Yesu A Ayingisa Minkama Hinkwayu

Xana u pimisa leswaku swa vevuka kuyingisa vapsali va wena? — Minkama yin’wana, swa karhata. Xana i vamani lava Yesu a avayingisa? — A ayingisa Yehovha ni vapsali va yena va laha misaveni. Xikombisu xa Yesu xingaku pfuna kuyingisa vapsali va wena hambi swingaku vevukeli. Ahi djondze leswaku aswi yendlise kuyini.

Loko Yesu angaseta laha misaveni, a ali matilweni ni Papayi wa yena Yehovha. Kambe Yesu ave ni vapsali van’wana amisaveni. Mavitu ya vona akuli Yosefa na Mariya. Xana waswi tiva leswaku swi yendlekise kuyini leswaku vava vapsali va Yesu? —

Yehovha a yendle hlori hi kuteka wutomi la Yesu a tilweni ali nghenisa khwirini la Mariya leswaku swi koteka kuva Yesu a psaliwa laha misaveni. Yesu a kuleli akhwirini la Mariya hi ndlela leyi fanaka ni vana van’wana. Yesu a psaliwe ndzhaku ka 9 wa tiwheti. Hi ndlela leyi, Mariya ni nuna wa yena Yosefa vave vapsali va Yesu va laha misaveni.

Loko Yesu ali ni kolomu ka 12 wa malembe, a kombise leswaku a amurhandza ngopfu Papayi wa yena Yehovha. Leswo aswi kombise loko yena ni ndjangu wa yena va yendze va ya Yerusalema ka nhlanganu wa lisima ngopfu. Loko vali karhi va muka, Yosefa na Mariya va vone leswaku Yesu a angali na vona. Waswi tiva leswaku a ali kwini? —

Leswi swiyendle leswaku Yosefa na Mariya va karhateka ngopfu. Hi ndlela yoleyo va tlhelele Yerusalema vaya lavetela Yesu. Phela ava karhatekile hikuva avangamu kumi. Kambe endzhaku ka masiku manharhu, vamu kumi tempeleni! Waswi tiva leswaku hayini Yesu a ali tempeleni? — Hikuva atempeleni a ata djondza hi Papayi wakwe, Yehovha. A amurhandza Yehovha naswona a alava kudjondza ndlela ya kumu tsakisa. Hambiloko a kulile, Yesu a ayingisa Yehovha minkama hinkwayu. Yesu a ayingisa hambiloko leswo swimu karhatela kumbe swimu yendla a hlupheka. Xana Yesu a yingise Yosefa na Mariya? — Bibele yili ina, ava yingisile.

Xana unga djondza yini ka xikombisu xa Yesu? — U fanele u yingisa vapsali va wena hambiloko swi karhata. Xana utaswi yendla leswo? —