XIPHEMU 4

Ku Yendleke Yini Hileswi Adamu Na Evha Va Nga Yingisa Sathana?

Adamu na Evha va file hileswi va kalaka va nga yingisanga Xikwembu. Genesa 3:6, 23

Evha a dle handzu lowu nga tsimbisiwa a gama a wu nyika nuna wa yena

Evha a yingise nyoka se a dla handzu. A gama a wu teka a nyika nuna wa yena, se na yena Adamu a dla.

Adamu na Evha na va hlongoliwa aParadesi

Leswi va nga swi yendla a swi bihile, a ku li xidjoho. Xikwembu xi va hlongolile ka kaya la vona la Paradesi.

Wutomi a li ta va karhatela hintamu ku patsa ni vana va vona. Va gugile va tlhela va fa. A va yanga tilweni kumbe ka ndhawu leyi vanhu va vulaka leswaku ku hisiwa vanhu ka yona, kambe va tshike ku va kona.

Loko munhu a fa, a tlhelela ka wuthulu la misava. Genesa 3:19

Vanhu vamatiko ya ku hambanahambana hi minkama ya ku hambana

Hinkwerhu hi fa hileswi hi nga vatukulu va Adamu na Evha. Vanhu lava nga fa a va koti ku vona, ku twa hambi ku yendla nchumu. — Ekleziyaxta 9:5, 10.

Xintombhani xi fa naswona ndjangu wa xona na wu xi rila

Yehovha a a nga yendlanga vanhu leswaku va fa. Ku nga li khale, Yehovha a ta pfuxa vanhu lava nga fa leswaku va tlhela va hanya. Vanhu volavo loko va mu yingisa, va ta hanya hi masiku ni masiku.