“Leswi Xikwembu xi swi Hlanganiseke . . .”

Nawu wa Moxe awu vula leswaku loko wanuna a lava kutshika nsati wa yena a afanele alunghiselela xitiyisekiso xa le nawini. Leswo aswi tirhela kusivela leswaku vanhu va hantlisela kudlaya wukati. Hambiswili tanu, masikwini ya Yesu, varhangeli va wukhongeli avayendla leswaku swi nabyala kukuma mpfumelelo wodlaya wukati. Vavanuna avahlongola vasati va vona hikolaho ka xivangelo xin’wana ni xin’wana. Yesu ava tsundzuxe mhaka ya leswaku wukati li pfumeleliwe ni kusimekiwa hi Yehovha. (Marka 10:2-12) Nuna na nsati ava tava “nyama yin’we” ka xiboho xa hi laha kunga helike. Xisekelo xin’we ntsena xa matsalwa xodlaya wukati hi kuya hi rungula leli fambisanaka ni leli, linga ka buku la Matewu, i “vumbhisa” — kunga kutikhoma hi ndlela yobiha hi tlhelo la masangu. — Mt 19:9.

Namuntlha wa siku, ndlela leyi vanhu votala va li vonaka ha yona wukati yi hambanile ni ndlela leyi Yesu aali vona ha yona. Mavonelo ya votala hi wukati ma fana ni ya vafarisi. Loko swilo swinga va fambeli kahle va tsutsumela kudlaya wukati. Kambe vatekani lavanga vakreste, vahlonipha swihlambanyu swa vona swa wukati naswona valwa hi matimba leswaku va hlula swirhalanganya leswi vangaha vaka na swona hi kutirhisa matshinya ya minawu ya Bibele. Hlalela a vhidiyu lelinge Lirhandzu ni Xihlonipho Switisa Wun’we Amindjangwini, ugama uhlamula swivutisu leswi landzelaka:

• 

  Unga yi tirhisa njhani ndzayu leyinga ka Swivuriso 15:1 awukatini la wena, naswona hayini swili swa lisima kuyendla tanu?

• Unga swi papalatisa kuyini swikarhatu hi kutirhisa Swivuriso 19:11?

• Loko kuli leswaku wukati la wena la tsekatseka, matshan’wini yaku u pimisisa xi leswi, ‘Na ha dlaya wukati!’ hi swihi swivutisu leswi ufaneleke u tivutisa swona?

• Ungava wanuna kumbe wansati woyampsa hi ndlela yini hi kutirhisa Matewu 7:12?