaku a ya teka buku ka kwartu la Elixama lweyi a a li sekretariyu a vuya na yona. Se Yehudi a sungula ku yi lerha na a twiwa hi hosi ni varhangeli hinkwavu lava a va nyime kusuhi na yona. 22 Hosi a yi tshame ka yindlo ya wuxika hi wheti ya wu 9;* aphambheni ka yona a ku ni ndhawu leyi a ku tshiveliwa ndzilu swaku yi tikufumeta. 23 Loko Yehudi se a lerhe 3 kumbe 4 wa swiyenge, hosi a yi handzula xiyenge xolexo hi xikhwa xa sekretariyu yi xi peta ka ndzilu lowu a wu pfurha ka ndhawu leyi a ku tshiveliwe ndzilu ka yona, anze buku hinkwayu yi helela ndzilweni. 24 A hosi ni vatirhi va yona hinkwavu lava nga twa marito lawa hinkwawu a va zanga va chava funtshi a va handzulanga mpahla ya vona hi le xikarhi. 25 Hambileswi Elinatani,+ Delayi+ na Gemariya+ va nga kombela hosi swaku yi nga yi hisi buku, a yi va yingisanga. 26 Hosi yi tlhele yi rhuma Jeramiyele n’wana wa hosi, Seraya n’wana wa Aziriyeli na Xelemiya n’wana wa Abidel swaku va ya khoma Baruki lweyi wa sekretariyu na muprofeta Yeremiya, kambe Yehovha a va tumbetile.+

27 Loko hosi se yi hise buku leyi a yi ni marito lawa Baruki a nga ma tsala na a byeliwa hi Yeremiya, Yehovha a tlhele a vulavula na Yeremiya,+ a ku: 28 “Teka buku yin’wani u tsala marito hinkwawu lawa a ma li ka buku ya ku sungula leyi Yoyakimi hosi ya le Yuda a nga yi hisa.+ 29 Byela Yoyakimi hosi ya le Yuda u ku: ‘Yehovha a li: “U hise buku leyi u ku: ‘Hi mhaka muni u tsale u ku: “Hosi ya le Babilona yi ta ta kutani yi helisa tiko leli yi li siya li nga ha na munhu kumbe xiharhi”?’+ 30 Se Yehovha a vula leswi hi Yoyakimi hosi ya le Yuda: ‘A ku nga ta va na munhu lweyi a nga ta tshama ka xitshamu xa wuhosi xa Davhida+ naswona ntsumbu wa yena wu ta hisiwa hi dlambu ninhlikanhi wu biwa hi xirhami niwusiku.+ 31 Ni ta mu khatisa yena ni vatukulu va yena ni vatirhi va yena hi mhaka ya xihoxo xa vona naswona vona ni lava tshamaka Yerusalema ni vanhu va le Yuda ni ta va tisela khombo leli ni nga vula swaku ni ta va tisela lona,+ kambe a va yingisanga.’”’”+

32 Kutani Yeremiya a teka buku yin’wani a yi nyika Baruki n’wana wa Neriya, lweyi a a li sekretariyu,+ se yena a tsala ka yona leswi Yeremiya a nga mu byela swona, ku nga marito hinkwawu lawa a ma li ka buku leyi Yoyakimi hosi ya le Yuda a nga yi hisa hi ndzilu.+ Ku yengeteliwe marito man’wani ya manyingi ya ku fana na wona.

37 Hosi Zedekiya+ n’wana wa Yosiya a sungule ku fuma a pfaleta Koniya*+ n’wana wa Yoyakimi, hikusa Nebukadinazara* hosi ya le Babilona a mu veke swaku a va hosi ka tiko la Yuda.+ 2 Kambe Zedekiya ni vatirhi va yena ni vanhu va tiko a va ma yingisanga marito ya Yehovha lawa a nga va byela wona hi ku tirhisa muprofeta Yeremiya.

3 Hosi Zedekiya a rhume Yewukali+ n’wana wa Xelemiya na Sofaniya+ n’wana wa muprista Mazeya swaku va ya ka muprofeta Yeremiya, va fika va ku: “Hi kombela u hi khongelela ka Yehovha Xikwembu xa hina.” 4 Yeremiya a a ha fambafamba na a chunsekile ka vanhu, hikusa a va nge se mu peta djele.+ 5 Masonchwa ya Faru a ma li ku teni na ma ta hi Gibita,+ se Vakalidiya lava a va rhendzele Yerusalema va swi twa. Kutani va tshika ku hlasela Yerusalema.+ 6 Se Yehovha a vulavula na muprofeta Yeremiya a ku: 7 “Yehovha Xikwembu xa Israyele a li: ‘Mi fanele mi byela hosi ya le Yuda leyi nga mi rhuma ka mina mi ku: “Phela masonchwa ya Faru lama telaka ku ku pfuna, ma ta boheka ku tlhela ka tiko la wona aGibita.+ 8 Vakalidiya va ta vuya swaku va ta lwa ni doropa leli va li hlula va tlhela va li hisa hi ndzilu.”+ 9 Yehovha a li: “Mi nga tikanganyisi mi ku: ‘Vakalidiya a va nga ha ta vuya va ta lwa na hina,’ hikusa va ta tlhela va vuya. 10 Hambiloko mo dlaya masonchwa hinkwawu ya Vakalidiya lama lwaka na n’wina ku sala masonchwa lama nga vavisiwa ntsena, ma ta suka ka matende ya wona ma ta hisa doropa leli hi ndzilu.”’”+

11 Nkama masonchwa ya Vakalidiya ma nga tshika ku hlasela Yerusalema hi mhaka ya masonchwa ya Faru,+ 12 Yeremiya a suke Yerusalema a ya ka tiko la Benjamini+ swaku a ya kuma ndhawu ya yena xikarhi ka vanhu va ka vona. 13 Kambe nkama a nga fika ka Nyanghwa wa Benjamini, muvoneleli wa vagwardu, lweyi vito la yena a ku li Iriya n’wana wa Xelemiya n’wana wa Ananiya, a khome muprofeta Yeremiya a ku: “U baleka u ya ka Vakalidiya!” 14 Kambe Yeremiya a mu hlamula a ku: “A hi ntiyiso! A ni baleki ni ya ka Vakalidiya.” Kambe Iriya a nga mu yingisanga. A khome Yeremiya a mu yisa ka varhangeli. 15 Kutani varhangeli va mu kwatela Yeremiya,+ va mu ba va gama va mu peta*+ ka yindlo ya Jonathani lweyi a a li sekretariyu;* yindlo leyi a yi txintxiwe yi va djele. 16 Yeremiya a petiwe ka djele leli nga munyama,* ka makwartu lama nga hansi ka misava, lani a nga tshama kona masiku ya manyingi.

17 Hosi Zedekiya a rhuma vanhu swaku va ya mu vitana, a gama a mu vutisa swivutiso na a li yexe ka yindlo ya yena.+ A ku: “Indjhe u ni rito leli taka hi ka Yehovha?” Yeremiya a ku: “Ina, ni na lona,” a gama a ku: “Hosi ya le Babilona yi ta ku hlula!”+

18 Yeremiya a tlhela a vutisa Hosi Zedekiya a ku: “Ni yo ku wonhela yini, wena ni vatirhi va wena ni vanhu lava, mi zaka mi ni peta djele? 19 Va kwini vaprofeta va wena lava nga ku profetela va ku: ‘Hosi ya le Babilona a yi nge ti yi ta lwa na wena ni tiko leli?+ 20 Ni kombela u ni yingisa wena hosi ya mina. Ni kombela u ni twela wusiwana. U nga ni tlhelisi ka yindlo ya Jonathani+ lweyi wa sekretariyu, loko wo yendla leswo ni ta ya fa seniyani.”+ 21 Se Hosi Zedekiya a vula swaku Yeremiya a petiwa ka djele leli nga ka Kintari* wa Murindzi+ naswona siku ni siku a a nyikiwa pawu la redondu leli taka hi ka Xitaratu* Xa Lava Hambaka Mapawu,+ anze ku hela mapawu adoropeni.+ Yeremiya a tame a tshama ka Kintari wa Murindzi.

38 Xefatiya n’wana wa Matani, Gedaliya n’wana wa Paxahuri, Yukali+ n’wana wa Xelemiya na Paxahuri+ n’wana wa Malikiya va twe marito lawa Yeremiya a a ma byela vanhu hinkwavu a ku: 2 “Yehovha a li: ‘Lweyi a nga ta sala ka doropa leli a ta dlayiwa hi xipada, hi ndlala ni hi ntungu.*+ Kambe lweyi a tinyikelaka* ka Vakalidiya a ta tama a hanya funtshi a ta ponisa wutomi la yena.’+ 3 Yehovha a li: ‘Phela doropa leli li ta nyikeliwa ka masonchwa ya hosi ya le Babilona, se yona yi ta li teka.’”+

4 Se varhangeli va byela hosi va ku: “Hi kombela swaku wanuna lweyi a dlayiwa+ hikusa a godolisa masonchwa lama nga sala ka doropa leli, ku patsa ni vanhu hinkwavu hi ku va byela marito lawa. Hikusa wanuna lweyi a lava leswaku vanhu va nga vi na ku rhula kambe va kumana ni khombo.” 5 Hosi Zedekiya a ku: “A le mavokweni ya n’wina hikusa a xi kona lexi ni nga xi yendlaka swaku ni mi sivela.”

6 Se varhangeli va teka Yeremiya va mu peta ka xihlovo xa Malikiya n’wana wa hosi, lexi a xi li ka Kintari* wa Murindzi.+ Va mu xikise hi magoda. Kambe a ku nga na mati ka xihlovo, a ko va ni madaka kutani Yeremiya a sungula ku mbombomela ka madaka.

