1. I Xikwembu Xihi Yendlaka Hi Hlupheka?
Xivutiso lexi I xa Lisima hi Mhaka Muni?
Vanhu vavanyingi ava na mhaka ni Xikwembu hikusa va li hi xona xiva yendlaka swaku va hlupheka.
Pimisa hi Leswi
Vafundhisi vavanyingi va djondzisa swaku Xikwembu hi xona xihi yendlaka hi hlupheka. Hi xikombiso vafundhisi van’wana va vula leswi:
Loko hi taleliwa hi tindhambi, i Xikwembu xihi khatisaka.
Loko n’wana a fa, i Xikwembu xingamu teka leswaku xiya tshama na yena tilweni.
Loko vanhu va lwa nyimpi, Xikwembu xi nyima ni tlhelo lin’we.
Swinga yendleka swaku vafundhisi vo djondzisa mavunhwa hi Xikwembu? Se loko va djondzisa mavunhwa, hingava tshemba?
DJONDZA SWIN’WANA
Sixtira vhidiyo lelinge: Hayini Ufanele Udjondza Bibele? ka jw.org.
Bibele Li Li
Ahi Xikwembu xihi yendlaka hi hlupheka.
Loko aku li Xikwembu xihi yendlaka hi hlupheka, leswo aswingata yelana ni wumunhu la xona leli kuvulavuliwaka hi lona ka Bibele. Hi xikombiso:
‘Tindlela ta [Xikwembu] hinkwatu ti lulamile . . . Xi lulamile naswona axi na xisolo.’ — DETERONOMA 32:4.
“Xikwembu xa ntiyiso axinge tshuki xi yendla swa kubiha, lweyi wa matimba hinkwawu ange yendli xihoxo!” — YOBO 34:10.
“Lweyi wa matimba hinkwawu angali soholoti wululami.” — YOBO 34:12.
Xikwembu xali nyenya wukhongeli leli djondzisaka mavunhwa.
Kupatsa ni wukhongeli leli djondzisaka swaku i Xikwembu xihi yendlaka hi hlupheka ni leli hlohlotelaka tinyimpi.
“Vaprofeta va vulavula mavunhwa hi vito la mina [Xikwembu]. Ahi mina ningava rhumela ka n’wina, aniva rhumanga nchumu hambi kuvulavula na vona ani vulavulanga na vona. Vomi profetela swivono swa mavunhwa . . . va tlhela vami byela mavunhwa ya timbilu ta vona.” — YEREMIYA 14:14.
Yesu a sole lava tiyendlaka ingi i vakhongeli.
‘Ahi hinkwavu lavango ka mina: “Hosi, Hosi” vangatanghena Mfun’wini wa matilo, kambe kutanghena lava yendlaka kurhandza ka Tatana wa mina lweyi anga matilweni. Hi siku lelo lavotala vataku ka mina: “Hosi, Hosi, xana ahiprofetanga hi vito la wena ke? Xana ahihlongolanga madimoni hi vito la wena ke? Xana ahiyendlanga mahlori lawa yotala hi vito la wena ke?” Nkarhini wolowo nitavabyela livaleni, ni ku: Animitivanga, ni siku ni lin’we; sukani ka mina, n’wina lavayendlaka leswobiha!’ — MATEWU 7:21-23.