DJONDZO 13
Timotiya A Alava Kupfuna Vanhu
Timotiya a ali mumpsha lweyi a arhandza kupfuna vanhu. A yendze ka tindhawu totala leswaku a ya pfuna vanhu. Hi ndlela yoleyo, ave ni wutomi la kutsakisa ngopfu. Waswi lava kudjondza swin’wana hi yena? —
Mamana wa Timotiya ni kokwana wa yena vamu djondzise hi Yehovha
Timotiya a kuleli ka doropa leli ali vitaniwa Listra. Na ahali mutsongo ngopfu, kokwana wa yena Luwisa ni mamana wa yena Yunisi, vasungule kumu djondzisa hi Yehovha. Loko Timotiya ali karhi a kula, a alava ku pfuna vanhu leswaku va djondza hi Yehovha.
Loko Timotiya ahali mumpsha, Pawulo amu rhambe leswaku va yendza swin’we ka tindhawu to hambanahambana. Timotiya a pfumelile. Hakunene a aswilava ngopfu ku pfuna vanhu.
Timotiya a yendze swin’we na Pawulo. Vaye ka doropa la Macedônia leli vitaniwaka Tesalonika. Leswaku va fika, a kulaveka leswaku va famba mpfhuka woleha naswona va tlhela va famba hi boti. Loko va fikile, va pfune vanhu votala kudjondza hi Yehovha. Kambe van’wana vava hlundzukelile naswona ava lava kuva vavisa. Hi ndlela yoleyo Pawulo na Timotiya va fambi va ya chumayela ka tindhawu tin’wana.
Timotiya ave ni ntsaku lowukulu swinene ni wutomi la kahle
Endzhaku ka tiwheti, Pawulo a kombele Timotiya leswaku a tlhela a ya Tesalonika kuva a ya vona leswaku vamakwerhu aswiva fambela njhani. Phela leswo aswi lava xivindzi lexikulu leswaku a tlhela a ya ka doropa leli ali ni khombo! Timotiya a tlhelile hikuva a akarhateka hi vamakwerhu. A vuye ni mahungu ya ku tsakisa atama byela Pawulo. Vamakwerhu avali kahle swinene!
Timotiya a tirhi malembe yotala na Pawulo. Siku lin’wana, Pawulo a tsale leswaku Timotiya a ali munhu wa kahle, lweyi a atamu rhumela kuya pfuna mabandla. Hakunene Timotiya a arhandza Yehovha ni vanhu.
Xana wava rhandza vanhu naswona waswi lava kuva pfuna leswaku va djondza hi Yehovha? — Loko u yendla leswo, utava ni wutomi leli tsakisaka swinene, hilaha swiveke ha kona ka Timotiya!