7 Ebedimeleki+ lweyi a a li Muetiyopiya, lweyi a a tirha ka yindlo ya wuhosi akaya ka hosi, a twe swaku Yeremiya a petiwe ka xihlovo. Hosi a yi tshame ka Nyanghwa wa Benjamini,+ 8 se Ebedimeleki a huma ka yindlo ya hosi, a fika a vulavula ni hosi a ku: 9 “Hosi ya mina, leswi vavanuna lava va nga swi yendla ka muprofeta Yeremiya swi bihe ngopfu! Va mu pete ka xihlovo naswona a ta fela kona hi mhaka ya ndlala, hikusa a ka ha na pawu doropeni.”+

10 Hosi yi byela Ebedimeleki wa Muetiyopiya yi ku: “Teka 30 wa vavanuna lani mi ya humesa muprofeta Yeremiya ka xihlovo na a nge se fa.” 11 Ebedimeleki a teke vavanuna kutani a nghena ka yindlo ya hosi ka kwartu leli nga hansi ka ndhawu leyi ku vekiwaka xuma ka yona,+ va teke mpahla ya ku davukela va yi yehlisela Yeremiya ka xihlovo hi magoda. 12 Ebedimeleki wa Muetiyopiya a byele Yeremiya a ku: “Ni kombela u nghenisa timpahla leti ta ku davukela hi ka makehele ya wena swaku magoda ma nga ku tsemi.” Se Yeremiya a yendla swoleswo, 13 se va mu koka hi magoda va mu humesa ka xihlovo. Kutani Yeremiya a tama a tshama ka Kintari wa Murindzi.+

14 Hosi Zedekiya a rhume vanhu swaku va ya vitana muprofeta Yeremiya swaku a ya ka yena ka nyanghwa wa wunharhu, lowu nga ka yindlo ya Yehovha, kutani hosi yi byela Yeremiya yi ku: “Ni lava ku ku vutisa swin’wani. U nga ni fihleli nchumu.” 15 Yeremiya a hlamula Zedekiya a ku: “Loko no ku byela, u ta ni dlaya. Kasi loko no ku nyika xitsundzuxu, a wu nga ta ni yingisa.” 16 Hosi Zedekiya a fungela Yeremiya na va li vambirhi a ku: “Leswi Yehovha a hanyaka, ku nga lweyi a nga hi nyika wutomi leli, a ni nga ta ku dlaya funtshi a ni nga ta ku nyikela ka vanhu lava, lava lavaka ku ku dlaya.”

17 Yeremiya a byela Zedekiya a ku: “Yehovha murhangeli wa tintsumi, Xikwembu xa Israyele a li: ‘Loko wo tinyikela ka varhangeli va hosi ya le Babilona, u ta ponisa wutomi la wena naswona doropa leli a li nga ta hisiwa hi ndzilu ni ndjangu wa wena a wu nga ta dlayiwa.+ 18 Kambe loko wo kala u nga tinyikeli ka varhangeli va hosi ya le Babilona, doropa leli li ta nyikeliwa ka Vakalidiya naswona va ta li hisa hi ndzilu,+ wena a wu nga ta va baleka.’”+

Va mbombomelise nenge wa wena ka madaka.

Swoswi va tlhelile.’

23 Vasati va wena hinkwavu ni vana va wena va madjaha va va yisa ka Vakalidiya funtshi wena a wu nge va baleki kambe hosi ya le Babilona+ yi ta ku khoma naswona doropa leli li ta hisiwa hi ndzilu hi mhaka ya wena.”+

24 Zedekiya a byela Yeremiya a ku: “U nga byeli munhu mhaka leyi swaku u nga fi. 25 Loko varhangeli vo swi twa swaku ni vulavule na wena va gama va ku tela va fika va ku: ‘Hi kombela u hi byela leswi u nga byela hosi. U nga hi fihleli nchumu, a hi nga ta ku dlaya.+ Kasi hosi yi ku byele yini?’ 26 va hlamuli u ku: ‘A ni kombela hosi swaku yi nga ni tlhelisi ka yindlo ya Jonathani swaku ni ya fela kona.’”+

27 Hi ku famba ka nkama varhangeli hinkwavu va ya ka Yeremiya va fika va mu vutisa. A va byele hinkwaswu leswi hosi yi nga mu byela swaku a swi vula. Se va nga ha vuli swin’wani hikusa a nga kona lweyi a nga twa mabulo ya vona. 28 Yeremiya a tshame ka Kintari wa Murindzi+ anze siku leli ku nga tekiwa doropa la Yerusalema; a a li kolanu nkama doropa la Yerusalema li nga tekiwa.+

39 Hi lembe la wu 9 la ku fuma ka Zedekiya hosi ya le Yuda, hi wheti ya wu 10, Nebukadinazara* hosi ya le Babilona a te ni masonchwa ya yena hinkwawu a fika a rhendzela doropa la Yerusalema.+

2 Hi siku la wu 9 ka wheti ya wu 4 hi lembe la wu 11 la ku fuma ka Zedekiya, va boxe muru wa Yerusalema.+ 3 Kutani varhangeli hinkwavu va hosi ya le Babilona, ku nga Nerigali-Xarezeri Samigari, Nebo-Sarezekimi Rabisarisi,* Nerigali-Xarezeri Rabimagi ni varhangeli lavan’wani hinkwavu va hosi ya le Babilona va fika va nghena va tshama ka Nyanghwa wa le Xikarhi.+

4 Nkama Zedekiya hosi ya le Yuda ni masonchwa hinkwawu va nga va vona, va baleka+ doropeni niwusiku hi ndlela leyi hundzaka hi ka jardim la hosi, va huma hi nyanghwa lowu nga xikarhi ka mimuru yimbirhi, va famba hi ndlela leyi yaka aAraba.+ 5 Kambe masonchwa ya Vakalidiya ma va txatxa, ma gama ma kuma Zedekiya amananga ya le Yeriko.+ Ma mu khoma ma mu tisa ka Nebukadinazara* hosi ya le Babilona aRibala+ ka tiko la Amati+ lomu a nga fika a mu yavanyisa. 6 Hosi ya le Babilona yi teke vana va Zedekiya yi va dlaya aRibala na a swi vona, yi tlhela yi dlaya ni varhangeli hinkwavu va le Yuda.+ 7 Se yi mu dlaya matihlo Zedekiya, yi gama yi mu boha hi machini ya kobre yi mu yisa aBabilona.+

8 Se Vakalidiya va hisa yindlo ya wuhosi ni tiyindlo ta vanhu,+ va dilizela ni mimuru ya Yerusalema.+ 9 Nebuzaradani+ lweyi a a li murhangeli wa vagwardu a gama a teka vanhu hinkwavu lava a va salile ka doropa, lava nga tinyikela ka yena ni lava nga pona a va yisa awukaraweni aBabilona.

10 Kambe Nebuzaradani lweyi a a li murhangeli wa vagwardu a siya swisiwana, leswi a swi nga na nchumu ka tiko la Yuda. Hi siku lolelo a swi nyike ntirho wa ku rima masimu ya mawuvha ni masimu man’wani.+

11 Nebukadinazara* hosi ya le Babilona a nyike Nebuzaradani murhangeli wa vagwardu, minawu leyi khumbaka Yeremiya a ku: 12 “Mu teki u mu hlayisa; u nga mu vavisi, mu nyiki xin’wani ni xin’wani lexi a xi kombelaka.”+

13 Se Nebuzaradani murhangeli wa vagwardu, Nebuxazibani Rabisarisi,* Nerigali-Xarezeri Rabimagi* ni madoda hinkwawu ya hosi ya le Babilona va rhuma vanhu 14 leswaku va ya teka Yeremiya ka Kintari* wa Murindzi+ kutani a nyikeliwa ka Gedaliya+ n’wana wa Ayikami+ n’wana wa Xafani,+ swaku a tisiwa ka yindlo ya yena. Se a tshama ni vanhu lavan’wani.

15 Na Yeremiya a ha pfaleliwile ka Kintari wa Murindzi,+ Yehovha a vulavula na yena a ku: 16 “Famba u ya byela Ebedimeleki+ wa Muetiyopiya u ku: ‘Yehovha murhangeli wa tintsumi, Xikwembu xa Israyele a li: “Ni yendla leswi ni nga swi vula hi doropa leli loko ni ku ni tisa khombo ku nga li swaswinene funtshi u ta swi vona loko swi yendleka hi siku lolelo.”’

17 “‘Kambe ni ta ku ponisa hi siku lolelo, a wu nga ta nyikeliwa ka vanhu lava u va chavaka,’ ku vula Yehovha.

18 “‘Hikusa ni ta ku vhikela naswona a wu nga ta dlayiwa hi xipada. A wu nge dlayiwi+ hi mhaka ya leswi u nga ni tshemba,’+ ku vula Yehovha.”

40 Yeremiya a yamukele rito leli taka hi ka Yehovha loko Nebuzaradani+ murhangeli wa vagwardu se a mu chunsile aRama.+ A a mu yise Rama na a bohiwe hi machini naswona a a ni swikarawa hinkwaswu swa le Yerusalema ni swa le Yuda, leswi a swi yisiwa aBabilona. 2 Kutani murhangeli wa vagwardu a teka Yeremiya a mu byela a ku: “Yehovha Xikwembu xa wena a swi vule khale swaku ndhawu leyi yi ta weliwa hi khombo leli; 3 Yehovha a li tisile hi ku landza leswi a nga swi hlaya hi mhaka ya leswi n’wina mi nga mu djohela Yehovha naswona mi kalaka mi nga li yingisanga rito la yena. Hi leswo swi nga yendla mi kumana ni khombo leli.+ 4 Namuntlha ni susa machini lama nga ka mavoko ya wena. Loko u swi lava ku famba na mina aBabilona, a hi fambe, ni ta ku hlayisa. Kambe loko u nga swi lavi ku famba na mina aBabilona sala. Tiko hinkwalu li le phambheni ka wena. Famba lomu u lavaka ku ya kona.”+

5 Loko Yeremiya a ha kanakana ku tlhela, Nebuzaradani a ku: “Tlhelela ka Gedaliya+ n’wana wa Ayikami+ n’wana wa Xafani,+ lweyi hosi ya Babilona yi nga mu langa swaku a vonelela madoropa ya Yuda, u ya tshama na yena ni vanhu lavan’wani, loko u nga swi lavi famba lomu u ku lavaka.”

Kutani murhangeli wa vagwardu a mu nyika swakudla ni swilo swin’wani, a gama a mu tshika a famba. 6 Se Yeremiya a ya ka Gedaliya n’wana wa Ayikami aMizpa+ kutani a tshama na yena ni vanhu lava a va sale tikweni.

