Yampsisa Ndlela Leyi U Chumayelaka Hi Yona — Ku Chumayela Ka Miminti Leyi Nga Ni Makamera Kumbe Intercom

HI MHAKA MUNI SWI LI SWA LISIMA: Namuntlha, vanhu va vanyingi va chava ku pfulela xipfalu munhu wa ku kala va nga mu tivi hileswi ku nga tala wugevenga. Hi mhaka leyo, loko va tendera vanhu va ku kala va nga va tivi, va vulavula na vona na va nga pfulanga xipfalu. Funtshi lava nga ni matekinolojiya vo vhela va veka hi makamera leswaku lweyi a vulavulaka na vona a nga va voni kambe vona va mu vona. Swi nga yentxeka hi chava loko hi chumayela vanhu va ku tshamisa xileswo. Se i mpsini swi nga hi pfunaka swaku hi nga chavi?

LESWI U NGA SWI YENTXAKA:

• U nga pimisi swaku lava va vulavulaka na hina na va nga hi pfulelanga xipfalu kumbe lava nga ni makamera makaya ka vona a va swi lavi ku bula na hina. Vanyingi va vona va swi lava

• Loko u chumayela ka munti lowu nga ni kamera khumbuka swaku swi nga yentxeka na u nge se deketa xibutawana, n’winyi wa munti se a ku vonile funtshi wa swi twa leswi u swi vulaka

• Loko n’winyi wa munti a vulavula na wena na a nga ku pfulelanga xipfalu kumbe a ku hlamula hi ku tirhisa muchini lowu nga ka kamera, vulavula na yena i nga ku mho vonana. U hlekanyana u tlhela u tirhisa majextu. Vulavulisa leswi a wu ta vulavulisa xiswona loko a a yo ku pfulela xipfalu. Loko u vulavula ka kamera u nga tshuneli hintamu a kusuhi na lona. Loko va nga ku tenderi, u nga vulavuli kumbe ku siya nchumu, vhela u suka u famba

• Loko mi heta ku bula mi nga tekeli ku vula timhaka tin’wana a nkama mi humaka ka munti lowo, hikusa swi nga yentxeka n’winyi wa munti a ha mi vona kumbe a mi twa