MAHANYELO YA HINA VAKRESTE
Yehovha A Ponisa Lava Nga Tshoveka Timbilu
Hinkwerhu minkama yin’wani ha xukuvala. Kambe loko leswo swi yendleka a swi vuli leswaku a hi na lipfumelo ka Yehovha. Phela hambi hi Yehovha minkama yin’wani wa xukuvala. (Gn 6:5, 6) Kambe hi ta ku yini loko minkama ya yinyingi kumbe minkama yin’wani hi tshama na hi xukuvalile?
Kombela Yehovha swaku a ku pfuna. Yehovha a ni mhaka ni leswi hi titwisaka xiswona. Wa swi vona loko hi tsakile ni loko hi vavisekile. Wa swi twisisa leswi hi titwisaka xiswona ni swaku hi mhaka muni hi titwisa xileswo. (Ps 7:9b) Xa lisima hintamu Yehovha a ni mhaka na hina funtshi wa hi pfuna loko hi vavisekile kumbe loko hi ni mavabyi ya depressão. — Ps 34:18.
Vhikela mimpimiso ya wena. Loko u hela ntamu, swi nga ha yendla swaku u nga tsaki swi tlhela swi khumba wunghanu la wena na Yehovha. Hi mhaka leyo, hi fanele hi vhikela mbilu ya hina, ku nga leswi hi nga tshamisa xiswona hi le ndzeni. — Swi 4:23.
SIXTIRANI VHIDIYO LELI NGE: VAMAKWERHU VA SWI KOTISA KU YINI KU HANYA HI KU RHULA HAMBI VA NI DEPRESSÃO, MI GAMA MI HLAMULA SWIVUTISO LESWI:
I mpsini leswi nga pfuna Nikki swaku a nga dibiwi hi mavabyi ya yena ya depressão?
I mpsini leswi nga pfuna Nikki ku vona swaku a swi lava a ya xibelhela? — Mt 9:12
Nikki a swi kombise ku yini swaku a a mu tshemba Yehovha?