7 Hi ku famba ka nkama varhangeli hinkwavu va masonchwa lava a va li khwatini ni vavanuna lava a va li na vona, va twa swaku hosi ya Babilona yi lange Gedaliya n’wana wa Ayikami swaku a vonelela tiko, vavanuna, vavasati ni vana, ku nga vanhu hinkwavu va tiko lava nga swisiwana lava kalaka va nga yisiwanga Babilona.+ 8 Se va ya ka Gedaliya aMizpa.+ Lava nga ya a ku li Ismayeli+ n’wana wa Netaniya, Yohanani+ na Yonatani vana va Kareya, Seraya n’wana wa Tanumeti, vana va Efayi wa le Netofa na Yezaniya+ n’wana wa Mukati ku patsa ni vavanuna lava a va li na vona. 9 Gedaliya n’wana wa Ayikami n’wana wa Xafani a fungele varhangeli ni vanhu va vona a ku: “Mi nga chavi ku tirhela Vakalidiya. Tshamani tikweni, mi tirhela hosi ya Babilona, kutani swi ta mi fambela kahle.+ 10 Mina ni ta tshama Mizpa swaku ni va munyimeli wa n’wina ka Vakalidiya lava taka ka hina. Kambe n’wina mi fanele mi hlengeleta mihandzu ya malanga ni mafurha mi hamba ni vhinyu, mi swi veka ka swibya swa n’wina, mi tshama ka madoropa lawa mi nga ma teka.”+

11 Vayuda hinkwavu lava a va li Mowabu, aAmoni ni le Edomu ku patsa ni lava a va li ka matiko laman’wani hinkwawu, na vona va swi twile swaku hosi ya le Babilona yi pfumelele swaku vanhu van’wani va sala aYuda ni swaku yi lange Gedaliya n’wana wa Ayikami n’wana wa Xafani swaku a va murhangeli wa vona. 12 Se Vayuda hinkwavu va sungula ku vuya hi ka tindhawu hinkwatu leti a va hangalakele ka tona, va te ka Gedaliya aMizpa ka tiko la Yuda. Va hlengelete mihandzu ya yinyingi hintamu ya malanga va hamba ni vhinyu la linyingi.

13 Yohanani n’wana wa Kareya ni varhangeli hinkwavu va masonchwa lava a va li khwatini, va te ka Gedaliya aMizpa. 14 Va fika va mu byela va ku: “Wo kala wu nga swi tivi swaku Balisi hosi ya Vaamoni,+ a rhume Ismayeli n’wana wa Netaniya swaku a ta ku dlaya?”+ Kambe Gedaliya n’wana wa Ayikami a nga swi kholwanga leswi va nga swi vula.

15 Se Yohanani n’wana wa Kareya a byela Gedaliya xihundleni aMizpa a ku: “Ni lava ku ya dlaya Ismayeli n’wana wa Netaniya naswona a ku na munhu lweyi a nga ta swi tiva. A hi fanelanga hi mu tshika a ku dlaya hikusa loko o yendla leswo vanhu hinkwavu va le Yuda lava nga hlengeletiwa va ta hangalasiwa ni vanhu hinkwavu lava nga sala va le Yuda va ta helisiwa.” 16 Kambe Gedaliya+ n’wana wa Ayikami a byela Yohanani n’wana wa Kareya a ku: “U nga swi yendli leswo hikusa leswi u swi vulaka hi Ismayeli a hi ntiyiso.”

41 Hi wheti ya wu 7, Ismayeli+ n’wana wa Netaniya n’wana wa Elixama lweyi a a li n’wana wa le wuhosini naswona a a li mun’we wa madoda lawa a ma tshembiwa hi hosi, a fambe ni 10 wa vavanuna ka Gedaliya n’wana wa Ayikami aMizpa.+ Loko va ha li ku dleni xikan’we aMizpa, 2 Ismayeli n’wana wa Netaniya ni 10 wa vavanuna lava a nga ta na vona va suka va nyima va dlaya Gedaliya n’wana wa Ayikami n’wana wa Xafani hi xipada. Va dlaya munhu lweyi hosi ya le Babilona yi nga mu langa swaku a vonelela tiko. 3 Ismayeli a tlhele a dlaya ni Vayuda hinkwavu lava a va li na Gedaliya aMizpa ni masonchwa ya Vakalidiya lawa a ma li kolanu.

4 Hi siku la wumbirhi loko Gedaliya se a dlayiwile, na mhaka leyi yi nge se tiviwa hi munhu, 5 ku te 80 wa vavanuna lava taka hi Xikemi,+ aXilo+ ni le Samariya.+ A va tsemete malepfu, a va davule mpahla ya vona hi le xikarhi, va titsemelelile+ naswona a va khome magandzelo ya swakudla ni swinun’hwelisu*+ swaku va swi tisa ka yindlo ya Yehovha. 6 Kutani Ismayeli n’wana wa Netaniya a suka aMizpa swaku a ya kumana na vona, a famba na a rila. Nkama va nga kumana a te: “A hi fambeni ka Gedaliya n’wana wa Ayikami.” 7 Kambe nkama va nga fika adoropeni, Ismayeli n’wana wa Netaniya ni vavanuna lava a va li na yena va va dlayile, va va txukumeta ka xihlovo.

8 Kambe a ku ni 10 wa vavanuna xikarhi ka vona lava nga byela Ismayeli va ku: “U nga hi dlayi hikusa hi ni ndhawu khwatini leyi hi nga fihla trigu, maxalani,* mafurha ni wulombe.” Kutani a nga va dlayi vona ni vamakwavu va vona. 9 Ismayeli a txukumete mintsumbu hinkwayu ya vavanuna lava a nga va dlaya ka xihlovo xaxikulu lexi nga txeliwa hi Hosi Asa nkama na a lwa na Baxa hosi ya le Israyele.+ Xihlovo lexi hi xona lexi Ismayeli n’wana wa Netaniya a nga xi tata hi vavanuna lava a nga va dlaya.

10 Ismayeli a gama a teka vanhu hinkwavu lava nga sala aMizpa+ a va yendla swikarawa, ku patsa ni vana va tintombhi va hosi ni vanhu hinkwavu lava nga sala aMizpa, lava Nebuzaradani murhangeli wa vagwardu a nga va peta djele la Gedaliya+ n’wana wa Ayikami. Ismayeli n’wana wa Netaniya a va yendle swikarawa a gama a famba a ya ka Vaamoni.+

11 Nkama Yohanani+ n’wana wa Kareya ni varhangeli hinkwavu va masonchwa lava a va li na yena va nga twa hinkwaswu swa ku biha leswi nga yendliwa hi Ismayeli n’wana wa Netaniya, 12 va teka vavanuna hinkwavu va famba va ya lwa na Ismayeli n’wana wa Netaniya va gama va mu kuma kusuhi ni mati ya manyingi* aGibiyoni.

13 Vanhu hinkwavu lava a va li na Ismayeli va tsakile nkama va nga vona Yohanani n’wana wa Kareya ni varhangeli hinkwavu va masonchwa lava a va li na yena. 14 Kutani vanhu hinkwavu lava Ismayeli a nga va teka aMizpa+ swaku a va yendla swikarawa va ya ka Yohanani n’wana wa Kareya. 15 Kambe Ismayeli n’wana wa Netaniya ni 8 wa vavanuna lava a va li na yena va baleka Yohanani va ya ka Vaamoni.

16 Yohanani n’wana wa Kareya ni varhangeli hinkwavu va masonchwa lava a va li na yena va teke vanhu hinkwavu lava taka hi Mizpa lava a nga va chunsa ka Ismayeli n’wana wa Netaniya, loko Ismayeli se a dlaye Gedaliya+ n’wana wa Ayikami. Va tisa vavanuna, masonchwa, vavasati, vana ni vatirhi va le ka yindlo ya wuhosi hi le Gibiyoni. 17 Se va famba va ya tshama ka ndhawu ya vayendzi aKimihami akusuhi ni Betlehema,+ va yendle leswo hi ku lava ku nghena Gibita+ 18 hi mhaka ya Vakalidiya. Hikusa a va va chava, hi mhaka ya leswi Ismayeli n’wana wa Netaniya a nga dlaya Gedaliya n’wana wa Ayikami, lweyi hosi ya le Babilona yi nga mu langa swaku a vonelela tiko.+

42 Kutani varhangeli hinkwavu va masonchwa, Yohanani+ n’wana wa Kareya, Yezaniya n’wana wa Oxaya ni vanhu hinkwavu, ku sukela ka wamutsongo ku ya ka wamukulu, va tshinela 2 va byela muprofeta Yeremiya va ku: “Hi kombela swaku u yingisa xikombelo xa hina xa ku kombela timpsalu, u hi khongelela ka Yehovha Xikwembu xa wena hi mhaka ya vanhu lava hinkwavu lava nga sala, hikusa ku sale vanhu vavatsongo+ hilani u swi vonaka hi kona. 3 Hi navela swaku Yehovha Xikwembu xa wena a hi byela ndlela leyi hi faneleke hi famba hi yona ni leswi hi faneleke hi swi yendla.”

4 Muprofeta Yeremiya a va hlamula a ku: “Ni swi twile, ni ta khongela ka Yehovha Xikwembu xa n’wina ni yendla leswi mi nga ni kombela swona; kutani leswi Yehovha a nga ta swi vula ni ta mi byela swona. A ni nga ta mi fihlela nchumu.”

5 Va hlamula Yeremiya va ku: “Yehovha a a ve mboni ya ntiyiso ni ya ku tshembeka naswona Yehovha Xikwembu xa wena a a hi khatisi loko hi nga swi yendli leswi a swi vulaka hi ku tirhisa wena. 6 Hambi swi hi tsakisa kumbe swi nga hi tsakisi, hi ta swi yingisa leswi Yehovha Xikwembu xa hina lweyi hi ku rhumaka ka yena a nga ta swi vula, swaku swilo swi ta hi fambela kahle hi mhaka ya leswi hi yingisaka rito la Yehovha Xikwembu xa hina.”

7 Loko se ku hundze 10 wa masiku, Yehovha a gama a vulavula na Yeremiya. 8 Se Yeremiya a gama a vitana Yohanani n’wana wa Kareya ni varhangeli hinkwavu va masonchwa lava a va li na yena ku patsa ni vanhu hinkwavu, ku sukela ka wamutsongo ku ya ka wamukulu.+ 9 A va byela a ku: “Yehovha Xikwembu xa Israyele lweyi mi nga ni rhuma ka yena swaku ni ya kombela leswaku a mi komba timpsalu a li: 10 ‘Loko impela mo tshama ka tiko leli, ni ta mi yaka a ni nge mi dilizi, ni ta mi byala a ni nge mi tsuvuli, ni ta tilaya* hi mhaka ya khombo leli ni nga mi tisela lona.+ 11 Mi nga yi chavi hosi ya le Babilona leyi mi yi chavaka.’+

“‘Mi nga yi chavi,’ ku vula Yehovha, ‘hikusa ni na n’wina swaku ni mi ponisa ni ku mi chunsa ka yona. 12 Ni ta va ni timpsalu+ ka n’wina funtshi yona yi ta va ni timpsalu ka n’wina, yi mi tlhelisela ka tiko la n’wina.

