XIPHEMU 8

Lifu La Yesu Li Nga Ku Pfunisa Ku Yini?

Yesu a hi felile leswaku hi ta kuma wutomi la ku kala li nga heli. Yohani 3:16

Vavasati na va txuvuka sirha leli Yesu a a lahliwe ka lona va kuma ka leswaku a ku na nchumu

Loko se ku hundze masiku manharhu na Yesu a file, ku ve ni vavasati va nga ya ka sirha leli a a lahliwe ka lona kambe loko va fika va kume leswaku a a nga ha li kona. Yehovha se a a mu pfuxile Yesu.

Yesu a humelela ka vapostolo va yena a gama a tlhelela atilweni

Yesu a game a humelela ka vadjondzisiwa va yena.

Ina, Yehovha a mu pfuxile Yesu na a li ntsumi ya matimba swinene leyi kalaka yi nga ha fi. Vadjondzisiwa va Yesu va mu vonile nkama lowu na a ya tilweni.

Xikwembu xi pfuxe Yesu naswona xi mu yendle Hosi ya Mfumu wa xona. Daniyele 7:13, 14

Yesu a fuma vanhu aParadesi na a li ka xitshamu xa yena wa wuhosi

Yesu a nyikele hi wutomi la yena leswaku a ponisa vanhu hinkwavu ka xidjoho ni lifu. (Matewu 20:28) Hi ndlela leyo, Xikwembu xi yendle leswaku swi koteka kuva hi hanya hi masiku ni masiku.

Yehovha a lange Yesu leswaku a va Hosi, a fuma misava hinkwayu. A ta fuma ni 144.000 wa vanhu va ku tshembeka lava va pfuxiwaka leswaku va ya hanya atilweni. Yesu ni lava 144.000 va vumba Mfumu wa ku lulama wa le matilweni ku nga Mfumu wa Xikwembu. — Nhlawutelo 14:1-3.

Mfumu wa Xikwembu wu ta yendla misava hinkwayu yi va paradesi. Wugevenga, ndlala, tinyimpi ni wusiwana a swi nga ha ta va kona. Vanhu hinkwavu va ta tikhorisa hi ntsaku wa hikakunene. — Tipisalema 145:16.