22 KU YA KA 28 KA JANEIRO

YOBO 38-39

Lisimu 11 Ni Xikhongelo | Marito Ya Ku Pfula (1 min.)

XUMA XI NGA KA RITO LA XIKWEMBU

1. Indjhe Wa Tinyika Nkama Wa Ku Pimisa Hi Swilo Leswi Yehovha A Nga Swi Hamba?

(10 min.)

A nkama a nga gama ku yendla misava, Yehovha a tinyike nkama wa ku pimisa hi minchumu leyi a nga yi yendla (Gn 1:10, 12; Yb 38:5, 6; Murindzi 08/21 paj. 9 par. 7)

Hambi hi tintsumi ti tinyika nkama wa ku txuvukisela swilo leswi Yehovha a nga swi yendla (Yb 38:7; Murindzi 08/20 paj. 14 par. 2)

Kutani na hina loko hi tinyika nkama wa ku txuvukisela leswi Yehovha a nga swi yendla hi tlhela hi pimisa hi swona, hi ta ya hi mu tshemba hintamu Yehovha (Yb 38:32-35; Murindzi 03/23 paj. 17 par. 8)

Mamani ni n’wana na va txuvuka phapharati ka kintari wa kaya ka vona.

2. Lavetela Xuma Ka Rito La Xikwembu

(10 min.)

Yb 38:8-10 — Tindzimana leti ti hi djondzisa yini hi ku va Yehovha a li Munyiki wa Nawu? (Perspicaz vol. 2 paj. 199)

Nhlamulu
I mpsini leswi u nga swi djondza nkama na u lerha Bibele vhiki leli?

Nhlamulu

3. Ku Lerha Bibele

(4 min.) Yb 39:1-22 (Tinyiketeli, djondzo 5)

HISEKELA NTIRHO WA KU CHUMAYELA

4. Sungula Mabulu

(2 min.) KU CHUMAYELA SWA KOLA NA KOLA. Loko u vona swaku munhu yelweyo a nga swi lavi ku bula na wena, zama ku tsema bulu hi ndlela ya kahle. (Rhandza Vanhu, djondzo 2 pontu 3)

5. Ku Yendla Swaku Munhu A Tama A Tsakela

(5 min.) HI MUNTI NI MUNTI. Ka mabulu lawa mi nga tshama mi va na wona, n’winyi wa munti a tshame a ku byela swaku a feliwe hi munhu lweyi a mu rhandzaka. (Rhandza Vanhu, djondzo 9 pontu 3)

6. Dixkursu

(5 min.) Rhandza Vanhu, xiyengetelo A, pontu 1 — Nhlokomhaka: Swilo Leswi Yendlekaka Swoswi Ni Mahanyelo Ya Vanhu Swi Kombisa Swaku Ku Nga Li Khale Minchumu Yi Ta Txintxa. (Tinyiketeli, djondzo 16)

MAHANYELO YA HINA VAKRESTE

Lisimu 111

7. Ku Txuvukisisa Leswi Yehovha A Nga Swi Yendla Swi Nga Hi Pfuna Ku Kala Hi Nga Pimisi Hintamu Hi Hina Vinyi

(15 min.) Ku bulisana.

Yobo na a pimisa hi swiharhi leswi Yehovha a nga swi yendla, swa ku fana ni: Kavhalu, homu, gama, ngwenya, mpfuvu, yintxa ni ntavila. Ku ba moya wawukulu swinene na Elihu ni vanghanu vanharhu va Yobo va tshame kusuhi na yena.

Nkama Yobo a nga dumeliwa hi Sathana ni vanghanu va yena vanharhu, a pimise ntsena hi swikarhatu leswi a a kumana na swona ni leswi vanhu a va swi vulavula.

Lerha Yobo 37:14, u gama u vutisa xivutiso lexi:

I mpsini leswi Yobo a nga swi yendla leswaku a tlhela a pimisa hi ndlela leyi a yi tsakisa Yehovha?

Nhlamulu

Ku txuvukisisa leswi Yehovha Xikwembu a nga swi yendla, swi nga hi pfuna loko hi hlupheka hi mhaka ya swikarhatu leswi hi kumanaka na swona. Swi nga hi pfuna ku khumbuka matimba lawa Yehovha Xikwembu a nga na wona, swi nga hi pfuna ku tama hi tirhela Yehovha hi ku tshembeka ni ku tlhela swi hi tiyisekisa swaku Yehovha a ta tama a hi hlayisa. — Mt 6:26.

Sixtirani VHIDIYO leli nge: I Mpsini Leswi Buku La Yobo Li Hi Djondzisaka Swona — Swiharhi, mi gama mi bula hi xivutiso lexi landzelaka:

Vhidiyo leli li ku pfunisa ku yini ku tama u tshemba Yehovha?