13 “‘Kambe loko mi ku: “Hina a hi nga ta tshama ka tiko leli,” naswona mi nga li yingisi rito la Yehovha Xikwembu xa n’wina 14 hi ku vula mi ku: “Hina hi ta ya ka tiko la Gibita,+ lomu hi nga ta kala hi nga yi voni nyimpi kumbe ku twa ku chayiwa ka limhondzo kumbe hi biwa hi ndlala hi mhaka ya ku pfumala pawu; hi kolanu hi nga ta tshama kona,” 15 kutani yingisani rito la Yehovha, n’wina mi nga sala aYuda. Yehovha murhangeli wa tintsumi, Xikwembu xa Israyele a li: “Loko mi tinyimisele ku ya Gibita swaku mi ya tshama* kona, 16 a xipada lexi mi xi chavaka xi ta mi kuma ka tiko la Gibita ni ndlala leyi mi yi chavaka yi ta mi landzelela anze Gibita, mi ta fela koseniya.+ 17 Vanhu hinkwavu lava nga boha ku ya Gibita swaku va ya tshama kona, va ta dlayiwa hi xipada, hi ndlala ni hi ntungu.* A nga kona lweyi a nga ta pona kumbe ku baleka khombo leli ni nga ta va tisela lona.”’

18 “Hikusa Yehovha murhangeli wa tintsumi, Xikwembu xa Israyele a li: ‘Ku fana ni leswi ni nga chulula ku kwata ka mina kakukulu henhla ka vanhu va le Yerusalema,+ ni ta chulula ku kwata ka mina henhla ka n’wina loko mo ya Gibita, kutani vanhu va ta mi rhuka, va mi nyenya ni ku mi tekela hansi+ funtshi a mi nge he tlheli mi yi vona ndhawu leyi.’

19 “Yehovha a vulavulile na n’wina, n’wina vanhu va le Yuda lava nga sala. Mi nga yi Gibita. Swi tiveni swaku namuntlha ni mi basopisile 20 swaku xihoxo xa n’wina xi ta yendla swaku mi fa. Hikusa mi ni rhume ka Yehovha Xikwembu xa n’wina mi ku: ‘Hi khongelele ka Yehovha Xikwembu xa hina, u hi byela hinkwaswu leswi Yehovha Xikwembu xa hina a swi vulaka kutani hi ta swi yendla.’+ 21 Namuntlha ni mi byelile kambe a mi nga ta li yingisa rito la Yehovha Xikwembu xa n’wina kumbe mi yendla xin’wani ni xin’wani lexi a nga ni rhuma swaku ni mi byela xona.+ 22 Se swi tiveni swaku mi ta dlayiwa hi xipada, hi ndlala ni hi ntungu ka ndhawu leyi mi lavaka ku ya ka yona mi ya tshama ka yona.”+

43 Nkama Yeremiya a nga heta ku byela vanhu hinkwavu marito lawa hinkwawu lama taka hi ka Yehovha Xikwembu xa vona, ku nga marito hinkwawu lawa Yehovha Xikwembu xa vona a nga mu rhuma swaku a va byela wona, 2 Azariya n’wana wa Oxaya, Yohanani+ n’wana wa Kareya ni vavanuna hinkwavu va ku tibyela va byela Yeremiya va ku: “Wo hi hembela! Yehovha Xikwembu xa hina a nga ku rhumanga swaku u ku: ‘Mi nga yi Gibita mi ya tshama kona.’ 3 Kambe u xengeteliwa hi Baruki+ n’wana wa Neriya swaku hi nyikeliwa ka Vakalidiya, swaku va hi dlaya kumbe va hi yisa awukaraweni aBabilona.”+

4 Yohanani n’wana wa Kareya ni varhangeli hinkwavu va masonchwa ni vanhu hinkwavu a va swi yingisanga leswi Yehovha a nga va byela swona swaku va tshama ka tiko la Yuda. 5 Kambe Yohanani n’wana wa Kareya ni varhangeli hinkwavu va masonchwa va teke vanhu hinkwavu lava nga sala va le Yuda lava nga vuya swaku va ta tshama tikweni na va ta hi ka matiko hinkwawu lawa a va hangalakele ka wona, va famba na vona.+ 6 Va teke vavanuna, vavasati, vana, vana va hosi va tintombhi ni vanhu hinkwavu lava Nebuzaradani+ murhangeli wa vagwardu a nga va siya na Gedaliya+ n’wana wa Ayikami+ n’wana wa Xafani,+ va teke na muprofeta Yeremiya na Baruki n’wana wa Neriya. 7 Va ya tikweni la Gibita hikusa a va swi yingisanga leswi Yehovha a nga swi hlaya, kutani va fika Tapanesi.+

8 Se Yehovha a vulavula na Yeremiya aTapanesi a ku: 9 “Teka maribye yamakulu, u ma fihla ka ndhawu leyi nga veketeliwa switini* u ma mbhonya hi madaka ya ku yaka hi wona ka nyanghwa wa yindlo ya Faru aTapanesi, swi yendli na u voniwa hi vavanuna va Vayuda. 10 Kutani u va byela u ku: ‘Yehovha murhangeli wa tintsumi, Xikwembu xa Israyele a li: “Ni vitana Nebukadinazara* hosi ya le Babilona, mutirheli wa mina+ naswona ni ta veka xitshamu xa yena xa wuhosi henhla ka maribye lawa, lawa ni nga ma fihla, kutani a ta yengetela tende la yena la wuhosi henhla ka wona.+ 11 A ta fika a hlasela tiko la Gibita.+ Lweyi a faneliwaka hi ntungu a ta dlayiwa hi ntungu, lweyi a faneliwaka hi wukarawa a ta yisiwa awukaraweni kasi lweyi a faneliwaka hi xipada a ta dlayiwa hi xipada.+ 12 Ni ta hisa tiyindlo* ta swikwembu swa le Gibita hi ndzilu,+ hosi yoleyo yi ta hisa tiyindlo ta swikwembu swoleswo yi gama yi swi yisa awukaraweni. Yi ta tiphutsela hi tiko la Gibita ku fana ni mulusi lweyi a tiphutselaka hi nguvu ya yena, yi ta gama yi suka kolanu hi ku rhula.* 13 Yi ta faya mapilari ya Beti-Xemexi* ka tiko la Gibita funtshi yi ta hisa tiyindlo* ta swikwembu swa le Gibita hi ndzilu.”’”

44 Yeremiya a yamukele marito lawa a a fanele a ma byela Vayuda hinkwavu lava tshamaka atikweni la Gibita,+ lava tshamaka aMigidoli,+ aTapanesi,+ aNofu*+ ni le ka tiko la Patiru+ lama nge: 2 “Yehovha murhangeli wa tintsumi, Xikwembu xa Israyele a li: ‘Mi li vonile khombo leli ni nga li tisela Yerusalema+ ni madoropa hinkwawu ya Yuda, namuntlha ku hohlokile* funtshi a ku tshami munhu.+ 3 Leswo swi humelelile hi mhaka ya swilo swa ku biha leswi va nga swi yendla swaku va ni kwatisa hi ku famba va ya yendla magandzelo+ va tlhela va tirhela swikwembu swin’wani swa ku kala va nga swi tivi, swaku hambi n’wina kumbe vavhovho va n’wina a va swi tivanga.+ 4 A ni tshamela ku mi rhumela vatirheli va mina hinkwavu ku nga vaprofeta, a ni va rhuma hi ku phindhaphindha* ni ku: “Ni kombela mi nga swi yendli swilo leswi swa ku nyenyentsa, leswi ni swi nyenyaka.”+ 5 Kambe a va yingisanga swaku va tshika ku yendla swa ku biha hi ku ka va nga yendleli swikwembu swin’wani magandzelo.+ 6 Se ku kwata ka mina kakukulu ku chululiwa kutani ku hisa madoropa ya Yuda ni switaratu swa Yerusalema, swi hohlokela* hilani mi swi vonaka hi kona namuntlha.’+

7 “Yehovha murhangeli wa tintsumi, Xikwembu xa Israyele a li: ‘Hi mhaka muni mi tilavela khombo lalikulu, leli nga ta yendla swaku ku dlayiwa vavanuna hinkwavu, vavasati, vana ni swivanani aYuda, ku nga sali munhu? 8 Hi mhaka muni mi fanele mi ni kwatisa hi mintirho ya mavoko ya n’wina hi ku yendlela swikwembu swin’wani magandzelo ka tiko la Gibita lomu mi nga ya mi ya tshama kona? Mi ta helisiwa mi tlhela mi rhukiwa ni ku tekeliwa hansi xikarhi ka matiko hinkwawu ya misava.+ 9 Se mi yo yi khohlwa mintirho ya ku biha ya vavhovho va n’wina ni ya tihosi ta Yuda+ ni ya vasati va tona,+ ku patsa ni mintirho ya n’wina ya ku biha ni ya vasati va n’wina,+ leyi nga yendliwa ka tiko la Yuda ni le ka switaratu swa Yerusalema? 10 A va tivekanga hansi ku ta fikela namuntlha, a va chavanga+ kumbe ku yingisa minawu ya mina leyi ni nga mi nyika yona n’wina ni vavhovho va n’wina.’+

11 “Kutani Yehovha murhangeli wa tintsumi, Xikwembu xa Israyele a li: ‘Ni lava ku mi tisela khombo, swaku ni helisa tiko hinkwalu la Yuda. 12 Ni ta teka vanhu lava nga sala va le Yuda lava a va bohe ku ya ka tiko la Gibita swaku va ya tshama kona, hinkwavu va ta dlayiwa atikweni la Gibita.+ Va ta dlayiwa hi xipada ni hi ndlala; ku sukela ka wamutsongo ku ya ka wamukulu, va ta dlayiwa hi xipada ni hi ndlala. Vanhu va ta va rhuka, va va nyenya va tlhela va va vonela hansi.+ 13 Ni ta khatisa lava tshamaka tikweni la Gibita ku fana ni leswi ni nga swi yendla ka lava tshamaka aYerusalema, hi xipada, hi ndlala ni hi ntungu.*+ 14 Vanhu lava nga sala va le Yuda lava nga ya tshama atikweni la Gibita a va nga ta baleka kumbe ku pona swaku va tlhelela ka tiko la Yuda. Va ta swi navela ku tlhela va ya tshama kona kambe a va nge he tlheli, ku to tlhela ntsena vavatsongo lava nga ta baleka.’”

