XIDJONDZO 5
Hi Wahi Makungu ya Xikwembu hi Misava?
1. Hayini Xikwembu ximahe misava?
Misava hinkwayu Yehovha ayinyike hina vanhu. I munti wa hina. Hikolaho, ndjangu wosungula Adamu na Eva, awunga maheliwanga kuyahanya tilweni — Xikwembu se axivumbe tintsumi leswaku tihanya tilweni. (1 Tihosi 22:19) Handle ka leswo, loko Xikwembu xivumba ndjangu wosungula, xiwuveke andhawini yosaseka leyivitaniwaka jaradi la Edeni. (Genesa 2:15-17) Yehovha aalava leswaku ndjangu lowu wutikhorisa hi wutomi lelingaheliki ni vana va wona laha misaveni. — Lerha Tipisalema 37:29; 115:16.
Akusunguleni, akova jaradi la Edeni leli alili paradeyisi kumbe ndhawu yosaseka. Ndjangu lowu awufanele wutata misava hinkwayu hi vana va wona. Hikolaho, loko vaya vapsalana naswona nhlayu ya vanhu yiya yitala, avafanele vakhatalela misava hinkwayu vayimaha ndhawu yosaseka. (Genesa 1:28) Misava ayingetshuki yihelisiwa. Yitatama yili kaya la hina. — Lerha Tipisalema 104:5.
Sixtira vhidiyu lelinge Hayini Xikwembu Xi Mahe Misava?
2. Hayini misava swoswi yingali paradeyisi?
Adamu na Eva avaxiyingisanga Xikwembu, hikolaho xivahlongolile ka ndhawu yoleyo yosaseka. Paradeyisi yilahleke hi ndlela yoleyo, naswona anga kona munhu lweyi angakota kuyivuyisela. Kusukela kolanu, misava hinkwayu yitale hi vanhu vobiha. — Lerha Genesa 3:23, 24.
Xana Yehovha amakhohlwile makungu yakwe hi vanhu? Nikatsongo! A ni matimba hinkwawu naswona angetsandzeki. (Esaya 45:18) Atatlhela ayendla leswaku vanhu vahanya misaveni leyinga paradeyisi hilaha aswifanele swiva hakona kusunguleni. — Lerha Tipisalema 37:11, 34.
3. Xana misava yitava Paradeyisi hi ndlela yihi?
Misava yitatlhela yiva paradeyisi loko Yesu atafuma misava tani hi Hosi ya Mfumu wa Xikwembu. Yesu ni tintsumi tin’wani ta Xikwembu vatahelisa vanhu hinkwavu lava kanetaka Xikwembu ka nyimpi leyivitaniwaka Armajedoni ni kutlhela apfalela Sathana kuringana 1.000 wa malembe. Kambe lava yingisaka Xikwembu avangata lovisiwa hikuva Yesu atavakongomisa ni kuvasirhelela. Hinkwavu ka vona vatatikhorisa hi wutomi lelingaheliki laha misaveni ka ndhawu yosaseka. — Lerha Nhlavutelo 20:1-3; 21:3, 4.
4. Xana kuhlupheka kutahela rini?
Xana Xikwembu xitahelisa rini kuhlupheka laha misaveni? Yesu anyikele swikombisu leswi aswitakomba leswaku nkama wule kusuhi. Misava nyamuntlha yi bihe ngopfu lerova Bibele yili hihanya ka ‘makumu ya mafambiselo lawa yobiha ya swilo.’ — Lerha Matewu 24:3, 7-14, 21, 22.
Yesu atahelisa kuhlupheka hinkwaku loko atava afuma misava hinkwayu ali tilweni kuringana 1.000 wa malembe. (Tipisalema 72:7) Handle ka leswo, atahelisa swidjoho swa hinkwavu lava rhandzaka Xikwembu. Nakambe hi kutirhisa Yesu, Xikwembu xitahelisa mavabyi, kuguga ni lifu. — Lerha Esaya 25:8; 33:24.
5. I vamani lavangata hanya ka Paradeyisi leyitaka?
A Salão do Reino utayativana ni vanhu lavarhandzaka Xikwembu naswona valavaka kudjondza ndlela yoyendla kurhandza ka xona
Hinkwavu lavayingisaka Xikwembu vatahanya ka Paradeyisi. (1 Yohane 2:17) Yesu abyele valandzeli vakwe leswaku valavisisa vanhu va timbilu letinene leswaku vavadjondzisa ndlela leyi vanga amukelekaka ha yona ka Xikwembu. Hi ntirhu wolowo, nyamuntlha Yehovha a karhi alunghiselela vanhu va timbilu letinene leswaku vatahanya laha misaveni ka Paradeyisi leyitaka. (Sofoniya 2:3) Ka Salão do Reino ya Timboni ta Yehovha, vanhu volavo vadjondza hi Xikwembu ni ndlela leyi vangavaka vavanuna, vavasati ni vana lavanene. Vavuyeliwa swinene hi mahungu yotsakisa lamanga Bibeleni. — Lerha Mikiya 4:1-4.