Bibele li tshembisa swaku ku ta yendleka yini ka nkama lowu taka?

“Lava ku lulama va ta tshama misaveni, va ta hanya ka yona hi masiku ni masiku.”

Tipisalema 37:29

“Misava yi tshama hi masiku ni masiku.”

Ekleziyaxta 1:4

“A ta minta lifu li nga ha vi kona, Yehovha Hosi Leyikulu a ta limpa mihloti ka matihlo hinkwawu.”

Esaya 25:8

“Ka nkama wolowo, lava va nga fa matihlo va ta vona, ni lava nga fa tindleve va ta yingisa. Ka nkama wolowo, lweyi a nga limala a ta tlula ku fana ni mhunti, ni mbeveve yi ta huwelela hi ku tsaka. Hikusa ku ta pfela mati amananga, ni minambu ka tindhawu leti nga mananga.”

Esaya 35:5, 6

“Xi ta limpa mihloti hinkwayu ka matihlo ya vona, lifu a li nga ha ta va kona, hambi nkosi, ku rila ni ku twa ku vava a swi nge he vi kona. Swilo swa ku sungula swi hundzile.”

Nhlawutelo 21:4

“Va ta yaka tiyindlo va tshama ka tona, va ta rima masimu ya mawuvha va dla mihandzu ya wona. A va nga ha ta yaka ku gama ku tshama mun’wani, a va nga ha ta rima ku gama ku dla mun’wani. Hikusa masiku ya vanhu va mina ma ta va manyingi ku fana ni masiku ya nsinya, vanhu va mina lava ni nga va langa va ta tikhorisa swinene hi mintirho ya mavoko ya vona.”

Esaya 65:21, 22