15 Vavanuna hinkwavu lava a va swi tiva swaku vasati va vona a va yendlela swikwembu swin’wani magandzelo ni vavasati hinkwavu lava a va nyime kolanu, lava a va li ntlawa wawukulu ni vanhu hinkwavu lava a va tshama ka tiko la Gibita,+ aPatiru+ va hlamula Yeremiya va ku: 16 “A hi nga ta swi yingisa leswi u nga hi byela swona hi vito la Yehovha. 17 Kambe hi ta yendla leswi hi nga swi hlaya, hi ta yendla magandzelo hi yendlela Hosi ya Xisati ya Tilo* hi tlhela hi yi chululela magandzelo ya vhinyu,+ ku fana ni leswi hina, vavhovho va hina, tihosi ta hina ni varhangeli va hina a hi yendlisa swona ka madoropa ya Yuda ni ka switaratu swa Yerusalema loko hi dla pawu hi xurha naswona swilo swi hi fambela kahle, hi nga kumiwi hi khombo. 18 Ku sukela nkama hi nga tshika ku yendla magandzelo hi yendlela Hosi ya Xisati ya Tilo* ni ku yi chululela magandzelo ya vhinyu, hi pfumale minchumu hinkwayu naswona hi dlayiwe hi xipada ni ndlala.”

19 Vavasati va tlhele va ku: “Vanuna va hina va hi pfumelele ku yendlela Hosi ya Xisati ya Tilo* magandzelo ni ku yi chululela magandzelo ya vhinyu, ni ku yi hambela mabolu ya ku fana na yona.”

20 Se Yeremiya a byela vanhu hinkwavu, vavanuna ni vasati va vona ni vanhu hinkwavu lava a va vulavula na yena a ku: 21 “Magandzelo lawa n’wina, vavhovho va n’wina, tihosi ta n’wina, varhangeli va n’wina ni vanhu va tiko a va ma yendla ka madoropa ya Yuda ni ka switaratu swa Yerusalema,+ Yehovha wa ma khumbuka a nga ma khohlwanga.* 22 Hi wugamu Yehovha a a nga ha swi koti ku yi lehisela mbilu mintirho ya n’wina ya ku biha ni swilo swa ku nyenyentsa leswi mi nga swi yendla, kutani tiko la n’wina li hohlokelile,* li va nchumu xa ku chavisa ni lexi rhukiwaka, tiko leli kalaka li nga ha tshami munhu ku nga leswi li nga tshamisa swona namuntlha.+ 23 Mi kumane ni khombo leli, hi mhaka ya leswi mi nga yendla magandzelo lawa ni hi mhaka ya leswi mi nga djohela Yehovha hi ku kala mi nga yingisi leswi Yehovha a nga mi byela swona ni nawu wa yena ni switsundzuxu swa yena, hilani swi nga tshamisa swona namuntlha.”+

24 Yeremiya a tama a byela vanhu hinkwavu ni vavasati hinkwavu a ku: “Twanani marito ya Yehovha n’wina hinkwenu vanhu va le Yuda lava nga ka tiko la Gibita. 25 Yehovha murhangeli wa tintsumi, Xikwembu xa Israyele a li: ‘Leswi n’wina ni vasati va n’wina mi nga swi vula mi swi yendlile hi mavoko ya n’wina, hikusa mi te: “Hi ta yendla magandzelo hi yendlela Hosi ya Xisati ya Tilo* ni ku yi chululela magandzelo ya vhinyu ku nga leswi hi nga tshembisa swona.”+ N’wina vavasati mi ta yendla leswi mi nga swi tshembisa.’

26 “Kutani twanani marito ya Yehovha, n’wina hinkwenu vanhu va le Yuda, lava tshamaka tikweni la Gibita: ‘“Na funga hi vito la mina lalikulu,” ku vula Yehovha, “swaku munhu mun’wani ni mun’wani wa le Yuda+ a nge he li vitani vito la mina loko a funga ka tiko hinkwalu la Gibita a ku: ‘Leswi Yehovha Hosi Leyikulu a hanyaka!’+ 27 Ni va veke tihlo swaku ni va tisela khombo ku nga li swaswinene;+ vavanuna hinkwavu va le Yuda lava nga ka tiko la Gibita va ta dlayiwa hi xipada ni hi ndlala, va za va hela va ku jii.+ 28 I vanhu vavatsongo ntsena lava nga ta pona ku dlayiwa hi xipada va gama va suka ka tiko la Gibita va tlhelela ka tiko la Yuda.+ Se vanhu hinkwavu lava nga sala va le Yuda lava nga ya ka tiko la Gibita va ya tshama kona va ta swi tiva swaku ku hetiseke rito la mani, la mina kumbe la vona!”’”

29 “‘Xikombiso xa n’wina hi lexi,’ ku vula Yehovha, ‘xa leswaku ni ta mi khatisa ka ndhawu leyi, swaku mi ta swi tiva swaku leswi ni nga mi tshembisa khombo, vhela ni ta li tisa. 30 Yehovha a li: “Ni nyikela Faru Ofira, hosi ya Gibita ka valala va yena ni ka lava lavaka ku mu dlaya, ku fana ni leswi ni nga nyikela Zedekiya hosi ya le Yuda ka Nebukadinazara* hosi ya le Babilona, lweyi a a li nala wa yena funtshi a a lava ku mu dlaya.”’”+

45 Hi lembe la wu 4 la ku fuma ka Yoyakimi+ n’wana wa Yosiya, hosi ya le Yuda, muprofeta Yeremiya a vulavule na Baruki+ n’wana wa Neriya lweyi a a tsaletela ka buku hinkwaswu leswi Yeremiya a a mu byela swona;+ a vulavule na yena a ku:

2 “Yehovha Xikwembu xa Israyele a hlaya leswi hi wena Baruki: 3 ‘U te: “Khombo ka mina hikusa Yehovha a ni yengetele ku vaviseka ka ku vava ka mina! Ni karhalile hi mhaka ya ku konya funtshi a ni yi kumanga ndhawu ya ku humula ka yona.”’

4 “U fanele u mu byela u ku: ‘Yehovha a li: “Phela leswi ni nga swi yaka na swi diliza, ni leswi ni nga swi byala na swi tsuvula, ni ta yendla leswi ka tiko hinkwalu.+ 5 Kambe wena u tilavela* swilo swaswikulu. Tshika ku lava swilo swoleswo.”’

“‘Hikusa ni le kusuhi ni ku tisela vanhu hinkwavu khombo,’+ ku vula Yehovha, ‘naswona hinkwaku lomu u nga ta ya kona ni ta ponisa wutomi la wena.’”+

46 Lawa i marito lawa Yehovha a nga ma byela muprofeta Yeremiya hi matiko:+ 2 Marito lama yaka Gibita,+ lama vulavulaka hi masonchwa ya Faru Neko+ hosi ya Gibita, lweyi a a li tlhelweni ka Nambu wa Ewufrata naswona a nga hluliwa Karkemixi hi Nebukadinazara* hosi ya le Babilona hi lembe la wu 4 la ku fuma ka Yoyakimi+ n’wana wa Yosiya, hosi ya le Yuda hi lawa:

 4 Lulamisani makavhalu mi va henhla ka wona n’wina lava fambaka hi wona.

Lunghekani mi yambala makapaseti ya n’wina ya nyimpi.

Hatimisani matlharhi mi yambala swa ku vhikela xifuva leswi nga yendliwa hi swinsimbani.

 5 ‘Hi mhaka muni ni va vona na va chava?

Va tlhelela ndzhaku, tinhenha ta vona ti hluliwile.

Va balekile hi mhaka ya ku chava, tinhenha ta vona a ti txuvukanga ni ndzhaku.

Vanhu hinkwavu va chava,’ ku vula Yehovha.

 6 ‘Lweyi a tsutsumaka hintamu a nge baleki ni tinhenha a ti nge baleki.

Ni ta helisa doropa ni lava tshamaka ka lona.’

 9 Khupukani, n’wina makavhalu!

Fambani ingi mo hlanya, n’wina tinyolo!*

10 “Siku lolelo i la Hosi Leyikulu Yehovha murhangeli wa tintsumi, i siku la ku hakelisa, a hakelisa ka valala va yena. Xipada xi ta helisa, xi xurha naswona xi ta timula torha hi ngati ya vona, hikusa Hosi Leyikulu, Yehovha murhangeli wa tintsumi, a lulamisele gandzelo ka tiko la le norte akusuhi ni Nambu wa Ewufrata.+

13 Leswi hi leswi Yehovha a nga swi byela muprofeta Yeremiya hi ku ta ka Nebukadinazara* hosi ya le Babilona swaku a ta hlasela tiko la Gibita:+

14 “Swi twaliseni aGibita, mi swi huwelela aMigidoli.+

Swi huweleleni aNofu* ni le Tapanesi.+

15 Hi mhaka muni vanhu va wena va matimba va kukuliwile?

16 Va phariheteka na va li vanyingi va gama va wa.

Va byelana va ku:

23 Va ta tsema khwati la yena,’ ku vula Yehovha, ‘hambileswi a li tikomba na li nga ngheneki.

Hikusa i vanyingi ku tlula mintete, a va konteki.

24 Yi ta danisiwa ntombhi ya le Gibita.

Yi ta nyikeliwa ka vanhu va le norte.’+

25 “Yehovha murhangeli wa tintsumi, Xikwembu xa Israyele a li: ‘Ni khatisa Amoni+ wa le No*+ na Faru, Gibita, swikwembu swa yena+ ni tihosi ta yena, vhela yena Faru ni hinkwavu lava mu tshembaka.’+

26 “‘Ni ta va nyikela ka lava lavaka ku va dlaya, ka Nebukadinazara* hosi ya le Babilona+ ni ka vatirheli va yena. Kambe hi ku famba ka nkama ku ta tlhela ku tshamiwa ka yena ku fana ni khale,’ ku vula Yehovha.+

28 Wena mutirheli wa mina Yakobe u nga chavi hikusa ni na wena,’ ku vula Yehovha.

47 Lawa i marito lawa Yehovha a nga ma byela muprofeta Yeremiya lama vulavulaka hi Vafilista,+ na Faru a nge se hlula Gaza. 2 Yehovha a li:

“Waswivo! Mati ma ta ta hi norte.*

Ma ta va nambu wa ku tala hi mati.

 5 Ku ta va ni mpandlha* aGaza.

Axikeloni a miyetiwile.+

 6 Wena xipada xa Yehovha!+

Kasi u ta tshama u nga miyeli ku fikela siku muni?

Tlhelela ka ndhawu ya wena.

