Makongresu Ya Lembe Ni Lembe Ma Hi Yentxa Swaku Hi Swi Kombisa Swaku Ha Rhandzana

Hi mhaka muni swi hi tsakisa ku ya ka makongresu lembe ni lembe? Ku fana ni nkama wa Vayisrayele, namuntlha makongresu ma hi nyika nkama wa ku tirhela Yehovha na hi ni vamakwerhu vavanyingi hintamu. Ha swi rhandza leswi hi swi djondzaka ka makongresu hikusa swi hi pfuna ku tiyisa wunghanu la hina na Yehovha, naswona swa hi tsakisa ku kumana ni vamakwerhu ni maxaka ya hina. Hi mhaka leyo, a hi fanelanga hi lovha hambi hi siku lin’we ka kongresu.

Loko hi tlhanganile ni vamakwerhu, a hi fanelanga hi pimisa ntsena hi leswi hi nga ta swi kuma kambe hi fanele hi komba van’wana swaku ha va rhandza. (Ga 6:10; Heb 10:24, 25) Phela loko hi siyela switshamu vamakwerhu na hi li kongresu, hi va komba swaku ha va rhandza hintamu. (Flp 2:3, 4) Makongresu ma tlhela ma hi pfuna swaku hi kuma vanghanu va nyuwani. Loko ntlhanganu wa kongresu wu nge se na sungula kumbe hi nkama wa intervhalu hi nga zama ku bula ni vamakwerhu lava hi kalaka hi nga va tivi. (2Ko 6:13) Phela ka swiyimu leswi hi nga ha sungula a wunghanu la likulu swinene, naswona loko van’wana va hi vona na hi kombana lirhandzu lolelo la ntiyiso, na vona va ta lava ku tirhela Yehovha. — Yh 13:35.

SIXTIRA A VHIDIYO LELI NGE: MAKONGRESU YA MISAVA HINKWAYU ‘LIRHANDZU ALI HELI!’ U GAMA U HLAMULA SWIVUTISO LESWI:

• 

  Vamakwerhu va swi kombise ku yini swaku va va rhandza vadelegadu ka makongresu ya misava hinkwayu ya 2019?

• 

  Hi mhaka muni lirhandzu ni ku twanana ka vanhu va Yehovha swi hlamalisa?

• 

  I mpsini leswi vamakwerhu va Ntlawa lowu Rhangelaka va nga swi vula hi lirhandzu leli nga kona xikarhi ka vamakwerhu?

• 

  Lirhandzu li swi kotise ku yini ku yentxa swaku vamakwerhu va Alemanha ni va Coreia do Sul va twanana?

• Hi fanele hi tinyimesela ku yentxa yini?