MAHANYELO YA HINA VAKRESTE

Swilo Swinharhu Leswi Nga Hi Pfunaka Ku Tshemba Yehovha

Davhida a hlule Goliyadi hileswi a a tshemba Yehovha. (1Sa 17:45) Yehovha a tinyimisele ku pfuna vanhu va yena. (2Tk 16:9) Hi nga swi kombisisa ku yini swaku a hi titshembi kambe hi tshemba Yehovha? Hi leswi swilo swinharhu leswi nga hi pfunaka ku tshemba Yehovha:

Khongela minkama hinkwayu. U nga khongeli ka Yehovha loko u yentxe swihoxo ntsena, kambe tlhela u khongela leswaku Yehovha a ku pfuna loko u ringiwa. (Mt 6:12, 13) U nga khongeli ka Yehovha leswaku a katekisa swiboho leswi se u nga swi yentxa ntsena, kambe khongela u mu kombela swaku a ku kongomisa, a tlhela a ku nyika wutlharhi na u nge se yentxa xiboho. — Yk 1:5
Tinyiki nkama wa ku lerha ni ku djondza Bibele. Lerha Bibele siku ni siku. (Ps 1:2) Tinyiki nkama wa ku djondza ni wa ku pimisa hi vanhu lava ku vulavuliwaka hi vona ka Bibele, u tlhela u tirhisa leswi u swi djondzaka. (Yk 1:23-25) Na u nge se ya ku chumayeleni, tinyiki nkama wa ku lunghiselela u tlhela u lunghiselela mintlhanganu hinkwayu swaku u ta pfuneka ka yona
Yingisa nkongomiso wa nhlengeletanu ya Yehovha. Tikarhateli ku tiva minkongomiso ya swoswinyana ya nhlengeletanu u tlhela u yi tirhisa hi xihantla. (Tin 9:17) Pfumela ku layiwa ni ku kongomisiwa hi madoda. — Heb 13:17

Maphoyisa ma khoma makwerhu na a voniwa hi vamakwerhu van’wana ni vajornalixta.

SIXTIRA VHIDIYO LELI NGE U NGA CHAVI KU HLUPHIWA, U GAMA U HLAMULA SWIVUTISO LESWI:

• Vamakwerhu lava nga kombisiwa ka vhidiyo a va chava yini?

• I yini leswi nga pfuna vamakwerhu lava, swaku va hlula ku chava?