Humula u miyela u ku whii.

48 Ka Mowabu,+ Yehovha murhangeli wa tintsumi, Xikwembu xa Israyele a li:

“Khombo ka Nebo+ hikusa a helisiwile!

Kiriyatayimi+ a danisiwile, a khomiwa.

Ndhawu ya ku tumbela ka yona* leyi nga hlayiseka yi danisiwile yi tlhela yi diliziwa.+

 2 A va ha mu dzunisi Mowabu.

Va mu yendlele maplanu* ya ku mu wisa aExiboni+ va ku:

‘Tanani, a hi mu heliseni a nga ha vi tiko.’

 4 Mowabu a helisiwile.

Vana va yena va rila.

 5 Va rila na va khupuka hi ndlela leyi yaka Luhiti.

Kasi ka ndlela leyi ngirimelaka hi Oronayimi va twa vanhu na va rila hi mhaka ya khombo.+

 6 Balekani mi ponisa wutomi la n’wina!

Mi fanele mi fana ni nsinya wa yunipa amananga.

10 A a rhukiwi lweyi a yendlaka ntirho wa Yehovha na swi nga sukeli mbilwini!

A a rhukiwi lweyi a sivelaka xipada xa yena swaku xi nga dlayi!

12 “‘Kutani masiku ma ta,’ ku vula Yehovha, ‘lawa ni nga ta rhuma vanhu swaku va ya va halata. Va ta va halata va gungundza ni swibya swa vona funtshi va ta fayetela makhuwani ya vona. 13 Vamowabu va ta dana hi mhaka ya Kemoxi, ku fana ni leswi Vayisrayele va nga danisa swona hi mhaka ya leswi a va swi yendla aBetele leyi a va yi tshembile.+

14 Mi hlayisa ku yini mi ku: “Hi tinhenha ta matimba leti nga lunghekela nyimpi”?’+

Ku vula Hosi, leyi vito la yona ku nga Yehovha murhangeli wa tintsumi.+

Va byeleni mi ku: ‘Vona ndlela leyi nhonga ya matimba yi nga tshoviwa hi yona, nhonga ya ku saseka!’

19 Nyima tlhelweni ka ndlela u txuvuka, wena lweyi a tshamaka Arowa.+

Vutisa wanuna ni wansati lava balekaka u ku: ‘Ku yendleke yini?’

20 Mowabu a danisiwile naswona wa chava.

Rilani mi huwelela.

Vulani na mi li aArinoni+ swaku Mowabu a helisiwile.

21 “Ku yavanyisiwe tiko leli kalaka li nga na maganga,+ Oloni, Yahazi+ na Mefata;+ 22 Diboni,+ Nebo+ na Beti-Diblatayimi; 23 Kiriyatayimi,+ Beti-Gamula na Beti-Meyoni;+ 24 Keriyoti+ na Bozra; ni madoropa hinkwawu ya tiko la Mowabu, lawa ma nga kule ni lawa ma nga kusuhi.

26 ‘Mu dakwiseni,+ hikusa a tikulisile a lwa na Yehovha.+

27 Kasi a wu nga mu hleki Israyele?+

A va nge yendli nchumu.

Tigadja ta wena ti navile ti tsemakanya ni lwandle.

Ti hundze lwandle ti ya fika Yazeri.

Ni yendle swaku vhinyu li nga ha li kona ka ndhawu leyi li kameliwaka ka yona.

A nga kona lweyi a nga ta li psanyetela na a huwelela hi ku tsaka.

Ku ta va ni ku huwelela ka ku rila.’”+

34 “‘Ka riliwa ku sukela aExiboni+ ku ya fika aElele.+

Hambi mati ya Nimirimi ma ta psha.*+

Hikusa tshomba leli va nga li kuma li ta nyamalala.

39 ‘Vonani leswi a chavisaka swona! Rilani!

Vonani leswi Mowabu a nga balekisa swona na a danile!

40 “Hikusa Yehovha a li:

‘Ni ta khatisa Mowabu hi lembe leli ni nga li langa,’ ku vula Yehovha.

45 ‘Lava balekaka va nyime ka ndzhuti wa Exiboni na va hele ntamu.

46 ‘Khombo ka wena Mowabu!

Vanhu va le Kemoxi+ va helisiwile.

47 Kambe ka masiku ya wugamu ni ta hlengeleta swikarawa swa Mowabu,’ ku vula Yehovha.

‘Rungula la ku yavanyisiwa ka Mowabu li gama kola.’”+

49 Ka Vaamoni+ Yehovha a li:

“Israyele o kala a nga na vana va madjaha?

O kala vana va ku dla tshomba, a nga na vadli va tshomba?

Hi mhaka muni Malikomo+ a teke tiko la Gadi?+

Hi mhaka muni vanhu va yena va tshama ka madoropa ya Israyele?”

‘Se Israyele a ta gama a teka tiko la lava nga teka tiko la yena,’+ ku vula Yehovha.

 3 ‘Rila wena Exiboni hikusa Ayi a helisiwile!

Huwelelani n’wina swidoropani leswi nga kusuhi na Raba.

Yambalani masaka*

 6 “‘Kambe ni ta gama ni hlengeleta swikarawa swa Vaamoni,’ ku vula Yehovha.”

7 Yehovha murhangeli wa tintsumi a vula leswi ka Edomu:

“Ko kala ku nga ha na wutlharhi aTemani?+

Xi yo hela xitsundzuxu xaxinene ka lava nga ni ku twisisa?

Li yo bola wutlharhi la vona?

 8 Balekani mi tlhela!

Fambani mi ya tshama ka mimhakwa,* n’wina vanhu va le Dedani!+

10 Kambe ni ta hlivila Esawu a sala a nga yambalanga nchumu.

12 Hikusa Yehovha a li: “Waswivo! Leswi lava va kalaka va nga yavanyisiwanga swaku va phuza ka kopo ya ku kwata ka mina, va bohekaka ku phuza, indjhe wena u nga tshikiwa u nga khatisiwi? A wu nga ta tshikiwa u nga khatisiwi hikusa u fanele u yi phuza.”+

13 “Hikusa ni funga hi vito la mina,” ku vula Yehovha, “swaku Bozra a ta chavisa,+ a poyiliwa, a va ndhawu ya ku hohlokela ni xirhuku; naswona madoropa ya yena hinkwawu ma ta tshama na ma li ndhawu ya ku hohlokela.”*+

17 “Edomu a ta chavisa.+ Mun’wani ni mun’wani lweyi a hundzaka kusuhi na yena a ta txuvuka na a chava ni ku ba noti hi mhaka ya makhombo ya yena hinkwawu. 18 Ku fana ni ndlela leyi Sodoma na Gomora ni madoropa lawa a ma li kusuhi na kona ma nga helisiwa hi yona,”+ ku vula Yehovha, “a ku na munhu lweyi a nga ta tshama Edomu.+

19 “Phela ku fana ni nghonyama leyi taka na yi huma hi ka makhwati ya ku tlhuma akusuhi ni Yordani, ku ta ta mun’wani a fika a hlasela ndhawu ya ku lusela ka yona leyi nga hlayiseka,+ kambe hi ku tsopeta ka tihlo ni ta yendla swaku a mu baleka. Ni ta mu vekela murhangeli lweyi ni nga mu langa. Hikusa i mani lweyi a fanaka na mina naswona i mani lweyi a nga ni sivelaka? Hi wini mulusi lweyi a nga nyimaka phambheni ka mina?+ 20 Kutani twanani xiboho lexi Yehovha a nga xi yendla hi Edomu ni leswi a swi pimisaka hi lava tshamaka aTemani:+

Phela swinyempfani swi ta kokakokiwa.

A ta hohlotela* ndhawu leyi swi tshamaka ka yona hi mhaka ya vona.+

21 Guwa la ku wa ka vona li tsekatsekisa misava.

Ku ni xirilo!

Xi twakale ni ka Lwandle la Ku Pshuka.+

23 Ka Damaxka+ a li:

Va hele ntamu hi mhaka ya ku chava.

Lwandle li kwatile, a li miyeteki.

24 Damaxka wa chava.

A tsutsumile a baleka, kambe a chavile a nga swi tivi swaku a nga yendla yini.

28 Ka Kedari+ ni mimfumu ya Azora, leyi Hosi Nebukadinazara* hosi ya le Babilona a nga yi hlula, Yehovha a li:

30 “Balekani mi ya kule!

Fambani mi ya tshama ka mimhakwa, n’wina vanhu va le Azora,” ku vula Yehovha.

“A li na tinyanghwa kumbe swa ku khiya hi swona; va tshama na va li voxe.

A ku na munhu lweyi a nga ta tshama ka yena.”

34 Lawa i marito lawa Yehovha a nga ma byela muprofeta Yeremiya hi ta Elamu+ nkama Zedekiya+ hosi ya le Yuda a nga sungula ku fuma, a te: 35 “Mina Yehovha murhangeli wa tintsumi ni li: ‘Ni tshova ligubu la Elamu,+ ku nga xihlovo* xa matimba ya vona. 36 Ni ta hlasela Elamu hi 4 wa mimoya leyi taka hi ka matlhelo hinkwawu,* ni ta mu hangalasa a ya ka tindhawu hinkwatu.* A ku na tiko leli Vaelamu lava nga hangalaseliwa va nga ta kala va nga yi ka lona.’”

37 “Ni ta yendla swaku Vaelamu va chava valala va vona ni lava lavaka ku va dlaya; ni ta va tisela khombo na ni kwatile swinene,” ku vula Yehovha. “Ni ta va rhumela xipada ku fikela loko ni va helisa.”

38 “Se ni ta veka xitshamu xa mina xa wuhosi aElamu+ funtshi ni ta helisa hosi ni varhangeli va yona,” ku vula Yehovha.

39 “Kambe ka masiku ya wugamu, ni ta hlengeleta swikarawa swa Elamu,” ku vula Yehovha.

50 Yehovha a vule leswi hi Babilona,+ tiko la Vakalidiya, hi ku tirhisa muprofeta Yeremiya, a te:

 2 “Swi vuleni xikarhi ka matiko, mi swi huwelela.

Nyimisani mhandzi ya ku markara hi yona mi swi huwelela.

Mi nga tumbeti nchumu!

Vulani mi ku: ‘Babilona a khomiwile.+

Bel* a danisiwile.+

Merodaki wa chava.

Swifaniso swa yena swi danisiwile.

Swikwembu swa yena swa ku nyenyentsa* swa chava.’

