Hi Fanele Hi Yendla Yini Leswaku Hi Tsakisa Xikwembu?

Fambela kule ni swilo swa ku biha. 1 Vakorinto 6:9, 10

Loko hi rhandza Yehovha, a hi nga ta yendla swilo leswi a swi nyenyaka.

Yehovha a nga lavi leswaku hi yiva, hi dakwa, hi dzaha mbangi kumbe fole.

Xikwembu xa swi nyenya ku dlaya, ku xixa nyimba kumbe kuva wanuna a famba masangu ni wanuna mun’wani. A xi swi lavi leswaku hi va ni makwanga ku nga kuva hi kokela leswaku swilo hinkwaswu swi va swa hina naswona a xi swi lavi leswaku hi lwa ni vanhu van’wani.

A hi fanelanga hi gandzela swifaniso kumbe hi yendla wungoma.

Ka Paradesi leyi yi nga ta va kona lani misaveni, a ku nga ha ta va ni ndhawu ya vanhu va ku yendla swilo swa ku biha.

Yendla leswi nga swinene. Matewu 7:12

Loko hi lava ku tsakisa Xikwembu, hi fanele hi lwela ku xi tekelela.

Kombisa lirhandzu ka vanhu van’wani hi ku va munhu wamunene ni ku tlhela u rhandza ku nyika van’wani.

Tshembeka.

Vana ni timpsalu u tlhela u rivalelana.

Byela van’wani hi ta Yehovha ni minawu ya yena. — Esaya 43:10.