Mahanyelo Lamanene ni Xihloniphu Xoyenta Swinga Pfuna Munhu Kudjondza Ntiyiso

Mahanyelo lamanene ya wansati lweyi anga Mukreste manga pfuna nuna wa yena kudjondza ntiyiso. Hambileswo, swingaha lava leswaku a tiyiselela swikarhatu malembe yotala. (1Pe 2:21-23; 3:1, 2) Loko unga khomiwi kahle, tama u hlula swobiha hi swa swinene. (Rhm 12:21) Hambiloko nuna wa wena angaswi yingisi leswi umu byelaka swona hi Yehovha, kambe loko a vona xikombiso xa wena lexinene, swingahamu khumba mbilu ivi a tsakela ntiyiso.

Zama kuvona swilo hikuya hilaha lweyi unga chada na yena aswi vonaka ha kona. (Flp 2:3, 4) Kombisa ntwelawusiwana naswona u hetisisa wutihlamuleli leli unga na lona tani hi wansati lweyi anga Mukreste, u tlhela u djondza kumu yingisela kahle. (Yk 1:19) Lehisa mbilu u tlhela umu komba leswaku wamu rhandza hi mbilu ya wena hinkwayu. Hambiloko lweyi unga chada na yena anga pfuki aku kombe lirhandzu ni xihloniphu, tiyiseka leswaku uta tsaka hi kutiva swaku Yehovha a kuteka kuli ka lisima kutshembeka ka wena. — 1Pe 2:19, 20.

HLALELA VHIDIYO LELINGE: YEHOVHA AHI NYIKA NTAMU WA KUTIYISELA SWIYIMU HINKWASWU, U GAMA U HLAMULA SWIVUTISU LESWI LANDZELAKA:

• Ali tshamise kuyini wutomi la makwerhu Grace Li loko wa kuchada?

• I yini lexinga yendla makwerhu Grace Li a djondza ntiyiso?

• Makwerhu Grace Li aswi kotise kuyini kutiyiselela swikarhatu loko se a tsakamisiwile?

• I yini leswi makwerhu Grace Li angaswi vula mayelana ni nuna wa yena ka xikhongelo?

• Hi yihi minkateku leyi makwerhu Grace Li ayi kumeke hileswi anga ni mahanyelo lamanene ni xihloniphu xoyenta?