 3 Hikusa a teliwe hi tiko la le norte.*+

4 “Ka masiku wolawo ni ka nkama wolowo,” ku vula Yehovha, “vanhu va le Israyele ni va le Yuda va ta hlengeletana.+ Va ta famba na va rila+ funtshi va ta lavetela Yehovha Xikwembu xa vona.+ 5 Va ta vutisana ndlela ya ku ya Siyoni, na tinghohe* ta vona ti txuvuke ka tlhelo la Siyoni,+ va ku: ‘Tanani hi ta yendla ntwananu na Yehovha wa ku a wu nga ta hela naswona a wu nga ta khohlwiwa.’+ 6 Vanhu va mina va ve ntlhambi wa tinyempfu ta ku lahleka.+ Varisi va vona va va zulisile.*+ Va va lahlekise ka tintshava, va zula ka tintshava ni le ka maganga. Va khohlwe ndhawu ya vona ya ku humula ka yona. 7 Hinkwavu lava va nga va kuma va va dlayile+ naswona valala va vona va te: ‘A hi na nandzu hikusa va djohele Yehovha, ku nga ndhawu ya vona ya ku tshama ka yona ya ku lulama ni ntshembo wa vavhovho va vona, Yehovha.’”

10 Vakalidiya va ta tekeliwa minchumu ya vona.+

Hinkwavu lava va teketelaka minchumu ya vona va ta xurha swa wugamu,”+ ku vula Yehovha.

12 Mamani wa n’wina a danisiwile.+

Mamani wa n’wina lweyi a nga mi psala* a hele ntamu.

15 Mu beleni guwa la nyimpi matlhelo hinkwawu.

A tinyikelile.

Na n’wina hakelisani ka yena.

Mu yendleni swa ku fana ni leswi a nga mi yendla swona.+

17 “Vayisrayele i tinyempfu ta ku hangalakela.+ Va hangalasiwile hi tinghonyama.+ Ku sungule hosi ya le Asiriya yi va helisa,+ ku gama ku landzela Nebukadinazara* hosi ya le Babilona lweyi a nga phorhela marhambu ya vona.+ 18 Kutani Yehovha murhangeli wa tintsumi, Xikwembu xa Israyele a li: ‘Ni ta khatisa hosi ya le Babilona ni tiko la yona ku fana ni leswi ni nga swi yendla ka hosi ya le Asiriya.+ 19 Ni ta vuyisela Israyele ka ndhawu leyi a a dlela ka yona,+ a ta dla byanyi aKarmeli ni le Baxani+ naswona a ta xurha ka tintshava ta Efrayimi+ ni ta Jiliyadi.’”+

21 “Famba u ya lwa ni tiko la Meratayimi ni lava tshamaka Pekodi.+

A va dlayeteliwe va helisiwa swa wugamu,” ku vula Yehovha.

“Yendla hinkwaswu leswi ni nga ku rhuma swona.

23 Vona leswi hamela ya misava hinkwayu yi nga tsemisiwa xiswona ni ku tshovisiwa xiswona!+

Vona leswi Babilona a nga txintxisa swona a va nchumu xa ku chavisa xikarhi ka matiko!+

26 Tanani hi ka tindhawu ta le kule mi ta lwa na yena.+

Pfulani matshala ya yena.+

Mu hlengeleteleni ku fana ni tinyandza ta trigu.

Mu heliseni hi ku helela.+

Ku nga sali munhu ka yena.

Gwimbani matende mi mu rhendzela matlhelo ya yena hinkwawu; ku nga baleki munhu.

Mu hakeliseni hi ku ya hi mintirho ya yena.+

Mu yendleni swa ku fana ni leswi a nga swi yendla.+

33 Yehovha murhangeli wa tintsumi a li:

Va yala ku va tshika va famba.+

34 Kambe Muponisi wa vona a ni matimba.+

Vito la yena i Yehovha murhangeli wa tintsumi.+

36 Ku ni xipada lexi lwaka ni vaprofeta va mavunhwa naswona va ta yendla swilo hi ndlela ya wuphunta.

Ku ni xipada lexi lwaka ni tinhenha ta yena naswona ti ta chava.+

Ku ni xipada lexi lwaka ni xuma xa yena funtshi xi ta tekiwa.+

38 Mati ya yena ma ta wonhiwa naswona ma ta psha.*+

40 “Ku fana ni leswi Xikwembu xi nga helisa Sodoma na Gomora+ ni madoropa lawa a ma li kusuhi na kona,”+ ku vula Yehovha, “a ku na munhu lweyi a nga ta tshama kona.+

42 Va khome ligubu ni tlharhi.+

Va ni mona naswona a va nge vi ni timpsalu.+

Va tilunghiselela ingaku vo va munhu mun’we swaku va lwa na n’wina, n’wina vanhu* va Babilona.+

44 “Phela ku fana ni nghonyama leyi taka na yi huma hi ka makhwati ya ku tlhuma kusuhi ni Yordani, ku ta ta mun’wani a fika a hlasela ndhawu ya ku lusela ka yona leyi nga hlayiseka, kambe hi ku tsopeta ka tihlo ni ta yendla swaku va mu baleka. Ni ta mu vekela murhangeli lweyi ni nga mu langa.+ Hikusa i mani lweyi a fanaka na mina naswona i mani lweyi a nga ni sivelaka? Hi wini mulusi lweyi a nga nyimaka phambheni ka mina?+ 45 Kutani twanani xiboho lexi Yehovha a nga xi yendla hi Babilona+ ni leswi a swi pimisaka hi tiko la Vakalidiya.

Phela swinyempfani swi ta kokakokiwa.

A ta hohlotela* ndhawu leyi swi tshamaka ka yona hi mhaka ya vona.+

51 Yehovha a li:

 3 Lweyi a tirhisaka ligubu a nga li tirhisi.

Naswona ku nga vi ni lweyi a nyimaka na a yambale mpahla ya nyimpi leyi nga yendliwa hi swinsimbani.

Mi nga ma tweli wusiwana madjaha ya yena.+

Dlayani masonchwa ya yena hinkwawu.

 5 Hikusa Israyele na Yuda a va tshikiwanga* hi Xikwembu xa vona ku nga Yehovha murhangeli wa tintsumi.+

Kambe tiko* la vona li tale hi nandzu hi ku ya hi mavonelo ya Mukwetsimi wa Israyele.

Mi nga helisiwi hi mhaka ya xihoxo xa yena.

Hikusa i nkama wa Yehovha wa ku hakelisa.

A mu hakelisa hi ku ya hi leswi a nga swi yendla.+

 8 Babilona a wile hi ku tsopeta ka tihlo, a tshoveka.+

Mu rileleni!+

Mu toteni balsamu lomu a twaka ku vava kona; kumbexana a nga hola.”

 9 “Hi zamile ku mu daha Babilona kambe a nga holanga.

Mu tshikeni, a hi fambeni mun’wani ni mun’wani a tlhela ka tiko la yena.+

10 Yehovha a hi kombe wululami.+

Tanani, a hi byeleni van’wani ntirho wa Yehovha Xikwembu xa hina aSiyoni.”+

11 “Lotani mimpaxwa;*+ mi teka swivhikelo swa redondu.

Hikusa lowu i nkama wa Yehovha wa ku hakelisa, a hakelisa hi mhaka ya tempele ya yena.

12 Nyimisani xa ku markara+ hi xona ka mimuru ya Babilona.

Lulamiselani gwardu, mi veka va ku vonelela.

Vekani vavanuna va tumbela swaku va hlasela.

17 Vanhu hinkwavu va yendle swilo na va nga zanga va pimisa funtshi na va nga na wutivi.

18 A swi pfuni nchumu,+ i ntirho lowu faneleke wu poyiliwa.

Loko siku la ku yavanyisiwa ka swona li fika, swi ta helisiwa.

Vito la yena i Yehovha murhangeli wa tintsumi.”+

Ni ta tirhisa wena swaku ni helisa mimfumu.

21 Ni ta tirhisa wena swaku ni fayetela kavhalu ni lweyi a fambaka hi lona.

Ni ta tirhisa wena swaku ni fayetela nyolo* ya nyimpi ni lweyi a fambaka hi yona.

22 Ni ta tirhisa wena swaku ni fayetela wanuna ni wansati.

Ni ta tirhisa wena swaku ni fayetela lweyi a nga guga ni mufana.

Ni ta tirhisa wena swaku ni fayetela djaha ni ntombhi.

23 Ni ta tirhisa wena swaku ni fayetela mulusi ni ntlhambi wa yena.

Ni ta tirhisa wena swaku ni fayetela murimi ni swifuyu swa yena swa ku rima hi swona.

Ni ta tirhisa wena swaku ni fayetela vagovhernadori ni vapfunisi va vona.

27 “Nyimisani xa ku markara hi xona atikweni.+

Chayani limondzo xikarhi ka matiko.

Langani matiko lawa ma nga ta lwa na yena.

Mu vitaneleni mfumu wa Ararati,+ wa Mini ni wa Axikenazi.+

Mu vekeleni sonchwa leli nga ta lwa na yena.

Mu vitaneleni makavhalu ya manyingi ku fana ni swintetani.

30 Tinhenha ta le Babilona ti tshike ku lwa.

Ti tshama ka tindhawu ta tona leti nga hlayiseka.

A ta ha li na matimba.+

Ti fana ni vavasati.+

Tiyindlo ta Babilona ti hisiwe hi ndzilu.

Ni leswi va khiyelaka hi swona swi tshoveleliwile.+

33 Hikusa Yehovha murhangeli wa tintsumi, Xikwembu xa Israyele a li:

“Babilona* a fana ni ndhawu ya ku hulela ka yona.

I nkama wa ku mu kandzihela.

Ku sale katsongo swaku a fikeliwa hi nkama wa ku tshovela.”

A ni veke hansi ku fana ni xibya lexi kalaka xi nga na nchumu.

A ni txukumetile.*

35 ‘Ni navela swaku swilondza leswi nga ka muzimbha wa mina swi va henhla ka Babilona,’ ku vula lweyi a tshamaka Siyoni.+

‘Naswona ngati ya mina a yi ve henhla ka lava tshamaka Kalidiya,’ ku vula Yerusalema.”

36 Se Yehovha a li:

Ni ta womisa lwandle la yena ni swihlovo swa yena.+

38 Hinkwavu va ta bonga ku fana ni swinghonyamani.

Va ta bonga ku fana ni swinghonyamani.”

Vona ndlela leyi Babilona a nga va nchumu xa ku chavisa hi yona xikarhi ka matiko!

