Yosiya A Ali Ni Vanghanu Lavanene

Xana uswi vona swi karhata kuyendla leswinene? — Vanhu votala va pimisa leswaku swa karhata. Bibele livula leswaku aswi karhata ngopfu ka xijahatana lexi vitu la xona akuli Yosiya ku yendla leswinene. Kambe axi ni vanghanu lavanene lavangaxi pfuna. Ahi djondze swin’wana hi Yosiya ni vanghanu va yena.

Papayi wa Yosiya a ali Amoni, hosi ya Yuda. Amoni a ali munhu lweyi a abihi mbilu naswona a agandzela swifanisu leswi vatliweke. Loko papayi wa Yosiya a file, Yosiya ave hosi ya le Yuda. Kambe yena awova ni 8 wa malembe ntsena! Xana Yosiya a abihi mbilu kufana ni papayi wa yena? — Nikatsongo! A angafani na yena.

Hambileswi a ali mumpsha ngopfu, Yosiya a alava ku yingisa Yehovha. Hi ndlela yoleyo, a hlawuli vanghanu lava rhandzaka Yehovha, naswona vanghanu volavo vamu pfune ku yendla leswinene. Akuli vamani vanghanu va Yosiya?

Sofaniya a ali mun’wana wa vanghanu va Yosiya. Sofaniya a ali muprofeta lweyi a tiviseke Vayuda leswaku akuta humelela swilo swobiha loko votshuka va gandzela swifanisu. Yosiya a yingisi leswi Sofaniya aswi vuleke kutani a gandzela Yehovha, kungali swifanisu.

Munghanu mun’wana wa Yosiya akuli Yeremiya. Ava ringananyana naswona ava tshama kusuhi na kusuhi loko vali karhi va kula. Phela avali vanghanu swinene hikwalahu loko Yosiya a file, Yeremiya a tsali lisimu la lisima ngopfu leli ali vulavula hi ndlela leyi a axuva Yosiya ha yona. Yeremiya na Yosiya va pfunane ku yendla leswinene ni kuyingisa Yehovha.

Xana unga djondza yini ka xikombisu xa Yosiya? — Hambileswi Yosiya ahali xijahatana, a alava kuyendla leswinene. A aswitiva leswaku a afanele ava munghanu wa vanhu lava rhandzaka Yehovha. Na wena hlawula vanghanu lava rhandzaka Yehovha, lavangataku pfuna kuyendla leswinene!