42 Lwandle li te henhla ka Babilona.

A mbhonyiwe hi magandlati ya lona ya manyingi.

43 Madoropa ya yena ma ve nchumu xa ku chavisa, tiko leli kalaka li nga na mati ni mananga.

Tiko leli kalaka li nga na munhu lweyi a nga ta tshama ka lona naswona a ku na munhu lweyi a nga ta tsemakanya ka lona.+

45 Humani ka yena n’wina vanhu va mina!+

Tiponiseni+ ka ku kwata kakukulu ka Yehovha!+

46 Mi nga tsemeki nhlana kumbe ku chavisiwa hi mahungu lawa ma nga ta twiwa tikweni.

50 N’wina lava nga baleka xipada, yanani phambheni, mi nga nyimi!+

51 “Hi danisiwile, hikusa hi rhuketeliwile.

Guwa la rito la vona li ta twiwa.

A ta hakelisa hikakunene.+

58 Yehovha murhangeli wa tintsumi a li:

59 Leswi hi leswi muprofeta Yeremiya a nga swi byela Seraya n’wana wa Neriya+ n’wana wa Mahazeya nkama a nga famba na Zedekiya hosi ya le Yuda aBabilona hi lembe la wu 4 la ku fuma ka yena; Seraya a a li muvoneleli wa yindlo. 60 Yeremiya a ma tsale ka buku yin’we marito ya khombo hinkwalu leli a li ta wela Babilona, marito lawa hinkwawu ma tsaliwile ku lwisana na Babilona. 61 Yeremiya a tlhela a byela Seraya, a ku: “Nkama u nga ta fika aBabilona, u fanele u ma lerhela henhla marito lawa hinkwawu. 62 Se u gama u ku: ‘Yehovha Xikwembu xa mina, a vule leswaku ndhawu leyi yi ta helisiwa ku nga ha tshami munhu, kumbe xifuyu naswona yi ta tshama na yi hohlokelile.’*+ 63 Loko u heta ku lerha buku leli, li boheleli ribye u gama u li hoxa xikarhi ka nambu wa Ewufrata. 64 Se u ku: ‘Leyi i ndlela leyi Babilona a nga ta mbombomela hi yona, a nga ha pfuki+ hi mhaka ya khombo leli ni mu tiselaka lona; kutani va ta karhala.’”+

Marito ya Yeremiya ma hela kola.

52 Zedekiya+ a a ni 21 wa malembe nkama a nga va hosi funtshi a fume 11 wa malembe aYerusalema. Vito la mamani wa yena a ku li Amutala+ n’wana wa Yeremiya wa le Libina. 2 A tame a yendlela Yehovha swa ku biha, hi ku yendla hinkwaswu leswi Yoyakimi a nga swi yendla.+ 3 Leswi swi yendleke aYerusalema ni le Yuda hi mhaka ya leswi Yehovha a a kwatile hintamu, a za a va susa phambheni ka yena.+ Se Zedekiya a djikela hosi ya Babilona.+ 4 Hi lembe la wu 9 la ku fuma ka Zedekiya, hi siku la wu 10 ka wheti ya wu 10, Nebukadinazara hosi ya Babilona a te ni masonchwa ya yena hinkwawu swaku a ta lwa na Yerusalema. Va fike va gwimba matende va gama va sungula ku yaka muru va pfala matlhelo hinkwawu ya doropa.+ 5 A pfale matlhelo hinkwawu ya doropa anze hi lembe la wu 11 la ku fuma ka Hosi Zedekiya.

6 Hi siku la wu 9 ka wheti ya wu 4,+ ku ve ni ndlala yayikulu hintamu ka doropa va za vanhu va sala na va nga ha na swakudla atikweni.+ 7 Hi wugamu ku boxiwa muru wa doropa, kutani masonchwa hinkwawu ma baleka doropeni niwusiku ma huma hi nyanghwa lowu nga xikarhi ka mimuru yimbirhi akusuhi ni jardim la hosi; leswo swi yendleke hi nkama lowu Vakalidiya a va pfale matlhelo hinkwawu ya doropa; se masonchwa ma famba hi ndlela leyi yi yaka aAraba.+ 8 Kambe masonchwa ya Vakalidiya ma hlongolisa Zedekiya,+ ma fika ma mu kuma amananga ya Yeriko, masonchwa ya yena hinkwawu ma gama ma baleka ma mu siya. 9 Kutani ma khoma hosi ma yi yisa ka hosi ya Babilona aRibala atikweni la Amati, kutani yi fika yi yavanyisiwa. 10 Se hosi ya Babilona yi dlaya vana va Zedekiya na a swi vona, yi dlaya ni varhangeli hinkwavu va Yuda aRibala. 11 Yi tlhela yi mu dlaya matihlo Zedekiya,+ yi gama yi mu boha hi machini ya kobre, yi mu yisa Babilona yi fika yi mu peta djele anze a fa.

12 Hi siku la wu 10 ka wheti ya wu 5, ku nga lembe la wu 19 la ku fuma ka Nebukadinazara hosi ya Babilona, Nebuzaradani murhangeli wa vagwardu, lweyi a a tirhela hosi ya Babilona a ye Yerusalema.+ 13 A fike a hisa yindlo ya Yehovha,+ ni yindlo ya wuhosi ku patsa ni tiyindlo hinkwatu leti a ti li Yerusalema; a tlhela a hisa ni tiyindlo hinkwatu tatikulu. 14 Masonchwa hinkwawu ya Vakalidiya lawa a ma li ni murhangeli wa vagwardu ma dilize mimuru leyi a yi pfale matlhelo hinkwawu ya Yerusalema.+

15 Nebuzaradani lweyi a a li murhangeli wa vagwardu a teke swisiwana swin’wani ni vanhu hinkwavu lava a va salile ka doropa a va yisa awukaraweni. A tlhela a teka vanhu hinkwavu lava va nga tinyikela ka hosi ya Babilona ni vanhu hinkwavu lava kotaka ku yendla ntirho wa mavoko.+ 16 Kambe a siye swisiwana atikweni swaku swi sala swi rima masimu ya mawuvha swi tlhela swi va swikarawa.+

17 Vakalidiya va fayetele mapilari ya kobre+ ya yindlo ya Yehovha, swikarinyani swa kobre+ ni tanki la kobre+ leswi a swi li ka yindlo ya Yehovha, va gama va teka kobre la kona hinkwalu va famba na lona aBabilona.+ 18 Va tlhele va teka swa ku wolela nkuma, mafoxolo, swa ku tima hi swona ndzilu, matijela,+ tikopo+ ni swibya hinkwaswu swa kobre leswi a swi tirhisiwa atempeleni. 19 Murhangeli wa vagwardu a teke mabaziya,+ swa ku chela ka swona ndzilu, matijela, swa ku wolela nkuma, swa ku tlhoma swa ku voninga hi swona,+ tikopo ni matijela lawa ma nga yendliwa hi woru la lisima ni prata la lisima.+ 20 A kobre leli ku nga yendliwa hi lona mapilari mambirhi, tanki la mati, 12 wa swifaniso swa tihomu+ leswi tanki a li vekiwe henhla ka swona, ni swikarinyani leswi Hosi Solomoni a nga swi yendla swaku swi tirhisiwa ka yindlo ya Yehovha, a li li linyingi hintamu funtshi a swi nga koteki ku li peza.

21 Pilari lin’wani ni lin’wani a li lehe 8 wa mametru,* li yanama 5 wa mametru;*+ a ma kule kolomuyani ka 7 wa masentimetru* naswona a ma nga na nchumu phakati. 22 Swa ku sasekisa hi swona leswi a swi li henhla ka pilari na swona a swi yendliwe hi kobre funtshi a swi lehe 2,2 wa mametru;*+ a maredi ni swifaniso swa ma romã leswi a swi li ka swa ku sasekisa hi swona leswi a swi li henhla ka mapilari na swona a swi yendliwe hi kobre. Pilari la wumbirhi leli a li fana ni la ku sungula na lona a li ni swifaniso swa ma romã. 23 A ku ni 96 wa swifaniso swa ma romã amatlhelweni; swifaniso hinkwaswu swa ma romã a swi li 100 naswona a swi li matlhelweni ka redi.+

24 Murhangeli wa vagwardu a tlhele a teka Seraya+ lweyi a a li muprista wamukulu, na Sofaniya+ lweyi a a li muprista wa wumbirhi ku patsa ni vagwardu vanharhu lava a va vonelela tinyanghwa.+ 25 A teke munhu mun’we lweyi a a tirha ka yindlo ya wuhosi lweyi a a rhangela masonchwa, 7 wa vavanuna lava a va li vanghanu va hosi lava nga kumiwa ka doropa, a tlhela a teka ni sekretariyu* wa murhangeli wa masonchwa lweyi a a hlengeleta vanhu swaku va ya wusonchweni ni 60 wa vavanuna lava nga kumiwa adoropeni. 26 Nebuzaradani lweyi a a li murhangeli wa vagwardu a va tekile a famba na vona ka hosi ya Babilona aRibala. 27 Hosi ya Babilona yi fike yi va dlaya aRibala+ ka tiko la Amati. Se Vayuda va tekisiwe swoleswo va ya awukaraweni.+

28 Lava i vanhu lava Nebukadinazara* a nga va yisa awukaraweni: Hi lembe la wu 7 la ku fuma ka yena, a teke 3.023 wa Vayuda.+

29 Hi lembe la wu 18 la ku fuma ka Nebukadinazara,*+ ku tekiwe 832 wa vanhu aYerusalema.

30 Hi lembe la wu 23 la ku fuma ka Nebukadinazara,* Nebuzaradani murhangeli wa vagwardu a teke 745 wa Vayuda a va yisa awukaraweni.+

Vanhu hinkwavu lava nga yisiwa awukaraweni a va li 4.600.

31 Hi siku la wu 25 ka wheti ya wu 12 ka lembe la wu 37 na Yoyakini+ hosi ya Yuda a li wukaraweni, Evhil-Merodaki a vekiwile swaku a va hosi ya le Babilona, hi lembe lolelo a humese Yoyakini hosi ya Yuda adjele.+ 32 A ve ni timpsalu ka yena se a mu tlakusa henhla ka tihosi letin’wani leti a ti li na yena aBabilona. 33 Se Yoyakini a nyikiwa mpahla ya nyuwani swaku a txintxa leyi a a yi yambala adjele funtshi a a hamba a dla ka meza wa hosi anze a fa. 34 A a nyikiwa swakudla leswi taka hi ka hosi ya le Babilona siku ni siku, wutomi la yena hinkwalu anze a fa.